കൃഷ്ണ യജുർവേദീയ തൈത്തിരീയ ബ്രാഹ്മണേ തൃതീയാഷ്ടകേ പഞ്ചമഃ പ്രപാഠകഃ - ഇഷ്ടിഹൌത്രമ്
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
അനുവാകം 1 - ഹോതുര്ജപഃ പുരസ്താ-ഥ്സാമിധേനീനാമ്
സ॒ത്യ-മ്പ്രപ॑ദ്യേ । ഋ॒ത-മ്പ്രപ॑ദ്യേ ।
അ॒മൃത॒-മ്പ്രപ॑ദ്യേ ।
പ്ര॒ജാപ॑തേഃ പ്രി॒യാ-ന്ത॒നുവ॒മനാ᳚ര്താ॒-മ്പ്രപ॑ദ്യേ ।
ഇ॒ദമ॒ഹ-മ്പ॑ഞ്ചദ॒ശേന॒ വജ്രേ॑ണ ।
ദ്വി॒ഷന്ത॒-മ്ഭ്രാതൃ॑വ്യ॒മവ॑ക്രാമാമി ।
യോ᳚-ഽസ്മാ-ന്ദ്വേഷ്ടി॑ । യ-ഞ്ച॑ വ॒യ-ന്ദ്വി॒ഷ്മഃ ।
ഭൂര്ഭുവ॒-സ്സുവഃ॑ । ഹിമ് ॥ 1 ॥
(സ॒ത്യ-ന്ദശ॑) (അ. 1)
അനുവാകം 2 - സാമിധേനീമ്രന്വാഹ
പ്ര വോ॒ വാജാ॑ അ॒ഭിദ്യ॑വഃ । ഹ॒വിഷ്മ॑ന്തോ ഘൃ॒താച്യാ᳚ ।
ദേ॒വാഞ്ജി॑ഗാതി സുമ്ന॒യുഃ ॥ അഗ്ന॒ ആയാ॑ഹി വീ॒തയേ᳚ । ഗൃ॒ണാ॒നോ ഹ॒വ്യദാ॑തയേ । നി ഹോതാ॑ സഥ്സി ബ॒ര॒ഃഇഷി॑ ॥ ത-ന്ത്വാ॑ സ॒മിദ്ഭി॑രങ്ഗിരഃ । ഘൃ॒തേന॑ വര്ധയാമസി । ബൃ॒ഹച്ഛോ॑ചാ യവിഷ്ഠ്യ ॥ സ നഃ॑ പൃ॒ഥു ശ്ര॒വായ്യ᳚മ് ॥ 2 ॥
അച്ഛാ॑ ദേവ വിവാസസി । ബൃ॒ഹദ॑ഗ്നേ സു॒വീര്യ᳚മ് ॥
ഈ॒ഡേന്യോ॑ നമ॒സ്യ॑സ്തി॒രഃ । തമാഗ്മ്॑സി ദര്ശ॒തഃ । സമ॒ഗ്നിരി॑ദ്ധ്യതേ॒ വൃഷാ᳚ ॥ വൃഷോ॑ അ॒ഗ്നി-സ്സമി॑ദ്ധ്യതേ । അശ്വോ॒ ന ദേ॑വ॒വാഹ॑നഃ ।
തഗ്മ് ഹ॒വിഷ്മ॑ന്ത ഈഡതേ ॥ വൃഷ॑ണ-ന്ത്വാ വ॒യം-വൃഁഷന്ന്॑ । വൃഷാ॑ണ॒-സ്സമി॑ധീമഹി ॥ 3 ॥
അഗ്നേ॒ ദീദ്യ॑ത-മ്ബൃ॒ഹത് ॥ അ॒ഗ്നി-ന്ദൂ॒തം-വൃഁ ॑ണീമഹേ ।
ഹോതാ॑രം-വിഁ॒ശ്വവേ॑ദസമ് । അ॒സ്യ യ॒ജ്ഞസ്യ॑ സു॒ക്രതു᳚മ് ॥ സ॒മി॒ദ്ധ്യമാ॑നോ അദ്ധ്വ॒രേ । അ॒ഗ്നിഃ പാ॑വ॒ക ഈഡ്യഃ॑ । ശോ॒ചിഷ്കേ॑ശ॒സ്തമീ॑മഹേ ॥ സമി॑ദ്ധോ അഗ്ന ആഹുത । ദേ॒വാന്. യ॑ക്ഷി സ്വദ്ധ്വര । ത്വഗ്മ് ഹി ഹ॑വ്യ॒വാഡസി॑ ॥
ആജു॑ഹോത ദുവ॒സ്യത॑ । അ॒ഗ്നി-മ്പ്ര॑യ॒ത്യ॑ദ്ധ്വ॒രേ ।
വൃ॒ണീ॒ദ്ധ്വഗ്മ് ഹ॑വ്യ॒വാഹ॑നമ് ॥
ത്വം-വഁരു॑ണ ഉ॒ത മി॒ത്രോ അ॑ഗ്നേ । ത്വാം-വഁ ॑ര്ധന്തി മ॒തിഭി॒ർവസി॑ഷ്ഠാഃ । ത്വേ വസു॑ സുഷണ॒നാനി॑ സന്തു । യൂ॒യ-മ്പാ॑ത സ്വ॒സ്തിഭി॒-സ്സദാ॑ നഃ ॥ 4 ॥
(ശ്ര॒വായ്യ॑ - മിധീമ॒ - ഹ്യസി॑ സ॒പ്ത ച॑) (അ. 2)
അനുവാകം 3 - പ്രരമുക്ത്വാ നിവിദോ-ഽനൂച്യ ദേവതാ ആവാഹയതി
അഗ്നേ॑ മ॒ഹാഗ്മ് അ॑സി ബ്രാഹ്മണ ഭാരത । അസാ॒വസൌ᳚ ॥
ദേ॒വേദ്ധോ॒ മന്വി॑ദ്ധഃ । ഋഷി॑ഷ്ടുതോ॒ വിപ്രാ॑നുമദിതഃ । ക॒വി॒ശ॒സ്തോ ബ്രഹ്മ॑സഗ്മ്ശിതോ ഘൃ॒താഹ॑വനഃ ।
പ്ര॒ണീ-ര്യ॒ജ്ഞാനാ᳚മ് । ര॒ഥീര॑ദ്ധ്വ॒രാണാ᳚മ് ।
അ॒തൂര്തോ॒ ഹോതാ᳚ । തൂര്ണി॑ര്ഹവ്യ॒വാട് ।
ആസ്പാത്ര॑-ഞ്ജു॒ഹൂ-ര്ദേ॒വാനാ᳚മ് ॥ 5 ॥
ച॒മ॒സോ ദേ॑വ॒പാനഃ॑ । അ॒രാഗ്മ് ഇ॑വാഗ്നേ നേ॒മിര്ദേ॒വാഗ്സ്ത്വ-മ്പ॑രി॒ഭൂര॑സി । ആവ॑ഹ ദേ॒വാന്. യജ॑മാനായ ॥ അ॒ഗ്നിമ॑ഗ്ന॒ ആവ॑ഹ । സോമ॒മാവ॑ഹ ।
അ॒ഗ്നിമാവ॑ഹ । പ്ര॒ജാപ॑തി॒മാവ॑ഹ । അ॒ഗ്നീഷോമാ॒വാവ॑ഹ । ഇ॒ന്ദ്രാ॒ഗ്നീ ആവ॑ഹ । ഇന്ദ്ര॒മാവ॑ഹ । മ॒ഹേ॒ന്ദ്രമാവ॑ഹ । ദേ॒വാഗ്മ് ആ᳚ജ്യ॒പാഗ്മ് ആവ॑ഹ ।
അ॒ഗ്നിഗ്മ് ഹോ॒ത്രായാവ॑ഹ । സ്വ-മ്മ॑ഹി॒മാന॒മാവ॑ഹ । ആ ചാ᳚ഗ്നേ ദേ॒വാന്. വഹ॑ । സു॒യജാ॑ ച യജ ജാതവേദഃ ॥ 6 ॥
(ദേ॒വാനാ॒-മിന്ദ്ര॒മാവ॑ഹ॒ ഷട്ച॑) (അ. 3)
അനുവാകം 4 - സ്രുചാവാദാപയതി
അ॒ഗ്നിര്-ഹോതാ॒ വേത്വ॒ഗ്നിഃ । ഹോ॒ത്രം-വേഁ᳚ത്തു പ്രാവി॒ത്രമ് । സ്മോ വ॒യമ് । സാ॒ധു തേ॑ യജമാന ദേ॒വതാ᳚ । ഘൃ॒തവ॑തീ-മദ്ധ്വര്യോ॒ സ്രുച॒മാ-ഽസ്യ॑സ്വ । ദേ॒വാ॒യുവം॑-വിഁ॒ശ്വവാ॑രാമ് । ഈഡാ॑മഹൈ ദേ॒വാഗ്മ് ഈ॒ഡേന്യാന്॑ ।
ന॒മ॒സ്യാമ॑ നമ॒സ്യാന്॑ । യജാ॑മ യ॒ജ്ഞിയാന്॑ ॥ 7 ॥
(അ॒ഗ്നിര്-ഹോതാ॒ നവ॑) (അ. 4)
അനുവാകം 5 - പ്രയാജാഃ
സ॒മിധോ॑ അഗ്ന॒ ആജ്യ॑സ്യ വിയന്തു । തനൂ॒നപാ॑ദഗ്ന॒ ആജ്യ॑സ്യ വേതു । ഇ॒ഡോ അ॑ഗ്ന॒ ആജ്യ॑സ്യ വിയന്തു । ബ॒ര്॒ഹിര॑ഗ്ന॒ ആജ്യ॑സ്യ വേതു । സ്വാഹാ॒-ഽഗ്നിമ് । സ്വാഹാ॒ സോമ᳚മ് । സ്വാഹാ॒-ഽഗ്നിമ് । സ്വാഹാ᳚ പ്ര॒ജാപ॑തിമ് ।
സ്വാഹാ॒-ഽഗ്നീഷോമൌ᳚ । സ്വാഹേ᳚ന്ദ്രാ॒ഗ്നീ । സ്വാഹേന്ദ്ര᳚മ് ।
സ്വാഹാ॑ മഹേ॒ന്ദ്രമ് । സ്വാഹാ॑ ദേ॒വാഗ്മ് ആ᳚ജ്യ॒പാന് । സ്വാഹാ॒-ഽഗ്നിഗ്മ് ഹോ॒ത്രാജ്ജു॑ഷാ॒ണാഃ ।
അഗ്ന॒ ആജ്യ॑സ്യ വിയന്തു ॥ 8 ॥
(ഇ॒ന്ദ്രാ॒ഗ്നീ പഞ്ച॑ ച) (അ. 5)
അനുവാകം 6 - അജ്യഭാഗയോഃ പുരോനുവാക്യേ
അ॒ഗ്നി-ർവൃ॒ത്രാണി॑ ജങ്ഘനത് । ദ്ര॒വി॒ണ॒സ്യു-ർവി॑പ॒ന്യയാ᳚ ।
സമി॑ദ്ധ-ശ്ശു॒ക്ര ആഹു॑തഃ । ജു॒ഷാ॒ണോ അ॒ഗ്നിരാജ്യ॑സ്യ വേതു । ത്വഗ്മ് സോ॑മാസി॒ സത്പ॑തിഃ । ത്വഗ്മ് രാജോ॒ത വൃ॑ത്ര॒ഹാ ।
ത്വ-മ്ഭ॒ദ്രോ അ॑സി॒ ക്രതുഃ॑ । ജു॒ഷാ॒ണ-സ്സോമ॒ ആജ്യ॑സ്യ ഹ॒വിഷോ॑ വേതു । അ॒ഗ്നിഃ പ്ര॒ത്നേന॒ ജന്മ॑നാ । ശുമ്ഭാ॑നസ്ത॒നുവ॒ഗ്ഗ്॒ സ്വാമ് ।
ക॒വി-ർവിപ്രേ॑ണ വാവൃധേ । ജു॒ഷാ॒ണോ അ॒ഗ്നിരാജ്യ॑സ്യ വേതു ।
സോമ॑ ഗീ॒ര്ഭിഷ്ട്വാ॑ വ॒യമ് । വ॒ര്ധയാ॑മോ വചോ॒വിദഃ॑ । സു॒മൃ॒ഡീ॒കോ ന॒ ആവി॑ശ ।
ജു॒ഷാ॒ണ-സ്സോമ॒ ആജ്യ॑സ്യ ഹ॒വിഷോ॑ വേതു ॥ 9 ॥
(സ്വാഗ്മ് ഷട്ച॑) (അ. 6)
അനുവാകം 7 - ഹവിഷാം-യാഁജ്യാനുവാക്യാഃ
അ॒ഗ്നി-ര്മൂ॒ര്ധാ ദി॒വഃ ക॒കുത് । പതിഃ॑ പൃഥി॒വ്യാ അ॒യമ് ।
അ॒പാഗ്മ് രേതാഗ്മ്॑സി ജിന്വതി । ഭുവോ॑ യ॒ജ്ഞസ്യ॒ രജ॑സശ്ച നേ॒താ । യത്രാ॑ നി॒യുദ്ഭി॒-സ്സച॑സേ ശി॒വാഭിഃ॑ । ദി॒വി മൂ॒ര്ധാന॑-ന്ദധിഷേ സുവ॒ര്॒ഷാമ് ।
ജി॒ഹ്വാമ॑ഗ്നേ ചകൃഷേ ഹവ്യ॒വാഹ᳚മ് । പ്രജാ॑പതേ॒ ന ത്വദേ॒താന്യ॒ന്യഃ । വിശ്വാ॑ ജാ॒താനി॒ പരി॒ താ ബ॑ഭൂവ ।
യത്-കാ॑മാസ്തേ ജുഹു॒മസ്തന്നോ॑ അസ്തു ॥ 10 ॥
വ॒യഗ്ഗ് സ്യാ॑മ॒ പത॑യോ രയീ॒ണാമ് । സ വേ॑ദ പു॒ത്രഃ പി॒തര॒ഗ്മ്॒ സ മാ॒തര᳚മ് । സ സൂ॒നുര്ഭു॑വ॒ഥ്സ ഭു॑വ॒ത്പുന॑ര്മഘഃ । സ ദ്യാമൌര്ണോ॑ദ॒ന്തരി॑ക്ഷ॒ഗ്മ്॒ സ സുവഃ॑ । സ വിശ്വാ॒ ഭുവോ॑ അഭവ॒ഥ്സ ആ-ഽഭ॑വത് । അഗ്നീ॑ഷോമാ॒ സവേ॑ദസാ । സഹൂ॑തീ വനത॒-ങ്ഗിരഃ॑ । സ-ന്ദേ॑വ॒ത്രാ ബ॑ഭൂവഥുഃ । യു॒വമേ॒താനി॑ ദി॒വി രോ॑ച॒നാനി॑ ।
അ॒ഗ്നിശ്ച॑ സോമ॒ സക്ര॑തൂ അധത്തമ് ॥ 11 ॥
യു॒വഗ്മ് സിന്ധൂഗ്മ്॑ ര॒ഭിശ॑സ്തേ-രവ॒ദ്യാത് । അഗ്നീ॑ഷോമാ॒-വമു॑ഞ്ചത-ങ്ഗൃഭീ॒താന് ।
ഇന്ദ്രാ᳚ഗ്നീ രോച॒നാ ദി॒വഃ । പരി॒ വാജേ॑ഷു ഭൂഷഥഃ ।
തദ്വാ᳚-ഞ്ചേതി॒ പ്രവീ॒ര്യ᳚മ് । ശ്നഥ॑ദ്വൃ॒ത്രമു॒ത സ॑നോതി॒ വാജ᳚മ് । ഇന്ദ്രാ॒ യോ അ॒ഗ്നീ സഹു॑രീ സപ॒ര്യാത് ।
ഇ॒ര॒ജ്യന്താ॑ വസ॒വ്യ॑സ്യ॒ ഭൂരേഃ᳚ । സഹ॑സ്തമാ॒ സഹ॑സാ വാജ॒യന്താ᳚ । ഏന്ദ്ര॑ സാന॒സിഗ്മ് ര॒യിമ് ॥ 12 ॥
സ॒ജിത്വാ॑നഗ്മ് സദാ॒സഹ᳚മ് । വര്ഷി॑ഷ്ഠമൂ॒തയേ॑ ഭര । പ്രസ॑സാഹിഷേ പുരുഹൂത॒ ശത്രൂന്॑ । ജ്യേഷ്ഠ॑സ്തേ॒ ശുഷ്മ॑ ഇ॒ഹ രാ॒തിര॑സ്തു । ഇന്ദ്രാഭ॑ര॒ ദക്ഷി॑ണേനാ॒ വസൂ॑നി । പതി॒-സ്സിന്ധൂ॑നാമസി രേ॒വതീ॑നാമ് । മ॒ഹാഗ്മ് ഇന്ദ്രോ॒ യ ഓജ॑സാ । പ॒ര്ജന്യോ॑ വൃഷ്ടി॒മാഗ്മ് ഇ॑വ ।
സ്തോമൈ᳚ർവ॒ഥ്സസ്യ॑ വാവൃധേ ।
മ॒ഹാം ഇന്ദ്രോ॑ നൃ॒വദാച॑ര്ഷണി॒പ്രാഃ ॥ 13 ॥
ഉ॒ത ദ്വി॒ബര്ഹാ॑ അമി॒ന-സ്സഹോ॑ഭിഃ । അ॒സ്മ॒ദ്രിയ॑ഗ്വാവൃധേ വീ॒ര്യാ॑യ ।
ഉ॒രുഃ പൃ॒ഥു-സ്സുകൃ॑തഃ ക॒ര്തൃഭി॑ര്ഭൂത് ।
പി॒പ്രീ॒ഹി ദേ॒വാഗ്മ് ഉ॑ശ॒തോ യ॑വിഷ്ഠ ।
വി॒ദ്വാം ഋതൂഗ്മ്ര്-ഋ॑തുപതേ യജേ॒ഹ ।
യേ ദൈവ്യാ॑ ഋ॒ത്വിജ॒സ്തേഭി॑രഗ്നേ ।
ത്വഗ്മ് ഹോതൄ॑ണാമ॒സ്യായ॑ജിഷ്ഠഃ ॥
അ॒ഗ്നിഗ്ഗ് സ്വി॑ഷ്ട॒കൃത᳚മ് । അയാ॑ഡ॒ഗ്നിര॒ഗ്നേഃ പ്രി॒യാ ധാമാ॑നി । അയാ॒ട്ഥ്സോമ॑സ്യ പ്രി॒യാ ധാമാ॑നി ॥ 14 ॥
അയാ॑ഡ॒ഗ്നേഃ പ്രി॒യാ ധാമാ॑നി । അയാ᳚ട്പ്ര॒ജാപ॑തേഃ പ്രി॒യാ ധാമാ॑നി । അയാ॑ഡ॒ഗ്നീഷോമ॑യോഃ പ്രി॒യാ ധാമാ॑നി । അയാ॑ഡിന്ദ്രാഗ്നി॒യോഃ പ്രി॒യാ ധാമാ॑നി ।
അയാ॒ഡിന്ദ്ര॑സ്യ പ്രി॒യാ ധാമാ॑നി । അയാ᳚ണ്മഹേ॒ന്ദ്രസ്യ॑ പ്രി॒യാ ധാമാ॑നി । അയാ᳚ഡ്ദേ॒വാനാ॑-മാജ്യ॒പാനാ᳚-മ്പ്രി॒യാ ധാമാ॑നി । യക്ഷ॑ദ॒ഗ്നേര്-ഹോതുഃ॑ പ്രി॒യാ ധാമാ॑നി । യക്ഷ॒ഥ്സ്വ-മ്മ॑ഹി॒മാന᳚മ് । ആയ॑ജതാ॒മേജ്യാ॒ ഇഷഃ॑ । കൃ॒ണോതു॒ സോ അ॑ദ്ധ്വ॒രാ ജാ॒തവേ॑ദാഃ । ജു॒ഷതാഗ്മ്॑ ഹ॒വിഃ । അഗ്നേ॒ യദ॒ദ്യ വി॒ശോ അ॑ദ്ധ്വരസ്യ ഹോതഃ ।
പാവ॑ക ശോചേ॒ വേഷ്ട്വഗ്മ് ഹി യജ്വാ᳚ । ഋ॒താ യ॑ജാസി മഹി॒നാ വി യദ്ഭൂഃ ।
ഹ॒വ്യാ വ॑ഹ യവിഷ്ഠ॒ യാ തേ॑ അ॒ദ്യ ॥ 15 ॥
(അ॒സ്ത്വ॒ - ധ॒ത്ത॒ഗ്മ് - ര॒യിം - ച॑ര്ഷണി॒പ്രാഃ - സോമ॑സ്യ പ്രി॒യാ ധാമാ॒ - നീഷ॒-ഷ്ഷട്ച॑) (അ. 7)
അനുവാകം 8 - ഇഡോപാഹ്വാനാമ്
ഉപ॑ഹൂതഗ്മ് രഥന്ത॒രഗ്മ് സ॒ഹ പൃ॑ഥി॒വ്യാ ।
ഉപ॑ മാ രഥന്ത॒രഗ്മ് സ॒ഹ പൃ॑ഥി॒വ്യാ ഹ്വ॑യതാമ് ।
ഉപ॑ഹൂതം-വാഁമദേ॒വ്യഗ്മ് സ॒ഹാന്തരി॑ക്ഷേണ ।
ഉപ॑ മാ വാമദേ॒വ്യഗ്മ് സ॒ഹാന്തരി॑ക്ഷേണ ഹ്വയതാമ് ।
ഉപ॑ ഹൂത-മ്ബൃ॒ഹഥ്സ॒ഹ ദി॒വാ । ഉപ॑ മാ ബൃ॒ഹഥ്സ॒ഹ ദി॒വാ ഹ്വ॑യതാമ് । ഉപ॑ഹൂതാ-സ്സ॒പ്ത ഹോത്രാഃ᳚ ।
ഉപ॑ മാ സ॒പ്ത ഹോത്രാ᳚ ഹ്വയന്താമ് । ഉപ॑ഹൂതാ ധേ॒നു-സ്സ॒ഹര്ഷ॑ഭാ । ഉപ॑ മാ ധേ॒നു-സ്സ॒ഹര്ഷ॑ഭാ ഹ്വയതാമ് ॥ 16 ॥
ഉപ॑ഹൂതോ ഭ॒ക്ഷ-സ്സഖാ᳚ । ഉപ॑ മാ ഭ॒ക്ഷ-സ്സഖാ᳚ ഹ്വയതാമ് । ഉപ॑ഹൂ॒താഁ(4) ഹോ । ഇഡോപ॑ഹൂതാ । ഉപ॑ഹൂ॒തേഡാ᳚ । ഉപോ॑ അ॒സ്മാഗ്മ് ഇഡാ᳚ ഹ്വയതാമ് । ഇഡോപ॑ഹൂതാ । ഉപ॑ഹൂ॒തേഡാ᳚ । മാ॒ന॒വീ ഘൃ॒തപ॑ദീ മൈത്രാവരു॒ണീ ।
ബ്രഹ്മ॑ ദേ॒വകൃ॑ത॒മുപ॑ഹൂതമ് ॥ 17 ॥
ദൈവ്യാ॑ അദ്ധ്വ॒ര്യവ॒ ഉപ॑ഹൂതാഃ । ഉപ॑ഹൂതാ മനു॒ഷ്യാഃ᳚ । യ ഇ॒മം-യഁ॒ജ്ഞമവാന്॑ । യേ യ॒ജ്ഞപ॑തിം॒-വഁര്ധാന്॑ । ഉപ॑ഹൂതേ॒ ദ്യാവാ॑പൃഥി॒വീ ।
പൂ॒ർവ॒ജേ ഋ॒താവ॑രീ । ദേ॒വീ ദേ॒വപു॑ത്രേ । ഉപ॑ഹൂതോ॒-ഽയം-യഁജ॑മാനഃ । ഉത്ത॑രസ്യാ-ന്ദേവയ॒ജ്യായാ॒-മുപ॑ഹൂതഃ । ഭൂയ॑സി ഹവി॒ഷ്കര॑ണ॒ ഉപ॑ഹൂതഃ ।
ദി॒വ്യേ ധാമ॒ന്നുപ॑ഹൂതഃ ।
ഇ॒ദ-മ്മേ॑ ദേ॒വാ ഹ॒വിര്ജു॑ഷന്താ॒മിതി॒ തസ്മി॒ന്നുപ॑ഹൂതഃ ।
വിശ്വ॑മസ്യ പ്രി॒യമുപ॑ഹൂതമ് ।
വിശ്വ॑സ്യ പ്രി॒യസ്യോപ॑ഹൂത॒സ്യോപ॑ഹൂതഃ ॥ 18 ॥
(സ॒ഹര്ഷ॑ഭാ ഹ്വയതാ॒ - മുപ॑ഹൂതഗ്മ് - ഹവി॒ഷ്കര॑ണ॒ ഉപ॑ഹൂതശ്ച॒ത്വാരി॑ ച) (അ. 8)
അനുവാകം 9 - അനൂയാജാഃ
ദേ॒വ-മ്ബ॒ര്॒ഹിഃ । വ॒സു॒വനേ॑ വസു॒ധേയ॑സ്യ വേതു । ദേ॒വോ നരാ॒ശഗ്മ് സഃ॑ । വ॒സു॒വനേ॑ വസു॒ധേയ॑സ്യ വേതു । ദേ॒വോ അ॒ഗ്നി-സ്സ്വി॑ഷ്ട॒കൃത് । സു॒ദ്രവി॑ണാ മ॒ന്ദ്രഃ ക॒വിഃ । സ॒ത്യമ॑ന്മാ-ഽഽയ॒ജീ ഹോതാ᳚ । ഹോതു॑ര്-ഹോതു॒രായ॑ജീയാന് । അഗ്നേ॒ യാന്-ദേ॒വാനയാ᳚ട് । യാഗ്മ് അപി॑പ്രേഃ । യേ തേ॑ ഹോ॒ത്രേ അമ॑ഥ്സത । താഗ്മ് സ॑സ॒നുഷീ॒ഗ്മ്॒ ഹോത്രാ᳚-ന്ദേവ-ങ്ഗ॒മാമ് । ദി॒വി ദേ॒വേഷു॑ യ॒ജ്ഞമേര॑യേ॒മമ് । സ്വി॒ഷ്ട॒കൃച്ചാഗ്നേ॒ ഹോതാ-ഽഭൂഃ᳚ ।
വ॒സു॒വനേ॑ വസു॒ധേയ॑സ്യ നമോവാ॒കേ വീഹി॑ ॥ 19 ॥
(അപി॑പ്രേഃ॒ പഞ്ച॑ ച) (അ. 9)
അനുവാകം 10 - സൂക്താവാകഃ
ഇ॒ദ-ന്ദ്യാ॑വാപൃഥിവീ ഭ॒ദ്രമ॑ഭൂത് ।
ആര്ധ്മ॑ സൂക്തവാ॒കമ് । ഉ॒ത ന॑മോവാ॒കമ് ।
ഋ॒ദ്ധ്യാസ്മ॑ സൂ॒ക്തോച്യ॑മഗ്നേ । ത്വഗ്മ് സൂ᳚ക്ത॒വാഗ॑സി ।
ഉപ॑ശ്രിതോ ദി॒വഃ പൃ॑ഥി॒വ്യോഃ । ഓമ॑ന്വതീ തേ॒-ഽസ്മിന്. യ॒ജ്ഞേ യ॑ജമാന॒ ദ്യാവാ॑പൃഥി॒വീ സ്താ᳚മ് ।
ശ॒ഗം॒യേ ജീ॒രദാ॑നൂ । അത്ര॑സ്നൂ॒ അപ്ര॑വേദേ ।
ഉ॒രുഗ॑വ്യൂതീ അഭയ॒-ങ്കൃതൌ᳚ ॥ 20 ॥
വൃ॒ഷ്ടിദ്യാ॑വാ രീ॒ത്യാ॑പാ । ശ॒മ്ഭുവൌ॑ മയോ॒ഭുവൌ᳚ ।
ഊര്ജ॑സ്വതീ ച॒ പയ॑സ്വതീ ച । സൂ॒പ॒ച॒ര॒ണാ ച॑ സ്വധിചര॒ണാ ച॑ । തയോ॑രാ॒വിദി॑ ॥
അ॒ഗ്നിരി॒ദഗ്മ് ഹ॒വിര॑ജുഷത । അവീ॑വൃധത॒ മഹോ॒ ജ്യായോ॑-ഽകൃത । സോമ॑ ഇ॒ദഗ്മ് ഹ॒വിര॑ജുഷത । അവീ॑വൃധത॒ മഹോ॒ ജ്യായോ॑-ഽകൃത ।
അ॒ഗ്നിരി॒ദഗ്മ് ഹ॒വിര॑ജുഷത ॥ 21 ॥
അവീ॑വൃധത॒ മഹോ॒ ജ്യായോ॑-ഽകൃത । പ്ര॒ജാപ॑തിരി॒ദഗ്മ് ഹ॒വിര॑ജുഷത । അവീ॑വൃധത॒ മഹോ॒ ജ്യായോ॑-ഽകൃത । അ॒ഗ്നീഷോമാ॑വി॒ദഗ്മ് ഹ॒വിര॑ജുഷേതാമ് ।
അവീ॑വൃധേതാ॒-മ്മഹോ॒ ജ്യായോ᳚-ഽക്രാതാമ് ।
ഇ॒ന്ദ്രാ॒ഗ്നീ ഇ॒ദഗ്മ് ഹ॒വിര॑ജുഷേതാമ് ।
അവീ॑വൃധേതാ॒-മ്മഹോ॒ ജ്യായോ᳚-ഽക്രാതാമ് । ഇന്ദ്ര॑ ഇ॒ദഗ്മ് ഹ॒വിര॑ജുഷത । അവീ॑വൃധത॒ മഹോ॒ ജ്യായോ॑-ഽകൃത । മ॒ഹേ॒ന്ദ്ര ഇ॒ദഗ്മ് ഹ॒വിര॑ജുഷത ॥ 22 ॥
അവീ॑വൃധത॒ മഹോ॒ ജ്യായോ॑-ഽകൃത । ദേ॒വാ ആ᳚ജ്യ॒പാ ആജ്യ॑മജുഷന്ത । അവീ॑വൃധന്ത॒ മഹോ॒ ജ്യായോ᳚-ഽക്രത । അ॒ഗ്നിര്ഹോ॒ത്രേണേ॒ദഗ്മ് ഹ॒വിര॑ജുഷത ।
അവീ॑വൃധത॒ മഹോ॒ ജ്യായോ॑-ഽകൃത ।
അ॒സ്യാമൃധ॒-ദ്ധോത്രാ॑യാ-ന്ദേവങ്ഗ॒മായാ᳚മ് ।
ആശാ᳚സ്തേ॒-ഽയം-യഁജ॑മാനോ॒-ഽസൌ ॥
ആയു॒രാശാ᳚സ്തേ । സു॒പ്ര॒ജാ॒സ്ത്വ-മാശാ᳚സ്തേ ।
സ॒ജാ॒ത॒വ॒ന॒സ്യാ-മാശാ᳚സ്തേ ॥ 23 ॥
ഉത്ത॑രാ-ന്ദേവയ॒ജ്യാ-മാശാ᳚സ്തേ । ഭൂയോ॑ ഹവി॒ഷ്കര॑ണ॒-മാശാ᳚സ്തേ । ദി॒വ്യ-ന്ധാമാശാ᳚സ്തേ । വിശ്വ॑-മ്പ്രി॒യമാശാ᳚സ്തേ । യദ॒നേന॑ ഹ॒വിഷാ ഽഽശാ᳚സ്തേ । തദ॑ശ്യാ॒ത്-തദൃ॑ദ്ധ്യാത് । തദ॑സ്മൈ ദേ॒വാ രാ॑സന്താമ് । തദ॒ഗ്നി-ര്ദേ॒വോ ദേ॒വേഭ്യോ॒ വന॑തേ । വ॒യമ॒ഗ്നേ-ര്മാനു॑ഷാഃ । ഇ॒ഷ്ട-ഞ്ച॑ വീ॒ത-ഞ്ച॑ । ഉ॒ഭേ ച॑ നോ॒ ദ്യാവാ॑പൃഥി॒വീ അഗ്മ്ഹ॑സസ്പാതാമ് ।
ഇ॒ഹ ഗതി॑-ർവാ॒മസ്യേ॒ദ-ഞ്ച॑ । നമോ॑ ദേ॒വേഭ്യഃ॑ ॥ 24 ॥
(അ॒ഭ॒യ॒ങ്കൃതാ॑വകൃ - താ॒ഗ്നിരി॒ദഗ്മ് ഹ॒വിര॑ജുഷത - മഹേ॒ന്ദ്ര ഇ॒ദഗ്മ് ഹ॒വിര॑ജുഷത - സജാതവന॒സ്യാമാശാ᳚സ്തേ - വീ॒ത-ഞ്ച॒ ത്രീണി॑ ച) (അ. 10)
അനുവാകം 11 - ശംയുഁവാകഃ
തച്ഛം॒-യോഁരാ വൃ॑ണീമഹേ । ഗാ॒തും-യഁ॒ജ്ഞായ॑ । ഗാ॒തും-യഁ॒ജ്ഞപ॑തയേ । ദൈവീ᳚ സ്വ॒സ്തിര॑സ്തു നഃ । സ്വ॒സ്തി-ര്മാനു॑ഷേഭ്യഃ । ഊ॒ര്ധ്വ-ഞ്ജി॑ഗാതു ഭേഷ॒ജമ് ।
ശ-ന്നോ॑ അസ്തു ദ്വി॒പദേ᳚ । ശ-ഞ്ചതു॑ഷ്പദേ ॥ 25 ॥
(തച്ഛം॒-യോഁര॒ഷ്ടൌ) (അ. 11)
അനുവാകം 12 - പത്നീസംയാഁജാനാം-യാഁജ്യാനുവാക്യാഃ
ആ പ്യാ॑യസ്വ॒ സമേ॑തു തേ വി॒ശ്വത॑-സ്സോമ॒ വൃഷ്ണി॑യമ് । ഭവാ॒ വാജ॑സ്യ സങ്ഗ॒ഥേ ॥ സ-ന്തേ॒ പയാഗ്മ് ॑സി॒ സമു॑ യന്തു॒ വാജാ॒-സ്സം-വൃഁഷ്ണി॑യാ-ന്യഭിമാതി॒ഷാഹഃ॑ । ആ॒പ്യായ॑മാനോ അ॒മൃതാ॑യ സോമ ദി॒വി ശ്രവാഗ്॑സ്യുത്ത॒മാനി॑ ധിഷ്വ ॥ ॥
ഇ॒ഹ ത്വഷ്ടാ॑രമഗ്രി॒യം-വിഁ॒ശ്വരൂ॑പ॒മുപ॑ ഹ്വയേ । അ॒സ്മാക॑മസ്തു॒ കേവ॑ലഃ ॥ തന്ന॑സ്തു॒രീപ॒മധ॑ പോഷയി॒ത്നു ദേവ॑ ത്വഷ്ട॒ർവി ര॑രാ॒ണ-സ്സ്യ॑സ്വ । യതോ॑ വീ॒രഃ ക॑ര്മ॒ണ്യ॑-സ്സു॒ദക്ഷോ॑ യു॒ക്തഗ്രാ॑വാ॒ ജായ॑തേ ദേ॒വകാ॑മഃ ॥ ॥
ദേ॒വാനാ॒-മ്പത്നീ॑രുശ॒തീര॑വന്തു നഃ । പ്രാവ॑ന്തു നസ്തു॒ജയേ॒ വാജ॑സാതയേ । യാഃ പാര്ഥി॑വാസോ॒ യാ അ॒പാമപി॑ വ്ര॒തേ । താ നോ॑ ദേവീ-സ്സുഹവാ॒-ശ്ശര്മ॑ യച്ഛത ॥ ഉ॒ത ഗ്നാ വി॑യന്തു ദേ॒വപ॑ത്നീഃ । ഇ॒ന്ദ്രാ॒ണ്യ॑ഗ്നായ്യ॒ശ്വിനീ॒ രാട് । ആ രോദ॑സീ വരുണാ॒നീ ശൃ॑ണോതു ।
വി॒യന്തു॑ ദേ॒വീര്യ ഋ॒തുര്ജനീ॑നാമ് ॥ 26 ॥
അ॒ഗ്നിര്-ഹോതാ॑ ഗൃ॒ഹപ॑തി॒-സ്സ രാജാ᳚ । വിശ്വാ॑ വേദ॒ ജനി॑മാ ജാ॒തവേ॑ദാഃ । ദേ॒വാനാ॑മു॒ത യോ മര്ത്യാ॑നാമ് । യജി॑ഷ്ഠ॒-സ്സ പ്രയ॑ജതാമൃ॒താവാ᳚ ॥
വ॒യമു॑ ത്വാ ഗൃഹപതേ॒ ജനാ॑നാമ് । അഗ്നേ॒ അക॑ര്മ സ॒മിധാ॑ ബൃ॒ഹന്ത᳚മ് । അ॒സ്ഥൂ॒രിണോ॒ ഗാര്ഹ॑പത്യാനി സന്തു । തി॒ഗ്മേന॑ ന॒സ്തേജ॑സാ॒ സഗ്മ്ശി॑ശാധി ॥ 27 ॥
(ജനീ॑നാ - +മ॒ഷ്ടൌ ച॑) (അ. 12)
അനുവാകം 13 - പത്നീസംയാഁജേ സോമാഹ്വാനമ്
ഉപ॑ഹൂതഗ്മ് രഥന്ത॒രഗ്മ് സ॒ഹ പൃ॑ഥി॒വ്യാ ।
ഉപ॑ മാ രഥന്ത॒രഗ്മ് സ॒ഹ പൃ॑ഥി॒വ്യാ ഹ്വ॑യതാമ് ।
ഉപ॑ഹൂതം-വാഁമദേ॒വ്യഗ്മ് സ॒ഹാന്തരി॑ക്ഷേണ ।
ഉപ॑ മാ വാമദേ॒വ്യഗ്മ് സ॒ഹാന്തരി॑ക്ഷേണ ഹ്വയതാമ് । ഉപ॑ഹൂത-മ്ബൃ॒ഹഥ്സ॒ഹ ദി॒വാ । ഉപ॑ മാ ബൃ॒ഹഥ്സ॒ഹ ദി॒വാ ഹ്വ॑യതാമ് । ഉപ॑ഹൂതാ-സ്സ॒പ്ത ഹോത്രാഃ᳚ ।
ഉപ॑ മാ സ॒പ്ത ഹോത്രാ᳚ ഹ്വയന്താമ് । ഉപ॑ഹൂതാ ധേ॒നു-സ്സ॒ഹര്ഷ॑ഭാ । ഉപ॑ മാ ധേ॒നു-സ്സ॒ഹര്ഷ॑ഭാ ഹ്വയതാമ് ॥ 28 ॥
ഉപ॑ഹൂതോ ഭ॒ക്ഷ-സ്സഖാ᳚ । ഉപ॑ മാ ഭ॒ക്ഷ-സ്സഖാ᳚ ഹ്വയതാമ് । ഉപ॑ഹൂ॒താഁ(4) ഹോ । ഇഡോപ॑ഹൂതാ । ഉപ॑ഹൂ॒തേഡാ᳚ । ഉപോ॑ അ॒സ്മാഗ്മ് ഇഡാ᳚ ഹ്വയതാമ് । ഇഡോപ॑ഹൂതാ । ഉപ॑ഹൂ॒തേഡാ᳚ । മാ॒ന॒വീ ഘൃ॒തപ॑ദീ മൈത്രാവരു॒ണീ ।
ബ്രഹ്മ॑ ദേ॒വകൃ॑ത॒മുപ॑ഹൂതമ് ॥ 29 ॥
ദൈവ്യാ॑ അദ്ധ്വ॒ര്യവ॒ ഉപ॑ഹൂതാഃ । ഉപ॑ഹൂതാ മനു॒ഷ്യാഃ᳚ । യ ഇ॒മം-യഁ॒ജ്ഞമവാന്॑ । യേ യ॒ജ്ഞപ॑ത്നീം॒-വഁര്ധാന്॑ । ഉപ॑ഹൂതേ॒ ദ്യാവാ॑പൃഥി॒വീ । പൂ॒ർവ॒ജേ ഋ॒താവ॑രീ । ദേ॒വീ ദേ॒വപു॑ത്രേ । ഉപ॑ഹൂതേ॒യം-യഁജ॑മാനാ । ഇ॒ന്ദ്രാ॒ണീവാ॑വിധ॒വാ । അദി॑തിരിവ സുപു॒ത്രാ । ഉത്ത॑രസ്യാ-ന്ദേവയ॒ജ്യായാ॒-മുപ॑ഹൂതാ ।
ഭൂയ॑സി ഹവി॒ഷ്കര॑ണ॒ ഉപ॑ഹൂതാ । ദി॒വ്യേ ധാമ॒ന്നുപ॑ഹൂതാ । ഇ॒ദ-മ്മേ॑ ദേ॒വാ ഹ॒വി-ര്ജു॑ഷന്താ॒മിതി॒ തസ്മി॒-ന്നുപ॑ഹൂതാ । വിശ്വ॑മസ്യാഃ പ്രി॒യമുപ॑ഹൂതമ് ।
വിശ്വ॑സ്യ പ്രി॒യസ്യോപ॑ഹൂത॒സ്യോപ॑ഹൂതാ ॥ 30 ॥
(സ॒ഹര്ഷ॑ഭാ ഹ്വയതാ॒ - മുപ॑ഹൂതഗ്മ് - സുപു॒ത്രാ ഷട്ച॑) (അ. 13)
(സ॒ത്യം - പ്രവോ - ഽഗ്നേ॑ മ॒ഹാ - ന॒ഗ്നിര്-ഹോതാ॑ - സ॒മിധോ॒ - ഽഗ്നി-ർവൃ॒ത്രാണ്യ॒ - ഗ്നി-ര്മൂ॒ര്ധോ - പ॑ഹൂതം - ദേ॒വ-മ്ബ॒ര്॒ഹി - രി॒ദ-ന്ദ്യാ॑വാപൃഥിവീ॒ -തച്ഛം॒യോഁ- രാ പ്യാ॑യ॒സ്വോ - പ॑ഹൂത॒-ന്ത്രയോ॑ദശ)
(സ॒ത്യം - ഁവ॒യഗ്ഗ് സ്യാ॑മ - വൃ॒ഷ്ടിദ്യാ॑വാ ത്രി॒ഗ്മ്॒ശത്)
(സ॒ത്യ-മുപ॑ഹൂതാ)
॥ ഹരിഃ॑ ഓമ് ॥
॥ കൃഷ്ണ യജുർവേദീയ തൈത്തിരീയ ബ്രാഹ്മണേ തൃതീയാഷ്ടകേ പഞ്ചമ പ്രപാഠക-സ്സമാപ്തഃ ॥
