𑌦𑌾𑌮𑍋𑌦𑌰 𑌅𑌷𑍍𑌟𑌕𑌂

Collection of Spiritual and Devotional Literature in Various Indian Languages

View this in:

𑌦𑌾𑌮𑍋𑌦𑌰 𑌅𑌷𑍍𑌟𑌕𑌂

𑌨𑌮𑌾𑌮𑍀𑌶𑍍𑌵𑌰𑌂 𑌸𑌚𑍍𑌚𑌿𑌦𑌾𑌨𑌂𑌦𑌰𑍂𑌪𑌂
𑌲𑌸𑌤𑍍𑌕𑍁𑌂𑌡𑌲𑌂 𑌗𑍋𑌕𑍁𑌲𑍇 𑌭𑍍𑌰𑌾𑌜𑌮𑌾𑌨𑌮𑍍 ।
𑌯𑌶𑍋𑌦𑌾𑌭𑌿𑌯𑍋𑌲𑍂𑌖𑌲𑌾𑌦𑍍𑌧𑌾𑌵𑌮𑌾𑌨𑌂
𑌪𑌰𑌾𑌮𑍃𑌷𑍍𑌟𑌮𑌤𑍍𑌯𑌂𑌤𑌤𑍋 𑌦𑍍𑌰𑍁𑌤𑍍𑌯 𑌗𑍋𑌪𑍍𑌯𑌾 ॥ 1 ॥

𑌰𑍁𑌦𑌂𑌤𑌂 𑌮𑍁𑌹𑍁𑌰𑍍𑌨𑍇𑌤𑍍𑌰𑌯𑍁𑌗𑍍𑌮𑌂 𑌮𑍃𑌜𑌂𑌤𑌂
𑌕𑌰𑌾𑌂𑌭𑍋𑌜𑌯𑍁𑌗𑍍𑌮𑍇𑌨 𑌸𑌾𑌤𑌂𑌕𑌨𑍇𑌤𑍍𑌰𑌮𑍍 ।
𑌮𑍁𑌹𑍁𑌃 𑌶𑍍𑌵𑌾𑌸𑌕𑌂𑌪𑌤𑍍𑌰𑌿𑌰𑍇𑌖𑌾𑌂𑌕𑌕𑌂𑌠-
𑌸𑍍𑌥𑌿𑌤𑌗𑍍𑌰𑍈𑌵-𑌦𑌾𑌮𑍋𑌦𑌰𑌂 𑌭𑌕𑍍𑌤𑌿𑌬𑌦𑍍𑌧𑌮𑍍 ॥ 2 ॥

𑌇𑌤𑍀𑌦𑍃𑌕𑍍 𑌸𑍍𑌵𑌲𑍀𑌲𑌾𑌭𑌿𑌰𑌾𑌨𑌂𑌦𑌕𑍁𑌂𑌡𑍇
𑌸𑍍𑌵𑌘𑍋𑌷𑌂 𑌨𑌿𑌮𑌜𑍍𑌜𑌂𑌤𑌮𑌾𑌖𑍍𑌯𑌾𑌪𑌯𑌂𑌤𑌮𑍍 ।
𑌤𑌦𑍀𑌯𑍇𑌷𑌿𑌤𑌾𑌜𑍍𑌞𑍇𑌷𑍁 𑌭𑌕𑍍𑌤𑍈𑌰𑍍𑌜𑌿𑌤𑌤𑍍𑌵𑌂
𑌪𑍁𑌨𑌃 𑌪𑍍𑌰𑍇𑌮𑌤𑌸𑍍𑌤𑌂 𑌶𑌤𑌾𑌵𑍃𑌤𑍍𑌤𑌿 𑌵𑌂𑌦𑍇 ॥ 3 ॥

𑌵𑌰𑌂 𑌦𑍇𑌵 𑌮𑍋𑌕𑍍𑌷𑌂 𑌨 𑌮𑍋𑌕𑍍𑌷𑌾𑌵𑌧𑌿𑌂 𑌵𑌾
𑌨 𑌚𑌾𑌨𑍍𑌯𑌂 𑌵𑍃𑌣𑍇𑌽𑌹𑌂 𑌵𑌰𑍇𑌷𑌾𑌦𑌪𑍀𑌹 ।
𑌇𑌦𑌂 𑌤𑍇 𑌵𑌪𑍁𑌰𑍍𑌨𑌾𑌥 𑌗𑍋𑌪𑌾𑌲𑌬𑌾𑌲𑌂
𑌸𑌦𑌾 𑌮𑍇 𑌮𑌨𑌸𑍍𑌯𑌾𑌵𑌿𑌰𑌾𑌸𑍍𑌤𑌾𑌂 𑌕𑌿𑌮𑌨𑍍𑌯𑍈𑌃 ॥ 4 ॥

𑌇𑌦𑌂 𑌤𑍇 𑌮𑍁𑌖𑌾𑌂𑌭𑍋𑌜𑌮𑌤𑍍𑌯𑌂𑌤𑌨𑍀𑌲𑍈𑌰𑍍-
𑌵𑍃𑌤𑌂 𑌕𑍁𑌂𑌤𑌲𑍈𑌃 𑌸𑍍𑌨𑌿𑌗𑍍𑌧-𑌰𑌕𑍍𑌤𑍈𑌶𑍍𑌚 𑌗𑍋𑌪𑍍𑌯𑌾 ।
𑌮𑍁𑌹𑍁𑌶𑍍𑌚𑍁𑌂𑌬𑌿𑌤𑌂 𑌬𑌿𑌂𑌬𑌰𑌕𑍍𑌤𑌧𑌰𑌂 𑌮𑍇
𑌮𑌨𑌸𑍍𑌯𑌾𑌵𑌿𑌰𑌾𑌸𑍍𑌤𑌾𑌂 𑌅𑌲𑌂 𑌲𑌕𑍍𑌷𑌲𑌾𑌭𑍈𑌃 ॥ 5 ॥

𑌨𑌮𑍋 𑌦𑍇𑌵 𑌦𑌾𑌮𑍋𑌦𑌰𑌾𑌨𑌂𑌤 𑌵𑌿𑌷𑍍𑌣𑍋
𑌪𑍍𑌰𑌸𑍀𑌦 𑌪𑍍𑌰𑌭𑍋 𑌦𑍁𑌃𑌖𑌜𑌾𑌲𑌾𑌬𑍍𑌧𑌿𑌮𑌗𑍍𑌨𑌮𑍍 ।
𑌕𑍃𑌪𑌾𑌦𑍃𑌷𑍍𑌟𑌿𑌵𑍃𑌷𑍍𑌟𑍍𑌯𑌾𑌤𑌿𑌦𑍀𑌨𑌂 𑌬𑌤𑌾𑌨𑍁
𑌗𑍃𑌹𑌾𑌣𑍇𑌶 𑌮𑌾𑌂 𑌅𑌜𑍍𑌞𑌮𑍇𑌧𑍍𑌯𑌕𑍍𑌷𑌿𑌦𑍃𑌶𑍍𑌯𑌃 ॥ 6 ॥

𑌕𑍁𑌬𑍇𑌰𑌾𑌤𑍍𑌮𑌜𑍌 𑌬𑌦𑍍𑌧𑌮𑍂𑌰𑍍𑌤𑍍𑌯𑍈𑌵 𑌯𑌦𑍍𑌵𑌤𑍍
𑌤𑍍𑌵𑌯𑌾 𑌮𑍋𑌚𑌿𑌤𑍌 𑌭𑌕𑍍𑌤𑌿𑌭𑌾𑌜𑍌 𑌕𑍃𑌤𑍌 𑌚 ।
𑌤𑌥𑌾 𑌪𑍍𑌰𑍇𑌮𑌭𑌕𑍍𑌤𑌿𑌂 𑌸𑍍𑌵𑌕𑌂 𑌮𑍇 𑌪𑍍𑌰𑌯𑌚𑍍𑌛
𑌨 𑌮𑍋𑌕𑍍𑌷𑍇 𑌗𑍍𑌰𑌹𑍋 𑌮𑍇𑌽𑌸𑍍𑌤𑌿 𑌦𑌾𑌮𑍋𑌦𑌰𑍇𑌹 ॥ 𑍭 ॥

𑌨𑌮𑌸𑍍𑌤𑍇𑌽𑌸𑍍𑌤𑍁 𑌦𑌾𑌮𑍍𑌨𑍇 𑌸𑍍𑌫𑍁𑌰𑌦𑍍𑌦𑍀𑌪𑍍𑌤𑌿𑌧𑌾𑌮𑍍𑌨𑍇
𑌤𑍍𑌵𑌦𑍀𑌯𑍋𑌦𑌰𑌾𑌯𑌾𑌥 𑌵𑌿𑌶𑍍𑌵𑌸𑍍𑌯 𑌧𑌾𑌮𑍍𑌨𑍇 ।
𑌨𑌮𑍋 𑌰𑌾𑌧𑌿𑌕𑌾𑌯𑍈 𑌤𑍍𑌵𑌦𑍀𑌯𑌪𑍍𑌰𑌿𑌯𑌾𑌯𑍈
𑌨𑌮𑍋𑌽𑌨𑌂𑌤𑌲𑍀𑌲𑌾𑌯 𑌦𑍇𑌵𑌾𑌯 𑌤𑍁𑌭𑍍𑌯𑌮𑍍 ॥ 𑍮 ॥

𑌇𑌤𑌿 𑌶𑍍𑌰𑍀𑌮𑌦𑍍𑌪𑌦𑍍𑌮𑌪𑍁𑌰𑌾𑌣𑍇 𑌶𑍍𑌰𑍀 𑌦𑌾𑌮𑍋𑌦𑌰𑌾𑌷𑍍𑌟𑌾𑌕𑌂 𑌸𑌂𑌪𑍂𑌰𑍍𑌣𑌮𑍍 ॥

Browse Related Categories: