𑌅𑌥 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃 ।

𑌪𑌰𑌸𑍍𑌯 𑌵𑌿𑌷𑍍𑌣𑍋𑌃 𑌈𑌶𑌸𑍍𑌯 𑌮𑌾𑌯𑌿𑌨𑌾𑌮 𑌅𑌪𑌿 𑌮𑍋𑌹𑌿𑌨𑍀𑌮𑍍 ।
𑌮𑌾𑌯𑌾𑌂 𑌵𑍇𑌦𑌿𑌤𑍁𑌂 𑌇𑌚𑍍𑌛𑌾𑌮𑌃 𑌭𑌗𑌵𑌂𑌤𑌃 𑌬𑍍𑌰𑍁𑌵𑌂𑌤𑍁 𑌨𑌃 ॥ 1॥

𑌨 𑌅𑌨𑍁𑌤𑍃𑌪𑍍𑌯𑍇 𑌜𑍁𑌷𑌨𑍍 𑌯𑍁𑌷𑍍𑌮𑌤𑍍 𑌵𑌚𑌃 𑌹𑌰𑌿𑌕𑌥𑌾 𑌅𑌮𑍃𑌤𑌮𑍍 ।
𑌸𑌂𑌸𑌾𑌰𑌤𑌾𑌪𑌨𑌿𑌃𑌤𑌪𑍍𑌤𑌃 𑌮𑌰𑍍𑌤𑍍𑌯𑌃 𑌤𑌤𑍍 𑌤𑌾𑌪 𑌭𑍇𑌷𑌜𑌮𑍍 ॥ 2॥

𑌅𑌂𑌤𑌰𑌿𑌕𑍍𑌷𑌃 𑌉𑌵𑌾𑌚 ।
𑌏𑌭𑌿𑌃 𑌭𑍂𑌤𑌾𑌨𑌿 𑌭𑍂𑌤𑌾𑌤𑍍𑌮𑌾 𑌮𑌹𑌾𑌭𑍂𑌤𑍈𑌃 𑌮𑌹𑌾𑌭𑍁𑌜 ।
𑌸𑌸𑌰𑍍𑌜𑍋𑌤𑍍 𑌚 𑌅𑌵𑌚𑌾𑌨𑌿 𑌆𑌦𑍍𑌯𑌃 𑌸𑍍𑌵𑌮𑌾𑌤𑍍𑌰𑌪𑍍𑌰𑌸𑌿𑌦𑍍𑌧𑌯𑍇 ॥ 3॥

𑌏𑌵𑌂 𑌸𑍃𑌷𑍍𑌟𑌾𑌨𑌿 𑌭𑍂𑌤𑌾𑌨𑌿 𑌪𑍍𑌰𑌵𑌿𑌷𑍍𑌟𑌃 𑌪𑌂𑌚𑌧𑌾𑌤𑍁𑌭𑌿𑌃 ।
𑌏𑌕𑌧𑌾 𑌦𑌶𑌧𑌾 𑌆𑌤𑍍𑌮𑌾𑌨𑌂 𑌵𑌿𑌭𑌜𑌨𑍍 𑌜𑍁𑌷𑌤𑍇 𑌗𑍁𑌣𑌾𑌨𑍍 ॥ 4॥

𑌗𑍁𑌣𑍈𑌃 𑌗𑍁𑌣𑌾𑌨𑍍 𑌸𑌃 𑌭𑍁𑌂𑌜𑌾𑌨𑌃 𑌆𑌤𑍍𑌮𑌪𑍍𑌰𑌦𑍍𑌯𑍋𑌦𑌿𑌤𑍈𑌃 𑌪𑍍𑌰𑌭𑍁𑌃 ।
𑌮𑌨𑍍𑌯𑌮𑌾𑌨𑌃 𑌇𑌦𑌂 𑌸𑍃𑌷𑍍𑌟𑌂 𑌆𑌤𑍍𑌮𑌾𑌨𑌂 𑌇𑌹 𑌸𑌜𑍍𑌜𑌤𑍇 ॥ 5॥

𑌕𑌰𑍍𑌮𑌾𑌣𑌿 𑌕𑌰𑍍𑌮𑌭𑌿𑌃 𑌕𑍁𑌰𑍍𑌵𑌨𑍍 𑌸𑌨𑌿𑌮𑌿𑌤𑍍𑌤𑌾𑌨𑌿 𑌦𑍇𑌹𑌭𑍃𑌤𑍍 ।
𑌤𑌤𑍍 𑌤𑌤𑍍 𑌕𑌰𑍍𑌮𑌫𑌲𑌂 𑌗𑍃𑌹𑍍𑌣𑌨𑍍 𑌭𑍍𑌰𑌮𑌤𑌿 𑌇𑌹 𑌸𑍁𑌖𑍈𑌤𑌰𑌮𑍍 ॥ 6॥

𑌇𑌤𑍍𑌥𑌂 𑌕𑌰𑍍𑌮𑌗𑌤𑍀𑌃 𑌗𑌚𑍍𑌛𑌨𑍍 𑌬𑌹𑍍𑌵𑌭𑌦𑍍𑌰𑌵𑌹𑌾𑌃 𑌪𑍁𑌮𑌾𑌨𑍍 ।
𑌆𑌭𑍂𑌤𑌸𑌂𑌪𑍍𑌲𑌵𑌾𑌤𑍍 𑌸𑌰𑍍𑌗𑌪𑍍𑌰𑌲𑌯𑍌 𑌅𑌶𑍍𑌨𑍁𑌤𑍇 𑌅𑌵𑌶𑌃 ॥ 𑍭॥

𑌧𑌾𑌤𑍁 𑌉𑌪𑌪𑍍𑌲𑌵𑌃 𑌆𑌸𑌨𑍍𑌨𑍇 𑌵𑍍𑌯𑌕𑍍𑌤𑌂 𑌦𑍍𑌰𑌵𑍍𑌯𑌗𑍁𑌣𑌾𑌤𑍍𑌮𑌕𑌮𑍍 ।
𑌅𑌨𑌾𑌦𑌿𑌨𑌿𑌧𑌨𑌃 𑌕𑌾𑌲𑌃 𑌹𑌿 𑌅𑌵𑍍𑌯𑌕𑍍𑌤𑌾𑌯 𑌅𑌪𑌕𑌰𑍍𑌷𑌤𑌿 ॥ 𑍮॥

𑌶𑌤𑌵𑌰𑍍𑌷𑌾𑌃 𑌹𑌿 𑌅𑌨𑌾𑌵𑍃𑌷𑍍𑌟𑌿𑌃 𑌭𑌵𑌿𑌷𑍍𑌯𑌤𑌿 𑌉𑌲𑍍𑌬𑌣𑌾 𑌭𑍁𑌵𑌿 ।
𑌤𑌤𑍍 𑌕𑌾𑌲 𑌉𑌪𑌚𑌿𑌤 𑌉𑌷𑍍𑌣 𑌅𑌰𑍍𑌕𑌃 𑌲𑍋𑌕𑌾𑌨𑍍 𑌤𑍍𑌰𑍀𑌨𑍍 𑌪𑍍𑌰𑌤𑌪𑌿𑌷𑍍𑌯𑌤𑌿 ॥𑍯॥

𑌪𑌾𑌤𑌾𑌲𑌤𑌲𑌂 𑌆𑌰𑌭𑍍𑌯 𑌸𑌂𑌕𑌰𑍍𑌷𑌣𑌮𑍁𑌖 𑌅𑌨𑌲𑌃 ।
𑌦𑌹𑌨𑍍 𑌊𑌰𑍍𑌧𑍍𑌵𑌶𑌿𑌖𑌃 𑌵𑌿𑌷𑍍𑌵𑌕𑍍 𑌵𑌰𑍍𑌧𑌤𑍇 𑌵𑌾𑌯𑍁𑌨𑌾 𑌈𑌰𑌿𑌤𑌃 ॥ 10॥

𑌸𑌾𑌂𑌵𑌰𑍍𑌤𑌕𑌃 𑌮𑍇𑌘𑌗𑌣𑌃 𑌵𑌰𑍍𑌷𑌤𑌿 𑌸𑍍𑌮 𑌶𑌤𑌂 𑌸𑌮𑌾𑌃 ।
𑌧𑌾𑌰𑌾𑌭𑌿𑌃 𑌹𑌸𑍍𑌤𑌿𑌹𑌸𑍍𑌤𑌾𑌭𑌿𑌃 𑌲𑍀𑌯𑌤𑍇 𑌸𑌲𑌿𑌲𑍇 𑌵𑌿𑌰𑌾𑌟𑍍 ॥ 11॥

𑌤𑌤𑌃 𑌵𑌿𑌰𑌾𑌜𑌂 𑌉𑌤𑍍𑌸𑍃𑌜𑍍𑌯 𑌵𑍈𑌰𑌾𑌜𑌃 𑌪𑍁𑌰𑍁𑌷𑌃 𑌨𑍃𑌪 ।
𑌅𑌵𑍍𑌯𑌕𑍍𑌤𑌂 𑌵𑌿𑌶𑌤𑍇 𑌸𑍂𑌕𑍍𑌷𑍍𑌮𑌂 𑌨𑌿𑌰𑌿𑌂𑌧𑌨𑌃 𑌇𑌵 𑌅𑌨𑌲𑌃 ॥ 12॥

𑌵𑌾𑌯𑍁𑌨𑌾 𑌹𑍃𑌤𑌗𑌂𑌧𑌾 𑌭𑍂𑌃 𑌸𑌲𑌿𑌲𑌤𑍍𑌵𑌾𑌯 𑌕𑌲𑍍𑌪𑌤𑍇 ।
𑌸𑌲𑌿𑌲𑌂 𑌤𑌤𑍍 𑌧𑍃𑌤𑌰𑌸𑌂 𑌜𑍍𑌯𑍋𑌤𑌿𑌷𑍍𑌟𑍍𑌵𑌾𑌯 𑌉𑌪𑌕𑌲𑍍𑌪𑌤𑍇 ॥ 13॥

𑌹𑍃𑌤𑌰𑍂𑌪𑌂 𑌤𑍁 𑌤𑌮𑌸𑌾 𑌵𑌾𑌯𑍌 𑌜𑍍𑌯𑍋𑌤𑌿𑌃 𑌪𑍍𑌰𑌲𑍀𑌯𑌤𑍇 ।
𑌹𑍃𑌤𑌸𑍍𑌪𑌰𑍍𑌶𑌃 𑌅𑌵𑌕𑌾𑌶𑍇𑌨 𑌵𑌾𑌯𑍁𑌃 𑌨𑌭𑌸𑌿 𑌲𑍀𑌯𑌤𑍇 ।
𑌕𑌾𑌲𑌾𑌤𑍍𑌮𑌨𑌾 𑌹𑍃𑌤𑌗𑍁𑌣𑌂 𑌨𑌵𑌃 𑌆𑌤𑍍𑌮𑌨𑌿 𑌲𑍀𑌯𑌤𑍇 ॥ 14॥

𑌇𑌂𑌦𑍍𑌰𑌿𑌯𑌾𑌣𑌿 𑌮𑌨𑌃 𑌬𑍁𑌦𑍍𑌧𑌿𑌃 𑌸𑌹 𑌵𑍈𑌕𑌾𑌰𑌿𑌕𑍈𑌃 𑌨𑍃𑌪 ।
𑌪𑍍𑌰𑌵𑌿𑌶𑌂𑌤𑌿 𑌹𑌿 𑌅𑌹𑌂𑌕𑌾𑌰𑌂 𑌸𑍍𑌵𑌗𑍁𑌣𑍈𑌃 𑌅𑌹𑌂 𑌆𑌤𑍍𑌮𑌨𑌿 ॥ 15॥

𑌏𑌷𑌾 𑌮𑌾𑌯𑌾 𑌭𑌗𑌵𑌤𑌃 𑌸𑌰𑍍𑌗𑌸𑍍𑌥𑌿𑌤𑌿 𑌅𑌂𑌤𑌕𑌾𑌰𑌿𑌣𑍀 ।
𑌤𑍍𑌰𑌿𑌵𑌰𑍍𑌣𑌾 𑌵𑌰𑍍𑌣𑌿𑌤𑌾 𑌅𑌸𑍍𑌮𑌾𑌭𑌿𑌃 𑌕𑌿𑌂 𑌭𑍂𑌯𑌃 𑌶𑍍𑌰𑍋𑌤𑍁𑌂 𑌇𑌚𑍍𑌛𑌸𑌿 ॥ 16॥

𑌰𑌾𑌜𑌾 𑌉𑌵𑌾𑌚 ।
𑌯𑌥𑌾 𑌏𑌤𑌾𑌂 𑌐𑌶𑍍𑌵𑌰𑍀𑌂 𑌮𑌾𑌯𑌾𑌂 𑌦𑍁𑌸𑍍𑌤𑌰𑌾𑌂 𑌅𑌕𑍃𑌤𑌾𑌤𑍍𑌮𑌭𑌿𑌃 ।
𑌤𑌰𑌂𑌤𑌿 𑌅𑌂𑌜𑌃 𑌸𑍍𑌥𑍂𑌲𑌧𑌿𑌯𑌃 𑌮𑌹𑌰𑍍𑌷𑌃 𑌇𑌦𑌂 𑌉𑌚𑍍𑌯𑌤𑌾𑌮𑍍 ॥ 1𑍭॥

𑌪𑍍𑌰𑌬𑍁𑌦𑍍𑌧𑌃 𑌉𑌵𑌾𑌚 ।
𑌕𑌰𑍍𑌮𑌾𑌣𑌿 𑌆𑌰𑌭𑌮𑌾𑌣𑌾𑌨𑌾𑌂 𑌦𑍁𑌃𑌖𑌹𑌤𑍍𑌯𑍈 𑌸𑍁𑌖𑌾𑌯 𑌚 ।
𑌪𑌶𑍍𑌯𑍇𑌤𑍍 𑌪𑌾𑌕𑌵𑌿𑌪𑌰𑍍𑌯𑌾𑌸𑌂 𑌮𑌿𑌥𑍁𑌨𑍀𑌚𑌾𑌰𑌿𑌣𑌾𑌂 𑌨𑍃𑌣𑌾𑌮𑍍 ॥ 1𑍮॥

𑌨𑌿𑌤𑍍𑌯𑌾𑌰𑍍𑌤𑌿𑌦𑍇𑌨 𑌵𑌿𑌤𑍍𑌤𑍇𑌨 𑌦𑍁𑌰𑍍𑌲𑌭𑍇𑌨 𑌆𑌤𑍍𑌮𑌮𑍃𑌤𑍍𑌯𑍁𑌨𑌾 ।
𑌗𑍃𑌹 𑌅𑌪𑌤𑍍𑌯𑌾𑌪𑍍𑌤𑌪𑌶𑍁𑌭𑌿𑌃 𑌕𑌾 𑌪𑍍𑌰𑍀𑌤𑌿𑌃 𑌸𑌾𑌧𑌿𑌤𑍈𑌃 𑌚𑌲𑍈𑌃 ॥

1𑍯॥

𑌏𑌵𑌂 𑌲𑍋𑌕𑌂 𑌪𑌰𑌂 𑌵𑌿𑌦𑍍𑌯𑌾𑌤𑍍 𑌨𑌶𑍍𑌵𑌰𑌂 𑌕𑌰𑍍𑌮𑌨𑌿𑌰𑍍𑌮𑌿𑌤𑌮𑍍 ।
𑌸𑌤𑍁𑌲𑍍𑌯 𑌅𑌤𑌿𑌶𑌯 𑌧𑍍𑌵𑌂𑌸𑌂 𑌯𑌥𑌾 𑌮𑌂𑌡𑌲𑌵𑌰𑍍𑌤𑌿𑌨𑌾𑌮𑍍 ॥ 20॥

𑌤𑌸𑍍𑌮𑌾𑌤𑍍 𑌗𑍁𑌰𑍁𑌂 𑌪𑍍𑌰𑌪𑌦𑍍𑌯𑍇𑌤 𑌜𑌿𑌜𑍍𑌞𑌾𑌸𑍁𑌃 𑌶𑍍𑌰𑍇𑌯𑌃 𑌉𑌤𑍍𑌤𑌮𑌮𑍍 ।
𑌶𑌾𑌬𑍍𑌦𑍇 𑌪𑌰𑍇 𑌚 𑌨𑌿𑌷𑍍𑌣𑌾𑌤𑌂 𑌬𑍍𑌰𑌹𑍍𑌮𑌣𑌿 𑌉𑌪𑌶𑌮𑌾𑌶𑍍𑌰𑌯𑌮𑍍 ॥ 21॥

𑌤𑌤𑍍𑌰 𑌭𑌾𑌗𑌵𑌤𑌾𑌨𑍍 𑌧𑌰𑍍𑌮𑌾𑌨𑍍 𑌶𑌿𑌕𑍍𑌷𑍇𑌤𑍍 𑌗𑍁𑌰𑍁𑌆𑌤𑍍𑌮𑌦𑍈𑌵𑌤𑌃 ।
𑌅𑌮𑌾𑌯𑌯𑌾 𑌅𑌨𑍁𑌵𑍃𑌤𑍍𑌯𑌾 𑌯𑍈𑌃 𑌤𑍁𑌷𑍍𑌯𑍇𑌤𑍍 𑌆𑌤𑍍𑌮𑌾 𑌆𑌤𑍍𑌮𑌦𑌃 𑌹𑌰𑌿𑌃 ॥ 22॥

𑌸𑌰𑍍𑌵𑌤𑌃 𑌮𑌨𑌸𑌃 𑌅𑌸𑌂𑌗𑌂 𑌆𑌦𑍌 𑌸𑌂𑌗𑌂 𑌚 𑌸𑌾𑌧𑍁𑌷𑍁 ।
𑌦𑌯𑌾𑌂 𑌮𑍈𑌤𑍍𑌰𑍀𑌂 𑌪𑍍𑌰𑌶𑍍𑌰𑌯𑌂 𑌚 𑌭𑍂𑌤𑍇𑌷𑍁 𑌅𑌦𑍍𑌧𑌾 𑌯𑌥𑌾 𑌉𑌚𑌿𑌤𑌮𑍍 ॥ 23॥

𑌶𑍌𑌚𑌂 𑌤𑌪𑌃 𑌤𑌿𑌤𑌿𑌕𑍍𑌷𑌾𑌂 𑌚 𑌮𑍌𑌨𑌂 𑌸𑍍𑌵𑌾𑌧𑍍𑌯𑌾𑌯𑌂 𑌆𑌰𑍍𑌜𑌵𑌮𑍍 ।
𑌬𑍍𑌰𑌹𑍍𑌮𑌚𑌰𑍍𑌯𑌂 𑌅𑌹𑌿𑌂𑌸𑌾𑌂 𑌚 𑌸𑌮𑌤𑍍𑌵𑌂 𑌦𑍍𑌵𑌂𑌦𑍍𑌵𑌸𑌂𑌜𑍍𑌞𑌯𑍋𑌃 ॥ 24॥

𑌸𑌰𑍍𑌵𑌤𑍍𑌰 𑌆𑌤𑍍𑌮𑍇𑌶𑍍𑌵𑌰 𑌅𑌨𑍍𑌵𑍀𑌕𑍍𑌷𑌾𑌂 𑌕𑍈𑌵𑌲𑍍𑌯𑌂 𑌅𑌨𑌿𑌕𑍇𑌤𑌤𑌾𑌮𑍍 ।
𑌵𑌿𑌵𑌿𑌕𑍍𑌤𑌚𑍀𑌰𑌵𑌸𑌨𑌂 𑌸𑌂𑌤𑍋𑌷𑌂 𑌯𑍇𑌨 𑌕𑍇𑌨𑌚𑌿𑌤𑍍 ॥ 25॥

𑌶𑍍𑌰𑌦𑍍𑌧𑌾𑌂 𑌭𑌾𑌗𑌵𑌤𑍇 𑌶𑌾𑌸𑍍𑌤𑍍𑌰𑍇 𑌅𑌨𑌿𑌂𑌦𑌾𑌂 𑌅𑌨𑍍𑌯𑌤𑍍𑌰 𑌚 𑌅𑌪𑌿 𑌹𑌿 ।
𑌮𑌨𑍋𑌵𑌾𑌕𑍍 𑌕𑌰𑍍𑌮𑌦𑌂𑌡𑌂 𑌚 𑌸𑌤𑍍𑌯𑌂 𑌶𑌮𑌦𑌮𑍌 𑌅𑌪𑌿 ॥ 26॥

𑌶𑍍𑌰𑌵𑌣𑌂 𑌕𑍀𑌰𑍍𑌤𑌨𑌂 𑌧𑍍𑌯𑌾𑌨𑌂 𑌹𑌰𑍇𑌃 𑌅𑌦𑍍𑌭𑍁𑌤𑌕𑌰𑍍𑌮𑌣𑌃 ।
𑌜𑌨𑍍𑌮𑌕𑌰𑍍𑌮𑌗𑍁𑌣𑌾𑌨𑌾𑌂 𑌚 𑌤𑌦𑌰𑍍𑌥𑍇 𑌅𑌖𑌿𑌲𑌚𑍇𑌷𑍍𑌟𑌿𑌤𑌮𑍍 ॥ 2𑍭॥

𑌇𑌷𑍍𑌟𑌂 𑌦𑌤𑍍𑌤𑌂 𑌤𑌪𑌃 𑌜𑌪𑍍𑌤𑌂 𑌵𑍃𑌤𑍍𑌤𑌂 𑌯𑌤𑍍 𑌚 𑌆𑌤𑍍𑌮𑌨𑌃 𑌪𑍍𑌰𑌿𑌯𑌮𑍍 ।
𑌦𑌾𑌰𑌾𑌨𑍍 𑌸𑍁𑌤𑌾𑌨𑍍 𑌗𑍃𑌹𑌾𑌨𑍍 𑌪𑍍𑌰𑌾𑌣𑌾𑌨𑍍 𑌯𑌤𑍍 𑌪𑌰𑌸𑍍𑌮𑍈 𑌨𑌿𑌵𑍇𑌦𑌨𑌮𑍍 ॥ 2𑍮॥

𑌏𑌵𑌂 𑌕𑍃𑌷𑍍𑌣𑌾𑌤𑍍𑌮𑌨𑌾𑌥𑍇𑌷𑍁 𑌮𑌨𑍁𑌷𑍍𑌯𑍇𑌷𑍁 𑌚 𑌸𑍌𑌹𑍃𑌦𑌮𑍍 ।
𑌪𑌰𑌿𑌚𑌰𑍍𑌯𑌾𑌂 𑌚 𑌉𑌭𑌯𑌤𑍍𑌰 𑌮𑌹𑌤𑍍𑌸𑍁 𑌨𑍃𑌷𑍁 𑌸𑌾𑌧𑍁𑌷𑍁 ॥ 2𑍯॥

𑌪𑌰𑌸𑍍𑌪𑌰 𑌅𑌨𑍁𑌕𑌥𑌨𑌂 𑌪𑌾𑌵𑌨𑌂 𑌭𑌗𑌵𑌤𑍍 𑌯𑌶𑌃 ।
𑌮𑌿𑌥𑌃 𑌰𑌤𑌿𑌃 𑌮𑌿𑌥𑌃 𑌤𑍁𑌷𑍍𑌟𑌿𑌃 𑌨𑌿𑌵𑍃𑌤𑍍𑌤𑌿𑌃 𑌮𑌿𑌥𑌃 𑌆𑌤𑍍𑌮𑌨𑌃 ॥ 30॥

𑌸𑍍𑌮𑌰𑌂𑌤𑌃 𑌸𑍍𑌮𑌾𑌰𑌯𑌂𑌤𑌃 𑌚 𑌮𑌿𑌥𑌃 𑌅𑌘𑍌𑌘𑌹𑌰𑌂 𑌹𑌰𑌿𑌮𑍍 ।
𑌭𑌕𑍍𑌤𑍍𑌯𑌾 𑌸𑌂𑌜𑌾𑌤𑌯𑌾 𑌭𑌕𑍍𑌤𑍍𑌯𑌾 𑌬𑌿𑌭𑍍𑌰𑌤𑌿 𑌉𑌤𑍍𑌪𑍁𑌲𑌕𑌾𑌂 𑌤𑌨𑍁𑌮𑍍 ॥ 31॥

𑌕𑍍𑌵𑌚𑌿𑌤𑍍 𑌰𑍁𑌦𑌂𑌤𑌿 𑌅𑌚𑍍𑌯𑍁𑌤𑌚𑌿𑌂𑌤𑌯𑌾 𑌕𑍍𑌵𑌚𑌿𑌤𑍍
𑌹𑌸𑌂𑌤𑌿 𑌨𑌂𑌦𑌂𑌤𑌿 𑌵𑌦𑌂𑌤𑌿 𑌅𑌲𑍌𑌕𑌿𑌕𑌾𑌃 ।
𑌨𑍃𑌤𑍍𑌯𑌂𑌤𑌿 𑌗𑌾𑌯𑌂𑌤𑌿 𑌅𑌨𑍁𑌶𑍀𑌲𑌯𑌂𑌤𑌿
𑌅𑌜𑌂 𑌭𑌵𑌂𑌤𑌿 𑌤𑍂𑌷𑍍𑌣𑍀𑌂 𑌪𑌰𑌂 𑌏𑌤𑍍𑌯 𑌨𑌿𑌰𑍍𑌵𑍃𑌤𑌾𑌃 ॥ 32॥

𑌇𑌤𑌿 𑌭𑌾𑌗𑌵𑌤𑌾𑌨𑍍 𑌧𑌰𑍍𑌮𑌾𑌨𑍍 𑌶𑌿𑌕𑍍𑌷𑌨𑍍 𑌭𑌕𑍍𑌤𑍍𑌯𑌾 𑌤𑌦𑍁𑌤𑍍𑌥𑌯𑌾 ।
𑌨𑌾𑌰𑌾𑌯𑌣𑌪𑌰𑌃 𑌮𑌾𑌯𑌂 𑌅𑌂𑌜𑌃 𑌤𑌰𑌤𑌿 𑌦𑍁𑌸𑍍𑌤𑌰𑌾𑌮𑍍 ॥ 33॥

𑌰𑌾𑌜𑌾 𑌉𑌵𑌾𑌚 ।
𑌨𑌾𑌰𑌾𑌯𑌣 𑌅𑌭𑌿𑌧𑌾𑌨𑌸𑍍𑌯 𑌬𑍍𑌰𑌹𑍍𑌮𑌣𑌃 𑌪𑌰𑌮𑌾𑌤𑍍𑌮𑌨𑌃 ।
𑌨𑌿𑌷𑍍𑌠𑌾𑌂 𑌅𑌰𑍍𑌹𑌥 𑌨𑌃 𑌵𑌕𑍍𑌤𑍁𑌂 𑌯𑍂𑌯𑌂 𑌹𑌿 𑌬𑍍𑌰𑌹𑍍𑌮𑌵𑌿𑌤𑍍𑌤𑌮𑌾𑌃 ॥ 34॥

𑌪𑌿𑌪𑍍𑌪𑌲𑌾𑌯𑌨𑌃 𑌉𑌵𑌾𑌚 ।
𑌸𑍍𑌥𑌿𑌤𑌿 𑌉𑌦𑍍𑌭𑌵𑌪𑍍𑌰𑌲𑌯𑌹𑍇𑌤𑍁𑌃 𑌅𑌹𑍇𑌤𑍁𑌃 𑌅𑌸𑍍𑌯
𑌯𑌤𑍍 𑌸𑍍𑌵𑌪𑍍𑌨𑌜𑌾𑌗𑌰𑌸𑍁𑌷𑍁𑌪𑍍𑌤𑌿𑌷𑍁 𑌸𑌤𑍍 𑌬𑌹𑌿𑌃 𑌚 ।
𑌦𑍇𑌹 𑌇𑌂𑌦𑍍𑌰𑌿𑌯𑌾𑌸𑍁𑌹𑍃𑌦𑌯𑌾𑌨𑌿 𑌚𑌰𑌂𑌤𑌿 𑌯𑍇𑌨
𑌸𑌂𑌜𑍀𑌵𑌿𑌤𑌾𑌨𑌿 𑌤𑌤𑍍 𑌅𑌵𑍇𑌹𑌿 𑌪𑌰𑌂 𑌨𑌰𑍇𑌂𑌦𑍍𑌰 ॥ 35॥

𑌨 𑌏𑌤𑌤𑍍 𑌮𑌨𑌃 𑌵𑌿𑌶𑌤𑌿 𑌵𑌾𑌗𑍁𑌤 𑌚𑌕𑍍𑌷𑍁𑌃 𑌆𑌤𑍍𑌮𑌾
𑌪𑍍𑌰𑌾𑌣𑍇𑌂𑌦𑍍𑌰𑌿𑌯𑌾𑌣𑌿 𑌚 𑌯𑌥𑌾 𑌅𑌨𑌲𑌂 𑌅𑌰𑍍𑌚𑌿𑌷𑌃 𑌸𑍍𑌵𑌾𑌃 ।
𑌶𑌬𑍍𑌦𑌃 𑌅𑌪𑌿 𑌬𑍋𑌧𑌕𑌨𑌿𑌷𑍇𑌧𑌤𑌯𑌾 𑌆𑌤𑍍𑌮𑌮𑍂𑌲𑌮𑍍
𑌅𑌰𑍍𑌥 𑌉𑌕𑍍𑌤𑌂 𑌆𑌹 𑌯𑌦𑍃𑌤𑍇 𑌨 𑌨𑌿𑌷𑍇𑌧𑌸𑌿𑌦𑍍𑌧𑌿𑌃 ॥ 36॥

𑌸𑌤𑍍𑌵𑌂 𑌰𑌜𑌃 𑌤𑌮𑌃 𑌇𑌤𑌿 𑌤𑍍𑌰𑌿𑌵𑍃𑌦𑍇𑌕𑌂 𑌆𑌦𑍌
𑌸𑍂𑌤𑍍𑌰𑌂 𑌮𑌹𑌾𑌨𑍍 𑌅𑌹𑌂 𑌇𑌤𑌿 𑌪𑍍𑌰𑌵𑌦𑌂𑌤𑌿 𑌜𑍀𑌵𑌮𑍍 ।
𑌜𑍍𑌞𑌾𑌨𑌕𑍍𑌰𑌿𑌯𑌾 𑌅𑌰𑍍𑌥𑌫𑌲𑌰𑍂𑌪𑌤𑌯𑍋𑌃 𑌉𑌶𑌕𑍍𑌤𑌿
𑌬𑍍𑌰𑌹𑍍𑌮 𑌏𑌵 𑌭𑌾𑌤𑌿 𑌸𑌤𑍍 𑌅𑌸𑌤𑍍 𑌚 𑌤𑌯𑍋𑌃 𑌪𑌰𑌂 𑌯𑌤𑍍 ॥ 3𑍭॥

𑌨 𑌆𑌤𑍍𑌮𑌾 𑌜𑌜𑌾𑌨 𑌨 𑌮𑌰𑌿𑌷𑍍𑌯𑌤𑌿 𑌨 𑌏𑌧𑌤𑍇 𑌅𑌸𑍌
𑌨 𑌕𑍍𑌷𑍀𑌯𑌤𑍇 𑌸𑌵𑌨𑌵𑌿𑌤𑍍 𑌵𑍍𑌯𑌭𑌿𑌚𑌾𑌰𑌿𑌣𑌾𑌂 𑌹𑌿 ।
𑌸𑌰𑍍𑌵𑌤𑍍𑌰 𑌶𑌸𑍍𑌵𑌦𑌨𑌪𑌾𑌯𑌿 𑌉𑌪𑌲𑌬𑍍𑌧𑌿𑌮𑌾𑌤𑍍𑌰𑌂
𑌪𑍍𑌰𑌾𑌣𑌃 𑌯𑌥𑌾 𑌇𑌂𑌦𑍍𑌰𑌿𑌯𑌵𑌲𑍇𑌨 𑌵𑌿𑌕𑌲𑍍𑌪𑌿𑌤𑌂 𑌸𑌤𑍍 ॥ 3𑍮॥

𑌅𑌂𑌡𑍇𑌷𑍁 𑌪𑍇𑌶𑌿𑌷𑍁 𑌤𑌰𑍁𑌷𑍁 𑌅𑌵𑌿𑌨𑌿𑌶𑍍𑌚𑌿𑌤𑍇𑌷𑍁
𑌪𑍍𑌰𑌾𑌣𑌃 𑌹𑌿 𑌜𑍀𑌵𑌂 𑌉𑌪𑌧𑌾𑌵𑌤𑌿 𑌤𑌤𑍍𑌰 𑌤𑌤𑍍𑌰 ।
𑌸𑌨𑍍𑌨𑍇 𑌯𑌤𑍍 𑌇𑌂𑌦𑍍𑌰𑌿𑌯𑌗𑌣𑍇 𑌅𑌹𑌮𑌿 𑌚 𑌪𑍍𑌰𑌸𑍁𑌪𑍍𑌤𑍇
𑌕𑍂𑌟𑌸𑍍𑌥𑌃 𑌆𑌶𑌯𑌮𑍃𑌤𑍇 𑌤𑌤𑍍 𑌅𑌨𑍁𑌸𑍍𑌮𑍃𑌤𑌿𑌃 𑌨𑌃 ॥ 3𑍯॥

𑌯𑌃 𑌹𑌿 𑌅𑌬𑍍𑌜 𑌨𑌾𑌭 𑌚𑌰𑌣 𑌏𑌷𑌣𑌯𑍋𑌃 𑌉𑌭𑌕𑍍𑌤𑍍𑌯𑌾
𑌚𑍇𑌤𑍋𑌮𑌲𑌾𑌨𑌿 𑌵𑌿𑌧𑌮𑍇𑌤𑍍 𑌗𑍁𑌣𑌕𑌰𑍍𑌮𑌜𑌾𑌨𑌿 ।
𑌤𑌸𑍍𑌮𑌿𑌨𑍍 𑌵𑌿𑌶𑍁𑌦𑍍𑌧𑌃 𑌉𑌪𑌲𑌭𑍍𑌯𑌤𑌃 𑌆𑌤𑍍𑌮𑌤𑌤𑍍𑌤𑍍𑌵𑌮𑍍
𑌸𑌾𑌕𑍍𑌷𑌾𑌤𑍍 𑌯𑌥𑌾 𑌅𑌮𑌲𑌦𑍃𑌶𑌃 𑌸𑌵𑌿𑌤𑍃𑌪𑍍𑌰𑌕𑌾𑌶𑌃 ॥ 40॥

𑌕𑌰𑍍𑌮𑌯𑍋𑌗𑌂 𑌵𑌦𑌤 𑌨𑌃 𑌪𑍁𑌰𑍁𑌷𑌃 𑌯𑍇𑌨 𑌸𑌂𑌸𑍍𑌕𑍃𑌤𑌃 ।
𑌵𑌿𑌧𑍂𑌯 𑌇𑌹 𑌆𑌶𑍁 𑌕𑌰𑍍𑌮𑌾𑌣𑌿 𑌨𑍈𑌷𑍍𑌕𑌰𑍍𑌮𑍍𑌯𑌂 𑌵𑌿𑌂𑌦𑌤𑍇 𑌪𑌰𑌮𑍍 ॥ 41॥

𑌏𑌵𑌂 𑌪𑍍𑌰𑌶𑍍𑌨𑌂 𑌋𑌷𑌿𑌨𑍍 𑌪𑍂𑌰𑍍𑌵𑌂 𑌅𑌪𑍃𑌚𑍍𑌛𑌂 𑌪𑌿𑌤𑍁𑌃 𑌅𑌂𑌤𑌿𑌕𑍇 ।
𑌨 𑌅𑌬𑍍𑌰𑍁𑌵𑌨𑍍 𑌬𑍍𑌰𑌹𑍍𑌮𑌣𑌃 𑌪𑍁𑌤𑍍𑌰𑌾𑌃 𑌤𑌤𑍍𑌰 𑌕𑌾𑌰𑌣𑌂 𑌉𑌚𑍍𑌯𑌤𑌾𑌮𑍍 ॥ 42॥

𑌆𑌵𑌿𑌰𑍍𑌹𑍋𑌤𑍍𑌰𑌃 𑌉𑌵𑌾𑌚 ।
𑌕𑌰𑍍𑌮 𑌅𑌕𑌰𑍍𑌮𑌵𑌿𑌕𑌰𑍍𑌮 𑌇𑌤𑌿 𑌵𑍇𑌦𑌵𑌾𑌦𑌃 𑌨 𑌲𑍌𑌕𑌿𑌕𑌃 ।
𑌵𑍇𑌦𑌸𑍍𑌯 𑌚 𑌈𑌶𑍍𑌵𑌰𑌾𑌤𑍍𑌮𑌤𑍍𑌵𑌾𑌤𑍍 𑌤𑌤𑍍𑌰 𑌮𑍁𑌹𑍍𑌯𑌂𑌤𑌿 𑌸𑍂𑌰𑌯𑌃 ॥ 43॥

𑌪𑌰𑍋𑌕𑍍𑌷𑌵𑌾𑌦𑌃 𑌵𑍇𑌦𑌃 𑌅𑌯𑌂 𑌬𑌾𑌲𑌾𑌨𑌾𑌂 𑌅𑌨𑍁𑌶𑌾𑌸𑌨𑌮𑍍 ।
𑌕𑌰𑍍𑌮𑌮𑍋𑌕𑍍𑌷𑌾𑌯 𑌕𑌰𑍍𑌮𑌾𑌣𑌿 𑌵𑌿𑌧𑌤𑍍𑌤𑍇 𑌹𑌿 𑌅𑌗𑌦𑌂 𑌯𑌥𑌾 ॥ 44॥

𑌨 𑌆𑌚𑌰𑍇𑌤𑍍 𑌯𑌃 𑌤𑍁 𑌵𑍇𑌦 𑌉𑌕𑍍𑌤𑌂 𑌸𑍍𑌵𑌯𑌂 𑌅𑌜𑍍𑌞𑌃 𑌅𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌵𑌿𑌕𑌰𑍍𑌮𑌣𑌾 𑌹𑌿 𑌅𑌧𑌰𑍍𑌮𑍇𑌣 𑌮𑍃𑌤𑍍𑌯𑍋𑌃 𑌮𑍃𑌤𑍍𑌯𑍁𑌂 𑌉𑌪𑍈𑌤𑌿 𑌸𑌃 ॥ 45॥

𑌵𑍇𑌦 𑌉𑌕𑍍𑌤𑌂 𑌏𑌵 𑌕𑍁𑌰𑍍𑌵𑌾𑌣𑌃 𑌨𑌿𑌃𑌸𑌂𑌗𑌃 𑌅𑌰𑍍𑌪𑌿𑌤𑌂 𑌈𑌶𑍍𑌵𑌰𑍇 ।
𑌨𑍈𑌷𑍍𑌕𑌰𑍍𑌮𑍍𑌯𑌾𑌂 𑌲𑌭𑌤𑍇 𑌸𑌿𑌦𑍍𑌧𑌿𑌂 𑌰𑍋𑌚𑌨𑌾𑌰𑍍𑌥𑌾 𑌫𑌲𑌶𑍍𑌰𑍁𑌤𑌿𑌃 ॥ 46॥

𑌯𑌃 𑌆𑌶𑍁 𑌹𑍃𑌦𑌯𑌗𑍍𑌰𑌂𑌥𑌿𑌂 𑌨𑌿𑌰𑍍𑌜𑌿𑌹𑍀𑌷𑍁𑌃 𑌪𑌰𑌾𑌤𑍍𑌮𑌨𑌃 ।
𑌵𑌿𑌧𑌿𑌨𑌾 𑌉𑌪𑌚𑌰𑍇𑌤𑍍 𑌦𑍇𑌵𑌂 𑌤𑌂𑌤𑍍𑌰 𑌉𑌕𑍍𑌤𑍇𑌨 𑌚 𑌕𑍇𑌶𑌵𑌮𑍍 ॥ 4𑍭॥

𑌲𑌬𑍍𑌧 𑌅𑌨𑍁𑌗𑍍𑌰𑌹𑌃 𑌆𑌚𑌾𑌰𑍍𑌯𑌾𑌤𑍍 𑌤𑍇𑌨 𑌸𑌂𑌦𑌰𑍍𑌶𑌿𑌤𑌾𑌗𑌮𑌃 ।
𑌮𑌹𑌾𑌪𑍁𑌰𑍁𑌷𑌂 𑌅𑌭𑍍𑌯𑌰𑍍𑌚𑍇𑌤𑍍 𑌮𑍂𑌰𑍍𑌤𑍍𑌯𑌾 𑌅𑌭𑌿𑌮𑌤𑌯𑌾 𑌆𑌤𑍍𑌮𑌨𑌃 ॥ 4𑍮॥

𑌶𑍁𑌚𑌿𑌃 𑌸𑌂𑌮𑍁𑌖𑌂 𑌆𑌸𑍀𑌨𑌃 𑌪𑍍𑌰𑌾𑌣𑌸𑌂𑌯𑌮𑌨𑌾𑌦𑌿𑌭𑌿𑌃 ।
𑌪𑌿𑌂𑌡𑌂 𑌵𑌿𑌶𑍋𑌧𑍍𑌯 𑌸𑌂𑌨𑍍𑌯𑌾𑌸𑌕𑍃𑌤𑌰𑌕𑍍𑌷𑌃 𑌅𑌰𑍍𑌚𑌯𑍇𑌤𑍍 𑌹𑌰𑌿𑌮𑍍 ॥ 4𑍯॥

𑌅𑌰𑍍𑌚𑌾𑌦𑍌 𑌹𑍃𑌦𑌯𑍇 𑌚 𑌅𑌪𑌿 𑌯𑌥𑌾𑌲𑌬𑍍𑌧 𑌉𑌪𑌚𑌾𑌰𑌕𑍈𑌃 ।
𑌦𑍍𑌰𑌵𑍍𑌯𑌕𑍍𑌷𑌿𑌤𑌿𑌆𑌤𑍍𑌮𑌲𑌿𑌂𑌗𑌾𑌨𑌿 𑌨𑌿𑌷𑍍𑌪𑌾𑌦𑍍𑌯 𑌪𑍍𑌰𑍋𑌕𑍍𑌷𑍍𑌯 𑌚 𑌆𑌸𑌨𑌮𑍍 ॥ 50॥

𑌪𑌾𑌦𑍍𑌯𑌾𑌦𑍀𑌨𑍍 𑌉𑌪𑌕𑌲𑍍𑌪𑍍𑌯𑌾 𑌅𑌥 𑌸𑌂𑌨𑌿𑌧𑌾𑌪𑍍𑌯 𑌸𑌮𑌾𑌹𑌿𑌤𑌃 ।
𑌹𑍃𑌤𑍍 𑌆𑌦𑌿𑌭𑌿𑌃 𑌕𑍃𑌤𑌨𑍍𑌯𑌾𑌸𑌃 𑌮𑍂𑌲𑌮𑌂𑌤𑍍𑌰𑍇𑌣 𑌚 𑌅𑌰𑍍𑌚𑌯𑍇𑌤𑍍 ॥ 51॥

𑌸𑌾𑌂𑌗𑍋𑌪𑌾𑌂𑌗𑌾𑌂 𑌸𑌪𑌾𑌰𑍍𑌷𑌦𑌾𑌂 𑌤𑌾𑌂 𑌤𑌾𑌂 𑌮𑍂𑌰𑍍𑌤𑌿𑌂 𑌸𑍍𑌵𑌮𑌂𑌤𑍍𑌰𑌤𑌃 ।
𑌪𑌾𑌦𑍍𑌯 𑌅𑌰𑍍𑌘𑍍𑌯𑌾𑌚𑌮𑌨𑍀𑌯𑌾𑌦𑍍𑌯𑍈𑌃 𑌸𑍍𑌨𑌾𑌨𑌵𑌾𑌸𑌃𑌵𑌿𑌭𑍂𑌷𑌣𑍈𑌃 ॥ 52॥

𑌗𑌂𑌧𑌮𑌾𑌲𑍍𑌯𑌾𑌕𑍍𑌷𑌤𑌸𑍍𑌰𑌗𑍍𑌭𑌿𑌃 𑌧𑍂𑌪𑌦𑍀𑌪𑌹𑌾𑌰𑌕𑍈𑌃 ।
𑌸𑌾𑌂𑌗𑌂 𑌸𑌂𑌪𑍂𑌜𑍍𑌯 𑌵𑌿𑌧𑌿𑌵𑌤𑍍 𑌸𑍍𑌤𑌵𑍈𑌃 𑌸𑍍𑌤𑍁𑌤𑍍𑌵𑌾 𑌨𑌮𑍇𑌤𑍍 𑌹𑌰𑌿𑌮𑍍 ॥ 53॥

𑌆𑌤𑍍𑌮𑌾𑌂 𑌤𑌨𑍍𑌮𑌯𑌂 𑌧𑍍𑌯𑌾𑌯𑌨𑍍 𑌮𑍂𑌰𑍍𑌤𑌿𑌂 𑌸𑌂𑌪𑍂𑌜𑌯𑍇𑌤𑍍 𑌹𑌰𑍇𑌃 ।
𑌶𑍇𑌷𑌾𑌂 𑌆𑌧𑌾𑌯 𑌶𑌿𑌰𑌸𑌿 𑌸𑍍𑌵𑌧𑌾𑌮𑍍𑌨𑌿 𑌉𑌦𑍍𑌵𑌾𑌸𑍍𑌯 𑌸𑌤𑍍𑌕𑍃𑌤𑌮𑍍 ॥ 54॥

𑌏𑌵𑌂 𑌅𑌗𑍍𑌨𑌿 𑌅𑌰𑍍𑌕𑌤𑍋𑌯𑌾𑌦𑍌 𑌅𑌤𑌿𑌥𑍌 𑌹𑍃𑌦𑌯𑍇 𑌚 𑌯𑌃 ।
𑌯𑌜𑌤𑌿 𑌈𑌶𑍍𑌵𑌰𑌂 𑌆𑌤𑍍𑌮𑌾𑌨𑌂 𑌅𑌚𑌿𑌰𑌾𑌤𑍍 𑌮𑍁𑌚𑍍𑌯𑌤𑍇 𑌹𑌿 𑌸𑌃 ॥ 55॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌨𑌿𑌮𑌿𑌜𑌾𑌯𑌂𑌤𑌸𑌂𑌵𑌾𑌦𑍇
𑌮𑌾𑌯𑌾𑌕𑌰𑍍𑌮𑌬𑍍𑌰𑌹𑍍𑌮𑌨𑌿𑌰𑍂𑌪𑌣𑌂 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃 ॥