Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌸𑍁𑌪𑍍𑌰𑌭𑌾𑌤𑌮𑍍

𑌕𑍌𑌸𑌲𑍍𑌯𑌾 𑌸𑍁𑌪𑍍𑌰𑌜𑌾 𑌰𑌾𑌮 𑌪𑍂𑌰𑍍𑌵𑌾𑌸𑌂𑌧𑍍𑌯𑌾 𑌪𑍍𑌰𑌵𑌰𑍍𑌤𑌤𑍇 ।
𑌉𑌤𑍍𑌤𑌿𑌷𑍍𑌠 𑌨𑌰𑌶𑌾𑌰𑍍𑌦𑍂𑌲 𑌕𑌰𑍍𑌤𑌵𑍍𑌯𑌂 𑌦𑍈𑌵𑌮𑌾𑌹𑍍𑌨𑌿𑌕𑌮𑍍 ॥ 1 ॥

𑌉𑌤𑍍𑌤𑌿𑌷𑍍𑌠𑍋𑌤𑍍𑌤𑌿𑌷𑍍𑌠 𑌗𑍋𑌵𑌿𑌂𑌦 𑌉𑌤𑍍𑌤𑌿𑌷𑍍𑌠 𑌗𑌰𑍁𑌡𑌧𑍍𑌵𑌜 ।
𑌉𑌤𑍍𑌤𑌿𑌷𑍍𑌠 𑌕𑌮𑌲𑌾𑌕𑌾𑌂𑌤 𑌤𑍍𑌰𑍈𑌲𑍋𑌕𑍍𑌯𑌂 𑌮𑌂𑌗𑌳𑌂 𑌕𑍁𑌰𑍁 ॥ 2 ॥

𑌮𑌾𑌤𑌸𑍍𑌸𑌮𑌸𑍍𑌤 𑌜𑌗𑌤𑌾𑌂 𑌮𑌧𑍁𑌕𑍈𑌟𑌭𑌾𑌰𑍇𑌃
𑌵𑌕𑍍𑌷𑍋𑌵𑌿𑌹𑌾𑌰𑌿𑌣𑌿 𑌮𑌨𑍋𑌹𑌰 𑌦𑌿𑌵𑍍𑌯𑌮𑍂𑌰𑍍𑌤𑍇 ।
𑌶𑍍𑌰𑍀𑌸𑍍𑌵𑌾𑌮𑌿𑌨𑌿 𑌶𑍍𑌰𑌿𑌤𑌜𑌨𑌪𑍍𑌰𑌿𑌯 𑌦𑌾𑌨𑌶𑍀𑌲𑍇
𑌶𑍍𑌰𑍀 𑌵𑍇𑌂𑌕𑌟𑍇𑌶 𑌦𑌯𑌿𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 3 ॥

𑌤𑌵 𑌸𑍁𑌪𑍍𑌰𑌭𑌾𑌤𑌮𑌰𑌵𑌿𑌂𑌦 𑌲𑍋𑌚𑌨𑍇
𑌭𑌵𑌤𑍁 𑌪𑍍𑌰𑌸𑌨𑍍𑌨𑌮𑍁𑌖 𑌚𑌂𑌦𑍍𑌰𑌮𑌂𑌡𑌲𑍇 ।
𑌵𑌿𑌧𑌿 𑌶𑌂𑌕𑌰𑍇𑌂𑌦𑍍𑌰 𑌵𑌨𑌿𑌤𑌾𑌭𑌿𑌰𑌰𑍍𑌚𑌿𑌤𑍇
𑌵𑍃𑌶 𑌶𑍈𑌲𑌨𑌾𑌥 𑌦𑌯𑌿𑌤𑍇 𑌦𑌯𑌾𑌨𑌿𑌧𑍇 ॥ 4 ॥

𑌅𑌤𑍍𑌰𑍍𑌯𑌾𑌦𑌿 𑌸𑌪𑍍𑌤 𑌋𑌷𑌯𑌸𑍍𑌸𑌮𑍁𑌪𑌾𑌸𑍍𑌯 𑌸𑌂𑌧𑍍𑌯𑌾𑌂
𑌆𑌕𑌾𑌶 𑌸𑌿𑌂𑌧𑍁 𑌕𑌮𑌲𑌾𑌨𑌿 𑌮𑌨𑍋𑌹𑌰𑌾𑌣𑌿 ।
𑌆𑌦𑌾𑌯 𑌪𑌾𑌦𑌯𑍁𑌗 𑌮𑌰𑍍𑌚𑌯𑌿𑌤𑍁𑌂 𑌪𑍍𑌰𑌪𑌨𑍍𑌨𑌾𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 5 ॥

𑌪𑌂𑌚𑌾𑌨𑌨𑌾𑌬𑍍𑌜 𑌭𑌵 𑌷𑌣𑍍𑌮𑍁𑌖 𑌵𑌾𑌸𑌵𑌾𑌦𑍍𑌯𑌾𑌃
𑌤𑍍𑌰𑍈𑌵𑌿𑌕𑍍𑌰𑌮𑌾𑌦𑌿 𑌚𑌰𑌿𑌤𑌂 𑌵𑌿𑌬𑍁𑌧𑌾𑌃 𑌸𑍍𑌤𑍁𑌵𑌂𑌤𑌿 ।
𑌭𑌾𑌷𑌾𑌪𑌤𑌿𑌃 𑌪𑌠𑌤𑌿 𑌵𑌾𑌸𑌰 𑌶𑍁𑌦𑍍𑌧𑌿 𑌮𑌾𑌰𑌾𑌤𑍍
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 6 ॥

𑌈𑌶𑌤𑍍-𑌪𑍍𑌰𑌫𑍁𑌲𑍍𑌲 𑌸𑌰𑌸𑍀𑌰𑍁𑌹 𑌨𑌾𑌰𑌿𑌕𑍇𑌳
𑌪𑍂𑌗𑌦𑍍𑌰𑍁𑌮𑌾𑌦𑌿 𑌸𑍁𑌮𑌨𑍋𑌹𑌰 𑌪𑌾𑌲𑌿𑌕𑌾𑌨𑌾𑌮𑍍 ।
𑌆𑌵𑌾𑌤𑌿 𑌮𑌂𑌦𑌮𑌨𑌿𑌲𑌃 𑌸𑌹𑌦𑌿𑌵𑍍𑌯 𑌗𑌂𑌧𑍈𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍭 ॥

𑌉𑌨𑍍𑌮𑍀𑌲𑍍𑌯𑌨𑍇𑌤𑍍𑌰 𑌯𑍁𑌗𑌮𑍁𑌤𑍍𑌤𑌮 𑌪𑌂𑌜𑌰𑌸𑍍𑌥𑌾𑌃
𑌪𑌾𑌤𑍍𑌰𑌾𑌵𑌸𑌿𑌷𑍍𑌟 𑌕𑌦𑌲𑍀 𑌫𑌲 𑌪𑌾𑌯𑌸𑌾𑌨𑌿 ।
𑌭𑍁𑌕𑍍𑌤𑍍𑌵𑌾𑌃 𑌸𑌲𑍀𑌲 𑌮𑌥𑌕𑍇𑌳𑌿 𑌶𑍁𑌕𑌾𑌃 𑌪𑌠𑌂𑌤𑌿
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍮 ॥

𑌤𑌂𑌤𑍍𑌰𑍀 𑌪𑍍𑌰𑌕𑌰𑍍𑌷 𑌮𑌧𑍁𑌰 𑌸𑍍𑌵𑌨𑌯𑌾 𑌵𑌿𑌪𑌂𑌚𑍍𑌯𑌾
𑌗𑌾𑌯𑌤𑍍𑌯𑌨𑌂𑌤 𑌚𑌰𑌿𑌤𑌂 𑌤𑌵 𑌨𑌾𑌰𑌦𑍋𑌽𑌪𑌿 ।
𑌭𑌾𑌷𑌾 𑌸𑌮𑌗𑍍𑌰 𑌮𑌸𑌤𑍍-𑌕𑍃𑌤𑌚𑌾𑌰𑍁 𑌰𑌮𑍍𑌯𑌂
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍯 ॥

𑌭𑍃𑌂𑌗𑌾𑌵𑌳𑍀 𑌚 𑌮𑌕𑌰𑌂𑌦 𑌰𑌸𑌾𑌨𑍁 𑌵𑌿𑌦𑍍𑌧
𑌝𑍁𑌂𑌕𑌾𑌰𑌗𑍀𑌤 𑌨𑌿𑌨𑌦𑍈𑌃 𑌸𑌹𑌸𑍇𑌵𑌨𑌾𑌯 ।
𑌨𑌿𑌰𑍍𑌯𑌾𑌤𑍍𑌯𑍁𑌪𑌾𑌂𑌤 𑌸𑌰𑌸𑍀 𑌕𑌮𑌲𑍋𑌦𑌰𑍇𑌭𑍍𑌯𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 10 ॥

𑌯𑍋𑌷𑌾𑌗𑌣𑍇𑌨 𑌵𑌰𑌦𑌧𑍍𑌨𑌿 𑌵𑌿𑌮𑌥𑍍𑌯𑌮𑌾𑌨𑍇
𑌘𑍋𑌷𑌾𑌲𑌯𑍇𑌷𑍁 𑌦𑌧𑌿𑌮𑌂𑌥𑌨 𑌤𑍀𑌵𑍍𑌰𑌘𑍋𑌷𑌾𑌃 ।
𑌰𑍋𑌷𑌾𑌤𑍍𑌕𑌲𑌿𑌂 𑌵𑌿𑌦𑌧𑌤𑍇 𑌕𑌕𑍁𑌭𑌶𑍍𑌚 𑌕𑍁𑌂𑌭𑌾𑌃
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 11 ॥

𑌪𑌦𑍍𑌮𑍇𑌶𑌮𑌿𑌤𑍍𑌰 𑌶𑌤𑌪𑌤𑍍𑌰 𑌗𑌤𑌾𑌳𑌿𑌵𑌰𑍍𑌗𑌾𑌃
𑌹𑌰𑍍𑌤𑍁𑌂 𑌶𑍍𑌰𑌿𑌯𑌂 𑌕𑍁𑌵𑌲𑌯𑌸𑍍𑌯 𑌨𑌿𑌜𑌾𑌂𑌗𑌲𑌕𑍍𑌷𑍍𑌮𑍍𑌯𑌾𑌃 ।
𑌭𑍇𑌰𑍀 𑌨𑌿𑌨𑌾𑌦𑌮𑌿𑌵 𑌭𑌿𑌭𑍍𑌰𑌤𑌿 𑌤𑍀𑌵𑍍𑌰𑌨𑌾𑌦𑌮𑍍
𑌶𑍇𑌷𑌾𑌦𑍍𑌰𑌿 𑌶𑍇𑌖𑌰 𑌵𑌿𑌭𑍋 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 12 ॥

𑌶𑍍𑌰𑍀𑌮𑌨𑍍𑌨𑌭𑍀𑌷𑍍𑌟 𑌵𑌰𑌦𑌾𑌖𑌿𑌲 𑌲𑍋𑌕 𑌬𑌂𑌧𑍋
𑌶𑍍𑌰𑍀 𑌶𑍍𑌰𑍀𑌨𑌿𑌵𑌾𑌸 𑌜𑌗𑌦𑍇𑌕 𑌦𑌯𑍈𑌕 𑌸𑌿𑌂𑌧𑍋 ।
𑌶𑍍𑌰𑍀 𑌦𑍇𑌵𑌤𑌾 𑌗𑍃𑌹 𑌭𑍁𑌜𑌾𑌂𑌤𑌰 𑌦𑌿𑌵𑍍𑌯𑌮𑍂𑌰𑍍𑌤𑍇
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 13 ॥

𑌶𑍍𑌰𑍀 𑌸𑍍𑌵𑌾𑌮𑌿 𑌪𑍁𑌷𑍍𑌕𑌰𑌿𑌣𑌿𑌕𑌾𑌪𑍍𑌲𑌵 𑌨𑌿𑌰𑍍𑌮𑌲𑌾𑌂𑌗𑌾𑌃
𑌶𑍍𑌰𑍇𑌯𑌾𑌰𑍍𑌥𑌿𑌨𑍋 𑌹𑌰𑌵𑌿𑌰𑌿𑌂𑌚𑌿 𑌸𑌨𑌂𑌦𑌨𑌾𑌦𑍍𑌯𑌾𑌃 ।
𑌦𑍍𑌵𑌾𑌰𑍇 𑌵𑌸𑌂𑌤𑌿 𑌵𑌰𑌨𑍇𑌤𑍍𑌰 𑌹𑌤𑍋𑌤𑍍𑌤 𑌮𑌾𑌂𑌗𑌾𑌃
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 14 ॥

𑌶𑍍𑌰𑍀 𑌶𑍇𑌷𑌶𑍈𑌲 𑌗𑌰𑍁𑌡𑌾𑌚𑌲 𑌵𑍇𑌂𑌕𑌟𑌾𑌦𑍍𑌰𑌿
𑌨𑌾𑌰𑌾𑌯𑌣𑌾𑌦𑍍𑌰𑌿 𑌵𑍃𑌷𑌭𑌾𑌦𑍍𑌰𑌿 𑌵𑍃𑌷𑌾𑌦𑍍𑌰𑌿 𑌮𑍁𑌖𑍍𑌯𑌾𑌮𑍍 ।
𑌆𑌖𑍍𑌯𑌾𑌂 𑌤𑍍𑌵𑌦𑍀𑌯 𑌵𑌸𑌤𑍇 𑌰𑌨𑌿𑌶𑌂 𑌵𑌦𑌂𑌤𑌿
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 15 ॥

𑌸𑍇𑌵𑌾𑌪𑌰𑌾𑌃 𑌶𑌿𑌵 𑌸𑍁𑌰𑍇𑌶 𑌕𑍃𑌶𑌾𑌨𑍁𑌧𑌰𑍍𑌮
𑌰𑌕𑍍𑌷𑍋𑌂𑌬𑍁𑌨𑌾𑌥 𑌪𑌵𑌮𑌾𑌨 𑌧𑌨𑌾𑌧𑌿 𑌨𑌾𑌥𑌾𑌃 ।
𑌬𑌦𑍍𑌧𑌾𑌂𑌜𑌲𑌿 𑌪𑍍𑌰𑌵𑌿𑌲𑌸𑌨𑍍𑌨𑌿𑌜 𑌶𑍀𑌰𑍍𑌷𑌦𑍇𑌶𑌾𑌃
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 16 ॥

𑌧𑌾𑌟𑍀𑌷𑍁 𑌤𑍇 𑌵𑌿𑌹𑌗𑌰𑌾𑌜 𑌮𑍃𑌗𑌾𑌧𑌿𑌰𑌾𑌜
𑌨𑌾𑌗𑌾𑌧𑌿𑌰𑌾𑌜 𑌗𑌜𑌰𑌾𑌜 𑌹𑌯𑌾𑌧𑌿𑌰𑌾𑌜𑌾𑌃 ।
𑌸𑍍𑌵𑌸𑍍𑌵𑌾𑌧𑌿𑌕𑌾𑌰 𑌮𑌹𑌿𑌮𑌾𑌧𑌿𑌕 𑌮𑌰𑍍𑌥𑌯𑌂𑌤𑍇
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 1𑍭 ॥

𑌸𑍂𑌰𑍍𑌯𑍇𑌂𑌦𑍁 𑌭𑍌𑌮 𑌬𑍁𑌧𑌵𑌾𑌕𑍍𑌪𑌤𑌿 𑌕𑌾𑌵𑍍𑌯𑌶𑍌𑌰𑌿
𑌸𑍍𑌵𑌰𑍍𑌭𑌾𑌨𑍁𑌕𑍇𑌤𑍁 𑌦𑌿𑌵𑌿𑌶𑌤𑍍-𑌪𑌰𑌿𑌶𑌤𑍍-𑌪𑍍𑌰𑌧𑌾𑌨𑌾𑌃 ।
𑌤𑍍𑌵𑌦𑍍𑌦𑌾𑌸𑌦𑌾𑌸 𑌚𑌰𑌮𑌾𑌵𑌧𑌿 𑌦𑌾𑌸𑌦𑌾𑌸𑌾𑌃
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 1𑍮 ॥

𑌤𑌤𑍍-𑌪𑌾𑌦𑌧𑍂𑌳𑌿 𑌭𑌰𑌿𑌤 𑌸𑍍𑌫𑍁𑌰𑌿𑌤𑍋𑌤𑍍𑌤𑌮𑌾𑌂𑌗𑌾𑌃
𑌸𑍍𑌵𑌰𑍍𑌗𑌾𑌪𑌵𑌰𑍍𑌗 𑌨𑌿𑌰𑌪𑍇𑌕𑍍𑌷 𑌨𑌿𑌜𑌾𑌂𑌤𑌰𑌂𑌗𑌾𑌃 ।
𑌕𑌲𑍍𑌪𑌾𑌗𑌮𑌾 𑌕𑌲𑌨𑌯𑌾𑌽𑌽𑌕𑍁𑌲𑌤𑌾𑌂 𑌲𑌭𑌂𑌤𑍇
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 1𑍯 ॥

𑌤𑍍𑌵𑌦𑍍𑌗𑍋𑌪𑍁𑌰𑌾𑌗𑍍𑌰 𑌶𑌿𑌖𑌰𑌾𑌣𑌿 𑌨𑌿𑌰𑍀𑌕𑍍𑌷𑌮𑌾𑌣𑌾𑌃
𑌸𑍍𑌵𑌰𑍍𑌗𑌾𑌪𑌵𑌰𑍍𑌗 𑌪𑌦𑌵𑍀𑌂 𑌪𑌰𑌮𑌾𑌂 𑌶𑍍𑌰𑌯𑌂𑌤𑌃 ।
𑌮𑌰𑍍𑌤𑍍𑌯𑌾 𑌮𑌨𑍁𑌷𑍍𑌯 𑌭𑍁𑌵𑌨𑍇 𑌮𑌤𑌿𑌮𑌾𑌶𑍍𑌰𑌯𑌂𑌤𑍇
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 20 ॥

𑌶𑍍𑌰𑍀 𑌭𑍂𑌮𑌿𑌨𑌾𑌯𑌕 𑌦𑌯𑌾𑌦𑌿 𑌗𑍁𑌣𑌾𑌮𑍃𑌤𑌾𑌬𑍍𑌦𑍇
𑌦𑍇𑌵𑌾𑌦𑌿𑌦𑍇𑌵 𑌜𑌗𑌦𑍇𑌕 𑌶𑌰𑌣𑍍𑌯𑌮𑍂𑌰𑍍𑌤𑍇 ।
𑌶𑍍𑌰𑍀𑌮𑌨𑍍𑌨𑌨𑌂𑌤 𑌗𑌰𑍁𑌡𑌾𑌦𑌿𑌭𑌿 𑌰𑌰𑍍𑌚𑌿𑌤𑌾𑌂𑌘𑍍𑌰𑍇
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 21 ॥

𑌶𑍍𑌰𑍀 𑌪𑌦𑍍𑌮𑌨𑌾𑌭 𑌪𑍁𑌰𑍁𑌷𑍋𑌤𑍍𑌤𑌮 𑌵𑌾𑌸𑍁𑌦𑍇𑌵
𑌵𑍈𑌕𑍁𑌂𑌠 𑌮𑌾𑌧𑌵 𑌜𑌨𑌾𑌰𑍍𑌧𑌨 𑌚𑌕𑍍𑌰𑌪𑌾𑌣𑍇 ।
𑌶𑍍𑌰𑍀 𑌵𑌤𑍍𑌸 𑌚𑌿𑌹𑍍𑌨 𑌶𑌰𑌣𑌾𑌗𑌤 𑌪𑌾𑌰𑌿𑌜𑌾𑌤
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 22 ॥

𑌕𑌂𑌦𑌰𑍍𑌪 𑌦𑌰𑍍𑌪 𑌹𑌰 𑌸𑍁𑌂𑌦𑌰 𑌦𑌿𑌵𑍍𑌯 𑌮𑍂𑌰𑍍𑌤𑍇
𑌕𑌾𑌂𑌤𑌾 𑌕𑍁𑌚𑌾𑌂𑌬𑍁𑌰𑍁𑌹 𑌕𑍁𑌟𑍍𑌮𑌲 𑌲𑍋𑌲𑌦𑍃𑌷𑍍𑌟𑍇 ।
𑌕𑌲𑍍𑌯𑌾𑌣 𑌨𑌿𑌰𑍍𑌮𑌲 𑌗𑍁𑌣𑌾𑌕𑌰 𑌦𑌿𑌵𑍍𑌯𑌕𑍀𑌰𑍍𑌤𑍇
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 23 ॥

𑌮𑍀𑌨𑌾𑌕𑍃𑌤𑍇 𑌕𑌮𑌠𑌕𑍋𑌲 𑌨𑍃𑌸𑌿𑌂𑌹 𑌵𑌰𑍍𑌣𑌿𑌨𑍍
𑌸𑍍𑌵𑌾𑌮𑌿𑌨𑍍 𑌪𑌰𑌶𑍍𑌵𑌥 𑌤𑌪𑍋𑌧𑌨 𑌰𑌾𑌮𑌚𑌂𑌦𑍍𑌰 ।
𑌶𑍇𑌷𑌾𑌂𑌶𑌰𑌾𑌮 𑌯𑌦𑍁𑌨𑌂𑌦𑌨 𑌕𑌲𑍍𑌕𑌿𑌰𑍂𑌪
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 24 ॥

𑌏𑌲𑌾𑌲𑌵𑌂𑌗 𑌘𑌨𑌸𑌾𑌰 𑌸𑍁𑌗𑌂𑌧𑌿 𑌤𑍀𑌰𑍍𑌥𑌂
𑌦𑌿𑌵𑍍𑌯𑌂 𑌵𑌿𑌯𑌤𑍍𑌸𑌰𑌿𑌤𑌿 𑌹𑍇𑌮𑌘𑌟𑍇𑌷𑍁 𑌪𑍂𑌰𑍍𑌣𑌮𑍍 ।
𑌧𑍃𑌤𑍍𑌵𑌾𑌦𑍍𑌯 𑌵𑍈𑌦𑌿𑌕 𑌶𑌿𑌖𑌾𑌮𑌣𑌯𑌃 𑌪𑍍𑌰𑌹𑍃𑌷𑍍𑌟𑌾𑌃
𑌤𑌿𑌷𑍍𑌠𑌂𑌤𑌿 𑌵𑍇𑌂𑌕𑌟𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 25 ॥

𑌭𑌾𑌸𑍍𑌵𑌾𑌨𑍁𑌦𑍇𑌤𑌿 𑌵𑌿𑌕𑌚𑌾𑌨𑌿 𑌸𑌰𑍋𑌰𑍁𑌹𑌾𑌣𑌿
𑌸𑌂𑌪𑍂𑌰𑌯𑌂𑌤𑌿 𑌨𑌿𑌨𑌦𑍈𑌃 𑌕𑌕𑍁𑌭𑍋 𑌵𑌿𑌹𑌂𑌗𑌾𑌃 ।
𑌶𑍍𑌰𑍀𑌵𑍈𑌷𑍍𑌣𑌵𑌾𑌃 𑌸𑌤𑌤 𑌮𑌰𑍍𑌥𑌿𑌤 𑌮𑌂𑌗𑌳𑌾𑌸𑍍𑌤𑍇
𑌧𑌾𑌮𑌾𑌶𑍍𑌰𑌯𑌂𑌤𑌿 𑌤𑌵 𑌵𑍇𑌂𑌕𑌟 𑌸𑍁𑌪𑍍𑌰𑌭𑌾𑌤𑌮𑍍 ॥ 26 ॥

𑌬𑍍𑌰𑌹𑍍𑌮𑌾𑌦𑌯-𑌸𑍍𑌸𑍁𑌰𑌵𑌰𑌾-𑌸𑍍𑌸𑌮𑌹𑌰𑍍𑌷𑌯𑌸𑍍𑌤𑍇
𑌸𑌂𑌤𑌸𑍍𑌸𑌨𑌂𑌦𑌨-𑌮𑍁𑌖𑌾𑌸𑍍𑌤𑍍𑌵𑌥 𑌯𑍋𑌗𑌿𑌵𑌰𑍍𑌯𑌾𑌃 ।
𑌧𑌾𑌮𑌾𑌂𑌤𑌿𑌕𑍇 𑌤𑌵 𑌹𑌿 𑌮𑌂𑌗𑌳𑌵𑌸𑍍𑌤𑍁𑌹𑌸𑍍𑌤𑌾𑌃
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 2𑍭 ॥

𑌲𑌕𑍍𑌶𑍍𑌮𑍀𑌨𑌿𑌵𑌾𑌸 𑌨𑌿𑌰𑌵𑌦𑍍𑌯 𑌗𑍁𑌣𑍈𑌕 𑌸𑌿𑌂𑌧𑍋
𑌸𑌂𑌸𑌾𑌰𑌸𑌾𑌗𑌰 𑌸𑌮𑍁𑌤𑍍𑌤𑌰𑌣𑍈𑌕 𑌸𑍇𑌤𑍋 ।
𑌵𑍇𑌦𑌾𑌂𑌤 𑌵𑍇𑌦𑍍𑌯 𑌨𑌿𑌜𑌵𑍈𑌭𑌵 𑌭𑌕𑍍𑌤 𑌭𑍋𑌗𑍍𑌯
𑌶𑍍𑌰𑍀 𑌵𑍇𑌂𑌕𑌟𑌾𑌚𑌲𑌪𑌤𑍇 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 2𑍮 ॥

𑌇𑌤𑍍𑌥𑌂 𑌵𑍃𑌷𑌾𑌚𑌲𑌪𑌤𑍇𑌰𑌿𑌹 𑌸𑍁𑌪𑍍𑌰𑌭𑌾𑌤𑌂
𑌯𑍇 𑌮𑌾𑌨𑌵𑌾𑌃 𑌪𑍍𑌰𑌤𑌿𑌦𑌿𑌨𑌂 𑌪𑌠𑌿𑌤𑍁𑌂 𑌪𑍍𑌰𑌵𑍃𑌤𑍍𑌤𑌾𑌃 ।
𑌤𑍇𑌷𑌾𑌂 𑌪𑍍𑌰𑌭𑌾𑌤 𑌸𑌮𑌯𑍇 𑌸𑍍𑌮𑍃𑌤𑌿𑌰𑌂𑌗𑌭𑌾𑌜𑌾𑌂
𑌪𑍍𑌰𑌜𑍍𑌞𑌾𑌂 𑌪𑌰𑌾𑌰𑍍𑌥 𑌸𑍁𑌲𑌭𑌾𑌂 𑌪𑌰𑌮𑌾𑌂 𑌪𑍍𑌰𑌸𑍂𑌤𑍇 ॥ 2𑍯 ॥


Browse Related Categories: