Narayaniyam Dashaka 40 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 40 - 𑌪𑍂𑌤𑌨𑌾𑌮𑍋𑌕𑍍𑌷𑌮𑍍

𑌤𑌦𑌨𑍁 𑌨𑌂𑌦𑌮𑌮𑌂𑌦𑌶𑍁𑌭𑌾𑌸𑍍𑌪𑌦𑌂 𑌨𑍃𑌪𑌪𑍁𑌰𑍀𑌂 𑌕𑌰𑌦𑌾𑌨𑌕𑍃𑌤𑍇 𑌗𑌤𑌮𑍍।
𑌸𑌮𑌵𑌲𑍋𑌕𑍍𑌯 𑌜𑌗𑌾𑌦 𑌭𑌵𑌤𑍍𑌪𑌿𑌤𑌾 𑌵𑌿𑌦𑌿𑌤𑌕𑌂𑌸𑌸𑌹𑌾𑌯𑌜𑌨𑍋𑌦𑍍𑌯𑌮𑌃 ॥1॥

𑌅𑌯𑌿 𑌸𑌖𑍇 𑌤𑌵 𑌬𑌾𑌲𑌕𑌜𑌨𑍍𑌮 𑌮𑌾𑌂 𑌸𑍁𑌖𑌯𑌤𑍇𑌽𑌦𑍍𑌯 𑌨𑌿𑌜𑌾𑌤𑍍𑌮𑌜𑌜𑌨𑍍𑌮𑌵𑌤𑍍 ।
𑌇𑌤𑌿 𑌭𑌵𑌤𑍍𑌪𑌿𑌤𑍃𑌤𑌾𑌂 𑌵𑍍𑌰𑌜𑌨𑌾𑌯𑌕𑍇 𑌸𑌮𑌧𑌿𑌰𑍋𑌪𑍍𑌯 𑌶𑌶𑌂𑌸 𑌤𑌮𑌾𑌦𑌰𑌾𑌤𑍍 ॥2॥

𑌇𑌹 𑌚 𑌸𑌂𑌤𑍍𑌯𑌨𑌿𑌮𑌿𑌤𑍍𑌤𑌶𑌤𑌾𑌨𑌿 𑌤𑍇 𑌕𑌟𑌕𑌸𑍀𑌮𑍍𑌨𑌿 𑌤𑌤𑍋 𑌲𑌘𑍁 𑌗𑌮𑍍𑌯𑌤𑌾𑌮𑍍 ।
𑌇𑌤𑌿 𑌚 𑌤𑌦𑍍𑌵𑌚𑌸𑌾 𑌵𑍍𑌰𑌜𑌨𑌾𑌯𑌕𑍋 𑌭𑌵𑌦𑌪𑌾𑌯𑌭𑌿𑌯𑌾 𑌦𑍍𑌰𑍁𑌤𑌮𑌾𑌯𑌯𑍌 ॥3॥

𑌅𑌵𑌸𑌰𑍇 𑌖𑌲𑍁 𑌤𑌤𑍍𑌰 𑌚 𑌕𑌾𑌚𑌨 𑌵𑍍𑌰𑌜𑌪𑌦𑍇 𑌮𑌧𑍁𑌰𑌾𑌕𑍃𑌤𑌿𑌰𑌂𑌗𑌨𑌾 ।
𑌤𑌰𑌲𑌷𑌟𑍍𑌪𑌦𑌲𑌾𑌲𑌿𑌤𑌕𑍁𑌂𑌤𑌲𑌾 𑌕𑌪𑌟𑌪𑍋𑌤𑌕 𑌤𑍇 𑌨𑌿𑌕𑌟𑌂 𑌗𑌤𑌾 ॥4॥

𑌸𑌪𑌦𑌿 𑌸𑌾 𑌹𑍃𑌤𑌬𑌾𑌲𑌕𑌚𑍇𑌤𑌨𑌾 𑌨𑌿𑌶𑌿𑌚𑌰𑌾𑌨𑍍𑌵𑌯𑌜𑌾 𑌕𑌿𑌲 𑌪𑍂𑌤𑌨𑌾 ।
𑌵𑍍𑌰𑌜𑌵𑌧𑍂𑌷𑍍𑌵𑌿𑌹 𑌕𑍇𑌯𑌮𑌿𑌤𑌿 𑌕𑍍𑌷𑌣𑌂 𑌵𑌿𑌮𑍃𑌶𑌤𑍀𑌷𑍁 𑌭𑌵𑌂𑌤𑌮𑍁𑌪𑌾𑌦𑌦𑍇 ॥5॥

𑌲𑌲𑌿𑌤𑌭𑌾𑌵𑌵𑌿𑌲𑌾𑌸𑌹𑍃𑌤𑌾𑌤𑍍𑌮𑌭𑌿𑌰𑍍𑌯𑍁𑌵𑌤𑌿𑌭𑌿𑌃 𑌪𑍍𑌰𑌤𑌿𑌰𑍋𑌦𑍍𑌧𑍁𑌮𑌪𑌾𑌰𑌿𑌤𑌾 ।
𑌸𑍍𑌤𑌨𑌮𑌸𑍌 𑌭𑌵𑌨𑌾𑌂𑌤𑌨𑌿𑌷𑍇𑌦𑍁𑌷𑍀 𑌪𑍍𑌰𑌦𑌦𑍁𑌷𑍀 𑌭𑌵𑌤𑍇 𑌕𑌪𑌟𑌾𑌤𑍍𑌮𑌨𑍇 ॥5॥

𑌸𑌮𑌧𑌿𑌰𑍁𑌹𑍍𑌯 𑌤𑌦𑌂𑌕𑌮𑌶𑌂𑌕𑌿𑌤𑌸𑍍𑌤𑍍𑌵𑌮𑌥 𑌬𑌾𑌲𑌕𑌲𑍋𑌪𑌨𑌰𑍋𑌷𑌿𑌤𑌃 ।
𑌮𑌹𑌦𑌿𑌵𑌾𑌮𑍍𑌰𑌫𑌲𑌂 𑌕𑍁𑌚𑌮𑌂𑌡𑌲𑌂 𑌪𑍍𑌰𑌤𑌿𑌚𑍁𑌚𑍂𑌷𑌿𑌥 𑌦𑍁𑌰𑍍𑌵𑌿𑌷𑌦𑍂𑌷𑌿𑌤𑌮𑍍 ॥𑍭॥

𑌅𑌸𑍁𑌭𑌿𑌰𑍇𑌵 𑌸𑌮𑌂 𑌧𑌯𑌤𑌿 𑌤𑍍𑌵𑌯𑌿 𑌸𑍍𑌤𑌨𑌮𑌸𑍌 𑌸𑍍𑌤𑌨𑌿𑌤𑍋𑌪𑌮𑌨𑌿𑌸𑍍𑌵𑌨𑌾 ।
𑌨𑌿𑌰𑌪𑌤𑌦𑍍𑌭𑌯𑌦𑌾𑌯𑌿 𑌨𑌿𑌜𑌂 𑌵𑌪𑍁𑌃 𑌪𑍍𑌰𑌤𑌿𑌗𑌤𑌾 𑌪𑍍𑌰𑌵𑌿𑌸𑌾𑌰𑍍𑌯 𑌭𑍁𑌜𑌾𑌵𑍁𑌭𑍌 ॥𑍮॥

𑌭𑌯𑌦𑌘𑍋𑌷𑌣𑌭𑍀𑌷𑌣𑌵𑌿𑌗𑍍𑌰𑌹𑌶𑍍𑌰𑌵𑌣𑌦𑌰𑍍𑌶𑌨𑌮𑍋𑌹𑌿𑌤𑌵𑌲𑍍𑌲𑌵𑍇 ।
𑌵𑍍𑌰𑌜𑌪𑌦𑍇 𑌤𑌦𑍁𑌰𑌃𑌸𑍍𑌥𑌲𑌖𑍇𑌲𑌨𑌂 𑌨𑌨𑍁 𑌭𑌵𑌂𑌤𑌮𑌗𑍃𑌹𑍍𑌣𑌤 𑌗𑍋𑌪𑌿𑌕𑌾𑌃 ॥𑍯॥

𑌭𑍁𑌵𑌨𑌮𑌂𑌗𑌲𑌨𑌾𑌮𑌭𑌿𑌰𑍇𑌵 𑌤𑍇 𑌯𑍁𑌵𑌤𑌿𑌭𑌿𑌰𑍍𑌬𑌹𑍁𑌧𑌾 𑌕𑍃𑌤𑌰𑌕𑍍𑌷𑌣𑌃 ।
𑌤𑍍𑌵𑌮𑌯𑌿 𑌵𑌾𑌤𑌨𑌿𑌕𑍇𑌤𑌨𑌨𑌾𑌥 𑌮𑌾𑌮𑌗𑌦𑌯𑌨𑍍 𑌕𑍁𑌰𑍁 𑌤𑌾𑌵𑌕𑌸𑍇𑌵𑌕𑌮𑍍 ॥10॥

Browse Related Categories: