Narayaniyam Dashaka 24 - Grantha

𑌵𑌿𑌧𑌾𑌤𑌾𑌰𑌂 𑌘𑍋𑌰𑌂 𑌸 𑌖𑌲𑍁 𑌤𑌪𑌸𑌿𑌤𑍍𑌵𑌾 𑌨𑌚𑌿𑌰𑌤𑌃
𑌪𑍁𑌰𑌃 𑌸𑌾𑌕𑍍𑌷𑌾𑌤𑍍𑌕𑍁𑌰𑍍𑌵𑌨𑍍 𑌸𑍁𑌰𑌨𑌰𑌮𑍃𑌗𑌾𑌦𑍍𑌯𑍈𑌰𑌨𑌿𑌧𑌨𑌮𑍍 ।
𑌵𑌰𑌂 𑌲𑌬𑍍𑌧𑍍𑌵𑌾 𑌦𑍃𑌪𑍍𑌤𑍋 𑌜𑌗𑌦𑌿𑌹 𑌭𑌵𑌨𑍍𑌨𑌾𑌯𑌕𑌮𑌿𑌦𑌂
𑌪𑌰𑌿𑌕𑍍𑌷𑍁𑌂𑌦𑌨𑍍𑌨𑌿𑌂𑌦𑍍𑌰𑌾𑌦𑌹𑌰𑌤 𑌦𑌿𑌵𑌂 𑌤𑍍𑌵𑌾𑌮𑌗𑌣𑌯𑌨𑍍 ॥2॥

𑌨𑌿𑌹𑌂𑌤𑍁𑌂 𑌤𑍍𑌵𑌾𑌂 𑌭𑍂𑌯𑌸𑍍𑌤𑌵 𑌪𑌦𑌮𑌵𑌾𑌪𑍍𑌤𑌸𑍍𑌯 𑌚 𑌰𑌿𑌪𑍋-
𑌰𑍍𑌬𑌹𑌿𑌰𑍍𑌦𑍃𑌷𑍍𑌟𑍇𑌰𑌂𑌤𑌰𑍍𑌦𑌧𑌿𑌥 𑌹𑍃𑌦𑌯𑍇 𑌸𑍂𑌕𑍍𑌷𑍍𑌮𑌵𑌪𑍁𑌷𑌾 ।
𑌨𑌦𑌨𑍍𑌨𑍁𑌚𑍍𑌚𑍈𑌸𑍍𑌤𑌤𑍍𑌰𑌾𑌪𑍍𑌯𑌖𑌿𑌲𑌭𑍁𑌵𑌨𑌾𑌂𑌤𑍇 𑌚 𑌮𑍃𑌗𑌯𑌨𑍍
𑌭𑌿𑌯𑌾 𑌯𑌾𑌤𑌂 𑌮𑌤𑍍𑌵𑌾 𑌸 𑌖𑌲𑍁 𑌜𑌿𑌤𑌕𑌾𑌶𑍀 𑌨𑌿𑌵𑌵𑍃𑌤𑍇 ॥3॥

𑌤𑌤𑍋𑌽𑌸𑍍𑌯 𑌪𑍍𑌰𑌹𑍍𑌲𑌾𑌦𑌃 𑌸𑌮𑌜𑌨𑌿 𑌸𑍁𑌤𑍋 𑌗𑌰𑍍𑌭𑌵𑌸𑌤𑍌
𑌮𑍁𑌨𑍇𑌰𑍍𑌵𑍀𑌣𑌾𑌪𑌾𑌣𑍇𑌰𑌧𑌿𑌗𑌤𑌭𑌵𑌦𑍍𑌭𑌕𑍍𑌤𑌿𑌮𑌹𑌿𑌮𑌾 ।
𑌸 𑌵𑍈 𑌜𑌾𑌤𑍍𑌯𑌾 𑌦𑍈𑌤𑍍𑌯𑌃 𑌶𑌿𑌶𑍁𑌰𑌪𑌿 𑌸𑌮𑍇𑌤𑍍𑌯 𑌤𑍍𑌵𑌯𑌿 𑌰𑌤𑌿𑌂
𑌗𑌤𑌸𑍍𑌤𑍍𑌵𑌦𑍍𑌭𑌕𑍍𑌤𑌾𑌨𑌾𑌂 𑌵𑌰𑌦 𑌪𑌰𑌮𑍋𑌦𑌾𑌹𑌰𑌣𑌤𑌾𑌮𑍍 ॥4॥

𑌸𑍁𑌰𑌾𑌰𑍀𑌣𑌾𑌂 𑌹𑌾𑌸𑍍𑌯𑌂 𑌤𑌵 𑌚𑌰𑌣𑌦𑌾𑌸𑍍𑌯𑌂 𑌨𑌿𑌜𑌸𑍁𑌤𑍇
𑌸 𑌦𑍃𑌷𑍍𑌟𑍍𑌵𑌾 𑌦𑍁𑌷𑍍𑌟𑌾𑌤𑍍𑌮𑌾 𑌗𑍁𑌰𑍁𑌭𑌿𑌰𑌶𑌿𑌶𑌿𑌕𑍍𑌷𑌚𑍍𑌚𑌿𑌰𑌮𑌮𑍁𑌮𑍍 ।
𑌗𑍁𑌰𑍁𑌪𑍍𑌰𑍋𑌕𑍍𑌤𑌂 𑌚𑌾𑌸𑌾𑌵𑌿𑌦𑌮𑌿𑌦𑌮𑌭𑌦𑍍𑌰𑌾𑌯 𑌦𑍃𑌢𑌮𑌿-
𑌤𑍍𑌯𑌪𑌾𑌕𑍁𑌰𑍍𑌵𑌨𑍍 𑌸𑌰𑍍𑌵𑌂 𑌤𑌵 𑌚𑌰𑌣𑌭𑌕𑍍𑌤𑍍𑌯𑍈𑌵 𑌵𑌵𑍃𑌧𑍇 ॥ 5 ॥

𑌅𑌧𑍀𑌤𑍇𑌷𑍁 𑌶𑍍𑌰𑍇𑌷𑍍𑌠𑌂 𑌕𑌿𑌮𑌿𑌤𑌿 𑌪𑌰𑌿𑌪𑍃𑌷𑍍𑌟𑍇𑌽𑌥 𑌤𑌨𑌯𑍇
𑌭𑌵𑌦𑍍𑌭𑌕𑍍𑌤𑌿𑌂 𑌵𑌰𑍍𑌯𑌾𑌮𑌭𑌿𑌗𑌦𑌤𑌿 𑌪𑌰𑍍𑌯𑌾𑌕𑍁𑌲𑌧𑍃𑌤𑌿𑌃 ।
𑌗𑍁𑌰𑍁𑌭𑍍𑌯𑍋 𑌰𑍋𑌷𑌿𑌤𑍍𑌵𑌾 𑌸𑌹𑌜𑌮𑌤𑌿𑌰𑌸𑍍𑌯𑍇𑌤𑍍𑌯𑌭𑌿𑌵𑌿𑌦𑌨𑍍
𑌵𑌧𑍋𑌪𑌾𑌯𑌾𑌨𑌸𑍍𑌮𑌿𑌨𑍍 𑌵𑍍𑌯𑌤𑌨𑍁𑌤 𑌭𑌵𑌤𑍍𑌪𑌾𑌦𑌶𑌰𑌣𑍇 ॥6॥

𑌸 𑌶𑍂𑌲𑍈𑌰𑌾𑌵𑌿𑌦𑍍𑌧𑌃 𑌸𑍁𑌬𑌹𑍁 𑌮𑌥𑌿𑌤𑍋 𑌦𑌿𑌗𑍍𑌗𑌜𑌗𑌣𑍈-
𑌰𑍍𑌮𑌹𑌾𑌸𑌰𑍍𑌪𑍈𑌰𑍍𑌦𑌷𑍍𑌟𑍋𑌽𑌪𑍍𑌯𑌨𑌶𑌨𑌗𑌰𑌾𑌹𑌾𑌰𑌵𑌿𑌧𑍁𑌤𑌃 ।
𑌗𑌿𑌰𑍀𑌂𑌦𑍍𑌰𑌵𑌕𑍍𑌷𑌿𑌪𑍍𑌤𑍋𑌽𑌪𑍍𑌯𑌹𑌹! 𑌪𑌰𑌮𑌾𑌤𑍍𑌮𑌨𑍍𑌨𑌯𑌿 𑌵𑌿𑌭𑍋
𑌤𑍍𑌵𑌯𑌿 𑌨𑍍𑌯𑌸𑍍𑌤𑌾𑌤𑍍𑌮𑌤𑍍𑌵𑌾𑌤𑍍 𑌕𑌿𑌮𑌪𑌿 𑌨 𑌨𑌿𑌪𑍀𑌡𑌾𑌮𑌭𑌜𑌤 ॥𑍭॥

𑌤𑌤𑌃 𑌶𑌂𑌕𑌾𑌵𑌿𑌷𑍍𑌟𑌃 𑌸 𑌪𑍁𑌨𑌰𑌤𑌿𑌦𑍁𑌷𑍍𑌟𑍋𑌽𑌸𑍍𑌯 𑌜𑌨𑌕𑍋
𑌗𑍁𑌰𑍂𑌕𑍍𑌤𑍍𑌯𑌾 𑌤𑌦𑍍𑌗𑍇𑌹𑍇 𑌕𑌿𑌲 𑌵𑌰𑍁𑌣𑌪𑌾𑌶𑍈𑌸𑍍𑌤𑌮𑌰𑍁𑌣𑌤𑍍 ।
𑌗𑍁𑌰𑍋𑌶𑍍𑌚𑌾𑌸𑌾𑌨𑍍𑌨𑌿𑌧𑍍𑌯𑍇 𑌸 𑌪𑍁𑌨𑌰𑌨𑍁𑌗𑌾𑌨𑍍 𑌦𑍈𑌤𑍍𑌯𑌤𑌨𑌯𑌾𑌨𑍍
𑌭𑌵𑌦𑍍𑌭𑌕𑍍𑌤𑍇𑌸𑍍𑌤𑌤𑍍𑌤𑍍𑌵𑌂 𑌪𑌰𑌮𑌮𑌪𑌿 𑌵𑌿𑌜𑍍𑌞𑌾𑌨𑌮𑌶𑌿𑌷𑌤𑍍 ॥𑍮॥

𑌪𑌿𑌤𑌾 𑌶𑍃𑌣𑍍𑌵𑌨𑍍 𑌬𑌾𑌲𑌪𑍍𑌰𑌕𑌰𑌮𑌖𑌿𑌲𑌂 𑌤𑍍𑌵𑌤𑍍𑌸𑍍𑌤𑍁𑌤𑌿𑌪𑌰𑌂
𑌰𑍁𑌷𑌾𑌂𑌧𑌃 𑌪𑍍𑌰𑌾𑌹𑍈𑌨𑌂 𑌕𑍁𑌲𑌹𑌤𑌕 𑌕𑌸𑍍𑌤𑍇 𑌬𑌲𑌮𑌿𑌤𑌿 ।
𑌬𑌲𑌂 𑌮𑍇 𑌵𑍈𑌕𑍁𑌂𑌠𑌸𑍍𑌤𑌵 𑌚 𑌜𑌗𑌤𑌾𑌂 𑌚𑌾𑌪𑌿 𑌸 𑌬𑌲𑌂
𑌸 𑌏𑌵 𑌤𑍍𑌰𑍈𑌲𑍋𑌕𑍍𑌯𑌂 𑌸𑌕𑌲𑌮𑌿𑌤𑌿 𑌧𑍀𑌰𑍋𑌽𑌯𑌮𑌗𑌦𑍀𑌤𑍍 ॥𑍯॥

𑌅𑌰𑍇 𑌕𑍍𑌵𑌾𑌸𑍌 𑌕𑍍𑌵𑌾𑌸𑍌 𑌸𑌕𑌲𑌜𑌗𑌦𑌾𑌤𑍍𑌮𑌾 𑌹𑌰𑌿𑌰𑌿𑌤𑌿
𑌪𑍍𑌰𑌭𑌿𑌂𑌤𑍇 𑌸𑍍𑌮 𑌸𑍍𑌤𑌂𑌭𑌂 𑌚𑌲𑌿𑌤𑌕𑌰𑌵𑌾𑌲𑍋 𑌦𑌿𑌤𑌿𑌸𑍁𑌤𑌃 ।
𑌅𑌤𑌃 𑌪𑌶𑍍𑌚𑌾𑌦𑍍𑌵𑌿𑌷𑍍𑌣𑍋 𑌨 𑌹𑌿 𑌵𑌦𑌿𑌤𑍁𑌮𑍀𑌶𑍋𑌽𑌸𑍍𑌮𑌿 𑌸𑌹𑌸𑌾
𑌕𑍃𑌪𑌾𑌤𑍍𑌮𑌨𑍍 𑌵𑌿𑌶𑍍𑌵𑌾𑌤𑍍𑌮𑌨𑍍 𑌪𑌵𑌨𑌪𑍁𑌰𑌵𑌾𑌸𑌿𑌨𑍍 𑌮𑍃𑌡𑌯 𑌮𑌾𑌮𑍍 ॥10॥

Browse Related Categories: