(ఋగ్ వేద ఖిల కాణ్డం 4.11 9.1)
యేనే॒ద-మ్భూ॒త-మ్భువ॑న-మ్భవి॒ష్య-త్పరి॑గృహీత-మ॒మృతే॑న॒ సర్వ᳚మ్ । యేన॑ య॒జ్ఞస్తా॑యతే
(య॒జ్ఞస్త్రా॑యతే) స॒ప్తహో॑తా॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 1
యేన॒ కర్మా॑ణి ప్ర॒చర॑న్తి॒ ధీరా॒ యతో॑ వా॒చా మన॑సా॒ చారు॒యన్తి॑ ।
య-థ్స॒మ్మిత॒మను॑ సం॒యఀన్తి॑ ప్రా॒ణిన॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 2
యేన॒ కర్మా᳚ణ్య॒పసో॑ మనీ॒షిణో॑ య॒జ్ఞే కృ॑ణ్వన్తి వి॒దథే॑షు॒ ధీరాః᳚ ।
యద॑పూ॒ర్వం-యఀ॒ఖ్ష్మమ॒న్తః ప్ర॒జానా॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 3
యత్ప్ర॒జ్ఞాన॑-ము॒త చేతో॒ ధృతి॑శ్చ॒ యజ్జ్యోతి॑ ర॒న్తర॒మృత॑-మ్ప్ర॒జాసు॑ ।
యస్మా॒న్న ఋ॒తే కిఞ్చ॒న కర్మ॑ క్రి॒యతే॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 4
సు॒షా॒ర॒థి-రశ్వా॑నివ॒ యన్మ॑ను॒ష్యా᳚న్నే నీ॒యతే॑-ఽభీ॒శు॑భి ర్వా॒జిన॑ ఇవ ।
హృత్ప్ర॑తిష్ఠం॒-యఀద॑జిర॒-ఞ్జవి॑ష్ఠ॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 5
యస్మి॒న్ ఋచ॒స్సామ॒-యజూగ్ం॑షి॒ యస్మి॑-న్ప్రతిష్ఠి॒తా ర॑థ॒నాభా॑ వి॒వారాః᳚ ।
యస్మిగ్గ్॑శ్చి॒త్తగ్ం సర్వ॒మోత॑-మ్ప్ర॒జానా॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 6
యదత్ర॑ ష॒ష్ఠ-న్త్రి॒శతగ్ం॑ సు॒వీరం॑-యఀ॒జ్ఞస్య॑ గు॒హ్య-న్నవ॑ నావ॒మాయ్య᳚మ్ ।
దశ॒ పఞ్చ॑ త్రి॒గ్ం॒శతం॒-యఀత్పర॑-ఞ్చ॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 7
యజ్జాగ్ర॑తో దూ॒రము॒దైతి॒ దైవ॒-న్తదు॑ సు॒ప్తస్య॒ తథై॒వైతి॑ ।
దూ॒ర॒గ॒మ్మ-ఞ్జ్యోతి॑షా॒-ఞ్జ్యోతి॒రేక॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 8
యేనే॒దం-విఀశ్వ॒-ఞ్జగ॑తో బ॒భూవ॒ యే దే॒వాపి॑ మహ॒తో జా॒తవే॑దాః ।
తదే॒వాగ్ని-స్తమ॑సో॒ జ్యోతి॒రేక॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 9
యేన॒ ద్యౌః పృ॑థి॒వీ చా॒న్తరి॑ఖ్ష-ఞ్చ॒ యే పర్వ॑తాః ప్ర॒దిశో॒ దిశ॑శ్చ ।
యేనే॒ద-ఞ్జగ॒-ద్వ్యాప్త॑-మ్ప్ర॒జానా॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 10
యే మ॑నో॒ హృద॑యం॒-యేఀ చ॑ దే॒వా యే ది॒వ్యా ఆపో॒ యే సూర్య॑రశ్మిః ।
తే శ్రోత్రే॒ చఖ్షు॑షీ స॒ఞ్చర॑న్త॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 11
అచి॑న్త్య॒-ఞ్చా ప్ర॑మేయ॒-ఞ్చ వ్య॒క్తా-వ్యక్త॑ పర॒-ఞ్చ య॑త్ ।
సూఖ్ష్మా᳚-థ్సూఖ్ష్మత॑ర-ఞ్జ్ఞే॒య॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 12
ఏకా॑ చ ద॒శ శ॒త-ఞ్చ॑ స॒హస్ర॑-ఞ్చా॒యుత॑-ఞ్చ ని॒యుత॑-ఞ్చ ప్ర॒యుతం॒
చార్బు॑ద-ఞ్చ॒ న్య॑ర్బుద-ఞ్చ సము॒ద్రశ్చ॒ మద్ధ్య॒-ఞ్చాన్త॑శ్చ పరా॒ర్ధశ్చ॒ తన్మే॒ మనః॑
శి॒వస॑ఙ్క॒ల్పమ॑స్తు ॥ 13
యే ప॑ఞ్చ॒ పఞ్చ॑ దశ శ॒తగ్ం స॒హస్ర॑-మ॒యుత॒-న్న్య॑ర్బుద-ఞ్చ ।
తే అ॑గ్ని-చి॒త్యేష్ట॑కా॒స్తగ్ం శరీ॑ర॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 14
వేదా॒హమే॒త-మ్పు॑రుష-మ్మ॒హాన్త॑-మాది॒త్య-వ॑ర్ణ॒-న్తమ॑సః॒ పర॑స్తాత్ ।
యస్య॒ యోని॒-మ్పరి॒పశ్య॑న్తి॒ ధీరా॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 15
యస్యే॒ద-న్ధీరాః᳚ పు॒నన్తి॑ క॒వయో᳚ బ్ర॒హ్మాణ॑మే॒త-న్త్వా॑ వృణత॒ ఇన్దు᳚మ్ ।
స్థా॒వ॒ర-ఞ్జఙ్గ॑మం॒-ద్యౌ॑రాకా॒శ-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 16
పరా᳚-త్ప॒రత॑ర-ఞ్చై॒వ॒ య॒-త్పరా᳚శ్చైవ॒ యత్ప॑రమ్ ।
య॒త్పరా᳚-త్పర॑తో జ్ఞే॒య॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 17
పరా᳚-త్పరత॑రో బ్ర॒హ్మా॒ త॒త్పరా᳚-త్పర॒తో హ॑రిః ।
త॒త్పరా᳚-త్పర॑తో ఽధీ॒శ॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 18
యా వే॑దా॒దిషు॑ గాయ॒త్రీ॒ స॒ర్వ॒వ్యాపి॑ మహే॒శ్వరీ ।
ఋగ్ య॑జు-స్సామా-థర్వై॒శ్చ॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 19
యో వై॑ దే॒వ-మ్మ॑హాదే॒వ॒-మ్ప్ర॒ణవ॑-మ్పర॒మేశ్వ॑రమ్ ।
య-స్సర్వే॑ సర్వ॑ వేదై॒శ్చ॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 20
ప్రయ॑తః॒ ప్రణ॑వోఙ్కా॒ర॒-మ్ప్ర॒ణవ॑-మ్పురు॒షోత్త॑మమ్ ।
ఓకాం॑ర॒-మ్ప్రణ॑వాత్మా॒న॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 21
యో-ఽసౌ॑ స॒ర్వేషు॑ వేదే॒షు॒ ప॒ఠ్యతే᳚ హ్యజ॒ ఈశ్వ॑రః । అ॒కాయో॑ నిర్గు॑ణో హ్యా॒త్మా॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 22
గోభి॒ ర్జుష్ట॒-న్ధనే॑న॒ హ్యాయు॑షా చ॒ బలే॑న చ । ప్ర॒జయా॑ ప॒శుభిః॑ పుష్కరా॒ఖ్ష॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 23
కైలా॑స॒ శిఖ॑రే ర॒మ్యే॒ శ॒ఙ్కర॑స్య శి॒వాల॑యే ।
దే॒వతా᳚స్తత్ర॑ మోద॒న్తే॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 24
త్ర్య॑బఙ్కం-యఀజామహే సుగ॒న్ధి-మ్పు॑ష్టి॒వర్ధ॑నమ్ । ఉ॒ర్వా॒రు॒కమి॑వ॒ బన్ధ॑నా-న్మృ॒త్యో-ర్ము॑ఖ్షీయ॒ మా-ఽమృతా॒-త్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 25
వి॒శ్వత॑-శ్చఖ్షురు॒త వి॒శ్వతో॑ ముఖో వి॒శ్వతో॑ హస్త ఉ॒త వి॒శ్వత॑స్పాత్ ।
సమ్బా॒హుభ్యాం॒-నమ॑తి॒ సమ్ప॑తత్రై॒ ర్ద్యావా॑ పృథి॒వీ జ॒నయ॑-న్దే॒వ ఏక॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 26
చ॒తురో॑ వే॒దాన॑ధీయీ॒త॒ స॒ర్వ శా᳚స్త్రమ॒యం-విఀ ॑దుః । ఇ॒తి॒హా॒స॒ పు॒రా॒ణా॒నా॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 27
మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉఖ్ష॑న్తము॒త మా న॑ ఉఖ్షి॒తమ్ । మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిష॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 28
మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః ।
వీ॒రాన్మానో॑ రుద్ర భామి॒తోవ॑ధీ ర్హ॒విష్మ॑న్తో॒ నమ॑సా విధేమ తే॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 29
ఋ॒తగ్ం స॒త్య-మ్ప॑ర-మ్బ్ర॒హ్మ॒ పు॒రుష॑-ఙ్కృష్ణ॒పిఙ్గ॑లమ్ ।
ఊ॒ర్ధ్వరే॑తం-విఀ ॑రూపా॒ఖ్షం॒-విఀ॒శ్వరూ॑పాయ॒ వై నమో॒ నమ॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 30
క-ద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే । వో॒చేమ॒ శన్త॑మగ్ం హృ॒దే ।
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 31
బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః ।
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివ॒స్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 32
యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ । య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 33
య ఆ᳚త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిషం॒-యఀస్య॑ దే॒వాః ।
యస్య॑ ఛా॒యా-ఽమృతం॒-యఀస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 34
యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒ భువ॑నా-ఽఽవి॒వేశ॒ తస్మై॑ రు॒ద్రాయ॒ నమో॑ అస్తు॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 35
గ॒న్ధ॒ద్వా॒రా-న్దు॑రాధ॒ర్షా॒-న్ని॒త్యపు॑ష్టా-ఙ్కరీ॒షిణీ᳚మ్ । ఈ॒శ్వరీగ్ం॑ సర్వ॑ భూతా॒నా॒-న్తామి॒హోప॑హ్వయే॒ శ్రియ॒-న్తన్మే॒ మన॑-శ్శి॒వస॑ఙ్క॒ల్పమ॑స్తు ॥ 36
య ఇదగ్ం॑ శివ॑సఙ్క॒ల్ప॒గ్ం॒ స॒దా ధ్యా॑యన్తి॒ బ్రాహ్మ॑ణాః । తే ప॑ర-మ్మోఖ్ష॑-ఙ్గమిష్య॒న్తి॒ తన్మే॒ మన॑-శ్శి॒వస॑ఙ్క॒ల్పమ॑స్తు ॥ 37
ఓ-న్నమో భగవతే॑ రుద్రా॒య ॥ శివసఙ్కల్పగ్ం హృదయాయ నమః॑ ॥
