Narayaniyam Dashaka 49 - Grantha

Collection of Spiritual and Devotional Literature in Various Indian Languages

View this in:

𑌨𑌾𑌰𑌾𑌯𑌣𑍀𑌯𑌂 𑌦𑌶𑌕 4𑍯 - 𑌵𑍃𑌂𑌦𑌾𑌵𑌨𑌪𑍍𑌰𑌵𑍇𑌶𑌮𑍍

𑌭𑌵𑌤𑍍𑌪𑍍𑌰𑌭𑌾𑌵𑌾𑌵𑌿𑌦𑍁𑌰𑌾 𑌹𑌿 𑌗𑍋𑌪𑌾𑌸𑍍𑌤𑌰𑍁𑌪𑍍𑌰𑌪𑌾𑌤𑌾𑌦𑌿𑌕𑌮𑌤𑍍𑌰 𑌗𑍋𑌷𑍍𑌠𑍇 ।
𑌅𑌹𑍇𑌤𑍁𑌮𑍁𑌤𑍍𑌪𑌾𑌤𑌗𑌣𑌂 𑌵𑌿𑌶𑌂𑌕𑍍𑌯 𑌪𑍍𑌰𑌯𑌾𑌤𑍁𑌮𑌨𑍍𑌯𑌤𑍍𑌰 𑌮𑌨𑍋 𑌵𑌿𑌤𑍇𑌨𑍁𑌃 ॥1॥

𑌤𑌤𑍍𑌰𑍋𑌪𑌨𑌂𑌦𑌾𑌭𑌿𑌧𑌗𑍋𑌪𑌵𑌰𑍍𑌯𑍋 𑌜𑌗𑍌 𑌭𑌵𑌤𑍍𑌪𑍍𑌰𑍇𑌰𑌣𑌯𑍈𑌵 𑌨𑍂𑌨𑌮𑍍 ।
𑌇𑌤𑌃 𑌪𑍍𑌰𑌤𑍀𑌚𑍍𑌯𑌾𑌂 𑌵𑌿𑌪𑌿𑌨𑌂 𑌮𑌨𑍋𑌜𑍍𑌞𑌂 𑌵𑍃𑌂𑌦𑌾𑌵𑌨𑌂 𑌨𑌾𑌮 𑌵𑌿𑌰𑌾𑌜𑌤𑍀𑌤𑌿 ॥2॥

𑌬𑍃𑌹𑌦𑍍𑌵𑌨𑌂 𑌤𑌤𑍍 𑌖𑌲𑍁 𑌨𑌂𑌦𑌮𑍁𑌖𑍍𑌯𑌾 𑌵𑌿𑌧𑌾𑌯 𑌗𑍌𑌷𑍍𑌠𑍀𑌨𑌮𑌥 𑌕𑍍𑌷𑌣𑍇𑌨 ।
𑌤𑍍𑌵𑌦𑌨𑍍𑌵𑌿𑌤𑌤𑍍𑌵𑌜𑍍𑌜𑌨𑌨𑍀𑌨𑌿𑌵𑌿𑌷𑍍𑌟𑌗𑌰𑌿𑌷𑍍𑌠𑌯𑌾𑌨𑌾𑌨𑍁𑌗𑌤𑌾 𑌵𑌿𑌚𑍇𑌲𑍁𑌃 ॥3॥

𑌅𑌨𑍋𑌮𑌨𑍋𑌜𑍍𑌞𑌧𑍍𑌵𑌨𑌿𑌧𑍇𑌨𑍁𑌪𑌾𑌲𑍀𑌖𑍁𑌰𑌪𑍍𑌰𑌣𑌾𑌦𑌾𑌂𑌤𑌰𑌤𑍋 𑌵𑌧𑍂𑌭𑌿𑌃 ।
𑌭𑌵𑌦𑍍𑌵𑌿𑌨𑍋𑌦𑌾𑌲𑌪𑌿𑌤𑌾𑌕𑍍𑌷𑌰𑌾𑌣𑌿 𑌪𑍍𑌰𑌪𑍀𑌯 𑌨𑌾𑌜𑍍𑌞𑌾𑌯𑌤 𑌮𑌾𑌰𑍍𑌗𑌦𑍈𑌰𑍍𑌘𑍍𑌯𑌮𑍍 ॥4॥

𑌨𑌿𑌰𑍀𑌕𑍍𑌷𑍍𑌯 𑌵𑍃𑌂𑌦𑌾𑌵𑌨𑌮𑍀𑌶 𑌨𑌂𑌦𑌤𑍍𑌪𑍍𑌰𑌸𑍂𑌨𑌕𑍁𑌂𑌦𑌪𑍍𑌰𑌮𑍁𑌖𑌦𑍍𑌰𑍁𑌮𑍌𑌘𑌮𑍍 ।
𑌅𑌮𑍋𑌦𑌥𑌾𑌃 𑌶𑌾𑌦𑍍𑌵𑌲𑌸𑌾𑌂𑌦𑍍𑌰𑌲𑌕𑍍𑌷𑍍𑌮𑍍𑌯𑌾 𑌹𑌰𑌿𑌨𑍍𑌮𑌣𑍀𑌕𑍁𑌟𑍍𑌟𑌿𑌮𑌪𑍁𑌷𑍍𑌟𑌶𑍋𑌭𑌮𑍍 ॥5॥

𑌨𑌵𑌾𑌕𑌨𑌿𑌰𑍍𑌵𑍍𑌯𑍂𑌢𑌨𑌿𑌵𑌾𑌸𑌭𑍇𑌦𑍇𑌷𑍍𑌵𑌶𑍇𑌷𑌗𑍋𑌪𑍇𑌷𑍁 𑌸𑍁𑌖𑌾𑌸𑌿𑌤𑍇𑌷𑍁 ।
𑌵𑌨𑌶𑍍𑌰𑌿𑌯𑌂 𑌗𑍋𑌪𑌕𑌿𑌶𑍋𑌰𑌪𑌾𑌲𑍀𑌵𑌿𑌮𑌿𑌶𑍍𑌰𑌿𑌤𑌃 𑌪𑌰𑍍𑌯𑌗𑌲𑍋𑌕𑌥𑌾𑌸𑍍𑌤𑍍𑌵𑌮𑍍 ॥6॥

𑌅𑌰𑌾𑌲𑌮𑌾𑌰𑍍𑌗𑌾𑌗𑌤𑌨𑌿𑌰𑍍𑌮𑌲𑌾𑌪𑌾𑌂 𑌮𑌰𑌾𑌲𑌕𑍂𑌜𑌾𑌕𑍃𑌤𑌨𑌰𑍍𑌮𑌲𑌾𑌪𑌾𑌮𑍍 ।
𑌨𑌿𑌰𑌂𑌤𑌰𑌸𑍍𑌮𑍇𑌰𑌸𑌰𑍋𑌜𑌵𑌕𑍍𑌤𑍍𑌰𑌾𑌂 𑌕𑌲𑌿𑌂𑌦𑌕𑌨𑍍𑌯𑌾𑌂 𑌸𑌮𑌲𑍋𑌕𑌯𑌸𑍍𑌤𑍍𑌵𑌮𑍍 ॥𑍭॥

𑌮𑌯𑍂𑌰𑌕𑍇𑌕𑌾𑌶𑌤𑌲𑍋𑌭𑌨𑍀𑌯𑌂 𑌮𑌯𑍂𑌖𑌮𑌾𑌲𑌾𑌶𑌬𑌲𑌂 𑌮𑌣𑍀𑌨𑌾𑌮𑍍 ।
𑌵𑌿𑌰𑌿𑌂𑌚𑌲𑍋𑌕𑌸𑍍𑌪𑍃𑌶𑌮𑍁𑌚𑍍𑌚𑌶𑍃𑌂𑌗𑍈𑌰𑍍𑌗𑌿𑌰𑌿𑌂 𑌚 𑌗𑍋𑌵𑌰𑍍𑌧𑌨𑌮𑍈𑌕𑍍𑌷𑌥𑌾𑌸𑍍𑌤𑍍𑌵𑌮𑍍 ॥𑍮॥

𑌸𑌮𑌂 𑌤𑌤𑍋 𑌗𑍋𑌪𑌕𑍁𑌮𑌾𑌰𑌕𑍈𑌸𑍍𑌤𑍍𑌵𑌂 𑌸𑌮𑌂𑌤𑌤𑍋 𑌯𑌤𑍍𑌰 𑌵𑌨𑌾𑌂𑌤𑌮𑌾𑌗𑌾𑌃 ।
𑌤𑌤𑌸𑍍𑌤𑌤𑌸𑍍𑌤𑌾𑌂 𑌕𑍁𑌟𑌿𑌲𑌾𑌮𑌪𑌶𑍍𑌯𑌃 𑌕𑌲𑌿𑌂𑌦𑌜𑌾𑌂 𑌰𑌾𑌗𑌵𑌤𑍀𑌮𑌿𑌵𑍈𑌕𑌾𑌮𑍍 ॥𑍯॥

𑌤𑌥𑌾𑌵𑌿𑌧𑍇𑌽𑌸𑍍𑌮𑌿𑌨𑍍 𑌵𑌿𑌪𑌿𑌨𑍇 𑌪𑌶𑌵𑍍𑌯𑍇 𑌸𑌮𑍁𑌤𑍍𑌸𑍁𑌕𑍋 𑌵𑌤𑍍𑌸𑌗𑌣𑌪𑍍𑌰𑌚𑌾𑌰𑍇 ।
𑌚𑌰𑌨𑍍 𑌸𑌰𑌾𑌮𑍋𑌽𑌥 𑌕𑍁𑌮𑌾𑌰𑌕𑍈𑌸𑍍𑌤𑍍𑌵𑌂 𑌸𑌮𑍀𑌰𑌗𑍇𑌹𑌾𑌧𑌿𑌪 𑌪𑌾𑌹𑌿 𑌰𑍋𑌗𑌾𑌤𑍍 ॥10॥

Browse Related Categories: