Narayaniyam Dashaka 90 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 𑍯0

𑌵𑍃𑌕𑌭𑍃𑌗𑍁𑌮𑍁𑌨𑌿𑌮𑍋𑌹𑌿𑌨𑍍𑌯𑌂𑌬𑌰𑍀𑌷𑌾𑌦𑌿𑌵𑍃𑌤𑍍𑌤𑍇-
𑌷𑍍𑌵𑌯𑌿 𑌤𑌵 𑌹𑌿 𑌮𑌹𑌤𑍍𑌤𑍍𑌵𑌂 𑌸𑌰𑍍𑌵𑌶𑌰𑍍𑌵𑌾𑌦𑌿𑌜𑍈𑌤𑍍𑌰𑌮𑍍 ।
𑌸𑍍𑌥𑌿𑌤𑌮𑌿𑌹 𑌪𑌰𑌮𑌾𑌤𑍍𑌮𑌨𑍍 𑌨𑌿𑌷𑍍𑌕𑌲𑌾𑌰𑍍𑌵𑌾𑌗𑌭𑌿𑌨𑍍𑌨𑌂
𑌕𑌿𑌮𑌪𑌿 𑌯𑌦𑌵𑌭𑌾𑌤𑌂 𑌤𑌦𑍍𑌧𑌿 𑌰𑍂𑌪𑌂 𑌤𑌵𑍈𑌵 ॥1॥

𑌮𑍂𑌰𑍍𑌤𑌿𑌤𑍍𑌰𑌯𑍇𑌶𑍍𑌵𑌰𑌸𑌦𑌾𑌶𑌿𑌵𑌪𑌂𑌚𑌕𑌂 𑌯𑌤𑍍
𑌪𑍍𑌰𑌾𑌹𑍁𑌃 𑌪𑌰𑌾𑌤𑍍𑌮𑌵𑌪𑍁𑌰𑍇𑌵 𑌸𑌦𑌾𑌶𑌿𑌵𑍋𑌽𑌸𑍍𑌮𑌿𑌨𑍍 ।
𑌤𑌤𑍍𑌰𑍇𑌶𑍍𑌵𑌰𑌸𑍍𑌤𑍁 𑌸 𑌵𑌿𑌕𑍁𑌂𑌠𑌪𑌦𑌸𑍍𑌤𑍍𑌵𑌮𑍇𑌵
𑌤𑍍𑌰𑌿𑌤𑍍𑌵𑌂 𑌪𑍁𑌨𑌰𑍍𑌭𑌜𑌸𑌿 𑌸𑌤𑍍𑌯𑌪𑌦𑍇 𑌤𑍍𑌰𑌿𑌭𑌾𑌗𑍇 ॥2॥

𑌤𑌤𑍍𑌰𑌾𑌪𑌿 𑌸𑌾𑌤𑍍𑌤𑍍𑌵𑌿𑌕𑌤𑌨𑍁𑌂 𑌤𑌵 𑌵𑌿𑌷𑍍𑌣𑍁𑌮𑌾𑌹𑍁-
𑌰𑍍𑌧𑌾𑌤𑌾 𑌤𑍁 𑌸𑌤𑍍𑌤𑍍𑌵𑌵𑌿𑌰𑌲𑍋 𑌰𑌜𑌸𑍈𑌵 𑌪𑍂𑌰𑍍𑌣𑌃 ।
𑌸𑌤𑍍𑌤𑍍𑌵𑍋𑌤𑍍𑌕𑌟𑌤𑍍𑌵𑌮𑌪𑌿 𑌚𑌾𑌸𑍍𑌤𑌿 𑌤𑌮𑍋𑌵𑌿𑌕𑌾𑌰-
𑌚𑍇𑌷𑍍𑌟𑌾𑌦𑌿𑌕𑌂𑌚 𑌤𑌵 𑌶𑌂𑌕𑌰𑌨𑌾𑌮𑍍𑌨𑌿 𑌮𑍂𑌰𑍍𑌤𑍌 ॥3॥

𑌤𑌂 𑌚 𑌤𑍍𑌰𑌿𑌮𑍂𑌰𑍍𑌤𑍍𑌯𑌤𑌿𑌗𑌤𑌂 𑌪𑌰𑌪𑍂𑌰𑍁𑌷𑌂 𑌤𑍍𑌵𑌾𑌂
𑌶𑌰𑍍𑌵𑌾𑌤𑍍𑌮𑌨𑌾𑌪𑌿 𑌖𑌲𑍁 𑌸𑌰𑍍𑌵𑌮𑌯𑌤𑍍𑌵𑌹𑍇𑌤𑍋𑌃 ।
𑌶𑌂𑌸𑌂𑌤𑍍𑌯𑍁𑌪𑌾𑌸𑌨𑌵𑌿𑌧𑍌 𑌤𑌦𑌪𑌿 𑌸𑍍𑌵𑌤𑌸𑍍𑌤𑍁
𑌤𑍍𑌵𑌦𑍍𑌰𑍂𑌪𑌮𑌿𑌤𑍍𑌯𑌤𑌿𑌦𑍃𑌢𑌂 𑌬𑌹𑍁 𑌨𑌃 𑌪𑍍𑌰𑌮𑌾𑌣𑌮𑍍 ॥4॥

𑌶𑍍𑌰𑍀𑌶𑌂𑌕𑌰𑍋𑌽𑌪𑌿 𑌭𑌗𑌵𑌾𑌨𑍍 𑌸𑌕𑌲𑍇𑌷𑍁 𑌤𑌾𑌵-
𑌤𑍍𑌤𑍍𑌵𑌾𑌮𑍇𑌵 𑌮𑌾𑌨𑌯𑌤𑌿 𑌯𑍋 𑌨 𑌹𑌿 𑌪𑌕𑍍𑌷𑌪𑌾𑌤𑍀 ।
𑌤𑍍𑌵𑌨𑍍𑌨𑌿𑌷𑍍𑌠𑌮𑍇𑌵 𑌸 𑌹𑌿 𑌨𑌾𑌮𑌸𑌹𑌸𑍍𑌰𑌕𑌾𑌦𑌿
𑌵𑍍𑌯𑌾𑌖𑍍𑌯𑌾𑌤𑍍 𑌭𑌵𑌤𑍍𑌸𑍍𑌤𑍁𑌤𑌿𑌪𑌰𑌶𑍍𑌚 𑌗𑌤𑌿𑌂 𑌗𑌤𑍋𑌽𑌂𑌤𑍇 ॥5॥

𑌮𑍂𑌰𑍍𑌤𑌿𑌤𑍍𑌰𑌯𑌾𑌤𑌿𑌗𑌮𑍁𑌵𑌾𑌚 𑌚 𑌮𑌂𑌤𑍍𑌰𑌶𑌾𑌸𑍍𑌤𑍍𑌰-
𑌸𑍍𑌯𑌾𑌦𑍌 𑌕𑌲𑌾𑌯𑌸𑍁𑌷𑌮𑌂 𑌸𑌕𑌲𑍇𑌶𑍍𑌵𑌰𑌂 𑌤𑍍𑌵𑌾𑌮𑍍 ।
𑌧𑍍𑌯𑌾𑌨𑌂 𑌚 𑌨𑌿𑌷𑍍𑌕𑌲𑌮𑌸𑍌 𑌪𑍍𑌰𑌣𑌵𑍇 𑌖𑌲𑍂𑌕𑍍𑌤𑍍𑌵𑌾
𑌤𑍍𑌵𑌾𑌮𑍇𑌵 𑌤𑌤𑍍𑌰 𑌸𑌕𑌲𑌂 𑌨𑌿𑌜𑌗𑌾𑌦 𑌨𑌾𑌨𑍍𑌯𑌮𑍍 ॥6॥

𑌸𑌮𑌸𑍍𑌤𑌸𑌾𑌰𑍇 𑌚 𑌪𑍁𑌰𑌾𑌣𑌸𑌂𑌗𑍍𑌰𑌹𑍇
𑌵𑌿𑌸𑌂𑌶𑌯𑌂 𑌤𑍍𑌵𑌨𑍍𑌮𑌹𑌿𑌮𑍈𑌵 𑌵𑌰𑍍𑌣𑍍𑌯𑌤𑍇 ।
𑌤𑍍𑌰𑌿𑌮𑍂𑌰𑍍𑌤𑌿𑌯𑍁𑌕𑍍𑌸𑌤𑍍𑌯𑌪𑌦𑌤𑍍𑌰𑌿𑌭𑌾𑌗𑌤𑌃
𑌪𑌰𑌂 𑌪𑌦𑌂 𑌤𑍇 𑌕𑌥𑌿𑌤𑌂 𑌨 𑌶𑍂𑌲𑌿𑌨𑌃 ॥𑍭॥

