Narayaniyam Dashaka 95 - Grantha

𑌆𑌦𑍌 𑌹𑍈𑌰𑌣𑍍𑌯𑌗𑌰𑍍𑌭𑍀𑌂 𑌤𑌨𑍁𑌮𑌵𑌿𑌕𑌲𑌜𑍀𑌵𑌾𑌤𑍍𑌮𑌿𑌕𑌾𑌮𑌾𑌸𑍍𑌥𑌿𑌤𑌸𑍍𑌤𑍍𑌵𑌂
𑌜𑍀𑌵𑌤𑍍𑌵𑌂 𑌪𑍍𑌰𑌾𑌪𑍍𑌯 𑌮𑌾𑌯𑌾𑌗𑍁𑌣𑌗𑌣𑌖𑌚𑌿𑌤𑍋 𑌵𑌰𑍍𑌤𑌸𑍇 𑌵𑌿𑌶𑍍𑌵𑌯𑍋𑌨𑍇 ।
𑌤𑌤𑍍𑌰𑍋𑌦𑍍𑌵𑍃𑌦𑍍𑌧𑍇𑌨 𑌸𑌤𑍍𑌤𑍍𑌵𑍇𑌨 𑌤𑍁 𑌗𑍁𑌣𑌯𑍁𑌗𑌲𑌂 𑌭𑌕𑍍𑌤𑌿𑌭𑌾𑌵𑌂 𑌗𑌤𑍇𑌨
𑌛𑌿𑌤𑍍𑌵𑌾 𑌸𑌤𑍍𑌤𑍍𑌵𑌂 𑌚 𑌹𑌿𑌤𑍍𑌵𑌾 𑌪𑍁𑌨𑌰𑌨𑍁𑌪𑌹𑌿𑌤𑍋 𑌵𑌰𑍍𑌤𑌿𑌤𑌾𑌹𑍇 𑌤𑍍𑌵𑌮𑍇𑌵 ॥1॥

𑌸𑌤𑍍𑌤𑍍𑌵𑍋𑌨𑍍𑌮𑍇𑌷𑌾𑌤𑍍 𑌕𑌦𑌾𑌚𑌿𑌤𑍍 𑌖𑌲𑍁 𑌵𑌿𑌷𑌯𑌰𑌸𑍇 𑌦𑍋𑌷𑌬𑍋𑌧𑍇𑌽𑌪𑌿 𑌭𑍂𑌮𑌨𑍍
𑌭𑍂𑌯𑍋𑌽𑌪𑍍𑌯𑍇𑌷𑍁 𑌪𑍍𑌰𑌵𑍃𑌤𑍍𑌤𑌿𑌸𑍍𑌸𑌤𑌮𑌸𑌿 𑌰𑌜𑌸𑌿 𑌪𑍍𑌰𑍋𑌦𑍍𑌧𑌤𑍇 𑌦𑍁𑌰𑍍𑌨𑌿𑌵𑌾𑌰𑌾 ।
𑌚𑌿𑌤𑍍𑌤𑌂 𑌤𑌾𑌵𑌦𑍍𑌗𑍁𑌣𑌾𑌶𑍍𑌚 𑌗𑍍𑌰𑌥𑌿𑌤𑌮𑌿𑌹 𑌮𑌿𑌥𑌸𑍍𑌤𑌾𑌨𑌿 𑌸𑌰𑍍𑌵𑌾𑌣𑌿 𑌰𑍋𑌦𑍍𑌧𑍁𑌂
𑌤𑍁𑌰𑍍𑌯𑍇 𑌤𑍍𑌵𑌯𑍍𑌯𑍇𑌕𑌭𑌕𑍍𑌤𑌿𑌶𑍍𑌶𑌰𑌣𑌮𑌿𑌤𑌿 𑌭𑌵𑌾𑌨𑍍 𑌹𑌂𑌸𑌰𑍂𑌪𑍀 𑌨𑍍𑌯𑌗𑌾𑌦𑍀𑌤𑍍 ॥2॥

𑌸𑌂𑌤𑌿 𑌶𑍍𑌰𑍇𑌯𑌾𑌂𑌸𑌿 𑌭𑍂𑌯𑌾𑌂𑌸𑍍𑌯𑌪𑌿 𑌰𑍁𑌚𑌿𑌭𑌿𑌦𑌯𑌾 𑌕𑌰𑍍𑌮𑌿𑌣𑌾𑌂 𑌨𑌿𑌰𑍍𑌮𑌿𑌤𑌾𑌨𑌿
𑌕𑍍𑌷𑍁𑌦𑍍𑌰𑌾𑌨𑌂𑌦𑌾𑌶𑍍𑌚 𑌸𑌾𑌂𑌤𑌾 𑌬𑌹𑍁𑌵𑌿𑌧𑌗𑌤𑌯𑌃 𑌕𑍃𑌷𑍍𑌣 𑌤𑍇𑌭𑍍𑌯𑍋 𑌭𑌵𑍇𑌯𑍁𑌃 ।
𑌤𑍍𑌵𑌂 𑌚𑌾𑌚𑌖𑍍𑌯𑌾𑌥 𑌸𑌖𑍍𑌯𑍇 𑌨𑌨𑍁 𑌮𑌹𑌿𑌤𑌤𑌮𑌾𑌂 𑌶𑍍𑌰𑍇𑌯𑌸𑌾𑌂 𑌭𑌕𑍍𑌤𑌿𑌮𑍇𑌕𑌾𑌂
𑌤𑍍𑌵𑌦𑍍𑌭𑌕𑍍𑌤𑍍𑌯𑌾𑌨𑌂𑌦𑌤𑍁𑌲𑍍𑌯𑌃 𑌖𑌲𑍁 𑌵𑌿𑌷𑌯𑌜𑍁𑌷𑌾𑌂 𑌸𑌮𑍍𑌮𑌦𑌃 𑌕𑍇𑌨 𑌵𑌾 𑌸𑍍𑌯𑌾𑌤𑍍 ॥3॥

𑌤𑍍𑌵𑌤𑍍𑌭𑌕𑍍𑌤𑍍𑌯𑌾 𑌤𑍁𑌷𑍍𑌟𑌬𑍁𑌦𑍍𑌧𑍇𑌃 𑌸𑍁𑌖𑌮𑌿𑌹 𑌚𑌰𑌤𑍋 𑌵𑌿𑌚𑍍𑌯𑍁𑌤𑌾𑌶𑌸𑍍𑌯 𑌚𑌾𑌶𑌾𑌃
𑌸𑌰𑍍𑌵𑌾𑌃 𑌸𑍍𑌯𑍁𑌃 𑌸𑍌𑌖𑍍𑌯𑌮𑌯𑍍𑌯𑌃 𑌸𑌲𑌿𑌲𑌕𑍁𑌹𑌰𑌗𑌸𑍍𑌯𑍇𑌵 𑌤𑍋𑌯𑍈𑌕𑌮𑌯𑍍𑌯𑌃 ।
𑌸𑍋𑌽𑌯𑌂 𑌖𑌲𑍍𑌵𑌿𑌂𑌦𑍍𑌰𑌲𑍋𑌕𑌂 𑌕𑌮𑌲𑌜𑌭𑌵𑌨𑌂 𑌯𑍋𑌗𑌸𑌿𑌦𑍍𑌧𑍀𑌶𑍍𑌚 𑌹𑍃𑌦𑍍𑌯𑌾𑌃
𑌨𑌾𑌕𑌾𑌂𑌕𑍍𑌷𑌤𑍍𑌯𑍇𑌤𑌦𑌾𑌸𑍍𑌤𑌾𑌂 𑌸𑍍𑌵𑌯𑌮𑌨𑍁𑌪𑌤𑌿𑌤𑍇 𑌮𑍋𑌕𑍍𑌷𑌸𑍌𑌖𑍍𑌯𑍇𑌽𑌪𑍍𑌯𑌨𑍀𑌹𑌃 ॥4॥

𑌤𑍍𑌵𑌦𑍍𑌭𑌕𑍍𑌤𑍋 𑌬𑌾𑌧𑍍𑌯𑌮𑌾𑌨𑍋𑌽𑌪𑌿 𑌚 𑌵𑌿𑌷𑌯𑌰𑌸𑍈𑌰𑌿𑌂𑌦𑍍𑌰𑌿𑌯𑌾𑌶𑌾𑌂𑌤𑌿𑌹𑍇𑌤𑍋-
𑌰𑍍𑌭𑌕𑍍𑌤𑍍𑌯𑍈𑌵𑌾𑌕𑍍𑌰𑌮𑍍𑌯𑌮𑌾𑌣𑍈𑌃 𑌪𑍁𑌨𑌰𑌪𑌿 𑌖𑌲𑍁 𑌤𑍈𑌰𑍍𑌦𑍁𑌰𑍍𑌬𑌲𑍈𑌰𑍍𑌨𑌾𑌭𑌿𑌜𑌯𑍍𑌯𑌃 ।
𑌸𑌪𑍍𑌤𑌾𑌰𑍍𑌚𑌿𑌰𑍍𑌦𑍀𑌪𑌿𑌤𑌾𑌰𑍍𑌚𑌿𑌰𑍍𑌦𑌹𑌤𑌿 𑌕𑌿𑌲 𑌯𑌥𑌾 𑌭𑍂𑌰𑌿𑌦𑌾𑌰𑍁𑌪𑍍𑌰𑌪𑌂𑌚𑌂
𑌤𑍍𑌵𑌦𑍍𑌭𑌕𑍍𑌤𑍍𑌯𑍋𑌘𑍇 𑌤𑌥𑍈𑌵 𑌪𑍍𑌰𑌦𑌹𑌤𑌿 𑌦𑍁𑌰𑌿𑌤𑌂 𑌦𑍁𑌰𑍍𑌮𑌦𑌃 𑌕𑍍𑌵𑍇𑌂𑌦𑍍𑌰𑌿𑌯𑌾𑌣𑌾𑌮𑍍 ॥5॥

𑌚𑌿𑌤𑍍𑌤𑌾𑌰𑍍𑌦𑍍𑌰𑍀𑌭𑌾𑌵𑌮𑍁𑌚𑍍𑌚𑍈𑌰𑍍𑌵𑌪𑍁𑌷𑌿 𑌚 𑌪𑍁𑌲𑌕𑌂 𑌹𑌰𑍍𑌷𑌵𑌾𑌷𑍍𑌪𑌂 𑌚 𑌹𑌿𑌤𑍍𑌵𑌾
𑌚𑌿𑌤𑍍𑌤𑌂 𑌶𑍁𑌦𑍍𑌧𑍍𑌯𑍇𑌤𑍍𑌕𑌥𑌂 𑌵𑌾 𑌕𑌿𑌮𑍁 𑌬𑌹𑍁𑌤𑌪𑌸𑌾 𑌵𑌿𑌦𑍍𑌯𑌯𑌾 𑌵𑍀𑌤𑌭𑌕𑍍𑌤𑍇𑌃 ।
𑌤𑍍𑌵𑌦𑍍𑌗𑌾𑌥𑌾𑌸𑍍𑌵𑌾𑌦𑌸𑌿𑌦𑍍𑌧𑌾𑌂𑌜𑌨𑌸𑌤𑌤𑌮𑌰𑍀𑌮𑍃𑌜𑍍𑌯𑌮𑌾𑌨𑍋𑌽𑌯𑌮𑌾𑌤𑍍𑌮𑌾
𑌚𑌕𑍍𑌷𑍁𑌰𑍍𑌵𑌤𑍍𑌤𑌤𑍍𑌤𑍍𑌵𑌸𑍂𑌕𑍍𑌷𑍍𑌮𑌂 𑌭𑌜𑌤𑌿 𑌨 𑌤𑍁 𑌤𑌥𑌾𑌽𑌭𑍍𑌯𑌸𑍍𑌤𑌯𑌾 𑌤𑌰𑍍𑌕𑌕𑍋𑌟𑍍𑌯𑌾॥6॥

𑌧𑍍𑌯𑌾𑌨𑌂 𑌤𑍇 𑌶𑍀𑌲𑌯𑍇𑌯𑌂 𑌸𑌮𑌤𑌨𑍁𑌸𑍁𑌖𑌬𑌦𑍍𑌧𑌾𑌸𑌨𑍋 𑌨𑌾𑌸𑌿𑌕𑌾𑌗𑍍𑌰-
𑌨𑍍𑌯𑌸𑍍𑌤𑌾𑌕𑍍𑌷𑌃 𑌪𑍂𑌰𑌕𑌾𑌦𑍍𑌯𑍈𑌰𑍍𑌜𑌿𑌤𑌪𑌵𑌨𑌪𑌥𑌶𑍍𑌚𑌿𑌤𑍍𑌤𑌪𑌦𑍍𑌮𑌂 𑌤𑍍𑌵𑌵𑌾𑌂𑌚𑌮𑍍।
𑌊𑌰𑍍𑌧𑍍𑌵𑌾𑌗𑍍𑌰𑌂 𑌭𑌾𑌵𑌯𑌿𑌤𑍍𑌵𑌾 𑌰𑌵𑌿𑌵𑌿𑌧𑍁𑌶𑌿𑌖𑌿𑌨𑌃 𑌸𑌂𑌵𑌿𑌚𑌿𑌂𑌤𑍍𑌯𑍋𑌪𑌰𑌿𑌷𑍍𑌟𑌾𑌤𑍍
𑌤𑌤𑍍𑌰𑌸𑍍𑌥𑌂 𑌭𑌾𑌵𑌯𑍇 𑌤𑍍𑌵𑌾𑌂 𑌸𑌜𑌲𑌜𑌲𑌧𑌰𑌶𑍍𑌯𑌾𑌮𑌲𑌂 𑌕𑍋𑌮𑌲𑌾𑌂𑌗𑌮𑍍 ॥𑍭॥

𑌆𑌨𑍀𑌲𑌶𑍍𑌲𑌕𑍍𑌷𑍍𑌣𑌕𑍇𑌶𑌂 𑌜𑍍𑌵𑌲𑌿𑌤𑌮𑌕𑌰𑌸𑌤𑍍𑌕𑍁𑌂𑌡𑌲𑌂 𑌮𑌂𑌦𑌹𑌾𑌸-
𑌸𑍍𑌯𑌂𑌦𑌾𑌰𑍍𑌦𑍍𑌰𑌂 𑌕𑍌𑌸𑍍𑌤𑍁𑌭𑌶𑍍𑌰𑍀𑌪𑌰𑌿𑌗𑌤𑌵𑌨𑌮𑌾𑌲𑍋𑌰𑍁𑌹𑌾𑌰𑌾𑌭𑌿𑌰𑌾𑌮𑌮𑍍 ।
𑌶𑍍𑌰𑍀𑌵𑌤𑍍𑌸𑌾𑌂𑌕𑌂 𑌸𑍁𑌬𑌾𑌹𑍁𑌂 𑌮𑍃𑌦𑍁𑌲𑌸𑌦𑍁𑌦𑌰𑌂 𑌕𑌾𑌂𑌚𑌨𑌚𑍍𑌛𑌾𑌯𑌚𑍇𑌲𑌂
𑌚𑌾𑌰𑍁𑌸𑍍𑌨𑌿𑌗𑍍𑌧𑍋𑌰𑍁𑌮𑌂𑌭𑍋𑌰𑍁𑌹𑌲𑌲𑌿𑌤𑌪𑌦𑌂 𑌭𑌾𑌵𑌯𑍇𑌽𑌹𑌂 𑌭𑌵𑌂𑌤𑌮𑍍 ॥𑍮॥

𑌸𑌰𑍍𑌵𑌾𑌂𑌗𑍇𑌷𑍍𑌵𑌂𑌗 𑌰𑌂𑌗𑌤𑍍𑌕𑍁𑌤𑍁𑌕𑌮𑌿𑌤𑌿 𑌮𑍁𑌹𑍁𑌰𑍍𑌧𑌾𑌰𑌯𑌨𑍍𑌨𑍀𑌶 𑌚𑌿𑌤𑍍𑌤𑌂
𑌤𑌤𑍍𑌰𑌾𑌪𑍍𑌯𑍇𑌕𑌤𑍍𑌰 𑌯𑍁𑌂𑌜𑍇 𑌵𑌦𑌨𑌸𑌰𑌸𑌿𑌜𑍇 𑌸𑍁𑌂𑌦𑌰𑍇 𑌮𑌂𑌦𑌹𑌾𑌸𑍇
𑌤𑌤𑍍𑌰𑌾𑌲𑍀𑌨𑌂 𑌤𑍁 𑌚𑍇𑌤𑌃 𑌪𑌰𑌮𑌸𑍁𑌖𑌚𑌿𑌦𑌦𑍍𑌵𑍈𑌤𑌰𑍂𑌪𑍇 𑌵𑌿𑌤𑌨𑍍𑌵-
𑌨𑍍𑌨𑌨𑍍𑌯𑌨𑍍𑌨𑍋 𑌚𑌿𑌂𑌤𑌯𑍇𑌯𑌂 𑌮𑍁𑌹𑍁𑌰𑌿𑌤𑌿 𑌸𑌮𑍁𑌪𑌾𑌰𑍂𑌢𑌯𑍋𑌗𑍋 𑌭𑌵𑍇𑌯𑌮𑍍 ॥𑍯॥

𑌇𑌤𑍍𑌥𑌂 𑌤𑍍𑌵𑌦𑍍𑌧𑍍𑌯𑌾𑌨𑌯𑍋𑌗𑍇 𑌸𑌤𑌿 𑌪𑍁𑌨𑌰𑌣𑌿𑌮𑌾𑌦𑍍𑌯𑌷𑍍𑌟𑌸𑌂𑌸𑌿𑌦𑍍𑌧𑌯𑌸𑍍𑌤𑌾𑌃
𑌦𑍂𑌰𑌶𑍍𑌰𑍁𑌤𑍍𑌯𑌾𑌦𑌯𑍋𑌽𑌪𑌿 𑌹𑍍𑌯𑌹𑌮𑌹𑌮𑌿𑌕𑌯𑌾 𑌸𑌂𑌪𑌤𑍇𑌯𑍁𑌰𑍍𑌮𑍁𑌰𑌾𑌰𑍇 ।
𑌤𑍍𑌵𑌤𑍍𑌸𑌂𑌪𑍍𑌰𑌾𑌪𑍍𑌤𑍌 𑌵𑌿𑌲𑌂𑌬𑌾𑌵𑌹𑌮𑌖𑌿𑌲𑌮𑌿𑌦𑌂 𑌨𑌾𑌦𑍍𑌰𑌿𑌯𑍇 𑌕𑌾𑌮𑌯𑍇𑌽𑌹𑌂
𑌤𑍍𑌵𑌾𑌮𑍇𑌵𑌾𑌨𑌂𑌦𑌪𑍂𑌰𑍍𑌣𑌂 𑌪𑌵𑌨𑌪𑍁𑌰𑌪𑌤𑍇 𑌪𑌾𑌹𑌿 𑌮𑌾𑌂 𑌸𑌰𑍍𑌵𑌤𑌾𑌪𑌾𑌤𑍍 ॥10॥

Browse Related Categories: