హి॒ర॒ణ్య॒గ॒ర్భ-స్సమ॑వర్త॒-తాగ్రే॑ భూ॒తస్య॑ జా॒తః పతి॒రేక॑ ఆసీత్ ।
సదా॑ధార పృథి॒వీ-న్ద్యాము॒తేమా-ఙ్కస్మై॑ దే॒వాయ॑ హ॒విషా॑ విధేమ ॥
ఉరసా నమః ॥ 1 (తై. సం. 4.1.8.3)
యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ ।
య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ ॥
శిరసా నమః ॥ 2 (తై. సం. 4.1.8.4)
బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః ।
స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒మ-స॑తశ్చ॒ వివః॑ । (
దృష్యా నమః । 3 (తై. సం. 4.2.8.2.)
మ॒హీ ద్యౌః పృ॑థి॒వీ చ॑ న ఇ॒మం-యఀ॒జ్ఞ-మ్మి॑మిఖ్షతామ్ ।
పి॒పృ॒తాన్నో॒ భరీ॑మభిః ।
మనసా నమః ॥ 4 (తై. సం. 3.3.10.2)
ఉప॑శ్వాసయ పృథి॒వీ-ము॒త ద్యా-మ్పు॑రు॒త్రా తే॑ మనుతాం॒-విఀష్ఠి॑త॒-ఞ్జగ॑త్ ।
స దు॑న్దుభే స॒జూరిన్ద్రే॑ణ దే॒వై-ర్దూ॒రాద్దవీ॑యో॒ అప॑సేధ॒ శత్రూన్॑ ।
వచసా నమః ॥ 5 (తై. సం. 4.6.6.6)
అగ్నే॒ నయ॑ సు॒పథా॑ రా॒యే అ॒స్మాన్ విశ్వా॑ని దేవ వ॒యునా॑ని వి॒ద్వాన్ ।
యు॒యో॒ద్ధ్య॑స్మ-జ్జు॑హురా॒ణ-మేనో॒ భూయి॑ష్ఠాన్తే॒ నమ॑ ఉక్తిం-విఀధేమ ॥
పధ్భ్యా-న్నమః ॥ 6 (తై. సం. 1.1.14.3)
యా తే॑ అగ్నే॒ రుద్రి॑యా త॒నూస్తయా॑ నః పాహి॒ తస్యా᳚స్తే॒ స్వాహా᳚ ।
యా తే॑ అగ్నే-ఽయాశ॒యా ర॑జాశ॒యా హ॑రాశ॒యా త॒నూర్వర్షి॑ష్ఠా గహ్వరే॒ష్ఠోగ్రం-వఀచో॒ అపా॑వధీ-న్త్వే॒షం-వఀచో॒ అపా॑వధీ॒గ్ం॒ స్వాహా᳚ ॥
కరాభ్యా-న్నమః ॥ 7 (తై. సం. 1.2.11.2)
ఇ॒మం-యఀ ॑మప్రస్త॒రమాహి సీదాఙ్గి॑రోభిః పి॒తృభి॑-స్సంవిఀదా॒నః ।
ఆత్వా॒ మన్త్రాః॑ కవిశ॒స్తా వ॑హన్త్వే॒నా రా॑జన్ హ॒విషా॑ మాదయస్వ ॥
కర్ణాభ్యా-న్నమః ॥ 8 (తై. సం. 2.6.12.6)
ఉరసా శిరసా దృష్ట్యా మన॑సా వచసా త॒థా ।
పద్భ్యా-ఙ్కరాభ్యా-ఙ్కర్ణాభ్యా-మ్ప్రణామో-ఽష్టాఙ్గ॑ ఉచ్యతే ॥
ఉమామహేశ్వరాభ్యా-న్నమః ॥
