𑌶𑍍𑌰𑍀𑌵𑌸𑌿𑌷𑍍𑌠 𑌉𑌵𑌾𑌚 ।
𑌭𑌗𑌵𑌨𑍍 𑌕𑍇𑌨 𑌵𑌿𑌧𑌿𑌨𑌾 𑌨𑌾𑌮𑌭𑌿𑌰𑍍𑌵𑍇𑌂𑌕𑌟𑍇𑌶𑍍𑌵𑌰𑌮𑍍 ।
𑌪𑍂𑌜𑌯𑌾𑌮𑌾𑌸 𑌤𑌂 𑌦𑍇𑌵𑌂 𑌬𑍍𑌰𑌹𑍍𑌮𑌾 𑌤𑍁 𑌕𑌮𑌲𑍈𑌃 𑌶𑍁𑌭𑍈𑌃 ॥ 1 ॥

𑌪𑍃𑌚𑍍𑌛𑌾𑌮𑌿 𑌤𑌾𑌨𑌿 𑌨𑌾𑌮𑌾𑌨𑌿 𑌗𑍁𑌣𑌯𑍋𑌗𑌪𑌰𑌾𑌣𑌿 𑌕𑌿𑌮𑍍 ।
𑌮𑍁𑌖𑍍𑌯𑌵𑍃𑌤𑍍𑌤𑍀𑌨𑌿 𑌕𑌿𑌂 𑌬𑍍𑌰𑍂𑌹𑌿 𑌲𑌕𑍍𑌷𑌕𑌾𑌣𑍍𑌯𑌥𑌵𑌾 𑌹𑌰𑍇𑌃 ॥ 2 ॥

𑌨𑌾𑌰𑌦 𑌉𑌵𑌾𑌚 ।
𑌨𑌾𑌮𑌾𑌨𑍍𑌯𑌨𑌂𑌤𑌾𑌨𑌿 𑌹𑌰𑍇𑌃 𑌗𑍁𑌣𑌯𑍋𑌗𑌾𑌨𑌿 𑌕𑌾𑌨𑌿 𑌚𑌿𑌤𑍍 ।
𑌮𑍁𑌖𑍍𑌯𑌵𑍃𑌤𑍍𑌤𑍀𑌨𑌿 𑌚𑌾𑌨𑍍𑌯𑌾𑌨𑌿 𑌲𑌕𑍍𑌷𑌕𑌾𑌣𑍍𑌯𑌪𑌰𑌾𑌣𑌿 𑌚 ॥ 3 ॥

𑌪𑌰𑌮𑌾𑌰𑍍𑌥𑍈𑌃 𑌸𑌰𑍍𑌵𑌶𑌬𑍍𑌦𑍈𑌰𑍇𑌕𑍋 𑌜𑍍𑌞𑍇𑌯𑌃 𑌪𑌰𑌃 𑌪𑍁𑌮𑌾𑌨𑍍 ।
𑌆𑌦𑌿𑌮𑌧𑍍𑌯𑌾𑌂𑌤𑌰𑌹𑌿𑌤𑌸𑍍𑌤𑍍𑌵𑌵𑍍𑌯𑌕𑍍𑌤𑍋𑌽𑌨𑌂𑌤𑌰𑍂𑌪𑌭𑍃𑌤𑍍 ॥ 4 ॥

𑌚𑌂𑌦𑍍𑌰𑌾𑌰𑍍𑌕𑌵𑌹𑍍𑌨𑌿𑌵𑌾𑌯𑍍𑌵𑌾𑌦𑍍𑌯𑌾 𑌗𑍍𑌰𑌹𑌰𑍍𑌕𑍍𑌷𑌾𑌣𑌿 𑌨𑌭𑍋 𑌦𑌿𑌶𑌃 ।
𑌅𑌨𑍍𑌵𑌯𑌵𑍍𑌯𑌤𑌿𑌰𑍇𑌕𑌾𑌭𑍍𑌯𑌾𑌂 𑌸𑌂𑌤𑌿 𑌨𑍋 𑌸𑌂𑌤𑌿 𑌯𑌨𑍍𑌮𑌤𑍇𑌃 ॥ 5 ॥

𑌤𑌸𑍍𑌯 𑌦𑍇𑌵𑌸𑍍𑌯 𑌨𑌾𑌮𑍍𑌨𑌾𑌂 𑌹𑌿 𑌪𑌾𑌰𑌂 𑌗𑌂𑌤𑍁𑌂 𑌹𑌿 𑌕𑌃 𑌕𑍍𑌷𑌮𑌃 ।
𑌤𑌥𑌾𑌽𑌪𑌿 𑌚𑌾𑌭𑌿𑌧𑌾𑌨𑌾𑌨𑌿 𑌵𑍇𑌂𑌕𑌟𑍇𑌶𑌸𑍍𑌯 𑌕𑌾𑌨𑌿𑌚𑌿𑌤𑍍 ॥ 6 ॥

𑌬𑍍𑌰𑌹𑍍𑌮𑌗𑍀𑌤𑌾𑌨𑌿 𑌪𑍁𑌣𑍍𑌯𑌾𑌨𑌿 𑌤𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌸𑍁𑌵𑍍𑌰𑌤 ।
𑌯𑌦𑍁𑌚𑍍𑌚𑌾𑌰𑌣𑌮𑌾𑌤𑍍𑌰𑍇𑌣 𑌵𑌿𑌮𑍁𑌕𑍍𑌤𑌾𑌘𑌃 𑌪𑌰𑌂 𑌵𑍍𑌰𑌜𑍇𑌤𑍍 ॥ 𑍭 ॥

𑌵𑍇𑌂𑌕𑌟𑍇𑌶𑌸𑍍𑌯 𑌨𑌾𑌮𑍍𑌨𑌾𑌂 𑌹𑌿 𑌸𑌹𑌸𑍍𑌰𑌸𑍍𑌯 𑌋𑌷𑌿𑌰𑍍𑌵𑌿𑌧𑌿𑌃 ।
𑌛𑌂𑌦𑍋𑌽𑌨𑍁𑌷𑍍𑌟𑍁𑌪𑍍𑌤𑌥𑌾 𑌦𑍇𑌵𑌃 𑌶𑍍𑌰𑍀𑌵𑌤𑍍𑌸𑌾𑌂𑌕𑍋 𑌰𑌮𑌾𑌪𑌤𑌿𑌃 ॥ 𑍮 ॥

𑌬𑍀𑌜𑌭𑍂𑌤𑌸𑍍𑌤𑌥𑍋𑌂𑌕𑌾𑌰𑍋 𑌹𑍍𑌰𑍀𑌂 𑌕𑍍𑌲𑍀𑌂 𑌶𑌕𑍍𑌤𑌿𑌶𑍍𑌚 𑌕𑍀𑌲𑌕𑌮𑍍 ।
𑌓𑌂 𑌨𑌮𑍋 𑌵𑍇𑌂𑌕𑌟𑍇𑌶𑌾𑌯𑍇𑌤𑍍𑌯𑌾𑌦𑌿𑌰𑍍𑌮𑌂𑌤𑍍𑌰𑍋𑌽𑌤𑍍𑌰 𑌕𑌥𑍍𑌯𑌤𑍇 ॥ 𑍯 ॥

𑌬𑍍𑌰𑌹𑍍𑌮𑌾𑌂𑌡𑌗𑌰𑍍𑌭𑌃 𑌕𑌵𑌚𑌮𑌸𑍍𑌤𑍍𑌰𑌂 𑌚𑌕𑍍𑌰𑌗𑌦𑌾𑌧𑌰𑌃 ।
𑌵𑌿𑌨𑌿𑌯𑍋𑌗𑍋𑌽𑌭𑍀𑌷𑍍𑌟𑌸𑌿𑌦𑍍𑌧𑍌 𑌹𑍃𑌦𑌯𑌂 𑌸𑌾𑌮𑌗𑌾𑌯𑌨𑌃 ॥ 10 ॥

𑌅𑌸𑍍𑌯 𑌶𑍍𑌰𑍀 𑌵𑍇𑌂𑌕𑌟𑍇𑌶 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 𑌬𑍍𑌰𑌹𑍍𑌮𑌾 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌶𑍍𑌰𑍀𑌵𑌤𑍍𑌸𑌾𑌂𑌕𑍋 𑌰𑌮𑌾𑌪𑌤𑌿𑌰𑍍𑌦𑍇𑌵𑌤𑌾 𑌓𑌂 𑌬𑍀𑌜𑌂 𑌹𑍍𑌰𑍀𑌂 𑌶𑌕𑍍𑌤𑌿𑌃 𑌕𑍍𑌲𑍀𑌂 𑌕𑍀𑌲𑌕𑌂 𑌬𑍍𑌰𑌹𑍍𑌮𑌾𑌂𑌡𑌗𑌰𑍍𑌭 𑌇𑌤𑌿 𑌕𑌵𑌚𑌂 𑌚𑌕𑍍𑌰𑌗𑌦𑌾𑌧𑌰 𑌇𑌤𑍍𑌯𑌸𑍍𑌤𑍍𑌰𑌂 𑌸𑌾𑌮𑌗𑌾𑌨𑌮𑌿𑌤𑌿 𑌹𑍃𑌦𑌯𑌂 𑌓𑌂 𑌨𑌮𑍋 𑌵𑍇𑌂𑌕𑌟𑍇𑌶𑌾𑌯𑍇𑌤𑍍𑌯𑌾𑌦𑌿𑌰𑍍𑌮𑌂𑌤𑍍𑌰𑌃 𑌶𑍍𑌰𑍀 𑌵𑍇𑌂𑌕𑌟𑍇𑌶 𑌪𑍍𑌰𑍀𑌤𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ॥

𑌧𑍍𑌯𑌾𑌨𑌮𑍍
𑌭𑌾𑌸𑍍𑌵𑌚𑍍𑌚𑌂𑌦𑍍𑌰𑌮𑌸𑍌 𑌯𑌦𑍀𑌯𑌨𑌯𑌨𑍇 𑌭𑌾𑌰𑍍𑌯𑌾 𑌯𑌦𑍀𑌯𑌾 𑌰𑌮𑌾
𑌯𑌸𑍍𑌮𑌾𑌦𑍍𑌵𑌿𑌶𑍍𑌵𑌸𑍃𑌡𑌪𑍍𑌯𑌭𑍂𑌦𑍍𑌯𑌮𑌿𑌕𑍁𑌲𑌂 𑌯𑌦𑍍𑌧𑍍𑌯𑌾𑌨𑌯𑍁𑌕𑍍𑌤𑌂 𑌸𑌦𑌾
𑌨𑌾𑌥𑍋 𑌯𑍋 𑌜𑌗𑌤𑌾𑌂 𑌨𑌗𑍇𑌂𑌦𑍍𑌰𑌦𑍁𑌹𑌿𑌤𑍁𑌰𑍍𑌨𑌾𑌥𑍋𑌽𑌪𑌿 𑌯𑌦𑍍𑌭𑌕𑍍𑌤𑌿𑌮𑌾𑌨𑍍
𑌤𑌾𑌤𑍋 𑌯𑍋 𑌮𑌦𑌨𑌸𑍍𑌯 𑌯𑍋 𑌦𑍁𑌰𑌿𑌤𑌹𑌾 𑌤𑌂 𑌵𑍇𑌂𑌕𑌟𑍇𑌶𑌂 𑌭𑌜𑍇 ॥

𑌊𑌰𑍍𑌧𑍍𑌵𑍌 𑌹𑌸𑍍𑌤𑍌 𑌯𑌦𑍀𑌯𑍌 𑌸𑍁𑌰𑌰𑌿𑌪𑍁𑌦𑌳𑌨𑍇 𑌬𑌿𑌭𑍍𑌰𑌤𑍌 𑌶𑌂𑌖𑌚𑌕𑍍𑌰𑍇
𑌸𑍇𑌵𑍍𑌯𑌾𑌵𑌂𑌘𑍍𑌰𑍀 𑌸𑍍𑌵𑌕𑍀𑌯𑌾𑌵𑌭𑌿𑌦𑌧𑌦𑌧𑌰𑍋 𑌦𑌕𑍍𑌷𑌿𑌣𑍋 𑌯𑌸𑍍𑌯 𑌪𑌾𑌣𑌿𑌃 ।
𑌤𑌾𑌵𑌨𑍍𑌮𑌾𑌤𑍍𑌰𑌂 𑌭𑌵𑌾𑌬𑍍𑌧𑌿𑌂 𑌗𑌮𑌯𑌤𑌿 𑌭𑌜𑌤𑌾𑌮𑍂𑌰𑍁𑌗𑍋 𑌵𑌾𑌮𑌪𑌾𑌣𑌿𑌃
𑌶𑍍𑌰𑍀𑌵𑌤𑍍𑌸𑌾𑌂𑌕𑌶𑍍𑌚 𑌲𑌕𑍍𑌷𑍍𑌮𑍀𑌰𑍍𑌯𑌦𑍁𑌰𑌸𑌿 𑌲𑌸𑌤𑌸𑍍𑌤𑌂 𑌭𑌜𑍇 𑌵𑍇𑌂𑌕𑌟𑍇𑌶𑌮𑍍 ॥

𑌇𑌤𑌿 𑌧𑍍𑌯𑌾𑌯𑌨𑍍 𑌵𑍇𑌂𑌕𑌟𑍇𑌶𑌂 𑌶𑍍𑌰𑍀𑌵𑌤𑍍𑌸𑌾𑌂𑌕𑌂 𑌰𑌮𑌾𑌪𑌤𑌿𑌮𑍍 ।
𑌵𑍇𑌂𑌕𑌟𑍇𑌶𑍋 𑌵𑌿𑌰𑍂𑌪𑌾𑌕𑍍𑌷 𑌇𑌤𑍍𑌯𑌾𑌰𑌭𑍍𑌯 𑌜𑌪𑍇𑌤𑍍𑌕𑍍𑌰𑌮𑌾𑌤𑍍 ॥

𑌸𑍍𑌤𑍋𑌤𑍍𑌰𑌂
𑌓𑌂 𑌵𑍇𑌂𑌕𑌟𑍇𑌶𑍋 𑌵𑌿𑌰𑍂𑌪𑌾𑌕𑍍𑌷𑍋 𑌵𑌿𑌶𑍍𑌵𑍇𑌶𑍋 𑌵𑌿𑌶𑍍𑌵𑌭𑌾𑌵𑌨𑌃 ।
𑌵𑌿𑌶𑍍𑌵𑌸𑍃𑌡𑍍𑌵𑌿𑌶𑍍𑌵𑌸𑌂𑌹𑌰𑍍𑌤𑌾 𑌵𑌿𑌶𑍍𑌵𑌪𑍍𑌰𑌾𑌣𑍋 𑌵𑌿𑌰𑌾𑌡𑍍𑌵𑌪𑍁𑌃 ॥ 1 ॥

𑌶𑍇𑌷𑌾𑌦𑍍𑌰𑌿𑌨𑌿𑌲𑌯𑍋𑌽𑌶𑍇𑌷𑌭𑌕𑍍𑌤𑌦𑍁𑌃𑌖𑌪𑍍𑌰𑌣𑌾𑌶𑌨𑌃 ।
𑌶𑍇𑌷𑌸𑍍𑌤𑍁𑌤𑍍𑌯𑌃 𑌶𑍇𑌷𑌶𑌾𑌯𑍀 𑌵𑌿𑌶𑍇𑌷𑌜𑍍𑌞𑍋 𑌵𑌿𑌭𑍁𑌃 𑌸𑍍𑌵𑌭𑍂𑌃 ॥ 2 ॥

𑌵𑌿𑌷𑍍𑌣𑍁𑌰𑍍𑌜𑌿𑌷𑍍𑌣𑍁𑌶𑍍𑌚 𑌵𑌰𑍍𑌧𑌿𑌷𑍍𑌣𑍁𑌰𑍁𑌤𑍍𑌸𑌹𑌿𑌷𑍍𑌣𑍁𑌃 𑌸𑌹𑌿𑌷𑍍𑌣𑍁𑌕𑌃 ।
𑌭𑍍𑌰𑌾𑌜𑌿𑌷𑍍𑌣𑍁𑌶𑍍𑌚 𑌗𑍍𑌰𑌸𑌿𑌷𑍍𑌣𑍁𑌶𑍍𑌚 𑌵𑌰𑍍𑌤𑌿𑌷𑍍𑌣𑍁𑌶𑍍𑌚 𑌭𑌰𑌿𑌷𑍍𑌣𑍁𑌕𑌃 ॥ 3 ॥

𑌕𑌾𑌲𑌯𑌂𑌤𑌾 𑌕𑌾𑌲𑌗𑍋𑌪𑍍𑌤𑌾 𑌕𑌾𑌲𑌃 𑌕𑌾𑌲𑌾𑌂𑌤𑌕𑍋𑌽𑌖𑌿𑌲𑌃 ।
𑌕𑌾𑌲𑌗𑌮𑍍𑌯𑌃 𑌕𑌾𑌲𑌕𑌂𑌠𑌵𑌂𑌦𑍍𑌯𑌃 𑌕𑌾𑌲𑌕𑌲𑍇𑌶𑍍𑌵𑌰𑌃 ॥ 4 ॥

𑌶𑌂𑌭𑍁𑌃 𑌸𑍍𑌵𑌯𑌂𑌭𑍂𑌰𑌂𑌭𑍋𑌜𑌨𑌾𑌭𑌿𑌃 𑌸𑍍𑌤𑌂𑌭𑌿𑌤𑌵𑌾𑌰𑌿𑌧𑌿𑌃 ।
𑌅𑌂𑌭𑍋𑌧𑌿𑌨𑌂𑌦𑌿𑌨𑍀𑌜𑌾𑌨𑌿𑌃 𑌶𑍋𑌣𑌾𑌂𑌭𑍋𑌜𑌪𑌦𑌪𑍍𑌰𑌭𑌃 ॥ 5 ॥

𑌕𑌂𑌬𑍁𑌗𑍍𑌰𑍀𑌵𑌃 𑌶𑌂𑌬𑌰𑌾𑌰𑌿𑌰𑍂𑌪𑌃 𑌶𑌂𑌬𑌰𑌜𑍇𑌕𑍍𑌷𑌣𑌃 ।
𑌬𑌿𑌂𑌬𑌾𑌧𑌰𑍋 𑌬𑌿𑌂𑌬𑌰𑍂𑌪𑍀 𑌪𑍍𑌰𑌤𑌿𑌬𑌿𑌂𑌬𑌕𑍍𑌰𑌿𑌯𑌾𑌤𑌿𑌗𑌃 ॥ 6 ॥

𑌗𑍁𑌣𑌵𑌾𑌨𑍍 𑌗𑍁𑌣𑌗𑌮𑍍𑌯𑌶𑍍𑌚 𑌗𑍁𑌣𑌾𑌤𑍀𑌤𑍋 𑌗𑍁𑌣𑌪𑍍𑌰𑌿𑌯𑌃 ।
𑌦𑍁𑌰𑍍𑌗𑍁𑌣𑌧𑍍𑌵𑌂𑌸𑌕𑍃𑌤𑍍𑌸𑌰𑍍𑌵𑌸𑍁𑌗𑍁𑌣𑍋 𑌗𑍁𑌣𑌭𑌾𑌸𑌕𑌃 ॥ 𑍭 ॥

𑌪𑌰𑍇𑌶𑌃 𑌪𑌰𑌮𑌾𑌤𑍍𑌮𑌾 𑌚 𑌪𑌰𑌂𑌜𑍍𑌯𑍋𑌤𑌿𑌃 𑌪𑌰𑌾 𑌗𑌤𑌿𑌃 ।
𑌪𑌰𑌂 𑌪𑌦𑌂 𑌵𑌿𑌯𑌦𑍍𑌵𑌾𑌸𑌾𑌃 𑌪𑌾𑌰𑌂𑌪𑌰𑍍𑌯𑌶𑍁𑌭𑌪𑍍𑌰𑌦𑌃 ॥ 𑍮 ॥

𑌬𑍍𑌰𑌹𑍍𑌮𑌾𑌂𑌡𑌗𑌰𑍍𑌭𑍋 𑌬𑍍𑌰𑌹𑍍𑌮𑌣𑍍𑌯𑍋 𑌬𑍍𑌰𑌹𑍍𑌮𑌸𑍃𑌡𑍍𑌬𑍍𑌰𑌹𑍍𑌮𑌬𑍋𑌧𑌿𑌤𑌃 ।
𑌬𑍍𑌰𑌹𑍍𑌮𑌸𑍍𑌤𑍁𑌤𑍍𑌯𑍋 𑌬𑍍𑌰𑌹𑍍𑌮𑌵𑌾𑌦𑍀 𑌬𑍍𑌰𑌹𑍍𑌮𑌚𑌰𑍍𑌯𑌪𑌰𑌾𑌯𑌣𑌃 ॥ 𑍯 ॥

𑌸𑌤𑍍𑌯𑌵𑍍𑌰𑌤𑌾𑌰𑍍𑌥𑌸𑌂𑌤𑍁𑌷𑍍𑌟𑌃 𑌸𑌤𑍍𑌯𑌰𑍂𑌪𑍀 𑌝𑌷𑌾𑌂𑌗𑌵𑌾𑌨𑍍 ।
𑌸𑍋𑌮𑌕𑌪𑍍𑌰𑌾𑌣𑌹𑌾𑌰𑍀 𑌚𑌾𑌽𑌽𑌨𑍀𑌤𑌾𑌮𑍍𑌨𑌾𑌯𑍋𑌽𑌬𑍍𑌧𑌿𑌸𑌂𑌚𑌰𑌃 ॥ 10 ॥

𑌦𑍇𑌵𑌾𑌸𑍁𑌰𑌵𑌰𑌸𑍍𑌤𑍁𑌤𑍍𑌯𑌃 𑌪𑌤𑌨𑍍𑌮𑌂𑌦𑌰𑌧𑌾𑌰𑌕𑌃 ।
𑌧𑌨𑍍𑌵𑌂𑌤𑌰𑌿𑌃 𑌕𑌚𑍍𑌛𑌪𑌾𑌂𑌗𑌃 𑌪𑌯𑍋𑌨𑌿𑌧𑌿𑌵𑌿𑌮𑌂𑌥𑌕𑌃 ॥ 11 ॥

𑌅𑌮𑌰𑌾𑌮𑍃𑌤𑌸𑌂𑌧𑌾𑌤𑌾 𑌧𑍃𑌤𑌸𑌂‍𑌮𑍋𑌹𑌿𑌨𑍀𑌵𑌪𑍁𑌃 ।
𑌹𑌰𑌮𑍋𑌹𑌕𑌮𑌾𑌯𑌾𑌵𑍀 𑌰𑌕𑍍𑌷𑌸𑍍𑌸𑌂𑌦𑍋𑌹𑌭𑌂𑌜𑌨𑌃 ॥ 12 ॥

𑌹𑌿𑌰𑌣𑍍𑌯𑌾𑌕𑍍𑌷𑌵𑌿𑌦𑌾𑌰𑍀 𑌚 𑌯𑌜𑍍𑌞𑍋 𑌯𑌜𑍍𑌞𑌵𑌿𑌭𑌾𑌵𑌨𑌃 ।
𑌯𑌜𑍍𑌞𑍀𑌯𑍋𑌰𑍍𑌵𑍀𑌸𑌮𑍁𑌦𑍍𑌧𑌰𑍍𑌤𑌾 𑌲𑍀𑌲𑌾𑌕𑍍𑌰𑍋𑌡𑌃 𑌪𑍍𑌰𑌤𑌾𑌪𑌵𑌾𑌨𑍍 ॥ 13 ॥

𑌦𑌂𑌡𑌕𑌾𑌸𑍁𑌰𑌵𑌿𑌧𑍍𑌵𑌂𑌸𑍀 𑌵𑌕𑍍𑌰𑌦𑌂𑌷𑍍𑌟𑍍𑌰𑌃 𑌕𑍍𑌷𑌮𑌾𑌧𑌰𑌃 ।
𑌗𑌂𑌧𑌰𑍍𑌵𑌶𑌾𑌪𑌹𑌰𑌣𑌃 𑌪𑍁𑌣𑍍𑌯𑌗𑌂𑌧𑍋 𑌵𑌿𑌚𑌕𑍍𑌷𑌣𑌃 ॥ 14 ॥

𑌕𑌰𑌾𑌲𑌵𑌕𑍍𑌤𑍍𑌰𑌃 𑌸𑍋𑌮𑌾𑌰𑍍𑌕𑌨𑍇𑌤𑍍𑌰𑌃 𑌷𑌡𑍍𑌗𑍁𑌣𑌵𑍈𑌭𑌵𑌃 ।
𑌶𑍍𑌵𑍇𑌤𑌘𑍋𑌣𑍀 𑌘𑍂𑌰𑍍𑌣𑌿𑌤𑌭𑍍𑌰𑍂𑌰𑍍𑌘𑍁𑌰𑍍𑌘𑍁𑌰𑌧𑍍𑌵𑌨𑌿𑌵𑌿𑌭𑍍𑌰𑌮𑌃 ॥ 15 ॥

𑌦𑍍𑌰𑌾𑌘𑍀𑌯𑌾𑌨𑍍 𑌨𑍀𑌲𑌕𑍇𑌶𑍀 𑌚 𑌜𑌾𑌗𑍍𑌰𑌦𑌂𑌬𑍁𑌜𑌲𑍋𑌚𑌨𑌃 ।
𑌘𑍃𑌣𑌾𑌵𑌾𑌨𑍍 𑌘𑍃𑌣𑌿𑌸𑌮𑍍𑌮𑍋𑌹𑍋 𑌮𑌹𑌾𑌕𑌾𑌲𑌾𑌗𑍍𑌨𑌿𑌦𑍀𑌧𑌿𑌤𑌿𑌃 ॥ 16 ॥

𑌜𑍍𑌵𑌾𑌲𑌾𑌕𑌰𑌾𑌳𑌵𑌦𑌨𑍋 𑌮𑌹𑍋𑌲𑍍𑌕𑌾𑌕𑍁𑌲𑌵𑍀𑌕𑍍𑌷𑌣𑌃 ।
𑌸𑌟𑌾𑌨𑌿𑌰𑍍𑌭𑌿𑌨𑍍𑌨𑌮𑍇𑌘𑍌𑌘𑍋 𑌦𑌂𑌷𑍍𑌟𑍍𑌰𑌾𑌰𑍁𑌗𑍍𑌵𑍍𑌯𑌾𑌪𑍍𑌤𑌦𑌿𑌕𑍍𑌤𑌟𑌃 ॥ 1𑍭 ॥

𑌉𑌚𑍍𑌛𑍍𑌵𑌾𑌸𑌾𑌕𑍃𑌷𑍍𑌟𑌭𑍂𑌤𑍇𑌶𑍋 𑌨𑌿𑌶𑍍𑌶𑍍𑌵𑌾𑌸𑌤𑍍𑌯𑌕𑍍𑌤𑌵𑌿𑌶𑍍𑌵𑌸𑍃𑌟𑍍 ।
𑌅𑌂𑌤𑌰𑍍𑌭𑍍𑌰𑌮𑌜𑍍𑌜𑌗𑌦𑍍𑌗𑌰𑍍𑌭𑍋𑌽𑌨𑌂𑌤𑍋 𑌬𑍍𑌰𑌹𑍍𑌮𑌕𑌪𑌾𑌲𑌹𑍃𑌤𑍍 ॥ 1𑍮 ॥

𑌉𑌗𑍍𑌰𑍋 𑌵𑍀𑌰𑍋 𑌮𑌹𑌾𑌵𑌿𑌷𑍍𑌣𑍁𑌰𑍍𑌜𑍍𑌵𑌲𑌨𑌃 𑌸𑌰𑍍𑌵𑌤𑍋𑌮𑍁𑌖𑌃 ।
𑌨𑍃𑌸𑌿𑌂𑌹𑍋 𑌭𑍀𑌷𑌣𑍋 𑌭𑌦𑍍𑌰𑍋 𑌮𑍃𑌤𑍍𑌯𑍁𑌮𑍃𑌤𑍍𑌯𑍁𑌃 𑌸𑌨𑌾𑌤𑌨𑌃 ॥ 1𑍯 ॥

𑌸𑌭𑌾𑌸𑍍𑌤𑌂𑌭𑍋𑌦𑍍𑌭𑌵𑍋 𑌭𑍀𑌮𑌃 𑌶𑍀𑌰𑍋𑌮𑌾𑌲𑍀 𑌮𑌹𑍇𑌶𑍍𑌵𑌰𑌃 ।
𑌦𑍍𑌵𑌾𑌦𑌶𑌾𑌦𑌿𑌤𑍍𑌯𑌚𑍂𑌡𑌾𑌲𑌃 𑌕𑌲𑍍𑌪𑌧𑍂𑌮𑌸𑌟𑌾𑌚𑍍𑌛𑌵𑌿𑌃 ॥ 20 ॥

𑌹𑌿𑌰𑌣𑍍𑌯𑌕𑍋𑌰𑌃𑌸𑍍𑌥𑌲𑌭𑌿𑌨𑍍𑌨𑌖𑌃 𑌸𑌿𑌂𑌹𑌮𑍁𑌖𑍋𑌽𑌨𑌘𑌃 ।
𑌪𑍍𑌰𑌹𑍍𑌲𑌾𑌦𑌵𑌰𑌦𑍋 𑌧𑍀𑌮𑌾𑌨𑍍 𑌭𑌕𑍍𑌤𑌸𑌂𑌘𑌪𑍍𑌰𑌤𑌿𑌷𑍍𑌠𑌿𑌤𑌃 ॥ 21 ॥

𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌦𑌿𑌸𑌂𑌸𑍇𑌵𑍍𑌯𑌃 𑌸𑌿𑌦𑍍𑌧𑌸𑌾𑌧𑍍𑌯𑌪𑍍𑌰𑌪𑍂𑌜𑌿𑌤𑌃 ।
𑌲𑌕𑍍𑌷𑍍𑌮𑍀𑌨𑍃𑌸𑌿𑌂𑌹𑍋 𑌦𑍇𑌵𑍇𑌶𑍋 𑌜𑍍𑌵𑌾𑌲𑌾𑌜𑌿𑌹𑍍𑌵𑌾𑌂𑌤𑍍𑌰𑌮𑌾𑌲𑌿𑌕𑌃 ॥ 22 ॥

𑌖𑌡𑍍𑌗𑍀 𑌖𑍇𑌟𑍀 𑌮𑌹𑍇𑌷𑍍𑌵𑌾𑌸𑍀 𑌕𑌪𑌾𑌲𑍀 𑌮𑍁𑌸𑌲𑍀 𑌹𑌲𑍀 ।
𑌪𑌾𑌶𑍀 𑌶𑍂𑌲𑍀 𑌮𑌹𑌾𑌬𑌾𑌹𑍁𑌰𑍍𑌜𑍍𑌵𑌰𑌘𑍍𑌨𑍋 𑌰𑍋𑌗𑌲𑍁𑌂𑌠𑌕𑌃 ॥ 23 ॥

𑌮𑍌𑌂𑌜𑍀𑌯𑍁𑌕𑍍 𑌛𑌾𑌤𑍍𑌰𑌕𑍋 𑌦𑌂𑌡𑍀 𑌕𑍃𑌷𑍍𑌣𑌾𑌜𑌿𑌨𑌧𑌰𑍋 𑌵𑌟𑍁𑌃 ।
𑌅𑌧𑍀𑌤𑌵𑍇𑌦𑍋 𑌵𑍇𑌦𑌾𑌂𑌤𑍋𑌦𑍍𑌧𑌾𑌰𑌕𑍋 𑌬𑍍𑌰𑌹𑍍𑌮𑌨𑍈𑌷𑍍𑌠𑌿𑌕𑌃 ॥ 24 ॥

𑌅𑌹𑍀𑌨𑌶𑌯𑌨𑌪𑍍𑌰𑍀𑌤𑌃 𑌆𑌦𑌿𑌤𑍇𑌯𑍋𑌽𑌨𑌘𑍋 𑌹𑌰𑌿𑌃 ।
𑌸𑌂𑌵𑌿𑌤𑍍𑌪𑍍𑌰𑌿𑌯𑌃 𑌸𑌾𑌮𑌵𑍇𑌦𑍍𑌯𑍋 𑌬𑌲𑌿𑌵𑍇𑌶𑍍𑌮𑌪𑍍𑌰𑌤𑌿𑌷𑍍𑌠𑌿𑌤𑌃 ॥ 25 ॥

𑌬𑌲𑌿𑌕𑍍𑌷𑌾𑌲𑌿𑌤𑌪𑌾𑌦𑌾𑌬𑍍𑌜𑍋 𑌵𑌿𑌂𑌧𑍍𑌯𑌾𑌵𑌲𑌿𑌵𑌿𑌮𑌾𑌨𑌿𑌤𑌃 ।
𑌤𑍍𑌰𑌿𑌪𑌾𑌦𑌭𑍂𑌮𑌿𑌸𑍍𑌵𑍀𑌕𑌰𑍍𑌤𑌾 𑌵𑌿𑌶𑍍𑌵𑌰𑍂𑌪𑌪𑍍𑌰𑌦𑌰𑍍𑌶𑌕𑌃 ॥ 26 ॥

𑌧𑍃𑌤𑌤𑍍𑌰𑌿𑌵𑌿𑌕𑍍𑌰𑌮𑌃 𑌸𑍍𑌵𑌾𑌂𑌘𑍍𑌰𑌿𑌨𑌖𑌭𑌿𑌨𑍍𑌨𑌾𑌂𑌡𑌖𑌰𑍍𑌪𑌰𑌃 ।
𑌪𑌜𑍍𑌜𑌾𑌤𑌵𑌾𑌹𑌿𑌨𑍀𑌧𑌾𑌰𑌾𑌪𑌵𑌿𑌤𑍍𑌰𑌿𑌤𑌜𑌗𑌤𑍍𑌤𑍍𑌰𑌯𑌃 ॥ 2𑍭 ॥

𑌵𑌿𑌧𑌿𑌸𑌮𑍍𑌮𑌾𑌨𑌿𑌤𑌃 𑌪𑍁𑌣𑍍𑌯𑍋 𑌦𑍈𑌤𑍍𑌯𑌯𑍋𑌦𑍍𑌧𑌾 𑌜𑌯𑍋𑌰𑍍𑌜𑌿𑌤𑌃 ।
𑌸𑍁𑌰𑌰𑌾𑌜𑍍𑌯𑌪𑍍𑌰𑌦𑌃 𑌶𑍁𑌕𑍍𑌰𑌮𑌦𑌹𑍃𑌤𑍍𑌸𑍁𑌗𑌤𑍀𑌶𑍍𑌵𑌰𑌃 ॥ 2𑍮 ॥

𑌜𑌾𑌮𑌦𑌗𑍍𑌨𑍍𑌯𑌃 𑌕𑍁𑌠𑌾𑌰𑍀 𑌚 𑌕𑌾𑌰𑍍𑌤𑌵𑍀𑌰𑍍𑌯𑌵𑌿𑌦𑌾𑌰𑌣𑌃 ।
𑌰𑍇𑌣𑍁𑌕𑌾𑌯𑌾𑌃 𑌶𑌿𑌰𑍋𑌹𑌾𑌰𑍀 𑌦𑍁𑌷𑍍𑌟𑌕𑍍𑌷𑌤𑍍𑌰𑌿𑌯𑌮𑌰𑍍𑌦𑌨𑌃 ॥ 2𑍯 ॥

𑌵𑌰𑍍𑌚𑌸𑍍𑌵𑍀 𑌦𑌾𑌨𑌶𑍀𑌲𑌶𑍍𑌚 𑌧𑌨𑍁𑌷𑍍𑌮𑌾𑌨𑍍 𑌬𑍍𑌰𑌹𑍍𑌮𑌵𑌿𑌤𑍍𑌤𑌮𑌃 ।
𑌅𑌤𑍍𑌯𑍁𑌦𑌗𑍍𑌰𑌃 𑌸𑌮𑌗𑍍𑌰𑌶𑍍𑌚 𑌨𑍍𑌯𑌗𑍍𑌰𑍋𑌧𑍋 𑌦𑍁𑌷𑍍𑌟𑌨𑌿𑌗𑍍𑌰𑌹𑌃 ॥ 30 ॥

𑌰𑌵𑌿𑌵𑌂𑌶𑌸𑌮𑍁𑌦𑍍𑌭𑍂𑌤𑍋 𑌰𑌾𑌘𑌵𑍋 𑌭𑌰𑌤𑌾𑌗𑍍𑌰𑌜𑌃 ।
𑌕𑍌𑌸𑌲𑍍𑌯𑌾𑌤𑌨𑌯𑍋 𑌰𑌾𑌮𑍋 𑌵𑌿𑌶𑍍𑌵𑌾𑌮𑌿𑌤𑍍𑌰𑌪𑍍𑌰𑌿𑌯𑌂𑌕𑌰𑌃 ॥ 31 ॥

𑌤𑌾𑌟𑌕𑌾𑌰𑌿𑌃 𑌸𑍁𑌬𑌾𑌹𑍁𑌘𑍍𑌨𑍋 𑌬𑌲𑌾𑌤𑌿𑌬𑌲𑌮𑌂𑌤𑍍𑌰𑌵𑌾𑌨𑍍 ।
𑌅𑌹𑌲𑍍𑌯𑌾𑌶𑌾𑌪𑌵𑌿𑌚𑍍𑌛𑍇𑌦𑍀 𑌪𑍍𑌰𑌵𑌿𑌷𑍍𑌟𑌜𑌨𑌕𑌾𑌲𑌯𑌃 ॥ 32 ॥

𑌸𑍍𑌵𑌯𑌂𑌵𑌰𑌸𑌭𑌾𑌸𑌂𑌸𑍍𑌥 𑌈𑌶𑌚𑌾𑌪𑌪𑍍𑌰𑌭𑌂𑌜𑌨𑌃 ।
𑌜𑌾𑌨𑌕𑍀𑌪𑌰𑌿𑌣𑍇𑌤𑌾 𑌚 𑌜𑌨𑌕𑌾𑌧𑍀𑌶𑌸𑌂𑌸𑍍𑌤𑍁𑌤𑌃 ॥ 33 ॥

𑌜𑌮𑌦𑌗𑍍𑌨𑌿𑌤𑌨𑍂𑌜𑌾𑌤𑌯𑍋𑌦𑍍𑌧𑌾𑌽𑌯𑍋𑌧𑍍𑌯𑌾𑌧𑌿𑌪𑌾𑌗𑍍𑌰𑌣𑍀𑌃 ।
𑌪𑌿𑌤𑍃𑌵𑌾𑌕𑍍𑌯𑌪𑍍𑌰𑌤𑍀𑌪𑌾𑌲𑌸𑍍𑌤𑍍𑌯𑌕𑍍𑌤𑌰𑌾𑌜𑍍𑌯𑌃 𑌸𑌲𑌕𑍍𑌷𑍍𑌮𑌣𑌃 ॥ 34 ॥

𑌸𑌸𑍀𑌤𑌶𑍍𑌚𑌿𑌤𑍍𑌰𑌕𑍂𑌟𑌸𑍍𑌥𑍋 𑌭𑌰𑌤𑌾𑌹𑌿𑌤𑌰𑌾𑌜𑍍𑌯𑌕𑌃 ।
𑌕𑌾𑌕𑌦𑌰𑍍𑌪𑌪𑍍𑌰𑌹𑌰𑍍𑌤𑌾 𑌚 𑌦𑌂𑌡𑌕𑌾𑌰𑌣𑍍𑌯𑌵𑌾𑌸𑌕𑌃 ॥ 35 ॥

𑌪𑌂𑌚𑌵𑌟𑍍𑌯𑌾𑌂 𑌵𑌿𑌹𑌾𑌰𑍀 𑌚 𑌸𑍍𑌵𑌧𑌰𑍍𑌮𑌪𑌰𑌿𑌪𑍋𑌷𑌕𑌃 ।
𑌵𑌿𑌰𑌾𑌧𑌹𑌾𑌽𑌗𑌸𑍍𑌤𑍍𑌯𑌮𑍁𑌖𑍍𑌯𑌮𑍁𑌨𑌿𑌸𑌮𑍍𑌮𑌾𑌨𑌿𑌤𑌃 𑌪𑍁𑌮𑌾𑌨𑍍 ॥ 36 ॥

𑌇𑌂𑌦𑍍𑌰𑌚𑌾𑌪𑌧𑌰𑌃 𑌖𑌡𑍍𑌗𑌧𑌰𑌶𑍍𑌚𑌾𑌕𑍍𑌷𑌯𑌸𑌾𑌯𑌕𑌃 ।
𑌖𑌰𑌾𑌂𑌤𑌕𑍋 𑌦𑍂𑌷𑌣𑌾𑌰𑌿𑌸𑍍𑌤𑍍𑌰𑌿𑌶𑌿𑌰𑌸𑍍𑌕𑌰𑌿𑌪𑍁𑌰𑍍𑌵𑍃𑌷𑌃 ॥ 3𑍭 ॥

𑌤𑌤𑌃 𑌶𑍂𑌰𑍍𑌪𑌣𑌖𑌾𑌨𑌾𑌸𑌾𑌚𑍍𑌛𑍇𑌤𑍍𑌤𑌾 𑌵𑌲𑍍𑌕𑌲𑌧𑌾𑌰𑌕𑌃 ।
𑌜𑌟𑌾𑌵𑌾𑌨𑍍 𑌪𑌰𑍍𑌣𑌶𑌾𑌲𑌾𑌸𑍍𑌥𑍋 𑌮𑌾𑌰𑍀𑌚𑌬𑌲𑌮𑌰𑍍𑌦𑌕𑌃 ॥ 3𑍮 ॥

𑌪𑌕𑍍𑌷𑌿𑌰𑌾𑌟𑍍𑌕𑍃𑌤𑌸𑌂𑌵𑌾𑌦𑍋 𑌰𑌵𑌿𑌤𑍇𑌜𑌾 𑌮𑌹𑌾𑌬𑌲𑌃 ।
𑌶𑌬𑌰𑍍𑌯𑌾𑌨𑍀𑌤𑌫𑌲𑌭𑍁𑌕𑍍 𑌹𑌨𑍂𑌮𑌤𑍍𑌪𑌰𑌿𑌤𑍋𑌷𑌿𑌤𑌃 ॥ 3𑍯 ॥

𑌸𑍁𑌗𑍍𑌰𑍀𑌵𑌾𑌽𑌭𑌯𑌦𑍋 𑌦𑍈𑌤𑍍𑌯𑌕𑌾𑌯𑌕𑍍𑌷𑍇𑌪𑌣𑌭𑌾𑌸𑍁𑌰𑌃 ।
𑌸𑌪𑍍𑌤𑌤𑌾𑌲𑌸𑌮𑍁𑌚𑍍𑌛𑍇𑌤𑍍𑌤𑌾 𑌵𑌾𑌲𑌿𑌹𑍃𑌤𑍍𑌕𑌪𑌿𑌸𑌂𑌵𑍃𑌤𑌃 ॥ 40 ॥

𑌵𑌾𑌯𑍁𑌸𑍂𑌨𑍁𑌕𑍃𑌤𑌾𑌸𑍇𑌵𑌸𑍍𑌤𑍍𑌯𑌕𑍍𑌤𑌪𑌂𑌪𑌃 𑌕𑍁𑌶𑌾𑌸𑌨𑌃 ।
𑌉𑌦𑌨𑍍𑌵𑌤𑍍𑌤𑍀𑌰𑌗𑌃 𑌶𑍂𑌰𑍋 𑌵𑌿𑌭𑍀𑌷𑌣𑌵𑌰𑌪𑍍𑌰𑌦𑌃 ॥ 41 ॥

𑌸𑍇𑌤𑍁𑌕𑍃𑌦𑍍𑌦𑍈𑌤𑍍𑌯𑌹𑌾 𑌪𑍍𑌰𑌾𑌪𑍍𑌤𑌲𑌂𑌕𑍋𑌽𑌲𑌂𑌕𑌾𑌰𑌵𑌾𑌨𑍍 𑌸𑍍𑌵𑌯𑌮𑍍 ।
𑌅𑌤𑌿𑌕𑌾𑌯𑌶𑌿𑌰𑌶𑍍𑌛𑍇𑌤𑍍𑌤𑌾 𑌕𑍁𑌂𑌭𑌕𑌰𑍍𑌣𑌵𑌿𑌭𑍇𑌦𑌨𑌃 ॥ 42 ॥

𑌦𑌶𑌕𑌂𑌠𑌶𑌿𑌰𑍋𑌧𑍍𑌵𑌂𑌸𑍀 𑌜𑌾𑌂𑌬𑌵𑌤𑍍𑌪𑍍𑌰𑌮𑍁𑌖𑌾𑌵𑍃𑌤𑌃 ।
𑌜𑌾𑌨𑌕𑍀𑌶𑌃 𑌸𑍁𑌰𑌾𑌧𑍍𑌯𑌕𑍍𑌷𑌃 𑌸𑌾𑌕𑍇𑌤𑍇𑌶𑌃 𑌪𑍁𑌰𑌾𑌤𑌨𑌃 ॥ 43 ॥

𑌪𑍁𑌣𑍍𑌯𑌶𑍍𑌲𑍋𑌕𑍋 𑌵𑍇𑌦𑌵𑍇𑌦𑍍𑌯𑌃 𑌸𑍍𑌵𑌾𑌮𑌿𑌤𑍀𑌰𑍍𑌥𑌨𑌿𑌵𑌾𑌸𑌕𑌃 ।
𑌲𑌕𑍍𑌷𑍍𑌮𑍀𑌸𑌰𑌃𑌕𑍇𑌳𑌿𑌲𑍋𑌲𑍋 𑌲𑌕𑍍𑌷𑍍𑌮𑍀𑌶𑍋 𑌲𑍋𑌕𑌰𑌕𑍍𑌷𑌕𑌃 ॥ 44 ॥

𑌦𑍇𑌵𑌕𑍀𑌗𑌰𑍍𑌭𑌸𑌂𑌭𑍂𑌤𑍋 𑌯𑌶𑍋𑌦𑍇𑌕𑍍𑌷𑌣𑌲𑌾𑌲𑌿𑌤𑌃 ।
𑌵𑌸𑍁𑌦𑍇𑌵𑌕𑍃𑌤𑌸𑍍𑌤𑍋𑌤𑍍𑌰𑍋 𑌨𑌂𑌦𑌗𑍋𑌪𑌮𑌨𑍋𑌹𑌰𑌃 ॥ 45 ॥

𑌚𑌤𑍁𑌰𑍍𑌭𑍁𑌜𑌃 𑌕𑍋𑌮𑌲𑌾𑌂𑌗𑍋 𑌗𑌦𑌾𑌵𑌾𑌨𑍍𑌨𑍀𑌲𑌕𑍁𑌂𑌤𑌲𑌃 ।
𑌪𑍂𑌤𑌨𑌾𑌪𑍍𑌰𑌾𑌣𑌸𑌂𑌹𑌰𑍍𑌤𑌾 𑌤𑍃𑌣𑌾𑌵𑌰𑍍𑌤𑌵𑌿𑌨𑌾𑌶𑌨𑌃 ॥ 46 ॥

𑌗𑌰𑍍𑌗𑌾𑌰𑍋𑌪𑌿𑌤𑌨𑌾𑌮𑌾𑌂𑌕𑍋 𑌵𑌾𑌸𑍁𑌦𑍇𑌵𑍋 𑌹𑍍𑌯𑌧𑍋𑌕𑍍𑌷𑌜𑌃 ।
𑌗𑍋𑌪𑌿𑌕𑌾𑌸𑍍𑌤𑌨𑍍𑌯𑌪𑌾𑌯𑍀 𑌚 𑌬𑌲𑌭𑌦𑍍𑌰𑌾𑌨𑍁𑌜𑍋𑌽𑌚𑍍𑌯𑍁𑌤𑌃 ॥ 4𑍭 ॥

𑌵𑍈𑌯𑌾𑌘𑍍𑌰𑌨𑌖𑌭𑍂𑌷𑌶𑍍𑌚 𑌵𑌤𑍍𑌸𑌜𑌿𑌦𑍍𑌵𑌤𑍍𑌸𑌵𑌰𑍍𑌧𑌨𑌃 ।
𑌕𑍍𑌷𑍀𑌰𑌸𑌾𑌰𑌾𑌶𑌨𑌰𑌤𑍋 𑌦𑌧𑌿𑌭𑌾𑌂𑌡𑌪𑍍𑌰𑌮𑌰𑍍𑌦𑌨𑌃 ॥ 4𑍮 ॥

𑌨𑌵𑌨𑍀𑌤𑌾𑌪𑌹𑌰𑍍𑌤𑌾 𑌚 𑌨𑍀𑌲𑌨𑍀𑌰𑌦𑌭𑌾𑌸𑍁𑌰𑌃 ।
𑌆𑌭𑍀𑌰𑌦𑍃𑌷𑍍𑌟𑌦𑍌𑌰𑍍𑌜𑌨𑍍𑌯𑍋 𑌨𑍀𑌲𑌪𑌦𑍍𑌮𑌨𑌿𑌭𑌾𑌨𑌨𑌃 ॥ 4𑍯 ॥

𑌮𑌾𑌤𑍃𑌦𑌰𑍍𑌶𑌿𑌤𑌵𑌿𑌶𑍍𑌵𑌾𑌽𑌽𑌸𑍍𑌯 𑌉𑌲𑍂𑌖𑌲𑌨𑌿𑌬𑌂𑌧𑌨𑌃 ।
𑌨𑌲𑌕𑍂𑌬𑌰𑌶𑌾𑌪𑌾𑌂𑌤𑍋 𑌗𑍋𑌧𑍂𑌳𑌿𑌚𑍍𑌛𑍁𑌰𑌿𑌤𑌾𑌂𑌗𑌕𑌃 ॥ 50 ॥

𑌗𑍋𑌸𑌂𑌘𑌰𑌕𑍍𑌷𑌕𑌃 𑌶𑍍𑌰𑍀𑌶𑍋 𑌬𑍃𑌂𑌦𑌾𑌰𑌣𑍍𑌯𑌨𑌿𑌵𑌾𑌸𑌕𑌃 ।
𑌵𑌤𑍍𑌸𑌾𑌂𑌤𑌕𑍋 𑌬𑌕𑌦𑍍𑌵𑍇𑌷𑍀 𑌦𑍈𑌤𑍍𑌯𑌾𑌂𑌬𑍁𑌦𑌮𑌹𑌾𑌨𑌿𑌲𑌃 ॥ 51 ॥

𑌮𑌹𑌾𑌜𑌗𑌰𑌚𑌂𑌡𑌾𑌗𑍍𑌨𑌿𑌃 𑌶𑌕𑌟𑌪𑍍𑌰𑌾𑌣𑌕𑌂𑌟𑌕𑌃 ।
𑌇𑌂𑌦𑍍𑌰𑌸𑍇𑌵𑍍𑌯𑌃 𑌪𑍁𑌣𑍍𑌯𑌗𑌾𑌤𑍍𑌰𑌃 𑌖𑌰𑌜𑌿𑌚𑍍𑌚𑌂𑌡𑌦𑍀𑌧𑌿𑌤𑌿𑌃 ॥ 52 ॥

𑌤𑌾𑌲𑌪𑌕𑍍𑌵𑌫𑌲𑌾𑌶𑍀 𑌚 𑌕𑌾𑌳𑍀𑌯𑌫𑌣𑌿𑌦𑌰𑍍𑌪𑌹𑌾 ।
𑌨𑌾𑌗𑌪𑌤𑍍𑌨𑍀𑌸𑍍𑌤𑍁𑌤𑌿𑌪𑍍𑌰𑍀𑌤𑌃 𑌪𑍍𑌰𑌲𑌂𑌬𑌾𑌸𑍁𑌰𑌖𑌂𑌡𑌨𑌃 ॥ 53 ॥

𑌦𑌾𑌵𑌾𑌗𑍍𑌨𑌿𑌬𑌲𑌸𑌂𑌹𑌾𑌰𑍀 𑌫𑌲𑌾𑌹𑌾𑌰𑍀 𑌗𑌦𑌾𑌗𑍍𑌰𑌜𑌃 ।
𑌗𑍋𑌪𑌾𑌂𑌗𑌨𑌾𑌚𑍇𑌲𑌚𑍋𑌰𑌃 𑌪𑌾𑌥𑍋𑌲𑍀𑌲𑌾𑌵𑌿𑌶𑌾𑌰𑌦𑌃 ॥ 54 ॥

𑌵𑌂𑌶𑌗𑌾𑌨𑌪𑍍𑌰𑌵𑍀𑌣𑌶𑍍𑌚 𑌗𑍋𑌪𑍀𑌹𑌸𑍍𑌤𑌾𑌂𑌬𑍁𑌜𑌾𑌰𑍍𑌚𑌿𑌤𑌃 ।
𑌮𑍁𑌨𑌿𑌪𑌤𑍍𑌨𑍍𑌯𑌾𑌹𑍃𑌤𑌾𑌹𑌾𑌰𑍋 𑌮𑍁𑌨𑌿𑌶𑍍𑌰𑍇𑌷𑍍𑌠𑍋 𑌮𑍁𑌨𑌿𑌪𑍍𑌰𑌿𑌯𑌃 ॥ 55 ॥

𑌗𑍋𑌵𑌰𑍍𑌧𑌨𑌾𑌦𑍍𑌰𑌿𑌸𑌂𑌧𑌰𑍍𑌤𑌾 𑌸𑌂𑌕𑍍𑌰𑌂𑌦𑌨𑌤𑌮𑍋𑌽𑌪𑌹𑌃 ।
𑌸𑌦𑍁𑌦𑍍𑌯𑌾𑌨𑌵𑌿𑌲𑌾𑌸𑍀 𑌚 𑌰𑌾𑌸𑌕𑍍𑌰𑍀𑌡𑌾𑌪𑌰𑌾𑌯𑌣𑌃 ॥ 56 ॥

𑌵𑌰𑍁𑌣𑌾𑌭𑍍𑌯𑌰𑍍𑌚𑌿𑌤𑍋 𑌗𑍋𑌪𑍀𑌪𑍍𑌰𑌾𑌰𑍍𑌥𑌿𑌤𑌃 𑌪𑍁𑌰𑍁𑌷𑍋𑌤𑍍𑌤𑌮𑌃 ।
𑌅𑌕𑍍𑌰𑍂𑌰𑌸𑍍𑌤𑍁𑌤𑌿𑌸𑌂𑌪𑍍𑌰𑍀𑌤𑌃 𑌕𑍁𑌬𑍍𑌜𑌾𑌯𑍌𑌵𑌨𑌦𑌾𑌯𑌕𑌃 ॥ 5𑍭 ॥

𑌮𑍁𑌷𑍍𑌟𑌿𑌕𑍋𑌰𑌃𑌪𑍍𑌰𑌹𑌾𑌰𑍀 𑌚 𑌚𑌾𑌣𑍂𑌰𑍋𑌦𑌰𑌦𑌾𑌰𑌣𑌃 ।
𑌮𑌲𑍍𑌲𑌯𑍁𑌦𑍍𑌧𑌾𑌗𑍍𑌰𑌗𑌣𑍍𑌯𑌶𑍍𑌚 𑌪𑌿𑌤𑍃𑌬𑌂𑌧𑌨𑌮𑍋𑌚𑌕𑌃 ॥ 5𑍮 ॥

𑌮𑌤𑍍𑌤𑌮𑌾𑌤𑌂𑌗𑌪𑌂𑌚𑌾𑌸𑍍𑌯𑌃 𑌕𑌂𑌸𑌗𑍍𑌰𑍀𑌵𑌾𑌨𑌿𑌕𑍃𑌂𑌤𑌨𑌃 ।
𑌉𑌗𑍍𑌰𑌸𑍇𑌨𑌪𑍍𑌰𑌤𑌿𑌷𑍍𑌠𑌾𑌤𑌾 𑌰𑌤𑍍𑌨𑌸𑌿𑌂𑌹𑌾𑌸𑌨𑌸𑍍𑌥𑌿𑌤𑌃 ॥ 5𑍯 ॥

𑌕𑌾𑌲𑌨𑍇𑌮𑌿𑌖𑌲𑌦𑍍𑌵𑍇𑌷𑍀 𑌮𑍁𑌚𑍁𑌕𑍁𑌂𑌦𑌵𑌰𑌪𑍍𑌰𑌦𑌃 ।
𑌸𑌾𑌲𑍍𑌵𑌸𑍇𑌵𑌿𑌤𑌦𑍁𑌰𑍍𑌧𑌰𑍍𑌷𑌰𑌾𑌜𑌸𑍍𑌮𑌯𑌨𑌿𑌵𑌾𑌰𑌣𑌃 ॥ 60 ॥

𑌰𑍁𑌕𑍍𑌮𑌿𑌗𑌰𑍍𑌵𑌾𑌪𑌹𑌾𑌰𑍀 𑌚 𑌰𑍁𑌕𑍍𑌮𑌿𑌣𑍀𑌨𑌯𑌨𑍋𑌤𑍍𑌸𑌵𑌃 ।
𑌪𑍍𑌰𑌦𑍍𑌯𑍁𑌮𑍍𑌨𑌜𑌨𑌕𑌃 𑌕𑌾𑌮𑍀 𑌪𑍍𑌰𑌦𑍍𑌯𑍁𑌮𑍍𑌨𑍋 𑌦𑍍𑌵𑌾𑌰𑌕𑌾𑌧𑌿𑌪𑌃 ॥ 61 ॥

𑌮𑌣𑍍𑌯𑌾𑌹𑌰𑍍𑌤𑌾 𑌮𑌹𑌾𑌮𑌾𑌯𑍋 𑌜𑌾𑌂𑌬𑌵𑌤𑍍𑌕𑍃𑌤𑌸𑌂𑌗𑌰𑌃 ।
𑌜𑌾𑌂𑌬𑍂𑌨𑌦𑌾𑌂𑌬𑌰𑌧𑌰𑍋 𑌗𑌮𑍍𑌯𑍋 𑌜𑌾𑌂𑌬𑌵𑌤𑍀𑌵𑌿𑌭𑍁𑌃 ॥ 62 ॥

𑌕𑌾𑌲𑌿𑌂𑌦𑍀𑌪𑍍𑌰𑌥𑌿𑌤𑌾𑌰𑌾𑌮𑌕𑍇𑌲𑌿𑌰𑍍𑌗𑍁𑌂𑌜𑌾𑌵𑌤𑌂𑌸𑌕𑌃 ।
𑌮𑌂𑌦𑌾𑌰𑌸𑍁𑌮𑌨𑍋𑌭𑌾𑌸𑍍𑌵𑌾𑌨𑍍 𑌶𑌚𑍀𑌶𑌾𑌭𑍀𑌷𑍍𑌟𑌦𑌾𑌯𑌕𑌃 ॥ 63 ॥

𑌸𑌤𑍍𑌰𑌾𑌜𑌿𑌨𑍍𑌮𑌾𑌨𑌸𑍋𑌲𑍍𑌲𑌾𑌸𑍀 𑌸𑌤𑍍𑌯𑌾𑌜𑌾𑌨𑌿𑌃 𑌶𑍁𑌭𑌾𑌵𑌹𑌃 ।
𑌶𑌤𑌧𑌨𑍍𑌵𑌹𑌰𑌃 𑌸𑌿𑌦𑍍𑌧𑌃 𑌪𑌾𑌂𑌡𑌵𑌪𑍍𑌰𑌿𑌯𑌕𑍋𑌤𑍍𑌸𑌵𑌃 ॥ 64 ॥

𑌭𑌦𑍍𑌰𑌪𑍍𑌰𑌿𑌯𑌃 𑌸𑍁𑌭𑌦𑍍𑌰𑌾𑌯𑌾 𑌭𑍍𑌰𑌾𑌤𑌾 𑌨𑌾𑌗𑍍𑌨𑌾𑌜𑌿𑌤𑍀𑌵𑌿𑌭𑍁𑌃 ।
𑌕𑌿𑌰𑍀𑌟𑌕𑍁𑌂𑌡𑌲𑌧𑌰𑌃 𑌕𑌲𑍍𑌪𑌪𑌲𑍍𑌲𑌵𑌲𑌾𑌲𑌿𑌤𑌃 ॥ 65 ॥

𑌭𑍈𑌷𑍍𑌮𑍀𑌪𑍍𑌰𑌣𑌯𑌭𑌾𑌷𑌾𑌵𑌾𑌨𑍍 𑌮𑌿𑌤𑍍𑌰𑌵𑌿𑌂𑌦𑌾𑌧𑌿𑌪𑍋𑌽𑌭𑌯𑌃 ।
𑌸𑍍𑌵𑌮𑍂𑌰𑍍𑌤𑌿𑌕𑍇𑌲𑌿𑌸𑌂𑌪𑍍𑌰𑍀𑌤𑍋 𑌲𑌕𑍍𑌷𑍍𑌮𑌣𑍋𑌦𑌾𑌰𑌮𑌾𑌨𑌸𑌃 ॥ 66 ॥

𑌪𑍍𑌰𑌾𑌗𑍍𑌜𑍍𑌯𑍋𑌤𑌿𑌷𑌾𑌧𑌿𑌪𑌧𑍍𑌵𑌂𑌸𑍀 𑌤𑌤𑍍𑌸𑍈𑌨𑍍𑌯𑌾𑌂𑌤𑌕𑌰𑍋𑌽𑌮𑍃𑌤𑌃 ।
𑌭𑍂𑌮𑌿𑌸𑍍𑌤𑍁𑌤𑍋 𑌭𑍂𑌰𑌿𑌭𑍋𑌗𑍋 𑌭𑍂𑌷𑌣𑌾𑌂𑌬𑌰𑌸𑌂𑌯𑍁𑌤𑌃 ॥ 6𑍭 ॥

𑌬𑌹𑍁𑌰𑌾𑌮𑌾𑌕𑍃𑌤𑌾𑌹𑍍𑌲𑌾𑌦𑍋 𑌗𑌂𑌧𑌮𑌾𑌲𑍍𑌯𑌾𑌨𑍁𑌲𑍇𑌪𑌨𑌃 ।
𑌨𑌾𑌰𑌦𑌾𑌦𑍃𑌷𑍍𑌟𑌚𑌰𑌿𑌤𑍋 𑌦𑍇𑌵𑍇𑌶𑍋 𑌵𑌿𑌶𑍍𑌵𑌰𑌾𑌡𑍍𑌗𑍁𑌰𑍁𑌃 ॥ 6𑍮 ॥

𑌬𑌾𑌣𑌬𑌾𑌹𑍁𑌵𑌿𑌦𑌾𑌰𑌶𑍍𑌚 𑌤𑌾𑌪𑌜𑍍𑌵𑌰𑌵𑌿𑌨𑌾𑌶𑌕𑌃 ।
𑌉𑌷𑍋𑌦𑍍𑌧𑌰𑍍𑌷𑌯𑌿𑌤𑌾𑌽𑌵𑍍𑌯𑌕𑍍𑌤𑌃 𑌶𑌿𑌵𑌵𑌾𑌕𑍍𑌤𑍁𑌷𑍍𑌟𑌮𑌾𑌨𑌸𑌃 ॥ 6𑍯 ॥

𑌮𑌹𑍇𑌶𑌜𑍍𑌵𑌰𑌸𑌂𑌸𑍍𑌤𑍁𑌤𑍍𑌯𑌃 𑌶𑍀𑌤𑌜𑍍𑌵𑌰𑌭𑌯𑌾𑌂𑌤𑌕𑌃 ।
𑌨𑍃𑌗𑌰𑌾𑌜𑍋𑌦𑍍𑌧𑌾𑌰𑌕𑌶𑍍𑌚 𑌪𑍌𑌂𑌡𑍍𑌰𑌕𑌾𑌦𑌿𑌵𑌧𑍋𑌦𑍍𑌯𑌤𑌃 ॥ 𑍭0 ॥

𑌵𑌿𑌵𑌿𑌧𑌾𑌰𑌿𑌚𑍍𑌛𑌲𑍋𑌦𑍍𑌵𑌿𑌗𑍍𑌨𑌬𑍍𑌰𑌾𑌹𑍍𑌮𑌣𑍇𑌷𑍁 𑌦𑌯𑌾𑌪𑌰𑌃 ।
𑌜𑌰𑌾𑌸𑌂𑌧𑌬𑌲𑌦𑍍𑌵𑍇𑌷𑍀 𑌕𑍇𑌶𑌿𑌦𑍈𑌤𑍍𑌯𑌭𑌯𑌂𑌕𑌰𑌃 ॥ 𑍭1 ॥

𑌚𑌕𑍍𑌰𑍀 𑌚𑍈𑌦𑍍𑌯𑌾𑌂𑌤𑌕𑌃 𑌸𑌭𑍍𑌯𑍋 𑌰𑌾𑌜𑌬𑌂𑌧𑌵𑌿𑌮𑍋𑌚𑌕𑌃 ।
𑌰𑌾𑌜𑌸𑍂𑌯𑌹𑌵𑌿𑌰𑍍𑌭𑍋𑌕𑍍𑌤𑌾 𑌸𑍍𑌨𑌿𑌗𑍍𑌧𑌾𑌂𑌗𑌃 𑌶𑍁𑌭𑌲𑌕𑍍𑌷𑌣𑌃 ॥ 𑍭2 ॥

𑌧𑌾𑌨𑌾𑌭𑌕𑍍𑌷𑌣𑌸𑌂𑌪𑍍𑌰𑍀𑌤𑌃 𑌕𑍁𑌚𑍇𑌲𑌾𑌭𑍀𑌷𑍍𑌟𑌦𑌾𑌯𑌕𑌃 ।
𑌸𑌤𑍍𑌤𑍍𑌵𑌾𑌦𑌿𑌗𑍁𑌣𑌗𑌂𑌭𑍀𑌰𑍋 𑌦𑍍𑌰𑍌𑌪𑌦𑍀𑌮𑌾𑌨𑌰𑌕𑍍𑌷𑌕𑌃 ॥ 𑍭3 ॥

𑌭𑍀𑌷𑍍𑌮𑌧𑍍𑌯𑍇𑌯𑍋 𑌭𑌕𑍍𑌤𑌵𑌶𑍍𑌯𑍋 𑌭𑍀𑌮𑌪𑍂𑌜𑍍𑌯𑍋 𑌦𑌯𑌾𑌨𑌿𑌧𑌿𑌃 ।
𑌦𑌂𑌤𑌵𑌕𑍍𑌤𑍍𑌰𑌶𑌿𑌰𑌶𑍍𑌛𑍇𑌤𑍍𑌤𑌾 𑌕𑍃𑌷𑍍𑌣𑌃 𑌕𑍃𑌷𑍍𑌣𑌾𑌸𑌖𑌃 𑌸𑍍𑌵𑌰𑌾𑌟𑍍 ॥ 𑍭4 ॥

𑌵𑍈𑌜𑌯𑌂𑌤𑍀𑌪𑍍𑌰𑌮𑍋𑌦𑍀 𑌚 𑌬𑌰𑍍𑌹𑌿𑌬𑌰𑍍𑌹𑌵𑌿𑌭𑍂𑌷𑌣𑌃 ।
𑌪𑌾𑌰𑍍𑌥𑌕𑍌𑌰𑌵𑌸𑌂𑌧𑌾𑌨𑌕𑌾𑌰𑍀 𑌦𑍁𑌶𑍍𑌶𑌾𑌸𑌨𑌾𑌂𑌤𑌕𑌃 ॥ 𑍭5 ॥

𑌬𑍁𑌦𑍍𑌧𑍋 𑌵𑌿𑌶𑍁𑌦𑍍𑌧𑌃 𑌸𑌰𑍍𑌵𑌜𑍍𑌞𑌃 𑌕𑍍𑌰𑌤𑍁𑌹𑌿𑌂𑌸𑌾𑌵𑌿𑌨𑌿𑌂𑌦𑌕𑌃 ।
𑌤𑍍𑌰𑌿𑌪𑍁𑌰𑌸𑍍𑌤𑍍𑌰𑍀𑌮𑌾𑌨𑌭𑌂𑌗𑌃 𑌸𑌰𑍍𑌵𑌶𑌾𑌸𑍍𑌤𑍍𑌰𑌵𑌿𑌶𑌾𑌰𑌦𑌃 ॥ 𑍭6 ॥

𑌨𑌿𑌰𑍍𑌵𑌿𑌕𑌾𑌰𑍋 𑌨𑌿𑌰𑍍𑌮𑌮𑌶𑍍𑌚 𑌨𑌿𑌰𑌾𑌭𑌾𑌸𑍋 𑌨𑌿𑌰𑌾𑌮𑌯𑌃 ।
𑌜𑌗𑌨𑍍𑌮𑍋𑌹𑌕𑌧𑌰𑍍𑌮𑍀 𑌚 𑌦𑌿𑌗𑍍𑌵𑌸𑍍𑌤𑍍𑌰𑍋 𑌦𑌿𑌕𑍍𑌪𑌤𑍀𑌶𑍍𑌵𑌰𑌃 ॥ 𑍭𑍭 ॥

𑌕𑌲𑍍𑌕𑍀 𑌮𑍍𑌲𑍇𑌚𑍍𑌛𑌪𑍍𑌰𑌹𑌰𑍍𑌤𑌾 𑌚 𑌦𑍁𑌷𑍍𑌟𑌨𑌿𑌗𑍍𑌰𑌹𑌕𑌾𑌰𑌕𑌃 ।
𑌧𑌰𑍍𑌮𑌪𑍍𑌰𑌤𑌿𑌷𑍍𑌟𑌾𑌕𑌾𑌰𑍀 𑌚 𑌚𑌾𑌤𑍁𑌰𑍍𑌵𑌰𑍍𑌣𑍍𑌯𑌵𑌿𑌭𑌾𑌗𑌕𑍃𑌤𑍍 ॥ 𑍭𑍮 ॥

𑌯𑍁𑌗𑌾𑌂𑌤𑌕𑍋 𑌯𑍁𑌗𑌾𑌕𑍍𑌰𑌾𑌂𑌤𑍋 𑌯𑍁𑌗𑌕𑍃𑌦𑍍𑌯𑍁𑌗𑌭𑌾𑌸𑌕𑌃 ।
𑌕𑌾𑌮𑌾𑌰𑌿𑌃 𑌕𑌾𑌮𑌕𑌾𑌰𑍀 𑌚 𑌨𑌿𑌷𑍍𑌕𑌾𑌮𑌃 𑌕𑌾𑌮𑌿𑌤𑌾𑌰𑍍𑌥𑌦𑌃 ॥ 𑍭𑍯 ॥

𑌭𑌰𑍍𑌗𑍋 𑌵𑌰𑍇𑌣𑍍𑌯𑌃 𑌸𑌵𑌿𑌤𑍁𑌃 𑌶𑌾𑌰𑌂𑌗𑍀 𑌵𑍈𑌕𑍁𑌂𑌠𑌮𑌂𑌦𑌿𑌰𑌃 ।
𑌹𑌯𑌗𑍍𑌰𑍀𑌵𑌃 𑌕𑍈𑌟𑌭𑌾𑌰𑌿𑌃 𑌗𑍍𑌰𑌾𑌹𑌘𑍍𑌨𑍋 𑌗𑌜𑌰𑌕𑍍𑌷𑌕𑌃 ॥ 𑍮0 ॥

𑌸𑌰𑍍𑌵𑌸𑌂𑌶𑌯𑌵𑌿𑌚𑍍𑌛𑍇𑌤𑍍𑌤𑌾 𑌸𑌰𑍍𑌵𑌭𑌕𑍍𑌤𑌸𑌮𑍁𑌤𑍍𑌸𑍁𑌕𑌃 ।
𑌕𑌪𑌰𑍍𑌦𑍀 𑌕𑌾𑌮𑌹𑌾𑌰𑍀 𑌚 𑌕𑌲𑌾 𑌕𑌾𑌷𑍍𑌠𑌾 𑌸𑍍𑌮𑍃𑌤𑌿𑌰𑍍𑌧𑍃𑌤𑌿𑌃 ॥ 𑍮1 ॥

𑌅𑌨𑌾𑌦𑌿𑌰𑌪𑍍𑌰𑌮𑍇𑌯𑍌𑌜𑌾𑌃 𑌪𑍍𑌰𑌧𑌾𑌨𑌃 𑌸𑌨𑍍𑌨𑌿𑌰𑍂𑌪𑌕𑌃 ।
𑌨𑌿𑌰𑍍𑌲𑍇𑌪𑍋 𑌨𑌿𑌃𑌸𑍍𑌪𑍃𑌹𑍋𑌽𑌸𑌂𑌗𑍋 𑌨𑌿𑌰𑍍𑌭𑌯𑍋 𑌨𑍀𑌤𑌿𑌪𑌾𑌰𑌗𑌃 ॥ 𑍮2 ॥

𑌨𑌿𑌷𑍍𑌪𑍍𑌰𑍇𑌷𑍍𑌯𑍋 𑌨𑌿𑌷𑍍𑌕𑍍𑌰𑌿𑌯𑌃 𑌶𑌾𑌂𑌤𑍋 𑌨𑌿𑌷𑍍𑌪𑍍𑌰𑌪𑌂𑌚𑍋 𑌨𑌿𑌧𑌿𑌰𑍍𑌨𑌯𑌃
𑌕𑌰𑍍𑌮𑍍𑌯𑌕𑌰𑍍𑌮𑍀 𑌵𑌿𑌕𑌰𑍍𑌮𑍀 𑌚 𑌕𑌰𑍍𑌮𑍇𑌪𑍍𑌸𑍁𑌃 𑌕𑌰𑍍𑌮𑌭𑌾𑌵𑌨𑌃 ॥ 𑍮3 ॥

𑌕𑌰𑍍𑌮𑌾𑌂𑌗𑌃 𑌕𑌰𑍍𑌮𑌵𑌿𑌨𑍍𑌯𑌾𑌸𑍋 𑌮𑌹𑌾𑌕𑌰𑍍𑌮𑍀 𑌮𑌹𑌾𑌵𑍍𑌰𑌤𑍀 ।
𑌕𑌰𑍍𑌮𑌭𑍁𑌕𑍍𑌕𑌰𑍍𑌮𑌫𑌲𑌦𑌃 𑌕𑌰𑍍𑌮𑍇𑌶𑌃 𑌕𑌰𑍍𑌮𑌨𑌿𑌗𑍍𑌰𑌹𑌃 ॥ 𑍮4 ॥

𑌨𑌰𑍋 𑌨𑌾𑌰𑌾𑌯𑌣𑍋 𑌦𑌾𑌂𑌤𑌃 𑌕𑌪𑌿𑌲𑌃 𑌕𑌾𑌮𑌦𑌃 𑌶𑍁𑌚𑌿𑌃 ।
𑌤𑌪𑍍𑌤𑌾 𑌜𑌪𑍍𑌤𑌾𑌽𑌕𑍍𑌷𑌮𑌾𑌲𑌾𑌵𑌾𑌨𑍍 𑌗𑌂𑌤𑌾 𑌨𑍇𑌤𑌾 𑌲𑌯𑍋 𑌗𑌤𑌿𑌃 ॥ 𑍮5 ॥

𑌶𑌿𑌷𑍍𑌟𑍋 𑌦𑍍𑌰𑌷𑍍𑌟𑌾 𑌰𑌿𑌪𑍁𑌦𑍍𑌵𑍇𑌷𑍍𑌟𑌾 𑌰𑍋𑌷𑍍𑌟𑌾 𑌵𑍇𑌷𑍍𑌟𑌾 𑌮𑌹𑌾𑌨𑌟𑌃 ।
𑌰𑍋𑌦𑍍𑌧𑌾 𑌬𑍋𑌦𑍍𑌧𑌾 𑌮𑌹𑌾𑌯𑍋𑌦𑍍𑌧𑌾 𑌶𑍍𑌰𑌦𑍍𑌧𑌾𑌵𑌾𑌨𑍍 𑌸𑌤𑍍𑌯𑌧𑍀𑌃 𑌶𑍁𑌭𑌃 ॥ 𑍮6 ॥

𑌮𑌂𑌤𑍍𑌰𑍀 𑌮𑌂𑌤𑍍𑌰𑍋 𑌮𑌂𑌤𑍍𑌰𑌗𑌮𑍍𑌯𑍋 𑌮𑌂𑌤𑍍𑌰𑌕𑍃𑌤𑍍𑌪𑌰𑌮𑌂𑌤𑍍𑌰𑌹𑍃𑌤𑍍 ।
𑌮𑌂𑌤𑍍𑌰𑌭𑍃𑌨𑍍𑌮𑌂𑌤𑍍𑌰𑌫𑌲𑌦𑍋 𑌮𑌂𑌤𑍍𑌰𑍇𑌶𑍋 𑌮𑌂𑌤𑍍𑌰𑌵𑌿𑌗𑍍𑌰𑌹𑌃 ॥ 𑍮𑍭 ॥

𑌮𑌂𑌤𑍍𑌰𑌾𑌂𑌗𑍋 𑌮𑌂𑌤𑍍𑌰𑌵𑌿𑌨𑍍𑌯𑌾𑌸𑍋 𑌮𑌹𑌾𑌮𑌂𑌤𑍍𑌰𑍋 𑌮𑌹𑌾𑌕𑍍𑌰𑌮𑌃 ।
𑌸𑍍𑌥𑌿𑌰𑌧𑍀𑌃 𑌸𑍍𑌥𑌿𑌰𑌵𑌿𑌜𑍍𑌞𑌾𑌨𑌃 𑌸𑍍𑌥𑌿𑌰𑌪𑍍𑌰𑌜𑍍𑌞𑌃 𑌸𑍍𑌥𑌿𑌰𑌾𑌸𑌨𑌃 ॥ 𑍮𑍮 ॥

𑌸𑍍𑌥𑌿𑌰𑌯𑍋𑌗𑌃 𑌸𑍍𑌥𑌿𑌰𑌾𑌧𑌾𑌰𑌃 𑌸𑍍𑌥𑌿𑌰𑌮𑌾𑌰𑍍𑌗𑌃 𑌸𑍍𑌥𑌿𑌰𑌾𑌗𑌮𑌃 ।
𑌨𑌿𑌶𑍍𑌶𑍍𑌰𑍇𑌯𑌸𑍋 𑌨𑌿𑌰𑍀𑌹𑍋𑌽𑌗𑍍𑌨𑌿𑌰𑍍𑌨𑌿𑌰𑌵𑌦𑍍𑌯𑍋 𑌨𑌿𑌰𑌂𑌜𑌨𑌃 ॥ 𑍮𑍯 ॥

𑌨𑌿𑌰𑍍𑌵𑍈𑌰𑍋 𑌨𑌿𑌰𑌹𑌂𑌕𑌾𑌰𑍋 𑌨𑌿𑌰𑍍𑌦𑌂𑌭𑍋 𑌨𑌿𑌰𑌸𑍂𑌯𑌕𑌃 ।
𑌅𑌨𑌂𑌤𑍋𑌽𑌨𑌂𑌤𑌬𑌾𑌹𑍂𑌰𑍁𑌰𑌨𑌂𑌤𑌾𑌂𑌘𑍍𑌰𑌿𑌰𑌨𑌂𑌤𑌦𑍃𑌕𑍍 ॥ 𑍯0 ॥

𑌅𑌨𑌂𑌤𑌵𑌕𑍍𑌤𑍍𑌰𑍋𑌽𑌨𑌂𑌤𑌾𑌂𑌗𑍋𑌽𑌨𑌂𑌤𑌰𑍂𑌪𑍋 𑌹𑍍𑌯𑌨𑌂𑌤𑌕𑍃𑌤𑍍 ।
𑌊𑌰𑍍𑌧𑍍𑌵𑌰𑍇𑌤𑌾 𑌊𑌰𑍍𑌧𑍍𑌵𑌲𑌿𑌂𑌗𑍋 𑌹𑍍𑌯𑍂𑌰𑍍𑌧𑍍𑌵𑌮𑍂𑌰𑍍𑌧𑍋𑌰𑍍𑌧𑍍𑌵𑌶𑌾𑌖𑌕𑌃 ॥ 𑍯1 ॥

𑌊𑌰𑍍𑌧𑍍𑌵 𑌊𑌰𑍍𑌧𑍍𑌵𑌾𑌧𑍍𑌵𑌰𑌕𑍍𑌷𑍀 𑌚 𑌹𑍍𑌯𑍂𑌰𑍍𑌧𑍍𑌵𑌜𑍍𑌵𑌾𑌲𑍋 𑌨𑌿𑌰𑌾𑌕𑍁𑌲𑌃 ।
𑌬𑍀𑌜𑌂 𑌬𑍀𑌜𑌪𑍍𑌰𑌦𑍋 𑌨𑌿𑌤𑍍𑌯𑍋 𑌨𑌿𑌦𑌾𑌨𑌂 𑌨𑌿𑌷𑍍𑌕𑍃𑌤𑌿𑌃 𑌕𑍃𑌤𑍀 ॥ 𑍯2 ॥

𑌮𑌹𑌾𑌨𑌣𑍀𑌯𑌨𑍍 𑌗𑌰𑌿𑌮𑌾 𑌸𑍁𑌷𑌮𑌾 𑌚𑌿𑌤𑍍𑌰𑌮𑌾𑌲𑌿𑌕𑌃 ।
𑌨𑌭𑌃 𑌸𑍍𑌪𑍃𑌙𑍍𑌨𑌭𑌸𑍋 𑌜𑍍𑌯𑍋𑌤𑌿𑌰𑍍𑌨𑌭𑌸𑍍𑌵𑌾𑌨𑍍𑌨𑌿𑌰𑍍𑌨𑌭𑌾 𑌨𑌭𑌃 ॥ 𑍯3 ॥

𑌅𑌭𑍁𑌰𑍍𑌵𑌿𑌭𑍁𑌃 𑌪𑍍𑌰𑌭𑍁𑌃 𑌶𑌂𑌭𑍁𑌰𑍍𑌮𑌹𑍀𑌯𑌾𑌨𑍍 𑌭𑍂𑌰𑍍𑌭𑍁𑌵𑌾𑌕𑍃𑌤𑌿𑌃 ।
𑌮𑌹𑌾𑌨𑌂𑌦𑍋 𑌮𑌹𑌾𑌶𑍂𑌰𑍋 𑌮𑌹𑍋𑌰𑌾𑌶𑌿𑌰𑍍𑌮𑌹𑍋𑌤𑍍𑌸𑌵𑌃 ॥ 𑍯4 ॥

𑌮𑌹𑌾𑌕𑍍𑌰𑍋𑌧𑍋 𑌮𑌹𑌾𑌜𑍍𑌵𑌾𑌲𑍋 𑌮𑌹𑌾𑌶𑌾𑌂𑌤𑍋 𑌮𑌹𑌾𑌗𑍁𑌣𑌃 ।
𑌸𑌤𑍍𑌯𑌵𑍍𑌰𑌤𑌃 𑌸𑌤𑍍𑌯𑌪𑌰𑌃 𑌸𑌤𑍍𑌯𑌸𑌂𑌧𑌃 𑌸𑌤𑌾𑌂 𑌗𑌤𑌿𑌃 ॥ 𑍯5 ॥

𑌸𑌤𑍍𑌯𑍇𑌶𑌃 𑌸𑌤𑍍𑌯𑌸𑌂𑌕𑌲𑍍𑌪𑌃 𑌸𑌤𑍍𑌯𑌚𑌾𑌰𑌿𑌤𑍍𑌰𑌲𑌕𑍍𑌷𑌣𑌃 ।
𑌅𑌂𑌤𑌶𑍍𑌚𑌰𑍋 𑌹𑍍𑌯𑌂𑌤𑌰𑌾𑌤𑍍𑌮𑌾 𑌪𑌰𑌮𑌾𑌤𑍍𑌮𑌾 𑌚𑌿𑌦𑌾𑌤𑍍𑌮𑌕𑌃 ॥ 𑍯6 ॥

𑌰𑍋𑌚𑌨𑍋 𑌰𑍋𑌚𑌮𑌾𑌨𑌶𑍍𑌚 𑌸𑌾𑌕𑍍𑌷𑍀 𑌶𑍌𑌰𑌿𑌰𑍍𑌜𑌨𑌾𑌰𑍍𑌦𑌨𑌃 ।
𑌮𑍁𑌕𑍁𑌂𑌦𑍋 𑌨𑌂𑌦𑌨𑌿𑌷𑍍𑌪𑌂𑌦𑌃 𑌸𑍍𑌵𑌰𑍍𑌣𑌬𑌿𑌂𑌦𑍁𑌃 𑌪𑍁𑌰𑌂𑌦𑌰𑌃 ॥ 𑍯𑍭 ॥

𑌅𑌰𑌿𑌂𑌦𑌮𑌃 𑌸𑍁𑌮𑌂𑌦𑌶𑍍𑌚 𑌕𑍁𑌂𑌦𑌮𑌂𑌦𑌾𑌰𑌹𑌾𑌸𑌵𑌾𑌨𑍍 ।
𑌸𑍍𑌯𑌂𑌦𑌨𑌾𑌰𑍂𑌢𑌚𑌂𑌡𑌾𑌂𑌗𑍋 𑌹𑍍𑌯𑌾𑌨𑌂𑌦𑍀 𑌨𑌂𑌦𑌨𑌂𑌦𑌨𑌃 ॥ 𑍯𑍮 ॥

𑌅𑌨𑌸𑍂𑌯𑌾𑌨𑌂𑌦𑌨𑍋𑌽𑌤𑍍𑌰𑌿𑌨𑍇𑌤𑍍𑌰𑌾𑌨𑌂𑌦𑌃 𑌸𑍁𑌨𑌂𑌦𑌵𑌾𑌨𑍍 ।
𑌶𑌂𑌖𑌵𑌾𑌨𑍍𑌪𑌂𑌕𑌜𑌕𑌰𑌃 𑌕𑍁𑌂𑌕𑍁𑌮𑌾𑌂𑌕𑍋 𑌜𑌯𑌾𑌂𑌕𑍁𑌶𑌃 ॥ 𑍯𑍯 ॥

𑌅𑌂𑌭𑍋𑌜𑌮𑌕𑌰𑌂𑌦𑌾𑌢𑍍𑌯𑍋 𑌨𑌿𑌷𑍍𑌪𑌂𑌕𑍋𑌽𑌗𑌰𑍁𑌪𑌂𑌕𑌿𑌲𑌃 ।
𑌇𑌂𑌦𑍍𑌰𑌶𑍍𑌚𑌂𑌦𑍍𑌰𑌰𑌥𑌶𑍍𑌚𑌂𑌦𑍍𑌰𑍋𑌽𑌤𑌿𑌚𑌂𑌦𑍍𑌰𑌶𑍍𑌚𑌂𑌦𑍍𑌰𑌭𑌾𑌸𑌕𑌃 ॥ 100 ॥

𑌉𑌪𑍇𑌂𑌦𑍍𑌰 𑌇𑌂𑌦𑍍𑌰𑌰𑌾𑌜𑌶𑍍𑌚 𑌵𑌾𑌗𑌿𑌂𑌦𑍍𑌰𑌶𑍍𑌚𑌂𑌦𑍍𑌰𑌲𑍋𑌚𑌨𑌃 ।
𑌪𑍍𑌰𑌤𑍍𑌯𑌕𑍍 𑌪𑌰𑌾𑌕𑍍 𑌪𑌰𑌂𑌧𑌾𑌮 𑌪𑌰𑌮𑌾𑌰𑍍𑌥𑌃 𑌪𑌰𑌾𑌤𑍍𑌪𑌰𑌃 ॥ 101 ॥

𑌅𑌪𑌾𑌰𑌵𑌾𑌕𑍍 𑌪𑌾𑌰𑌗𑌾𑌮𑍀 𑌪𑌾𑌰𑌾𑌵𑌾𑌰𑌃 𑌪𑌰𑌾𑌵𑌰𑌃 ।
𑌸𑌹𑌸𑍍𑌵𑌾𑌨𑌰𑍍𑌥𑌦𑌾𑌤𑌾 𑌚 𑌸𑌹𑌨𑌃 𑌸𑌾𑌹𑌸𑍀 𑌜𑌯𑍀 ॥ 102 ॥

𑌤𑍇𑌜𑌸𑍍𑌵𑍀 𑌵𑌾𑌯𑍁𑌵𑌿𑌶𑌿𑌖𑍀 𑌤𑌪𑌸𑍍𑌵𑍀 𑌤𑌾𑌪𑌸𑍋𑌤𑍍𑌤𑌮𑌃 ।
𑌐𑌶𑍍𑌵𑌰𑍍𑌯𑍋𑌦𑍍𑌭𑍂𑌤𑌿𑌕𑍃𑌦𑍍𑌭𑍂𑌤𑌿𑌰𑍈𑌶𑍍𑌵𑌰𑍍𑌯𑌾𑌂𑌗𑌕𑌲𑌾𑌪𑌵𑌾𑌨𑍍 ॥ 103 ॥

𑌅𑌂𑌭𑍋𑌧𑌿𑌶𑌾𑌯𑍀 𑌭𑌗𑌵𑌾𑌨𑍍 𑌸𑌰𑍍𑌵𑌜𑍍𑌞𑌃 𑌸𑌾𑌮𑌪𑌾𑌰𑌗𑌃 ।
𑌮𑌹𑌾𑌯𑍋𑌗𑍀 𑌮𑌹𑌾𑌧𑍀𑌰𑍋 𑌮𑌹𑌾𑌭𑍋𑌗𑍀 𑌮𑌹𑌾𑌪𑍍𑌰𑌭𑍁𑌃 ॥ 104 ॥

𑌮𑌹𑌾𑌵𑍀𑌰𑍋 𑌮𑌹𑌾𑌤𑍁𑌷𑍍𑌟𑌿𑌰𑍍𑌮𑌹𑌾𑌪𑍁𑌷𑍍𑌟𑌿𑌰𑍍𑌮𑌹𑌾𑌗𑍁𑌣𑌃 ।
𑌮𑌹𑌾𑌦𑍇𑌵𑍋 𑌮𑌹𑌾𑌬𑌾𑌹𑍁𑌰𑍍𑌮𑌹𑌾𑌧𑌰𑍍𑌮𑍋 𑌮𑌹𑍇𑌶𑍍𑌵𑌰𑌃 ॥ 105 ॥

𑌸𑌮𑍀𑌪𑌗𑍋 𑌦𑍂𑌰𑌗𑌾𑌮𑍀 𑌸𑍍𑌵𑌰𑍍𑌗𑌮𑌾𑌰𑍍𑌗𑌨𑌿𑌰𑌰𑍍𑌗𑌲𑌃 ।
𑌨𑌗𑍋 𑌨𑌗𑌧𑌰𑍋 𑌨𑌾𑌗𑍋 𑌨𑌾𑌗𑍇𑌶𑍋 𑌨𑌾𑌗𑌪𑌾𑌲𑌕𑌃 ॥ 106 ॥

𑌹𑌿𑌰𑌣𑍍𑌮𑌯𑌃 𑌸𑍍𑌵𑌰𑍍𑌣𑌰𑍇𑌤𑌾 𑌹𑌿𑌰𑌣𑍍𑌯𑌾𑌰𑍍𑌚𑌿𑌰𑍍𑌹𑌿𑌰𑌣𑍍𑌯𑌦𑌃 ।
𑌗𑍁𑌣𑌗𑌣𑍍𑌯𑌃 𑌶𑌰𑌣𑍍𑌯𑌶𑍍𑌚 𑌪𑍁𑌣𑍍𑌯𑌕𑍀𑌰𑍍𑌤𑌿𑌃 𑌪𑍁𑌰𑌾𑌣𑌗𑌃 ॥ 10𑍭 ॥

𑌜𑌨𑍍𑌯𑌭𑍃𑌜𑍍𑌜𑌨𑍍𑌯𑌸𑌨𑍍𑌨𑌦𑍍𑌧𑍋 𑌦𑌿𑌵𑍍𑌯𑌪𑌂𑌚𑌾𑌯𑍁𑌧𑍋 𑌵𑌶𑍀 ।
𑌦𑍌𑌰𑍍𑌜𑌨𑍍𑌯𑌭𑌂𑌗𑌃 𑌪𑌰𑍍𑌜𑌨𑍍𑌯𑌃 𑌸𑍌𑌜𑌨𑍍𑌯𑌨𑌿𑌲𑌯𑍋𑌽𑌲𑌯𑌃 ॥ 10𑍮 ॥

𑌜𑌲𑌂𑌧𑌰𑌾𑌂𑌤𑌕𑍋 𑌭𑌸𑍍𑌮𑌦𑍈𑌤𑍍𑌯𑌨𑌾𑌶𑍀 𑌮𑌹𑌾𑌮𑌨𑌾𑌃 ।
𑌶𑍍𑌰𑍇𑌷𑍍𑌠𑌃 𑌶𑍍𑌰𑌵𑌿𑌷𑍍𑌠𑍋 𑌦𑍍𑌰𑌾𑌘𑌿𑌷𑍍𑌠𑍋 𑌗𑌰𑌿𑌷𑍍𑌠𑍋 𑌗𑌰𑍁𑌡𑌧𑍍𑌵𑌜𑌃 ॥ 10𑍯 ॥

𑌜𑍍𑌯𑍇𑌷𑍍𑌠𑍋 𑌦𑍍𑌰𑌢𑌿𑌷𑍍𑌠𑍋 𑌵𑌰𑍍𑌷𑌿𑌷𑍍𑌠𑍋 𑌦𑍍𑌰𑌾𑌘𑍀𑌯𑌾𑌨𑍍 𑌪𑍍𑌰𑌣𑌵𑌃 𑌫𑌣𑍀 ।
𑌸𑌂𑌪𑍍𑌰𑌦𑌾𑌯𑌕𑌰𑌃 𑌸𑍍𑌵𑌾𑌮𑍀 𑌸𑍁𑌰𑍇𑌶𑍋 𑌮𑌾𑌧𑌵𑍋 𑌮𑌧𑍁𑌃 ॥ 110 ॥

𑌨𑌿𑌰𑍍𑌨𑌿𑌮𑍇𑌷𑍋 𑌵𑌿𑌧𑌿𑌰𑍍𑌵𑍇𑌧𑌾 𑌬𑌲𑌵𑌾𑌨𑍍 𑌜𑍀𑌵𑌨𑌂 𑌬𑌲𑍀 ।
𑌸𑍍𑌮𑌰𑍍𑌤𑌾 𑌶𑍍𑌰𑍋𑌤𑌾 𑌵𑌿𑌕𑌰𑍍𑌤𑌾 𑌚 𑌧𑍍𑌯𑌾𑌤𑌾 𑌨𑍇𑌤𑌾 𑌸𑌮𑍋𑌽𑌸𑌮𑌃 ॥ 111 ॥

𑌹𑍋𑌤𑌾 𑌪𑍋𑌤𑌾 𑌮𑌹𑌾𑌵𑌕𑍍𑌤𑌾 𑌰𑌂𑌤𑌾 𑌮𑌂𑌤𑌾 𑌖𑌲𑌾𑌂𑌤𑌕𑌃 ।
𑌦𑌾𑌤𑌾 𑌗𑍍𑌰𑌾𑌹𑌯𑌿𑌤𑌾 𑌮𑌾𑌤𑌾 𑌨𑌿𑌯𑌂𑌤𑌾𑌽𑌨𑌂𑌤𑌵𑍈𑌭𑌵𑌃 ॥ 112 ॥

𑌗𑍋𑌪𑍍𑌤𑌾 𑌗𑍋𑌪𑌯𑌿𑌤𑌾 𑌹𑌂𑌤𑌾 𑌧𑌰𑍍𑌮𑌜𑌾𑌗𑌰𑌿𑌤𑌾 𑌧𑌵𑌃 ।
𑌕𑌰𑍍𑌤𑌾 𑌕𑍍𑌷𑍇𑌤𑍍𑌰𑌕𑌰𑌃 𑌕𑍍𑌷𑍇𑌤𑍍𑌰𑌪𑍍𑌰𑌦𑌃 𑌕𑍍𑌷𑍇𑌤𑍍𑌰𑌜𑍍𑌞 𑌆𑌤𑍍𑌮𑌵𑌿𑌤𑍍 ॥ 113 ॥

𑌕𑍍𑌷𑍇𑌤𑍍𑌰𑍀 𑌕𑍍𑌷𑍇𑌤𑍍𑌰𑌹𑌰𑌃 𑌕𑍍𑌷𑍇𑌤𑍍𑌰𑌪𑍍𑌰𑌿𑌯𑌃 𑌕𑍍𑌷𑍇𑌮𑌕𑌰𑍋 𑌮𑌰𑍁𑌤𑍍 ।
𑌭𑌕𑍍𑌤𑌿𑌪𑍍𑌰𑌦𑍋 𑌮𑍁𑌕𑍍𑌤𑌿𑌦𑌾𑌯𑍀 𑌶𑌕𑍍𑌤𑌿𑌦𑍋 𑌯𑍁𑌕𑍍𑌤𑌿𑌦𑌾𑌯𑌕𑌃 ॥ 114 ॥

𑌶𑌕𑍍𑌤𑌿𑌯𑍁𑌙𑍍𑌮𑍌𑌕𑍍𑌤𑌿𑌕𑌸𑍍𑌰𑌗𑍍𑌵𑍀 𑌸𑍂𑌕𑍍𑌤𑌿𑌰𑌾𑌮𑍍𑌨𑌾𑌯𑌸𑍂𑌕𑍍𑌤𑌿𑌗𑌃 ।
𑌧𑌨𑌂𑌜𑌯𑍋 𑌧𑌨𑌾𑌧𑍍𑌯𑌕𑍍𑌷𑍋 𑌧𑌨𑌿𑌕𑍋 𑌧𑌨𑌦𑌾𑌧𑌿𑌪𑌃 ॥ 115 ॥

𑌮𑌹𑌾𑌧𑌨𑍋 𑌮𑌹𑌾𑌮𑌾𑌨𑍀 𑌦𑍁𑌰𑍍𑌯𑍋𑌧𑌨𑌵𑌿𑌮𑌾𑌨𑌿𑌤𑌃 ।
𑌰𑌤𑍍𑌨𑌾𑌕𑌰𑍋 𑌰𑌤𑍍𑌨𑌰𑍋𑌚𑍀 𑌰𑌤𑍍𑌨𑌗𑌰𑍍𑌭𑌾𑌶𑍍𑌰𑌯𑌃 𑌶𑍁𑌚𑌿𑌃 ॥ 116 ॥

𑌰𑌤𑍍𑌨𑌸𑌾𑌨𑍁𑌨𑌿𑌧𑌿𑌰𑍍𑌮𑍌𑌳𑌿𑌰𑌤𑍍𑌨𑌭𑌾 𑌰𑌤𑍍𑌨𑌕𑌂𑌕𑌣𑌃 ।
𑌅𑌂𑌤𑌰𑍍𑌲𑌕𑍍𑌷𑍍𑌯𑍋𑌽𑌂𑌤𑌰𑌭𑍍𑌯𑌾𑌸𑍀 𑌚𑌾𑌂𑌤𑌰𑍍𑌧𑍍𑌯𑍇𑌯𑍋 𑌜𑌿𑌤𑌾𑌸𑌨𑌃 ॥ 11𑍭 ॥

𑌅𑌂𑌤𑌰𑌂𑌗𑍋 𑌦𑌯𑌾𑌵𑌾𑌂𑌶𑍍𑌚 𑌹𑍍𑌯𑌂𑌤𑌰𑍍𑌮𑌾𑌯𑍋 𑌮𑌹𑌾𑌰𑍍𑌣𑌵𑌃 ।
𑌸𑌰𑌸𑌃 𑌸𑌿𑌦𑍍𑌧𑌰𑌸𑌿𑌕𑌃 𑌸𑌿𑌦𑍍𑌧𑌿𑌃 𑌸𑌾𑌧𑍍𑌯𑌃 𑌸𑌦𑌾𑌗𑌤𑌿𑌃 ॥ 11𑍮 ॥

𑌆𑌯𑍁𑌃𑌪𑍍𑌰𑌦𑍋 𑌮𑌹𑌾𑌯𑍁𑌷𑍍𑌮𑌾𑌨𑌰𑍍𑌚𑌿𑌷𑍍𑌮𑌾𑌨𑍋𑌷𑌧𑍀𑌪𑌤𑌿𑌃 ।
𑌅𑌷𑍍𑌟𑌶𑍍𑌰𑍀𑌰𑌷𑍍𑌟𑌭𑌾𑌗𑍋𑌽𑌷𑍍𑌟𑌕𑌕𑍁𑌬𑍍𑌵𑍍𑌯𑌾𑌪𑍍𑌤𑌯𑌶𑍋 𑌵𑍍𑌰𑌤𑍀 ॥ 11𑍯 ॥

𑌅𑌷𑍍𑌟𑌾𑌪𑌦𑌃 𑌸𑍁𑌵𑌰𑍍𑌣𑌾𑌭𑍋 𑌹𑍍𑌯𑌷𑍍𑌟𑌮𑍂𑌰𑍍𑌤𑌿𑌸𑍍𑌤𑍍𑌰𑌿𑌮𑍂𑌰𑍍𑌤𑌿𑌮𑌾𑌨𑍍 ।
𑌅𑌸𑍍𑌵𑌪𑍍𑌨𑌃 𑌸𑍍𑌵𑌪𑍍𑌨𑌗𑌃 𑌸𑍍𑌵𑌪𑍍𑌨𑌃 𑌸𑍁𑌸𑍍𑌵𑌪𑍍𑌨𑌫𑌲𑌦𑌾𑌯𑌕𑌃 ॥ 120 ॥

𑌦𑍁𑌃𑌸𑍍𑌵𑌪𑍍𑌨𑌧𑍍𑌵𑌂𑌸𑌕𑍋 𑌧𑍍𑌵𑌸𑍍𑌤𑌦𑍁𑌰𑍍𑌨𑌿𑌮𑌿𑌤𑍍𑌤𑌃 𑌶𑌿𑌵𑌂𑌕𑌰𑌃 ।
𑌸𑍁𑌵𑌰𑍍𑌣𑌵𑌰𑍍𑌣𑌃 𑌸𑌂𑌭𑌾𑌵𑍍𑌯𑍋 𑌵𑌰𑍍𑌣𑌿𑌤𑍋 𑌵𑌰𑍍𑌣𑌸𑌮𑍍𑌮𑍁𑌖𑌃 ॥ 121 ॥

𑌸𑍁𑌵𑌰𑍍𑌣𑌮𑍁𑌖𑌰𑍀𑌤𑍀𑌰𑌶𑌿𑌵𑌧𑍍𑌯𑌾𑌤𑌪𑌦𑌾𑌂𑌬𑍁𑌜𑌃 ।
𑌦𑌾𑌕𑍍𑌷𑌾𑌯𑌣𑍀𑌵𑌚𑌸𑍍𑌤𑍁𑌷𑍍𑌟𑍋 𑌦𑍂𑌰𑍍𑌵𑌾𑌸𑍋𑌦𑍃𑌷𑍍𑌟𑌿𑌗𑍋𑌚𑌰𑌃 ॥ 122 ॥

𑌅𑌂𑌬𑌰𑍀𑌷𑌵𑍍𑌰𑌤𑌪𑍍𑌰𑍀𑌤𑍋 𑌮𑌹𑌾𑌕𑍃𑌤𑍍𑌤𑌿𑌵𑌿𑌭𑌂𑌜𑌨𑌃 ।
𑌮𑌹𑌾𑌭𑌿𑌚𑌾𑌰𑌕𑌧𑍍𑌵𑌂𑌸𑍀 𑌕𑌾𑌲𑌸𑌰𑍍𑌪𑌭𑌯𑌾𑌂𑌤𑌕𑌃 ॥ 123 ॥

𑌸𑍁𑌦𑌰𑍍𑌶𑌨𑌃 𑌕𑌾𑌲𑌮𑍇𑌘𑌶𑍍𑌯𑌾𑌮𑌃 𑌶𑍍𑌰𑍀𑌮𑌂𑌤𑍍𑌰𑌭𑌾𑌵𑌿𑌤𑌃 ।
𑌹𑍇𑌮𑌾𑌂𑌬𑍁𑌜𑌸𑌰𑌃𑌸𑍍𑌨𑌾𑌯𑍀 𑌶𑍍𑌰𑍀𑌮𑌨𑍋𑌭𑌾𑌵𑌿𑌤𑌾𑌕𑍃𑌤𑌿𑌃 ॥ 124 ॥

𑌶𑍍𑌰𑍀𑌪𑍍𑌰𑌦𑌤𑍍𑌤𑌾𑌂𑌬𑍁𑌜𑌸𑍍𑌰𑌗𑍍𑌵𑍀 𑌶𑍍𑌰𑍀𑌕𑍇𑌳𑌿𑌃 𑌶𑍍𑌰𑍀𑌨𑌿𑌧𑌿𑌰𑍍𑌭𑌵𑌃 ।
𑌶𑍍𑌰𑍀𑌪𑍍𑌰𑌦𑍋 𑌵𑌾𑌮𑌨𑍋 𑌲𑌕𑍍𑌷𑍍𑌮𑍀𑌨𑌾𑌯𑌕𑌶𑍍𑌚 𑌚𑌤𑍁𑌰𑍍𑌭𑍁𑌜𑌃 ॥ 125 ॥

𑌸𑌂𑌤𑍃𑌪𑍍𑌤𑌸𑍍𑌤𑌰𑍍𑌪𑌿𑌤𑌸𑍍𑌤𑍀𑌰𑍍𑌥𑌸𑍍𑌨𑌾𑌤𑍃𑌸𑍌𑌖𑍍𑌯𑌪𑍍𑌰𑌦𑌰𑍍𑌶𑌕𑌃 ।
𑌅𑌗𑌸𑍍𑌤𑍍𑌯𑌸𑍍𑌤𑍁𑌤𑌿𑌸𑌂𑌹𑍃𑌷𑍍𑌟𑍋 𑌦𑌰𑍍𑌶𑌿𑌤𑌾𑌵𑍍𑌯𑌕𑍍𑌤𑌭𑌾𑌵𑌨𑌃 ॥ 126 ॥

𑌕𑌪𑌿𑌲𑌾𑌰𑍍𑌚𑌿𑌃 𑌕𑌪𑌿𑌲𑌵𑌾𑌨𑍍 𑌸𑍁𑌸𑍍𑌨𑌾𑌤𑌾𑌘𑌵𑌿𑌪𑌾𑌟𑌨𑌃 ।
𑌵𑍃𑌷𑌾𑌕𑌪𑌿𑌃 𑌕𑌪𑌿𑌸𑍍𑌵𑌾𑌮𑌿𑌮𑌨𑍋𑌽𑌂𑌤𑌃𑌸𑍍𑌥𑌿𑌤𑌵𑌿𑌗𑍍𑌰𑌹𑌃 ॥ 12𑍭 ॥

𑌵𑌹𑍍𑌨𑌿𑌪𑍍𑌰𑌿𑌯𑍋𑌽𑌰𑍍𑌥𑌸𑌂𑌭𑌾𑌵𑍍𑌯𑍋 𑌜𑌨𑌲𑍋𑌕𑌵𑌿𑌧𑌾𑌯𑌕𑌃 ।
𑌵𑌹𑍍𑌨𑌿𑌪𑍍𑌰𑌭𑍋 𑌵𑌹𑍍𑌨𑌿𑌤𑍇𑌜𑌾𑌃 𑌶𑍁𑌭𑌾𑌭𑍀𑌷𑍍𑌟𑌪𑍍𑌰𑌦𑍋 𑌯𑌮𑍀 ॥ 12𑍮 ॥

𑌵𑌾𑌰𑍁𑌣𑌕𑍍𑌷𑍇𑌤𑍍𑌰𑌨𑌿𑌲𑌯𑍋 𑌵𑌰𑍁𑌣𑍋 𑌵𑌾𑌰𑌣𑌾𑌰𑍍𑌚𑌿𑌤𑌃 ।
𑌵𑌾𑌯𑍁𑌸𑍍𑌥𑌾𑌨𑌕𑍃𑌤𑌾𑌵𑌾𑌸𑍋 𑌵𑌾𑌯𑍁𑌗𑍋 𑌵𑌾𑌯𑍁𑌸𑌂𑌭𑍃𑌤𑌃 ॥ 12𑍯 ॥

𑌯𑌮𑌾𑌂𑌤𑌕𑍋𑌽𑌭𑌿𑌜𑌨𑌨𑍋 𑌯𑌮𑌲𑍋𑌕𑌨𑌿𑌵𑌾𑌰𑌣𑌃 ।
𑌯𑌮𑌿𑌨𑌾𑌮𑌗𑍍𑌰𑌗𑌣𑍍𑌯𑌶𑍍𑌚 𑌸𑌂𑌯𑌮𑍀 𑌯𑌮𑌭𑌾𑌵𑌿𑌤𑌃 ॥ 130 ॥

𑌇𑌂𑌦𑍍𑌰𑍋𑌦𑍍𑌯𑌾𑌨𑌸𑌮𑍀𑌪𑌸𑍍𑌥𑌃 𑌇𑌂𑌦𑍍𑌰𑌦𑍃𑌗𑍍𑌵𑌿𑌷𑌯𑌃 𑌪𑍍𑌰𑌭𑍁𑌃 ।
𑌯𑌕𑍍𑌷𑌰𑌾𑌟𑍍 𑌸𑌰𑌸𑍀𑌵𑌾𑌸𑍋 𑌹𑍍𑌯𑌕𑍍𑌷𑌯𑍍𑌯𑌨𑌿𑌧𑌿𑌕𑍋𑌶𑌕𑍃𑌤𑍍 ॥ 131 ॥

𑌸𑍍𑌵𑌾𑌮𑌿𑌤𑍀𑌰𑍍𑌥𑌕𑍃𑌤𑌾𑌵𑌾𑌸𑌃 𑌸𑍍𑌵𑌾𑌮𑌿𑌧𑍍𑌯𑍇𑌯𑍋 𑌹𑍍𑌯𑌧𑍋𑌕𑍍𑌷𑌜𑌃 ।
𑌵𑌰𑌾𑌹𑌾𑌦𑍍𑌯𑌷𑍍𑌟𑌤𑍀𑌰𑍍𑌥𑌾𑌭𑌿𑌸𑍇𑌵𑌿𑌤𑌾𑌂𑌘𑍍𑌰𑌿𑌸𑌰𑍋𑌰𑍁𑌹𑌃 ॥ 132 ॥

𑌪𑌾𑌂𑌡𑍁𑌤𑍀𑌰𑍍𑌥𑌾𑌭𑌿𑌷𑌿𑌕𑍍𑌤𑌾𑌂𑌗𑍋 𑌯𑍁𑌧𑌿𑌷𑍍𑌠𑌿𑌰𑌵𑌰𑌪𑍍𑌰𑌦𑌃 ।
𑌭𑍀𑌮𑌾𑌂𑌤𑌃𑌕𑌰𑌣𑌾𑌰𑍂𑌢𑌃 𑌶𑍍𑌵𑍇𑌤𑌵𑌾𑌹𑌨𑌸𑌖𑍍𑌯𑌵𑌾𑌨𑍍 ॥ 133 ॥

𑌨𑌕𑍁𑌲𑌾𑌭𑌯𑌦𑍋 𑌮𑌾𑌦𑍍𑌰𑍀𑌸𑌹𑌦𑍇𑌵𑌾𑌭𑌿𑌵𑌂𑌦𑌿𑌤𑌃 ।
𑌕𑍃𑌷𑍍𑌣𑌾𑌶𑌪𑌥𑌸𑌂𑌧𑌾𑌤𑌾 𑌕𑍁𑌂𑌤𑍀𑌸𑍍𑌤𑍁𑌤𑌿𑌰𑌤𑍋 𑌦𑌮𑍀 ॥ 134 ॥

𑌨𑌾𑌰𑌦𑌾𑌦𑌿𑌮𑍁𑌨𑌿𑌸𑍍𑌤𑍁𑌤𑍍𑌯𑍋 𑌨𑌿𑌤𑍍𑌯𑌕𑌰𑍍𑌮𑌪𑌰𑌾𑌯𑌣𑌃 ।
𑌦𑌰𑍍𑌶𑌿𑌤𑌾𑌵𑍍𑌯𑌕𑍍𑌤𑌰𑍂𑌪𑌶𑍍𑌚 𑌵𑍀𑌣𑌾𑌨𑌾𑌦𑌪𑍍𑌰𑌮𑍋𑌦𑌿𑌤𑌃 ॥ 135 ॥

𑌷𑌟𑍍𑌕𑍋𑌟𑌿𑌤𑍀𑌰𑍍𑌥𑌚𑌰𑍍𑌯𑌾𑌵𑌾𑌨𑍍 𑌦𑍇𑌵𑌤𑍀𑌰𑍍𑌥𑌕𑍃𑌤𑌾𑌶𑍍𑌰𑌮𑌃 ।
𑌬𑌿𑌲𑍍𑌵𑌾𑌮𑌲𑌜𑌲𑌸𑍍𑌨𑌾𑌯𑍀 𑌸𑌰𑌸𑍍𑌵𑌤𑍍𑌯𑌂𑌬𑍁𑌸𑍇𑌵𑌿𑌤𑌃 ॥ 136 ॥

𑌤𑍁𑌂𑌬𑍁𑌰𑍂𑌦𑌕𑌸𑌂𑌸𑍍𑌪𑌰𑍍𑌶𑌜𑌨𑌚𑌿𑌤𑍍𑌤𑌤𑌮𑍋𑌽𑌪𑌹𑌃 ।
𑌮𑌤𑍍𑌸𑍍𑌯𑌵𑌾𑌮𑌨𑌕𑍂𑌰𑍍𑌮𑌾𑌦𑌿𑌤𑍀𑌰𑍍𑌥𑌰𑌾𑌜𑌃 𑌪𑍁𑌰𑌾𑌣𑌭𑍃𑌤𑍍 ॥ 13𑍭 ॥

𑌚𑌕𑍍𑌰𑌧𑍍𑌯𑍇𑌯𑌪𑌦𑌾𑌂𑌭𑍋𑌜𑌃 𑌶𑌂𑌖𑌪𑍂𑌜𑌿𑌤𑌪𑌾𑌦𑍁𑌕𑌃 ।
𑌰𑌾𑌮𑌤𑍀𑌰𑍍𑌥𑌵𑌿𑌹𑌾𑌰𑍀 𑌚 𑌬𑌲𑌭𑌦𑍍𑌰𑌪𑍍𑌰𑌤𑌿𑌷𑍍𑌠𑌿𑌤𑌃 ॥ 13𑍮 ॥

𑌜𑌾𑌮𑌦𑌗𑍍𑌨𑍍𑌯𑌸𑌰𑌸𑍍𑌤𑍀𑌰𑍍𑌥𑌜𑌲𑌸𑍇𑌚𑌨𑌤𑌰𑍍𑌪𑌿𑌤𑌃 ।
𑌪𑌾𑌪𑌾𑌪𑌹𑌾𑌰𑌿𑌕𑍀𑌲𑌾𑌲𑌸𑍁𑌸𑍍𑌨𑌾𑌤𑌾𑌘𑌵𑌿𑌨𑌾𑌶𑌨𑌃 ॥ 13𑍯 ॥

𑌨𑌭𑍋𑌗𑌂𑌗𑌾𑌭𑌿𑌷𑌿𑌕𑍍𑌤𑌶𑍍𑌚 𑌨𑌾𑌗𑌤𑍀𑌰𑍍𑌥𑌾𑌭𑌿𑌷𑍇𑌕𑌵𑌾𑌨𑍍 ।
𑌕𑍁𑌮𑌾𑌰𑌧𑌾𑌰𑌾𑌤𑍀𑌰𑍍𑌥𑌸𑍍𑌥𑍋 𑌵𑌟𑍁𑌵𑍇𑌷𑌃 𑌸𑍁𑌮𑍇𑌖𑌲𑌃 ॥ 140 ॥

𑌵𑍃𑌦𑍍𑌧𑌸𑍍𑌯 𑌸𑍁𑌕𑍁𑌮𑌾𑌰𑌤𑍍𑌵𑌪𑍍𑌰𑌦𑌃 𑌸𑍌𑌂𑌦𑌰𑍍𑌯𑌵𑌾𑌨𑍍 𑌸𑍁𑌖𑍀 ।
𑌪𑍍𑌰𑌿𑌯𑌂𑌵𑌦𑍋 𑌮𑌹𑌾𑌕𑍁𑌕𑍍𑌷𑌿𑌰𑌿𑌕𑍍𑌷𑍍𑌵𑌾𑌕𑍁𑌕𑍁𑌲𑌨𑌂𑌦𑌨𑌃 ॥ 141 ॥

𑌨𑍀𑌲𑌗𑍋𑌕𑍍𑌷𑍀𑌰𑌧𑌾𑌰𑌾𑌭𑍂𑌰𑍍𑌵𑌰𑌾𑌹𑌾𑌚𑌲𑌨𑌾𑌯𑌕𑌃 ।
𑌭𑌰𑌦𑍍𑌵𑌾𑌜𑌪𑍍𑌰𑌤𑌿𑌷𑍍𑌠𑌾𑌵𑌾𑌨𑍍 𑌬𑍃𑌹𑌸𑍍𑌪𑌤𑌿𑌵𑌿𑌭𑌾𑌵𑌿𑌤𑌃 ॥ 142 ॥

𑌅𑌂𑌜𑌨𑌾𑌕𑍃𑌤𑌪𑍂𑌜𑌾𑌵𑌾𑌨𑍍 𑌆𑌂𑌜𑌨𑍇𑌯𑌕𑌰𑌾𑌰𑍍𑌚𑌿𑌤𑌃 ।
𑌅𑌂𑌜𑌨𑌾𑌦𑍍𑌰𑌿𑌨𑌿𑌵𑌾𑌸𑌶𑍍𑌚 𑌮𑍁𑌂𑌜𑌕𑍇𑌶𑌃 𑌪𑍁𑌰𑌂𑌦𑌰𑌃 ॥ 143 ॥

𑌕𑌿𑌨𑍍𑌨𑌰𑌦𑍍𑌵𑌯𑌸𑌂𑌬𑌂𑌧𑌿𑌬𑌂𑌧𑌮𑍋𑌕𑍍𑌷𑌪𑍍𑌰𑌦𑌾𑌯𑌕𑌃 ।
𑌵𑍈𑌖𑌾𑌨𑌸𑌮𑌖𑌾𑌰𑌂𑌭𑍋 𑌵𑍃𑌷𑌜𑍍𑌞𑍇𑌯𑍋 𑌵𑍃𑌷𑌾𑌚𑌲𑌃 ॥ 144 ॥

𑌵𑍃𑌷𑌕𑌾𑌯𑌪𑍍𑌰𑌭𑍇𑌤𑍍𑌤𑌾 𑌚 𑌕𑍍𑌰𑍀𑌡𑌨𑌾𑌚𑌾𑌰𑌸𑌂𑌭𑍍𑌰𑌮𑌃 ।
𑌸𑍌𑌵𑌰𑍍𑌚𑌲𑍇𑌯𑌵𑌿𑌨𑍍𑌯𑌸𑍍𑌤𑌰𑌾𑌜𑍍𑌯𑍋 𑌨𑌾𑌰𑌾𑌯𑌣𑌃 𑌪𑍍𑌰𑌿𑌯𑌃 ॥ 145 ॥

𑌦𑍁𑌰𑍍𑌮𑍇𑌧𑍋𑌭𑌂𑌜𑌕𑌃 𑌪𑍍𑌰𑌾𑌜𑍍𑌞𑍋 𑌬𑍍𑌰𑌹𑍍𑌮𑍋𑌤𑍍𑌸𑌵𑌮𑌹𑍋𑌤𑍍𑌸𑍁𑌕𑌃 ।
𑌭𑌦𑍍𑌰𑌾𑌸𑍁𑌰𑌶𑌿𑌰𑌶𑍍𑌛𑍇𑌤𑍍𑌤𑌾 𑌭𑌦𑍍𑌰𑌕𑍍𑌷𑍇𑌤𑍍𑌰𑍀 𑌸𑍁𑌭𑌦𑍍𑌰𑌵𑌾𑌨𑍍 ॥ 146 ॥

𑌮𑍃𑌗𑌯𑌾𑌽𑌕𑍍𑌷𑍀𑌣𑌸𑌨𑍍𑌨𑌾𑌹𑌃 𑌶𑌂𑌖𑌰𑌾𑌜𑌨𑍍𑌯𑌤𑍁𑌷𑍍𑌟𑌿𑌦𑌃 ।
𑌸𑍍𑌥𑌾𑌣𑍁𑌸𑍍𑌥𑍋 𑌵𑍈𑌨𑌤𑍇𑌯𑌾𑌂𑌗𑌭𑌾𑌵𑌿𑌤𑍋 𑌹𑍍𑌯𑌶𑌰𑍀𑌰𑌵𑌾𑌨𑍍 ॥ 14𑍭 ॥

𑌭𑍋𑌗𑍀𑌂𑌦𑍍𑌰𑌭𑍋𑌗𑌸𑌂𑌸𑍍𑌥𑌾𑌨𑍋 𑌬𑍍𑌰𑌹𑍍𑌮𑌾𑌦𑌿𑌗𑌣𑌸𑍇𑌵𑌿𑌤𑌃 ।
𑌸𑌹𑌸𑍍𑌰𑌾𑌰𑍍𑌕𑌚𑍍𑌛𑌟𑌾𑌭𑌾𑌸𑍍𑌵𑌦𑍍𑌵𑌿𑌮𑌾𑌨𑌾𑌂𑌤𑌃𑌸𑍍𑌥𑌿𑌤𑍋 𑌗𑍁𑌣𑍀 ॥ 14𑍮 ॥

𑌵𑌿𑌷𑍍𑌵𑌕𑍍𑌸𑍇𑌨𑌕𑍃𑌤𑌸𑍍𑌤𑍋𑌤𑍍𑌰𑌃 𑌸𑌨𑌂𑌦𑌨𑌵𑌰𑍀𑌵𑍃𑌤𑌃 ।
𑌜𑌾𑌹𑍍𑌨𑌵𑍍𑌯𑌾𑌦𑌿𑌨𑌦𑍀𑌸𑍇𑌵𑍍𑌯𑌃 𑌸𑍁𑌰𑍇𑌶𑌾𑌦𑍍𑌯𑌭𑌿𑌵𑌂𑌦𑌿𑌤𑌃 ॥ 14𑍯 ॥

𑌸𑍁𑌰𑌾𑌂𑌗𑌨𑌾𑌨𑍃𑌤𑍍𑌯𑌪𑌰𑍋 𑌗𑌂𑌧𑌰𑍍𑌵𑍋𑌦𑍍𑌗𑌾𑌯𑌨𑌪𑍍𑌰𑌿𑌯𑌃 ।
𑌰𑌾𑌕𑍇𑌂𑌦𑍁𑌸𑌂𑌕𑌾𑌶𑌨𑌖𑌃 𑌕𑍋𑌮𑌲𑌾𑌂𑌘𑍍𑌰𑌿𑌸𑌰𑍋𑌰𑍁𑌹𑌃 ॥ 150 ॥

𑌕𑌚𑍍𑌛𑌪𑌪𑍍𑌰𑌪𑌦𑌃 𑌕𑍁𑌂𑌦𑌗𑍁𑌲𑍍𑌫𑌕𑌃 𑌸𑍍𑌵𑌚𑍍𑌛𑌕𑍂𑌰𑍍𑌪𑌰𑌃 ।
𑌮𑍇𑌦𑍁𑌰𑌸𑍍𑌵𑌰𑍍𑌣𑌵𑌸𑍍𑌤𑍍𑌰𑌾𑌢𑍍𑌯𑌕𑌟𑌿𑌦𑍇𑌶𑌸𑍍𑌥𑌮𑍇𑌖𑌲𑌃 ॥ 151 ॥

𑌪𑍍𑌰𑍋𑌲𑍍𑌲𑌸𑌚𑍍𑌛𑍁𑌰𑌿𑌕𑌾𑌭𑌾𑌸𑍍𑌵𑌤𑍍𑌕𑌟𑌿𑌦𑍇𑌶𑌃 𑌶𑍁𑌭𑌂𑌕𑌰𑌃 ।
𑌅𑌨𑌂𑌤𑌪𑌦𑍍𑌮𑌜𑌸𑍍𑌥𑌾𑌨𑌨𑌾𑌭𑌿𑌰𑍍𑌮𑍌𑌕𑍍𑌤𑌿𑌕𑌮𑌾𑌲𑌿𑌕𑌃 ॥ 152 ॥

𑌮𑌂𑌦𑌾𑌰𑌚𑌾𑌂𑌪𑍇𑌯𑌮𑌾𑌲𑍀 𑌰𑌤𑍍𑌨𑌾𑌭𑌰𑌣𑌸𑌂𑌭𑍃𑌤𑌃 ।
𑌲𑌂𑌬𑌯𑌜𑍍𑌞𑍋𑌪𑌵𑍀𑌤𑍀 𑌚 𑌚𑌂𑌦𑍍𑌰𑌶𑍍𑌰𑍀𑌖𑌂𑌡𑌲𑍇𑌪𑌵𑌾𑌨𑍍 ॥ 153 ॥

𑌵𑌰𑌦𑍋𑌽𑌭𑌯𑌦𑌶𑍍𑌚𑌕𑍍𑌰𑍀 𑌶𑌂𑌖𑍀 𑌕𑍌𑌸𑍍𑌤𑍁𑌭𑌦𑍀𑌪𑍍𑌤𑌿𑌮𑌾𑌨𑍍 ।
𑌶𑍍𑌰𑍀𑌵𑌤𑍍𑌸𑌾𑌂𑌕𑌿𑌤𑌵𑌕𑍍𑌷𑌸𑍍𑌕𑍋 𑌲𑌕𑍍𑌷𑍍𑌮𑍀𑌸𑌂𑌶𑍍𑌰𑌿𑌤𑌹𑍃𑌤𑍍𑌤𑌟𑌃 ॥ 154 ॥

𑌨𑍀𑌲𑍋𑌤𑍍𑌪𑌲𑌨𑌿𑌭𑌾𑌕𑌾𑌰𑌃 𑌶𑍋𑌣𑌾𑌂𑌭𑍋𑌜𑌸𑌮𑌾𑌨𑌨𑌃 ।
𑌕𑍋𑌟𑌿𑌮𑌨𑍍𑌮𑌥𑌲𑌾𑌵𑌣𑍍𑌯𑌶𑍍𑌚𑌂𑌦𑍍𑌰𑌿𑌕𑌾𑌸𑍍𑌮𑌿𑌤𑌪𑍂𑌰𑌿𑌤𑌃 ॥ 155 ॥

𑌸𑍁𑌧𑌾𑌸𑍍𑌵𑌚𑍍𑌛𑍋𑌰𑍍𑌧𑍍𑌵𑌪𑍁𑌂𑌡𑍍𑌰𑌶𑍍𑌚 𑌕𑌸𑍍𑌤𑍂𑌰𑍀𑌤𑌿𑌲𑌕𑌾𑌂𑌚𑌿𑌤𑌃 ।
𑌪𑍁𑌂𑌡𑌰𑍀𑌕𑍇𑌕𑍍𑌷𑌣𑌃 𑌸𑍍𑌵𑌚𑍍𑌛𑍋 𑌮𑍌𑌲𑌿𑌶𑍋𑌭𑌾𑌵𑌿𑌰𑌾𑌜𑌿𑌤𑌃 ॥ 156 ॥

𑌪𑌦𑍍𑌮𑌸𑍍𑌥𑌃 𑌪𑌦𑍍𑌮𑌨𑌾𑌭𑌶𑍍𑌚 𑌸𑍋𑌮𑌮𑌂𑌡𑌲𑌗𑍋 𑌬𑍁𑌧𑌃 ।
𑌵𑌹𑍍𑌨𑌿𑌮𑌂𑌡𑌲𑌗𑌃 𑌸𑍂𑌰𑍍𑌯𑌃 𑌸𑍂𑌰𑍍𑌯𑌮𑌂𑌡𑌲𑌸𑌂𑌸𑍍𑌥𑌿𑌤𑌃 ॥ 15𑍭 ॥

𑌶𑍍𑌰𑍀𑌪𑌤𑌿𑌰𑍍𑌭𑍂𑌮𑌿𑌜𑌾𑌨𑌿𑌶𑍍𑌚 𑌵𑌿𑌮𑌲𑌾𑌦𑍍𑌯𑌭𑌿𑌸𑌂𑌵𑍃𑌤𑌃 ।
𑌜𑌗𑌤𑍍𑌕𑍁𑌟𑍁𑌂𑌬𑌜𑌨𑌿𑌤𑌾 𑌰𑌕𑍍𑌷𑌕𑌃 𑌕𑌾𑌮𑌿𑌤𑌪𑍍𑌰𑌦𑌃 ॥ 15𑍮 ॥

𑌅𑌵𑌸𑍍𑌥𑌾𑌤𑍍𑌰𑌯𑌯𑌂𑌤𑌾 𑌚 𑌵𑌿𑌶𑍍𑌵𑌤𑍇𑌜𑌸𑍍𑌸𑍍𑌵𑌰𑍂𑌪𑌵𑌾𑌨𑍍 ।
𑌜𑍍𑌞𑌪𑍍𑌤𑌿𑌰𑍍𑌜𑍍𑌞𑍇𑌯𑍋 𑌜𑍍𑌞𑌾𑌨𑌗𑌮𑍍𑌯𑍋 𑌜𑍍𑌞𑌾𑌨𑌾𑌤𑍀𑌤𑌃 𑌸𑍁𑌰𑌾𑌤𑌿𑌗𑌃 ॥ 15𑍯 ॥

𑌬𑍍𑌰𑌹𑍍𑌮𑌾𑌂𑌡𑌾𑌂𑌤𑌰𑍍𑌬𑌹𑌿𑌰𑍍𑌵𑍍𑌯𑌾𑌪𑍍𑌤𑍋 𑌵𑍇𑌂𑌕𑌟𑌾𑌦𑍍𑌰𑌿𑌗𑌦𑌾𑌧𑌰𑌃 ।
𑌵𑍇𑌂𑌕𑌟𑌾𑌦𑍍𑌰𑌿𑌗𑌦𑌾𑌧𑌰 𑌓𑌂 𑌨𑌮𑌃 𑌇𑌤𑌿 ॥
𑌏𑌵𑌂 𑌶𑍍𑌰𑍀𑌵𑍇𑌂𑌕𑌟𑍇𑌶𑌸𑍍𑌯 𑌕𑍀𑌰𑍍𑌤𑌿𑌤𑌂 𑌪𑌰𑌮𑌾𑌦𑍍𑌭𑍁𑌤𑌮𑍍 ॥ 160 ॥

𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌂 𑌸𑌂𑌶𑍍𑌰𑌾𑌵𑍍𑌯𑌂 𑌪𑌵𑌿𑌤𑍍𑌰𑌂 𑌪𑍁𑌣𑍍𑌯𑌵𑌰𑍍𑌧𑌨𑌮𑍍 ।
𑌶𑍍𑌰𑌵𑌣𑌾𑌤𑍍𑌸𑌰𑍍𑌵𑌦𑍋𑌷𑌘𑍍𑌨𑌂 𑌰𑍋𑌗𑌘𑍍𑌨𑌂 𑌮𑍃𑌤𑍍𑌯𑍁𑌨𑌾𑌶𑌨𑌮𑍍 ॥ 1 ॥

𑌦𑌾𑌰𑌿𑌦𑍍𑌰𑍍𑌯𑌭𑍇𑌦𑌨𑌂 𑌧𑌰𑍍𑌮𑍍𑌯𑌂 𑌸𑌰𑍍𑌵𑍈𑌶𑍍𑌵𑌰𑍍𑌯𑌫𑌲𑌪𑍍𑌰𑌦𑌮𑍍 ।
𑌕𑌾𑌲𑌾𑌹𑌿𑌵𑌿𑌷𑌵𑌿𑌚𑍍𑌛𑍇𑌦𑌿 𑌜𑍍𑌵𑌰𑌾𑌪𑌸𑍍𑌮𑌾𑌰𑌭𑌂𑌜𑌨𑌮𑍍 ॥ 2 ॥

[𑌶𑌤𑍍𑌰𑍁𑌕𑍍𑌷𑌯𑌕𑌰𑌂 𑌰𑌾𑌜𑌗𑍍𑌰𑌹𑌪𑍀𑌡𑌾𑌨𑌿𑌵𑌾𑌰𑌣𑌮𑍍 ।
𑌬𑍍𑌰𑌹𑍍𑌮𑌰𑌾𑌕𑍍𑌷𑌸𑌕𑍂𑌷𑍍𑌮𑌾𑌂𑌡𑌭𑍇𑌤𑌾𑌲𑌭𑌯𑌭𑌂𑌜𑌨𑌮𑍍 ॥]

𑌵𑌿𑌦𑍍𑌯𑌾𑌭𑌿𑌲𑌾𑌷𑍀 𑌵𑌿𑌦𑍍𑌯𑌾𑌵𑌾𑌨𑍍 𑌧𑌨𑌾𑌰𑍍𑌥𑍀 𑌧𑌨𑌵𑌾𑌨𑍍 𑌭𑌵𑍇𑌤𑍍 ।
𑌅𑌨𑌂𑌤𑌕𑌲𑍍𑌪𑌜𑍀𑌵𑍀 𑌸𑍍𑌯𑌾𑌦𑌾𑌯𑍁𑌷𑍍𑌕𑌾𑌮𑍋 𑌮𑌹𑌾𑌯𑌶𑌾𑌃 ॥ 3 ॥

𑌪𑍁𑌤𑍍𑌰𑌾𑌰𑍍𑌥𑍀 𑌸𑍁𑌗𑍁𑌣𑌾𑌨𑍍𑌪𑍁𑌤𑍍𑌰𑌾𑌨𑍍 𑌲𑌭𑍇𑌤𑌾𑌽𑌽𑌯𑍁𑌷𑍍𑌮𑌤𑌸𑍍𑌤𑌤𑌃 ।
𑌸𑌂𑌗𑍍𑌰𑌾𑌮𑍇 𑌶𑌤𑍍𑌰𑍁𑌵𑌿𑌜𑌯𑍀 𑌸𑌭𑌾𑌯𑌾𑌂 𑌪𑍍𑌰𑌤𑌿𑌵𑌾𑌦𑌿𑌜𑌿𑌤𑍍 ॥ 4 ॥

𑌦𑌿𑌵𑍍𑌯𑍈𑌰𑍍𑌨𑌾𑌮𑌭𑌿𑌰𑍇𑌭𑌿𑌸𑍍𑌤𑍁 𑌤𑍁𑌲𑌸𑍀𑌪𑍂𑌜𑌨𑌾𑌤𑍍𑌸𑌕𑍃𑌤𑍍 ।
𑌵𑍈𑌕𑍁𑌂𑌠𑌵𑌾𑌸𑍀 𑌭𑌗𑌵𑌤𑍍𑌸𑌦𑍃𑌶𑍋 𑌵𑌿𑌷𑍍𑌣𑍁𑌸𑌨𑍍𑌨𑌿𑌧𑍌 ॥ 5 ॥

𑌕𑌲𑍍𑌹𑌾𑌰𑌪𑍂𑌜𑌨𑌾𑌨𑍍𑌮𑌾𑌸𑌾𑌤𑍍 𑌦𑍍𑌵𑌿𑌤𑍀𑌯 𑌇𑌵 𑌯𑌕𑍍𑌷𑌰𑌾𑌟𑍍 ।
𑌨𑍀𑌲𑍋𑌤𑍍𑌪𑌲𑌾𑌰𑍍𑌚𑌨𑌾𑌤𑍍𑌸𑌰𑍍𑌵𑌰𑌾𑌜𑌪𑍂𑌜𑍍𑌯𑌃 𑌸𑌦𑌾 𑌭𑌵𑍇𑌤𑍍 ॥ 6 ॥

𑌹𑍃𑌤𑍍𑌸𑌂𑌸𑍍𑌥𑌿𑌤𑍈𑌰𑍍𑌨𑌾𑌮𑌭𑌿𑌸𑍍𑌤𑍁 𑌭𑍂𑌯𑌾𑌦𑍍𑌦𑍃𑌗𑍍𑌵𑌿𑌷𑌯𑍋 𑌹𑌰𑌿𑌃 ।
𑌵𑌾𑌂𑌛𑌿𑌤𑌾𑌰𑍍𑌥𑌂 𑌤𑌦𑌾 𑌦𑌤𑍍𑌵𑌾 𑌵𑍈𑌕𑍁𑌂𑌠𑌂 𑌚 𑌪𑍍𑌰𑌯𑌚𑍍𑌛𑌤𑌿 ॥ 𑍭 ॥

𑌤𑍍𑌰𑌿𑌸𑌂𑌧𑍍𑌯𑌂 𑌯𑍋 𑌜𑌪𑍇𑌨𑍍𑌨𑌿𑌤𑍍𑌯𑌂 𑌸𑌂𑌪𑍂𑌜𑍍𑌯 𑌵𑌿𑌧𑌿𑌨𑌾 𑌵𑌿𑌭𑍁𑌮𑍍 ।
𑌤𑍍𑌰𑌿𑌵𑌾𑌰𑌂 𑌪𑌂𑌚𑌵𑌾𑌰𑌂 𑌵𑌾 𑌪𑍍𑌰𑌤𑍍𑌯𑌹𑌂 𑌕𑍍𑌰𑌮𑌶𑍋 𑌯𑌮𑍀 ॥ 𑍮 ॥

𑌮𑌾𑌸𑌾𑌦𑌲𑌕𑍍𑌷𑍍𑌮𑍀𑌨𑌾𑌶𑌃 𑌸𑍍𑌯𑌾𑌤𑍍 𑌦𑍍𑌵𑌿𑌮𑌾𑌸𑌾𑌤𑍍 𑌸𑍍𑌯𑌾𑌨𑍍𑌨𑌰𑍇𑌂𑌦𑍍𑌰𑌤𑌾 ।
𑌤𑍍𑌰𑌿𑌮𑌾𑌸𑌾𑌨𑍍𑌮𑌹𑌦𑍈𑌶𑍍𑌵𑌰𑍍𑌯𑌂 𑌤𑌤𑌃 𑌸𑌂𑌭𑌾𑌷𑌣𑌂 𑌭𑌵𑍇𑌤𑍍 ॥ 𑍯 ॥

𑌮𑌾𑌸𑌂 𑌪𑌠𑌨𑍍𑌨𑍍𑌯𑍂𑌨𑌕𑌰𑍍𑌮𑌪𑍂𑌰𑍍𑌤𑌿𑌂 𑌚 𑌸𑌮𑌵𑌾𑌪𑍍𑌨𑍁𑌯𑌾𑌤𑍍 ।
𑌮𑌾𑌰𑍍𑌗𑌭𑍍𑌰𑌷𑍍𑌟𑌶𑍍𑌚 𑌸𑌨𑍍𑌮𑌾𑌰𑍍𑌗𑌂 𑌗𑌤𑌸𑍍𑌵𑌃 𑌸𑍍𑌵𑌂 𑌸𑍍𑌵𑌕𑍀𑌯𑌕𑌮𑍍 ॥ 10 ॥

𑌚𑌾𑌂𑌚𑌲𑍍𑌯𑌚𑌿𑌤𑍍𑌤𑍋𑌽𑌚𑌾𑌂𑌚𑌲𑍍𑌯𑌂 𑌮𑌨𑌸𑍍𑌸𑍍𑌵𑌾𑌸𑍍𑌥𑍍𑌯𑌂 𑌚 𑌗𑌚𑍍𑌛𑌤𑌿 ।
𑌆𑌯𑍁𑌰𑌾𑌰𑍋𑌗𑍍𑌯𑌮𑍈𑌶𑍍𑌵𑌰𑍍𑌯𑌂 𑌜𑍍𑌞𑌾𑌨𑌂 𑌮𑍋𑌕𑍍𑌷𑌂 𑌚 𑌵𑌿𑌂𑌦𑌤𑌿 ॥ 11 ॥

𑌸𑌰𑍍𑌵𑌾𑌨𑍍𑌕𑌾𑌮𑌾𑌨𑌵𑌾𑌪𑍍𑌨𑍋𑌤𑌿 𑌶𑌾𑌶𑍍𑌵𑌤𑌂 𑌚 𑌪𑌦𑌂 𑌤𑌥𑌾 ।
𑌸𑌤𑍍𑌯𑌂 𑌸𑌤𑍍𑌯𑌂 𑌪𑍁𑌨𑌸𑍍𑌸𑌤𑍍𑌯𑌂 𑌸𑌤𑍍𑌯𑌂 𑌸𑌤𑍍𑌯𑌂 𑌨 𑌸𑌂𑌶𑌯𑌃 ॥ 12 ॥

𑌇𑌤𑌿 𑌶𑍍𑌰𑍀 𑌬𑍍𑌰𑌹𑍍𑌮𑌾𑌂𑌡𑌪𑍁𑌰𑌾𑌣𑍇 𑌵𑌸𑌿𑌷𑍍𑌠𑌨𑌾𑌰𑌦𑌸𑌂𑌵𑌾𑌦𑍇 𑌶𑍍𑌰𑍀𑌵𑍇𑌂𑌕𑌟𑌾𑌚𑌲𑌮𑌾𑌹𑌾𑌤𑍍𑌮𑍍𑌯𑍇 𑌶𑍍𑌰𑍀 𑌵𑍇𑌂𑌕𑌟𑍇𑌶 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌂 𑌸𑌮𑌾𑌪𑍍𑌤𑌮𑍍 ।