ମନୋଜଵଂ ମାରୁତତୁଲ୍ୟଵେଗଂ
ଜିତେଂଦ୍ରିୟଂ ବୁଦ୍ଧିମତାଂ ଵରିଷ୍ଠମ୍ ।
ଵାତାତ୍ମଜଂ ଵାନରୟୂଥମୁଖ୍ୟଂ
ଶ୍ରୀରାମଦୂତଂ ଶିରସା ନମାମି ॥
ଅଂଜନାନଂଦନଂ ଵୀରଂ ଜାନକୀଶୋକନାଶନମ୍ ।
କପୀଶମକ୍ଷହଂତାରଂ ଵଂଦେ ଲଂକାଭୟଂକରମ୍ ॥
ଗୋଷ୍ପଦୀକୃତଵାରାଶିଂ ମଶକୀକୃତରାକ୍ଷସମ୍ ।
ରାମାୟଣମହାମାଲାରତ୍ନଂ ଵଂଦେଽନିଲାତ୍ମଜମ୍ ॥
ୟତ୍ର ୟତ୍ର ରଘୁନାଥକୀର୍ତନଂ ତତ୍ର ତତ୍ର କୃତମସ୍ତକାଂଜଲିମ୍ ।
ବାଷ୍ପଵାରିପରିପୂର୍ଣଲୋଚନଂ ମାରୁତିଂ ନମତ ରାକ୍ଷସାଂତକମ୍ ॥
ଵଂଦେ ଵାନର-ନାରସିଂହ-ଖଗରାଟ୍-କ୍ରୋଡାଶ୍ଵଵକ୍ତ୍ରାଂଚିତଂ
ନାନାଲଂକରଣଂ ତ୍ରିପଂଚନୟନଂ ଦେଦୀପ୍ୟମାନଂ ରୁଚାମ୍ ।
ହସ୍ତାଭୈରସିଖେଟପୁସ୍ତକସୁଧାଭାଂଡଂ କୁଶାଦ୍ରୀନ୍ ହଲଂ
ଖଟ୍ଵାଂଗଂ ଫଣିଵୃକ୍ଷଧୃଦ୍ଦଶଭୁଜଂ ସର୍ଵାରିଗର୍ଵାପହମ୍ ॥
ସର୍ଵାରିଷ୍ଟନିଵାରକଂ ଶୁଭକରଂ ପିଂଗାକ୍ଷମକ୍ଷାପହଂ
ସୀତାନ୍ଵେଷଣତତ୍ପରଂ କପିଵରଂ କୋଟୀଂଦୁସୂର୍ୟପ୍ରଭମ୍ ।
ଲଂକାଦ୍ଵୀପଭୟଂକରଂ ସକଲଦଂ ସୁଗ୍ରୀଵସମ୍ମାନିତଂ
ଦେଵେଂଦ୍ରାଦି ସମକ୍ତଦେଵଵିନୁତଂ କାକୁତ୍ଥଦୂତଂ ଭଜେ ॥
ବୁଦ୍ଧିର୍ବଲଂ ୟଶୋ ଧୈର୍ୟଂ ନିର୍ଭୟତ୍ଵମରୋଗତା ।
ଅଜାଡ୍ୟଂ ଵାକ୍ପଟୁତ୍ଵଂ ଚ ହନୁମଚ୍ଛରଣାଦ୍ଭଵେତ୍ ॥
ନମୋଽସ୍ତୁରାମାୟ ସଲକ୍ଷ୍ମଣାୟ ଦେଵ୍ୟୈ ଚ ତସ୍ୟୈ ଜନକାତ୍ମଜାୟୈ ।
ନମୋଽସ୍ତୁ ରୁଦ୍ରେଂଦ୍ରୟମାନିଲେଭ୍ୟୋ ନମୋଽସ୍ତୁ ଚଂଦ୍ରାର୍କମରୁଦ୍ଗଣେଭ୍ୟଃ ॥
ଜୟତ୍ୟତିବଲୋ ରାମୋ ଲକ୍ଷ୍ମଣଶ୍ଚ ମହାବଲଃ ।
ରାଜା ଜୟତି ସୁଗ୍ରୀଵୋ ରାଘଵେଣାଭିପାଲିତଃ ॥
ଦାସୋଽହଂ କୋସଲେଂଦ୍ରସ୍ୟ ରାମସ୍ୟାକ୍ଲିଷ୍ଟକର୍ମଣଃ ।
ହନୁମାନ୍ ଶତ୍ରୁସୈନ୍ୟାନାଂ ନିହଂତା ମାରୁତାତ୍ମଜଃ ॥
ନ ରାଵଣସହସ୍ରଂ ମେ ୟୁଦ୍ଧେ ପ୍ରତିବଲଂ ଭଵେତ୍ ।
ଶିଲାଭିସ୍ତୁ ପ୍ରହରତଃ ପାଦପୈଶ୍ଚ ସହସ୍ରଶଃ ॥
ଅର୍ଦୟିତ୍ଵା ପୁରୀଂ ଲଂକାଂ ଅଭିଵାଦ୍ୟ ଚ ମୈଥିଲୀମ୍ ।
ସମୃଦ୍ଧାର୍ଥୋ ଗମିଷ୍ୟାମି ମିଷତାଂ ସର୍ଵରକ୍ଷସାମ୍ ॥
ଧର୍ମାତ୍ମା ସତ୍ୟସଂଧଶ୍ଚ ରାମୋ ଦାଶରଥିର୍ୟଦି ।
ପୌରୁଷେ ଚାପ୍ରତିଦ୍ଵଂଦ୍ଵଃ ଶରୈନଂ ଜହି ରାଵଣିମ୍ ॥
ସକୃଦେଵ ପ୍ରପନ୍ନାୟ ତଵାସ୍ମୀତି ଚ ୟାଚତେ ।
ଅଭୟଂ ସର୍ଵଭୂତେଭ୍ୟଃ ଦଦାମ୍ୟେତଦ୍ଵ୍ରତଂ ମମ ॥
ଇତି ସୁଂଦରକାଂଡ ପ୍ରାର୍ଥନା ଶ୍ଲୋକାଃ ସମାପ୍ତା ।
