Narayaniyam Dashaka 15 - Grantha

𑌪𑍍𑌰𑌕𑍃𑌤𑌿𑌮𑌹𑌦𑌹𑌂𑌕𑌾𑌰𑌾𑌶𑍍𑌚 𑌮𑌾𑌤𑍍𑌰𑌾𑌶𑍍𑌚 𑌭𑍂𑌤𑌾-
𑌨𑍍𑌯𑌪𑌿 𑌹𑍃𑌦𑌪𑌿 𑌦𑌶𑌾𑌕𑍍𑌷𑍀 𑌪𑍂𑌰𑍁𑌷𑌃 𑌪𑌂𑌚𑌵𑌿𑌂𑌶𑌃 ।
𑌇𑌤𑌿 𑌵𑌿𑌦𑌿𑌤𑌵𑌿𑌭𑌾𑌗𑍋 𑌮𑍁𑌚𑍍𑌯𑌤𑍇𑌽𑌸𑍌 𑌪𑍍𑌰𑌕𑍃𑌤𑍍𑌯𑌾
𑌕𑌪𑌿𑌲𑌤𑌨𑍁𑌰𑌿𑌤𑌿 𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥2॥

𑌪𑍍𑌰𑌕𑍃𑌤𑌿𑌗𑌤𑌗𑍁𑌣𑍌𑌘𑍈𑌰𑍍𑌨𑌾𑌜𑍍𑌯𑌤𑍇 𑌪𑍂𑌰𑍁𑌷𑍋𑌽𑌯𑌂
𑌯𑌦𑌿 𑌤𑍁 𑌸𑌜𑌤𑌿 𑌤𑌸𑍍𑌯𑌾𑌂 𑌤𑌤𑍍 𑌗𑍁𑌣𑌾𑌸𑍍𑌤𑌂 𑌭𑌜𑍇𑌰𑌨𑍍 ।
𑌮𑌦𑌨𑍁𑌭𑌜𑌨𑌤𑌤𑍍𑌤𑍍𑌵𑌾𑌲𑍋𑌚𑌨𑍈𑌃 𑌸𑌾𑌽𑌪𑍍𑌯𑌪𑍇𑌯𑌾𑌤𑍍
𑌕𑌪𑌿𑌲𑌤𑌨𑍁𑌰𑌿𑌤𑌿 𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥3॥

𑌵𑌿𑌮𑌲𑌮𑌤𑌿𑌰𑍁𑌪𑌾𑌤𑍍𑌤𑍈𑌰𑌾𑌸𑌨𑌾𑌦𑍍𑌯𑍈𑌰𑍍𑌮𑌦𑌂𑌗𑌂
𑌗𑌰𑍁𑌡𑌸𑌮𑌧𑌿𑌰𑍂𑌢𑌂 𑌦𑌿𑌵𑍍𑌯𑌭𑍂𑌷𑌾𑌯𑍁𑌧𑌾𑌂𑌕𑌮𑍍 ।
𑌰𑍁𑌚𑌿𑌤𑍁𑌲𑌿𑌤𑌤𑌮𑌾𑌲𑌂 𑌶𑍀𑌲𑌯𑍇𑌤𑌾𑌨𑍁𑌵𑍇𑌲𑌂
𑌕𑌪𑌿𑌲𑌤𑌨𑍁𑌰𑌿𑌤𑌿 𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥4॥

𑌮𑌮 𑌗𑍁𑌣𑌗𑌣𑌲𑍀𑌲𑌾𑌕𑌰𑍍𑌣𑌨𑍈𑌃 𑌕𑍀𑌰𑍍𑌤𑌨𑌾𑌦𑍍𑌯𑍈-
𑌰𑍍𑌮𑌯𑌿 𑌸𑍁𑌰𑌸𑌰𑌿𑌦𑍋𑌘𑌪𑍍𑌰𑌖𑍍𑌯𑌚𑌿𑌤𑍍𑌤𑌾𑌨𑍁𑌵𑍃𑌤𑍍𑌤𑌿𑌃 ।
𑌭𑌵𑌤𑌿 𑌪𑌰𑌮𑌭𑌕𑍍𑌤𑌿𑌃 𑌸𑌾 𑌹𑌿 𑌮𑍃𑌤𑍍𑌯𑍋𑌰𑍍𑌵𑌿𑌜𑍇𑌤𑍍𑌰𑍀
𑌕𑌪𑌿𑌲𑌤𑌨𑍁𑌰𑌿𑌤𑌿 𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥5॥

𑌅𑌹𑌹 𑌬𑌹𑍁𑌲𑌹𑌿𑌂𑌸𑌾𑌸𑌂𑌚𑌿𑌤𑌾𑌰𑍍𑌥𑍈𑌃 𑌕𑍁𑌟𑍁𑌂𑌬𑌂
𑌪𑍍𑌰𑌤𑌿𑌦𑌿𑌨𑌮𑌨𑍁𑌪𑍁𑌷𑍍𑌣𑌨𑍍 𑌸𑍍𑌤𑍍𑌰𑍀𑌜𑌿𑌤𑍋 𑌬𑌾𑌲𑌲𑌾𑌲𑍀 ।
𑌵𑌿𑌶𑌤𑌿 𑌹𑌿 𑌗𑍃𑌹𑌸𑌕𑍍𑌤𑍋 𑌯𑌾𑌤𑌨𑌾𑌂 𑌮𑌯𑍍𑌯𑌭𑌕𑍍𑌤𑌃
𑌕𑌪𑌿𑌲𑌤𑌨𑍁𑌰𑌿𑌤𑌿𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥6॥

𑌯𑍁𑌵𑌤𑌿𑌜𑌠𑌰𑌖𑌿𑌨𑍍𑌨𑍋 𑌜𑌾𑌤𑌬𑍋𑌧𑍋𑌽𑌪𑍍𑌯𑌕𑌾𑌂𑌡𑍇
𑌪𑍍𑌰𑌸𑌵𑌗𑌲𑌿𑌤𑌬𑍋𑌧𑌃 𑌪𑍀𑌡𑌯𑍋𑌲𑍍𑌲𑌂𑌘𑍍𑌯 𑌬𑌾𑌲𑍍𑌯𑌮𑍍 ।
𑌪𑍁𑌨𑌰𑌪𑌿 𑌬𑌤 𑌮𑍁𑌹𑍍𑌯𑌤𑍍𑌯𑍇𑌵 𑌤𑌾𑌰𑍁𑌣𑍍𑌯𑌕𑌾𑌲𑍇
𑌕𑌪𑌿𑌲𑌤𑌨𑍁𑌰𑌿𑌤𑌿 𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥𑍭॥

𑌪𑌿𑌤𑍃𑌸𑍁𑌰𑌗𑌣𑌯𑌾𑌜𑍀 𑌧𑌾𑌰𑍍𑌮𑌿𑌕𑍋 𑌯𑍋 𑌗𑍃𑌹𑌸𑍍𑌥𑌃
𑌸 𑌚 𑌨𑌿𑌪𑌤𑌤𑌿 𑌕𑌾𑌲𑍇 𑌦𑌕𑍍𑌷𑌿𑌣𑌾𑌧𑍍𑌵𑍋𑌪𑌗𑌾𑌮𑍀 ।
𑌮𑌯𑌿 𑌨𑌿𑌹𑌿𑌤𑌮𑌕𑌾𑌮𑌂 𑌕𑌰𑍍𑌮 𑌤𑍂𑌦𑌕𑍍𑌪𑌥𑌾𑌰𑍍𑌥𑌂
𑌕𑌪𑌿𑌲𑍍𑌤𑌨𑍁𑌰𑌿𑌤𑌿 𑌤𑍍𑌵𑌂 𑌦𑍇𑌵𑌹𑍂𑌤𑍍𑌯𑍈 𑌨𑍍𑌯𑌗𑌾𑌦𑍀𑌃 ॥𑍮॥

𑌇𑌤𑌿 𑌸𑍁𑌵𑌿𑌦𑌿𑌤𑌵𑍇𑌦𑍍𑌯𑌾𑌂 𑌦𑍇𑌵 𑌹𑍇 𑌦𑍇𑌵𑌹𑍂𑌤𑌿𑌂
𑌕𑍃𑌤𑌨𑍁𑌤𑌿𑌮𑌨𑍁𑌗𑍃𑌹𑍍𑌯 𑌤𑍍𑌵𑌂 𑌗𑌤𑍋 𑌯𑍋𑌗𑌿𑌸𑌂𑌘𑍈𑌃 ।
𑌵𑌿𑌮𑌲𑌮𑌤𑌿𑌰𑌥𑌾𑌽𑌸𑍌 𑌭𑌕𑍍𑌤𑌿𑌯𑍋𑌗𑍇𑌨 𑌮𑍁𑌕𑍍𑌤𑌾
𑌤𑍍𑌵𑌮𑌪𑌿 𑌜𑌨𑌹𑌿𑌤𑌾𑌰𑍍𑌥𑌂 𑌵𑌰𑍍𑌤𑌸𑍇 𑌪𑍍𑌰𑌾𑌗𑍁𑌦𑍀𑌚𑍍𑌯𑌾𑌮𑍍 ॥𑍯॥

𑌪𑌰𑌮 𑌕𑌿𑌮𑍁 𑌬𑌹𑍂𑌕𑍍𑌤𑍍𑌯𑌾 𑌤𑍍𑌵𑌤𑍍𑌪𑌦𑌾𑌂𑌭𑍋𑌜𑌭𑌕𑍍𑌤𑌿𑌂
𑌸𑌕𑌲𑌭𑌯𑌵𑌿𑌨𑍇𑌤𑍍𑌰𑍀𑌂 𑌸𑌰𑍍𑌵𑌕𑌾𑌮𑍋𑌪𑌨𑍇𑌤𑍍𑌰𑍀𑌮𑍍 ।
𑌵𑌦𑌸𑌿 𑌖𑌲𑍁 𑌦𑍃𑌢𑌂 𑌤𑍍𑌵𑌂 𑌤𑌦𑍍𑌵𑌿𑌧𑍂𑌯𑌾𑌮𑌯𑌾𑌨𑍍 𑌮𑍇
𑌗𑍁𑌰𑍁𑌪𑌵𑌨𑌪𑍁𑌰𑍇𑌶 𑌤𑍍𑌵𑌯𑍍𑌯𑍁𑌪𑌾𑌧𑌤𑍍𑌸𑍍𑌵 𑌭𑌕𑍍𑌤𑌿𑌮𑍍 ॥10॥

Browse Related Categories: