Narayaniyam Dashaka 48 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 4𑍮 - 𑌨𑌳𑌕𑍂𑌬𑌰-𑌮𑌣𑌿𑌗𑍍𑌰𑍀𑌵𑌯𑍋𑌃 𑌶𑌾𑌪𑌮𑍋𑌕𑍍𑌷𑌮𑍍

𑌮𑍁𑌦𑌾 𑌸𑍁𑌰𑍌𑌘𑍈𑌸𑍍𑌤𑍍𑌵𑌮𑍁𑌦𑌾𑌰𑌸𑌮𑍍𑌮𑌦𑍈-
𑌰𑍁𑌦𑍀𑌰𑍍𑌯 𑌦𑌾𑌮𑍋𑌦𑌰 𑌇𑌤𑍍𑌯𑌭𑌿𑌷𑍍𑌟𑍁𑌤𑌃 ।
𑌮𑍃𑌦𑍁𑌦𑌰𑌃 𑌸𑍍𑌵𑍈𑌰𑌮𑍁𑌲𑍂𑌖𑌲𑍇 𑌲𑌗-
𑌨𑍍𑌨𑌦𑍂𑌰𑌤𑍋 𑌦𑍍𑌵𑍌 𑌕𑌕𑍁𑌭𑌾𑌵𑍁𑌦𑍈𑌕𑍍𑌷𑌥𑌾𑌃 ॥1॥

𑌕𑍁𑌬𑍇𑌰𑌸𑍂𑌨𑍁𑌰𑍍𑌨𑌲𑌕𑍂𑌬𑌰𑌾𑌭𑌿𑌧𑌃
𑌪𑌰𑍋 𑌮𑌣𑌿𑌗𑍍𑌰𑍀𑌵 𑌇𑌤𑌿 𑌪𑍍𑌰𑌥𑌾𑌂 𑌗𑌤𑌃 ।
𑌮𑌹𑍇𑌶𑌸𑍇𑌵𑌾𑌧𑌿𑌗𑌤𑌶𑍍𑌰𑌿𑌯𑍋𑌨𑍍𑌮𑌦𑍌
𑌚𑌿𑌰𑌂 𑌕𑌿𑌲 𑌤𑍍𑌵𑌦𑍍𑌵𑌿𑌮𑍁𑌖𑌾𑌵𑌖𑍇𑌲𑌤𑌾𑌮𑍍 ॥2॥

𑌸𑍁𑌰𑌾𑌪𑌗𑌾𑌯𑌾𑌂 𑌕𑌿𑌲 𑌤𑍌 𑌮𑌦𑍋𑌤𑍍𑌕𑌟𑍌
𑌸𑍁𑌰𑌾𑌪𑌗𑌾𑌯𑌦𑍍𑌬𑌹𑍁𑌯𑍌𑌵𑌤𑌾𑌵𑍃𑌤𑍌 ।
𑌵𑌿𑌵𑌾𑌸𑌸𑍌 𑌕𑍇𑌲𑌿𑌪𑌰𑍌 𑌸 𑌨𑌾𑌰𑌦𑍋
𑌭𑌵𑌤𑍍𑌪𑌦𑍈𑌕𑌪𑍍𑌰𑌵𑌣𑍋 𑌨𑌿𑌰𑍈𑌕𑍍𑌷𑌤 ॥3॥

𑌭𑌿𑌯𑌾 𑌪𑍍𑌰𑌿𑌯𑌾𑌲𑍋𑌕𑌮𑍁𑌪𑌾𑌤𑍍𑌤𑌵𑌾𑌸𑌸𑌂
𑌪𑍁𑌰𑍋 𑌨𑌿𑌰𑍀𑌕𑍍𑌷𑍍𑌯𑌾𑌪𑌿 𑌮𑌦𑌾𑌂𑌧𑌚𑍇𑌤𑌸𑍌 ।
𑌇𑌮𑍌 𑌭𑌵𑌦𑍍𑌭𑌕𑍍𑌤𑍍𑌯𑍁𑌪𑌶𑌾𑌂𑌤𑌿𑌸𑌿𑌦𑍍𑌧𑌯𑍇
𑌮𑍁𑌨𑌿𑌰𑍍𑌜𑌗𑍌 𑌶𑌾𑌂𑌤𑌿𑌮𑍃𑌤𑍇 𑌕𑍁𑌤𑌃 𑌸𑍁𑌖𑌮𑍍 ॥4॥

𑌯𑍁𑌵𑌾𑌮𑌵𑌾𑌪𑍍𑌤𑍌 𑌕𑌕𑍁𑌭𑌾𑌤𑍍𑌮𑌤𑌾𑌂 𑌚𑌿𑌰𑌂
𑌹𑌰𑌿𑌂 𑌨𑌿𑌰𑍀𑌕𑍍𑌷𑍍𑌯𑌾𑌥 𑌪𑌦𑌂 𑌸𑍍𑌵𑌮𑌾𑌪𑍍𑌨𑍁𑌤𑌮𑍍 ।
𑌇𑌤𑍀𑌰𑍇𑌤𑍌 𑌤𑍌 𑌭𑌵𑌦𑍀𑌕𑍍𑌷𑌣𑌸𑍍𑌪𑍃𑌹𑌾𑌂
𑌗𑌤𑍌 𑌵𑍍𑌰𑌜𑌾𑌂𑌤𑍇 𑌕𑌕𑍁𑌭𑍌 𑌬𑌭𑍂𑌵𑌤𑍁𑌃 ॥5॥

𑌅𑌤𑌂𑌦𑍍𑌰𑌮𑌿𑌂𑌦𑍍𑌰𑌦𑍍𑌰𑍁𑌯𑍁𑌗𑌂 𑌤𑌥𑌾𑌵𑌿𑌧𑌂
𑌸𑌮𑍇𑌯𑍁𑌷𑌾 𑌮𑌂𑌥𑌰𑌗𑌾𑌮𑌿𑌨𑌾 𑌤𑍍𑌵𑌯𑌾 ।
𑌤𑌿𑌰𑌾𑌯𑌿𑌤𑍋𑌲𑍂𑌖𑌲𑌰𑍋𑌧𑌨𑌿𑌰𑍍𑌧𑍁𑌤𑍌
𑌚𑌿𑌰𑌾𑌯 𑌜𑍀𑌰𑍍𑌣𑍌 𑌪𑌰𑌿𑌪𑌾𑌤𑌿𑌤𑍌 𑌤𑌰𑍂 ॥6॥

𑌅𑌭𑌾𑌜𑌿 𑌶𑌾𑌖𑌿𑌦𑍍𑌵𑌿𑌤𑌯𑌂 𑌯𑌦𑌾 𑌤𑍍𑌵𑌯𑌾
𑌤𑌦𑍈𑌵 𑌤𑌦𑍍𑌗𑌰𑍍𑌭𑌤𑌲𑌾𑌨𑍍𑌨𑌿𑌰𑍇𑌯𑍁𑌷𑌾 ।
𑌮𑌹𑌾𑌤𑍍𑌵𑌿𑌷𑌾 𑌯𑌕𑍍𑌷𑌯𑍁𑌗𑍇𑌨 𑌤𑌤𑍍𑌕𑍍𑌷𑌣𑌾-
𑌦𑌭𑌾𑌜𑌿 𑌗𑍋𑌵𑌿𑌂𑌦 𑌭𑌵𑌾𑌨𑌪𑌿 𑌸𑍍𑌤𑌵𑍈𑌃 ॥𑍭॥

𑌇𑌹𑌾𑌨𑍍𑌯𑌭𑌕𑍍𑌤𑍋𑌽𑌪𑌿 𑌸𑌮𑍇𑌷𑍍𑌯𑌤𑌿 𑌕𑍍𑌰𑌮𑌾𑌤𑍍
𑌭𑌵𑌂𑌤𑌮𑍇𑌤𑍌 𑌖𑌲𑍁 𑌰𑍁𑌦𑍍𑌰𑌸𑍇𑌵𑌕𑍌 ।
𑌮𑍁𑌨𑌿𑌪𑍍𑌰𑌸𑌾𑌦𑌾𑌦𑍍𑌭𑌵𑍍𑌦𑌂𑌘𑍍𑌰𑌿𑌮𑌾𑌗𑌤𑍌
𑌗𑌤𑍌 𑌵𑍃𑌣𑌾𑌨𑍌 𑌖𑌲𑍁 𑌭𑌕𑍍𑌤𑌿𑌮𑍁𑌤𑍍𑌤𑌮𑌾𑌮𑍍 ॥𑍮॥

𑌤𑌤𑌸𑍍𑌤𑌰𑍂𑌦𑍍𑌦𑌾𑌰𑌣𑌦𑌾𑌰𑍁𑌣𑌾𑌰𑌵-
𑌪𑍍𑌰𑌕𑌂𑌪𑌿𑌸𑌂𑌪𑌾𑌤𑌿𑌨𑌿 𑌗𑍋𑌪𑌮𑌂𑌡𑌲𑍇 ।
𑌵𑌿𑌲𑌜𑍍𑌜𑌿𑌤𑌤𑍍𑌵𑌜𑍍𑌜𑌨𑌨𑍀𑌮𑍁𑌖𑍇𑌕𑍍𑌷𑌿𑌣𑌾
𑌵𑍍𑌯𑌮𑍋𑌕𑍍𑌷𑌿 𑌨𑌂𑌦𑍇𑌨 𑌭𑌵𑌾𑌨𑍍 𑌵𑌿𑌮𑍋𑌕𑍍𑌷𑌦𑌃 ॥𑍯॥

𑌮𑌹𑍀𑌰𑍁𑌹𑍋𑌰𑍍𑌮𑌧𑍍𑌯𑌗𑌤𑍋 𑌬𑌤𑌾𑌰𑍍𑌭𑌕𑍋
𑌹𑌰𑍇𑌃 𑌪𑍍𑌰𑌭𑌾𑌵𑌾𑌦𑌪𑌰𑌿𑌕𑍍𑌷𑌤𑍋𑌽𑌧𑍁𑌨𑌾 ।
𑌇𑌤𑌿 𑌬𑍍𑌰𑍁𑌵𑌾𑌣𑍈𑌰𑍍𑌗𑌮𑌿𑌤𑍋 𑌗𑍃𑌹𑌂 𑌭𑌵𑌾𑌨𑍍
𑌮𑌰𑍁𑌤𑍍𑌪𑍁𑌰𑌾𑌧𑍀𑌶𑍍𑌵𑌰 𑌪𑌾𑌹𑌿 𑌮𑌾𑌂 𑌗𑌦𑌾𑌤𑍍 ॥10॥

Browse Related Categories: