యా తే॑ రుద్ర శి॒వా త॒నూరఘో॒రా-ఽపా॑పకాశినీ ।
తయా॑ న స్త॒నువా॒ శన్త॑మయా॒ గిరి॑శన్తా॒భి చా॑కశీహి ।
శిఖాయై నమః । 1

అ॒స్మి-న్మ॑హ॒త్య॑ర్ణ॒వే᳚-ఽన్తరి॑ఖ్షే భ॒వా అధి॑ ।
తేషాగ్ం॑ సహస్రయోజ॒నే-ఽవ॒ధన్వా॑ని తన్మసి ।
శిరసే నమః । 2

స॒హస్రా॑ణి సహస్ర॒శో యే రు॒ద్రా అధి॒ భూమ్యా᳚మ్ ।
తేషాగ్ం॑ సహస్ర-యోజ॒నే-ఽవ॒ధన్వా॑ని తన్మసి ।
లలాటాయ నమః । 3

హ॒గ్ం॒స-శ్శు॑చి॒ష-ద్వసు॑రన్తరిఖ్ష॒సద్ధోతా॑ వేది॒షదతి॑థి-ర్దురోణ॒సత్ ।
నృ॒షద్వ॑ర॒-సదృ॑త॒-సద్వ్యో॑మ॒ సద॒బ్జా గో॒జా ఋ॑త॒జా అ॑ద్రి॒జా ఋ॒త-మ్బృ॒హత్ ।
భ్రువోర్మద్ధ్యాయ నమః । 4

త్ర్య॑బఙ్కం-యఀజామహే సుగ॒న్ధి-మ్పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బన్ధ॑నాన్
మృ॒త్యో-ర్ము॑ఖ్షీయ॒ మా-ఽమృతా᳚త్ ।
నేత్రాభ్యా-న్నమః । 5

నమ॒-స్స్రుత్యా॑య చ॒ పథ్యా॑య చ॒ నమః॑ కా॒ట్యా॑య చ నీ॒ప్యా॑య చ ।
కర్ణాభ్యా-న్నమః । 6

మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మానో॑ రుద్ర భామి॒తో వ॑ధీర్-హ॒విష్మ॑న్తో॒ నమ॑సా విధేమ తే ।
నాసికాభ్యా-న్నమః । 7

అ॒వ॒తత్య॒ ధను॒స్త్వగ్ం సహ॑స్రాఖ్ష॒ శతే॑షుధే ।
ని॒శీర్య॑ శ॒ల్యానా॒-మ్ముఖా॑ శి॒వో న॑-స్సు॒మనా॑ భవ ।
ముఖాయ నమః । 8

నీల॑గ్రీవా శ్శితి॒కణ్ఠా᳚-శ్శ॒ర్వా అ॒ధః, ఖ్ష॑మాచ॒రాః ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
కణ్ఠాయ నమః । 9.1

నీల॑గ్రీవా-శ్శితి॒కణ్ఠా॒ దివగ్ం॑ రు॒ద్రా ఉప॑శ్రితాః ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
ఉపకణ్ఠాయ నమః । 9.2

నమ॑స్తే అ॒స్త్వాయు॑ధా॒యా-నా॑తతాయ ధృ॒ష్ణవే᳚ ।
ఉ॒భాభ్యా॑ము॒త తే॒ నమో॑ బా॒హుభ్యా॒-న్తవ॒ ధన్వ॑నే ।
బాహుభ్యా-న్నమః । 10

యా తే॑ హే॒తి-ర్మీ॑ఢుష్టమ॒ హస్తే॑ బ॒భూవ॑ తే॒ ధనుః॑ ।
తయా॒-ఽస్మాన్ వి॒శ్వత॒స్త్వ-మ॑య॒ఖ్ష్మయా॒ పరి॑బ్భుజ ।
ఉపబాహుభ్యా-న్నమః । 11

పరి॑ణో రు॒ద్రస్య॑ హే॒తి-ర్వృ॑ణక్తు॒ పరి॑త్వే॒షస్య॑ దుర్మ॒తిర॑ఘా॒యోః ।
అవ॑ స్థి॒రా మ॒ఘవ॑ద్భ్యః తనుష్వ॒ మీఢ్వ॑స్తో॒కాయ॒ తన॑యాయ మృడయ ।
మణిబన్ధాభ్యా-న్నమః । 12

యే తీ॒ర్థాని॑ ప్ర॒చర॑న్తి సృ॒కావ॑న్తో నిష॒ఙ్గిణః॑ ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
హస్తాభ్యా-న్నమః । 13

స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ ।
భ॒వే భ॑వే॒ నాతి॑ భవే భవస్వ॒ మామ్ । భ॒వో-ద్భ॑వాయ॒ నమః॑ ॥
అగుంష్ఠాభ్యా-న్నమః । 14.1

వా॒మ॒దే॒వాయ॒ నమో᳚ జ్యే॒ష్ఠాయ॒ నమ॑-శ్శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ।
తర్జనీభ్యా-న్నమః । 14.2

అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః ।
సర్వే᳚భ్య-స్సర్వ॒ శర్వే᳚భ్యో॒ నమ॑స్తే అస్తు రు॒ద్ర రూ॑పేభ్యః ॥
మద్ధ్యమాభ్యా-న్నమః । 14.3

తత్పురు॑షాయ వి॒ద్మహే॑ మహాదే॒వాయ॑ ధీమహి ।
తన్నో॑ రుద్రః ప్రచో॒దయా᳚త్ ॥
అనామికాభ్యా-న్నమః । 14.4

ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నాం॒
రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోమ్ ॥
కనిష్ఠికాభ్యా-న్నమః । 14.5

నమో॑ వః కిరి॒కేభ్యో॑ దే॒వానా॒గ్ం॒ హృద॑యేభ్యః ।
హృదయాయ నమః । 15

నమో॑ గ॒ణేభ్యో॑ గ॒ణప॑తిభ్యశ్చ వో॒ నమః॑ ।
పృష్ఠాయ నమః । 16

నమో॒ హిర॑ణ్యబాహవే సేనా॒న్యే॑ ది॒శాఞ్చ॒ పత॑యే॒ నమః॑ ।
పార్​శ్వాభ్యా-న్నమః । 17

విజ్య॒-న్ధనుః॑ కప॒ర్దినో॒ విశ॑ల్యో॒ బాణ॑వాగ్ం ఉ॒త ।
అనే॑శన్న॒స్యేష॑వ ఆ॒భుర॑స్య నిష॒ఙ్గథిః॑ ।
జఠరాయ నమః । 18

హి॒ర॒ణ్య॒గ॒ర్భ స్సమ॑వర్త॒తాగ్రే॑ భూ॒తస్య॑ జా॒తః పతి॒రేక॑ ఆసీత్ ।
సదా॑ధార పృథి॒వీ-న్ద్యాము॒తేమా-ఙ్కస్మై॑ దే॒వాయ॑ హ॒విషా॑ విధేమ ।
నాభ్యై నమః । 19

మీఢు॑ష్టమ॒ శివ॑తమ శి॒వో న॑స్సు॒మనా॑ భవ ।
ప॒ర॒మే వృ॒ఖ్ష ఆయు॑ధ-న్ని॒ధాయ॒ కృత్తిం॒-వఀసా॑న॒ ఆచ॑ర॒ పినా॑క॒-మ్బిభ్ర॒దాగ॑హి ।
కఠ్యై నమః । 20

యే భూ॒తానా॒-మధి॑పతయో విశి॒ఖాసః॑ కప॒ర్ది॑నః ।
తేషాగ్ం॑ సహస్రయోజ॒నే ఽవ॒ధన్వా॑ని తన్మసి ।
గుహ్యాయ నమః । 21

యే అన్నే॑షు వి॒విద్ధ్య॑న్తి॒ పాత్రే॑షు॒ పిబ॑తో॒ జనాన్॑ ।
తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి ।
అణ్డాభ్యా-న్నమః । 22

స॒ శి॒రా జా॒తవే॑దా అ॒ఖ్షర॑-మ్పర॒మ-మ్ప॒దమ్ ।
వేదా॑నా॒గ్ం॒ శిర॑సి మా॒తా॒ ఆ॒యు॒ష్మన్త॑-ఙ్కరోతు॒ మామ్ ।
అపానాయ నమః । 23

మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉఖ్ష॑న్తము॒త మా న॑ ఉఖ్షి॒తమ్ ।
మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిషః ।
ఊరుభ్యా-న్నమః । 24

ఏ॒ష తే॑ రుద్రభా॒గ-స్తఞ్జు॑షస్వ॒ తేనా॑వ॒సేన॑ ప॒రో
మూజ॑వ॒తో-ఽతీ॒హ్యవ॑తత-ధన్వా॒ పినా॑కహస్తః॒ కృత్తి॑వాసాః ।
జానుభ్యా-న్నమః । 25

స॒గ్ం॒ సృ॒ష్ట॒జిథ్సో॑మ॒పా బా॑హు-శ॒ర్ధ్యూ᳚ర్ధ్వ ధ॑న్వా॒ ప్రతి॑హితా-భి॒రస్తా᳚ ।
బృహ॑స్పతే॒ పరి॑దీయా॒ రథే॑న రఖ్షో॒హా-ఽమిత్రాగ్ం॑ అప॒బాధ॑మానః ।
జఙ్ఘాభ్యా-న్నమః । 26

విశ్వ॑-మ్భూ॒త-మ్భువ॑న-ఞ్చి॒త్ర-మ్బ॑హు॒ధా జా॒త-ఞ్జాయ॑మాన-ఞ్చ॒ యత్ ।
సర్వో॒ హ్యే॑ష రు॒ద్ర-స్తస్మై॑ రు॒ద్రాయ॒ నమో॑ అస్తు ॥
గుల్ఫాభ్యా-న్నమః । 27

యే ప॒థా-మ్ప॑థి॒రఖ్ష॑య ఐలబృ॒దా య॒వ్యుధః॑ ।
తేషాగ్ం॑ సహస్రయోజ॒నే ఽవ॒ధన్వా॑ని తన్మసి ।
పాదాభ్యా-న్నమః । 28

అద్ధ్య॑వోచ-దధివ॒క్తా ప్ర॑థ॒మో దైవ్యో॑ భి॒షక్ ।
అహీగ్॑శ్చ॒ సర్వా᳚న్ జ॒భం​యఀ॒-న్థ్సర్వా᳚శ్చ యాతు ధా॒న్యః॑ ।
కవచాయ హుమ్ । 29

నమో॑ బి॒ల్మినే॑ చ కవ॒చినే॑ చ॒
నమ॑-శ్శ్రు॒తాయ॑ చ శ్రుతసే॒నాయ॑ చ ।
ఉపకవచాయ హుమ్ । 30

నమో॑ అస్తు॒ నీల॑గ్రీవాయ సహస్రా॒ఖ్షాయ॑ మీ॒ఢుషే᳚ ।
అథో॒ యే అ॑స్య॒ సత్వా॑నో॒-ఽహ-న్తేభ్యో॑-ఽకర॒న్నమః॑ ।
తృతీయ నేత్రాయ నమః । 31

ప్రము॑ఞ్చ॒ ధన్వ॑న॒స్త్వ-ము॒భయో॒-రార్త్ని॑యో॒ర్జ్యామ్ ।
యాశ్చ॑ తే॒ హస్త॒ ఇష॑వః॒ పరా॒ తా భ॑గవో వప ।
అస్త్రాయ ఫట్ । 32

య ఏ॒తావ॑న్తశ్చ॒ భూయాగ్ం॑సశ్చ॒ దిశో॑ రు॒ద్రా వి॑తస్థి॒రే ।
తేషాగ్ం॑॑ సహస్రయోజ॒నే ఽవ॒ధన్వా॑ని తన్మసి ।
ఇతి దిగ్బన్ధః । 33

-----------ఇతి ప్రథమ న్యాసః------------
(శిఖాది అస్త్రపర్యన్తం ఏకత్రింశదఙ్గన్యాసః దిగ్బన్ధ సహితః ప్రథమః)