കൃഷ്ണ യജുർവേദീയ തൈത്തിരീയ ബ്രാഹ്മണേ പ്രഥമാഷ്ടകേ സപ്തമഃ പ്രപാഠകഃ - രാജസൂയാനുബ്രാഹ്മണം

ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥

അനുവാകം 1 - ശുനാസീരീയേന്ദ്രതുരീയപഞ്ചാവത്തീയാപാമാര്ഗഹോമാഃ

ഏ॒ത-ദ്ബ്രാ᳚ഹ്മണാന്യേ॒വ പഞ്ച॑ ഹ॒വീഗ്​മ്ഷി॑ । അഥേന്ദ്രാ॑യ॒ ശുനാ॒സീരാ॑യ പുരോ॒ഡാശ॒-ന്ദ്വാദ॑ശകപാല॒-ന്നിർവ॑പതി । സം॒​വഁ॒ഥ്സ॒രോ വാ ഇന്ദ്രാ॒ ശുനാ॒സീരഃ॑ । സം॒​വഁ॒ഥ്സ॒രേണൈ॒വാസ്മാ॒ അന്ന॒മവ॑ രുന്ധേ । വാ॒യ॒വ്യ॑-മ്പയോ॑ ഭവതി । വാ॒യുർവൈ വൃഷ്ട്യൈ᳚ പ്രദാപയി॒താ । സ ഏ॒വാസ്മൈ॒ വൃഷ്ടി॒-മ്പ്രദാ॑പയതി । സൌ॒ര്യ॑ ഏക॑കപാലോ ഭവതി । സൂര്യേ॑ണ॒ വാ അ॒മുഷ്മി॑ഁല്ലോ॒കേ വൃഷ്ടി॑ര്ധൃ॒താ । സ ഏ॒വാസ്മൈ॒ വൃഷ്ടി॒-ന്നി യ॑ച്ഛതി ॥ 1 ॥

ദ്വാ॒ദ॒ശ॒ഗ॒വഗ്​മ് സീര॒-ന്ദക്ഷി॑ണാ॒ സമൃ॑ദ്ധ്യൈ । ദേ॒വാ॒സു॒രാ-സ്സം​യഁ ॑ത്താ ആസന്ന് । തേ ദേ॒വാ അ॒ഗ്നിമ॑ബ്രുവന്ന് । ത്വയാ॑ വീ॒രേണാസു॑രാന॒-ഭിഭ॑വാ॒മേതി॑ । സോ᳚-ഽബ്രവീത് । ത്രേ॒ധാ-ഽഹമാ॒ത്മാനം॒-വിഁക॑രിഷ്യ॒ ഇതി॑ । സ ത്രേ॒ധാ ഽഽത്മാനം॒-വ്യഁ ॑കുരുത । അ॒ഗ്നി-ന്തൃതീ॑യമ് । രു॒ദ്ര-ന്തൃതീ॑യമ് । വരു॑ണ॒-ന്തൃതീ॑യമ് ॥ 2 ॥

സോ᳚-ഽബ്രവീത് । ക ഇ॒ദ-ന്തു॒രീയ॒മിതി॑ । അ॒ഹമിതീന്ദ്രോ᳚-ഽബ്രവീത് ।
സ-ന്തു സൃ॑ജാവഹാ॒ ഇതി॑ । തൌ സമ॑സൃജേതാമ് । സ ഇന്ദ്ര॑സ്തു॒രീയ॑-മഭവത് । യദിന്ദ്ര॑-സ്തു॒രീയ॒-മഭ॑വത് । തദി॑ന്ദ്ര-തുരീ॒യസ്യേ᳚ന്ദ്ര-തുരീയ॒ത്വമ് । തതോ॒ വൈ ദേ॒വാ വ്യ॑ജയന്ത । യദി॑ന്ദ്രതുരീ॒യ-ന്നി॑രു॒പ്യതേ॒ വിജി॑ത്യൈ ॥ 3 ॥

വ॒ഹിനീ॑ ധേ॒നു-ര്ദക്ഷി॑ണാ । യ-ദ്വ॒ഹിനീ᳚ । തേനാ᳚ഗ്നേ॒യീ ।
യ-ദ്ഗൌഃ । തേന॑ രൌ॒ദ്രീ । യ-ദ്ധേ॒നുഃ । തേനൈ॒ന്ദ്രീ । യഥ്സ്ത്രീ സ॒തീ ദാ॒ന്താ । തേന॑ വാരു॒ണീ സമൃ॑ദ്ധ്യൈ । പ്ര॒ജാപ॑തി-ര്യ॒ജ്ഞമ॑സൃജത ॥ 4 ॥

തഗ്​മ് സൃ॒ഷ്ടഗ്​മ് രക്ഷാഗ്॑സ്യജിഘാഗ്​മ്സന്ന് । സ ഏ॒താഃ പ്ര॒ജാപ॑തി-രാ॒ത്മനോ॑ ദേ॒വതാ॒ നിര॑മിമീത । താഭി॒ർവൈ സ ദി॒ഗ്ഭ്യോ രക്ഷാഗ്​മ്॑സി॒ പ്രാണു॑ദത । യ-ത്പ॑ഞ്ചാവ॒ത്തീയ॑-ഞ്ജു॒ഹോതി॑ । ദി॒ഗ്ഭ്യ ഏ॒വ ത-ദ്യജ॑മാനോ॒ രക്ഷാഗ്​മ്॑സി॒ പ്രണു॑ദതേ । സമൂ॑ഢ॒ഗ്​മ്॒ രക്ഷ॒-സ്സന്ദ॑ഗ്ധ॒ഗ്​മ്॒ രക്ഷ॒ ഇത്യാ॑ഹ । രക്ഷാഗ്॑സ്യേ॒വ സന്ദ॑ഹതി । അ॒ഗ്നയേ॑ രക്ഷോ॒ഘ്നേ സ്വാഹേത്യാ॑ഹ । ദേ॒വതാ᳚ഭ്യ ഏ॒വ വി॑ജിഗ്യാ॒നാഭ്യോ॑ ഭാഗ॒ധേയ॑-ങ്കരോതി । പ്ര॒ഷ്ടി॒വാ॒ഹീ രഥോ॒ ദക്ഷി॑ണാ॒ സമൃ॑ദ്ധ്യൈ ॥ 5 ॥

ഇന്ദ്രോ॑ വൃ॒ത്രഗ്​മ് ഹ॒ത്വാ । അസു॑രാ-ന്പരാ॒ഭാവ്യ॑ । നമു॑ചിമാസു॒ര-ന്നാല॑ഭത । തഗ്​മ് ശ॒ച്യാ॑-ഽഗൃഹ്ണാത് । തൌ സമ॑ലഭേതാമ് । സോ᳚-ഽസ്മാ-ദ॒ഭിശു॑നതരോ-ഽഭവത് । സോ᳚-ഽബ്രവീത് । സ॒ധാംഗ്​മ് സന്ദ॑ധാവഹൈ । അഥ॒ ത്വാ-ഽവ॑ സ്രക്ഷ്യാമി । ന മാ॒ ശുഷ്കേ॑ണ॒ നാര്ദ്രേണ॑ ഹനഃ ॥ 6 ॥

ന ദിവാ॒ ന നക്ത॒മിതി॑ । സ ഏ॒തമ॒പാ-മ്ഫേന॑മസിഞ്ചത് । ന വാ ഏ॒ഷ ശുഷ്കോ॒ നാര്ദ്രോ വ്യു॑ഷ്ടാ ഽഽസീത് । അനു॑ദിത॒-സ്സൂര്യഃ॑ । ന വാ ഏ॒ത-ദ്ദിവാ॒ ന നക്ത᳚മ് । തസ്യൈ॒തസ്മി॑ന് ഁലോ॒കേ । അ॒പാ-മ്ഫേനേ॑ന॒ ശിര॒ ഉദ॑വര്തയത് । തദേ॑ന॒മന്വ॑വര്തത । മിത്ര॑ദ്രു॒ഗിതി॑ ॥ 7 ॥

സ ഏ॒താന॑പാമാ॒ര്ഗാന॑ജനയത് । താന॑ജുഹോത് । തൈർവൈ സ രക്ഷാ॒ഗ്॒സ്യപാ॑ഹത । യദ॑പാമാര്ഗ ഹോ॒മോ ഭവ॑തി । രക്ഷ॑സാ॒-മപ॑ഹത്യൈ । ഏ॒കോ॒ല് മു॒കേന॑ യന്തി । തദ്ധി രക്ഷ॑സാ-മ്ഭാഗ॒ധേയ᳚മ് । ഇ॒മാ-ന്ദിശം॑-യഁന്തി । ഏ॒ഷാ വൈ രക്ഷ॑സാ॒-ന്ദിക് । സ്വായാ॑മേ॒വ ദി॒ശി രക്ഷാഗ്​മ്॑സി ഹന്തി ॥ 8 ॥

സ്വകൃ॑ത॒ ഇരി॑ണേ ജുഹോതി പ്രദ॒രേ വാ᳚ । ഏ॒ത-ദ്വൈ രക്ഷ॑സാമാ॒യത॑നമ് । സ്വ ഏ॒വായത॑നേ॒ രക്ഷാഗ്​മ്॑സി ഹന്തി । പ॒ര്ണ॒മയേ॑ന സ്രു॒വേണ॑ ജുഹോതി । ബ്രഹ്മ॒ വൈ പ॒ര്ണഃ । ബ്രഹ്മ॑ണൈ॒വ രക്ഷാഗ്​മ്॑സി ഹന്തി । ദേ॒വസ്യ॑ ത്വാ സവി॒തുഃ പ്ര॑സ॒വ ഇത്യാ॑ഹ । സ॒വി॒തൃപ്ര॑സൂത ഏ॒വ രക്ഷാഗ്​മ്॑സി ഹന്തി । ഹ॒തഗ്​മ് രക്ഷോ ഽവ॑ധിഷ്മ॒ രക്ഷ॒ ഇത്യാ॑ഹ । രക്ഷ॑സാ॒ഗ്॒ സ്തൃത്യൈ᳚ । യദ്വസ്തേ॒ ത-ദ്ദക്ഷി॑ണാ നി॒രവ॑ത്ത്യൈ । അപ്ര॑തീക്ഷ॒മാ യ॑ന്തി । രക്ഷ॑സാ-മ॒ന്തര്​ഹി॑ത്യൈ ॥ 9 ॥
(യ॒ച്ഛ॒തി॒ - വരു॑ണ॒-ന്തൃതീ॑യം॒ - ഁവിജി॑ത്യാ - അസൃജത॒ - സമൃ॑ദ്ധ്യൈ - ഹനോ॒ - മിത്ര॑ദ്രു॒ഗിതി॑ - ഹന്തി॒ - സ്തൃത്യൈ॒ ത്രീണി॑ ച) (അ. 1)

അനുവാകം 2 - ദേവികാവഹവീംഷി
ധാ॒ത്രേ പു॑രോ॒ഡാശ॒-ന്ദ്വാദ॑ശകപാല॒-ന്നിർവ॑പതി । സം॒​വഁ॒ഥ്സ॒രോ വൈ ധാ॒താ । സം॒​വഁ॒ഥ്സ॒രേണൈ॒വാസ്മൈ᳚ പ്ര॒ജാഃ പ്രജ॑നയതി । അന്വേ॒വാസ്മാ॒ അനു॑മതിര്മന്യതേ । രാ॒തേ രാ॒കാ । പ്ര സി॑നീവാ॒ലീ ജ॑നയതി । പ്ര॒ജാസ്വേ॒വ പ്രജാ॑താസു കു॒ഹ്വാ॑ വാച॑-ന്ദധാതി । മി॒ഥു॒നൌ ഗാവൌ॒ ദക്ഷി॑ണാ॒ സമൃ॑ദ്ധ്യൈ । ആ॒ഗ്നാ॒വൈ॒ഷ്ണ॒വ-മേകാ॑ദശകപാല॒-ന്നിർവ॑പതി । ഐ॒ന്ദ്രാ॒വൈ॒ഷ്ണ॒വ-മേകാ॑ദശകപാലമ് ॥ 10 ॥

വൈ॒ഷ്ണ॒വ-ന്ത്രി॑കപാ॒ലമ് । വീ॒ര്യം॑-വാഁ അ॒ഗ്നിഃ । വീ॒ര്യ॑മിന്ദ്രഃ॑ । വീ॒ര്യം॑-വിഁഷ്ണുഃ॑ । പ്ര॒ജാ ഏ॒വ പ്രജാ॑താ വീ॒ര്യേ᳚ പ്രതി॑ഷ്ഠാപയതി । തസ്മാ᳚-ത്പ്ര॒ജാ വീ॒ര്യാ॑വതീഃ । വാ॒മ॒ന ഋ॑ഷ॒ഭോ വ॒ഹീ ദക്ഷി॑ണാ । യദ്വ॒ഹീ । തേനാ᳚ഗ്നേ॒യഃ । യദൃ॑ഷ॒ഭഃ ॥ 11 ॥

തേനൈ॒ന്ദ്രഃ । യദ്വാ॑മ॒നഃ । തേന॑ വൈഷ്ണ॒വ-സ്സമൃ॑ദ്ധ്യൈ । അ॒ഗ്നീ॒ഷോ॒മീയ॒-മേകാ॑ദശകപാല॒-ന്നിർവ॑പതി । ഇ॒ന്ദ്രാ॒സോ॒മീയ॒-മേകാ॑ദശകപാലമ് । സൌ॒മ്യ-ഞ്ച॒രുമ് । സോമോ॒ വൈ രേ॑തോ॒ധാഃ । അ॒ഗ്നിഃ പ്ര॒ജാനാ᳚-മ്പ്രജനയി॒താ । വൃ॒ദ്ധാനാ॒മിന്ദ്രഃ॑ പ്രദാപയി॒താ । സോമ॑ ഏ॒വാസ്മൈ॒ രേതോ॒ ദധാ॑തി ॥ 12 ॥

അ॒ഗ്നിഃ പ്ര॒ജാ-മ്പ്രജ॑നയതി । വൃ॒ദ്ധാമിന്ദ്രഃ॒ പ്രയ॑ച്ഛതി । ബ॒ഭ്രു-ര്ദക്ഷി॑ണാ॒ സമൃ॑ദ്ധ്യൈ । സോ॒മാ॒പൌ॒ഷ്ണ-ഞ്ച॒രു-ന്നിർവ॑പതി । ഐ॒ന്ദ്രാ॒പൌ॒ഷ്ണ-ഞ്ച॒രുമ് । സോമോ॒ വൈ രേ॑തോ॒ധാഃ । പൂ॒ഷാ പ॑ശൂ॒നാ-മ്പ്ര॑ജനയി॒താ । വൃ॒ദ്ധാനാ॒മിന്ദ്രഃ॑ പ്രദാപയി॒താ । സോമ॑ ഏ॒വാസ്മൈ॒ രേതോ॒ ദധാ॑തി । പൂ॒ഷാ പ॒ശൂ-ന്പ്രജ॑നയതി ॥ 13 ॥

വൃ॒ദ്ധാനിന്ദ്രഃ॒ പ്രയ॑ച്ഛതി । പൌ॒ഷ്ണശ്ച॒രു-ര്ഭ॑വതി । ഇ॒യം-വൈഁ പൂ॒ഷാ । അ॒സ്യാമേ॒വ പ്രതി॑ തിഷ്ഠതി । ശ്യാ॒മോ ദക്ഷി॑ണാ॒ സമൃ॑ദ്ധ്യൈ । ബ॒ഹു വൈ പുരു॑ഷോ-ഽമേ॒ദ്ധ്യ-മുപ॑ഗച്ഛതി । വൈ॒ശ്വാ॒ന॒ര-ന്ദ്വാദ॑ശകപാല॒-ന്നിർവ॑പതി । സം॒​വഁ॒ഥ്സ॒രോ വാ അ॒ഗ്നി-ർവൈ᳚ശ്വാന॒രഃ । സം॒​വഁ॒ഥ്സ॒രേണൈ॒വൈനഗ്ഗ്॑ സ്വദയതി । ഹിര॑ണ്യ॒-ന്ദക്ഷി॑ണാ ॥ 14 ॥

പ॒വിത്രം॒-വൈഁ ഹിര॑ണ്യമ് । പു॒നാത്യേ॒വൈന᳚മ് । ബ॒ഹു വൈ രാ॑ജ॒ന്യോ ഽനൃ॑ത-ങ്കരോതി । ഉപ॑ ജാ॒മ്യൈ ഹര॑തേ । ജി॒നാതി॑ ബ്രാഹ്മ॒ണമ് । വദ॒ത്യനൃ॑തമ് । അനൃ॑തേ॒ ഖലു॒ വൈ ക്രി॒യമാ॑ണേ॒ വരു॑ണോ ഗൃഹ്ണാതി । വാ॒രു॒ണം-യഁ ॑വ॒മയ॑-ഞ്ച॒രു-ന്നിർവ॑പതി । വ॒രു॒ണ॒പാ॒ശാദേ॒വൈന॑-മ്മുഞ്ചതി । അശ്വോ॒ ദക്ഷി॑ണാ । വാ॒രു॒ണോ ഹി ദേ॒വത॒യാ-ഽശ്വ॒-സ്സമൃ॑ദ്ധ്യൈ ॥ 15 ॥
(ഐ॒ന്ദ്രാ॒വൈ॒ഷ്ണാ॒വമേകാ॑ദശകപാലം॒-ഁയദൃ॑ഷ॒ഭോ- ദധാ॑തി-പൂ॒ഷാ പ॒ശൂ-ന്പ്രജ॑നയതി॒-ഹിര॑ണ്യം॒ ദക്ഷി॑ണാ॒-ദക്ഷി॒ണൈകം॑ ച) (അ. 2)

അനുവാകം 3 - രത്നിനാം ഹവീംഷി
ര॒ത്നിനാ॑മേ॒താനി॑ ഹ॒വീഗ്​മ്ഷി॑ ഭവന്തി । ഏ॒തേ വൈ രാ॒ഷ്ട്രസ്യ॑ പ്രദാ॒താരഃ॑ । ഏ॒തേ॑-ഽപാദാ॒താരഃ॑ । യ ഏ॒വ രാ॒ഷ്ട്രസ്യ॑ പ്രദാ॒താരഃ॑ । യേ॑-ഽപാദാ॒താരഃ॑ । ത ഏ॒വാസ്മൈ॑ രാ॒ഷ്ട്ര-മ്പ്രയ॑ച്ഛന്തി । രാ॒ഷ്ട്രമേ॒വ ഭ॑വതി । യ-ഥ്സ॑മാ॒ഹൃത്യ॑ നി॒ർവപേ᳚ത് । അര॑ത്നിന-സ്സ്യുഃ । യ॒ഥാ॒യ॒ഥ-ന്നിർവ॑പതി രത്നി॒ത്വായ॑ ॥ 16 ॥

യ-ഥ്സ॒ദ്യോ നി॒ർവപേ᳚ത് । യാവ॑തീ॒മേകേ॑ന ഹ॒വിഷാ॒-ഽഽശിഷ॑മവ രു॒ന്ധേ । താവ॑തീ॒മവ॑ രുന്ധീത । അ॒ന്വ॒ഹ-ന്നിർവ॑പതി । ഭൂയ॑സീമേ॒വാശിഷ॒മവ॑ രുന്ധേ । ഭൂയ॑സോ യജ്ഞക്ര॒തൂനുപൈ॑തി । ബാ॒ര്॒ഹ॒സ്പ॒ത്യ-ഞ്ച॒രു-ന്നിർവ॑പതി ബ്ര॒ഹ്മണോ॑ ഗൃ॒ഹേ । മു॒ഖ॒ത ഏ॒വാസ്മൈ॒ ബ്രഹ്മ॒ സഗ്ഗ്​ശ്യ॑തി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ॒ന്വാര॑മ്ഭയതി । ശി॒തി॒പൃ॒ഷ്ഠോ ദക്ഷി॑ണാ॒ സമൃ॑ദ്ധ്യൈ ॥ 17 ॥

ഐ॒ന്ദ്ര-മേകാ॑ദശകപാലഗ്​മ് രാജ॒ന്യ॑സ്യ ഗൃ॒ഹേ । ഇ॒ന്ദ്രി॒യമേ॒വാവ॑ രുന്ധേ । ഋ॒ഷ॒ഭോ ദക്ഷി॑ണാ॒ സമൃ॑ദ്ധ്യൈ । ആ॒ദി॒ത്യ-ഞ്ച॒രു-മ്മഹി॑ഷ്യൈ ഗൃ॒ഹേ । ഇ॒യം-വാഁ അദി॑തിഃ । അ॒സ്യാമേ॒വ പ്രതി॑തിഷ്ഠതി । ധേ॒നു-ര്ദക്ഷി॑ണാ॒ സമൃ॑ദ്ധ്യൈ । ഭഗാ॑യ ച॒രും-വാഁ॒വാതാ॑യൈ ഗൃ॒ഹേ । ഭഗ॑മേ॒വാസ്മി॑-ന്ദധാതി । വിചി॑ത്തഗര്ഭാ പഷ്ഠൌ॒ഹീ ദക്ഷി॑ണാ॒ സമൃ॑ദ്ധ്യൈ ॥ 18 ॥

നൈ॒ര്॒ഋ॒ത-ഞ്ച॒രു-മ്പ॑രിവൃ॒ക്ത്യൈ॑ ഗൃ॒ഹേ കൃ॒ഷ്ണാനാം᳚-വ്രീഁഹീ॒ണാ-ന്ന॒ഖനി॑ര്ഭിന്നമ് । പാ॒പ്മാന॑മേ॒വ നിര്-ഋ॑തി-ന്നി॒രവ॑ദയതേ । കൃ॒ഷ്ണാ കൂ॒ടാ ദക്ഷി॑ണാ॒ സമൃ॑ദ്ധ്യൈ । ആ॒ഗ്നേ॒യ-മ॒ഷ്ടാക॑പാലഗ്​മ് സേനാ॒ന്യോ॑ ഗൃ॒ഹേ । സേനാ॑മേ॒വാസ്യ॒ സഗ്ഗ്​ശ്യ॑തി । ഹിര॑ണ്യ॒-ന്ദക്ഷി॑ണാ॒ സമൃ॑ദ്ധ്യൈ । വാ॒രു॒ണ-ന്ദശ॑കപാലഗ്​മ് സൂ॒തസ്യ॑ ഗൃ॒ഹേ । വ॒രു॒ണ॒സ॒വമേ॒വാവ॑-രുന്ധേ । മ॒ഹാനി॑രഷ്ടോ॒ ദക്ഷി॑ണാ॒ സമൃ॑ദ്ധ്യൈ । മാ॒രു॒തഗ്​മ് സ॒പ്തക॑പാല-ങ്ഗ്രാമ॒ണ്യോ॑ ഗൃ॒ഹേ ॥ 19 ॥

അന്നം॒-വൈഁ മ॒രുതഃ॑ । അന്ന॑മേ॒വാവ॑-രുന്ധേ । പൃശ്ഞി॒-ര്ദക്ഷി॑ണാ॒ സമൃ॑ദ്ധ്യൈ । സാ॒വി॒ത്ര-ന്ദ്വാദ॑ശകപാല-ങ്ക്ഷ॒ത്തുര്ഗൃ॒ഹേ പ്രസൂ᳚ത്യൈ । ഉ॒പ॒ദ്ധ്വ॒സ്തോ ദക്ഷി॑ണാ॒ സമൃ॑ദ്ധ്യൈ । ആ॒ശ്വി॒ന-ന്ദ്വി॑കപാ॒ലഗ്​മ് സ॑ഗ്രംഹീ॒തുര്ഗൃ॒ഹേ । അ॒ശ്വിനൌ॒ വൈ ദേ॒വാനാ᳚-മ്ഭി॒ഷജൌ᳚ । താഭ്യാ॑മേ॒വാസ്മൈ॑ ഭേഷ॒ജ-ങ്ക॑രോതി । സ॒വാ॒ത്യൌ॑ ദക്ഷി॑ണാ॒ സമൃ॑ദ്ധ്യൈ । പൌ॒ഷ്ണ-ഞ്ച॒രു-മ്ഭാ॑ഗദു॒ഘസ്യ॑ ഗൃ॒ഹേ ॥ 20 ॥

അന്നം॒-വൈഁ പൂ॒ഷാ । അന്ന॑മേ॒വാവ॑ രുന്ധേ । ശ്യാ॒മോ ദക്ഷി॑ണാ॒ സമൃ॑ദ്ധ്യൈ । രൌ॒ദ്ര-ങ്ഗാ॑വീധു॒ക-ഞ്ച॒രുമ॑ക്ഷാവാ॒പസ്യ॑ ഗൃ॒ഹേ । അ॒ന്ത॒ത ഏ॒വ രു॒ദ്ര-ന്നി॒രവ॑ദയതേ । ശ॒ബല॒ ഉദ്വാ॑രോ॒ ദക്ഷി॑ണാ॒ സമൃ॑ദ്ധ്യൈ । ദ്വാദ॑ശൈ॒താനി॑ ഹ॒വീഗ്​മ്ഷി॑ ഭവന്തി । ദ്വാദ॑ശ॒ മാസാ᳚-സ്സം​വഁഥ്സ॒രഃ । സം॒​വഁ॒ഥ്സ॒രേണൈ॒വാസ്മൈ॑ രാ॒ഷ്ട്രമവ॑-രുന്ധേ । രാ॒ഷ്ട്രമേ॒വ ഭ॑വതി ॥ 21 ॥

യന്ന പ്ര॑തി നി॒ർവപേ᳚ത് । ര॒ത്നിന॑ ആ॒ശിഷോ-ഽവ॑രുന്ധീരന്ന് । പ്രതി॒ നിർവ॑പതി । ഇന്ദ്രാ॑യ സു॒ത്രാമ്ണേ॑ പുരോ॒ഡാശ॒-മേകാ॑ദശകപാലമ് । ഇന്ദ്രാ॑യാഗ്​മ്ഹോ॒മുചേ᳚ । ആ॒ശിഷ॑ ഏ॒വാവ॑രുന്ധേ । അ॒യ-ന്നോ॒ രാജാ॑ വൃത്ര॒ഹാ രാജാ॑ ഭൂ॒ത്വാ വൃ॒ത്രം-വഁ ॑ദ്ധ്യാ॒ദിത്യാ॑ഹ । ആ॒ശിഷ॑മേ॒വൈതാമാശാ᳚സ്തേ । മൈ॒ത്രാ॒-ബാ॒ര്॒ഹ॒സ്പ॒ത്യ-മ്ഭ॑വതി । ശ്വേ॒തായൈ᳚ ശ്വേ॒തവ॑ഥ്സായൈ ദു॒ഗ്ധേ ॥ 22 ॥

ബാ॒ര്॒ഹ॒സ്പ॒ത്യേ മൈ॒ത്രമപി॑ ദധാതി । ബ്രഹ്മ॑ ചൈ॒വാസ്മൈ᳚ ക്ഷ॒ത്ര-ഞ്ച॑ സ॒മീചീ॑ ദധാതി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ്പ്രതി॑ഷ്ഠാപയതി । ബാ॒ര്॒ഹ॒സ്പ॒ത്യേന॒ പൂർവേ॑ണ॒ പ്രച॑രതി । മു॒ഖ॒ത ഏ॒വാസ്മൈ॒ ബ്രഹ്മ॒ സഗ്ഗ്​ശ്യ॑തി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ॒ന്വാര॑മ്ഭയതി । സ്വ॒യ॒-ങ്കൃ॒താ വേദി॑ര്ഭവതി । സ്വ॒യ॒ദി॒ന്ന-മ്ബ॒ര്॒ഹിഃ । സ്വ॒യ॒കൃ॒ന്ത ഇ॒ദ്ധ്മഃ । അന॑ഭിജിതസ്യാ॒-ഭിജി॑ത്യൈ । തസ്മാ॒-ദ്രാജ്ഞാ॒മര॑ണ്യ-മ॒ഭിജി॑തമ് । സൈവ ശ്വേ॒താ ശ്വേ॒തവ॑ഥ്സാ॒ ദക്ഷി॑ണാ॒ സമൃ॑ദ്ധ്യൈ ॥ 23 ॥
(ര॒ത്നി॒ത്വായ॒ - സമൃ॑ദ്ധ്യൈ - പഷ്ഠൌ॒ഹി ദക്ഷി॑ണാ॒ സമൃ॑ദ്ധ്യൈ - ഗ്രാമ॒ണ്യോ॑ ഗൃ॒ഹേ - ഭാ॑ഗദു॒ഘസ്യ॑ ഗൃ॒ഹേ-ഭ॑വതി - ദു॒ഗ്ധേ॑ - ഽഭിജി॑ത്യൈ॒ ദ്വേ ച॑) (അ. 3)

അനുവാകം 4 - ദേവസുവാം ഹവീംഷി
ദേ॒വ॒സു॒വാമേ॒താനി॑ ഹ॒വീഗ്​മ്ഷി॑ ഭവന്തി । ഏ॒താവ॑ന്തോ॒ വൈ ദേ॒വാനാഗ്​മ്॑ സ॒വാഃ । ത ഏ॒വാസ്മൈ॑ സ॒വാ-ന്പ്രയ॑ച്ഛന്തി । ത ഏ॑നഗ്​മ് സുവന്തേ । അ॒ഗ്നിരേ॒വൈന॑-ങ്ഗൃ॒ഹപ॑തീനാഗ്​മ് സുവതേ । സോമോ॒ വന॒സ്പതീ॑നാമ് । രു॒ദ്രഃ പ॑ശൂ॒നാമ് । ബൃഹ॒സ്പതി॑-ർവാ॒ചാമ് । ഇന്ദ്രോ᳚ ജ്യേ॒ഷ്ഠാനാ᳚മ് । മി॒ത്ര-സ്സ॒ത്യാനാ᳚മ് ॥ 24 ॥

വരു॑ണോ॒ ധര്മ॑പതീനാമ് । ഏ॒തദേ॒വ സർവ॑-മ്ഭവതി । സ॒വി॒താ ത്വാ᳚ പ്രസ॒വാനാഗ്​മ്॑ സുവതാ॒മിതി॒ ഹസ്ത॑-ങ്ഗൃഹ്ണാതി॒ പ്രസൂ᳚ത്യൈ । യേ ദേ॑വാ ദേവ॒സുവ॒-സ്സ്ഥേത്യാ॑ഹ । യ॒ഥാ॒ യ॒ജുരേ॒വൈ തത് । മ॒ഹ॒തേ ക്ഷ॒ത്രായ॑ മഹ॒ത ആധി॑പത്യായ മഹ॒തേ ജാന॑രാജ്യാ॒യേത്യാ॑ഹ । ആ॒ശിഷ॑മേ॒വൈതാമാശാ᳚സ്തേ । ഏ॒ഷ വോ॑ ഭരതാ॒ രാജാ॒ സോമോ॒-ഽസ്മാക॑-മ്ബ്രാഹ്മ॒ണാനാ॒ഗ്​മ്॒ രാജേത്യാ॑ഹ । തസ്മാ॒-ഥ്സോമ॑രാജാനോ ബ്രാഹ്മ॒ണാഃ । പ്രതി॒ ത്യന്നാമ॑ രാ॒ജ്യമ॑ധാ॒യീത്യാ॑ഹ ॥ 25 ॥

രാ॒ജ്യമേ॒വാസ്മി॒-ന്പ്രതി॑ ദധാതി । സ്വാ-ന്ത॒നുവം॒-വഁരു॑ണോ അശിശ്രേ॒ദിത്യാ॑ഹ । വ॒രു॒ണ॒സ॒വമേ॒വാ-വ॑രുന്ധേ । ശുചേ᳚ര്മി॒ത്രസ്യ॒ വ്രത്യാ॑ അഭൂ॒മേത്യാ॑ഹ । ശുചി॑മേ॒വൈനം॒-വ്രഁത്യ॑-ങ്കരോതി । അമ॑ന്മഹി മഹ॒ത ഋ॒തസ്യ॒ നാമേത്യാ॑ഹ । മ॒നു॒ത ഏ॒വൈന᳚മ് । സർവേ॒ വ്രാതാ॒ വരു॑ണസ്യാ ഭൂവ॒ന്നിത്യാ॑ഹ । സർവ॑വ്രാതമേ॒വൈന॑-ങ്കരോതി । വി മി॒ത്ര ഏവൈ॒രരാ॑തി-മതാരീ॒ദിത്യാ॑ഹ ॥ 26 ॥

അരാ॑തിമേ॒വൈന॑-ന്താരയതി । അസൂ॑ഷുദന്ത യ॒ജ്ഞിയാ॑ ഋ॒തേനേത്യാ॑ഹ । സ്വ॒ദയ॑ത്യേ॒വൈന᳚മ് । വ്യു॑ ത്രി॒തോ ജ॑രി॒മാണ॑-ന്ന ആന॒ഡിത്യാ॑ഹ । ആയു॑രേ॒വാസ്മി॑-ന്ദധാതി । ദ്വാഭ്യാം॒-വിഁമൃ॑ഷ്ടേ । ദ്വി॒പാ-ദ്യജ॑മാനഃ॒ പ്രതി॑ഷ്ഠിത്യൈ । അ॒ഗ്നീ॒ഷോ॒മീയ॑സ്യ॒ ചൈകാ॑ദശകപാലസ്യ ദേവസു॒വാ-ഞ്ച॑ ഹ॒വിഷാ॑മ॒ഗ്നയേ᳚ സ്വിഷ്ട॒കൃതേ॑ സ॒മവ॑ദ്യതി । ദേ॒വതാ॑ഭിരേ॒വൈന॑-മുഭ॒യതഃ॒ പരി॑ഗൃഹ്ണാതി । വി॒ഷ്ണു॒ക്ര॒മാന് ക്ര॑മതേ( ) । വിഷ്ണു॑രേ॒വ ഭൂ॒ത്വേമാഁല്ലോ॒കാ-ന॒ഭിജ॑യതി ॥ 27 ॥
(സ॒ത്യാനാ॑-മധാ॒യീത്യാ॑-ഹാതാരീ॒ദിത്യാ॑ഹ-ക്രമത॒ ഏക॑-ഞ്ച) (അ. 4)

അനുവാകം 5 - അഭിഷേകാര്ഥമപാങ്ഗ്രഹഗ്രഹണമ്
അ॒ര്ഥേത॒-സ്സ്ഥേതി॑ ജുഹോതി । ആഹു॑ത്യൈ॒വൈനാ॑ നി॒ഷ്ക്രീയ॑ ഗൃഹ്ണാതി । അഥോ॑ ഹ॒വിഷ്കൃ॑താനാമേ॒വാഭിഘൃ॑താനാ-ങ്ഗൃഹ്ണാതി । വഹ॑ന്തീനാ-ങ്ഗൃഹ്ണാതി । ഏ॒താ വാ അ॒പാഗ്​മ് രാ॒ഷ്ട്രമ് । രാ॒ഷ്ട്രമേ॒വാസ്മൈ॑ ഗൃഹ്ണാതി । അഥോ॒ ശ്രിയ॑മേ॒വൈന॑മ॒ഭി വ॑ഹന്തി । അ॒പാ-മ്പതി॑ര॒സീത്യാ॑ഹ । മി॒ഥു॒നമേ॒വാകഃ॑ । വൃഷാ᳚-ഽസ്യൂ॒ര്മിരിത്യാ॑ഹ ॥ 28 ॥

ഊ॒ര്മി॒മന്ത॑മേ॒വൈന॑-ങ്കരോതി । വൃ॒ഷ॒സേ॒നോ॑-ഽസീത്യാ॑ഹ । സേനാ॑മേ॒വാസ്യ॒ സഗ്ഗ്​ശ്യ॑തി । വ്ര॒ജ॒ക്ഷിത॒-സ്സ്ഥേത്യാ॑ഹ । ഏ॒താ വാ അ॒പാം-വിഁശഃ॑ । വിശ॑മേ॒വാസ്മൈ॒ പര്യൂ॑ഹതി । മ॒രുതാ॒മോജ॒-സ്സ്ഥേത്യാ॑ഹ । അന്നം॒-വൈഁ മ॒രുതഃ॑ । അന്ന॑മേ॒വാ വ॑രുന്ധേ । സൂര്യ॑വര്ചസ॒-സ്സ്ഥേത്യാ॑ഹ ॥ 29 ॥

രാ॒ഷ്ട്രമേ॒വ വ॑ര്ച॒സ്വ്യ॑കഃ । സൂര്യ॑ത്വചസ॒-സ്സ്ഥേത്യാ॑ഹ । സ॒ത്യം-വാഁ ഏ॒തത് । യ-ദ്വര്​ഷ॑തി । അനൃ॑തം॒-യഁദാ॒തപ॑തി॒ വര്​ഷ॑തി । സ॒ത്യാ॒നൃ॒തേ ഏ॒വാവ॑രുന്ധേ । നൈനഗ്​മ്॑ സത്യാനൃ॒തേ ഉ॑ദി॒തേ ഹിഗ്ഗ്॑സ്തഃ । യ ഏ॒വം-വേഁദ॑ । മാന്ദാ॒-സ്സ്ഥേത്യാ॑ഹ । രാ॒ഷ്ട്രമേ॒വ ബ്ര॑ഹ്മവര്ച॒സ്യ॑കഃ ॥ 30 ॥

വാശാ॒-സ്സ്ഥേത്യാ॑ഹ । രാ॒ഷ്ട്രമേ॒വ വ॒ശ്യ॑കഃ । ശക്വ॑രീ॒-സ്സ്ഥേത്യാ॑ഹ । പ॒ശവോ॒ വൈ ശക്വ॑രീഃ । പ॒ശൂനേ॒വാവ॑ രുന്ധേ । വി॒ശ്വ॒ഭൃത॒-സ്സ്ഥേത്യാ॑ഹ । രാ॒ഷ്ട്രമേ॒വ പ॑യ॒സ്വ്യ॑കഃ । ജ॒ന॒ഭൃത॒-സ്സ്ഥേത്യാ॑ഹ । രാ॒ഷ്ട്രമേ॒വേന്ദ്രി॑യാ॒വ്യ॑കഃ । അ॒ഗ്നേസ്തേ॑ജ॒സ്യാ᳚-സ്സ്ഥേത്യാ॑ഹ ॥ 31 ॥

രാ॒ഷ്ട്രമേ॒വ തേ॑ജ॒സ്വ്യ॑കഃ । അ॒പാമോഷ॑ധീനാ॒ഗ്​മ്॒ രസ॒-സ്സ്ഥേത്യാ॑ഹ । രാ॒ഷ്ട്രമേ॒വ മ॑ധ॒വ്യ॑മകഃ । സാ॒ര॒സ്വ॒ത-ങ്ഗ്രഹ॑-ങ്ഗൃഹ്ണാതി । ഏ॒ഷാ വാ അ॒പാ-മ്പൃ॒ഷ്ഠമ് । യഥ്സര॑സ്വതീ । പൃ॒ഷ്ഠമേ॒വൈനഗ്​മ്॑ സമാ॒നാനാ᳚-ങ്കരോതി । ഷോ॒ഡ॒ശഭി॑-ര്ഗൃഹ്ണാതി । ഷോഡ॑ശകലോ॒ വൈ പുരു॑ഷഃ । യാവാ॑നേ॒വ പുരു॑ഷഃ । തസ്മി॑ന് വീ॒ര്യ॑-ന്ദധാതി । ഷോ॒ഡ॒ശഭി॑-ര്ജു॒ഹോതി॑ ഷോഡ॒ശഭി॑-ര്ഗൃഹ്ണാതി । ദ്വാത്രിഗ്​മ്॑ശ॒-ഥ്സമ്പ॑ദ്യന്തേ । ദ്വാത്രിഗ്​മ്॑ശദക്ഷരാ ഽനു॒ഷ്ടുക് । വാഗ॑നു॒ഷ്ടു-ഫ്സർവാ॑ണി॒ ഛന്ദാഗ്​മ്॑സി । വാ॒ചൈവൈന॒ഗ്​മ്॒ സർവേ॑ഭി॒-ശ്ഛന്ദോ॑ഭി-ര॒ഭിഷി॑ഞ്ചതി ॥ 32 ॥
(ഊ॒ര്മിരിത്യാ॑ഹ॒ - സൂര്യ॑വര്ചസ॒-സ്സ്ഥേത്യാ॑ഹ - ബ്രഹ്മവര്ച॒സ്യ॑ക - സ്തേജ॒സ്യാ᳚-സ്സ്ഥേത്യാ॑ഹൈ॒വ - പുരു॑ഷ॒-ഷ്ഷട്ച॑) (അ. 5)

അനുവാകം 6 - അഭിഷേകാര്ഥജലസംസ്കാരഃ
ദേവീ॑രാപ॒-സ്സ-മ്മധു॑മതീ॒-ര്മധു॑മതീഭി-സ്സൃജ്യദ്ധ്വ॒മിത്യാ॑ഹ । ബ്രഹ്മ॑ണൈ॒വൈനാ॒-സ്സഗ്​മ് സൃ॑ജതി । അനാ॑ധൃഷ്ടാ-സ്സീദ॒തേത്യാ॑ഹ । ബ്രഹ്മ॑ണൈ॒വൈനാ᳚-സ്സാദയതി । അ॒ന്ത॒രാ ഹോതു॑ശ്ച॒ ധിഷ്ണി॑യ-മ്ബ്രാഹ്മണാച്ഛ॒ഗ്​മ്॒ സിന॑ശ്ച സാദയതി । ആ॒ഗ്നേ॒യോ വൈ ഹോതാ᳚ । ഐ॒ന്ദ്രോ ബ്രാ᳚ഹ്മണാച്ഛ॒ഗ്​മ്॒സീ । തേജ॑സാ ചൈ॒വേന്ദ്രി॒യേണ॑ ചോഭ॒യതോ॑ രാ॒ഷ്ട്ര-മ്പരി॑ഗൃഹ്ണാതി । ഹിര॑ണ്യേ॒നോ-ത്പു॑നാതി । ആഹു॑ത്യൈ॒ ഹി പ॒വിത്രാ᳚ഭ്യാമുത്പു॒നന്തി॒ വ്യാവൃ॑ത്ത്യൈ ॥ 33 ॥

ശ॒തമാ॑ന-മ്ഭവതി । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑തിഷ്ഠതി । അനി॑ഭൃഷ്ടമ॒സീത്യാ॑ഹ । അനി॑ഭൃഷ്ട॒ഗ്ഗ്॒ ഹ്യേ॑തത് । വാ॒ചോ ബന്ധു॒രിത്യാ॑ഹ । വാ॒ചോ ഹ്യേ॑ഷ ബന്ധുഃ॑ । ത॒പോ॒ജാ ഇത്യാ॑ഹ । ത॒പോ॒ജാ ഹ്യേ॑തത് । സോമ॑സ്യ ദാ॒ത്രമ॒സീത്യാ॑ഹ ॥ 34 ॥

സോമ॑സ്യ॒ ഹ്യേ॑തദ്ദാ॒ത്രമ് । ശു॒ക്രാ വ॑-ശ്ശു॒ക്രേണോത്പു॑നാ॒മീത്യാ॑ഹ । ശു॒ക്രാ ഹ്യാപഃ॑ । ശു॒ക്രഗ്​മ് ഹിര॑ണ്യമ് । ച॒ന്ദ്രാശ്ച॒ന്ദ്രേണേത്യാ॑ഹ । ച॒ന്ദ്രാ ഹ്യാപഃ॑ । ച॒ന്ദ്രഗ്​മ് ഹിര॑ണ്യമ് । അ॒മൃതാ॑ അ॒മൃതേ॒നേത്യാ॑ഹ । അ॒മൃതാ॒ ഹ്യാപഃ॑ । അ॒മൃത॒ഗ്​മ്॒ ഹിര॑ണ്യമ് ॥ 35 ॥

സ്വാഹാ॑ രാജ॒സൂയാ॒യേത്യാ॑ഹ । രാ॒ജ॒സൂയാ॑യ॒ ഹ്യേ॑നാ ഉത്പു॒നാതി॑ । സ॒ധ॒മാദോ᳚ ദ്യു॒മ്നിനീ॒രൂര്ജ॑ ഏ॒താ ഇതി॑ വാരു॒ണ്യര്ചാ ഗൃ॑ഹ്ണാതി । വ॒രു॒ണ॒സ॒വമേ॒വാ വ॑രുന്ധേ । ഏക॑യാ ഗൃഹ്ണാതി । ഏ॒ക॒ധൈവ യജ॑മാനേ വീ॒ര്യ॑-ന്ദധാതി । ക്ഷ॒ത്രസ്യോല്ബ॑മസി ക്ഷ॒ത്രസ്യ॒ യോനി॑ര॒സീതി॑ താ॒ര്പ്യ-ഞ്ചോ॒ഷ്ണീഷ॑-ഞ്ച॒ പ്രയ॑ച്ഛതി സയോനി॒ത്വായ॑ । ഏക॑ശതേന ദര്ഭപുഞ്ജീ॒ലൈഃ പ॑വയതി । ശ॒തായു॒ർവൈ പുരു॑ഷ-ശ്ശ॒തവീ᳚ര്യഃ । ആ॒ത്മൈക॑ശ॒തഃ ॥ 36 ॥

യാവാ॑നേ॒വ പുരു॑ഷഃ । തസ്മി॑ന് വീ॒ര്യ॑-ന്ദധാതി । ദദ്ധ്യാ॑ശയതി । ഇ॒ന്ദ്രി॒യമേ॒വാ-വ॑രുന്ധേ । ഉ॒ദു॒മ്ബര॑-മാശയതി । അ॒ന്നാദ്യ॒സ്യാവ॑ രുദ്ധ്യൈ । ശഷ്പാ᳚ണ്യാശയതി । സുരാ॑ബലി-മേ॒വൈന॑-ങ്കരോതി । ആ॒വിദ॑ ഏ॒താ ഭ॑വന്തി । ആ॒വിദ॑മേ॒വൈന॑-ങ്ഗമയന്തി ॥ 37 ॥

അ॒ഗ്നിരേ॒വൈന॒-ങ്ഗാര്​ഹ॑പത്യേനാവതി । ഇന്ദ്ര॑ ഇന്ദ്രി॒യേണ॑ । പൂ॒ഷാ പ॒ശുഭിഃ॑ । മി॒ത്രാവരു॑ണൌ പ്രാണാപാ॒നാഭ്യാ᳚മ് । ഇന്ദ്രോ॑ വൃ॒ത്രായ॒ വജ്ര॒മുദ॑യച്ഛത് । സ ദിവ॑മലിഖത് । സോ᳚-ഽര്യ॒മ്ണഃ പന്ഥാ॑ അഭവത് । സ ആവി॑ന്നേ॒ ദ്യാവാ॑പൃഥി॒വീ ധൃ॒തവ്ര॑തേ॒ ഇതി॒ ദ്യാവാ॑പൃഥി॒വീ ഉപാ॑ധാവത് । സ ആ॒ഭ്യാമേ॒വ പ്രസൂ॑ത॒ ഇന്ദ്രോ॑ വൃ॒ത്രായ॒ വജ്ര॒-മ്പ്രാഹ॑രത് । ആവി॑ന്നേ॒ ദ്യാവാ॑പൃഥി॒വീ ധൃ॒തവ്ര॑തേ॒ ഇതി॒ യദാഹ॑ ॥ 38 ॥

ആ॒ഭ്യാമേ॒വ പ്രസൂ॑തോ॒ യജ॑മാനോ॒ വജ്ര॒-മ്ഭ്രാതൃ॑വ്യായ॒ പ്രഹ॑രതി । ആവി॑ന്നാ ദേ॒വ്യദി॑തി-ർവിശ്വരൂ॒പീത്യാ॑ഹ । ഇ॒യം-വൈഁ ദേ॒വ്യദി॑തി-ർവിശ്വരൂ॒പീ । അ॒സ്യാമേ॒വ പ്രതി॑ തിഷ്ഠതി । ആവി॑ന്നോ॒-ഽയമ॒സാവാ॑മുഷ്യായ॒ണോ᳚-ഽസ്യാം-വിഁ॒ശ്യ॑സ്മി-ന്രാ॒ഷ്ട്ര ഇത്യാ॑ഹ । വി॒ശൈവൈനഗ്​മ്॑ രാ॒ഷ്ട്രേണ॒ സമ॑ര്ധയതി । മ॒ഹ॒തേ ക്ഷ॒ത്രായ॑ മഹ॒ത ആധി॑പത്യായ മഹ॒തേ ജാന॑രാജ്യാ॒യേത്യാ॑ഹ । ആ॒ശിഷ॑മേ॒വൈതാമാശാ᳚സ്തേ । ഏ॒ഷ വോ॑ ഭരതാ॒ രാജാ॒ സോമോ॒-ഽസ്മാക॑-മ്ബ്രാഹ്മ॒ണാനാ॒ഗ്​മ്॒ രാജേത്യാ॑ഹ । തസ്മാ॒-ഥ്സോമ॑രാജാനോ ബ്രാഹ്മ॒ണാഃ ॥ 39 ॥

ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒ ഇതി॒ ധനുഃ॒ പ്രയ॑ച്ഛതി॒ വിജി॑ത്യൈ । ശ॒ത്രു॒ബാധ॑നാ॒-സ്സ്ഥേതീഷൂന്॑ । ശത്രൂ॑നേ॒വാസ്യ॑ ബാധന്തേ । പാ॒ത മാ᳚ പ്ര॒ത്യഞ്ച॑-മ്പാ॒ത മാ॑ തി॒ര്യഞ്ച॑മ॒ന്വഞ്ച॑-മ്മാ പാ॒തേത്യാ॑ഹ । തി॒സ്രോ വൈ ശ॑ര॒വ്യാഃ᳚ । പ്ര॒തീചീ॑ തി॒രശ്ച്യ॒നൂചീ᳚ । താഭ്യ॑ ഏ॒വൈന॑-മ്പാന്തി । ദി॒ഗ്ഭ്യോ മാ॑ പാ॒തേത്യാ॑ഹ । ദി॒ഗ്ഭ്യ ഏ॒വൈന॑-മ്പാന്തി । വിശ്വാ᳚ഭ്യോ മാ നാ॒ഷ്ട്രാഭ്യഃ॑ പാ॒തേത്യാ॑ഹ । അപ॑രിമിതാദേ॒വൈന॑-മ്പാന്തി । ഹിര॑ണ്യവര്ണാവു॒ഷസാം᳚-വിഁരോ॒ക ഇതി॑ ത്രി॒ഷ്ടുഭാ॑ ബാ॒ഹൂ ഉ-ദ്ഗൃ॑ഹ്ണാതി । ഇ॒ന്ദ്രി॒യം-വൈഁ വീ॒ര്യ॑-ന്ത്രി॒ഷ്ടുക് । ഇ॒ന്ദ്രി॒യമേ॒വ വീ॒ര്യ॑-മു॒പരി॑ഷ്ടാദാ॒ത്മന്-ധ॑ത്തേ ॥ 40 ॥
(വ്യാവൃ॑ത്ത്യൈ-ദാ॒ത്രമ॒സീത്യാ॑ഹാ॒-മൃത॒ഗ്​മ്॒ ഹിര॑ണ്യ-മേകശ॒തോ-ഗ॑മയ॒ന്-ത്യാഹ॑-ബ്രാഹ്മാ॒ണാ-നാ॒ഷ്ട്രാഭ്യഃ॑ പാ॒തേത്യാ॑ഹ ച॒ത്വാരി॑ ച) (അ. 6)

അനുവാകം 7 - ദിഗ്വ്യാസ്ഥാപനമ്
ദിശോ॒ വ്യാസ്ഥാ॑പയതി । ദി॒ശാമ॒ഭിജി॑ത്യൈ । യദ॑നു പ്ര॒ക്രാമേ᳚ത് । അ॒ഭി ദിശോ॑ ജയേത് । ഉത്തു മാ᳚ദ്യേത് । മന॒സാ-ഽനു॒ പ്രക്രാ॑മതി । അ॒ഭി ദിശോ॑ ജയതി । നോന്മാ᳚ദ്യതി । സ॒മിധ॒മാ തി॒ഷ്ഠേത്യാ॑ഹ । തേജ॑ ഏ॒വാവ॑രുന്ധേ ॥ 41 ॥

ഉ॒ഗ്രാമാ തി॒ഷ്ഠേത്യാ॑ഹ । ഇ॒ന്ദ്രി॒യമേ॒വാവ॑ രുന്ധേ । വി॒രാജ॒മാ തി॒ഷ്ഠേത്യാ॑ഹ । അ॒ന്നാദ്യ॑മേ॒വാവ॑ രുന്ധേ । ഉദീ॑ചീ॒മാ തി॒ഷ്ഠേത്യാ॑ഹ । പ॒ശൂനേ॒വാവ॑ രുന്ധേ । ഊ॒ര്ധ്വാമാ തി॒ഷ്ഠേത്യാ॑ഹ । സു॒വ॒ര്ഗമേ॒വ ലോ॒ക-മ॒ഭിജ॑യതി । അനൂജ്ജി॑ഹീതേ । സു॒വ॒ര്ഗസ്യ॑ ലോ॒കസ്യ॒ സമ॑ഷ്ട്യൈ ॥ 42 ॥

മാ॒രു॒ത ഏ॒ഷ ഭ॑വതി । അന്നം॒-വൈഁ മ॒രുതഃ॑ । അന്ന॑മേ॒വാവ॑ രുന്ധേ । ഏക॑വിഗ്​മ്ശതികപാലോ ഭവതി॒ പ്രതി॑ഷ്ഠിത്യൈ । യോ॑-ഽരണ്യേ ഽനുവാ॒ക്യോ॑ ഗ॒ണഃ । ത-മ്മ॑ദ്ധ്യ॒ത ഉപ॑ദധാതി । ഗ്രാ॒മ്യൈരേ॒വ പ॒ശുഭി॑-രാര॒ണ്യാ-ന്പ॒ശൂ-ന്പരി॑ഗൃഹ്ണാതി । തസ്മാ᳚-ദ്ഗ്രാ॒മ്യൈഃ പ॒ശുഭി॑രാര॒ണ്യാഃ പ॒ശവഃ॒ പരി॑ഗൃഹീതാഃ । പൃഥി॑ർവൈ॒ന്യഃ । അ॒ഭ്യ॑ഷിച്യത ॥ 43 ॥

സ രാ॒ഷ്ട്ര-ന്നാഭ॑വത് । സ ഏ॒താനി॑ പാ॒ര്ഥാന്യ॑പശ്യത് । താന്യ॑ജുഹോത് । തൈർവൈ സ രാ॒ഷ്ട്ര-മ॑ഭവത് । യത്പാ॒ര്ഥാനി॑ ജു॒ഹോതി॑ । രാ॒ഷ്ട്രമേ॒വ ഭ॑വതി । ബാ॒ര്॒ഹ॒സ്പ॒ത്യ-മ്പൂർവേ॑ഷാമുത്ത॒മ-മ്ഭ॑വതി । ഐ॒ന്ദ്രമുത്ത॑രേഷാ-മ്പ്രഥ॒മമ് । ബ്രഹ്മ॑ ചൈ॒വാസ്മൈ᳚ ക്ഷ॒ത്ര-ഞ്ച॑ സ॒മീചീ॑ ദധാതി । അഥോ॒ ബ്രഹ്മ॑ന്നേ॒വ ക്ഷ॒ത്ര-മ്പ്രതി॑ഷ്ഠാപയതി ॥ 44 ॥

ഷട്പു॒രസ്താ॑-ദഭിഷേ॒കസ്യ॑ ജുഹോതി । ഷഡു॒പരി॑ഷ്ടാത് । ദ്വാദ॑ശ॒ സ-മ്പ॑ദ്യന്തേ । ദ്വാദ॑ശ॒ മാസാ᳚-സ്സം​വഁഥ്സ॒രഃ । സം॒​വഁ॒ഥ്സ॒രഃ ഖലു॒ വൈ ദേ॒വാനാ॒-മ്പൂഃ । ദേ॒വാനാ॑മേ॒വ പുര॑-മ്മദ്ധ്യ॒തോ വ്യവ॑സര്പതി । തസ്യ॒ ന കുത॑ശ്ച॒ നോപാ᳚വ്യാ॒ധോ ഭ॑വതി । ഭൂ॒താനാ॒-മവേ᳚ഷ്ടീ-ര്ജുഹോതി । അത്രാ᳚ത്ര॒ വൈ മൃ॒ത്യു-ര്ജാ॑യതേ । യത്ര॑ യത്രൈ॒വ മൃ॒ത്യു-ര്ജായ॑തേ । തത॑ ഏ॒വൈന॒മവ॑യജതേ । തസ്മാ᳚-ദ്രാജ॒സൂയേ॑നേജാ॒ന-സ്സർവ॒മായു॑രേതി । സർവേ॒ ഹ്യ॑സ്യ മൃ॒ത്യവോ-ഽവേ᳚ഷ്ടാഃ । തസ്മാ᳚-ദ്രാജ॒സൂയേ॑നേജാ॒നോ നാഭിച॑രിത॒വൈ । പ്ര॒ത്യഗേ॑ന-മഭിചാ॒ര-സ്സ്തൃ॑ണുതേ ॥ 45 ॥
(രു॒ന്ധേ॒-സമ॑ഷ്ട്യാ-അസിച്യത-സ്ഥാപയതി॒-ജായ॑തേ॒ പഞ്ച॑ ച) (അ. 7)

അനുവാകം 8 - അഭിഷേകഃ
സോമ॑സ്യ॒ ത്വിഷി॑രസി॒ തവേ॑വ മേ॒ ത്വിഷി॑ര്ഭൂയാ॒ദിതി॑ ശാര്ദൂലച॒ര്മോപ॑സ്തൃണാതി । യൈവ സോമേ॒ ത്വിഷിഃ॑ । യാ ശാ᳚ര്ദൂ॒ലേ । താമേ॒വാവ॑ രുന്ധേ । മൃ॒ത്യോർവാ ഏ॒ഷ വര്ണഃ॑ । യച്ഛാ᳚ര്ദൂ॒ലഃ । അ॒മൃത॒ഗ്​മ്॒ ഹിര॑ണ്യമ് । അ॒മൃത॑മസി മൃ॒ത്യോര്മാ॑ പാ॒ഹീതി॒ ഹിര॑ണ്യ॒-മുപാ᳚സ്യതി । അ॒മൃത॑മേ॒വ മൃ॒ത്യോര॒ന്ത-ര്ധ॑ത്തേ । ശ॒തമാ॑ന-മ്ഭവതി ॥ 46 ॥

ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ । ആയു॑ഷ്യേ॒വേന്ദ്രി॒യേ പ്രതി॑ തിഷ്ഠതി । ദി॒ദ്യോന്മാ॑ പാ॒ഹീത്യു॒പരി॑ഷ്ടാ॒ദധി॒ നിദ॑ധാതി । ഉ॒ഭ॒യത॑ ഏ॒വാസ്മൈ॒ ശര്മ॑ ദധാതി । അവേ᳚ഷ്ടാ ദന്ദ॒ശൂകാ॒ ഇതി॑ ക്ലീ॒ബഗ്​മ് സീസേ॑ന വിദ്ധ്യതി । ദ॒ന്ദ॒ശൂകാ॑-നേ॒വാവ॑ യജതേ । തസ്മാ᳚-ത്ക്ലീ॒ബ-ന്ദ॑ന്ദ॒ശൂകാ॒ ദഗ്​മ്ശു॑കാഃ । നിര॑സ്ത॒-ന്നമു॑ചേ॒-ശ്ശിര॒ ഇതി॑ ലോഹിതായ॒സ-ന്നിര॑സ്യതി । പാ॒പ്മാന॑മേ॒വ നമു॑ചി-ന്നി॒രവ॑ദയതേ । പ്രാ॒ണാ ആ॒ത്മനഃ॒ പൂർവേ॑-ഽഭി॒ഷിച്യാ॒ ഇത്യാ॑ഹുഃ ॥ 47 ॥

സോമോ॒ രാജാ॒ വരു॑ണഃ । ദേ॒വാ ധ॑ര്മ॒സുവ॑ശ്ച॒ യേ । തേ തേ॒ വാചഗ്​മ്॑ സുവന്താ॒-ന്തേ തേ᳚ പ്രാ॒ണഗ്​മ് സു॑വന്താ॒മിത്യാ॑ഹ । പ്രാ॒ണാനേ॒വാത്മനഃ॒ പൂർവാ॑-ന॒ഭിഷി॑ഞ്ചതി । യ-ദ്ബ്രൂ॒യാത് । അ॒ഗ്നേസ്ത്വാ॒ തേജ॑സാ॒ ഽഭിഷി॑ഞ്ചാ॒മീതി॑ । തേ॒ജ॒സ്വ്യേ॑വ സ്യാ᳚ത് । ദു॒ശ്ചര്മാ॒ തു ഭ॑വേത് । സോമ॑സ്യ ത്വാ ദ്യു॒മ്നേനാ॒-ഭിഷി॑ഞ്ചാ॒മീത്യാ॑ഹ । സൌ॒മ്യോ വൈ ദേ॒വത॑യാ॒ പുരു॑ഷഃ ॥ 48 ॥

സ്വയൈ॒വൈന॑-ന്ദേ॒വത॑യാ॒-ഽഭിഷി॑ഞ്ചതി । അ॒ഗ്നേ-സ്തേജ॒സേത്യാ॑ഹ । തേജ॑ ഏ॒വാസ്മി॑-ന്ദധാതി । സൂര്യ॑സ്യ॒ വര്ച॒സേത്യാ॑ഹ । വര്ച॑ ഏ॒വാസ്മി॑-ന്ദധാതി । ഇന്ദ്ര॑സ്യേ-ന്ദ്രി॒യേണേത്യാ॑ഹ । ഇ॒ന്ദ്രി॒യമേ॒വാസ്മി॑-ന്ദധാതി । മി॒ത്രാവരു॑ണയോ-ർവീ॒ര്യേ॑ണേത്യാ॑ഹ । വീ॒ര്യ॑മേ॒വാസ്മി॑-ന്ദധാതി । മ॒രുതാ॒മോജ॒സേത്യാ॑ഹ ॥ 49 ॥

ഓജ॑ ഏ॒വാസ്മി॑-ന്ദധാതി । ക്ഷ॒ത്രാണാ᳚-ങ്ക്ഷ॒ത്രപ॑തിര॒സീത്യാ॑ഹ । ക്ഷ॒ത്രാണാ॑മേ॒വൈന॑-ങ്ക്ഷ॒ത്രപ॑തി-ങ്കരോതി । അതി॑ ദി॒വസ്പാ॒ഹീത്യാ॑ഹ । അത്യ॒ന്യാ-ന്പാ॒ഹീതി॒ വാവൈതദാ॑ഹ । സ॒മാവ॑വൃത്രന്ന-ധ॒രാഗുദീ॑ചീ॒-രിത്യാ॑ഹ । രാ॒ഷ്ട്രമേ॒വാസ്മി॑-ന്ധ്രു॒വമ॑കഃ । ഉ॒ച്ഛേഷ॑ണേന ജുഹോതി । ഉ॒ച്ഛേഷ॑ണഭാഗോ॒ വൈ രു॒ദ്രഃ । ഭാ॒ഗ॒ധേയേ॑നൈ॒വ രു॒ദ്ര-ന്നി॒രവ॑ദയതേ ॥ 50 ॥

ഉദ॑മ്പ॒രേത്യാഗ്നീ᳚ദ്ധ്രേ ജുഹോതി । ഏ॒ഷാ വൈ രു॒ദ്രസ്യ॒ ദിക് । സ്വായാ॑മേ॒വ ദി॒ശി രു॒ദ്ര-ന്നി॒രവ॑ദയതേ । രുദ്ര॒ യത്തേ॒ ക്രയീ॒ പര॒-ന്നാമേത്യാ॑ഹ । യദ്വാ അ॑സ്യ॒ ക്രയീ॒ പര॒-ന്നാമ॑ । തേന॒ വാ ഏ॒ഷ ഹി॑നസ്തി । യഗ്​മ് ഹി॒നസ്തി॑ । തേനൈ॒വൈനഗ്​മ്॑ സ॒ഹ ശ॑മയതി । തസ്മൈ॑ ഹു॒തമ॑സി യ॒മേഷ്ട॑മ॒സീത്യാ॑ഹ । യ॒മാദേ॒വാസ്യ॑ മൃ॒ത്യുമവ॑യജതേ ॥ 51 ॥

പ്രജാ॑പതേ॒ ന ത്വദേ॒താന്യ॒ന്യ ഇതി॒ തസ്യൈ॑ ഗൃ॒ഹേ ജു॑ഹുയാത് । യാ-ങ്കാ॒മയേ॑ത രാ॒ഷ്ട്രമ॑സ്യൈ പ്ര॒ജാ സ്യാ॒ദിതി॑ । രാ॒ഷ്ട്രമേ॒വാസ്യൈ᳚ പ്ര॒ജാ ഭ॑വതി । പ॒ര്ണ॒-മയേ॑നാ-ദ്ധ്വ॒ര്യു-ര॒ഭിഷി॑ഞ്ചതി । ബ്ര॒ഹ്മ॒വ॒ര്ച॒സമേ॒വാസ്മി॒ന്-ത്വിഷി॑-ന്ദധാതി । ഔദു॑മ്ബരേണ രാജ॒ന്യഃ॑ । ഊര്ജ॑മേ॒വാസ്മി॑-ന്ന॒ന്നാദ്യ॑-ന്ദധാതി । ആശ്വ॑ത്ഥേന॒ വൈശ്യഃ॑ । വിശ॑മേ॒വാസ്മി॒-ന്പുഷ്ടി॑-ന്ദധാതി । നൈയ॑ഗ്രോധേന॒ ജന്യഃ॑( ) । മി॒ത്രാണ്യേ॒വാസ്മൈ॑ കല്പയതി । അഥോ॒ പ്രതി॑ഷ്ഠിത്യൈ ॥ 52 ॥
(ഭ॒വ॒ - ത്യാ॒ഹുഃ॒ - പുരു॑ഷ॒ - ഓജ॒സേത്യാ॑ഹ - നി॒രവ॑ദയതേ - യജതേ॒ - ജന്യോ॒ ദ്വേ ച॑) (അ. 8)

അനുവാകം 9 - സ്ഥാരോഹണമ്. വിജയഃ
ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒ ഇതി॒ രഥ॑മു॒പാവ॑ഹരതി॒ വിജി॑ത്യൈ । മി॒ത്രാവരു॑ണയോസ്ത്വാ പ്രശാ॒സ്ത്രോഃ പ്ര॒ശിഷാ॑ യുന॒ജ്മീത്യാ॑ഹ । ബ്രഹ്മ॑ണൈ॒വൈന॑-ന്ദേ॒വതാ᳚ഭ്യാം-യുഁനക്തി । പ്ര॒ഷ്ടി॒വാ॒ഹിനം॑-യുഁനക്തി । പ്ര॒ഷ്ടി॒വാ॒ഹീ വൈ ദേ॑വര॒ഥഃ । ദേ॒വ॒ര॒ഥ-മേ॒വാസ്മൈ॑ യുനക്തി । ത്രയോ-ഽശ്വാ॑ ഭവന്തി । രഥ॑ശ്ചതു॒ര്ഥഃ । ദ്വൌ സ॑വ്യേഷ്ഠസാര॒ഥീ । ഷട്-ഥ്സമ്പ॑ദ്യന്തേ ॥ 53 ॥

ഷഡ്വാ ഋ॒തവഃ॑ । ഋ॒തുഭി॑രേ॒വൈനം॑-യുഁനക്തി । വി॒ഷ്ണു॒ക്ര॒മാന്-ക്ര॑മതേ । വിഷ്ണു॑രേ॒വ ഭൂ॒ത്വേമാന് ഁലോ॒കാന॒ഭിജ॑യതി । യഃ, ക്ഷ॒ത്രിയഃ॒ പ്രതി॑ഹിതഃ । സോ᳚-ഽന്വാര॑ഭതേ । രാ॒ഷ്ട്രമേ॒വ ഭ॑വതി । ത്രി॒ഷ്ടുഭാ॒ ഽന്വാര॑ഭതേ । ഇ॒ന്ദ്രി॒യം-വൈഁ ത്രി॒ഷ്ടുക് । ഇ॒ന്ദ്രി॒യമേ॒വ യജ॑മാനേ ദധാതി ॥ 54 ॥

മ॒രുതാ᳚-മ്പ്രസ॒വേ ജേ॑ഷ॒മിത്യാ॑ഹ । മ॒രുദ്ഭി॑രേ॒വ പ്രസൂ॑ത॒ ഉജ്ജ॑യതി । ആ॒പ്ത-മ്മന॒ ഇത്യാ॑ഹ । യദേ॒വ മന॒സൈഫ്സീ᳚ത് । തദാ॑പത് । രാ॒ജ॒ന്യ॑-ഞ്ജിനാതി । അനാ᳚ക്രാന്ത ഏ॒വാക്ര॑മതേ । വി വാ ഏ॒ഷ ഇ॑ന്ദ്രി॒യേണ॑ വീ॒ര്യേ॑ണര്ധ്യതേ । യോ രാ॑ജ॒ന്യ॑-ഞ്ജി॒നാതി॑ । സമ॒ഹമി॑ന്ദ്രി॒യേണ॑ വീ॒ര്യേ॑ണേത്യാ॑ഹ ॥ 55 ॥

ഇ॒ന്ദ്രി॒യമേ॒വ വീ॒ര്യ॑മാ॒ത്മന്-ധ॑ത്തേ । പ॒ശൂ॒നാ-മ്മ॒ന്യുര॑സി॒ തവേ॑വ മേ മ॒ന്യുര്ഭൂ॑യാ॒ദിതി॒ വാരാ॑ഹീ ഉപാ॒നഹാ॒വുപ॑ മുഞ്ചതേ । പ॒ശൂ॒നാം-വാഁ ഏ॒ഷ മ॒ന്യുഃ । യ-ദ്വ॑രാ॒ഹഃ । തേനൈ॒വ പ॑ശൂ॒നാ-മ്മ॒ന്യുമാ॒ത്മ-ന്ധ॑ത്തേ । അ॒ഭി വാ ഇ॒യഗ്​മ് സു॑ഷുവാ॒ണ-ങ്കാ॑മയതേ । തസ്യേ᳚ശ്വ॒രേന്ദ്രി॒യം-വീഁ॒ര്യ॑മാദാ॑തോഃ । വാരാ॑ഹീ ഉപാ॒നഹാ॒വുപ॑മുഞ്ചതേ । അ॒സ്യാ ഏ॒വാന്തര്ധ॑ത്തേ । ഇ॒ന്ദ്രി॒യസ്യ॑ വീ॒ര്യ॑സ്യാനാ᳚ത്ത്യൈ ॥ 56 ॥

നമോ॑ മാ॒ത്രേ പൃ॑ഥി॒വ്യാ ഇത്യാ॒ഹാഹിഗ്​മ്॑ സായൈ । ഇയ॑ദ॒സ്യാ-യു॑ര॒സ്യായു॑ര്മേ ധേ॒ഹീത്യാ॑ഹ । ആയുരേ॒വാത്മന്-ധ॑ത്തേ । ഊര്ഗ॒സ്യൂര്ജ॑-മ്മേ ധേ॒ഹീത്യാ॑ഹ । ഊര്ജ॑മ॒വാത്മ-ന്ധ॑ത്തേ । യുങ്ങ॑സി॒ വര്ചോ॑-ഽസി॒ വര്ചോ॒ മയി॑ ധേ॒ഹീത്യാ॑ഹ । വര്ച॑ ഏ॒വാത്മ-ന്ധ॑ത്തേ । ഏ॒ക॒ധാ ബ്ര॒ഹ്മണ॒ ഉപ॑ ഹരതി । ഏ॒ക॒ധൈവ യജ॑മാന॒ ആയു॒രൂര്ജം॒-വഁര്ചോ॑ ദധാതി । ര॒ഥ॒വി॒മോ॒ച॒നീയാ॑ ജുഹോതി॒ പ്രതി॑ഷ്ഠിത്യൈ ॥ 57 ॥

ത്രയോ-ഽശ്വാ॑ ഭവന്തി । രഥ॑ശ്ചതു॒ര്ഥഃ । തസ്മാ᳚-ച്ച॒തുര്ജു॑ഹോതി । യദു॒ഭൌ സ॒ഹാവ॒തിഷ്ഠേ॑താമ് । സ॒മാ॒നം-ലോഁ॒കമി॑യാതാമ് । സ॒ഹ സ॑ഗ്രംഹീ॒ത്രാ ര॑ഥ॒വാഹ॑നേ॒ രഥ॒മാദ॑ധാതി । സു॒വ॒ര്ഗാദേ॒വൈനം॑-ലോഁ॒കാദ॒ന്തര്ദ॑ധാതി । ഹ॒ഗ്​മ്॒സ-ശ്ശു॑ചി॒ഷദിത്യാ ദ॑ധാതി । ബ്രഹ്മ॑ണൈ॒വൈന॑-മുപാവ॒ഹര॑തി । ബ്രഹ്മ॒ണാ ഽഽദ॑ധാതി । അതി॑ച്ഛന്ദ॒സാ ഽഽദ॑ധാതി । അതി॑ച്ഛന്ദാ॒ വൈ സർവാ॑ണി॒ ഛന്ദാഗ്​മ്॑സി । സർവേ॑ഭിരേ॒വൈന॒-ഞ്ഛന്ദോ॑ഭി॒-രാദ॑ധാതി । വര്​ഷ്മ॒ വാ ഏ॒ഷാ ഛന്ദ॑സാമ് । യദതി॑ച്ഛന്ദാഃ । യദതി॑ച്ഛന്ദസാ॒ ദധാ॑തി । വര്​ഷ്മൈ॒വൈനഗ്​മ്॑ സമാ॒നാനാ᳚-ങ്കരോതി ॥ 58 ॥
(പ॒ദ്യ॒ന്തേ॒ - ദ॒ധാ॒തി॒ - വീ॒ര്യേ॑ണേത്യാ॒ഹാ - നാ᳚ത്യൈ॒ - പ്രതി॑ഷ്ഠിത്യൈ॒ - ബ്രഹ്മ॒ണാ-ഽഽദ॑ധാതി സ॒പ്ത ച॑) (അ. 9)

അനുവാകം 10 - ആസനേ സമുപവേശ-സ്സർവൈസ്സേവ്യത്വ-ഞ്ച
മി॒ത്രോ॑-ഽസി॒ വരു॑ണോ॒-ഽസീത്യാ॑ഹ । മൈ॒ത്രം-വാഁ അഹഃ॑ । വാ॒രു॒ണീ രാത്രിഃ॑ । അ॒ഹോ॒രാ॒ത്രാഭ്യാ॑-മേ॒വൈന॑-മു॒പാവ॑ഹരതി । മി॒ത്രോ॑-ഽസി॒ വരു॑ണോ॒സീത്യാ॑ഹ । മൈ॒ത്രോ വൈ ദക്ഷി॑ണഃ । വാ॒രു॒ണ-സ്സ॒വ്യഃ । വൈ॒ശ്വ॒ദേ॒വ്യാ॑മിക്ഷാ᳚ । സ്വമേ॒വൈനൌ॑ ഭാഗ॒ധേയ॑-മു॒പാവ॑ഹരതി । സമ॒ഹം-വിഁശ്വൈ᳚ര്ദേ॒വൈ-രിത്യാ॑ഹ ॥ 59 ॥

വൈ॒ശ്വ॒ദേ॒വ്യോ॑ വൈ പ്ര॒ജാഃ । താ ഏ॒വാദ്യാഃ᳚ കുരുതേ । ക്ഷ॒ത്രസ്യ॒ നാഭി॑രസി ക്ഷ॒ത്രസ്യ॒ യോനി॑-ര॒സീത്യ॑ധീവാ॒സമാ-സ്തൃ॑ണാതി സയോനി॒ത്വായ॑ । സ്യോ॒നാമാസീ॑ദ സു॒ഷദാ॒മാസീ॒ദേത്യാ॑ഹ । യ॒ഥാ॒ യ॒ജുരേ॒വൈ തത് । മാ ത്വാ॑ ഹിഗ്​മ്സീ॒-ന്മാ മാ॑ ഹിഗ്​മ്സീ॒ദിത്യാ॒ഹാ-ഹിഗ്​മ്॑സായൈ । നിഷ॑സാദ ധൃ॒തവ്ര॑തോ॒ വരു॑ണഃ പ॒സ്ത്യാ᳚സ്വാ സാമ്രാ᳚ജ്യായ സു॒ക്രതു॒രിത്യാ॑ഹ । സാമ്രാ᳚ജ്യമേ॒വൈനഗ്​മ്॑ സു॒ക്രതു॑-ങ്കരോതി । ബ്രഹ്മാ(3)ന്ത്വഗ്​മ് രാ॑ജന്-ബ്ര॒ഹ്മാ-ഽസി॑ സവി॒താ-ഽസി॑ സ॒ത്യസ॑വ॒ ഇത്യാ॑ഹ । സ॒വി॒താര॑-മേ॒വൈനഗ്​മ്॑ സ॒ത്യസ॑വ-ങ്കരോതി ॥ 60 ॥

ബ്രഹ്മാ(3)ന്ത്വഗ്​മ് രാ॑ജന്-ബ്ര॒ഹ്മാ-ഽസീന്ദ്രോ॑-ഽസി സ॒ത്യൌജാ॒ ഇത്യാ॑ഹ । ഇന്ദ്ര॑മേ॒വൈനഗ്​മ്॑ സ॒ത്യൌജ॑സ-ങ്കരോതി । ബ്രഹ്മാ(3)ന്ത്വഗ്​മ് രാ॑ജന്-ബ്ര॒ഹ്മാ-ഽസി॑ മി॒ത്രോ॑-ഽസി സു॒ശേവ॒ ഇത്യാ॑ഹ । മി॒ത്രമേ॒വൈനഗ്​മ്॑ സു॒ശേവ॑-ങ്കരോതി । ബ്രഹ്മാ(3)ന്ത്വഗ്​മ് രാ॑ജന്-ബ്ര॒ഹ്മാ-ഽസി॒ വരു॑ണോ-ഽസി സ॒ത്യധ॒ര്മേത്യാ॑ഹ । വരു॑ണമേ॒വൈനഗ്​മ്॑ സ॒ത്യധ॑ര്മാണ-ങ്കരോതി । സ॒വി॒താ-ഽസി॑ സ॒ത്യസ॑വ॒ ഇത്യാ॑ഹ । ഗാ॒യ॒ത്രീ-മേ॒വൈതേനാ॑ഭി॒വ്യാഹ॑രതി । ഇന്ദ്രോ॑-ഽസി സ॒ത്യൌജാ॒ ഇത്യാ॑ഹ । ത്രി॒ഷ്ടുഭ॑-മേ॒വൈതേനാ॑ഭി॒-വ്യാഹ॑രതി ॥ 61 ॥

മി॒ത്രോ॑-ഽസി സു॒ശേവ॒ ഇത്യാ॑ഹ । ജഗ॑തീ-മേ॒വൈതേനാ॑ഭി॒വ്യാഹ॑രതി । സ॒ത്യമേ॒താ ദേ॒വതാഃ᳚ । സ॒ത്യമേ॒താനി॒ ഛന്ദാഗ്​മ്॑സി । സ॒ത്യമേ॒വാവ॑ രുന്ധേ । വരു॑ണോ-ഽസി സ॒ത്യധ॒ര്മേത്യാ॑ഹ । അ॒നു॒ഷ്ടുഭ॑-മേ॒വൈതേനാ॑ഭി॒വ്യാഹ॑രതി । സ॒ത്യാ॒നൃ॒തേ വാ അ॑നു॒ഷ്ടുപ് । സ॒ത്യാ॒നൃ॒തേ വരു॑ണഃ । സ॒ത്യാ॒നൃ॒തേ ഏ॒വാവ॑രുന്ധേ ॥ 62 ॥

നൈനഗ്​മ്॑ സത്യാനൃ॒തേ ഉ॑ദി॒തേ ഹിഗ്ഗ്॑സ്തഃ । യ ഏ॒വം-വേഁദ॑ । ഇന്ദ്ര॑സ്യ॒ വജ്രോ॑-ഽസി॒ വാര്ത്ര॑ഘ്ന॒ ഇതി॒ സ്ഫ്യ-മ്പ്രയ॑ച്ഛതി । വജ്രോ॒ വൈ സ്ഫ്യഃ । വജ്രേ॑ണൈ॒വാസ്മാ॑ അവരപ॒രഗ്​മ് ര॑ന്ധയതി । ഏ॒വഗ്​മ് ഹി തച്ഛ്രേയഃ॑ । യദ॑സ്മാ ഏ॒തേ രദ്ധ്യേ॑യുഃ । ദിശോ॒-ഽഭ്യ॑യഗ്​മ് രാജാ॑ ഽഭൂ॒ദിതി॒ പഞ്ചാ॒ക്ഷാന്-പ്രയ॑ച്ഛതി । ഏ॒തേ വൈ സർവേ-ഽയാഃ᳚ । അപ॑രാജായിന-മേ॒വൈന॑-ങ്കരോതി ॥ 63 ॥

ഓ॒ദ॒നമുദ്ബ്രു॑വതേ । പ॒ര॒മേ॒ഷ്ഠീ വാ ഏ॒ഷഃ । യദോ॑ദ॒നഃ । പ॒ര॒മാമേ॒വൈന॒ഗ്ഗ്॒ ശ്രിയ॑-ങ്ഗമയതി । സുശ്ലോ॒കാഁ(4) സുമ॑ങ്ഗ॒ലാഁ(4) സത്യ॑രാ॒ജാ(3)നിത്യാ॑ഹ । ആ॒ശിഷ॑മേ॒വൈതാമാ ശാ᳚സ്തേ । ശൌ॒ന॒-ശ്ശേ॒പമാഖ്യാ॑പയതേ । വ॒രു॒ണ॒പാ॒ശാ-ദേ॒വൈന॑-മ്മുഞ്ചതി । പ॒ര॒-ശ്ശ॒ത-മ്ഭ॑വതി । ശ॒തായുഃ॒ പുരു॑ഷ-ശ്ശ॒തേന്ദ്രി॑യഃ( ) । ആയു॑ഷ്യേ॒വേന്ദ്രി॒യേ പ്രതി॑തിഷ്ഠതി । മാ॒രു॒തസ്യ॒ ചൈക॑വിഗ്​മ്ശതികപാലസ്യ വൈശ്വദേ॒വ്യൈ ചാ॒മിക്ഷാ॑യാ അ॒ഗ്നയേ᳚ സ്വിഷ്ട॒കൃതേ॑ സ॒മവ॑ദ്യതി । ദേ॒വതാ॑ഭിരേ॒വൈന॑-മുഭ॒യതഃ॒ പരി॑ഗൃഹ്ണാതി । അ॒പാ-ന്നപ്ത്രേ॒ സ്വാഹോ॒ര്ജോ നപ്ത്രേ॒ സ്വാഹാ॒-ഽഗ്നയേ॑ ഗൃ॒ഹപ॑തയേ॒ സ്വാഹേതി॑ തി॒സ്ര ആഹു॑തീ-ര്ജുഹോതി । ത്രയ॑ ഇ॒മേ ലോ॒കാഃ । ഏ॒ഷ്വേ॑വ ലോ॒കേഷു॒ പ്രതി॑ തിഷ്ഠതി ॥ 64 ॥
(ദേ॒വൈരിത്യാ॑ഹ - സ॒ത്യസ॑വ-ങ്കരോതി - ത്രി॒ഷ്ടുഭ॑മേ॒വൈതേനാ॑ഭി॒ വ്യാഹ॑രതി- സത്യാനൃ॒തേ ഏ॒വാവ॑രുന്ധേ - കരോതി - ശ॒തേന്ദ്രി॑യ॒-ഷ്ഷട്ച॑) (അ. 10)

(ഏ॒ത-ദ്ബ്രാ᳚ഹ്മണാനി - ധാ॒ത്രേ - രാ॒ത്നിനാം᳚ - ദേവസു॒വാ - മ॒ര്ഥേതോ॒ - ദേവീ॒--ര് ദിശഃ॒ - സോമ॒സ്യേ - ന്ദ്ര॑സ്യ - മി॒ത്രോ ദശ॑)

(ഏ॒ത-ദ്ബ്രാ᳚ഹ്മണാനി - വൈഷ്ണ॒വ-ന്ത്രി॑കപാ॒ല - മന്നം॒-വൈഁ പൂ॒ഷാ - വാശാ॒-സ്സ്ഥേത്യാ॑ഹ॒ - ദിശോ॒ വ്യാസ്ഥാ॑പയ॒ - ത്യുദ॑മ്പ॒രേത്യ॒ - ബ്രഹ്മാ(3)ന്ത്വഗ്​മ് രാ॑ജ॒-ഞ്ചതു॑ഷ്ഷഷ്ടിഃ

(ഏ॒ത-ദ്ബ്രാ᳚ഹ്മണാനി॒ - പ്രതി॑ തിഷ്ഠതി)

॥ ഹരിഃ॑ ഓമ് ॥

॥ കൃഷ്ണ യജുർവേദീയ തൈത്തിരീയ ബ്രാഹ്മണേ പ്രഥമാഷ്ടകേ സപ്തമഃ പ്രപാഠക-സ്സമാപ്തഃ ॥