View this in:
English Devanagari Telugu Tamil Kannada Malayalam Gujarati Odia Bengali  |
Marathi Assamese Punjabi Hindi Samskritam Konkani Nepali Sinhala Grantha  |

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 3𑍮 - 𑌶𑍍𑌰𑍀𑌕𑍃𑌷𑍍𑌣𑌾𑌵𑌤𑌾𑌰𑌮𑍍

𑌆𑌨𑌂𑌦𑌰𑍂𑌪 𑌭𑌗𑌵𑌨𑍍𑌨𑌯𑌿 𑌤𑍇𑌽𑌵𑌤𑌾𑌰𑍇
𑌪𑍍𑌰𑌾𑌪𑍍𑌤𑍇 𑌪𑍍𑌰𑌦𑍀𑌪𑍍𑌤𑌭𑌵𑌦𑌂𑌗𑌨𑌿𑌰𑍀𑌯𑌮𑌾𑌣𑍈𑌃 ।
𑌕𑌾𑌂𑌤𑌿𑌵𑍍𑌰𑌜𑍈𑌰𑌿𑌵 𑌘𑌨𑌾𑌘𑌨𑌮𑌂𑌡𑌲𑍈𑌰𑍍𑌦𑍍𑌯𑌾-
𑌮𑌾𑌵𑍃𑌣𑍍𑌵𑌤𑍀 𑌵𑌿𑌰𑍁𑌰𑍁𑌚𑍇 𑌕𑌿𑌲 𑌵𑌰𑍍𑌷𑌵𑍇𑌲𑌾 ॥1॥

𑌆𑌶𑌾𑌸𑍁 𑌶𑍀𑌤𑌲𑌤𑌰𑌾𑌸𑍁 𑌪𑌯𑍋𑌦𑌤𑍋𑌯𑍈-
𑌰𑌾𑌶𑌾𑌸𑌿𑌤𑌾𑌪𑍍𑌤𑌿𑌵𑌿𑌵𑌶𑍇𑌷𑍁 𑌚 𑌸𑌜𑍍𑌜𑌨𑍇𑌷𑍁 ।
𑌨𑍈𑌶𑌾𑌕𑌰𑍋𑌦𑌯𑌵𑌿𑌧𑍌 𑌨𑌿𑌶𑌿 𑌮𑌧𑍍𑌯𑌮𑌾𑌯𑌾𑌂
𑌕𑍍𑌲𑍇𑌶𑌾𑌪𑌹𑌸𑍍𑌤𑍍𑌰𑌿𑌜𑌗𑌤𑌾𑌂 𑌤𑍍𑌵𑌮𑌿𑌹𑌾𑌵𑌿𑌰𑌾𑌸𑍀𑌃 ॥2॥

𑌬𑌾𑌲𑍍𑌯𑌸𑍍𑌪𑍃𑌶𑌾𑌽𑌪𑌿 𑌵𑌪𑍁𑌷𑌾 𑌦𑌧𑍁𑌷𑌾 𑌵𑌿𑌭𑍂𑌤𑍀-
𑌰𑍁𑌦𑍍𑌯𑌤𑍍𑌕𑌿𑌰𑍀𑌟𑌕𑌟𑌕𑌾𑌂𑌗𑌦𑌹𑌾𑌰𑌭𑌾𑌸𑌾 ।
𑌶𑌂𑌖𑌾𑌰𑌿𑌵𑌾𑌰𑌿𑌜𑌗𑌦𑌾𑌪𑌰𑌿𑌭𑌾𑌸𑌿𑌤𑍇𑌨
𑌮𑍇𑌘𑌾𑌸𑌿𑌤𑍇𑌨 𑌪𑌰𑌿𑌲𑍇𑌸𑌿𑌥 𑌸𑍂𑌤𑌿𑌗𑍇𑌹𑍇 ॥3॥

𑌵𑌕𑍍𑌷𑌃𑌸𑍍𑌥𑌲𑍀𑌸𑍁𑌖𑌨𑌿𑌲𑍀𑌨𑌵𑌿𑌲𑌾𑌸𑌿𑌲𑌕𑍍𑌷𑍍𑌮𑍀-
𑌮𑌂𑌦𑌾𑌕𑍍𑌷𑌲𑌕𑍍𑌷𑌿𑌤𑌕𑌟𑌾𑌕𑍍𑌷𑌵𑌿𑌮𑍋𑌕𑍍𑌷𑌭𑍇𑌦𑍈𑌃 ।
𑌤𑌨𑍍𑌮𑌂𑌦𑌿𑌰𑌸𑍍𑌯 𑌖𑌲𑌕𑌂𑌸𑌕𑍃𑌤𑌾𑌮𑌲𑌕𑍍𑌷𑍍𑌮𑍀-
𑌮𑍁𑌨𑍍𑌮𑌾𑌰𑍍𑌜𑌯𑌨𑍍𑌨𑌿𑌵 𑌵𑌿𑌰𑍇𑌜𑌿𑌥 𑌵𑌾𑌸𑍁𑌦𑍇𑌵 ॥4॥

𑌶𑍌𑌰𑌿𑌸𑍍𑌤𑍁 𑌧𑍀𑌰𑌮𑍁𑌨𑌿𑌮𑌂𑌡𑌲𑌚𑍇𑌤𑌸𑍋𑌽𑌪𑌿
𑌦𑍂𑌰𑌸𑍍𑌥𑌿𑌤𑌂 𑌵𑌪𑍁𑌰𑍁𑌦𑍀𑌕𑍍𑌷𑍍𑌯 𑌨𑌿𑌜𑍇𑌕𑍍𑌷𑌣𑌾𑌭𑍍𑌯𑌾𑌮𑍍 ॥
𑌆𑌨𑌂𑌦𑌵𑌾𑌷𑍍𑌪𑌪𑍁𑌲𑌕𑍋𑌦𑍍𑌗𑌮𑌗𑌦𑍍𑌗𑌦𑌾𑌰𑍍𑌦𑍍𑌰-
𑌸𑍍𑌤𑍁𑌷𑍍𑌟𑌾𑌵 𑌦𑍃𑌷𑍍𑌟𑌿𑌮𑌕𑌰𑌂𑌦𑌰𑌸𑌂 𑌭𑌵𑌂𑌤𑌮𑍍 ॥5॥

𑌦𑍇𑌵 𑌪𑍍𑌰𑌸𑍀𑌦 𑌪𑌰𑌪𑍂𑌰𑍁𑌷 𑌤𑌾𑌪𑌵𑌲𑍍𑌲𑍀-
𑌨𑌿𑌰𑍍𑌲𑍂𑌨𑌦𑌾𑌤𑍍𑌰𑌸𑌮𑌨𑍇𑌤𑍍𑌰𑌕𑌲𑌾𑌵𑌿𑌲𑌾𑌸𑌿𑌨𑍍 ।
𑌖𑍇𑌦𑌾𑌨𑌪𑌾𑌕𑍁𑌰𑍁 𑌕𑍃𑌪𑌾𑌗𑍁𑌰𑍁𑌭𑌿𑌃 𑌕𑌟𑌾𑌕𑍍𑌷𑍈-
𑌰𑌿𑌤𑍍𑌯𑌾𑌦𑌿 𑌤𑍇𑌨 𑌮𑍁𑌦𑌿𑌤𑍇𑌨 𑌚𑌿𑌰𑌂 𑌨𑍁𑌤𑍋𑌽𑌭𑍂𑌃 ॥6॥

𑌮𑌾𑌤𑍍𑌰𑌾 𑌚 𑌨𑍇𑌤𑍍𑌰𑌸𑌲𑌿𑌲𑌾𑌸𑍍𑌤𑍃𑌤𑌗𑌾𑌤𑍍𑌰𑌵𑌲𑍍𑌯𑌾
𑌸𑍍𑌤𑍋𑌤𑍍𑌰𑍈𑌰𑌭𑌿𑌷𑍍𑌟𑍁𑌤𑌗𑍁𑌣𑌃 𑌕𑌰𑍁𑌣𑌾𑌲𑌯𑌸𑍍𑌤𑍍𑌵𑌮𑍍 ।
𑌪𑍍𑌰𑌾𑌚𑍀𑌨𑌜𑌨𑍍𑌮𑌯𑍁𑌗𑌲𑌂 𑌪𑍍𑌰𑌤𑌿𑌬𑍋𑌧𑍍𑌯 𑌤𑌾𑌭𑍍𑌯𑌾𑌂
𑌮𑌾𑌤𑍁𑌰𑍍𑌗𑌿𑌰𑌾 𑌦𑌧𑌿𑌥 𑌮𑌾𑌨𑍁𑌷𑌬𑌾𑌲𑌵𑍇𑌷𑌮𑍍 ॥𑍭॥

𑌤𑍍𑌵𑌤𑍍𑌪𑍍𑌰𑍇𑌰𑌿𑌤𑌸𑍍𑌤𑌦𑌨𑍁 𑌨𑌂𑌦𑌤𑌨𑍂𑌜𑌯𑌾 𑌤𑍇
𑌵𑍍𑌯𑌤𑍍𑌯𑌾𑌸𑌮𑌾𑌰𑌚𑌯𑌿𑌤𑍁𑌂 𑌸 𑌹𑌿 𑌶𑍂𑌰𑌸𑍂𑌨𑍁𑌃 ।
𑌤𑍍𑌵𑌾𑌂 𑌹𑌸𑍍𑌤𑌯𑍋𑌰𑌧𑍃𑌤 𑌚𑌿𑌤𑍍𑌤𑌵𑌿𑌧𑌾𑌰𑍍𑌯𑌮𑌾𑌰𑍍𑌯𑍈-
𑌰𑌂𑌭𑍋𑌰𑍁𑌹𑌸𑍍𑌥𑌕𑌲𑌹𑌂𑌸𑌕𑌿𑌶𑍋𑌰𑌰𑌮𑍍𑌯𑌮𑍍 ॥𑍮॥

𑌜𑌾𑌤𑌾 𑌤𑌦𑌾 𑌪𑌶𑍁𑌪𑌸𑌦𑍍𑌮𑌨𑌿 𑌯𑍋𑌗𑌨𑌿𑌦𑍍𑌰𑌾 ।
𑌨𑌿𑌦𑍍𑌰𑌾𑌵𑌿𑌮𑍁𑌦𑍍𑌰𑌿𑌤𑌮𑌥𑌾𑌕𑍃𑌤 𑌪𑍌𑌰𑌲𑍋𑌕𑌮𑍍 ।
𑌤𑍍𑌵𑌤𑍍𑌪𑍍𑌰𑍇𑌰𑌣𑌾𑌤𑍍 𑌕𑌿𑌮𑌿𑌵 𑌚𑌿𑌤𑍍𑌰𑌮𑌚𑍇𑌤𑌨𑍈𑌰𑍍𑌯𑌦𑍍-
𑌦𑍍𑌵𑌾𑌰𑍈𑌃 𑌸𑍍𑌵𑌯𑌂 𑌵𑍍𑌯𑌘𑌟𑌿 𑌸𑌂𑌘𑌟𑌿𑌤𑍈𑌃 𑌸𑍁𑌗𑌾𑌢𑌮𑍍 ॥𑍯॥

𑌶𑍇𑌷𑍇𑌣 𑌭𑍂𑌰𑌿𑌫𑌣𑌵𑌾𑌰𑌿𑌤𑌵𑌾𑌰𑌿𑌣𑌾𑌽𑌥
𑌸𑍍𑌵𑍈𑌰𑌂 𑌪𑍍𑌰𑌦𑌰𑍍𑌶𑌿𑌤𑌪𑌥𑍋 𑌮𑌣𑌿𑌦𑍀𑌪𑌿𑌤𑍇𑌨 ।
𑌤𑍍𑌵𑌾𑌂 𑌧𑌾𑌰𑌯𑌨𑍍 𑌸 𑌖𑌲𑍁 𑌧𑌨𑍍𑌯𑌤𑌮𑌃 𑌪𑍍𑌰𑌤𑌸𑍍𑌥𑍇
𑌸𑍋𑌽𑌯𑌂 𑌤𑍍𑌵𑌮𑍀𑌶 𑌮𑌮 𑌨𑌾𑌶𑌯 𑌰𑍋𑌗𑌵𑍇𑌗𑌾𑌨𑍍 ॥10॥




Browse Related Categories: