కృష్ణ యజుర్వేదీయ తైత్తిరీయ బ్రాహ్మణే తృతీయాష్టకే పఞ్చమః ప్రపాఠకః - ఇష్టిహౌత్రం

ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥

అనువాకం 1 - హోతుర్జపః పురస్తా-థ్సామిధేనీనాం

స॒త్య-మ్ప్రప॑ద్యే । ఋ॒త-మ్ప్రప॑ద్యే ।
అ॒మృత॒-మ్ప్రప॑ద్యే ।
ప్ర॒జాప॑తేః ప్రి॒యా-న్త॒నువ॒మనా᳚ర్తా॒-మ్ప్రప॑ద్యే ।
ఇ॒దమ॒హ-మ్ప॑ఞ్చద॒శేన॒ వజ్రే॑ణ ।
ద్వి॒షన్త॒-మ్భ్రాతృ॑వ్య॒మవ॑క్రామామి ।
యో᳚-ఽస్మా-న్ద్వేష్టి॑ । య-ఞ్చ॑ వ॒య-న్ద్వి॒ష్మః ।
భూర్భువ॒-స్సువః॑ । హిమ్ ॥ 1 ॥
(స॒త్య-న్దశ॑) (అ. 1)

అనువాకం 2 - సామిధేనీమ్రన్వాహ
ప్ర వో॒ వాజా॑ అ॒భిద్య॑వః । హ॒విష్మ॑న్తో ఘృ॒తాచ్యా᳚ ।
దే॒వాఞ్జి॑గాతి సుమ్న॒యుః ॥ అగ్న॒ ఆయా॑హి వీ॒తయే᳚ । గృ॒ణా॒నో హ॒వ్యదా॑తయే । ని హోతా॑ సథ్సి బ॒ర॒ఃఇషి॑ ॥ త-న్త్వా॑ స॒మిద్భి॑రఙ్గిరః । ఘృ॒తేన॑ వర్ధయామసి । బృ॒హచ్ఛో॑చా యవిష్ఠ్య ॥ స నః॑ పృ॒థు శ్ర॒వాయ్య᳚మ్ ॥ 2 ॥

అచ్ఛా॑ దేవ వివాససి । బృ॒హద॑గ్నే సు॒వీర్య᳚మ్ ॥
ఈ॒డేన్యో॑ నమ॒స్య॑స్తి॒రః । తమాగ్ం॑సి దర్​శ॒తః । సమ॒గ్నిరి॑ద్ధ్యతే॒ వృషా᳚ ॥ వృషో॑ అ॒గ్ని-స్సమి॑ద్ధ్యతే । అశ్వో॒ న దే॑వ॒వాహ॑నః ।
తగ్ం హ॒విష్మ॑న్త ఈడతే ॥ వృష॑ణ-న్త్వా వ॒యం-వృఀషన్న్॑ । వృషా॑ణ॒-స్సమి॑ధీమహి ॥ 3 ॥
అగ్నే॒ దీద్య॑త-మ్బృ॒హత్ ॥ అ॒గ్ని-న్దూ॒తం-వృఀ ॑ణీమహే ।
హోతా॑రం-విఀ॒శ్వవే॑దసమ్ । అ॒స్య య॒జ్ఞస్య॑ సు॒క్రతు᳚మ్ ॥ స॒మి॒ద్ధ్యమా॑నో అద్ధ్వ॒రే । అ॒గ్నిః పా॑వ॒క ఈడ్యః॑ । శో॒చిష్కే॑శ॒స్తమీ॑మహే ॥ సమి॑ద్ధో అగ్న ఆహుత । దే॒వాన్. య॑ఖ్షి స్వద్ధ్వర । త్వగ్ం హి హ॑వ్య॒వాడసి॑ ॥
ఆజు॑హోత దువ॒స్యత॑ । అ॒గ్ని-మ్ప్ర॑య॒త్య॑ద్ధ్వ॒రే ।
వృ॒ణీ॒ద్ధ్వగ్ం హ॑వ్య॒వాహ॑నమ్ ॥
త్వం-వఀరు॑ణ ఉ॒త మి॒త్రో అ॑గ్నే । త్వాం-వఀ ॑ర్ధన్తి మ॒తిభి॒ర్వసి॑ష్ఠాః । త్వే వసు॑ సుషణ॒నాని॑ సన్తు । యూ॒య-మ్పా॑త స్వ॒స్తిభి॒-స్సదా॑ నః ॥ 4 ॥
(శ్ర॒వాయ్య॑ - మిధీమ॒ - హ్యసి॑ స॒ప్త చ॑) (అ. 2)

అనువాకం 3 - ప్రరముక్త్వా నివిదో-ఽనూచ్య దేవతా ఆవాహయతి
అగ్నే॑ మ॒హాగ్ం అ॑సి బ్రాహ్మణ భారత । అసా॒వసౌ᳚ ॥
దే॒వేద్ధో॒ మన్వి॑ద్ధః । ఋషి॑ష్టుతో॒ విప్రా॑నుమదితః । క॒వి॒శ॒స్తో బ్రహ్మ॑సగ్ంశితో ఘృ॒తాహ॑వనః ।
ప్ర॒ణీ-ర్య॒జ్ఞానా᳚మ్ । ర॒థీర॑ద్ధ్వ॒రాణా᳚మ్ ।
అ॒తూర్తో॒ హోతా᳚ । తూర్ణి॑ర్​హవ్య॒వాట్ ।
ఆస్పాత్ర॑-ఞ్జు॒హూ-ర్దే॒వానా᳚మ్ ॥ 5 ॥

చ॒మ॒సో దే॑వ॒పానః॑ । అ॒రాగ్ం ఇ॑వాగ్నే నే॒మిర్దే॒వాగ్​స్త్వ-మ్ప॑రి॒భూర॑సి । ఆవ॑హ దే॒వాన్. యజ॑మానాయ ॥ అ॒గ్నిమ॑గ్న॒ ఆవ॑హ । సోమ॒మావ॑హ ।
అ॒గ్నిమావ॑హ । ప్ర॒జాప॑తి॒మావ॑హ । అ॒గ్నీషోమా॒వావ॑హ । ఇ॒న్ద్రా॒గ్నీ ఆవ॑హ । ఇన్ద్ర॒మావ॑హ । మ॒హే॒న్ద్రమావ॑హ । దే॒వాగ్ం ఆ᳚జ్య॒పాగ్ం ఆవ॑హ ।
అ॒గ్నిగ్ం హో॒త్రాయావ॑హ । స్వ-మ్మ॑హి॒మాన॒మావ॑హ । ఆ చా᳚గ్నే దే॒వాన్. వహ॑ । సు॒యజా॑ చ యజ జాతవేదః ॥ 6 ॥
(దే॒వానా॒-మిన్ద్ర॒మావ॑హ॒ షట్చ॑) (అ. 3)

అనువాకం 4 - స్రుచావాదాపయతి
అ॒గ్నిర్-హోతా॒ వేత్వ॒గ్నిః । హో॒త్రం-వేఀ᳚త్తు ప్రావి॒త్రమ్ । స్మో వ॒యమ్ । సా॒ధు తే॑ యజమాన దే॒వతా᳚ । ఘృ॒తవ॑తీ-మద్ధ్వర్యో॒ స్రుచ॒మా-ఽస్య॑స్వ । దే॒వా॒యువం॑-విఀ॒శ్వవా॑రామ్ । ఈడా॑మహై దే॒వాగ్ం ఈ॒డేన్యాన్॑ ।
న॒మ॒స్యామ॑ నమ॒స్యాన్॑ । యజా॑మ య॒జ్ఞియాన్॑ ॥ 7 ॥
(అ॒గ్నిర్-హోతా॒ నవ॑) (అ. 4)

అనువాకం 5 - ప్రయాజాః
స॒మిధో॑ అగ్న॒ ఆజ్య॑స్య వియన్తు । తనూ॒నపా॑దగ్న॒ ఆజ్య॑స్య వేతు । ఇ॒డో అ॑గ్న॒ ఆజ్య॑స్య వియన్తు । బ॒ర్॒హిర॑గ్న॒ ఆజ్య॑స్య వేతు । స్వాహా॒-ఽగ్నిమ్ । స్వాహా॒ సోమ᳚మ్ । స్వాహా॒-ఽగ్నిమ్ । స్వాహా᳚ ప్ర॒జాప॑తిమ్ ।
స్వాహా॒-ఽగ్నీషోమౌ᳚ । స్వాహే᳚న్ద్రా॒గ్నీ । స్వాహేన్ద్ర᳚మ్ ।
స్వాహా॑ మహే॒న్ద్రమ్ । స్వాహా॑ దే॒వాగ్ం ఆ᳚జ్య॒పాన్ । స్వాహా॒-ఽగ్నిగ్ం హో॒త్రాజ్జు॑షా॒ణాః ।
అగ్న॒ ఆజ్య॑స్య వియన్తు ॥ 8 ॥
(ఇ॒న్ద్రా॒గ్నీ పఞ్చ॑ చ) (అ. 5)

అనువాకం 6 - అజ్యభాగయోః పురోనువాక్యే
అ॒గ్ని-ర్వృ॒త్రాణి॑ జఙ్ఘనత్ । ద్ర॒వి॒ణ॒స్యు-ర్వి॑ప॒న్యయా᳚ ।
సమి॑ద్ధ-శ్శు॒క్ర ఆహు॑తః । జు॒షా॒ణో అ॒గ్నిరాజ్య॑స్య వేతు । త్వగ్ం సో॑మాసి॒ సత్ప॑తిః । త్వగ్ం రాజో॒త వృ॑త్ర॒హా ।
త్వ-మ్భ॒ద్రో అ॑సి॒ క్రతుః॑ । జు॒షా॒ణ-స్సోమ॒ ఆజ్య॑స్య హ॒విషో॑ వేతు । అ॒గ్నిః ప్ర॒త్నేన॒ జన్మ॑నా । శుమ్భా॑నస్త॒నువ॒గ్గ్॒ స్వామ్ ।
క॒వి-ర్విప్రే॑ణ వావృధే । జు॒షా॒ణో అ॒గ్నిరాజ్య॑స్య వేతు ।
సోమ॑ గీ॒ర్భిష్ట్వా॑ వ॒యమ్ । వ॒ర్ధయా॑మో వచో॒విదః॑ । సు॒మృ॒డీ॒కో న॒ ఆవి॑శ ।
జు॒షా॒ణ-స్సోమ॒ ఆజ్య॑స్య హ॒విషో॑ వేతు ॥ 9 ॥
(స్వాగ్ం షట్చ॑) (అ. 6)

అనువాకం 7 - హవిషాం-యాఀజ్యానువాక్యాః
అ॒గ్ని-ర్మూ॒ర్ధా ది॒వః క॒కుత్ । పతిః॑ పృథి॒వ్యా అ॒యమ్ ।
అ॒పాగ్ం రేతాగ్ం॑సి జిన్వతి । భువో॑ య॒జ్ఞస్య॒ రజ॑సశ్చ నే॒తా । యత్రా॑ ని॒యుద్భి॒-స్సచ॑సే శి॒వాభిః॑ । ది॒వి మూ॒ర్ధాన॑-న్దధిషే సువ॒ర్॒షామ్ ।
జి॒హ్వామ॑గ్నే చకృషే హవ్య॒వాహ᳚మ్ । ప్రజా॑పతే॒ న త్వదే॒తాన్య॒న్యః । విశ్వా॑ జా॒తాని॒ పరి॒ తా బ॑భూవ ।
యత్-కా॑మాస్తే జుహు॒మస్తన్నో॑ అస్తు ॥ 10 ॥

వ॒యగ్గ్​ స్యా॑మ॒ పత॑యో రయీ॒ణామ్ । స వే॑ద పు॒త్రః పి॒తర॒గ్ం॒ స మా॒తర᳚మ్ । స సూ॒నుర్భు॑వ॒థ్స భు॑వ॒త్పున॑ర్మఘః । స ద్యామౌర్ణో॑ద॒న్తరి॑ఖ్ష॒గ్ం॒ స సువః॑ । స విశ్వా॒ భువో॑ అభవ॒థ్స ఆ-ఽభ॑వత్ । అగ్నీ॑షోమా॒ సవే॑దసా । సహూ॑తీ వనత॒-ఙ్గిరః॑ । స-న్దే॑వ॒త్రా బ॑భూవథుః । యు॒వమే॒తాని॑ ది॒వి రో॑చ॒నాని॑ ।
అ॒గ్నిశ్చ॑ సోమ॒ సక్ర॑తూ అధత్తమ్ ॥ 11 ॥

యు॒వగ్ం సిన్ధూగ్ం॑ ర॒భిశ॑స్తే-రవ॒ద్యాత్ । అగ్నీ॑షోమా॒-వము॑ఞ్చత-ఙ్గృభీ॒తాన్ ।
ఇన్ద్రా᳚గ్నీ రోచ॒నా ది॒వః । పరి॒ వాజే॑షు భూషథః ।
తద్వా᳚-ఞ్చేతి॒ ప్రవీ॒ర్య᳚మ్ । శ్నథ॑ద్వృ॒త్రము॒త స॑నోతి॒ వాజ᳚మ్ । ఇన్ద్రా॒ యో అ॒గ్నీ సహు॑రీ సప॒ర్యాత్ ।
ఇ॒ర॒జ్యన్తా॑ వస॒వ్య॑స్య॒ భూరేః᳚ । సహ॑స్తమా॒ సహ॑సా వాజ॒యన్తా᳚ । ఏన్ద్ర॑ సాన॒సిగ్ం ర॒యిమ్ ॥ 12 ॥
స॒జిత్వా॑నగ్ం సదా॒సహ᳚మ్ । వర్​షి॑ష్ఠమూ॒తయే॑ భర । ప్రస॑సాహిషే పురుహూత॒ శత్రూన్॑ । జ్యేష్ఠ॑స్తే॒ శుష్మ॑ ఇ॒హ రా॒తిర॑స్తు । ఇన్ద్రాభ॑ర॒ దఖ్షి॑ణేనా॒ వసూ॑ని । పతి॒-స్సిన్ధూ॑నామసి రే॒వతీ॑నామ్ । మ॒హాగ్ం ఇన్ద్రో॒ య ఓజ॑సా । ప॒ర్జన్యో॑ వృష్టి॒మాగ్ం ఇ॑వ ।
స్తోమై᳚ర్వ॒థ్సస్య॑ వావృధే ।
మ॒హాం ఇన్ద్రో॑ నృ॒వదాచ॑ర్​షణి॒ప్రాః ॥ 13 ॥

ఉ॒త ద్వి॒బర్​హా॑ అమి॒న-స్సహో॑భిః । అ॒స్మ॒ద్రియ॑గ్వావృధే వీ॒ర్యా॑య ।
ఉ॒రుః పృ॒థు-స్సుకృ॑తః క॒ర్తృభి॑ర్భూత్ ।
పి॒ప్రీ॒హి దే॒వాగ్ం ఉ॑శ॒తో య॑విష్ఠ ।
వి॒ద్వాం ఋతూగ్ంర్-ఋ॑తుపతే యజే॒హ ।
యే దైవ్యా॑ ఋ॒త్విజ॒స్తేభి॑రగ్నే ।
త్వగ్ం హోతౄ॑ణామ॒స్యాయ॑జిష్ఠః ॥
అ॒గ్నిగ్గ్​ స్వి॑ష్ట॒కృత᳚మ్ । అయా॑డ॒గ్నిర॒గ్నేః ప్రి॒యా ధామా॑ని । అయా॒ట్థ్సోమ॑స్య ప్రి॒యా ధామా॑ని ॥ 14 ॥

అయా॑డ॒గ్నేః ప్రి॒యా ధామా॑ని । అయా᳚ట్ప్ర॒జాప॑తేః ప్రి॒యా ధామా॑ని । అయా॑డ॒గ్నీషోమ॑యోః ప్రి॒యా ధామా॑ని । అయా॑డిన్ద్రాగ్ని॒యోః ప్రి॒యా ధామా॑ని ।
అయా॒డిన్ద్ర॑స్య ప్రి॒యా ధామా॑ని । అయా᳚ణ్మహే॒న్ద్రస్య॑ ప్రి॒యా ధామా॑ని । అయా᳚డ్దే॒వానా॑-మాజ్య॒పానా᳚-మ్ప్రి॒యా ధామా॑ని । యఖ్ష॑ద॒గ్నేర్-హోతుః॑ ప్రి॒యా ధామా॑ని । యఖ్ష॒థ్స్వ-మ్మ॑హి॒మాన᳚మ్ । ఆయ॑జతా॒మేజ్యా॒ ఇషః॑ । కృ॒ణోతు॒ సో అ॑ద్ధ్వ॒రా జా॒తవే॑దాః । జు॒షతాగ్ం॑ హ॒విః । అగ్నే॒ యద॒ద్య వి॒శో అ॑ద్ధ్వరస్య హోతః ।
పావ॑క శోచే॒ వేష్ట్వగ్ం హి యజ్వా᳚ । ఋ॒తా య॑జాసి మహి॒నా వి యద్భూః ।
హ॒వ్యా వ॑హ యవిష్ఠ॒ యా తే॑ అ॒ద్య ॥ 15 ॥
(అ॒స్త్వ॒ - ధ॒త్త॒గ్ం - ర॒యిం - చ॑ర్​షణి॒ప్రాః - సోమ॑స్య ప్రి॒యా ధామా॒ - నీష॒-ష్షట్చ॑) (అ. 7)

అనువాకం 8 - ఇడోపాహ్వానాం
ఉప॑హూతగ్ం రథన్త॒రగ్ం స॒హ పృ॑థి॒వ్యా ।
ఉప॑ మా రథన్త॒రగ్ం స॒హ పృ॑థి॒వ్యా హ్వ॑యతామ్ ।
ఉప॑హూతం-వాఀమదే॒వ్యగ్ం స॒హాన్తరి॑ఖ్షేణ ।
ఉప॑ మా వామదే॒వ్యగ్ం స॒హాన్తరి॑ఖ్షేణ హ్వయతామ్ ।
ఉప॑ హూత-మ్బృ॒హథ్స॒హ ది॒వా । ఉప॑ మా బృ॒హథ్స॒హ ది॒వా హ్వ॑యతామ్ । ఉప॑హూతా-స్స॒ప్త హోత్రాః᳚ ।
ఉప॑ మా స॒ప్త హోత్రా᳚ హ్వయన్తామ్ । ఉప॑హూతా ధే॒ను-స్స॒హర్​ష॑భా । ఉప॑ మా ధే॒ను-స్స॒హర్​ష॑భా హ్వయతామ్ ॥ 16 ॥

ఉప॑హూతో భ॒ఖ్ష-స్సఖా᳚ । ఉప॑ మా భ॒ఖ్ష-స్సఖా᳚ హ్వయతామ్ । ఉప॑హూ॒తాఀ(4) హో । ఇడోప॑హూతా । ఉప॑హూ॒తేడా᳚ । ఉపో॑ అ॒స్మాగ్ం ఇడా᳚ హ్వయతామ్ । ఇడోప॑హూతా । ఉప॑హూ॒తేడా᳚ । మా॒న॒వీ ఘృ॒తప॑దీ మైత్రావరు॒ణీ ।
బ్రహ్మ॑ దే॒వకృ॑త॒ముప॑హూతమ్ ॥ 17 ॥

దైవ్యా॑ అద్ధ్వ॒ర్యవ॒ ఉప॑హూతాః । ఉప॑హూతా మను॒ష్యాః᳚ । య ఇ॒మం-యఀ॒జ్ఞమవాన్॑ । యే య॒జ్ఞప॑తిం॒-వఀర్ధాన్॑ । ఉప॑హూతే॒ ద్యావా॑పృథి॒వీ ।
పూ॒ర్వ॒జే ఋ॒తావ॑రీ । దే॒వీ దే॒వపు॑త్రే । ఉప॑హూతో॒-ఽయం-యఀజ॑మానః । ఉత్త॑రస్యా-న్దేవయ॒జ్యాయా॒-ముప॑హూతః । భూయ॑సి హవి॒ష్కర॑ణ॒ ఉప॑హూతః ।
ది॒వ్యే ధామ॒న్నుప॑హూతః ।
ఇ॒ద-మ్మే॑ దే॒వా హ॒విర్జు॑షన్తా॒మితి॒ తస్మి॒న్నుప॑హూతః ।
విశ్వ॑మస్య ప్రి॒యముప॑హూతమ్ ।
విశ్వ॑స్య ప్రి॒యస్యోప॑హూత॒స్యోప॑హూతః ॥ 18 ॥
(స॒హర్​ష॑భా హ్వయతా॒ - ముప॑హూతగ్ం - హవి॒ష్కర॑ణ॒ ఉప॑హూతశ్చ॒త్వారి॑ చ) (అ. 8)

అనువాకం 9 - అనూయాజాః
దే॒వ-మ్బ॒ర్॒హిః । వ॒సు॒వనే॑ వసు॒ధేయ॑స్య వేతు । దే॒వో నరా॒శగ్ం సః॑ । వ॒సు॒వనే॑ వసు॒ధేయ॑స్య వేతు । దే॒వో అ॒గ్ని-స్స్వి॑ష్ట॒కృత్ । సు॒ద్రవి॑ణా మ॒న్ద్రః క॒విః । స॒త్యమ॑న్మా-ఽఽయ॒జీ హోతా᳚ । హోతు॑ర్-హోతు॒రాయ॑జీయాన్ । అగ్నే॒ యాన్-దే॒వానయా᳚ట్ । యాగ్ం అపి॑ప్రేః । యే తే॑ హో॒త్రే అమ॑థ్సత । తాగ్ం స॑స॒నుషీ॒గ్ం॒ హోత్రా᳚-న్దేవ-ఙ్గ॒మామ్ । ది॒వి దే॒వేషు॑ య॒జ్ఞమేర॑యే॒మమ్ । స్వి॒ష్ట॒కృచ్చాగ్నే॒ హోతా-ఽభూః᳚ ।
వ॒సు॒వనే॑ వసు॒ధేయ॑స్య నమోవా॒కే వీహి॑ ॥ 19 ॥
(అపి॑ప్రేః॒ పఞ్చ॑ చ) (అ. 9)

అనువాకం 10 - సూక్తావాకః
ఇ॒ద-న్ద్యా॑వాపృథివీ భ॒ద్రమ॑భూత్ ।
ఆర్ధ్మ॑ సూక్తవా॒కమ్ । ఉ॒త న॑మోవా॒కమ్ ।
ఋ॒ద్ధ్యాస్మ॑ సూ॒క్తోచ్య॑మగ్నే । త్వగ్ం సూ᳚క్త॒వాగ॑సి ।
ఉప॑శ్రితో ది॒వః పృ॑థి॒వ్యోః । ఓమ॑న్వతీ తే॒-ఽస్మిన్. య॒జ్ఞే య॑జమాన॒ ద్యావా॑పృథి॒వీ స్తా᳚మ్ ।
శ॒గం॒యే జీ॒రదా॑నూ । అత్ర॑స్నూ॒ అప్ర॑వేదే ।
ఉ॒రుగ॑వ్యూతీ అభయ॒-ఙ్కృతౌ᳚ ॥ 20 ॥

వృ॒ష్టిద్యా॑వా రీ॒త్యా॑పా । శ॒మ్భువౌ॑ మయో॒భువౌ᳚ ।
ఊర్జ॑స్వతీ చ॒ పయ॑స్వతీ చ । సూ॒ప॒చ॒ర॒ణా చ॑ స్వధిచర॒ణా చ॑ । తయో॑రా॒విది॑ ॥
అ॒గ్నిరి॒దగ్ం హ॒విర॑జుషత । అవీ॑వృధత॒ మహో॒ జ్యాయో॑-ఽకృత । సోమ॑ ఇ॒దగ్ం హ॒విర॑జుషత । అవీ॑వృధత॒ మహో॒ జ్యాయో॑-ఽకృత ।
అ॒గ్నిరి॒దగ్ం హ॒విర॑జుషత ॥ 21 ॥

అవీ॑వృధత॒ మహో॒ జ్యాయో॑-ఽకృత । ప్ర॒జాప॑తిరి॒దగ్ం హ॒విర॑జుషత । అవీ॑వృధత॒ మహో॒ జ్యాయో॑-ఽకృత । అ॒గ్నీషోమా॑వి॒దగ్ం హ॒విర॑జుషేతామ్ ।
అవీ॑వృధేతా॒-మ్మహో॒ జ్యాయో᳚-ఽక్రాతామ్ ।
ఇ॒న్ద్రా॒గ్నీ ఇ॒దగ్ం హ॒విర॑జుషేతామ్ ।
అవీ॑వృధేతా॒-మ్మహో॒ జ్యాయో᳚-ఽక్రాతామ్ । ఇన్ద్ర॑ ఇ॒దగ్ం హ॒విర॑జుషత । అవీ॑వృధత॒ మహో॒ జ్యాయో॑-ఽకృత । మ॒హే॒న్ద్ర ఇ॒దగ్ం హ॒విర॑జుషత ॥ 22 ॥

అవీ॑వృధత॒ మహో॒ జ్యాయో॑-ఽకృత । దే॒వా ఆ᳚జ్య॒పా ఆజ్య॑మజుషన్త । అవీ॑వృధన్త॒ మహో॒ జ్యాయో᳚-ఽక్రత । అ॒గ్నిర్​హో॒త్రేణే॒దగ్ం హ॒విర॑జుషత ।
అవీ॑వృధత॒ మహో॒ జ్యాయో॑-ఽకృత ।
అ॒స్యామృధ॒-ద్ధోత్రా॑యా-న్దేవఙ్గ॒మాయా᳚మ్ ।
ఆశా᳚స్తే॒-ఽయం-యఀజ॑మానో॒-ఽసౌ ॥
ఆయు॒రాశా᳚స్తే । సు॒ప్ర॒జా॒స్త్వ-మాశా᳚స్తే ।
స॒జా॒త॒వ॒న॒స్యా-మాశా᳚స్తే ॥ 23 ॥

ఉత్త॑రా-న్దేవయ॒జ్యా-మాశా᳚స్తే । భూయో॑ హవి॒ష్కర॑ణ॒-మాశా᳚స్తే । ది॒వ్య-న్ధామాశా᳚స్తే । విశ్వ॑-మ్ప్రి॒యమాశా᳚స్తే । యద॒నేన॑ హ॒విషా ఽఽశా᳚స్తే । తద॑శ్యా॒త్-తదృ॑ద్ధ్యాత్ । తద॑స్మై దే॒వా రా॑సన్తామ్ । తద॒గ్ని-ర్దే॒వో దే॒వేభ్యో॒ వన॑తే । వ॒యమ॒గ్నే-ర్మాను॑షాః । ఇ॒ష్ట-ఞ్చ॑ వీ॒త-ఞ్చ॑ । ఉ॒భే చ॑ నో॒ ద్యావా॑పృథి॒వీ అగ్ంహ॑సస్పాతామ్ ।
ఇ॒హ గతి॑-ర్వా॒మస్యే॒ద-ఞ్చ॑ । నమో॑ దే॒వేభ్యః॑ ॥ 24 ॥
(అ॒భ॒య॒ఙ్కృతా॑వకృ - తా॒గ్నిరి॒దగ్ం హ॒విర॑జుషత - మహే॒న్ద్ర ఇ॒దగ్ం హ॒విర॑జుషత - సజాతవన॒స్యామాశా᳚స్తే - వీ॒త-ఞ్చ॒ త్రీణి॑ చ) (అ. 10)

అనువాకం 11 - శం​యుఀవాకః
తచ్ఛం॒-యోఀరా వృ॑ణీమహే । గా॒తుం-యఀ॒జ్ఞాయ॑ । గా॒తుం-యఀ॒జ్ఞప॑తయే । దైవీ᳚ స్వ॒స్తిర॑స్తు నః । స్వ॒స్తి-ర్మాను॑షేభ్యః । ఊ॒ర్ధ్వ-ఞ్జి॑గాతు భేష॒జమ్ ।
శ-న్నో॑ అస్తు ద్వి॒పదే᳚ । శ-ఞ్చతు॑ష్పదే ॥ 25 ॥
(తచ్ఛం॒-యోఀర॒ష్టౌ) (అ. 11)

అనువాకం 12 - పత్నీసం​యాఀజానాం-యాఀజ్యానువాక్యాః
ఆ ప్యా॑యస్వ॒ సమే॑తు తే వి॒శ్వత॑-స్సోమ॒ వృష్ణి॑యమ్ । భవా॒ వాజ॑స్య సఙ్గ॒థే ॥ స-న్తే॒ పయాగ్ం ॑సి॒ సము॑ యన్తు॒ వాజా॒-స్సం-వృఀష్ణి॑యా-న్యభిమాతి॒షాహః॑ । ఆ॒ప్యాయ॑మానో అ॒మృతా॑య సోమ ది॒వి శ్రవాగ్॑స్యుత్త॒మాని॑ ధిష్వ ॥ ॥
ఇ॒హ త్వష్టా॑రమగ్రి॒యం-విఀ॒శ్వరూ॑ప॒ముప॑ హ్వయే । అ॒స్మాక॑మస్తు॒ కేవ॑లః ॥ తన్న॑స్తు॒రీప॒మధ॑ పోషయి॒త్ను దేవ॑ త్వష్ట॒ర్వి ర॑రా॒ణ-స్స్య॑స్వ । యతో॑ వీ॒రః క॑ర్మ॒ణ్య॑-స్సు॒దఖ్షో॑ యు॒క్తగ్రా॑వా॒ జాయ॑తే దే॒వకా॑మః ॥ ॥
దే॒వానా॒-మ్పత్నీ॑రుశ॒తీర॑వన్తు నః । ప్రావ॑న్తు నస్తు॒జయే॒ వాజ॑సాతయే । యాః పార్థి॑వాసో॒ యా అ॒పామపి॑ వ్ర॒తే । తా నో॑ దేవీ-స్సుహవా॒-శ్శర్మ॑ యచ్ఛత ॥ ఉ॒త గ్నా వి॑యన్తు దే॒వప॑త్నీః । ఇ॒న్ద్రా॒ణ్య॑గ్నాయ్య॒శ్వినీ॒ రాట్ । ఆ రోద॑సీ వరుణా॒నీ శృ॑ణోతు ।
వి॒యన్తు॑ దే॒వీర్య ఋ॒తుర్జనీ॑నామ్ ॥ 26 ॥

అ॒గ్నిర్-హోతా॑ గృ॒హప॑తి॒-స్స రాజా᳚ । విశ్వా॑ వేద॒ జని॑మా జా॒తవే॑దాః । దే॒వానా॑ము॒త యో మర్త్యా॑నామ్ । యజి॑ష్ఠ॒-స్స ప్రయ॑జతామృ॒తావా᳚ ॥
వ॒యము॑ త్వా గృహపతే॒ జనా॑నామ్ । అగ్నే॒ అక॑ర్మ స॒మిధా॑ బృ॒హన్త᳚మ్ । అ॒స్థూ॒రిణో॒ గార్​హ॑పత్యాని సన్తు । తి॒గ్మేన॑ న॒స్తేజ॑సా॒ సగ్ంశి॑శాధి ॥ 27 ॥
(జనీ॑నా - +మ॒ష్టౌ చ॑) (అ. 12)
అనువాకం 13 - పత్నీసం​యాఀజే సోమాహ్వానం
ఉప॑హూతగ్ం రథన్త॒రగ్ం స॒హ పృ॑థి॒వ్యా ।
ఉప॑ మా రథన్త॒రగ్ం స॒హ పృ॑థి॒వ్యా హ్వ॑యతామ్ ।
ఉప॑హూతం-వాఀమదే॒వ్యగ్ం స॒హాన్తరి॑ఖ్షేణ ।
ఉప॑ మా వామదే॒వ్యగ్ం స॒హాన్తరి॑ఖ్షేణ హ్వయతామ్ । ఉప॑హూత-మ్బృ॒హథ్స॒హ ది॒వా । ఉప॑ మా బృ॒హథ్స॒హ ది॒వా హ్వ॑యతామ్ । ఉప॑హూతా-స్స॒ప్త హోత్రాః᳚ ।
ఉప॑ మా స॒ప్త హోత్రా᳚ హ్వయన్తామ్ । ఉప॑హూతా ధే॒ను-స్స॒హర్​ష॑భా । ఉప॑ మా ధే॒ను-స్స॒హర్​ష॑భా హ్వయతామ్ ॥ 28 ॥

ఉప॑హూతో భ॒ఖ్ష-స్సఖా᳚ । ఉప॑ మా భ॒ఖ్ష-స్సఖా᳚ హ్వయతామ్ । ఉప॑హూ॒తాఀ(4) హో । ఇడోప॑హూతా । ఉప॑హూ॒తేడా᳚ । ఉపో॑ అ॒స్మాగ్ం ఇడా᳚ హ్వయతామ్ । ఇడోప॑హూతా । ఉప॑హూ॒తేడా᳚ । మా॒న॒వీ ఘృ॒తప॑దీ మైత్రావరు॒ణీ ।
బ్రహ్మ॑ దే॒వకృ॑త॒ముప॑హూతమ్ ॥ 29 ॥

దైవ్యా॑ అద్ధ్వ॒ర్యవ॒ ఉప॑హూతాః । ఉప॑హూతా మను॒ష్యాః᳚ । య ఇ॒మం-యఀ॒జ్ఞమవాన్॑ । యే య॒జ్ఞప॑త్నీం॒-వఀర్ధాన్॑ । ఉప॑హూతే॒ ద్యావా॑పృథి॒వీ । పూ॒ర్వ॒జే ఋ॒తావ॑రీ । దే॒వీ దే॒వపు॑త్రే । ఉప॑హూతే॒యం-యఀజ॑మానా । ఇ॒న్ద్రా॒ణీవా॑విధ॒వా । అది॑తిరివ సుపు॒త్రా । ఉత్త॑రస్యా-న్దేవయ॒జ్యాయా॒-ముప॑హూతా ।
భూయ॑సి హవి॒ష్కర॑ణ॒ ఉప॑హూతా । ది॒వ్యే ధామ॒న్నుప॑హూతా । ఇ॒ద-మ్మే॑ దే॒వా హ॒వి-ర్జు॑షన్తా॒మితి॒ తస్మి॒-న్నుప॑హూతా । విశ్వ॑మస్యాః ప్రి॒యముప॑హూతమ్ ।
విశ్వ॑స్య ప్రి॒యస్యోప॑హూత॒స్యోప॑హూతా ॥ 30 ॥
(స॒హర్​ష॑భా హ్వయతా॒ - ముప॑హూతగ్ం - సుపు॒త్రా షట్చ॑) (అ. 13)

(స॒త్యం - ప్రవో - ఽగ్నే॑ మ॒హా - న॒గ్నిర్-హోతా॑ - స॒మిధో॒ - ఽగ్ని-ర్వృ॒త్రాణ్య॒ - గ్ని-ర్మూ॒ర్ధో - ప॑హూతం - దే॒వ-మ్బ॒ర్॒హి - రి॒ద-న్ద్యా॑వాపృథివీ॒ -తచ్ఛం॒​యోఀ- రా ప్యా॑య॒స్వో - ప॑హూత॒-న్త్రయో॑దశ)

(స॒త్యం - ఀవ॒యగ్గ్​ స్యా॑మ - వృ॒ష్టిద్యా॑వా త్రి॒గ్ం॒శత్)

(స॒త్య-ముప॑హూతా)

॥ హరిః॑ ఓమ్ ॥

॥ కృష్ణ యజుర్వేదీయ తైత్తిరీయ బ్రాహ్మణే తృతీయాష్టకే పఞ్చమ ప్రపాఠక-స్సమాప్తః ॥