𑌯𑌤𑍍 𑌬𑍍𑌰𑌾𑌹𑍍𑌮𑌕𑌲𑍍𑌪 𑌇𑌹 𑌭𑌾𑌗𑌵𑌤𑌦𑍍𑌵𑌿𑌤𑍀𑌯-
𑌸𑍍𑌕𑌂𑌧𑍋𑌦𑌿𑌤𑌂 𑌵𑌪𑍁𑌰𑌨𑌾𑌵𑍃𑌤𑌮𑍀𑌶 𑌧𑌾𑌤𑍍𑌰𑍇 ।
𑌤𑌸𑍍𑌯𑍈𑌵 𑌨𑌾𑌮 𑌹𑌰𑌿𑌶𑌰𑍍𑌵𑌮𑍁𑌖𑌂 𑌜𑌗𑌾𑌦
𑌶𑍍𑌰𑍀𑌮𑌾𑌧𑌵𑌃 𑌶𑌿𑌵𑌪𑌰𑍋𑌽𑌪𑌿 𑌪𑍁𑌰𑌾𑌣𑌸𑌾𑌰𑍇 ॥𑍮॥

𑌯𑍇 𑌸𑍍𑌵𑌪𑍍𑌰𑌕𑍃𑌤𑍍𑌯𑌨𑍁𑌗𑍁𑌣𑌾 𑌗𑌿𑌰𑌿𑌶𑌂 𑌭𑌜𑌂𑌤𑍇
𑌤𑍇𑌷𑌾𑌂 𑌫𑌲𑌂 𑌹𑌿 𑌦𑍃𑌢𑌯𑍈𑌵 𑌤𑌦𑍀𑌯𑌭𑌕𑍍𑌤𑍍𑌯𑌾।
𑌵𑍍𑌯𑌾𑌸𑍋 𑌹𑌿 𑌤𑍇𑌨 𑌕𑍃𑌤𑌵𑌾𑌨𑌧𑌿𑌕𑌾𑌰𑌿𑌹𑍇𑌤𑍋𑌃
𑌸𑍍𑌕𑌂𑌦𑌾𑌦𑌿𑌕𑍇𑌷𑍁 𑌤𑌵 𑌹𑌾𑌨𑌿𑌵𑌚𑍋𑌽𑌰𑍍𑌥𑌵𑌾𑌦𑍈𑌃 ॥𑍯॥

𑌭𑍂𑌤𑌾𑌰𑍍𑌥𑌕𑍀𑌰𑍍𑌤𑌿𑌰𑌨𑍁𑌵𑌾𑌦𑌵𑌿𑌰𑍁𑌦𑍍𑌧𑌵𑌾𑌦𑍌
𑌤𑍍𑌰𑍇𑌧𑌾𑌰𑍍𑌥𑌵𑌾𑌦𑌗𑌤𑌯𑌃 𑌖𑌲𑍁 𑌰𑍋𑌚𑌨𑌾𑌰𑍍𑌥𑌾𑌃 ।
𑌸𑍍𑌕𑌾𑌂𑌦𑌾𑌦𑌿𑌕𑍇𑌷𑍁 𑌬𑌹𑌵𑍋𑌽𑌤𑍍𑌰 𑌵𑌿𑌰𑍁𑌦𑍍𑌧𑌵𑌾𑌦𑌾-
𑌸𑍍𑌤𑍍𑌵𑌤𑍍𑌤𑌾𑌮𑌸𑌤𑍍𑌵𑌪𑌰𑌿𑌭𑍂𑌤𑍍𑌯𑍁𑌪𑌶𑌿𑌕𑍍𑌷𑌣𑌾𑌦𑍍𑌯𑌾𑌃 ॥10॥

𑌯𑌤𑍍 𑌕𑌿𑌂𑌚𑌿𑌦𑌪𑍍𑌯𑌵𑌿𑌦𑍁𑌷𑌾𑌽𑌪𑌿 𑌵𑌿𑌭𑍋 𑌮𑌯𑍋𑌕𑍍𑌤𑌂
𑌤𑌨𑍍𑌮𑌂𑌤𑍍𑌰𑌶𑌾𑌸𑍍𑌤𑍍𑌰𑌵𑌚𑌨𑌾𑌦𑍍𑌯𑌭𑌿𑌦𑍃𑌷𑍍𑌟𑌮𑍇𑌵 ।
𑌵𑍍𑌯𑌾𑌸𑍋𑌕𑍍𑌤𑌿𑌸𑌾𑌰𑌮𑌯𑌭𑌾𑌗𑌵𑌤𑍋𑌪𑌗𑍀𑌤
𑌕𑍍𑌲𑍇𑌶𑌾𑌨𑍍 𑌵𑌿𑌧𑍂𑌯 𑌕𑍁𑌰𑍁 𑌭𑌕𑍍𑌤𑌿𑌭𑌰𑌂 𑌪𑌰𑌾𑌤𑍍𑌮𑌨𑍍 ॥11॥

Browse Related Categories: