କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଚତୁର୍ଥଃ ପ୍ରପାଠକଃ - ପ୍ରଵର୍ଗ୍ୟ ମନ୍ତ୍ରାଃ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଅନୁଵାକଂ 1
ନମୋ॑ ଵା॒ଚେ ୟା ଚୋ॑ଦି॒ତା ୟା ଚାନୁ॑ଦିତା॒ ତସ୍ୟୈ॑ ଵା॒ଚେ ନମୋ॒ ନମୋ॑ ଵା॒ଚେ ନମୋ॑ ଵା॒ଚସ୍ପତ॑ୟେ॒ ନମ॒ ଋଷି॑ଭ୍ୟୋ ମନ୍ତ୍ର॒କୃଦ୍ଭ୍ୟୋ॒ ମନ୍ତ୍ର॑ପତିଭ୍ୟୋ॒ ମା ମାମୃଷ॑ୟୋ ମନ୍ତ୍ର॒କୃତୋ॑ ମନ୍ତ୍ର॒ପତ॑ୟଃ॒ ପରା॑ଦୁ॒ର୍ମା-ଽହମୃଷୀ᳚-ନ୍ମନ୍ତ୍ର॒କୃତୋ॑ ମନ୍ତ୍ର॒ପତୀ॒-ନ୍ପରା॑ଦାଂ-ଵୈଁଶ୍ଵଦେ॒ଵୀଂ-ଵାଁଚ॑ମୁଦ୍ୟାସଗ୍ମ୍ ଶି॒ଵାମଦ॑ସ୍ତା॒-ଞ୍ଜୁଷ୍ଟା᳚-ନ୍ଦେ॒ଵେଭ୍ୟ॒-ଶ୍ଶର୍ମ॑ ମେ॒ ଦ୍ୟୌ-ଶ୍ଶର୍ମ॑ ପୃଥି॒ଵୀ ଶର୍ମ॒ ଵିଶ୍ଵ॑ମି॒ଦ-ଞ୍ଜଗ॑ତ୍ ।
ଶର୍ମ॑ ଚ॒ନ୍ଦ୍ରଶ୍ଚ॒ ସୂର୍ୟ॑ଶ୍ଚ॒ ଶର୍ମ॑ ବ୍ରହ୍ମପ୍ରଜାପ॒ତୀ ॥
ଭୂ॒ତଂ-ଵଁ॑ଦିଷ୍ୟେ॒ ଭୁଵ॑ନଂ-ଵଁଦିଷ୍ୟେ॒ ତେଜୋ॑ ଵଦିଷ୍ୟେ॒ ୟଶୋ॑ ଵଦିଷ୍ୟେ॒ ତପୋ॑ ଵଦିଷ୍ୟେ॒ ବ୍ରହ୍ମ॑ ଵଦିଷ୍ୟେ ସ॒ତ୍ୟଂ-ଵଁ॑ଦିଷ୍ୟେ॒ ତସ୍ମା॑ ଅ॒ହମି॒ଦ-ମୁ॑ପ॒ସ୍ତର॑ଣ॒-ମୁପ॑ସ୍ତୃଣ ଉପ॒ସ୍ତର॑ଣ-ମ୍ମେ ପ୍ର॒ଜାୟୈ॑ ପଶୂ॒ନା-ମ୍ଭୂ॑ୟା-ଦୁପ॒ସ୍ତର॑ଣମ॒ହ-ମ୍ପ୍ର॒ଜାୟୈ॑ ପଶୂ॒ନା-ମ୍ଭୂ॑ୟାସ॒-ମ୍ପ୍ରାଣା॑ପାନୌ ମୃ॒ତ୍ୟୋର୍ମା॑ ପାତ॒-ମ୍ପ୍ରାଣା॑ପାନୌ॒ ମା ମା॑ ହାସିଷ୍ଟ॒-ମ୍ମଧୁ॑ ମନିଷ୍ୟେ॒ ମଧୁ॑ ଜନିଷ୍ୟେ॒ ମଧୁ॑ ଵକ୍ଷ୍ୟାମି॒ ମଧୁ॑ ଵଦିଷ୍ୟାମି॒ ମଧୁ॑ମତୀ-ନ୍ଦେ॒ଵେଭ୍ୟୋ॒ ଵାଚ॑ମୁଦ୍ୟାସଗ୍ମ୍ ଶୁଶ୍ରୂ॒ଷେଣ୍ୟା᳚-ମ୍ମନୁ॒ଷ୍ୟେ᳚ଭ୍ୟ॒ସ୍ତ-ମ୍ମା॑ ଦେ॒ଵା ଅ॑ଵନ୍ତୁ ଶୋ॒ଭାୟୈ॑ ପି॒ତରୋ-ଽନୁ॑ମଦନ୍ତୁ ॥
ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥ 1 ॥ (ଅ. 1)
ଅନୁଵାକଂ 2
ୟୁ॒ଞ୍ଜତେ॒ ମନ॑ ଉ॒ତ ୟୁ॑ଞ୍ଜତେ॒ ଧିୟଃ॑ । ଵିପ୍ରା॒ ଵିପ୍ର॑ସ୍ୟ ବୃହ॒ତୋ ଵି॑ପ॒ଶ୍ଚିତଃ॑ । ଵି ହୋତ୍ରା॑ ଦଧେ ଵୟୁନା॒ଵିଦେକ॒ ଇତ୍ । ମ॒ହୀ ଦେ॒ଵସ୍ୟ॑ ସଵି॒ତୁଃ ପରି॑ଷ୍ଟୁତିଃ ॥ ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵେ । ଅ॒ଶ୍ଵିନୋ᳚-ର୍ବା॒ହୁଭ୍ୟା᳚ମ୍ ।
ପୂ॒ଷ୍ଣୋ ହସ୍ତା᳚ଭ୍ୟା॒ମାଦ॑ଦେ ॥ ଅଭ୍ରି॑ରସି॒ ନାରି॑ରସି ।
ଅ॒ଦ୍ଧ୍ଵ॒ର॒କୃ-ଦ୍ଦେ॒ଵେଭ୍ୟଃ॑ । ଉତ୍ତି॑ଷ୍ଠ ବ୍ରହ୍ମଣସ୍ପତେ ॥ 2 ॥
ଦେ॒ଵ॒ୟନ୍ତ॑ସ୍ତ୍ଵେମହେ । ଉପ॒ ପ୍ରୟ॑ନ୍ତୁ ମ॒ରୁତ॑-ସ୍ସୁ॒ଦାନ॑ଵଃ । ଇନ୍ଦ୍ର॑ ପ୍ରା॒ଶୂର୍ଭ॑ଵା॒ ସଚା᳚ ॥ ପ୍ରୈତୁ॒ ବ୍ରହ୍ମ॑ଣ॒ସ୍ପତିଃ॑ । ପ୍ର ଦେ॒ଵ୍ୟେ॑ତୁ ସୂ॒ନୃତା᳚ ।
ଅଚ୍ଛା॑ ଵୀ॒ରନ୍ନର୍ୟ॑-ମ୍ପ॒ଙ୍କ୍ତିରା॑ଧସମ୍ । ଦେ॒ଵା ୟ॒ଜ୍ଞନ୍ନ॑ୟନ୍ତୁ ନଃ ॥ ଦେଵୀ᳚ ଦ୍ୟାଵାପୃଥିଵୀ॒ ଅନୁ॑ ମେ ମଗ୍ମ୍ସାଥାମ୍ । ଋ॒ଦ୍ଧ୍ୟାସ॑ମ॒ଦ୍ୟ । ମ॒ଖସ୍ୟ॒ ଶିରଃ॑ ॥ 3 ॥
ମ॒ଖାୟ॑ ତ୍ଵା । ମ॒ଖସ୍ୟ॑ ତ୍ଵା ଶୀ॒ର୍ଷ୍ଣେ ॥ ଇୟ॒ତ୍ୟଗ୍ର॑ ଆସୀଃ ।
ଋ॒ଦ୍ଧ୍ୟାସ॑ମ॒ଦ୍ୟ । ମ॒ଖସ୍ୟ॒ ଶିରଃ॑ । ମ॒ଖାୟ॑ ତ୍ଵା । ମ॒ଖସ୍ୟ॑ ତ୍ଵା ଶୀ॒ର୍ଷ୍ଣେ ॥ ଦେଵୀ᳚-ର୍ଵମ୍ରୀର॒ସ୍ୟ ଭୂ॒ତସ୍ୟ॑ ପ୍ରଥମଜା ଋତାଵରୀଃ ॥ ଋ॒ଦ୍ଧ୍ୟାସ॑ମ॒ଦ୍ୟ । ମ॒ଖସ୍ୟ॒ ଶିରଃ॑ ॥ 4 ॥
ମ॒ଖାୟ॑ ତ୍ଵା । ମ॒ଖସ୍ୟ॑ ତ୍ଵା ଶୀ॒ର୍ଷ୍ଣେ ॥ ଇନ୍ଦ୍ର॒ସ୍ୟୌଜୋ॑-ଽସି ।
ଋ॒ଦ୍ଧ୍ୟାସ॑ମ॒ଦ୍ୟ । ମ॒ଖସ୍ୟ॒ ଶିରଃ॑ । ମ॒ଖାୟ॑ ତ୍ଵା । ମ॒ଖସ୍ୟ॑ ତ୍ଵା ଶୀ॒ର୍ଷ୍ଣେ ॥ ଅ॒ଗ୍ନି॒ଜା ଅ॑ସି ପ୍ର॒ଜାପ॑ତେ॒ ରେତଃ॑ । ଋ॒ଦ୍ଧ୍ୟାସ॑ମ॒ଦ୍ୟ । ମ॒ଖସ୍ୟ॒ ଶିରଃ॑ ॥ 5 ॥
ମ॒ଖାୟ॑ ତ୍ଵା । ମ॒ଖସ୍ୟ॑ ତ୍ଵା ଶୀ॒ର୍ଷ୍ଣେ ॥ ଆୟୁ॑-ର୍ଧେହି ପ୍ରା॒ଣ-ନ୍ଧେ॑ହି । ଅ॒ପା॒ନ-ନ୍ଧେ॑ହି ଵ୍ୟା॒ନ-ନ୍ଧେ॑ହି । ଚକ୍ଷୁ॑-ର୍ଧେହି॒ ଶ୍ରୋତ୍ର॑-ନ୍ଧେହି । ମନୋ॑ ଧେହି॒ ଵାଚ॑-ନ୍ଧେହି । ଆ॒ତ୍ମାନ॑-ନ୍ଧେହି ପ୍ରତି॒ଷ୍ଠା-ନ୍ଧେ॑ହି ।
ମା-ନ୍ଧେ॑ହି॒ ମୟି॑ ଧେହି ॥ ମଧୁ॑ ତ୍ଵା ମଧୁ॒ଲା କ॑ରୋତୁ ।
ମ॒ଖସ୍ୟ॒ ଶିରୋ॑-ଽସି ॥ 6 ॥
ୟ॒ଜ୍ଞସ୍ୟ॑ ପ॒ଦେ ସ୍ଥଃ॑ । ଗା॒ୟ॒ତ୍ରେଣ॑ ତ୍ଵା॒ ଛନ୍ଦ॑ସା କରୋମି । ତ୍ରୈଷ୍ଟୁ॑ଭେନ ତ୍ଵା॒ ଛନ୍ଦ॑ସା କରୋମି । ଜାଗ॑ତେନ ତ୍ଵା॒ ଛନ୍ଦ॑ସା କରୋମି ॥ ମ॒ଖସ୍ୟ॒ ରାସ୍ନା॑-ଽସି । ଅଦି॑ତିସ୍ତେ॒ ବିଲ॑ଙ୍ଗୃହ୍ଣାତୁ । ପାଙ୍କ୍ତେ॑ନ॒ ଛନ୍ଦ॑ସା ।
ସୂର୍ୟ॑ସ୍ୟ॒ ହର॑ସା ଶ୍ରାୟ । ମ॒ଖୋ॑-ଽସି ॥ 7 ॥
(ପ॒ତେ॒ - ଶିର॑ - ଋତାଵରୀର୍-ଋଦ୍ଧ୍ୟାସ॑ମ॒ଦ୍ୟ ମ॒ଖସ୍ୟ॒ ଶିରଃ॒ - ଶିରଃ॒ - ଶିରୋ॑-ଽସି॒ - +ନଵ॑ ଚ) (ଅ. 2)
(ଇୟ॑ତି॒ ଦେଵୀ॒ରିନ୍ଦ୍ର॒ସ୍ୟୌଜୋ᳚-ଽସ୍ୟଗ୍ନି॒ଜା ଅ॒ସ୍ୟାୟୁ॑ର୍ଧେହି ପ୍ରା॒ଣ-ମ୍ପଞ୍ଚ॑)
ଅନୁଵାକଂ 3
ଵୃଷ୍ଣୋ॒ ଅଶ୍ଵ॑ସ୍ୟ ନି॒ଷ୍ପଦ॑ସି । ଵରୁ॑ଣସ୍ତ୍ଵା ଧୃ॒ତଵ୍ର॑ତ॒ ଆଧୂ॑ପୟତୁ । ମି॒ତ୍ରାଵରୁ॑ଣୟୋର୍
ଧ୍ରୁ॒ଵେଣ॒ ଧର୍ମ॑ଣା ॥ ଅ॒ର୍ଚିଷେ᳚ ତ୍ଵା । ଶୋ॒ଚିଷେ᳚ ତ୍ଵା ।
ଜ୍ୟୋତି॑ଷେ ତ୍ଵା । ତପ॑ସେ ତ୍ଵା ॥ ଅ॒ଭୀମ-ମ୍ମ॑ହି॒ନା ଦିଵ᳚ମ୍ ।
ମି॒ତ୍ରୋ ବ॑ଭୂଵ ସ॒ପ୍ରଥାଃ᳚ । ଉ॒ତ ଶ୍ରଵ॑ସା ପୃଥି॒ଵୀମ୍ ॥ 8 ॥
ମି॒ତ୍ରସ୍ୟ॑ ଚର୍ଷଣୀ॒ଧୃତଃ॑ ।
ଶ୍ରଵୋ॑ ଦେ॒ଵସ୍ୟ॑ ସାନ॒ସିମ୍ । ଦ୍ୟୁ॒ମ୍ନଞ୍ଚି॒ତ୍ରଶ୍ର॑ଵସ୍ତମମ୍ ॥ ସିଦ୍ଧ୍ୟୈ᳚ ତ୍ଵା । ଦେ॒ଵସ୍ତ୍ଵା॑ ସଵି॒ତୋଦ୍ଵ॑ପତୁ ।
ସୁ॒ପା॒ଣି-ସ୍ସ୍ଵ॑ଙ୍ଗୁ॒ରିଃ । ସୁ॒ବା॒ହୁରୁ॒ତ ଶକ୍ତ୍ୟା᳚ ॥ ଅପ॑ଦ୍ୟମାନଃ ପୃଥି॒ଵ୍ୟାମ୍ । ଆଶା॒ ଦିଶ॒ ଆ ପୃ॑ଣ । ଉତ୍ତି॑ଷ୍ଠ ବୃ॒ହ-ନ୍ଭ॑ଵ ॥ 9 ॥
ଊ॒ର୍ଧ୍ଵସ୍ତି॑ଷ୍ଠ ଧ୍ରୁ॒ଵସ୍ତ୍ଵମ୍ ॥ ସୂର୍ୟ॑ସ୍ୟ ତ୍ଵା॒ ଚକ୍ଷୁ॒ଷା-ଽନ୍ଵୀ᳚କ୍ଷେ । ଋ॒ଜଵେ᳚ ତ୍ଵା । ସା॒ଧଵେ᳚ ତ୍ଵା । ସୁ॒କ୍ଷି॒ତ୍ୟୈ ତ୍ଵା॒ ଭୂତ୍ୟୈ᳚ ତ୍ଵା ॥
ଇ॒ଦମ॒ହମ॒ମୁମା॑ମୁଷ୍ୟାୟ॒ଣଂ-ଵିଁ॒ଶା ପ॒ଶୁଭି॑-ର୍ବ୍ରହ୍ମଵର୍ଚ॒ସେନ॒ ପର୍ୟୂ॑ହାମି ।
ଗା॒ୟ॒ତ୍ରେଣ॑ ତ୍ଵା॒ ଛନ୍ଦ॒ସା ଽଽଚ୍ଛୃ॑ଣଦ୍ମି । ତ୍ରୈଷ୍ଟୁ॑ଭେନ ତ୍ଵା॒ ଛନ୍ଦ॒ସା ଽଽଚ୍ଛୃ॑ଣଦ୍ମି ।
ଜାଗ॑ତେନ ତ୍ଵା॒ ଛନ୍ଦ॒ସା ଽଽଚ୍ଛୃ॑ଣଦ୍ମି । ଛୃ॒ଣତ୍ତୁ॑ ତ୍ଵା॒ ଵାକ୍ । ଛୃ॒ଣତ୍ତୁ॒ ତ୍ଵୋର୍କ୍ । ଛୃ॒ଣତ୍ତୁ॑ ତ୍ଵା ହ॒ଵିଃ ।
ଛୃ॒ନ୍ଧି ଵାଚ᳚ମ୍ । ଛୃ॒ନ୍ଧ୍ୟୂର୍ଜ᳚ମ୍ । ଛୃ॒ନ୍ଧି ହ॒ଵିଃ ॥
ଦେଵ॑ ପୁରଶ୍ଚର ସ॒ଘ୍ୟାସ॑ନ୍ତ୍ଵା ॥ 10 ॥
(ପୃ॒ଥି॒ଵୀମ୍ - ଭ॑ଵ॒ - ଵା-ଖ୍ଷଟ୍ଚ॑) (ଅ. 3)
ଅନୁଵାକଂ 4
ବ୍ରହ୍ମ॑-ନ୍ପ୍ରଵ॒ର୍ଗ୍ୟେ॑ଣ॒ ପ୍ରଚ॑ରିଷ୍ୟାମଃ ।
ହୋତ॑-ର୍ଘ॒ର୍ମମ॒ଭିଷ୍ଟୁ॑ହି । ଅଗ୍ନୀ॒ଦ୍ରୌହି॑ଣୌ ପୁରୋ॒ଡାଶା॒ଵଧି॑ଶ୍ରୟ । ପ୍ରତି॑ପ୍ରସ୍ଥାତ॒ର୍ଵିହ॑ର ।
ପ୍ରସ୍ତୋ॑ତ॒-ସ୍ସାମା॑ନି ଗାୟ ॥ ୟଜୁ॑ର୍ୟୁକ୍ତ॒ଗ୍ମ୍॒ ସାମ॑ଭି॒ରାକ୍ତ॑ଖନ୍ତ୍ଵା । ଵିଶ୍ଵୈ᳚-ର୍ଦେ॒ଵୈରନୁ॑ମତ-ମ୍ମ॒ରୁଦ୍ଭିଃ॑ । ଦକ୍ଷି॑ଣାଭିଃ॒ ପ୍ରତ॑ତ-ମ୍ପାରୟି॒ଷ୍ଣୁମ୍ ।
ସ୍ତୁଭୋ॑ ଵହନ୍ତୁ ସୁମନ॒ସ୍ୟମା॑ନମ୍ । ସ ନୋ॒ ରୁଚ॑ନ୍ଧେ॒ହ୍ୟହୃ॑ଣୀୟମାନଃ । ଭୂର୍ଭୁଵ॒ସ୍ସୁଵଃ॑ ।
ଓମିନ୍ଦ୍ର॑ଵନ୍ତଃ॒ ପ୍ରଚ॑ରତ ॥ 11 ॥
(ଅହୃ॑ଣୀୟମାନୋ॒ ଦ୍ଵେ ଚ॑) (ଅ. 4)
ଅନୁଵାକଂ 5
ବ୍ରହ୍ମ॒-ନ୍ପ୍ରଚ॑ରିଷ୍ୟାମଃ । ହୋତ॑-ର୍ଘ॒ର୍ମମ॒ଭିଷ୍ଟୁ॑ହି ॥ ୟ॒ମାୟ॑ ତ୍ଵା ମ॒ଖାୟ॑ ତ୍ଵା । ସୂର୍ୟ॑ସ୍ୟ॒ ହର॑ସେ ତ୍ଵା ॥ ପ୍ରା॒ଣାୟ॒ ସ୍ଵାହା᳚ ଵ୍ୟା॒ନାୟ॒ ସ୍ଵାହା॑ ଽପା॒ନାୟ॒ ସ୍ଵାହା᳚ ।
ଚକ୍ଷୁ॑ଷେ॒ ସ୍ଵାହା॒ ଶ୍ରୋତ୍ରା॑ୟ॒ ସ୍ଵାହା᳚ । ମନ॑ସେ॒ ସ୍ଵାହା॑ ଵା॒ଚେ ସର॑ସ୍ଵତ୍ୟୈ॒ ସ୍ଵାହା᳚ । ଦକ୍ଷା॑ୟ॒ ସ୍ଵାହା॒ କ୍ରତ॑ଵେ॒ ସ୍ଵାହା᳚ । ଓଜ॑ସେ॒ ସ୍ଵାହା॒ ବଲା॑ୟ॒ ସ୍ଵାହା᳚ ॥
ଦେ॒ଵସ୍ତ୍ଵା॑ ସଵି॒ତା ମଦ୍ଧ୍ଵା॑-ଽନକ୍ତୁ ॥ 12 ॥
ପୃ॒ଥି॒ଵୀ-ନ୍ତପ॑ସସ୍ତ୍ରାୟସ୍ଵ । ଅ॒ର୍ଚିର॑ସି ଶୋ॒ଚିର॑ସି॒ ଜ୍ୟୋତି॑ରସି॒ ତପୋ॑-ଽସି । ସଗ୍ମ୍ସୀ॑ଦସ୍ଵ ମ॒ହାଗ୍ମ୍ ଅ॑ସି । ଶୋଚ॑ସ୍ଵ ଦେଵ॒ଵୀତ॑ମଃ । ଵି ଧୂ॒ମମ॑ଗ୍ନେ ଅରୁ॒ଷ-ମ୍ମି॑ୟେଦ୍ଧ୍ୟ । ସୃ॒ଜ ପ୍ର॑ଶସ୍ତ ଦର୍ଶ॒ତମ୍ ॥
ଅ॒ଞ୍ଜନ୍ତି॒ ୟ-ମ୍ପ୍ର॒ଥୟ॑ନ୍ତୋ॒ ନ ଵିପ୍ରାଃ᳚ । ଵ॒ପାଵ॑ନ୍ତ॒ନ୍ନାଗ୍ନିନା॒ ତପ॑ନ୍ତଃ ।
ପି॒ତୁର୍ନ ପୁ॒ତ୍ର ଉପ॑ସି॒ ପ୍ରେଷ୍ଠଃ॑ । ଆ ଘ॒ର୍ମୋ ଅ॒ଗ୍ନିମୃ॒ତୟ॑ନ୍ନସାଦୀତ୍ ॥ 13 ॥
ଅ॒ନା॒ଧୃ॒ଷ୍ୟା ପୁ॒ରସ୍ତା᳚ତ୍ । ଅ॒ଗ୍ନେରାଧି॑ପତ୍ୟେ ।
ଆୟୁ॑ର୍ମେ ଦାଃ । ପୁ॒ତ୍ରଵ॑ତୀ ଦକ୍ଷିଣ॒ତଃ । ଇନ୍ଦ୍ର॒ସ୍ୟାଧି॑ପତ୍ୟେ । ପ୍ର॒ଜା-ମ୍ମେ॑ ଦାଃ । ସୁ॒ଷଦା॑ ପ॒ଶ୍ଚାତ୍ । ଦେ॒ଵସ୍ୟ॑ ସଵି॒ତୁରାଧି॑ପତ୍ୟେ । ପ୍ରା॒ଣ-ମ୍ମେ॑ ଦାଃ । ଆଶ୍ରୁ॑ତିରୁତ୍ତର॒ତଃ ॥ 14 ॥
ମି॒ତ୍ରାଵରୁ॑ଣୟୋ॒ରାଧି॑ପତ୍ୟେ । ଶ୍ରୋତ୍ର॑-ମ୍ମେ ଦାଃ । ଵିଧୃ॑ତିରୁ॒ପରି॑ଷ୍ଟାତ୍ । ବୃହ॒ସ୍ପତେ॒ରାଧି॑ପତ୍ୟେ ।
ବ୍ରହ୍ମ॑ ମେ ଦାଃ, କ୍ଷ॒ତ୍ର-ମ୍ମେ॑ ଦାଃ । ତେଜୋ॑ ମେ ଧା॒ ଵର୍ଚୋ॑ ମେ ଧାଃ । ୟଶୋ॑ ମେ ଧା॒ ସ୍ତପୋ॑ ମେ ଧାଃ ।
ମନୋ॑ ମେ ଧାଃ ॥ ମନୋ॒ରଶ୍ଵା॑-ଽସି॒ ଭୂରି॑ପୁତ୍ରା ।
ଵିଶ୍ଵା᳚ଭ୍ୟୋ ମା ନା॒ଷ୍ଟ୍ରାଭ୍ୟଃ॑ ପାହି ॥ 15 ॥
ସୂ॒ପ॒ସଦା॑ ମେ ଭୂୟା॒ ମା ମା॑ ହିଗ୍ମ୍ସୀଃ ॥ ତପୋ॒ ଷ୍ଵ॑ଗ୍ନେ॒ ଅନ୍ତ॑ରାଗ୍ମ୍ ଅ॒ମିତ୍ରାନ୍॑ ।
ତପା॒ଶଗ୍ମ୍ସ॑ମର॒ରୁଷଃ॒ ପର॑ସ୍ୟ । ତପା॑ ଵସୋ ଚିକିତା॒ନୋ ଅ॒ଚିତ୍ତାନ୍॑ । ଵି ତେ॑ ତିଷ୍ଠନ୍ତାମ॒ଜରା॑ ଅ॒ୟାସଃ॑ ॥ ଚିତ॑-ସ୍ସ୍ଥ ପରି॒ଚିତଃ॑ । ସ୍ଵାହା॑ ମ॒ରୁଦ୍ଭିଃ॒ ପରି॑ଶ୍ରୟସ୍ଵ । ମା ଅ॑ସି । ପ୍ର॒ମା ଅ॑ସି । ପ୍ର॒ତି॒ମା ଅ॑ସି ॥ 16 ॥
ସ॒ମ୍ମା ଅ॑ସି । ଵି॒ମା ଅ॑ସି । ଉ॒ନ୍ମା ଅ॑ସି । ଅ॒ନ୍ତରି॑କ୍ଷସ୍ୟାନ୍ତ॒ର୍ଧିର॑ସି ॥
ଦିଵ॒ନ୍ତପ॑ସସ୍ତ୍ରାୟସ୍ଵ । ଆ॒ଭି-ର୍ଗୀ॒ର୍ଭି-ର୍ୟଦତୋ॑ ନ ଊ॒ନମ୍ ।
ଆପ୍ୟା॑ୟୟ ହରିଵୋ॒ ଵର୍ଧ॑ମାନଃ । ୟ॒ଦା ସ୍ତୋ॒ତୃଭ୍ୟୋ॒ ମହି॑ ଗୋ॒ତ୍ରା ରୁ॒ଜାସି॑ । ଭୂ॒ୟି॒ଷ୍ଠ॒ଭାଜୋ॒ ଅଧ॑ ତେ ସ୍ୟାମ ॥ ଶୁ॒କ୍ରନ୍ତେ॑ ଅ॒ନ୍ୟ-ଦ୍ୟ॑ଜ॒ତନ୍ତେ॑ ଅ॒ନ୍ୟତ୍ ॥ 17 ॥
ଵିଷୁ॑ରୂପେ॒ ଅହ॑ନୀ॒ ଦ୍ୟୌରି॑ଵାସି । ଵିଶ୍ଵା॒ ହି ମା॒ୟା ଅଵ॑ସି ସ୍ଵଧାଵଃ । ଭ॒ଦ୍ରା ତେ॑ ପୂଷନ୍ନି॒ହ ରା॒ତିର॑ସ୍ତୁ ॥ ଅର୍ହ॑-ନ୍ବିଭର୍ଷି॒ ସାୟ॑କାନି॒ ଧନ୍ଵ॑ । ଅର୍ହ॑ନ୍ନି॒ଷ୍କଂ-ୟଁ॑ଜ॒ତଂ-ଵିଁ॒ଶ୍ଵରୂ॑ପମ୍ । ଅର୍ହ॑ନ୍ନି॒ଦ-ନ୍ଦ॑ୟସେ॒ ଵିଶ୍ଵ॒-ମବ୍ଭୁ॑ଵମ୍ । ନ ଵା ଓଜୀ॑ୟୋ ରୁଦ୍ର॒ ତ୍ଵଦ॑ସ୍ତି ॥ ଗା॒ୟ॒ତ୍ରମ॑ସି । ତ୍ରୈଷ୍ଟୁ॑ଭମସି । ଜାଗ॑ତମସି । ମଧୁ॒ ମଧୁ॒ ମଧୁ॑ ॥ 18 ॥
(ଅ॒ନ॒ - କ୍ତ୍ଵ॒ସା॒ଦୀ॒ - ଦୁ॒ତ୍ତ॒ର॒ତଃ - ପା॑ହି - ପ୍ରତି॒ମା ଅ॑ସି - ୟଜ॒ତନ୍ତେ॑ ଅ॒ନ୍ୟଜ୍ - ଜାଗ॑ତମ॒ସ୍ୟେକ॑-ଞ୍ଚ) (ଅ. 5)
ଅନୁଵାକଂ 6
ଦଶ॒ ପ୍ରାଚୀ॒ର୍ଦଶ॑ ଭାସି ଦକ୍ଷି॒ଣା । ଦଶ॑ ପ୍ର॒ତୀଚୀ॒ର୍ଦଶ॑ ଭା॒ସ୍ୟୁଦୀ॑ଚୀଃ । ଦଶୋ॒ର୍ଧ୍ଵା ଭା॑ସି ସୁମନ॒ସ୍ୟମା॑ନଃ । ସ ନୋ॒ ରୁଚ॑ନ୍ଧେ॒ହ୍ୟହୃ॑ଣୀୟମାନଃ ॥
ଅ॒ଗ୍ନିଷ୍ଟ୍ଵା॒ ଵସୁ॑ଭିଃ ପୁ॒ରସ୍ତା᳚-ଦ୍ରୋଚୟତୁ ଗାୟ॒ତ୍ରେଣ॒ ଛନ୍ଦ॑ସା । ସ ମା॑ ରୁଚି॒ତୋ ରୋ॑ଚୟ ॥ ଇନ୍ଦ୍ର॑ସ୍ତ୍ଵା ରୁ॒ଦ୍ରୈ-ର୍ଦ॑କ୍ଷିଣ॒ତୋ ରୋ॑ଚୟତୁ॒ ତ୍ରୈଷ୍ଟୁ॑ଭେନ॒ ଛନ୍ଦ॑ସା ।
ସ ମା॑ ରୁଚି॒ତୋ ରୋ॑ଚୟ । ଵରୁ॑ଣସ୍ତ୍ଵା-ଽଽଦି॒ତ୍ୟୈଃ ପ॒ଶ୍ଚା-ଦ୍ରୋ॑ଚୟତୁ॒ ଜାଗ॑ତେନ॒ ଛନ୍ଦ॑ସା ।
ସ ମା॑ ରୁଚି॒ତୋ ରୋ॑ଚୟ ॥ 19 ॥
ଦ୍ୟୁ॒ତା॒ନସ୍ତ୍ଵା॑ ମାରୁ॒ତୋ ମ॒ରୁଦ୍ଭି॑ରୁତ୍ତର॒ତୋ ରୋ॑ଚୟ॒ତ୍ଵାନୁ॑ଷ୍ଟୁଭେନ॒ ଛନ୍ଦ॑ସା । ସ ମା॑ ରୁଚି॒ତୋ ରୋ॑ଚୟ । ବୃହ॒ସ୍ପତି॑ସ୍ତ୍ଵା॒ ଵିଶ୍ଵୈ᳚-ର୍ଦେ॒ଵୈରୁ॒ପରି॑ଷ୍ଟା-ଦ୍ରୋଚୟତୁ॒ ପାଙ୍କ୍ତେ॑ନ॒ ଛନ୍ଦ॑ସା । ସ ମା॑ ରୁଚି॒ତୋ ରୋ॑ଚୟ ॥ ରୋ॒ଚି॒ତସ୍ତ୍ଵ-ନ୍ଦେ॑ଵ ଘର୍ମ ଦେ॒ଵେଷ୍ଵସି॑ ।
ରୋ॒ଚି॒ଷୀ॒ୟାହ-ମ୍ମ॑ନୁ॒ଷ୍ୟେ॑ଷୁ ॥
ସମ୍ରା᳚ଡ୍ ଘର୍ମ ରୁଚି॒ତସ୍ତ୍ଵଂ ଏ॒ଵେଷ୍ଵାୟୁ॑ଷ୍ମାଗ୍ସ୍ତେଜ॒ସ୍ଵୀ ବ୍ର॑ହ୍ମଵର୍ଚ॒ସ୍ୟ॑ସି । ରୁ॒ଚି॒ତୋ॑-ଽହ-ମ୍ମ॑ନୁ॒ଷ୍ୟେ᳚ଷ୍ଵାୟୁ॑ଷ୍ମାଗ୍-ସ୍ତେଜ॒ସ୍ଵୀ ବ୍ର॑ହ୍ମଵର୍ଚ॒ସୀ ଭୂ॑ୟାସମ୍ ॥ ରୁଗ॑ସି । ରୁଚ॒-ମ୍ମୟି॑ ଧେହି ॥ 20 ॥
ମୟି॒ ରୁକ୍ ॥ ଦଶ॑ ପୁ॒ରସ୍ତା᳚-ଦ୍ରୋଚସେ । ଦଶ॑ ଦକ୍ଷି॒ଣା । ଦଶ॑ ପ୍ର॒ତ୍ୟମ୍ମ୍ । ଦଶୋଦଙ୍ଙ୍॑ । ଦଶୋ॒ର୍ଧ୍ଵୋ ଭା॑ସି ସୁମନ॒ସ୍ୟମା॑ନଃ । ସ ନ॑-ସ୍ସମ୍ରା॒ଡିଷ॒ମୂର୍ଜ॑-ନ୍ଧେହି । ଵା॒ଜୀ ଵା॒ଜିନେ॑ ପଵସ୍ଵ । ରୋ॒ଚି॒ତୋ ଘ॒ର୍ମୋ ରୁ॑ଚୀ॒ୟ ॥ 21 ॥
(ରୋ॒ଚ॒ୟ॒ - ଧେ॒ହି॒ - +ନଵ॑ ଚ) (ଅ. 6)
ଅନୁଵାକଂ 7
ଅପ॑ଶ୍ୟଙ୍ଗୋ॒ପାମନି॑ପଦ୍ୟମାନମ୍ । ଆ ଚ॒ ପରା॑ ଚ ପ॒ଥିଭି॒ଶ୍ଚର॑ନ୍ତମ୍ । ସ ସ॒ଦ୍ଧ୍ରୀଚୀ॒-ସ୍ସ ଵିଷୂ॑ଚୀ॒ର୍ଵସା॑ନଃ । ଆ ଵ॑ରୀଵର୍ତି॒ ଭୁଵ॑ନେଷ୍ଵ॒ନ୍ତଃ ॥ ଅତ୍ର॑ ପ୍ରା॒ଵୀଃ । ମଧୁ॒ ମାଦ୍ଧ୍ଵୀ᳚ଭ୍ୟା॒-ମ୍ମଧୁ॒ ମାଧୂ॑ଚୀଭ୍ୟାମ୍ । ଅନୁ॑ ଵା-ନ୍ଦେ॒ଵଵୀ॑ତୟେ ॥ ସମ॒ଗ୍ନିର॒ଗ୍ନିନା॑ ଗତ । ସ-ନ୍ଦେ॒ଵେନ॑ ସଵି॒ତ୍ରା । ସଗ୍ମ୍ ସୂର୍ୟେ॑ଣ ରୋଚତେ ॥ 22 ॥
ସ୍ଵାହା॒ ସମ॒ଗ୍ନିସ୍ତପ॑ସା ଗତ । ସ-ନ୍ଦେ॒ଵେନ॑ ସଵି॒ତ୍ରା ।
ସଗ୍ମ୍ ସୂର୍ୟେ॑ଣାରୋଚିଷ୍ଟ ॥ ଧ॒ର୍ତା ଦି॒ଵୋ ଵିଭା॑ସି॒ ରଜ॑ସଃ । ପୃ॒ଥି॒ଵ୍ୟା ଧ॒ର୍ତା । ଉ॒ରୋର॒ନ୍ତରି॑କ୍ଷସ୍ୟ ଧ॒ର୍ତା । ଧ॒ର୍ତା ଦେ॒ଵୋ ଦେ॒ଵାନା᳚ମ୍ । ଅମ॑ର୍ତ୍ୟସ୍ତପୋ॒ଜାଃ ॥ ହୃ॒ଦେ ତ୍ଵା॒ ମନ॑ସେ ତ୍ଵା । ଦି॒ଵେ ତ୍ଵା॒ ସୂର୍ୟା॑ୟ ତ୍ଵା ॥ 23 ॥
ଊ॒ର୍ଧ୍ଵମି॒ମ-ମ॑ଦ୍ଧ୍ଵ॒ରଙ୍କୃ॑ଧି । ଦି॒ଵି ଦେ॒ଵେଷୁ॒ ହୋତ୍ରା॑ ୟଚ୍ଛ ॥ ଵିଶ୍ଵା॑ସା-ମ୍ଭୁଵା-ମ୍ପତେ । ଵିଶ୍ଵ॑ସ୍ୟ ଭୁଵନସ୍ପତେ । ଵିଶ୍ଵ॑ସ୍ୟ ମନସସ୍ପତେ । ଵିଶ୍ଵ॑ସ୍ୟ ଵଚସସ୍ପତେ । ଵିଶ୍ଵ॑ସ୍ୟ ତପସସ୍ପତେ । ଵିଶ୍ଵ॑ସ୍ୟ ବ୍ରହ୍ମଣସ୍ପତେ । ଦେ॒ଵ॒ଶ୍ରୂସ୍ତ୍ଵନ୍ଦେ॑ଵ ଘର୍ମ ଦେ॒ଵା-ନ୍ପା॑ହି ॥ ତ॒ପୋ॒ଜାଂ-ଵାଁଚ॑ମ॒ସ୍ମେ ନିୟ॑ଚ୍ଛ ଦେଵା॒ୟୁଵ᳚ମ୍ ॥ 24 ॥
ଗର୍ଭୋ॑ ଦେ॒ଵାନା᳚ମ୍ ॥ ପି॒ତା ମ॑ତୀ॒ନାମ୍ ॥
ପତିଃ॑ ପ୍ର॒ଜାନା᳚ମ୍ ॥ ମତିଃ॑ କଵୀ॒ନାମ୍ ॥
ସନ୍ଦେ॒ଵୋ ଦେ॒ଵେନ॑ ସଵି॒ତ୍ରା-ଽୟ॑ତିଷ୍ଟ । ସଗ୍ମ୍ ସୂର୍ୟେ॑ଣାରୁକ୍ତ ॥ ଆ॒ୟୁ॒ର୍ଦାସ୍ତ୍ଵମ॒ସ୍ମଭ୍ୟ॑-ଙ୍ଘର୍ମ ଵର୍ଚୋ॒ଦା ଅ॑ସି ॥ ପି॒ତା ନୋ॑-ଽସି ପି॒ତା ନୋ॑ ବୋଧ ॥ ଆ॒ୟୁ॒ର୍ଧାସ୍ତ॑ନୂ॒ଧାଃ ପ॑ୟୋ॒ଧାଃ ।
ଵ॒ର୍ଚୋ॒ଦା ଵ॑ରିଵୋ॒ଦା ଦ୍ର॑ଵିଣୋ॒ଦାଃ ॥ 25 ॥
ଅ॒ନ୍ତ॒ରି॒କ୍ଷ॒ପ୍ର॒ ଉ॒ରୋର୍ଵରୀ॑ୟାନ୍ । ଅ॒ଶୀ॒ମହି॑ ତ୍ଵା॒ ମା ମା॑ ହିଗ୍ମ୍ସୀଃ ॥ ତ୍ଵମ॑ଗ୍ନେ ଗୃ॒ହପ॑ତି-ର୍ଵି॒ଶାମ॑ସି । ଵିଶ୍ଵା॑ସା॒-ମ୍ମାନୁ॑ଷୀଣାମ୍ । ଶ॒ତ-ମ୍ପୂ॒ର୍ଭିର୍ୟ॑ଵିଷ୍ଠ ପା॒ହ୍ୟଗ୍ମ୍ହ॑ସଃ । ସ॒ମେ॒ଦ୍ଧାରଗ୍ମ୍॑ ଶ॒ତଗ୍ମ୍ ହିମାଃ᳚ ।
ତ॒-ନ୍ଦ୍ରା॒ଵିଣଗ୍ମ୍॑ ହାର୍ଦିଵା॒ନମ୍ । ଇ॒ହୈଵ ରା॒ତୟ॑-ସ୍ସନ୍ତୁ ॥ ତ୍ଵଷ୍ଟୀ॑ମତୀ ତେ ସପେୟ । ସୁ॒ରେତା॒ ରେତୋ॒ ଦଧା॑ନା ।
ଵୀ॒ରଂ-ଵିଁ॑ଦେୟ॒ ତଵ॑ ସ॒ନ୍ଦୃଶି॑ ।
ମା-ଽହଗ୍ମ୍ ରା॒ୟସ୍ପୋଷେ॑ଣ॒ ଵି ୟୋ॑ଷମ୍ ॥ 26 ॥
(ରୋ॒ଚ॒ତେ॒-ସୂର୍ୟ॑ୟ ତ୍ଵା - ଦେଵା॒ୟୁଵଂ॑ - ଦ୍ରଵିଣୋ॒ଦା - ଦଧା॑ନା॒ ଦ୍ଵେ ଚ॑) (ଅ. 7)
ଅନୁଵାକଂ 8
ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵେ । ଅ॒ଶ୍ଵିନୋ᳚-ର୍ବା॒ହୁଭ୍ୟା᳚ମ୍ ।
ପୂ॒ଷ୍ଣୋ ହସ୍ତା᳚ଭ୍ୟା॒ମା ଦ॑ଦେ ॥ ଅଦି॑ତ୍ୟୈ॒ ରାସ୍ନା॑-ଽସି । ଇଡ॒ ଏହି॑ । ଅଦି॑ତ॒ ଏହି॑ । ସର॑ସ୍ଵ॒ତ୍ୟେହି॑ । ଅସା॒ଵେହି॑ ।
ଅସା॒ଵେହି॑ । ଅସା॒ଵେହି॑ ॥ 27 ॥
ଅଦି॑ତ୍ୟା ଉ॒ଷ୍ଣୀଷ॑ମସି । ଵା॒ୟୁର॑ସ୍ୟୈ॒ଡଃ । ପୂ॒ଷା ତ୍ଵୋ॒ପାଵ॑ସୃଜତୁ । ଅ॒ଶ୍ଵିଭ୍ୟା॒-ମ୍ପ୍ର ଦା॑ପୟ । ୟସ୍ତେ॒ ସ୍ତନ॑-ଶ୍ଶଶ॒ୟୋ ୟୋ ମ॑ୟୋ॒ଭୂଃ । ୟେନ॒ ଵିଶ୍ଵା॒ ପୁଷ୍ୟ॑ସି॒ ଵାର୍ୟା॑ଣି । ୟୋ ର॑ତ୍ନ॒ଧା ଵ॑ସୁ॒ଵିଦ୍ୟ-ସ୍ସୁ॒ଦତ୍ରଃ॑ ।
ସର॑ସ୍ଵତି॒ ତମି॒ହ ଧାତ॑ଵେ-ଽକଃ ॥ ଉସ୍ର॑ ଘ॒ର୍ମଗ୍ମ୍ ଶିଗ୍ମ୍॑ଷ । ଉସ୍ର॑ ଘ॒ର୍ମ-ମ୍ପା॑ହି ॥ 28 ॥
ଘ॒ର୍ମାୟ॑ ଶିଗ୍ମ୍ଷ । ବୃହ॒ସ୍ପତି॒ସ୍ତ୍ଵୋପ॑ସୀଦତୁ । ଦାନ॑ଵ-ସ୍ସ୍ଥ॒ ପେର॑ଵଃ । ଵି॒ଷ୍ଵ॒ଗ୍ଵୃତୋ॒ ଲୋହି॑ତେନ । ଅ॒ଶ୍ଵିଭ୍ୟା᳚-ମ୍ପିନ୍ଵସ୍ଵ । ସର॑ସ୍ଵତ୍ୟୈ ପିନ୍ଵସ୍ଵ ।
ପୂ॒ଷ୍ଣେ ପି॑ନ୍ଵସ୍ଵ । ବୃହ॒ସ୍ପତ॑ୟେ ପିନ୍ଵସ୍ଵ । ଇନ୍ଦ୍ରା॑ୟ ପିନ୍ଵସ୍ଵ । ଇନ୍ଦ୍ରା॑ୟ ପିନ୍ଵସ୍ଵ ॥ 29 ॥
ଗା॒ୟ॒ତ୍ରୋ॑-ଽସି । ତ୍ରୈଷ୍ଟୁ॑ଭୋ-ଽସି । ଜାଗ॑ତମସି । ସ॒ହୋର୍ଜୋ ଭା॒ଗେନୋପ॒ ମେହି॑ । ଇନ୍ଦ୍ରା᳚ଶ୍ଵିନା॒ ମଧୁ॑ନ-ସ୍ସାର॒ଘସ୍ୟ॑ । ଘ॒ର୍ମ-ମ୍ପା॑ତ ଵସଵୋ॒ ୟଜ॑ତା॒ ଵଟ୍ । ସ୍ଵାହା᳚ ତ୍ଵା॒ ସୂର୍ୟ॑ସ୍ୟ ର॒ଶ୍ମୟେ॑ ଵୃଷ୍ଟି॒ଵନ॑ୟେ ଜୁହୋମି । ମଧୁ॑ ହ॒ଵିର॑ସି । ସୂର୍ୟ॑ସ୍ୟ॒ ତପ॑ସ୍ତପ । ଦ୍ୟାଵା॑ପୃଥି॒ଵୀଭ୍ୟା᳚-ନ୍ତ୍ଵା॒ ପରି॑ଗୃହ୍ଣାମି ॥ 30 ॥
ଅ॒ନ୍ତରି॑କ୍ଷେଣ॒ ତ୍ଵୋପ॑ୟଚ୍ଛାମି । ଦେ॒ଵାନା᳚-ନ୍ତ୍ଵା ପିତୃ॒ଣାମନୁ॑ମତୋ॒ ଭର୍ତୁଗ୍ମ୍॑ ଶକେୟମ୍ । ତେଜୋ॑-ଽସି ।
ତେଜୋ-ଽନୁ॒ପ୍ରେହି॑ । ଦି॒ଵି॒ସ୍ପୃମ୍ମା ମା॑ ହିଗ୍ମ୍ସୀଃ ।
ଅ॒ନ୍ତ॒ରି॒କ୍ଷ॒ସ୍ପୃମ୍ମା ମା॑ ହିଗ୍ମ୍ସୀଃ । ପୃ॒ଥି॒ଵି॒ସ୍ପୃମ୍ମା ମା॑ ହିଗ୍ମ୍ସୀଃ ।
ସୁଵ॑ରସି॒ ସୁଵ॑ର୍ମେ ୟଚ୍ଛ ।
ଦିଵଂ॑-ୟଁଚ୍ଛ ଦି॒ଵୋ ମା॑ ପାହି ॥ 31 ॥
(ଏହି॑ - ପାହି - ପିନ୍ଵସ୍ଵ - ଗୃହ୍ଣାମି॒ - +ନଵ॑ ଚ) (ଅ. 8)
ଅନୁଵାକଂ 9
ସ॒ମୁ॒ଦ୍ରାୟ॑ ତ୍ଵା॒ ଵାତା॑ୟ॒ ସ୍ଵାହା᳚ । ସ॒ଲି॒ଲାୟ॑ ତ୍ଵା॒ ଵାତା॑ୟ॒ ସ୍ଵାହା᳚ । ଅ॒ନା॒ଧୃ॒ଷ୍ୟାୟ॑ ତ୍ଵା॒ ଵାତା॑ୟ॒ ସ୍ଵାହା᳚ । ଅ॒ପ୍ର॒ତି॒ଧୃ॒ଷ୍ୟାୟ॑ ତ୍ଵା॒ ଵାତା॑ୟ॒ ସ୍ଵାହା᳚ ।
ଅ॒ଵ॒ସ୍ୟଵେ᳚ ତ୍ଵା॒ ଵାତା॑ୟ॒ ସ୍ଵାହା᳚ । ଦୁଵ॑ସ୍ଵତେ ତ୍ଵା॒ ଵାତା॑ୟ॒ ସ୍ଵାହା᳚ । ଶିମି॑ଦ୍ଵତେ ତ୍ଵା॒ ଵାତା॑ୟ॒ ସ୍ଵାହା᳚ । ଅ॒ଗ୍ନୟେ᳚ ତ୍ଵା॒ ଵସୁ॑ମତେ॒ ସ୍ଵାହା᳚ ।
ସୋମା॑ୟ ତ୍ଵା ରୁ॒ଦ୍ରଵ॑ତେ॒ ସ୍ଵାହା᳚ ।
ଵରୁ॑ଣାୟ ତ୍ଵା-ଽଽଦି॒ତ୍ୟଵ॑ତେ॒ ସ୍ଵାହା᳚ ॥ 32 ॥
ବୃହ॒ସ୍ପତ॑ୟେ ତ୍ଵା ଵି॒ଶ୍ଵଦେ᳚ଵ୍ୟାଵତେ॒ ସ୍ଵାହା᳚ ।
ସ॒ଵି॒ତ୍ରେ ତ୍ଵ॑ର୍ଭୁ॒ମତେ॑ ଵିଭୁ॒ମତେ᳚ ପ୍ରଭୁ॒ମତେ॒ ଵାଜ॑ଵତେ॒ ସ୍ଵାହା᳚ । ୟ॒ମାୟ॒ ତ୍ଵା-ଽଙ୍ଗି॑ରସ୍ଵତେ ପିତୃ॒ମତେ॒ ସ୍ଵାହା᳚ ॥ ଵିଶ୍ଵା॒ ଆଶା॑ ଦକ୍ଷିଣ॒ସତ୍ । ଵିଶ୍ଵା᳚-ନ୍ଦେ॒ଵାନ॑ୟାଡି॒ହ । ସ୍ଵାହା॑କୃତସ୍ୟ ଘ॒ର୍ମସ୍ୟ॑ । ମଧୋଃ᳚ ପିବତମଶ୍ଵିନା ।
ସ୍ଵାହା॒-ଽଗ୍ନୟେ॑ ୟ॒ଜ୍ଞିୟା॑ୟ । ଶଂ-ୟଁଜୁ॑ର୍ଭିଃ ॥
ଅଶ୍ଵି॑ନା ଘ॒ର୍ମ-ମ୍ପା॑ତଗ୍ମ୍ ହାର୍ଦିଵା॒ନମ୍ ॥ 33 ॥
ଅହ॑-ର୍ଦି॒ଵାଭି॑-ରୂ॒ତିଭିଃ॑ । ଅନୁ॑ ଵା॒-ନ୍ଦ୍ୟାଵା॑ପୃଥି॒ଵୀ ମଗ୍ମ୍॑ସାତାମ୍ । ସ୍ଵାହେନ୍ଦ୍ରା॑ୟ ॥ ସ୍ଵାହେନ୍ଦ୍ରା॒ଵଟ୍ । ଘ॒ର୍ମମ॑ପାତମଶ୍ଵିନା ହାର୍ଦିଵା॒ନମ୍ ।
ଅହ॑-ର୍ଦି॒ଵାଭି॑ରୂ॒ତିଭିଃ॑ । ଅନୁ॑ ଵା॒-ନ୍ଦ୍ୟାଵା॑ପୃଥି॒ଵୀ ଅ॑ମଗ୍ମ୍ସାତାମ୍ । ତ-ମ୍ପ୍ରା॒ଵ୍ୟଂ॑-ୟଁଥା॒ ଵଟ୍ । ନମୋ॑ ଦି॒ଵେ । ନମଃ॑ ପୃଥି॒ଵ୍ୟୈ ॥ 34 ॥
ଦି॒ଵି ଧା॑ ଇ॒ମଂ-ୟଁ॒ଜ୍ଞମ୍ । ୟ॒ଜ୍ଞମି॒ମ-ନ୍ଦି॒ଵି ଧାଃ᳚ । ଦିଵ॑ଙ୍ଗଚ୍ଛ । ଅ॒ନ୍ତରି॑କ୍ଷଙ୍ଗଚ୍ଛ । ପୃ॒ଥି॒ଵୀଙ୍ଗ॑ଚ୍ଛ । ପଞ୍ଚ॑ ପ୍ର॒ଦିଶୋ॑ ଗଚ୍ଛ । ଦେ॒ଵା-ନ୍ଘ॑ର୍ମ॒ପା-ନ୍ଗ॑ଚ୍ଛ । ପି॒ତୄ-ନ୍ଘ॑ର୍ମ॒ପା-ନ୍ଗ॑ଚ୍ଛ ॥ 35 ॥
(ଆ॒ଦି॒ତ୍ୟଵ॑ତେ॒ ସ୍ଵାହା॑-ହାର୍ଦିଵା॒ନମ୍-ପୃ॑ଥି॒ଵ୍ୟା-+ଅ॒ଷ୍ଟୌ ଚ॑) (ଅ. 9)
ଅନୁଵାକଂ 10
ଇ॒ଷେ ପୀ॑ପିହି । ଊ॒ର୍ଜେ ପୀ॑ପିହି । ବ୍ରହ୍ମ॑ଣେ ପୀପିହି । କ୍ଷ॒ତ୍ରାୟ॑ ପୀପିହି । ଅ॒ଦ୍ଭ୍ୟଃ ପୀ॑ପିହି । ଓଷ॑ଧୀଭ୍ୟଃ ପୀପିହି । ଵନ॒ସ୍ପତି॑ଭ୍ୟଃ ପୀପିହି । ଦ୍ୟାଵା॑ପୃଥି॒ଵୀଭ୍ୟା᳚-ମ୍ପୀପିହି । ସୁ॒ଭୂ॒ତାୟ॑ ପୀପିହି । ବ୍ର॒ହ୍ମ॒ଵ॒ର୍ଚ॒ସାୟ॑ ପୀପିହି ॥ 36 ॥
ୟଜ॑ମାନାୟ ପୀପିହି । ମହ୍ୟ॒ଞ୍ଜ୍ୟୈଷ୍ଠ୍ୟା॑ୟ ପୀପିହି ॥ ତ୍ଵିଷ୍ୟୈ᳚ ତ୍ଵା । ଦ୍ୟୁ॒ମ୍ନାୟ॑ ତ୍ଵା । ଇ॒ନ୍ଦ୍ରି॒ୟାୟ॑ ତ୍ଵା॒ ଭୂତ୍ୟୈ᳚ ତ୍ଵା । ଧର୍ମା॑-ଽସି ସୁ॒ଧର୍ମା ମେ᳚ ନ୍ୟ॒ସ୍ମେ । ବ୍ରହ୍ମା॑ଣି ଧାରୟ । କ୍ଷ॒ତ୍ରାଣି॑ ଧାରୟ । ଵିଶ॑ନ୍ଧାରୟ ।
ନେତ୍ତ୍ଵା॒ ଵାତ॑-ସ୍ସ୍କ॒ନ୍ଦୟା᳚ତ୍ ॥ 37 ॥
ଅ॒ମୁଷ୍ୟ॑ ତ୍ଵା ପ୍ରା॒ଣେ ସା॑ଦୟାମି । ଅ॒ମୁନା॑ ସ॒ହ ନି॑ର॒ର୍ଥଙ୍ଗ॑ଚ୍ଛ । ୟୋ᳚-ଽସ୍ମା-ନ୍ଦ୍ଵେଷ୍ଟି॑ ।
ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥ ପୂ॒ଷ୍ଣେ ଶର॑ସେ॒ ସ୍ଵାହା᳚ ।
ଗ୍ରାଵ॑ଭ୍ୟ॒-ସ୍ସ୍ଵାହା᳚ । ପ୍ର॒ତି॒ରେଭ୍ୟ॒-ସ୍ସ୍ଵାହା᳚ । ଦ୍ୟାଵା॑ପୃଥି॒ଵୀଭ୍ୟା॒ଗ୍॒ ସ୍ଵାହା᳚ ।
ପି॒ତୃଭ୍ୟୋ॑ ଘର୍ମ॒ପେଭ୍ୟ॒-ସ୍ସ୍ଵାହା᳚ ॥
ରୁ॒ଦ୍ରାୟ॑ ରୁ॒ଦ୍ରହୋ᳚ତ୍ରେ॒ ସ୍ଵାହା᳚ ॥ 38 ॥
ଅହ॒-ର୍ଜ୍ୟୋତିଃ॑ କେ॒ତୁନା॑ ଜୁଷତାମ୍ । ସୁ॒ଜ୍ୟୋ॒ତି-ର୍ଜ୍ୟୋତି॑ଷା॒ଗ୍॒ ସ୍ଵାହା᳚ । ରାତ୍ରି॒ର୍ଜ୍ୟୋତିଃ॑ କେ॒ତୁନା॑ ଜୁଷତାମ୍ । ସୁ॒ଜ୍ୟୋ॒ତି-ର୍ଜ୍ୟୋତି॑ଷା॒ଗ୍॒ ସ୍ଵାହା᳚ । ଅପୀ॑ପରୋ॒ ମା-ଽହ୍ନୋ॒ ରାତ୍ରି॑ୟୈ ମା ପାହି । ଏ॒ଷା ତେ॑ ଅଗ୍ନେ ସ॒ମିତ୍ । ତୟା॒ ସମି॑ଦ୍ଧ୍ୟସ୍ଵ । ଆୟୁ॑ର୍ମେ ଦାଃ । ଵର୍ଚ॑ସା ମା-ଽଞ୍ଜୀଃ । ଅପୀ॑ପରୋ ମା॒ ରାତ୍ରି॑ୟା॒ ଅହ୍ନୋ॑ ମା ପାହି ॥ 39 ॥
ଏ॒ଷା ତେ॑ ଅଗ୍ନେ ସ॒ମିତ୍ । ତୟା॒ ସମି॑ଦ୍ଧ୍ୟସ୍ଵ । ଆୟୁ॑ର୍ମେ ଦାଃ । ଵର୍ଚ॑ସା ମା-ଽଞ୍ଜୀଃ । ଅ॒ଗ୍ନି-ର୍ଜ୍ୟୋତି॒-ର୍ଜ୍ୟୋତି॑ର॒ଗ୍ନି-ସ୍ସ୍ଵାହା᳚ ।
ସୂର୍ୟୋ॒ ଜ୍ୟୋତି॒-ର୍ଜ୍ୟୋତି॒-ସ୍ସୂର୍ୟ॒-ସ୍ସ୍ଵାହା᳚ । ଭୂ-ସ୍ସ୍ଵାହା᳚ । ହୁ॒ତଗ୍ମ୍ ହ॒ଵିଃ । ମଧୁ॑ ହ॒ଵିଃ । ଇନ୍ଦ୍ର॑ତମେ॒-ଽଗ୍ନୌ ॥ 40 ॥
ପି॒ତା ନୋ॑-ଽସି॒ ମା ମା॑ ହିଗ୍ମ୍ସୀଃ । ଅ॒ଶ୍ୟାମ॑ ତେ ଦେଵଘର୍ମ ।
ମଧୁ॑ମତୋ॒ ଵାଜ॑ଵତଃ ପିତୁ॒ମତଃ॑ । ଅଙ୍ଗି॑ରସ୍ଵତ-ସ୍ସ୍ଵଧା॒ଵିନଃ॑ । ଅ॒ଶୀ॒ମହି॑ ତ୍ଵା॒ ମା ମା॑ ହିଗ୍ମ୍ସୀଃ ॥ ସ୍ଵାହା᳚ ତ୍ଵା॒ ସୂର୍ୟ॑ସ୍ୟ ର॒ଶ୍ମିଭ୍ୟଃ॑ । ସ୍ଵାହା᳚ ତ୍ଵା॒ ନକ୍ଷ॑ତ୍ରେଭ୍ୟଃ ॥ 41 ॥
(ବ୍ର॒ହ୍ମ॒ଵ॒ର୍ଚ॒ସାୟ॑ ପୀପିହି - ସ୍କ॒ନ୍ଦୟା᳚-ଦ୍- ରୁ॒ଦ୍ରାୟ॑ ରୁ॒ଦ୍ରହୋ᳚ତ୍ରେ॒ ସ୍ଵାହା - ଽହ୍ନୋ॑ ମା ପାହ୍ - ୟ॒ଗ୍ନୌ - +ସ॒ପ୍ତ ଚ॑) (ଅ. 10)
ଅନୁଵାକଂ 11
ଘର୍ମ॒ ୟା ତେ॑ ଦି॒ଵି ଶୁକ୍ । ୟା ଗା॑ୟ॒ତ୍ରେ ଛନ୍ଦ॑ସି । ୟା ବ୍ରା᳚ହ୍ମ॒ଣେ । ୟା ହ॑ଵି॒ର୍ଧାନେ᳚ । ତାନ୍ତ॑ ଏ॒ତେନାଵ॑ୟଜେ॒ ସ୍ଵାହା᳚ ॥ ଘର୍ମ॒ ୟା ତେ॒-ଽନ୍ତରି॑କ୍ଷେ॒ ଶୁକ୍ ।
ୟା ତ୍ରୈଷ୍ଟୁ॑ଭେ॒ ଛନ୍ଦ॑ସି । ୟା ରା॑ଜ॒ନ୍ୟେ᳚ । ୟା-ଽଽଗ୍ନୀ᳚ଦ୍ଧ୍ରେ ।
ତାନ୍ତ॑ ଏ॒ତେନାଵ॑ୟଜେ॒ ସ୍ଵାହା᳚ ॥ 42 ॥
ଘର୍ମ॒ ୟା ତେ॑ ପୃଥି॒ଵ୍ୟାଗ୍ମ୍ ଶୁକ୍ । ୟା ଜାଗ॑ତେ॒ ଛନ୍ଦ॑ସି । ୟା ଵୈଶ୍ୟେ᳚ । ୟା ସଦ॑ସି । ତାନ୍ତ॑ ଏ॒ତେନାଵ॑ୟଜେ॒ ସ୍ଵାହା᳚ ॥ ଅ॒ଗ୍ନିଶ୍ଚ॑ ହଵ୍ୟ॒ଵାହ॑ନୋ॒ ଭଵ॑ତା-ନ୍ଦା॒ଶୁଷେ॒ ମୟଃ॑ ॥ ଅନ୍ଵିଦ॑ନୁମତେ॒ ତ୍ଵ-ମ୍ମନ୍ୟା॑ସୈ॒ ଶଞ୍ଚ॑ନଃ କୃଧି । କ୍ରତ୍ଵେ॒ ଦକ୍ଷା॑ୟ ନୋ ହିନୁ॒ ପ୍ରଣ॒ ଆୟୂଗ୍ମ୍॑ଷି ତାରିଷଃ ॥ ଦି॒ଵସ୍ତ୍ଵା॑ ପର॒ସ୍ପାୟାଃ᳚ । ଅ॒ନ୍ତରି॑କ୍ଷସ୍ୟ ତ॒ନୁଵଃ॑ ପାହି । ପୃ॒ଥି॒ଵ୍ୟାସ୍ତ୍ଵା॒ ଧର୍ମ॑ଣା ॥ 43 ॥
ଵ॒ୟମନୁ॑କ୍ରାମାମ ସୁଵି॒ତାୟ॒ ନଵ୍ୟ॑ସେ ॥ ବ୍ରହ୍ମ॑ଣସ୍ତ୍ଵା ପର॒ସ୍ପାୟାଃ᳚ । କ୍ଷ॒ତ୍ରସ୍ୟ॑ ତ॒ନୁଵଃ॑ ପାହି । ଵି॒ଶସ୍ତ୍ଵା॒ ଧର୍ମ॑ଣା । ଵ॒ୟମନୁ॑କ୍ରାମାମ ସୁଵି॒ତାୟ॒ ନଵ୍ୟ॑ସେ ॥ ପ୍ରା॒ଣସ୍ୟ॑ ତ୍ଵା ପର॒ସ୍ପାୟୈ᳚ । ଚକ୍ଷୁ॑ଷସ୍ତ॒ନୁଵଃ॑ ପାହି । ଶ୍ରୋତ୍ର॑ସ୍ୟ ତ୍ଵା॒ ଧର୍ମ॑ଣା । ଵ॒ୟମନୁ॑କ୍ରାମାମ ସୁଵି॒ତାୟ॒ ନଵ୍ୟ॑ସେ ॥ ଵ॒ଲ୍ଗୁର॑ସି ଶଂ॒-ୟୁଁଧା॑ୟାଃ ॥ 44 ॥
ଶିଶୁ॒-ର୍ଜନ॑ଧାୟାଃ ॥ ଶଞ୍ଚ॒ ଵକ୍ଷି॒ ପରି॑ ଚ॒ ଵକ୍ଷି॑ ।
ଚତୁ॑-ସ୍ସ୍ରକ୍ତି॒ର୍ନାଭି॑ର୍-ଋ॒ତସ୍ୟ॑ । ସଦୋ॑ ଵି॒ଶ୍ଵାୟୁ॒-ଶ୍ଶର୍ମ॑ ସ॒ପ୍ରଥାଃ᳚ । ଅପ॒ ଦ୍ଵେଷୋ॒ ଅପ॒ ହ୍ଵରଃ॑ । ଅ॒ନ୍ୟଦ୍ଵ୍ର॑ତସ୍ୟ ସଶ୍ଚିମ । ଘର୍ମୈ॒ତ-ତ୍ତେ-ଽନ୍ନ॑ମେ॒ତ-ତ୍ପୁରୀ॑ଷମ୍ । ତେନ॒ ଵର୍ଧ॑ସ୍ଵ॒ ଚା ଚ॑ ପ୍ୟାୟସ୍ଵ । ଵ॒ର୍ଧି॒ଷୀ॒ମହି॑ ଚ ଵ॒ୟମ୍ । ଆ ଚ॑ ପ୍ୟାସିଷୀ॒ମହି॑ ॥ 45 ॥
ରନ୍ତି॒-ର୍ନାମା॑ସି ଦି॒ଵ୍ୟୋ ଗ॑ନ୍ଧ॒ର୍ଵଃ । ତସ୍ୟ॑ ତେ ପ॒ଦ୍ଵଦ୍ଧ॑ଵି॒ର୍ଧାନ᳚ମ୍ । ଅ॒ଗ୍ନିରଦ୍ଧ୍ୟ॑କ୍ଷାଃ । ରୁ॒ଦ୍ରୋ-ଽଧି॑ପତିଃ ॥ ସମ॒ହମାୟୁ॑ଷା । ସ-ମ୍ପ୍ରା॒ଣେନ॑ ।
ସଂ-ଵଁର୍ଚ॑ସା । ସ-ମ୍ପୟ॑ସା । ସଙ୍ଗୌ॑ପ॒ତ୍ୟେନ॑ । ସଗ୍ମ୍ ରା॒ୟସ୍ପୋଷେ॑ଣ ॥ 46 ॥
ଵ୍ୟ॑ସୌ । ୟୋ᳚-ଽସ୍ମା-ନ୍ଦ୍ଵେଷ୍ଟି॑ । ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥
ଅଚି॑କ୍ରଦ॒ଦ୍ଵୃଷା॒ ହରିଃ॑ । ମ॒ହା-ନ୍ମି॒ତ୍ରୋ ନ ଦ॑ର୍ଶ॒ତଃ । ସଗ୍ମ୍ ସୂର୍ୟେ॑ଣ ରୋଚତେ ॥ ଚିଦ॑ସି ସମୁ॒ଦ୍ରୟୋ॑ନିଃ । ଇନ୍ଦୁ॒-ର୍ଦକ୍ଷ॑-ଶ୍ଶ୍ୟେ॒ନ ଋ॒ତାଵା᳚ । ହିର॑ଣ୍ୟପକ୍ଷ-ଶ୍ଶକୁ॒ନୋ ଭୁ॑ର॒ଣ୍ୟୁଃ । ମ॒ହାନ୍-ଥ୍ସ॒ଧସ୍ଥେ᳚ ଧ୍ରୁ॒ଵ ଆନିଷ॑ତ୍ତଃ ॥ 47 ॥
ନମ॑ସ୍ତେ ଅସ୍ତୁ॒ ମା ମା॑ ହିଗ୍ମ୍ସୀଃ ॥ ଵି॒ଶ୍ଵାଵ॑ସୁଗ୍ମ୍ ସୋମ ଗନ୍ଧ॒ର୍ଵମ୍ । ଆପୋ॑ ଦଦୃ॒ଶୁଷୀଃ᳚ । ତଦୃ॒ତେନା॒ ଵ୍ୟା॑ୟନ୍ନ୍ । ତଦ॒ନ୍ଵଵୈ᳚ତ୍ । ଇନ୍ଦ୍ରୋ॑ ରାରହା॒ଣ ଆ॑ସାମ୍ । ପରି॒ ସୂର୍ୟ॑ସ୍ୟ ପରି॒ଧୀଗ୍ମ୍ ର॑ପଶ୍ୟତ୍ ॥ ଵି॒ଶ୍ଵାଵ॑ସୁର॒ଭି ତନ୍ନୋ॑ ଗୃଣାତୁ । ଦି॒ଵ୍ୟୋ ଗ॑ନ୍ଧ॒ର୍ଵୋ ରଜ॑ସୋ ଵି॒ମାନଃ॑ ।
ୟଦ୍ଵା॑ ଘା ସ॒ତ୍ୟମୁ॒ତ ୟନ୍ନ ଵି॒ଦ୍ମ ॥ 48 ॥
ଧିୟୋ॑ ହିନ୍ଵା॒ନୋ ଧିୟ॒ ଇନ୍ନୋ॑ ଅଵ୍ୟାତ୍ ॥ ସସ୍ନି॑ମଵିନ୍ଦ॒ଚ୍ଚର॑ଣେ ନ॒ଦୀନା᳚ମ୍ ।
ଅପା॑ଵୃଣୋ॒-ଦ୍ଦୁରୋ॒ ଅଶ୍ମ॑ଵ୍ରଜାନାମ୍ । ପ୍ରାସା᳚-ନ୍ଗନ୍ଧ॒ର୍ଵୋ ଅ॒ମୃତା॑ନି ଵୋଚତ୍ । ଇନ୍ଦ୍ରୋ॒ ଦକ୍ଷ॒-ମ୍ପରି॑ଜାନାଦ॒ହୀନ᳚ମ୍ ॥ ଏ॒ତତ୍ତ୍ଵ-ନ୍ଦେ॑ଵ ଘର୍ମ ଦେ॒ଵୋ ଦେ॒ଵାନୁପା॑ଗାଃ ।
ଇ॒ଦମ॒ହ-ମ୍ମ॑ନୁ॒ଷ୍ୟୋ॑ ମନୁ॒ଷ୍ୟାନ୍॑ । ସୋମ॑ପୀ॒ଥାନୁ॒ ମେହି॑ । ସ॒ହ ପ୍ର॒ଜୟା॑ ସ॒ହ ରା॒ୟସ୍ପୋଷେ॑ଣ ॥
ସୁ॒ମି॒ତ୍ରା ନ॒ ଆପ॒ ଓଷ॑ଧୟ-ସ୍ସନ୍ତୁ ॥ 49 ॥
ଦୁ॒ର୍ମି॒ତ୍ରାସ୍ତସ୍ମୈ॑ ଭୂୟାସୁଃ । ୟୋ᳚-ଽସ୍ମା-ନ୍ଦ୍ଵେଷ୍ଟି॑ ।
ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥ ଉଦ୍ଵ॒ୟ-ନ୍ତମ॑ସ॒ସ୍ପରି॒ ପଶ୍ୟ॑ନ୍ତୋ॒ ଜ୍ୟୋତି॒ରୁତ୍ତ॑ରମ୍ । ଦେ॒ଵ-ନ୍ଦେ॑ଵ॒ତ୍ରା ସୂର୍ୟ॒ମଗ॑ନ୍ମ॒ ଜ୍ୟୋତି॑ରୁତ୍ତ॒ମମ୍ ॥ ଉଦୁ॒ ତ୍ୟ-ଞ୍ଜା॒ତଵେ॑ଦସ-ନ୍ଦେ॒ଵଂ-ଵଁ॑ହନ୍ତି କେ॒ତଵଃ॑ । ଦୃ॒ଶେ ଵିଶ୍ଵା॑ୟ॒ ସୂର୍ୟ᳚ମ୍ । ଚି॒ତ୍ର-ନ୍ଦେ॒ଵାନା॒-ମୁଦ॑ଗା॒ଦନୀ॑କ॒-ଞ୍ଚକ୍ଷୁ॑ ର୍ମି॒ତ୍ରସ୍ୟ॒ ଵରୁ॑ଣସ୍ୟା॒-ଽଗ୍ନେଃ ॥ ଇ॒ମମୂ॒ ଷୁ ତ୍ୟମ॒ସ୍ମଭ୍ୟଗ୍ମ୍॑ ସ॒ନିମ୍ । ଗା॒ୟ॒ତ୍ରନ୍ନଵୀ॑ୟାଗ୍ମ୍ସମ୍ ।
ଅଗ୍ନେ॑ ଦେ॒ଵେଷୁ॒ ପ୍ରଵୋ॑ଚଃ ॥ 50 ॥
(ୟା-ଽଽଗ୍ନୀ᳚ଦ୍ଧ୍ରେ॒ ତାନ୍ତା॑ ଏ॒ତେନାଵ॑ୟଜେ॒ ସ୍ଵାହା॒ - ଧର୍ମ॑ଣା - ଶଂ॒-ୟୁଁଧା॑ୟାଃ - ପ୍ୟାସିଷୀ॒ମହି॒-ପୋଷେ॑ଣ॒-ନିଷ॑ତ୍ତୋ-ଵି॒ଦ୍ମ-ସ॑ନ୍-+ତ୍ଵ॒ଷ୍ଟୌ ଚ॑) (ଅ. 11)
ଅନୁଵାକଂ 12
ମ॒ହୀ॒ନା-ମ୍ପୟୋ॑-ଽସି॒ ଵିହି॑ତ-ନ୍ଦେଵ॒ତ୍ରା ।
ଜ୍ୟୋ॒ତି॒ର୍ଭା ଅ॑ସି॒ ଵନ॒ସ୍ପତୀ॑ନା॒ମୋଷ॑ଧୀନା॒ଗ୍ମ୍॒ ରସଃ॑ ।
ଵା॒ଜିନ॑-ନ୍ତ୍ଵା ଵା॒ଜିନୋ-ଽଵ॑ ନୟାମଃ ।
ଊ॒ର୍ଧ୍ଵ-ମ୍ମନ॑-ସ୍ସୁଵ॒ର୍ଗମ୍ ॥ 51 ॥ (ଅ. 12)
ଅନୁଵାକଂ 13
ଅସ୍କା॒-ନ୍ଦ୍ୟୌଃ ପୃ॑ଥି॒ଵୀମ୍ । ଅସ୍କା॑ନୃଷ॒ଭୋ ୟୁଵା॒ ଗାଃ ।
ସ୍କ॒ନ୍ନେମା ଵିଶ୍ଵା॒ ଭୁଵ॑ନା । ସ୍କ॒ନ୍ନୋ ୟ॒ଜ୍ଞଃ ପ୍ରଜ॑ନୟତୁ ॥ ଅସ୍କା॒ନଜ॑ନି॒ ପ୍ରାଜ॑ନି । ଆ ସ୍କ॒ନ୍ନାଜ୍ଜା॑ୟତେ॒ ଵୃଷା᳚ ।
ସ୍କ॒ନ୍ନା-ତ୍ପ୍ରଜ॑ନିଷୀମହି ॥ 52 ॥ (ଅ. 13)
ଅନୁଵାକଂ 14
ୟା ପୁ॒ରସ୍ତା᳚-ଦ୍ଵି॒ଦ୍ୟୁଦାପ॑ତତ୍ । ତାନ୍ତ॑ ଏ॒ତେନାଵ॑ ୟଜେ॒ ସ୍ଵାହା᳚ । ୟା ଦ॑କ୍ଷିଣ॒ତଃ । ୟା ପ॒ଶ୍ଚାତ୍ । ୟୋତ୍ତ॑ର॒ତଃ । ୟୋପରି॑ଷ୍ଟା-ଦ୍ଵି॒ଦ୍ୟୁଦାପ॑ତତ୍ । ତାନ୍ତ॑ ଏ॒ତେନାଵ॑ ୟଜେ॒ ସ୍ଵାହା᳚ ॥ 53 ॥ (ଅ. 14)
ଅନୁଵାକଂ 15
ପ୍ରା॒ଣାୟ॒ ସ୍ଵାହା᳚ ଵ୍ୟା॒ନାୟ॒ ସ୍ଵାହା॑ ଽପା॒ନାୟ॒ ସ୍ଵାହା᳚ ।
ଚକ୍ଷୁ॑ଷେ॒ ସ୍ଵାହା॒ ଶ୍ରୋତ୍ରା॑ୟ॒ ସ୍ଵାହା᳚ ।
ମନ॑ସେ॒ ସ୍ଵାହା॑ ଵା॒ଚେ ସର॑ସ୍ଵତ୍ୟୈ॒ ସ୍ଵାହା᳚ ॥ 54 ॥ (ଅ. 15)
ଅନୁଵାକଂ 16
ପୂ॒ଷ୍ଣେ ସ୍ଵାହା॑ ପୂ॒ଷ୍ଣେ ଶର॑ସେ॒ ସ୍ଵାହା᳚ ।
ପୂ॒ଷ୍ଣେ ପ୍ର॑ପ॒ତ୍ଥ୍ୟା॑ୟ॒ ସ୍ଵାହା॑ ପୂ॒ଷ୍ଣେ ନ॒ରନ୍ଧି॑ଷାୟ॒ ସ୍ଵାହା᳚ । ପୂ॒ଷ୍ଣେ-ଽଙ୍ଘୃ॑ଣୟେ॒ ସ୍ଵାହା॑ ପୂ॒ଷ୍ଣେ ନ॒ରୁଣା॑ୟ॒ ସ୍ଵାହା᳚ ।
ପୂ॒ଷ୍ଣେ ସା॑କେ॒ତାୟ॒ ସ୍ଵାହା᳚ ॥ 55 ॥ (ଅ. 16)
ଅନୁଵାକଂ 17
ଉଦ॑ସ୍ୟ॒ ଶୁଷ୍ମା᳚-ଦ୍ଭା॒ନୁର୍ନାର୍ତ॒ ବିଭ॑ର୍ତି । ଭା॒ର-ମ୍ପୃ॑ଥି॒ଵୀ ନ ଭୂମ॑ । ପ୍ର ଶୁ॒କ୍ରୈତୁ॑ ଦେ॒ଵୀ ମ॑ନୀ॒ଷା । ଅ॒ସ୍ମ-ଥ୍ସୁତ॑ଷ୍ଟୋ॒ ରଥୋ॒ ନ ଵା॒ଜୀ । ଅର୍ଚ॑ନ୍ତ॒ ଏକେ॒ ମହି॒ ସାମ॑ ମନ୍ଵତ । ତେନ॒ ସୂର୍ୟ॑ମଧାରୟନ୍ନ୍ ।
ତେନ॒ ସୂର୍ୟ॑ମରୋଚୟନ୍ନ୍ । ଘ॒ର୍ମ-ଶ୍ଶିର॒ସ୍ତଦ॒ୟମ॒ଗ୍ନିଃ ।
ପୁରୀ॑ଷମସି॒ ସମ୍ପ୍ରି॑ୟ-ମ୍ପ୍ର॒ଜୟା॑ ପ॒ଶୁଭି॑ର୍ଭୁଵତ୍ । ପ୍ର॒ଜାପତି॑ସ୍ତ୍ଵା ସାଦୟତୁ । ତୟା॑ ଦେ॒ଵତ॑ୟା ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 56 ॥ (ଅ. 17)
ଅନୁଵାକଂ 18
ୟାସ୍ତେ॑ ଅଗ୍ନ ଆ॒ର୍ଦ୍ରା ୟୋନ॑ୟୋ॒ ୟାଃ କୁ॑ଲା॒ୟିନୀଃ᳚ ।
ୟେ ତେ॑ ଅଗ୍ନ॒ ଇନ୍ଦ॑ଵୋ॒ ୟା ଉ॒ ନାଭ॑ୟଃ । ୟାସ୍ତେ॑ ଅଗ୍ନେ ତ॒ନୁଵ॒ ଊର୍ଜୋ॒ ନାମ॑ । ତାଭି॒ସ୍ତ୍ଵମୁ॒ଭୟୀ॑ଭି-ସ୍ସଂଵିଁଦା॒ନଃ । ପ୍ର॒ଜାଭି॑ରଗ୍ନେ॒ ଦ୍ରଵି॑ଣେ॒ହ ସୀ॑ଦ ।
ପ୍ର॒ଜାପ॑ତିସ୍ତ୍ଵା ସାଦୟତୁ । ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 57 ॥ (ଅ. 18)
ଅନୁଵାକଂ 19
ଅ॒ଗ୍ନିର॑ସି ଵୈଶ୍ଵାନ॒ରୋ॑-ଽସି । ସଂ॒ଵଁ॒ଥ୍ସ॒ରୋ॑-ଽସି ପରିଵଥ୍ସ॒ରୋ॑-ଽସି । ଇ॒ଦା॒ଵ॒ଥ୍ସ॒ରୋ॑-ଽସୀଦୁଵଥ୍ସ॒ରୋ॑-ଽସି । ଇ॒ଦ୍ଵ॒ଥ୍ସ॒ରୋ॑-ଽସି ଵଥ୍ସ॒ରୋ॑-ଽସି । ତସ୍ୟ॑ ତେ ଵସ॒ନ୍ତ-ଶ୍ଶିରଃ॑ । ଗ୍ରୀ॒ଷ୍ମୋ ଦକ୍ଷି॑ଣଃ ପ॒କ୍ଷଃ । ଵ॒ର୍॒ଷାଃ ପୁଚ୍ଛ᳚ମ୍ ।
ଶ॒ରଦୁତ୍ତ॑ରଃ ପ॒କ୍ଷଃ । ହେ॒ମ॒ନ୍ତୋ ମଦ୍ଧ୍ୟ᳚ମ୍ । ପୂ॒ର୍ଵ॒ପ॒କ୍ଷାଶ୍ଚିତ॑ୟଃ । ଅ॒ପ॒ର॒ପ॒କ୍ଷାଃ ପୁରୀ॑ଷମ୍ । ଅ॒ହୋ॒ରା॒ତ୍ରାଣୀଷ୍ଟ॑କାଃ । ତସ୍ୟ॑ ତେ॒ ମାସା᳚ଶ୍ଚାର୍ଧମା॒ସାଶ୍ଚ॑ କଲ୍ପନ୍ତାମ୍ ।
ଋ॒ତଵ॑ସ୍ତେ କଲ୍ପନ୍ତାମ୍ । ସଂ॒ଵଁ॒ଥ୍ସ॒ରସ୍ତେ॑ କଲ୍ପତାମ୍ ।
ଅ॒ହୋ॒ରା॒ତ୍ରାଣି॑ ତେ କଲ୍ପନ୍ତାମ୍ । ଏତି॒ ପ୍ରେତି॒ ଵୀତି॒ ସମିତ୍ୟୁଦିତି॑ ।
ପ୍ର॒ଜାପ॑ତିସ୍ତ୍ଵା ସାଦୟତୁ । ତୟା॑ ଦେ॒ଵତ॑ୟା-ଽଙ୍ଗିର॒ସ୍ଵ-ଦ୍ଧ୍ରୁ॒ଵା ସୀ॑ଦ ॥ 58 ॥
(ଚିତ॑ୟୋ॒ ନଵ॑ ଚ) (ଅ. 19)
ଅନୁଵାକଂ 20
ଭୂର୍ଭୁଵ॒ସ୍ସୁଵଃ॑ । ଊ॒ର୍ଧ୍ଵ ଊ॒ ଷୁଣ॑ ଊ॒ତୟେ᳚ । ଊ॒ର୍ଧ୍ଵୋ ନଃ॑ ପା॒ହ୍ୟଗ୍ମ୍ହ॑ସଃ ॥
ଵି॒ଧୁନ୍ଦ॑ଦ୍ରା॒ଣଗ୍ମ୍ ସମ॑ନେ ବହୂ॒ନାମ୍ । ୟୁଵା॑ନ॒ଗ୍ମ୍॒ ସନ୍ତ॑-ମ୍ପଲି॒ତୋ ଜ॑ଗାର । ଦେ॒ଵସ୍ୟ॑ ପଶ୍ୟ॒ କାଵ୍ୟ॑-ମ୍ମହି॒ତ୍ଵା-ଽଦ୍ୟା ମ॒ମାର॑ । ସ ହ୍ୟ॒-ସ୍ସମା॑ନ ॥
ୟଦୃ॒ତେ ଚି॑ଦଭି॒ଶ୍ରିଷଃ॑ । ପୁ॒ରା ଜ॒ର୍ତୃଭ୍ୟ॑ ଆ॒ତୃଦଃ॑ ।
ସନ୍ଧା॑ତା ସ॒ନ୍ଧି-ମ୍ମ॒ଘଵା॑ ପୁରୋ॒ଵସୁଃ॑ ॥ 59 ॥
ନିଷ୍କ॑ର୍ତା॒ ଵିହ୍ରୁ॑ତ॒-ମ୍ପୁନଃ॑ ॥ ପୁନ॑ରୂ॒ର୍ଜା ନି ଵ॑ର୍ତସ୍ଵ॒ ପୁନ॑ରଗ୍ନ ଇ॒ଷା-ଽଽୟୁ॑ଷା । ପୁନ॑ର୍ନଃ ପାହି ଵି॒ଶ୍ଵତଃ॑ ॥ ସ॒ହ ର॒ୟ୍ୟା ନି ଵ॑ର୍ତ॒ସ୍ଵାଗ୍ନେ॒ ପିନ୍ଵ॑ସ୍ଵ॒ ଧାର॑ୟା । ଵି॒ଶ୍ଵଫ୍ସ୍ନି॑ୟା ଵି॒ଶ୍ଵତ॒ସ୍ପରି॑ ॥ ମା ନୋ॑ ଘର୍ମ ଵ୍ୟଥି॒ତୋ ଵି॑ଵ୍ୟଥୋ ନଃ । ମା ନଃ॒ ପର॒ମଧ॑ର॒ମ୍ମା ରଜୋ॑-ଽନୈଃ । ମୋଷ୍ଵ॑ସ୍ମାଗ୍ ସ୍ତମ॑ସ୍ୟନ୍ତ॒ରା ଧାଃ᳚ । ମା ରୁ॒ଦ୍ରିୟା॑ସୋ ଅ॒ଭିଗୁ॑ର୍ଵୃ॒ଧାନଃ॑ ॥ ମା ନଃ॒ କ୍ରତୁ॑ଭିର୍-ହୀଡି॒ତେଭି॑ର॒ସ୍ମାନ୍ । ଦ୍ଵିଷା॑ ସୁନୀତେ॒ ମା ପରା॑ଦାଃ ।
ମା ନୋ॑ ରୁ॒ଦ୍ରୋ ନିର୍-ଋ॑ତି॒ର୍ମା ନୋ॒ ଅସ୍ତା᳚ ।
ମା ଦ୍ୟାଵା॑ପୃଥି॒ଵୀ ହୀ॑ଡିଷାତାମ୍ ॥ 60 ॥
ଉପ॑ ନୋ ମିତ୍ରାଵରୁଣାଵି॒ହାଵ॑ତମ୍ । ଅ॒ନ୍ଵାଦୀ᳚ଦ୍ଧ୍ୟାଥାମି॒ହ ନ॑-ସ୍ସଖାୟା । ଆ॒ଦି॒ତ୍ୟାନା॒-ମ୍ପ୍ରସି॑ତିର୍ହେ॒ତିଃ । ଉ॒ଗ୍ରା ଶ॒ତାପା᳚ଷ୍ଠା ଘ॒ ଵିଷା॒ ପରି॑ଣୋ ଵୃଣକ୍ତୁ ॥
ଇ॒ମ-ମ୍ମେ॑ ଵରୁଣ ଶ୍ରୁଧୀ॒ ହଵ॑ମ॒ଦ୍ୟା ଚ॑ ମୃଡୟ । ତ୍ଵାମ॑ଵ॒ସ୍ୟୁରା ଚ॑କେ ॥ ତତ୍ତ୍ଵା॑ ୟାମି॒ ବ୍ରହ୍ମ॑ଣା॒ ଵନ୍ଦ॑ମାନ॒-ସ୍ତଦା ଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ । ଅହେ॑ଡମାନୋ ଵରୁଣେ॒ହ ବୋ॒ଦ୍ଧ୍ୟୁରୁ॑ଶଗ୍ମ୍ସ॒ ମା ନ॒ ଆୟୁଃ॒ ପ୍ରମୋ॑ଷୀଃ ॥ ତ୍ଵ-ନ୍ନୋ॑ ଅଗ୍ନେ॒ ଵରୁ॑ଣସ୍ୟ ଵି॒ଦ୍ଵା-ନ୍ଦେ॒ଵସ୍ୟ॒ ହେଡୋ-ଽଵ॑ ୟାସି ସୀଷ୍ଠାଃ । ୟଜି॑ଷ୍ଠୋ॒ ଵହ୍ନି॑ ତମ॒-ଶ୍ଶୋଶୁ॑ଚାନୋ॒ ଵିଶ୍ଵା॒ ଦ୍ଵେଷାଗ୍ମ୍॑ସି॒ ପ୍ରମୁ॑ମୁଗ୍ଧ୍ୟ॒ସ୍ମତ୍ ॥
ସ ତ୍ଵନ୍ନୋ॑ ଅନ୍ଗେ-ଽଵ॒ମୋ ଭ॑ଵୋ॒ତୀ ନେଦି॑ଷ୍ଠୋ ଅ॒ସ୍ୟା ଉ॒ଷସୋ॒ ଵ୍ୟୁ॑ଷ୍ଟୌ । ଅଵ॑ ୟକ୍ଷ୍ଵ ନୋ॒ ଵରୁ॑ଣ॒ଗ୍ମ୍॒ ରରା॑ଣୋ ଵୀ॒ହି ମୃ॑ଡୀ॒କଗ୍ମ୍ ସୁ॒ହଵୋ॑ ନ ଏଧି ॥ ତ୍ଵମ॑ଗ୍ନେ ଅ॒ୟା-ଽସି॑ । ଅ॒ୟା ସନ୍ମନ॑ସା ହି॒ତଃ । ଅ॒ୟା ସନଃଅ॒ଵ୍ୟମୂ॑ହିଷେ । ଅ॒ୟା ନୋ॑ ଧେହି ଭେଷ॒ଜମ୍ । ଇ॒ଷ୍ଟୋ ଅ॒ଗ୍ନିରାହୁ॑ତଃ । ସ୍ଵାହା॑କୃତଃ ପିପର୍ତୁ ନଃ । ସ୍ଵ॒ଗା ଦେ॒ଵେଭ୍ୟ॑ ଇ॒ଦ-ନ୍ନମଃ॑ ॥
ଉଦ୍ଵ॒ୟ-ନ୍ତମ॑ସ॒ସ୍ପରି॒ ପଶ୍ୟ॑ନ୍ତୋ॒ ଜ୍ୟୋତି॒ରୁତ୍ତ॑ରମ୍ । ଦେ॒ଵ-ନ୍ଦେ॑ଵ॒ତ୍ରା ସୂର୍ୟ॒ମଗ॑ନ୍ମ॒ ଜ୍ୟୋତି॑ରୁତ୍ତ॒ମମ୍ ॥ ଉଦୁ॒ ତ୍ୟ-ଞ୍ଜା॒ତଵେ॑ଦସ-ନ୍ଦେ॒ଵଂ-ଵଁ॑ହନ୍ତି କେ॒ତଵଃ॑ । ଦୃ॒ଶେ ଵିଶ୍ଵା॑ୟ॒ ସୂର୍ୟ᳚ମ୍ । ଚି॒ତ୍ର-ନ୍ଦେ॒ଵାନା॒-ମୁଦ॑ଗା॒ଦନୀ॑କ॒-ଞ୍ଚକ୍ଷୁ॑ ର୍ମି॒ତ୍ରସ୍ୟ॒ ଵରୁ॑ଣସ୍ୟା॒-ଽଗ୍ନେଃ ॥
ଵୟ॑-ସ୍ସୁପ॒ର୍ଣା ଉପ॑ସେଦୁ॒ରିନ୍ଦ୍ର᳚ମ୍ । ପ୍ରି॒ୟମେ॑ଧା॒ ଋଷ॑ୟୋ॒ ନାଧ॑ମାନାଃ । ଅପ॑ ଧ୍ଵା॒ନ୍ତମୂ᳚ର୍ଣୁ॒ହି ପୂ॒ର୍ଧି ଚକ୍ଷୁଃ॑ । ମୁ॒ମୁ॒ଗ୍ଧ୍ୟ॑ସ୍ମା-ନ୍ନି॒ଧୟେ॑ଵ ବ॒ଦ୍ଧାନ୍ ॥ 61 ॥
(ପୁ॒ରୋ॒ଵସୁ॑ର୍ହୀଡିଷାତାଗ୍ମ୍ ସୁପ॒ର୍ଣାଃ) (ଅ. 20)
ଅନୁଵାକଂ 21
ଭୂର୍ଭୁଵ॒ସ୍ସୁଵଃ॑ । ମୟି॒ ତ୍ୟଦି॑ନ୍ଦ୍ରି॒ୟ-ମ୍ମ॒ହତ୍ । ମୟି॒ ଦକ୍ଷୋ॒ ମୟି॒ କ୍ରତୁଃ॑ । ମୟି॑ ଧାୟି ସୁ॒ଵୀର୍ୟ᳚ମ୍ । ତ୍ରିଶୁ॑ଗ୍ଘ॒ର୍ମୋ ଵିଭା॑ତୁ ମେ । ଆକୂ᳚ତ୍ୟା॒ ମନ॑ସା ସ॒ହ ।
ଵି॒ରାଜା॒ ଜ୍ୟୋତି॑ଷା ସ॒ହ । ୟ॒ଜ୍ଞେନ॒ ପୟ॑ସା ସ॒ହ । ବ୍ରହ୍ମ॑ଣା॒ ତେଜ॑ସା ସ॒ହ । କ୍ଷ॒ତ୍ରେଣ॒ ୟଶ॑ସା ସ॒ହ । ସ॒ତ୍ୟେନ॒ ତପ॑ସା ସ॒ହ । ତସ୍ୟ॒ ଦୋହ॑ମଶୀମହି ।
ତସ୍ୟ॑ ସୁ॒ମ୍ନମ॑ଶୀମହି । ତସ୍ୟ॑ ଭ॒କ୍ଷମ॑ଶୀମହି ।
ତସ୍ୟ॑ ତ॒ ଇନ୍ଦ୍ରେ॑ଣ ପୀ॒ତସ୍ୟ॒ ମଧୁ॑ମତଃ ।
ଉପ॑ହୂତ॒ସ୍ୟୋପ॑ହୂତୋ ଭକ୍ଷୟାମି ॥ 62 ॥
(ୟଶ॑ସା ସ॒ହ ଷଟ୍ଚ॑) (ଅ. 21)
ଅନୁଵାକଂ 22
ୟାସ୍ତେ॑ ଅଗ୍ନେ ଘୋ॒ରାସ୍ତ॒ନୁଵଃ॑ । କ୍ଷୁଚ୍ଚ॒ ତୃଷ୍ଣା॑ ଚ । ଅସ୍ନୁ॒କ୍ଚାନା॑ହୁତିଶ୍ଚ । ଅ॒ଶ॒ନ॒ୟା ଚ॑ ପିପା॒ସା ଚ॑ । ସେ॒ଦିଶ୍ଚାମ॑ତିଶ୍ଚ । ଏ॒ତାସ୍ତେ॑ ଅଗ୍ନେ ଘୋ॒ରାସ୍ତ॒ନୁଵଃ॑ ।
ତାଭି॑ର॒ମୁଙ୍ଗ॑ଚ୍ଛ । ୟୋ᳚-ଽସ୍ମା-ନ୍ଦ୍ଵେଷ୍ଟି॑ ।
ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥ 63 ॥ (ଅ. 22)
ଅନୁଵାକଂ 23
ସ୍ନିକ୍ଚ॒ ସ୍ନୀହି॑ତିଶ୍ଚ॒ ସ୍ନିହି॑ତିଶ୍ଚ । ଉ॒ଷ୍ଣା ଚ॑ ଶୀ॒ତା ଚ॑ ।
ଉ॒ଗ୍ରା ଚ॑ ଭୀ॒ମା ଚ॑ । ସ॒ଦାମ୍ନୀ॑ ସେ॒ଦିରନି॑ରା । ଏ॒ତାସ୍ତେ॑ ଅଗ୍ନେ ଘୋ॒ରାସ୍ତ॒ନୁଵଃ॑ । ତାଭି॑ର॒ମୁଙ୍ଗ॑ଚ୍ଛ । ୟୋ᳚-ଽସ୍ମା-ନ୍ଦ୍ଵେଷ୍ଟି॑ । ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥ 64 ॥ (ଅ. 23)
ଅନୁଵାକଂ 24
ଧୁନି॑ଶ୍ଚ ଧ୍ଵା॒ନ୍ତଶ୍ଚ॑ ଧ୍ଵ॒ନଶ୍ଚ॑ ଧ୍ଵ॒ନୟଗ୍ଗ୍॑ଶ୍ଚ ।
ନି॒ଲି॒ମ୍ପଶ୍ଚ॑ ଵିଲି॒ମ୍ପଶ୍ଚ॑ ଵିକ୍ଷି॒ପଃ ॥ 65 ॥ (ଅ. 24)
ଅନୁଵାକଂ 25
ଉ॒ଗ୍ରଶ୍ଚ॒ ଧୁନି॑ଶ୍ଚ ଧ୍ଵା॒ନ୍ତଶ୍ଚ॑ ଧ୍ଵ॒ନଶ୍ଚ॑ ଧ୍ଵ॒ନୟଗ୍ଗ୍॑ଶ୍ଚ । ସ॒ହ॒ସ॒ହ୍ଵାଗ୍ଶ୍ଚ॒ ସହ॑ମାନଶ୍ଚ॒ ସହ॑ସ୍ଵାଗ୍ଶ୍ଚ॒ ସହୀ॑ୟାଗ୍ଶ୍ଚ ।
ଏତ୍ୟ॒ ପ୍ରେତ୍ୟ॑ ଵିକ୍ଷି॒ପଃ ॥ 66 ॥ (ଅ. 25)
ଅନୁଵାକଂ 26
ଅ॒ହୋ॒ରା॒ତ୍ରେ ତ୍ଵୋଦୀ॑ରୟତାମ୍ । ଅ॒ର୍ଧ॒ମା॒ସାସ୍ତ୍ଵୋଦୀ᳚-ଞ୍ଜୟନ୍ତୁ । ମାସା᳚ସ୍ତ୍ଵା ଶ୍ରପୟନ୍ତୁ । ଋ॒ତଵ॑ସ୍ତ୍ଵା ପଚନ୍ତୁ ।
ସଂ॒ଵଁ॒ଥ୍ସ॒ରସ୍ତ୍ଵା॑ ହନ୍ତ୍ଵସୌ ॥ 67 ॥ (ଅ. 26)
ଅନୁଵାକଂ 27
ଖଟ୍ ଫ-ଡ୍ଜ॒ହି । ଛି॒ନ୍ଧୀ ଭି॒ନ୍ଧୀ ହ॒ନ୍ଧୀ କଟ୍ ।
ଇତି॒ ଵାଚଃ॑ କ୍ରୂରା॒ଣି ॥ 68 ॥ (ଅ. 27)
ଅନୁଵାକଂ 28
ଵିଗା ଇ॑ନ୍ଦ୍ର ଵି॒ଚର᳚ନ୍-ଥ୍ସ୍ପାଶୟସ୍ଵ । ସ୍ଵ॒ପନ୍ତ॑ମିନ୍ଦ୍ର ପଶୁ॒ମନ୍ତ॑ମିଚ୍ଛ । ଵଜ୍ରେ॑ଣା॒ମୁ-ମ୍ବୋ॑ଧୟ ଦୁର୍ଵି॒ଦତ୍ର᳚ମ୍ । ସ୍ଵ॒ପ॒ତୋ᳚-ଽସ୍ୟ॒ ପ୍ରହ॑ର॒ ଭୋଜ॑ନେଭ୍ୟଃ ॥
ଅଗ୍ନେ॑ ଅ॒ଗ୍ନିନା॒ ସଂଵଁ॑ଦସ୍ଵ । ମୃତ୍ୟୋ॑ ମୃ॒ତ୍ୟୁନା॒ ସଂଵଁ॑ଦସ୍ଵ । ନମ॑ସ୍ତେ ଅସ୍ତୁ ଭଗଵଃ ॥ ସ॒କୃତ୍ତେ॑ ଅଗ୍ନେ॒ ନମଃ॑ । ଦ୍ଵିସ୍ତେ॒ ନମଃ॑ । ତ୍ରିସ୍ତେ॒ ନମଃ॑ । ଚ॒ତୁସ୍ତେ॒ ନମଃ॑ । ପ॒ଞ୍ଚ॒କୃତ୍ଵ॑ସ୍ତେ॒ ନମଃ॑ ।
ଦ॒ଶ॒କୃତ୍ଵ॑ସ୍ତେ॒ ନମଃ॑ । ଶ॒ତ॒କୃତ୍ଵ॑ସ୍ତେ॒ ନମଃ॑ । ଆ॒ସ॒ହ॒ସ୍ର॒କୃତ୍ଵ॑ସ୍ତେ॒ ନମଃ॑ । ଅ॒ପ॒ରି॒ମି॒ତ॒କୃତ୍ଵ॑ସ୍ତେ॒ ନମଃ॑ । ନମ॑ସ୍ତେ ଅସ୍ତୁ॒ ମା ମା॑ ହିଗ୍ମ୍ସୀଃ ॥ 69 ॥
(ତ୍ରିସ୍ତେ॒ ନମ॑-ସ୍ସ॒ପ୍ତ ଚ॑) (ଅ. 28)
ଅନୁଵାକଂ 29
ଅସୃ॑-ନ୍ମୁଖୋ ରୁଧି॒ରେଣା॒ଵ୍ୟ॑କ୍ତଃ । ୟ॒ମସ୍ୟ॑ ଦୂ॒ତ-ଶ୍ଶ୍ଵପା॒-ଦ୍ଵିଧା॑ଵସି । ଗୃଦ୍ଧ୍ର॑-ସ୍ସୁପ॒ର୍ଣଃ କୁ॒ଣପ॒ନ୍ନିଷେ॑ଵସେ ।
ୟ॒ମସ୍ୟ॑ ଦୂ॒ତଃ ପ୍ରହି॑ତୋ ଭ॒ଵସ୍ୟ॑ ଚୋ॒ଭୟୋଃ᳚ ॥ 70 ॥ (ଅ. 29)
ଅନୁଵାକଂ 30
ୟଦେ॒ତ-ଦ୍ଵୃ॑କ॒ସୋ ଭୂ॒ତ୍ଵା । ଵାଗ୍ ଦେ᳚ଵ୍ୟଭି॒ରାୟ॑ସି । ଦ୍ଵି॒ଷନ୍ତ॑-ମ୍ମେ॒-ଽଭିରା॑ୟ । ତ-ମ୍ମୃ॑ତ୍ୟୋ ମୃ॒ତ୍ୟଵେ॑ ନୟ । ସ ଆର୍ତ୍ୟା-ଽଽର୍ତି॒ମାର୍ଚ୍ଛ॑ତୁ ॥ 71 ॥ (ଅ. 30)
ଅନୁଵାକଂ 31
ୟଦୀ॑ଷି॒ତୋ ୟଦି॑ ଵା ସ୍ଵକା॒ମୀ । ଭ॒ୟେଡ॑କୋ॒ ଵଦ॑ତି॒ ଵାଚ॑ମେ॒ତାମ୍ । ତାମି॑ନ୍ଦ୍ରା॒ଗ୍ନୀ ବ୍ରହ୍ମ॑ଣା ସଂଵିଁଦା॒ନୌ ।
ଶି॒ଵାମ॒ସ୍ମଭ୍ୟ॑-ଙ୍କୃଣୁତଙ୍ଗୃ॒ହେଷୁ॑ ॥ 72 ॥ (ଅ. 31)
ଅନୁଵାକଂ 32
ଦୀର୍ଘ॑ମୁଖି॒ ଦୁର୍ହ॑ଣୁ । ମା ସ୍ମ॑ ଦକ୍ଷିଣ॒ତୋ ଵ॑ଦଃ ।
ୟଦି॑ ଦକ୍ଷିଣ॒ତୋ ଵଦା᳚-ଦ୍ଦ୍ଵି॒ଷନ୍ତ॒-ମ୍ମେ-ଽଵ॑ ବାଧାସୈ ॥ 73 ॥ (ଅ. 32)
ଅନୁଵାକଂ 33
ଇ॒ତ୍ଥାଦୁଲୂ॑କ॒ ଆପ॑ପ୍ତତ୍ । ହି॒ର॒ଣ୍ୟା॒କ୍ଷୋ ଅୟୋ॑ମୁଖଃ ।
ରକ୍ଷ॑ସାନ୍ଦୂ॒ତ ଆଗ॑ତଃ । ତମି॒ତୋ ନା॑ଶୟାଗ୍ନେ ॥ 74 ॥ (ଅ. 33)
ଅନୁଵାକଂ 34
ୟଦେ॒ତ-ଦ୍ଭୂ॒ତାନ୍ୟ॑ନ୍ଵା॒ଵିଶ୍ୟ॑ । ଦୈଵୀଂ॒-ଵାଁଚଂ॑-ଵଁ॒ଦସି॑ । ଦ୍ଵି॒ଷତୋ॑ ନଃ॒ ପରା॑ଵଦ । ତା-ନ୍ମୃ॑ତ୍ୟୋ ମୃ॒ତ୍ୟଵେ॑ ନୟ । ତ ଆର୍ତ୍ୟା-ଽଽର୍ତି॒ମାର୍ଚ୍ଛ॑ନ୍ତୁ ।
ଅ॒ଗ୍ନିନା॒-ଽଗ୍ନି-ସ୍ସଂଵଁ॑ଦତାମ୍ ॥ 75 ॥ (ଅ. 34)
ଅନୁଵାକଂ 35
ପ୍ର॒ସାର୍ୟ॑ ସ॒କ୍ଥ୍ୟୌ॑ ପତ॑ସି । ସ॒ଵ୍ୟମକ୍ଷି॑ ନି॒ପେପି॑ ଚ ।
ମେହ କ॑ସ୍ୟଚ॒ନାମ॑ମତ୍ ॥ 76 ॥ (ଅ. 35)
ଅନୁଵାକଂ 36
ଅତ୍ରି॑ଣା ତ୍ଵା କ୍ରିମେ ହନ୍ମି । କଣ୍ଵେ॑ନ ଜ॒ମଦ॑ଗ୍ନିନା ।
ଵି॒ଶ୍ଵାଵ॑ସୋ॒-ର୍ବ୍ରହ୍ମ॑ଣା ହ॒ତଃ । କ୍ରିମୀ॑ଣା॒ଗ୍ମ୍॒ ରାଜା᳚ ।
ଅପ୍ୟେ॑ଷାଗ୍ ସ୍ଥ॒ପତି॑ର୍ହ॒ତଃ । ଅଥୋ॑ ମା॒ତା-ଽଥୋ॑ ପି॒ତା ।
ଅଥୋ᳚ ସ୍ଥୂ॒ରା ଅଥୋ᳚ କ୍ଷୁ॒ଦ୍ରାଃ । ଅଥୋ॑ କୃ॒ଷ୍ଣା ଅଥୋ᳚ ଶ୍ଵେ॒ତାଃ । ଅଥୋ॑ ଆ॒ଶାତି॑କା ହ॒ତାଃ ।
ଶ୍ଵେ॒ତାଭି॑-ସ୍ସ॒ହ ସର୍ଵେ॑ ହ॒ତାଃ ॥ 77 ॥ (ଅ. 36)
ଅନୁଵାକଂ 37
ଆହ॒ରାଵ॑ଦ୍ୟ । ଶୃ॒ତସ୍ୟ॑ ହ॒ଵିଷୋ॒ ୟଥା᳚ । ତ-ଥ୍ସ॒ତ୍ୟମ୍ ।
ୟଦ॒ମୁଂ-ୟଁ॒ମସ୍ୟ॒ ଜମ୍ଭ॑ୟୋଃ । ଆଦ॑ଧାମି॒ ତଥା॒ ହି ତତ୍ । ଖଣ୍ଫଣ୍ମ୍ରସି॑ ॥ 78 ॥ (ଅ. 37)
ଅନୁଵାକଂ 38
ବ୍ରହ୍ମ॑ଣା ତ୍ଵା ଶପାମି । ବ୍ରହ୍ମ॑ଣସ୍ତ୍ଵା ଶ॒ପଥେ॑ନ ଶପାମି । ଘୋ॒ରେଣ॑ ତ୍ଵା॒ ଭୃଗୂ॑ଣା॒ଞ୍ଚକ୍ଷୁ॑ଷା॒ ପ୍ରେକ୍ଷେ᳚ । ରୌ॒ଦ୍ରେଣ॒ ତ୍ଵାଙ୍ଗି॑ରସା॒-ମ୍ମନ॑ସା ଧ୍ୟାୟାମି ।
ଅ॒ଘସ୍ୟ॑ ତ୍ଵା॒ ଧାର॑ୟା ଵିଦ୍ଧ୍ୟାମି ।
ଅଧ॑ରୋ॒ ମ-ତ୍ପ॑ଦ୍ୟସ୍ଵାସୌ ॥ 79 ॥ (ଅ. 38)
ଅନୁଵାକଂ 39
ଉତ୍ତୁ॑ଦ ଶିମିଜାଵରି । ତଲ୍ପେ॑ଜେ॒ ତଲ୍ପ॒ ଉତ୍ତୁ॑ଦ । ଗି॒ରୀଗ୍ମ୍ ରନୁ॒ ପ୍ରଵେ॑ଶୟ । ମରୀ॑ଚୀ॒ରୁପ॒ ସନ୍ନୁ॑ଦ ।
ୟାଵ॑ଦି॒ତଃ ପୁ॒ରସ୍ତା॑ଦୁ॒ଦୟା॑ତି॒ ସୂର୍ୟଃ॑ ।
ତାଵ॑ଦି॒ତୋ॑-ଽମୁନ୍ନା॑ଶୟ । ୟୋ᳚-ଽସ୍ମା-ନ୍ଦ୍ଵେଷ୍ଟି॑ ।
ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥ 80 ॥ (ଅ. 39)
ଅନୁଵାକଂ 40
ଭୂର୍ଭୁଵ॒ସ୍ସୁଵୋ॒ ଭୂର୍ଭୁଵ॒ସ୍ସୁଵୋ॒ ଭୂର୍ଭୁଵ॒ସ୍ସୁଵଃ॑ ।
ଭୁଵୋ᳚-ଽଦ୍ଧାୟି॒ ଭୁଵୋ᳚-ଽଦ୍ଧାୟି॒ ଭୁଵୋ᳚-ଽଦ୍ଧାୟି ।
ନୃ॒ମ୍ଣାୟି ନୃ॒ମ୍ଣ-ନ୍ନୃ॒ମ୍ଣାୟି ନୃ॒ମ୍ଣ-ନ୍ନୃ॒ମ୍ଣାୟି ନୃ॒ମ୍ଣମ୍ । ନି॒ଧା ୟ୍ୟୋ॑-ଽଵାୟି ନି॒ଧା ୟ୍ୟୋ॑-ଽଵାୟି ନି॒ଧା ୟ୍ୟୋ॑-ଽଵାୟି । ଏ ଅ॒ସ୍ମେ ଅ॒ସ୍ମେ । ସୁଵ॒ର୍ନ ଜ୍ୟୋତୀଃ᳚ ॥ 81 ॥ (ଅ. 40)
ଅନୁଵାକଂ 41
ପୃ॒ଥି॒ଵୀ ସ॒ମିତ୍ । ତାମ॒ଗ୍ନି-ସ୍ସମି॑ନ୍ଧେ । ସା-ଽଗ୍ନିଗ୍ମ୍ ସମି॑ନ୍ଧେ । ତାମ॒ହଗ୍ମ୍ ସମି॑ନ୍ଧେ । ସା ମା॒ ସମି॑ଦ୍ଧା । ଆୟୁ॑ଷା॒ ତେଜ॑ସା । ଵର୍ଚ॑ସା ଶ୍ରି॒ୟା । ୟଶ॑ସା ବ୍ରହ୍ମଵର୍ଚ॒ସେନ॑ । ଅ॒ନ୍ନାଦ୍ୟେ॑ନ॒ ସମି॑ନ୍ତା॒ଗ୍॒ ସ୍ଵାହା᳚ ॥
ଅ॒ନ୍ତରି॑କ୍ଷଗ୍ମ୍ ସ॒ମିତ୍ ॥ 82 ॥
ତାଂ-ଵାଁ॒ୟୁ-ସ୍ସମି॑ନ୍ଧେ । ସା ଵା॒ୟୁଗ୍ମ୍ ସମି॑ନ୍ଧେ । ତାମ॒ହଗ୍ମ୍ ସମି॑ନ୍ଧେ । ସା ମା॒ ସମି॑ଦ୍ଧା । ଆୟୁ॑ଷା॒ ତେଜ॑ସା । ଵର୍ଚ॑ସା ଶ୍ରି॒ୟା । ୟଶ॑ସା ବ୍ରହ୍ମଵର୍ଚ॒ସେନ॑ । ଅ॒ନ୍ନାଦ୍ୟେ॑ନ॒ ସମି॑ନ୍ତା॒ଗ୍॒ ସ୍ଵାହା᳚ ।
ଦ୍ୟୌ-ସ୍ସ॒ମିତ୍ । ତାମା॑ଦି॒ତ୍ୟ-ସ୍ସମି॑ନ୍ଧେ ॥ 83 ॥
ସା-ଽଽଦି॒ତ୍ୟଗ୍ମ୍ ସମି॑ନ୍ଧେ । ତାମ॒ହଗ୍ମ୍ ସମି॑ନ୍ଧେ । ସା ମା॒ ସମି॑ଦ୍ଧା । ଆୟୁ॑ଷା॒ ତେଜ॑ସା । ଵର୍ଚ॑ସା ଶ୍ରି॒ୟା । ୟଶ॑ସା ବ୍ରହ୍ମଵର୍ଚ॒ସେନ॑ । ଅ॒ନ୍ନାଦ୍ୟେ॑ନ॒ ସମି॑ନ୍ତା॒ଗ୍॒ ସ୍ଵାହା᳚ ॥ ପ୍ରା॒ଜା॒ପ॒ତ୍ୟା ମେ॑ ସ॒ମିଦ॑ସି ସପତ୍ନ॒କ୍ଷୟ॑ଣୀ ।
ଭ୍ରା॒ତୃ॒ଵ୍ୟ॒ହା ମେ॑-ଽସି॒ ସ୍ଵାହା᳚ ॥ ଅଗ୍ନେ᳚ ଵ୍ରତପତେ ଵ୍ର॒ତଞ୍ଚ॑ରିଷ୍ୟାମି ॥ 84 ॥
ତଚ୍ଛ॑କେୟ॒-ନ୍ତନ୍ମେ॑ ରାଦ୍ଧ୍ୟତାମ୍ । ଵାୟୋ᳚ ଵ୍ରତପତ॒ ଆଦି॑ତ୍ୟ ଵ୍ରତପତେ । ଵ୍ର॒ତାନାଂ᳚-ଵ୍ରଁତପତେ ଵ୍ର॒ତଞ୍ଚ॑ରିଷ୍ୟାମି । ତଚ୍ଛ॑କେୟ॒-ନ୍ତନ୍ମେ॑ ରାଦ୍ଧ୍ୟତାମ୍ ॥ ଦ୍ୟୌ-ସ୍ସ॒ମିତ୍ । ତାମା॑ଦି॒ତ୍ୟ-ସ୍ସମି॑ନ୍ଧେ । ସା-ଽଽଦି॒ତ୍ୟଗ୍ମ୍ ସମି॑ନ୍ଧେ ।
ତାମ॒ହଗ୍ମ୍ ସମି॑ନ୍ଧେ । ସା ମା॒ ସମି॑ଦ୍ଧା । ଆୟୁ॑ଷା॒ ତେଜ॑ସା ॥ 85 ॥
ଵର୍ଚ॑ସା ଶ୍ରି॒ୟା । ୟଶ॑ସା ବ୍ରହ୍ମଵର୍ଚ॒ସେନ॑ । ଅ॒ନ୍ନାଦ୍ୟେ॑ନ॒ ସମି॑ନ୍ତା॒ଗ୍॒ ସ୍ଵାହା᳚ ।
ଅ॒ନ୍ତରି॑କ୍ଷଗ୍ମ୍ ସ॒ମିତ୍ । ତାଂ-ଵାଁ॒ୟୁ-ସ୍ସମି॑ନ୍ଧେ । ସା ଵା॒ୟୁଗ୍ମ୍ ସମି॑ନ୍ଧେ । ତାମ॒ହଗ୍ମ୍ ସମି॑ନ୍ଧେ । ସା ମା॒ ସମି॑ଦ୍ଧା । ଆୟୁ॑ଷା॒ ତେଜ॑ସା । ଵର୍ଚ॑ସା ଶ୍ରି॒ୟା ॥ 86 ॥
ୟଶ॑ସା ବ୍ରହ୍ମଵର୍ଚ॒ସେନ॑ । ଅ॒ନ୍ନାଦ୍ୟେ॑ନ॒ ସମି॑ନ୍ତା॒ଗ୍॒ ସ୍ଵାହା᳚ । ପୃ॒ଥି॒ଵୀ ସ॒ମିତ୍ । ତାମ॒ଗ୍ନି-ସ୍ସମି॑ନ୍ଧେ । ସା-ଽଗ୍ନିଗ୍ମ୍ ସମି॑ନ୍ଧେ । ତାମ॒ହଗ୍ମ୍ ସମି॑ନ୍ଧେ ।
ସା ମା॒ ସମି॑ଦ୍ଧା । ଆୟୁ॑ଷା॒ ତେଜ॑ସା । ଵର୍ଚ॑ସା ଶ୍ରି॒ୟା ।
ୟଶ॑ସା ବ୍ରହ୍ମଵର୍ଚ॒ସେନ॑ ॥ 87 ॥
ଅ॒ନ୍ନାଦ୍ୟେ॑ନ॒ ସମି॑ନ୍ତା॒ଗ୍॒ ସ୍ଵାହା᳚ । ପ୍ରା॒ଜା॒ପ॒ତ୍ୟା ମେ॑ ସ॒ମିଦ॑ସି ସପତ୍ନ॒କ୍ଷୟ॑ଣୀ । ଭ୍ରା॒ତୃ॒ଵ୍ୟ॒ହା ମେ॑-ଽସି॒ ସ୍ଵାହା᳚ । ଆଦି॑ତ୍ୟ ଵ୍ରତପତେ ଵ୍ର॒ତମ॑ଚାରିଷମ୍ ।
ତଦ॑ଶକ॒-ନ୍ତନ୍ମେ॑-ଽରାଧି । ଵାୟୋ᳚ ଵ୍ରତପ॒ତେ-ଽଗ୍ନେ᳚ ଵ୍ରତପତେ । ଵ୍ର॒ତାନାଂ᳚-ଵ୍ରଁତପତେ ଵ୍ର॒ତମ॑ଚାରିଷମ୍ । ତଦ॑ଶକ॒-ନ୍ତନ୍ମେ॑-ଽରାଧି ॥ 88 ॥
(ସ॒ମିଥ୍ - ସମି॑ନ୍ଧେ - ଵ୍ର॒ତଞ୍ଚ॑ରିଷ୍ୟା॒ - ମ୍ୟାୟୁ॑ଷା॒ ତେଜ॑ସା॒ - ଵର୍ଚ॑ସା ଶ୍ରି॒ୟା - ୟଶ॑ସା ବ୍ରହ୍ମଵର୍ଚ॒ସେନା॒ - +ଷ୍ଟୌ ଚ॑) (ଅ. 41)
ଅନୁଵାକଂ 42
ଶନ୍ନୋ॒ ଵାତଃ॑ ପଵତା-ମ୍ମାତ॒ରିଶ୍ଵା॒ ଶନ୍ନ॑ସ୍ତପତୁ॒ ସୂର୍ୟଃ॑ । ଅହା॑ନି॒ ଶ-ମ୍ଭ॑ଵନ୍ତୁ ନ॒-ଶ୍ଶଗ୍ମ୍ ରାତ୍ରିଃ॒ ପ୍ରତି॑ଧୀୟତାମ୍ ॥ ଶମୁ॒ଷା ନୋ॒ ଵ୍ୟୁ॑ଚ୍ଛତୁ॒ ଶମା॑ଦି॒ତ୍ୟ ଉଦେ॑ତୁ ନଃ । ଶି॒ଵା ନ॒-ଶ୍ଶନ୍ତ॑ମା ଭଵ ସୁମୃଡୀ॒କା ସର॑ସ୍ଵତି । ମା ତେ॒ ଵ୍ୟୋ॑ମ ସ॒ନ୍ଦୃଶି॑ ॥
ଇଡା॑ୟୈ॒ ଵାସ୍ତ୍ଵ॑ସି ଵାସ୍ତୁ॒ମ-ଦ୍ଵା᳚ସ୍ତୁ॒ମନ୍ତୋ॑ ଭୂୟାସ୍ମ॒ ମା ଵାସ୍ତୋ᳚-ଶ୍ଛିଥ୍ସ୍ମହ୍ୟ ଵା॒ସ୍ତୁ-ସ୍ସ ଭୂ॑ୟା॒-ଦ୍ୟୋ᳚-ଽସ୍ମା-ନ୍ଦ୍ଵେଷ୍ଟି॒ ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥
ପ୍ର॒ତି॒ଷ୍ଠା-ଽସି॑ ପ୍ରତି॒ଷ୍ଠାଵ॑ନ୍ତୋ ଭୂୟାସ୍ମ॒ ମା ପ୍ର॑ତି॒ଷ୍ଠାୟା᳚- ଶ୍ଛିଥ୍ସ୍ମହ୍ୟ ପ୍ରତି॒ଷ୍ଠଃ
ସ ଭୂ॑ୟା॒-ଦ୍ୟୋ᳚-ଽସ୍ମା-ନ୍ଦ୍ଵେଷ୍ଟି॒ ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥ ଆ ଵା॑ତ ଵାହି ଭେଷ॒ଜମ୍ ଁଵି ଵା॑ତ ଵାହି॒ ୟଦ୍ରପଃ॑ ।
ତ୍ଵଗ୍ମ୍ ହି ଵି॒ଶ୍ଵଭେ॑ଷଜୋ ଦେ॒ଵାନା᳚-ନ୍ଦୂ॒ତ ଈୟ॑ସେ ॥
ଦ୍ଵାଵି॒ମୌ ଵାତୌ॑ ଵାତ॒ ଆ ସିନ୍ଧା॒ରା ପ॑ରା॒ଵତଃ॑ ॥ 89 ॥
ଦକ୍ଷ॑-ମ୍ମେ ଅ॒ନ୍ୟ ଆ॒ଵାତୁ॒ ପରା॒-ଽନ୍ୟୋ ଵା॑ତୁ॒ ୟ-ଦ୍ରପଃ॑ ॥
ୟଦ॒ଦୋ ଵା॑ତ ତେ ଗୃ॒ହେ॑-ଽମୃତ॑ସ୍ୟ ନି॒ଧିର୍ହି॒ତଃ ।
ତତୋ॑ ନୋ ଦେହି ଜୀ॒ଵସେ॒ ତତୋ॑ ନୋ ଧେହି ଭେଷ॒ଜମ୍ ॥
ତତୋ॑ ନୋ॒ ମହ॒ ଆଵ॑ହ॒ ଵାତ॒ ଆଵା॑ତୁ ଭେଷ॒ଜମ୍ ।
ଶ॒ମ୍ଭୂ-ର୍ମ॑ୟୋ॒ଭୂର୍ନୋ॑ ହୃ॒ଦେ ପ୍ର ଣ॒ ଆୟୂଗ୍ମ୍॑ଷି ତାରିଷତ୍ ॥ ଇନ୍ଦ୍ର॑ସ୍ୟ ଗୃ॒ହୋ॑-ଽସି॒ ତ-ନ୍ତ୍ଵା॒ ପ୍ରପ॑ଦ୍ୟେ॒ ସଗୁ॒ସ୍ସାଶ୍ଵଃ॑ । ସ॒ହ ୟନ୍ମେ॒ ଅସ୍ତି॒ ତେନ॑ ॥
ଭୂଃ ପ୍ରପ॑ଦ୍ୟେ॒ ଭୁଵଃ॒ ପ୍ରପ॑ଦ୍ୟେ॒ ସୁଵଃ॒ ପ୍ରପ॑ଦ୍ୟେ॒ ଭୂର୍ଭୁଵ॒ସ୍ସୁଵଃ॒ ପ୍ରପ॑ଦ୍ୟେ ଵା॒ୟୁମ୍
ପ୍ରପ॒ଦ୍ୟେ-ଽନା᳚ର୍ତା-ନ୍ଦେ॒ଵତା॒-ମ୍ପ୍ରପ॒ଦ୍ୟେ ଽଶ୍ମା॑ନମାଖ॒ଣ-ମ୍ପ୍ରପ॑ଦ୍ୟେ ପ୍ର॒ଜାପ॑ତେର୍
ବ୍ରହ୍ମକୋ॒ଶ-ମ୍ବ୍ରହ୍ମ॒ ପ୍ରପ॑ଦ୍ୟ॒ ଓ-ମ୍ପ୍ରପ॑ଦ୍ୟେ ॥
ଅ॒ନ୍ତରି॑କ୍ଷ-ମ୍ମ ଉ॒ର୍ଵ॑ନ୍ତର॑-ମ୍ବୃ॒ହଦ॒ଗ୍ନୟଃ॒ ପର୍ଵ॑ତାଶ୍ଚ॒ ୟୟା॒ ଵାତ॑-ସ୍ସ୍ଵ॒ସ୍ତ୍ୟା ସ୍ଵ॑ସ୍ତି॒ମାନ୍ତୟା᳚ ସ୍ଵ॒ସ୍ତ୍ୟା ସ୍ଵ॑ସ୍ତି॒ ମାନ॑ସାନି ॥
ପ୍ରାଣା॑ପାନୌ ମୃ॒ତ୍ୟୋର୍ମା॑ ପାତ॒-ମ୍ପ୍ରାଣା॑ପାନୌ॒ ମା ମା॑ ହାସିଷ୍ଟ॒-ମ୍ମୟି॑ ମେ॒ଧା-ମ୍ମୟି॑ ପ୍ର॒ଜା-ମ୍ମୟ୍ୟ॒ଗ୍ନି ସ୍ତେଜୋ॑ ଦଧାତୁ॒ ମୟି॑ ମେ॒ଧା-ମ୍ମୟି॑ ପ୍ର॒ଜା-ମ୍ମୟୀନ୍ଦ୍ର॑ ଇନ୍ଦ୍ରି॒ୟ-ନ୍ଦ॑ଧାତୁ॒ ମୟି॑ ମେ॒ଧା-ମ୍ମୟି॑ ପ୍ର॒ଜା-ମ୍ମୟି॒ ସୂର୍ୟୋ॒
ଭ୍ରାଜୋ॑ ଦଧାତୁ ॥ 90 ॥
ଦ୍ୟୁ॒ଭିର॒କ୍ତୁଭିଃ॒ ପରି॑ପାତ-ମ॒ସ୍ମାନରି॑ଷ୍ଟେଭି-ରଶ୍ଵିନା॒ ସୌଭ॑ଗେଭିଃ । ତନ୍ନୋ॑ ମି॒ତ୍ରୋ ଵରୁ॑ଣୋ ମାମହନ୍ତା॒ ମଦି॑ତି॒-ସ୍ସିନ୍ଧୁଃ॑ ପୃଥି॒ଵୀ ଉ॒ତ ଦ୍ୟୌଃ ॥
କୟା॑ ନଶ୍ଚି॒ତ୍ର ଆଭୁ॑ଵଦୂ॒ତୀ ସ॒ଦାଵୃ॑ଧ॒-ସ୍ସଖା᳚ । କୟା॒ ଶଚି॑ଷ୍ଠୟା ଵୃ॒ତା ॥ କସ୍ତ୍ଵା॑ ସ॒ତ୍ୟୋ ମଦା॑ନା॒-ମ୍ମଗ୍ମ୍ହି॑ଷ୍ଠୋ ମଥ୍ସ॒ଦନ୍ଧ॑ସଃ ।
ଦୃ॒ଢା ଚି॑ଦା॒ରୁଜେ॒ ଵସୁ॑ ॥ ଅ॒ଭୀ ଷୁ ଣ॒-ସ୍ସଖୀ॑ନାମଵି॒ତା ଜ॑ରିତୄ॒ଣାମ୍ । ଶ॒ତ-ମ୍ଭ॑ଵାସ୍ୟୂ॒ତିଭିଃ॑ ॥
ଵୟ॑-ସ୍ସୁପ॒ର୍ଣା ଉପ॑ସେଦୁ॒ରିନ୍ଦ୍ର॑-ମ୍ପ୍ରି॒ୟମେ॑ଧା॒ ଋଷ॑ୟୋ॒ ନାଧ॑ମାନାଃ ।
ଅପ॑ ଧ୍ଵା॒ନ୍ତମୂ᳚ର୍ଣୁ॒ହି ପୂ॒ର୍ଧି ଚକ୍ଷୁ॑-ର୍ମୁମୁ॒ଗ୍ଧ୍ୟ॑ସ୍ମା-ନ୍ନି॒ଧୟେ॑ଵ ବ॒ଦ୍ଧାନ୍ ॥ 91 ॥
ଶନ୍ନୋ॑ ଦେ॒ଵୀର॒ଭିଷ୍ଟ॑ୟ॒ ଆପୋ॑ ଭଵନ୍ତୁ ପୀ॒ତୟେ᳚ । ଶଂ-ୟୋଁର॒ଭିସ୍ର॑ଵନ୍ତୁ ନଃ ॥ ଈଶା॑ନା॒ ଵାର୍ୟା॑ଣା॒-ଙ୍କ୍ଷୟ॑ନ୍ତୀଶ୍ଚର୍ଷଣୀ॒ନାମ୍ । ଅ॒ପୋ ୟା॑ଚାମି ଭେଷ॒ଜମ୍ ॥
ସୁ॒ମି॒ତ୍ରା ନ॒ ଆପ॒ ଓଷ॑ଧୟ-ସ୍ସନ୍ତୁ ଦୁର୍ମି॒ତ୍ରାସ୍ତସ୍ମୈ॑ ଭୂୟାସୁ॒-ର୍ୟୋ᳚-ଽସ୍ମାନ୍-ଦ୍ଵେଷ୍ଟି॒ ୟଞ୍ଚ॑ ଵ॒ୟ-ନ୍ଦ୍ଵି॒ଷ୍ମଃ ॥
ଆପୋ॒ ହି ଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ । ମ॒ହେ ରଣା॑ୟ॒ ଚକ୍ଷ॑ସେ ॥ ୟୋ ଵ॑-ଶ୍ଶି॒ଵତ॑ମୋ॒ ରସ॒ସ୍ତସ୍ୟ॑ ଭାଜୟତେ॒ହ ନଃ॑ । ଉ॒ଶ॒ତୀରି॑ଵ ମା॒ତରଃ॑ ॥
ତସ୍ମା॒ ଅର॑-ଙ୍ଗମାମ ଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ॥ 92 ॥
ଆପୋ॑ ଜ॒ନୟ॑ଥା ଚ ନଃ ॥
ପୃ॒ଥି॒ଵୀ ଶା॒ନ୍ତା ସା-ଽଗ୍ନିନା॑ ଶା॒ନ୍ତା ସା ମେ॑ ଶା॒ନ୍ତା ଶୁଚଗ୍ମ୍॑ ଶମୟତୁ ॥ ଅ॒ନ୍ତରି॑କ୍ଷଗ୍ମ୍ ଶା॒ନ୍ତ-ନ୍ତ-ଦ୍ଵା॒ୟୁନା॑ ଶା॒ନ୍ତ-ନ୍ତନ୍ମେ॑ ଶା॒ନ୍ତଗ୍ମ୍ ଶୁଚଗ୍ମ୍॑ ଶମୟତୁ ।
ଦ୍ୟୌ-ଶ୍ଶା॒ନ୍ତା ସା-ଽଽଦି॒ତ୍ୟେନ॑ ଶା॒ନ୍ତା ସା ମେ॑ ଶା॒ନ୍ତା ଶୁଚଗ୍ମ୍॑ ଶମୟତୁ ॥ ପୃ॒ଥି॒ଵୀ ଶାନ୍ତି॑ର॒ନ୍ତରି॑କ୍ଷ॒ଗ୍ମ୍॒ ଶାନ୍ତି॒-ର୍ଦ୍ୟୌ-ଶ୍ଶାନ୍ତି॒-ର୍ଦିଶ॒-ଶ୍ଶାନ୍ତି॑ ରଵାନ୍ତରଦି॒ଶା-ଶ୍ଶାନ୍ତି॑ ର॒ଗ୍ନି-ଶ୍ଶାନ୍ତି॑-ର୍ଵା॒ୟୁ-ଶ୍ଶାନ୍ତି॑ ରାଦି॒ତ୍ୟ-ଶ୍ଶାନ୍ତି॑
ଶ୍ଚ॒ନ୍ଦ୍ରମା॒-ଶ୍ଶାନ୍ତି॒-ର୍ନକ୍ଷ॑ତ୍ରାଣି॒ ଶାନ୍ତି॒ ରାପ॒-ଶ୍ଶାନ୍ତି॒ ରୋଷ॑ଧୟ॒-ଶ୍ଶାନ୍ତି॒-ର୍ଵନ॒ସ୍ପତ॑ୟ॒-ଶ୍ଶାନ୍ତି॒-ର୍ଗୌ-ଶ୍ଶାନ୍ତି॑ ର॒ଜା ଶାନ୍ତି॒ ରଶ୍ଵ॒-ଶ୍ଶାନ୍ତିଃ॒ ପୁରୁ॑ଷ॒-ଶ୍ଶାନ୍ତି॒-ର୍ବ୍ରହ୍ମ॒ ଶାନ୍ତି॑-ର୍ବ୍ରାହ୍ମ॒ଣ-ଶ୍ଶାନ୍ତି॒-ଶ୍ଶାନ୍ତି॑ରେ॒ଵ ଶାନ୍ତି॒-ଶ୍ଶାନ୍ତି॑ର୍ମେ ଅସ୍ତୁ॒ ଶାନ୍ତିଃ॑ ॥
ତୟା॒-ଽହଗ୍ମ୍ ଶା॒ନ୍ତ୍ୟା ସ॑ର୍ଵଶା॒ନ୍ତ୍ୟା ମହ୍ୟ॑-ନ୍ଦ୍ଵି॒ପଦେ॒ ଚତୁ॑ଷ୍ପଦେ ଚ॒ ଶାନ୍ତି॑-ଙ୍କରୋମି॒ ଶାନ୍ତି॑ର୍ମେ ଅସ୍ତୁ॒ ଶାନ୍ତିଃ॑ ॥
ଏହ॒ ଶ୍ରୀଶ୍ଚ॒ ହ୍ରୀଶ୍ଚ॒ ଧୃତି॑ଶ୍ଚ॒ ତପୋ॑ ମେ॒ଧା ପ୍ର॑ତି॒ଷ୍ଠା ଶ୍ର॒ଦ୍ଧା ସ॒ତ୍ୟ-ନ୍ଧର୍ମ॑ଶ୍ଚୈ॒ତାନି॒ ମୋତ୍ତି॑ଷ୍ଠନ୍ତ॒-ମନୂତ୍ତି॑ଷ୍ଠନ୍ତୁ॒ ମା ମା॒ଗ୍॒ ଶ୍ରୀଶ୍ଚ॒ ହ୍ରୀଶ୍ଚ॒ ଧୃତି॑ଶ୍ଚ॒ ତପୋ॑ ମେ॒ଧା ପ୍ର॑ତି॒ଷ୍ଠା ଶ୍ର॒ଦ୍ଧା ସ॒ତ୍ୟ-ନ୍ଧର୍ମ॑ଶ୍ଚୈ॒ତାନି॑ ମା॒ ମା ହା॑ସିଷୁଃ ॥
ଉଦାୟୁ॑ଷା ସ୍ଵା॒ୟୁଷୋଦୋଷ॑ଧୀନା॒ଗ୍ମ୍॒ ରସେ॒ନୋ-ତ୍ପ॒ର୍ଜନ୍ୟ॑ସ୍ୟ॒ ଶୁଷ୍ମେ॒ଣୋଦ॑ସ୍ଥା-ମ॒ମୃତା॒ଗ୍ମ୍॒ ଅନୁ॑ ॥ ତଚ୍ଚକ୍ଷୁ॑-ର୍ଦେ॒ଵହି॑ତ-ମ୍ପୁ॒ରସ୍ତା᳚ ଚ୍ଛୁ॒କ୍ରମୁ॒ଚ୍ଚର॑ତ୍ ।
ପଶ୍ୟେ॑ମ ଶ॒ରଦ॑-ଶ୍ଶ॒ତ-ଞ୍ଜୀଵେ॑ମ ଶ॒ରଦ॑-ଶ୍ଶ॒ତ-ନ୍ନନ୍ଦା॑ମ ଶ॒ରଦ॑-ଶ୍ଶ॒ତ-ମ୍ମୋଦା॑ମ ଶ॒ରଦ॑-ଶ୍ଶ॒ତ-ମ୍ଭଵା॑ମ ଶ॒ରଦ॑-ଶ୍ଶ॒ତଗ୍ମ୍ ଶୃ॒ଣଵା॑ମ ଶ॒ରଦ॑-ଶ୍ଶ॒ତ-ମ୍ପ୍ରବ୍ର॑ଵାମ ଶ॒ରଦ॑-ଶ୍ଶ॒ତ ମଜୀ॑ତା-ସ୍ସ୍ୟାମ ଶ॒ରଦ॑-ଶ୍ଶ॒ତ-ଞ୍ଜ୍ୟୋକ୍ଚ॒ ସୂର୍ୟ॑-ନ୍ଦୃ॒ଶେ ॥ 93 ॥
ୟ ଉଦ॑ଗା-ନ୍ମହ॒ତୋ-ଽର୍ଣଵା᳚-ଦ୍ଵି॒ଭ୍ରାଜ॑ମାନ-ସ୍ସରି॒ରସ୍ୟ॒ ମଦ୍ଧ୍ୟା॒ଥ୍ସ ମା॑ ଵୃଷ॒ଭୋ ଲୋ॑ହିତା॒କ୍ଷ-ସ୍ସୂର୍ୟୋ॑ ଵିପ॒ଶ୍ଚି-ନ୍ମନ॑ସା ପୁନାତୁ ॥ ବ୍ରହ୍ମ॑ଣ॒-ଶ୍ଶ୍ଚୋତ॑ନ୍ୟସି॒ ବ୍ରହ୍ମ॑ଣ ଆ॒ଣୀ ସ୍ଥୋ॒ ବ୍ରହ୍ମ॑ଣ ଆ॒ଵପ॑ନମସି ଧାରି॒ତେୟ-ମ୍ପୃ॑ଥି॒ଵୀ ବ୍ରହ୍ମ॑ଣା ମ॒ହୀ ଧା॑ରି॒ତମେ॑ନେନ ମ॒ହଦ॒ନ୍ତରି॑କ୍ଷ॒-ନ୍ଦିଵ॑-ନ୍ଦାଧାର ପୃଥି॒ଵୀଗ୍ମ୍ ସଦେ॑ଵାଂ॒-ୟଁଦ॒ହଂ-ଵେଁଦ॒ ତଦ॒ହ-ନ୍ଧା॑ରୟାଣି॒ ମା ମଦ୍ଵେଦୋ-ଽଧି॒ ଵିସ୍ର॑ସତ୍ ॥ ମେ॒ଧା॒ମ॒ନୀ॒ଷେ ମା-ଽଽଵି॑ଶତାଗ୍ମ୍ ସ॒ମୀଚୀ॑ ଭୂ॒ତସ୍ୟ॒ ଭଵ୍ୟ॒ସ୍ୟାଵ॑ରୁଦ୍ଧ୍ୟୈ॒ ସର୍ଵ॒ମାୟୁ॑ରୟାଣି॒
ସର୍ଵ॒ମାୟୁ॑ରୟାଣି ॥ ଆ॒ଭି-ର୍ଗୀ॒ର୍ଭି-ର୍ୟଦତୋ॑ ନ ଊ॒ନମାପ୍ୟା॑ୟୟ ହରିଵୋ॒ ଵର୍ଧ॑ମାନଃ ।
ୟ॒ଦା ସ୍ତୋ॒ତୃଭ୍ୟୋ॒ ମହି॑ ଗୋ॒ତ୍ରା ରୁ॒ଜାସି॑ ଭୂୟିଷ୍ଠ॒ଭାଜୋ॒ ଅଧ॑ ତେ ସ୍ୟାମ ॥ ବ୍ରହ୍ମ॒ ପ୍ରାଵା॑ଦିଷ୍ମ॒ ତନ୍ନୋ॒ ମା ହା॑ସୀତ୍ ॥ ଓଂ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥ 94 ॥
(ପ॒ରା॒ଵତୋ॑-ଦଧାତୁ-ବ॒ଦ୍ଧାନ୍-ଜିନ୍ଵ॑ଥ-ଦୃ॒ଶେ-+ସ॒ପ୍ତ ଚ॑) (ଅ. 42)
(ନମୋ॑ - ୟୁ॒ଞ୍ଜତେ॒ - ଵୃଷ୍ଣୋ॒ ଅଶ୍ଵ॑ସ୍ୟ॒ - ବ୍ରହ୍ମ॑-ନ୍ପ୍ରଵ॒ର୍ଗ୍ୟେ॑ଣ॒ - ବ୍ରହ୍ମ॒-ନ୍ପ୍ରଚ॑ରିଷ୍ୟାମୋ॒ - ଦଶ॒ ପ୍ରାଚୀ॒ - ରପ॑ଶ୍ୟଙ୍ଗୋ॒ପାମ୍ - ଦେ॒ଵସ୍ୟ॑ - ସମୁ॒ଦ୍ରା - ୟେ॒ଷେ ପୀ॑ପିହି॒ - ଘର୍ମ॒ ୟା ତେ॑ - ମହୀ॒ନା-ଞ୍ଚ॒ତ୍ଵା - ର୍ୟସ୍କା॒ନ୍॒. - ୟା ପୁ॒ରସ୍ତା᳚-ଥ୍ସ॒ପ୍ତ ସ॑ପ୍ତ - ପ୍ରା॒ଣାୟ॒ ତ୍ରୀଣି॑ - ପୂ॒ଷ୍ଣେ ଚ॒ତ୍ଵା-ର୍ୟୁ - ଦ॒ସ୍ୟୈକା॑ଦଶ॒ - ୟାସ୍ତେ॑ ସ॒ପ୍ତା - ଗ୍ନି-ର୍ଧ୍ରୁ॒ଵସୀଃ॒ ଦୈକା॒ନ୍ନ ଵିଗ୍ମ୍॑ଶତି॒--ର୍ ଭୂରୂ॒ର୍ଧ୍ଵ ସ୍ତ୍ରି॒ଗ୍ମ୍॒ଶତ-ଦ୍- ଭୂ-ର୍ମୟି॒ ଷୋଡ॑ଶ॒ - ୟାସ୍ତେ॑ ଘୋ॒ରା ନଵ॒ - ସ୍ନିକ୍ଚା॒ଷ୍ଟୌ - ଧୁନି॑ଶ୍ଚ॒ ଦ୍ଵେ - ଉ॒ଗ୍ରଶ୍ଚ॒ ତ୍ରୀଣ୍ୟ॑ - ହୋରା॒ତ୍ରେ ପଞ୍ଚ॒ - ଖ-ଟ୍ତ୍ରୀଣି॒ - ଵିଗା-ସ୍ସ॒ପ୍ତଦ॒ଶା - ସୃ॑-ନ୍ମୁଖ-ଶ୍ଚ॒ତ୍ଵାରି॒ - ୟଦେ॒ତ-ଦ୍ଵୃ॑କ॒ସଃ ପଞ୍ଚ॒ - ୟଦୀ॑ଷି॒ତ ଶ୍ଚ॒ତ୍ଵାରି॒ - ଦୀର୍ଘ॑ମୁଖି॒ ତ୍ରୀଣୀ॒ - ତ୍ଥା ଚ୍ଚ॒ତ୍ଵାରି॒ - ୟଦେ॒ତ-ଦ୍ଭୂ॒ତାନି॒ ଷଟ୍ - ପ୍ର॒ସାର୍ୟ॒ ତ୍ରୀଣ୍ୟ - ତ୍ରି॑ଣା॒ ଦଶା- ହ॒ରାଵ॑ଦ୍ୟ॒ - ବ୍ରହ୍ମ॑ଣା॒ ଷଟ୍-ଥ୍ଷଡ୍ - ଉତ୍ତୁ॑ଦା॒ଷ୍ଟୌ - ଭୂ-ଷ୍ଷଟ୍ - ପୃ॑ଥି॒ଵ୍ୟ॑ଷ୍ଟ ଷ॑ଷ୍ଟିଃ॒ - ଶନ୍ନ॑-ସ୍ସ॒ପ୍ତପ॑ଞ୍ଚା॒ଶ-ଦ୍ଦ୍ଵିଚ॑ତ୍ଵାରିଗ୍ମ୍ଶତ୍ )
(ନମୋ॑ ଵା॒ଚେ - ବ୍ରହ୍ମ॑-ନ୍ପ୍ରଵ॒ର୍ଗ୍ୟେ॑ଣ॒ - ମୟି॒ ରୁ - ଗ॒ନ୍ତରି॑କ୍ଷେଣ - ପି॒ତା ନୋ॑-ଽସି - ମହୀ॒ନା - ମୁପ॑ ନୋ॒ - ୟଦେ॒ତ-ଦ୍- ଭୂ--ର୍ ଦ୍ୟୂ॒ଭି ଶ୍ଚତୁ॑-ର୍ନଵତିଃ)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ଆରଣ୍ୟକେ ଚତୁର୍ଥଃ ପ୍ରପାଠକ-ସ୍ସମାପ୍ତଃ ॥
