કૃષ્ણ યજુર્વેદીય તૈત્તિરીય બ્રાહ્મણે તૃતીયાષ્ટકે પ્રથમઃ પ્રપાઠકઃ - નક્ષત્રેષ્ટીનાં-યાઁજ્યા-ઽનુવાક્યા બ્રાહ્મણાનિ
ઓ-ન્નમઃ પરમાત્મને, શ્રી મહાગણપતયે નમઃ,
શ્રી ગુરુભ્યો નમઃ । હ॒રિઃ॒ ઓમ્ ॥
અનુવાકં 1 - દેવનક્ષત્રાણાં-યાઁજ્યાનુવાક્યાઃ
અ॒ગ્નિર્નઃ॑ પાતુ॒ કૃત્તિ॑કાઃ । નક્ષ॑ત્ર-ન્દે॒વમિ॑ન્દ્રિ॒યમ્ । ઇ॒દમા॑સાં-વિઁચક્ષ॒ણમ્ । હ॒વિરા॒સ-ઞ્જુ॑હોતન ॥ યસ્ય॒ ભાન્તિ॑ ર॒શ્મયો॒ યસ્ય॑ કે॒તવઃ॑ । યસ્યે॒મા વિશ્વા॒ ભુવ॑નાનિ॒ સર્વા᳚ ।
સ કૃત્તિ॑કાભિર॒ભિ સં॒વઁસા॑નઃ । અ॒ગ્નિર્નો॑ દે॒વ-સ્સુ॑વિ॒તે દ॑ધાતુ ॥ પ્ર॒જાપ॑તે રોહિ॒ણી વે॑તુ॒ પત્ની᳚ ।
વિ॒શ્વરૂ॑પા બૃહ॒તી ચિ॒ત્રભા॑નુઃ ॥ 1 ॥
સા નો॑ ય॒જ્ઞસ્ય॑ સુવિ॒તે દ॑ધાતુ । યથા॒ જીવે॑મ શ॒રદ॒-સ્સવી॑રાઃ ॥ રો॒હિ॒ણી દે॒વ્યુદ॑ગા-ત્પુ॒રસ્તા᳚ત્ । વિશ્વા॑ રૂ॒પાણિ॑ પ્રતિ॒મોદ॑માના । પ્ર॒જાપ॑તિગ્મ્ હ॒વિષા॑ વ॒ર્ધય॑ન્તી । પ્રિ॒યા દે॒વાના॒-મુપ॑યાતુ ય॒જ્ઞમ્ ॥ સોમો॒ રાજા॑ મૃગશી॒ર॒.ષેણ॒ આગન્ન્॑ । શિ॒વ-ન્નક્ષ॑ત્ર-મ્પ્રિ॒યમ॑સ્ય॒ ધામ॑ ।
આ॒પ્યાય॑માનો બહુ॒ધા જને॑ષુ ।
રેતઃ॑ પ્ર॒જાં-યઁજ॑માને દધાતુ ॥ 2 ॥
ય-ત્તે॒ નક્ષ॑ત્ર-મ્મૃગશી॒ર॒.ષમસ્તિ॑ ।
પ્રિ॒યગ્મ્ રા॑જ-ન્પ્રિ॒યત॑મ-મ્પ્રિ॒યાણા᳚મ્ ।
તસ્મૈ॑ તે સોમ હ॒વિષા॑ વિધેમ ।
શન્ન॑ એધિ દ્વિ॒પદે॒ શ-ઞ્ચતુ॑ષ્પદે ॥
આ॒ર્દ્રયા॑ રુ॒દ્રઃ પ્રથ॑માન એતિ । શ્રેષ્ઠો॑ દે॒વાના॒-મ્પતિ॑રઘ્નિ॒યાના᳚મ્ । નક્ષ॑ત્રમસ્ય હ॒વિષા॑ વિધેમ । મા નઃ॑ પ્ર॒જાગ્મ્ રી॑રિષ॒-ન્મોત વી॒રાન્ ॥
હે॒તી રુ॒દ્રસ્ય॒ પરિ॑ણો વૃણક્તુ । આ॒ર્દ્રા નક્ષ॑ત્ર-ઞ્જુષતાગ્મ્ હ॒વિર્નઃ॑ ॥ 3 ॥
પ્ર॒મુ॒ઞ્ચમા॑નૌ દુરિ॒તાનિ॒ વિશ્વા᳚ । અપા॒ઘશગ્મ્॑ સ-ન્નુદતા॒મરા॑તિમ્ ॥ પુન॑ર્નો દે॒વ્યદિ॑તિ-સ્સ્પૃણોતુ । પુન॑ર્વસૂ નઃ॒ પુન॒રેતાં᳚-યઁ॒જ્ઞમ્ ।
પુન॑ર્નો દે॒વા અ॒ભિય॑ન્તુ॒ સર્વે᳚ । પુનઃ॑ પુનર્વો હ॒વિષા॑ યજામઃ ॥ એ॒વા ન દે॒વ્યદિ॑તિરન॒ર્વા । વિશ્વ॑સ્ય ભ॒ર્ત્રી જગ॑તઃ પ્રતિ॒ષ્ઠા । પુન॑ર્વસૂ હ॒વિષા॑ વ॒ર્ધય॑ન્તી । પ્રિ॒ય-ન્દે॒વાના॒-મપ્યે॑તુ॒ પાથઃ॑ ॥ 4 ॥
બૃહ॒સ્પતિઃ॑ પ્રથ॒મ-ઞ્જાય॑માનઃ । તિ॒ષ્ય॑-ન્નક્ષ॑ત્રમ॒ભિ સમ્બ॑ભૂવ । શ્રેષ્ઠો॑ દે॒વાના॒-મ્પૃત॑નાસુ જિ॒ષ્ણુઃ । દિશો-ઽનુ॒ સર્વા॒ અભ॑યન્નો અસ્તુ ॥
તિ॒ષ્યઃ॑ પુ॒રસ્તા॑દુ॒ત મ॑દ્ધ્ય॒તો નઃ॑ । બૃહ॒સ્પતિ॑ ર્નઃ॒ પરિ॑પાતુ પ॒શ્ચાત્ । બાધે॑તા॒-ન્દ્વેષો॒ અભ॑ય-ઙ્કૃણુતામ્ । સુ॒વીર્ય॑સ્ય॒ પત॑ય-સ્સ્યામ ॥
ઇ॒દગ્મ્ સ॒ર્પેભ્યો॑ હ॒વિર॑સ્તુ॒ જુષ્ટ᳚મ્ ।
આ॒શ્રે॒ષા યેષા॑-મનુ॒યન્તિ॒ ચેતઃ॑ ॥ 5 ॥
યે અ॒ન્તરિ॑ક્ષ-મ્પૃથિ॒વી-ઙ્ક્ષિ॒યન્તિ॑ । તેન॑-સ્સ॒ર્પાસો॒ હવ॒માગ॑મિષ્ઠાઃ ॥ યે રો॑ચ॒ને સૂર્ય॒સ્યાપિ॑
સ॒ર્પાઃ । યે દિવ॑-ન્દે॒વીમનુ॑ સ॒ઞ્ચર॑ન્તિ ।
યેષા॑માશ્રે॒ષા અ॑નુ॒યન્તિ॒ કામ᳚મ્ ।
તેભ્ય॑-સ્સ॒ર્પેભ્યો॒ મધુ॑મજ્જુહોમિ ॥
ઉપ॑હૂતાઃ પિ॒તરો॒ યે મ॒ઘાસુ॑ । મનો॑જવસ-સ્સુ॒કૃત॑-સ્સુકૃ॒ત્યાઃ । તે નો॒ નક્ષ॑ત્રે॒ હવ॒માગ॑મિષ્ઠાઃ । સ્વ॒ધાભિ॑ ર્ય॒જ્ઞ-મ્પ્રય॑ત-ઞ્જુષન્તામ્ ॥ 6 ॥
યે અ॑ગ્નિદ॒ગ્ધા યે-ઽન॑ગ્નિ-દગ્ધાઃ । યે॑-ઽમું-લોઁ॒ક-મ્પિ॒તરઃ॑, ક્ષિ॒યન્તિ॑ । યાગ્શ્ચ॑ વિ॒દ્મયાગ્મ્ ઉ॑ ચ॒ ન પ્ર॑વિ॒દ્મ । મ॒ઘાસુ॑ ય॒જ્ઞગ્મ્ સુકૃ॑ત-ઞ્જુષન્તામ્ ॥
ગવા॒-મ્પતિઃ॒ ફલ્ગુ॑નીનામસિ॒ ત્વમ્ । તદ॑ર્યમન્ વરુણ મિત્ર॒ ચારુ॑ । ત-ન્ત્વા॑ વ॒યગ્મ્ સ॑નિ॒તારગ્મ્॑ સની॒નામ્ । જી॒વા જીવ॑ન્ત॒મુપ॒ સંવિઁ॑શેમ ॥
યેને॒મા વિશ્વા॒ ભુવ॑નાનિ॒ સઞ્જિ॑તા ।
યસ્ય॑ દે॒વા અ॑નુ સં॒યઁન્તિ॒ ચેતઃ॑ ॥ 7 ॥
અ॒ર્ય॒મા રાજા॒-ઽજર॒સ્તુવિ॑ષ્માન્ । ફલ્ગુ॑નીના-મૃષ॒ભો રો॑રવીતિ ॥ શ્રેષ્ઠો॑ દે॒વાના᳚-મ્ભગવો ભગાસિ । તત્ત્વા॑ વિદુઃ॒ ફલ્ગુ॑ની॒સ્તસ્ય॑ વિત્તાત્ । અ॒સ્મભ્ય॑-ઙ્ક્ષ॒ત્રમ॒જરગ્મ્॑ સુ॒વીર્ય᳚મ્ । ગોમ॒દશ્વ॑-વ॒દુપ॒-સન્નુ॑દે॒હ ॥ ભગો॑ હ દા॒તા ભગ॒ ઇ-ત્પ્ર॑દા॒તા । ભગો॑ દે॒વીઃ ફલ્ગુ॑ની॒રાવિ॑વેશ । ભગ॒સ્યેત્ત-મ્પ્ર॑સ॒વ-ઙ્ગ॑મેમ । યત્ર॑ દે॒વૈ-સ્સ॑ધ॒માદ॑-મ્મદેમ ॥ 8 ॥
આયા॑તુ દે॒વ-સ્સ॑વિ॒તોપ॑યાતુ । હિ॒ર॒ણ્યયે॑ન સુ॒વૃતા॒ રથે॑ન । વહ॒ન્॒. હસ્તગ્મ્॑ સુ॒ભગં॑-વિઁદ્મ॒નાપ॑સમ્ । પ્ર॒યચ્છ॑ન્ત॒-મ્પપુ॑રિ॒-મ્પુણ્ય॒મચ્છ॑ ॥
હસ્તઃ॒ પ્રય॑ચ્છ ત્વ॒મૃતં॒-વઁસી॑યઃ ।
દક્ષિ॑ણેન॒ પ્રતિ॑ગૃભ્ણીમ એનત્ ।
દા॒તાર॑મ॒દ્ય સ॑વિ॒તા વિ॑દેય ।
યો નો॒ હસ્તા॑ય પ્રસુ॒વાતિ॑ ય॒જ્ઞમ્ ॥
ત્વષ્ટા॒ નક્ષ॑ત્રમ॒ભ્યે॑તિ ચિ॒ત્રામ્ ।
સુ॒ભગ્મ્ સ॑સં-યુઁવ॒તિગ્મ્ રોચ॑માનામ્ ॥ 9 ॥
નિ॒વે॒શય॑-ન્ન॒મૃતા॒-ન્મર્ત્યાગ્॑શ્ચ ।
રૂ॒પાણિ॑ પિ॒ગ્મ્॒શ-ન્ભુવ॑નાનિ॒ વિશ્વા᳚ ॥
તન્ન॒સ્ત્વષ્ટા॒ તદુ॑ ચિ॒ત્રા વિચ॑ષ્ટામ્ ।
તન્નક્ષ॑ત્ર-મ્ભૂરિ॒દા અ॑સ્તુ॒ મહ્ય᳚મ્ ।
તન્નઃ॑ પ્ર॒જાં-વીઁ॒રવ॑તીગ્મ્ સનોતુ ।
ગોભિ॑ર્નો॒ અશ્વૈ॒-સ્સમ॑નક્તુ ય॒જ્ઞમ્ ॥
વા॒યુર્નક્ષ॑ત્ર-મ॒ભ્યે॑તિ॒ નિષ્ટ્યા᳚મ્ ।
તિ॒ગ્મશૃ॑ઙ્ગો વૃષ॒ભો રોરુ॑વાણઃ ।
સ॒મી॒રય॒-ન્ભુવ॑ના માત॒રિશ્વા᳚ ।
અપ॒ દ્વેષાગ્મ્॑સિ નુદતા॒મરા॑તીઃ ॥ 10 ॥
તન્નો॑ વા॒યસ્તદુ॒ નિષ્ટ્યા॑ શૃણોતુ ।
તન્નક્ષ॑ત્ર-મ્ભૂરિ॒દા અ॑સ્તુ॒ મહ્ય᳚મ્ ।
તન્નો॑ દે॒વાસો॒ અનુ॑ જાનન્તુ॒ કામ᳚મ્ । યથા॒ તરે॑મ દુરિ॒તાનિ॒ વિશ્વા᳚ ॥ દૂ॒રમ॒સ્મચ્છત્ર॑વો યન્તુ ભી॒તાઃ । તદિ॑ન્દ્રા॒ગ્ની કૃ॑ણુતા॒-ન્ત-દ્વિશા॑ખે ।
તન્નો॑ દે॒વા અનુ॑મદન્તુ ય॒જ્ઞમ્ । પ॒શ્ચા-ત્પુ॒રસ્તા॒-દભ॑યન્નો અસ્તુ ॥ નક્ષ॑ત્રાણા॒-મધિ॑પત્ની॒ વિશા॑ખે ।
શ્રેષ્ઠા॑વિન્દ્રા॒ગ્ની ભુવ॑નસ્ય ગો॒પૌ ॥ 11 ॥
વિષૂ॑ચ॒-શ્શત્રૂ॑-નપ॒બાધ॑માનૌ । અપ॒ ક્ષુધ॑-ન્નુદતા॒મરા॑તિમ્ ॥ પૂ॒ર્ણા પ॒શ્ચાદુ॒ત પૂ॒ર્ણા પુ॒રસ્તા᳚ત્ । ઉન્મ॑દ્ધ્ય॒તઃ પૌ᳚ર્ણમા॒સી જિ॑ગાય ।
તસ્યા᳚-ન્દે॒વા અધિ॑ સં॒વઁસ॑ન્તઃ ।
ઉ॒ત્ત॒મે નાક॑ ઇ॒હ મા॑દયન્તામ્ ॥
પૃ॒થ્વી સુ॒વર્ચા॑ યુવ॒તિ-સ્સ॒જોષાઃ᳚ । પૌ॒ર્ણ॒મા॒સ્યુદ॑ગા॒-ચ્છોભ॑માના ।
આ॒પ્યા॒યય॑ન્તી દુરિ॒તાનિ॒ વિશ્વા᳚ ।
ઉ॒રુ-ન્દુહાં॒-યઁજ॑માનાય ય॒જ્ઞમ્ ॥ 12 ॥
(ચિ॒ત્રભા॑નુ॒-ર્ યજ॑માને દધાતુ - હ॒વિર્નઃ॒ - પાથ॒ - શ્ચેતો॑ - જુષન્તાં॒ - ચેતો॑ - મદેમ॒ - રોચ॑માના॒ - મરા॑તી--ર્ ગો॒પૌ - ય॒જ્ઞં) (અ. 1)
અનુવાકં 2 - યમનક્ષત્રાણાં-યાઁજ્યાનુવાક્યાઃ
ઋ॒દ્ધ્યાસ્મ॑ હ॒વ્યૈ-ર્નમ॑સોપ॒ સદ્ય॑ ।
મિ॒ત્ર-ન્દે॒વ-મ્મિ॑ત્ર॒ધેય॑ન્નો અસ્તુ । અ॒નૂ॒રા॒ધાન્. હ॒વિષા॑ વ॒ર્ધય॑ન્તઃ । શ॒ત-ઞ્જી॑વેમ શ॒રદ॒-સ્સવી॑રાઃ ॥ ચિ॒ત્ર-ન્નક્ષ॑ત્ર॒-મુદ॑ગા-ત્પુ॒રસ્તા᳚ત્ । અ॒નૂ॒રા॒ધાસ॒ ઇતિ॒ ય-દ્વદ॑ન્તિ । તન્મિ॒ત્ર એ॑તિ પ॒થિભિ॑ ર્દેવ॒યાનૈઃ᳚ । હિ॒ર॒ણ્યયૈ॒ ર્વિત॑તૈ-ર॒ન્તરિ॑ક્ષે ॥
ઇન્દ્રો᳚ જ્યે॒ષ્ઠામનુ॒ નક્ષ॑ત્રમેતિ । યસ્મિ॑ન્ વૃ॒ત્રં-વૃઁ॑ત્ર॒ તૂર્યે॑ ત॒તાર॑ ॥ 13 ॥
તસ્મિ॑ન્ વ॒યમ॒મૃત॒-ન્દુહા॑નાઃ । ક્ષુધ॑-ન્તરેમ॒ દુરિ॑તિ॒-ન્દુરિ॑ષ્ટિમ્ ॥ પુ॒ર॒ન્દ॒રાય॑ વૃષ॒ભાય॑ ધૃ॒ષ્ણવે᳚ । અષા॑ઢાય॒ સહ॑માનાય મી॒ઢુષે᳚ ।
ઇન્દ્રા॑ય જ્યે॒ષ્ઠા મધુ॑મ॒-દ્દુહા॑ના ।
ઉ॒રુ-ઙ્કૃ॑ણોતુ॒ યજ॑માનાય લો॒કમ્ ॥
મૂલ॑-મ્પ્ર॒જાં-વીઁ॒રવ॑તીં-વિઁદેય । પરા᳚ચ્યેતુ॒ નિર્-ઋ॑તિઃ પરા॒ચા । ગોભિ॒ ર્નક્ષ॑ત્ર-મ્પ॒શુભિ॒-સ્સમ॑ક્તમ્ । અહ॑ર્ભૂયા॒-દ્યજ॑માનાય॒ મહ્ય᳚મ્ ॥ 14 ॥
અહ॑ર્નો અ॒દ્ય સુ॑વિ॒તે દ॑ધાતુ । મૂલ॒-ન્નક્ષ॑ત્ર॒મિતિ॒ ય-દ્વદ॑ન્તિ । પરા॑ચીં-વાઁ॒ચા નિર્-ઋ॑તિ-ન્નુદામિ ।
શિ॒વ-મ્પ્ર॒જાયૈ॑ શિ॒વમ॑સ્તુ॒ મહ્ય᳚મ્ ॥
યા દિ॒વ્યા આપઃ॒ પય॑સા સ-મ્બભૂ॒વુઃ । યા અ॒ન્તરિ॑ક્ષ ઉ॒ત પાર્થિ॑વી॒ર્યાઃ । યાસા॑મષા॒ઢા અ॑નુ॒યન્તિ॒
કામ᳚મ્ । તા ન॒ આપ॒-શ્શગ્ગ્ સ્યો॒ના ભ॑વન્તુ ॥
યાશ્ચ॒ કૂપ્યા॒ યાશ્ચ॑ ના॒દ્યા᳚-સ્સમુ॒દ્રિયાઃ᳚ ।
યાશ્ચ॑ વૈશ॒ન્તીરુ॒ત પ્રા॑સ॒ચીર્યાઃ ॥ 15 ॥
યાસા॑મષા॒ઢા મધુ॑ ભ॒ક્ષય॑ન્તિ । તા ન॒ આપ॒-શ્શગ્ગ્ સ્યો॒ના ભ॑વન્તુ ॥ તન્નો॒ વિશ્વે॒ ઉપ॑ શૃણ્વન્તુ દે॒વાઃ । તદ॑ષા॒ઢા અ॒ભિ સંયઁ॑ન્તુ ય॒જ્ઞમ્ ।
તન્નક્ષ॑ત્ર-મ્પ્રથતા-મ્પ॒શુભ્યઃ॑ ।
કૃ॒ષિ-ર્વૃ॒ષ્ટિ-ર્યજ॑માનાય કલ્પતામ્ ॥
શુ॒ભ્રાઃ ક॒ન્યા॑ યુવ॒તય॑-સ્સુ॒પેશ॑સઃ । ક॒ર્મ॒કૃત॑-સ્સુ॒કૃતો॑ વી॒ર્યા॑વતીઃ ।
વિશ્વા᳚-ન્દે॒વાન્. હ॒વિષા॑ વ॒ર્ધય॑ન્તીઃ ।
અ॒ષા॒ઢાઃ કામ॒મુપ॑યાન્તુ ય॒જ્ઞમ્ ॥ 16 ॥
યસ્મિ॒-ન્બ્રહ્મા॒-ઽભ્યજ॑ય॒-થ્સર્વ॑મે॒તત્ ।
અ॒મુઞ્ચ॑ લો॒ક મિ॒દમૂ॑ચ॒ સર્વ᳚મ્ ।
તન્નો॒ નક્ષ॑ત્રમભિ॒જિ-દ્વિ॒જિત્ય॑ । શ્રિય॑-ન્દધા॒-ત્વહૃ॑ણીયમાનમ્ ॥ ઉ॒ભૌ લો॒કૌ બ્રહ્મ॑ણા॒ સઞ્જિ॑તે॒મૌ । તન્નો॒ નક્ષ॑ત્રમભિ॒જિ-દ્વિચ॑ષ્ટામ્ ।
તસ્મિ॑ન્ વ॒ય-મ્પૃત॑ના॒-સ્સ-ઞ્જ॑યેમ ।
તન્નો॑ દે॒વાસો॒ અનુ॑જાનન્તુ॒ કામ᳚મ્ ॥
શૃ॒ણ્વન્તિ॑ શ્રો॒ણા-મ॒મૃત॑સ્ય ગો॒પામ્ ।
પુણ્યા॑મસ્યા॒ ઉપ॑શૃણોમિ॒ વાચ᳚મ્ ॥ 17 ॥
મ॒હી-ન્દે॒વીં-વિઁષ્ણુ॑પત્ની-મજૂ॒ર્યામ્ । પ્ર॒તીચી॑મેનાગ્મ્ હ॒વિષા॑ યજામઃ ॥
ત્રે॒ધા વિષ્ણુ॑-રુરુગા॒યો વિચ॑ક્રમે ।
મ॒હી-ન્દિવ॑-મ્પૃથિ॒વી-મ॒ન્તરિ॑ક્ષમ્ ।
તચ્છ્રો॒ણૈતિ॒ શ્રવ॑ ઇ॒ચ્છમા॑ના ।
પુણ્ય॒ગ્ગ્॒ શ્લોકં॒-યઁજ॑માનાય કૃણ્વ॒તી ॥
અ॒ષ્ટૌ દે॒વા વસ॑વ-સ્સો॒મ્યાસઃ॑ ।
ચત॑સ્રો દે॒વી ર॒જરા॒-શ્શ્રવિ॑ષ્ઠાઃ ।
તે ય॒જ્ઞ-મ્પા᳚ન્તુ॒ રજ॑સઃ પ॒રસ્તા᳚ત્ ।
સં॒વઁ॒થ્સ॒રીણ॑-મ॒મૃતગ્ગ્॑ સ્વ॒સ્તિ ॥ 18 ॥
ય॒જ્ઞ-ન્નઃ॑ પાન્તુ॒ વસ॑વઃ પુ॒રસ્તા᳚ત્ । દ॒ક્ષિ॒ણ॒તો॑-ઽભિય॑ન્તુ॒ શ્રવિ॑ષ્ઠાઃ । પુણ્ય॒-ન્નક્ષ॑ત્રમ॒ભિ સંવિઁ॑શામ । મા નો॒ અરા॑તિ-ર॒ઘશ॒ગ્મ્॒સા ગન્ન્॑ ॥
ક્ષ॒ત્રસ્ય॒ રાજા॒ વરુ॑ણો-ઽધિરા॒જઃ । નક્ષ॑ત્રાણાગ્મ્ શ॒તભિ॑ષ॒ગ્ વસિ॑ષ્ઠઃ । તૌ દે॒વેભ્યઃ॑ કૃણુતો દી॒ર્ઘમાયુઃ॑ । શ॒તગ્મ્ સ॒હસ્રા॑ ભેષ॒જાનિ॑ ધત્તઃ ॥
ય॒જ્ઞન્નો॒ રાજા॒ વરુ॑ણ॒ ઉપ॑યાતુ । તન્નો॒ વિશ્વે॑ અ॒ભિ સંયઁ॑ન્તુ દે॒વાઃ ॥ 19 ॥
તન્નો॒ નક્ષ॑ત્રગ્મ્ શ॒તભિ॑ષગ્ જુષા॒ણમ્ । દી॒ર્ઘમાયુઃ॒ પ્રતિ॑ર-દ્ભેષ॒જાનિ॑ ॥ અ॒જ એક॑પા॒દુદ॑ગા-ત્પુ॒રસ્તા᳚ત્ । વિશ્વા॑ ભૂ॒તાનિ॑ પ્રતિ॒મોદ॑માનઃ । તસ્ય॑ દે॒વાઃ પ્ર॑સ॒વં-યઁ॑ન્તિ॒ સર્વે᳚ । પ્રો॒ષ્ઠ॒પ॒દાસો॑ અ॒મૃત॑સ્ય ગો॒પાઃ ॥
વિ॒ભ્રાજ॑માન-સ્સમિધા॒ન ઉ॒ગ્રઃ । આ-ઽન્તરિ॑ક્ષ-મરુહ॒દ-ગ॒ન્દ્યામ્ । તગ્મ્ સૂર્ય॑-ન્દે॒વ-મ॒જમેક॑પાદમ્ । પ્રો॒ષ્ઠ॒પ॒દાસો॒ અનુ॑યન્તિ॒ સર્વે᳚ ॥ 20 ॥
અહિ॑-ર્બુ॒દ્ધ્નિયઃ॒ પ્રથ॑માન એતિ । શ્રેષ્ઠો॑ દે॒વાના॑મુ॒ત માનુ॑ષાણામ્ । ત-મ્બ્રા᳚હ્મ॒ણા-સ્સો॑મ॒પા-સ્સો॒મ્યાસઃ॑ ।
પ્રો॒ષ્ઠ॒પ॒દાસો॑ અ॒ભિ ર॑ક્ષન્તિ॒ સર્વે᳚ ॥
ચ॒ત્વાર॒ એક॑મ॒ભિ કર્મ॑ દે॒વાઃ ।
પ્રો॒ષ્ઠ॒પ॒દાસ॒ ઇતિ॒ યાન્. વદ॑ન્તિ ।
તે બુ॒દ્ધનિય॑-મ્પરિ॒ષદ્યગ્ગ્॑ સ્તુ॒વન્તઃ॑ ।
અહિગ્મ્॑ રક્ષન્તિ॒ નમ॑સોપ॒સદ્ય॑ ॥
પૂ॒ષા રે॒વત્યન્વે॑તિ॒ પન્થા᳚મ્ । પુ॒ષ્ટિ॒પતી॑ પશુ॒પા વાજ॑બસ્ત્યૌ ॥ 21 ॥
ઇ॒માનિ॑ હ॒વ્યા પ્રય॑તા જુષા॒ણા ।
સુ॒ગૈર્નો॒ યાનૈ॒રુપ॑યાતાં-યઁ॒જ્ઞમ્ ॥
ક્ષુ॒દ્રા-ન્પ॒શૂ-ન્ર॑ક્ષતુ રે॒વતી॑ નઃ ।
ગાવો॑ નો॒ અશ્વા॒ગ્મ્॒ અન્વે॑તુ પૂ॒ષા ।
અન્ન॒ગ્મ્॒ રક્ષ॑ન્તૌ બહુ॒ધા વિરૂ॑પમ્ ।
વાજગ્મ્॑ સનુતાં॒-યઁજ॑માનાય ય॒જ્ઞમ્ ॥
તદ॒શ્વિના॑-વશ્વ॒યુજોપ॑યાતામ્ ।
શુભ॒-ઙ્ગમિ॑ષ્ઠૌ સુ॒યમે॑ભિ॒રશ્વૈઃ᳚ ।
સ્વ-ન્નક્ષ॑ત્રગ્મ્ હ॒વિષા॒ યજ॑ન્તૌ ।
મદ્ધ્વા॒ સમ્પૃ॑ક્તૌ॒ યજુ॑ષા॒ સમ॑ક્તૌ ॥ 22 ॥
યૌ દે॒વાના᳚-મ્ભિ॒ષજૌ॑ હવ્યવા॒હૌ । વિશ્વ॑સ્ય દૂ॒તા-વ॒મૃત॑સ્ય ગો॒પૌ । તૌ નક્ષ॑ત્ર-ઞ્જુજુષા॒ણો-પ॑યાતામ્ । નમો॒-ઽશ્વિભ્યા᳚-ઙ્કૃણુમો-ઽશ્વ॒યુગ્ભ્યા᳚મ્ ॥
અપ॑ પા॒પ્માન॒-મ્ભર॑ણીર્ભરન્તુ । ત-દ્ય॒મો રાજા॒ ભગ॑વા॒ન્॒. વિચ॑ષ્ટામ્ । લો॒કસ્ય॒ રાજા॑ મહ॒તો મ॒હાન્. હિ । સુ॒ગ-ન્નઃ॒ પન્થા॒મભ॑ય-ઙ્કૃણોતુ ॥
યસ્મિ॒-ન્નક્ષ॑ત્રે ય॒મ એતિ॒ રાજા᳚ ।
યસ્મિ॑-ન્નેનમ॒ભ્યષિ॑ચન્ન્ત દે॒વાઃ ।
તદ॑સ્ય ચિ॒ત્રગ્મ્ હ॒વિષા॑ યજામ ।
અપ॑ પા॒પ્માન॒-મ્ભર॑ણી-ર્ભરન્તુ ॥
નિ॒વેશ॑ની સ॒ઙ્ગમ॑ની॒ વસૂ॑નાં॒-વિઁશ્વા॑ રૂ॒પાણિ॒ વસૂ᳚ન્યાવે॒શય॑ન્તી । સ॒હ॒સ્ર॒પો॒ષગ્મ્ સુ॒ભગા॒ રરા॑ણા॒ સા ન॒ આગ॒ન્ વર્ચ॑સા સંવિઁદા॒ના ॥ યત્તે॑ દે॒વા અદ॑ધુ-ર્ભાગ॒ધેય॒મમા॑વાસ્યે સં॒વઁસ॑ન્તો મહિ॒ત્વા । સાનો॑ ય॒જ્ઞ-મ્પિ॑પૃહિ વિશ્વવારે ર॒યિ-ન્નો॑ ધેહિ સુભગે સુ॒વીર᳚મ્ ॥ ॥ 23 ॥
(ત॒તાર॒ - મહ્યં॑ - પ્રાસ॒ચીર્યા - યા᳚ન્તુ ય॒જ્ઞં - ઁવાચગ્ગ્॑ - સ્વ॒સ્તિ - દે॒વા-અનુ॑ યન્તિ॒ સર્વે॒-વાજ॑બસ્ત્યૌ॒-સમ॑ક્તૌ-દે॒વા સ્ત્રીણિ॑ ચ) (અ. 2)
અનુવાકં 3 - ચાન્દ્રમસાદીનાં સપ્તનામિષ્ટીનાં-યાઁજ્યાનુવાક્યાઃ
નવો॑નવો ભવતિ॒ જાય॑મા॒નો-ઽહ્ના᳚-ઙ્કે॒તુરુ॒ષસા॑ મે॒ત્યગ્રે᳚ । ભા॒ગ-ન્દે॒વેભ્યો॒ વિદ॑ધાત્યા॒ય-ન્પ્રચ॒ન્દ્રમા᳚સ્તિરતિ દી॒ર્ઘમાયુઃ॑ ॥ યમા॑દિ॒ત્યા
અ॒ગ્મ્॒શુમા᳚પ્યા॒યય॑ન્તિ યમા॑દિ॒ત્યા અ॒ગ્મ્॒શુમા᳚પ્યા॒યય॑ન્તિ॒ યમક્ષિ॑ત॒-મક્ષિ॑તયઃ॒ પિબ॑ન્તિ । તેન॑ નો॒ રાજા॒ વરુ॑ણો॒ બૃહ॒સ્પતિ॒રા પ્યા॑યયન્તુ॒ ભુવ॑નસ્ય ગો॒પાઃ ॥॥ યે વિરૂ॑પે॒ સમ॑નસા સં॒વ્યઁય॑ન્તી । સ॒મા॒ન-ન્તન્તુ॑-મ્પરિ તાત॒નાતે᳚ । વિ॒ભૂ પ્ર॒ભૂ અ॑નુ॒ભૂ વિ॒શ્વતો॑ હુવે ।
તે નો॒ નક્ષ॑ત્રે॒ હવ॒માગ॑મેતમ્ ॥
વ॒ય-ન્દે॒વી બ્રહ્મ॑ણા સંવિઁદા॒નાઃ ।
સુ॒રત્ના॑સો દે॒વવી॑તિ॒-ન્દધા॑નાઃ ।
અ॒હો॒રા॒ત્રે હ॒વિષા॑ વ॒ર્ધય॑ન્તઃ ।
અતિ॑ પા॒પ્માન॒-મતિ॑મુક્ત્યા ગમેમ ॥ પ્રત્યુ॑વદૃશ્યાય॒તી ॥ 24 ॥
વ્યુ॒ચ્છન્તી॑ દુહિ॒તા દિ॒વઃ । અ॒પો મ॒હી વૃ॑ણુતે॒ ચક્ષુ॑ષા ॥ તમો॒ જ્યોતિ॑ષ્કૃણોતિ સૂ॒નરી᳚ । ઉદુ॒સ્ત્રિયા᳚-સ્સચતે॒ સૂર્યઃ॑ । સ ચા॑ ઉ॒દ્યન્નક્ષ॑ત્ર-મર્ચિ॒મત્ । તવેદુ॑ષો॒ વ્યુષિ॒ સૂર્ય॑સ્ય ચ ॥
સ-મ્ભ॒ક્તેન॑ ગમેમહિ । તન્નો॒ નક્ષ॑ત્ર-મર્ચિ॒મત્ । ભા॒નુ॒મત્તેજ॑ ઉ॒ચ્ચર॑ત્ । ઉપ॑ ય॒જ્ઞ-મિ॒હાગ॑મત્ ॥ 25 ॥
પ્ર નક્ષ॑ત્રાય દે॒વાય॑ । ઇન્દ્રા॒યેન્દુગ્મ્॑ હવામહે ।
સ ન॑-સ્સવિ॒તા સુ॑વ-થ્સ॒નિમ્ । પુ॒ષ્ટિ॒દાં-વીઁ॒રવ॑ત્તમમ્ ॥ ઉદુ॒ ત્ય-ઞ્જા॒તવે॑દસ-ન્દે॒વં-વઁ॑હન્તિ કે॒તવઃ॑ । દૃ॒શે વિશ્વા॑ય॒ સૂર્ય᳚મ્ ॥ ચિ॒ત્ર-ન્દે॒વાના॒-મુદ॑ગા॒દની॑ક॒-ઞ્ચક્ષુ॑-ર્મિ॒ત્રસ્ય॒ વરુ॑ણસ્યા॒-ઽગ્નેઃ । આ-ઽ પ્રા॒ દ્યાવા॑પૃથિ॒વી અ॒ન્તરિ॑ક્ષ॒ગ્મ્॒ સૂર્ય॑ આ॒ત્મા જગ॑તસ્ત॒સ્થુષ॑શ્ચ ॥॥
અદિ॑તિર્ન ઉરુષ્ય॒ત્વદિ॑તિ॒-શ્શર્મ॑ યચ્છતુ । અદિ॑તિઃ પા॒ત્વગ્મ્ હ॑સઃ ॥ મ॒હીમૂ॒ષુ મા॒તરગ્મ્॑ સુવ્ર॒તાના॑મૃ॒તસ્ય॒ પત્ની॒મવ॑સે હુવેમ । તુ॒વિ॒ક્ષ॒ત્રામ॒જર॑ન્તીમુરૂ॒ચીગ્મ્ સુ॒શર્મા॑ણ॒મદિ॑તિગ્મ્ સુ॒પ્રણી॑તિમ્ ॥ ॥
ઇ॒દં-વિઁષ્ણુ॒-ર્વિચ॑ક્રમે ત્રે॒ધા નિ દ॑ધે પ॒દમ્ । સ મૂ॑ઢમસ્ય પાગ્મ્ સુ॒રે ॥ પ્રત-દ્વિષ્ણુ॑-સ્સ્તવતે વી॒ર્યા॑ય । મૃ॒ગો ન ભી॒મઃ કુ॑ચ॒રો ગિ॑રિ॒ષ્ઠાઃ । યસ્યો॒રુષુ॑ ત્રિ॒ષુ વિ॒ક્રમ॑ણેષુ । અધિ॑ક્ષિ॒યન્તિ॒ ભુવ॑નાનિ॒ વિશ્વા᳚ ॥ ॥
અ॒ગ્નિર્મૂ॒ર્ધા દિ॒વઃ ક॒કુ-ત્પતિઃ॑ પૃથિ॒વ્યા અ॒યમ્ । અ॒પાગ્મ્ રેતાગ્મ્॑સિ જિન્વતિ ॥ ભુવો॑ ય॒જ્ઞસ્ય॒ રજ॑સશ્ચ ને॒તા યત્રા॑ નિ॒યુદ્ભિ॒-સ્સચ॑સે શિ॒વાભિઃ॑ । દિ॒વિ મૂ॒ર્ધાન॑-ન્દધિષે સુવ॒ર્॒ષા-ઞ્જિ॒હ્વામ॑ગ્ને ચકૃષે હવ્ય॒વાહ᳚મ્ ॥ ॥
અનુ॑ નો॒-ઽદ્યા-ઽનુ॑મતિ-ર્ય॒જ્ઞ-ન્દે॒વેષુ॑ મન્યતામ્ । અ॒ગ્નિશ્ચ॑ હવ્ય॒વાહ॑નો॒ ભવ॑તા-ન્દા॒શુષે॒ મયઃ॑ ॥ અન્વિદ॑નુમતે॒ ત્વ-મ્મન્યા॑સૈ॒ શઞ્ચ॑નઃ કૃધિ । ક્રત્વે॒ દક્ષા॑ય નો હિનુ॒ પ્રણ॒ આયૂગ્મ્॑ષિ તારિષઃ ॥ ॥
હ॒વ્ય॒વાહ॑-મભિમાતિ॒ષા-ઽહ᳚મ્ । ર॒ક્ષો॒હણ॒-મ્પૃત॑નાસુ જિ॒ષ્ણુમ્ । જ્યોતિ॑ષ્મન્ત॒-ન્દીદ્ય॑ત॒-મ્પુર॑ન્ધિમ્ । અ॒ગ્નિગ્ગ્ સ્વિ॑ષ્ટ॒કૃત॒મા હુ॑વેમ ॥ સ્વિ॑ષ્ટમગ્ને અ॒ભિ ત-ત્પૃ॑ણાહિ । વિશ્વા॑ દેવ॒ પૃત॑ના અ॒ભિષ્ય । ઉ॒રુ-ન્નઃ॒ પન્થા᳚-મ્પ્રદિ॒શન્વિ ભા॑હિ । જ્યોતિ॑ષ્મદ્ધેહ્ય॒જર॑-ન્ન॒ આયુઃ॑ ॥ ॥ 26 ॥
(આ॒ય॒ત્ય॑ - ગમ॒થ્ - સ્વિ॑ષ્ટમ્) (અ. 3)
અનુવાકં 4 - દેવ નક્ષત્રેષ્ટિબ્રાહ્મણમ્
અ॒ગ્નિર્વા અ॑કામયત । અ॒ન્ના॒દો દે॒વાનાગ્॑ સ્યા॒મિતિ॑ ।
સ એ॒તમ॒ગ્નયે॒ કૃત્તિ॑કાભ્યઃ પુરો॒ડાશ॑-મ॒ષ્ટાક॑પાલ॒-ન્નિર॑વપત્ । તતો॒ વૈ સો᳚-ઽન્ના॒દો દે॒વાના॑મભવત્ । અ॒ગ્નિર્વૈ દે॒વાના॑મન્ના॒દઃ ॥
યથા॑ હ॒ વા અ॒ગ્નિ-ર્દે॒વના॑-મન્ના॒દઃ ।
એ॒વગ્મ્ હ॒ વા એ॒ષ મ॑નુ॒ષ્યા॑ણા-મ્ભવતિ ।
ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ ॥ સો-ઽત્ર॑ જુહોતિ । અ॒ગ્નયે॒ સ્વાહા॒ કૃત્તિ॑કાભ્ય॒-સ્સ્વાહા᳚ । અ॒મ્બાયૈ॒ સ્વાહા॑ દુ॒લાયૈ॒ સ્વાહા᳚ । નિ॒ત॒ત્ન્યૈ સ્વાહા॒ ઽભ્રય॑ન્ત્યૈ॒ સ્વાહા᳚ । મે॒ઘય॑ન્ત્યૈ॒ સ્વાહા॑ વ॒ર॒.ષય॑ન્ત્યૈ॒ સ્વાહા᳚ । ચુ॒પુ॒ણીકા॑યૈ॒ સ્વાહેતિ॑ ॥ 27 ॥
પ્ર॒જાપ॑તિઃ પ્ર॒જા અ॑સૃજત । તા અ॑સ્મા-થ્સૃ॒ષ્ટાઃ પરા॑ચીરાયન્ન્ । તાસાગ્મ્॑ રોહિ॒ણી-મ॒ભ્ય॑દ્ધ્યાયત્ । સો॑-ઽકામયત । ઉપ॒ મા-ઽઽવ॑ર્તેત । સમે॑નયા ગચ્છે॒યેતિ॑ । સ એ॒ત-મ્પ્ર॒જાપ॑તયે રોહિ॒ણ્યૈ ચ॒રુ-ન્નિર॑વપત્ । તતો॒ વૈ સા તમુ॒પાવ॑ર્તત । સમે॑નયા ઽગચ્છત ॥ ઉપ॑ હ॒ વા એ॑ન-મ્પ્રિ॒યમાવ॑ર્તતે ।
સ-મ્પ્રિ॒યેણ॑ ગચ્છતે । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ ॥ સો-ઽત્ર॑ જુહોતિ ।
પ્ર॒જાપ॑તયે॒ સ્વાહા॑ રોહિ॒ણ્યૈ સ્વાહા᳚ ।
રોચ॑માનાયૈ॒ સ્વાહા᳚ પ્ર॒જાભ્ય॒-સ્સ્વાહેતિ॑ ॥ 28 ॥
સોમો॒ વા અ॑કામયત । ઓષ॑ધીનાગ્મ્ રા॒જ્ય-મ॒ભિજ॑યેય॒મિતિ॑ । સ એ॒તગ્મ્ સોમા॑ય મૃગશી॒ર॒.ષાય॑ શ્યામા॒ક-ઞ્ચ॒રુ-મ્પય॑સિ॒ નિર॑વપત્ । તતો॒ વૈ સ ઓષ॑ધીનાગ્મ્
રા॒જ્યમ॒ભ્ય॑જયત્ । સ॒મા॒નાનાગ્મ્॑ હ॒ વૈ રા॒જ્યમ॒ભિજ॑યતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
સોમા॑ય॒ સ્વાહા॑ મૃગશી॒ર॒.ષાય॒ સ્વાહા᳚ ।
ઇ॒ન્વ॒કાભ્ય॒-સ્સ્વાહૌષ॑ધીભ્ય॒-સ્સ્વાહા᳚ ।
રા॒જ્યાય॒ સ્વાહા॒ ઽભિજિ॑ત્યૈ॒ સ્વાહેતિ॑ ॥ 29 ॥
રુ॒દ્રો વા અ॑કામયત । પ॒શુ॒માન્-થ્સ્યા॒મિતિ॑ ।
સ એ॒તગ્મ્ રુ॒દ્રાયા॒ર્દ્રાયૈ॒ પ્રૈય॑ઙ્ગવ-ઞ્ચ॒રુ-મ્પય॑સિ॒ નિર॑વપત્ । તતો॒ વૈ સ પ॑શુ॒માન॑ભવત્ । પ॒શુ॒માન્. હ॒ વૈ ભ॑વતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । રુ॒દ્રાય॒ સ્વાહા॒ ઽઽર્દ્રાયૈ॒ સ્વાહા᳚ । પિન્વ॑માનાયૈ॒ સ્વાહા॑ પ॒શુભ્ય॒-સ્સ્વાહેતિ॑ ॥ 30 ॥
ઋ॒ક્ષા વા ઇ॒યમ॑લો॒મકા॑-ઽઽસીત્ । સા-ઽકા॑મયત ।
ઓષ॑ધીભિ॒-ર્વન॒સ્પતિ॑ભિઃ॒ પ્રજા॑યે॒યેતિ॑ ।
સૈતમદિ॑ત્યૈ॒ પુન॑ર્વસુભ્યા-ઞ્ચ॒રુ-ન્નિર॑વપત્ ।
તતો॒ વા ઇ॒યમોષ॑ધીભિ॒-ર્વન॒સ્પતિ॑ભિઃ॒ પ્રાજા॑યત ।
પ્રજા॑યતે હ॒ વૈ પ્ર॒જયા॑ પ॒શુભિઃ॑ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ ।
સો-ઽત્ર॑ જુહોતિ । અદિ॑ત્યૈ॒ સ્વાહા॒ પુન॑ર્વસુભ્યામ્ ।
સ્વાહા-ઽઽભૂ᳚ત્યૈ॒ સ્વાહા॒ પ્રજા᳚ત્યૈ॒ સ્વાહેતિ॑ ॥ 31 ॥
બૃહ॒સ્પતિ॒ર્વા અ॑કામયત । બ્ર॒હ્મ॒વ॒ર્ચ॒સી સ્યા॒મિતિ॑ ।
સ એ॒ત-મ્બૃહ॒સ્પત॑યે તિ॒ષ્યા॑ય નૈવા॒ર-ઞ્ચ॒રુ-મ્પય॑સિ॒ નિર॑વપત્ । તતો॒ વૈ સ બ્ર॑હ્મવર્ચ॒સ્ય॑ભવત્ । બ્ર॒હ્મ॒વ॒ર્ચ॒સી હ॒ વૈ ભ॑વતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
બૃહ॒સ્પત॑યે॒ સ્વાહા॑ તિ॒ષ્યા॑ય॒ સ્વાહા᳚ । બ્ર॒હ્મ॒વ॒ર્ચ॒સાય॒ સ્વાહેતિ॑ ॥ 32 ॥
દે॒વા॒સુ॒રા-સ્સંયઁ॑ત્તા આસન્ન્ । તે દે॒વા-સ્સ॒ર્પેભ્ય॑ આશ્રે॒ષાભ્ય॒ આજ્યે॑ કર॒મ્ભ-ન્નિર॑વપન્ન્ ।
તાને॒તાભિ॑રે॒વ દે॒વતા॑-ભિ॒રુપા॑નયન્ન્ ।
એ॒તાભિ॑ર્હ॒ વૈ દે॒વતા॑ભિ-ર્દ્વિ॒ષન્ત॒-મ્ભ્રાતૃ॑વ્ય॒-મુપ॑નયતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
સ॒ર્પેભ્ય॒-સ્સ્વાહા᳚-ઽઽશ્રે॒ષાભ્ય॒-સ્સ્વાહા᳚ । દ॒ન્દ॒શૂકે᳚ભ્ય॒-સ્સ્વાહેતિ॑ ॥ 33 ॥
પિ॒તરો॒ વા અ॑કામયન્ત । પિ॒તૃ॒લો॒ક ઋ॑દ્ધ્નુયા॒મેતિ॑ ।
ત એ॒ત-મ્પિ॒તૃભ્યો॑ મ॒ઘાભ્યઃ॑ પુરો॒ડાશ॒ગ્મ્॒ ષટ્ક॑પાલ॒-ન્નિર॑વપન્ન્ । તતો॒ વૈ તે પિ॑તૃલો॒ક આ᳚ર્ધ્નુવન્ન્ । પિ॒તૃ॒લો॒કે હ॒ વા ઋ॑ધ્નોતિ ।
ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । પિ॒તૃભ્ય॒-સ્સ્વાહા॑ મ॒ઘાભ્યઃ॑ ।
સ્વાહા॑ ઽન॒ઘાભ્ય॒-સ્સ્વાહા॑ ઽગ॒દાભ્યઃ॑ ।
સ્વાહા॑ ઽરુન્ધ॒તીભ્ય॒-સ્સ્વાહેતિ॑ ॥ 34 ॥
અ॒ર્ય॒મા વા અ॑કામયત । પ॒શુ॒માન્-થ્સ્યા॒મિતિ॑ ।
સ એ॒તમ॑ર્ય॒મ્ણે ફલ્ગુ॑નીભ્યા-ઞ્ચ॒રુ-ન્નિર॑વપત્ ।
તતો॒ વૈ સ પ॑શુ॒માન॑ભવત્ ।
પ॒શુ॒માન્. હ॒ વૈ ભ॑વતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । અ॒ર્ય॒મ્ણે સ્વાહા॒ ફલ્ગુ॑નીભ્યા॒ગ્॒ સ્વાહા᳚ ।
પ॒શુભ્ય॒-સ્સ્વાહેતિ॑ ॥ 35 ॥
ભગો॒ વા અ॑કામયત । ભ॒ગી શ્રે॒ષ્ઠી દે॒વાનાગ્॑ સ્યા॒મિતિ॑ । સ એ॒ત-મ્ભગા॑ય॒ ફલ્ગુ॑નીભ્યા-ઞ્ચ॒રુ-ન્નિર॑વપત્ । તતો॒ વૈ સ ભ॒ગી શ્રે॒ષ્ઠી દે॒વાના॑મભવત્ ।
ભ॒ગી હ॒ વૈ શ્રે॒ષ્ઠી સ॑મા॒નાના᳚-મ્ભવતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । ભગા॑ય॒ સ્વાહા॒ ફલ્ગુ॑નીભ્યા॒ગ્॒ સ્વાહા᳚ । શ્રૈષ્ઠ્યા॑ય॒ સ્વાહેતિ॑ ॥ 36 ॥
સ॒વિ॒તા વા અ॑કામયત । શ્રન્મે॑ દે॒વા દધી॑રન્ન્ । સ॒વિ॒તા સ્યા॒મિતિ॑ । સ એ॒તગ્મ્ સ॑વિ॒ત્રે હસ્તા॑ય પુરો॒ડાશ॒-ન્દ્વાદ॑શકપાલ॒-ન્નિર॑વપદાશૂ॒નાં
ઁવ્રી॑હી॒ણામ્ । તતો॒ વૈ તસ્મૈ॒ શ્રદ્દે॒વા અદ॑ધત । સ॒વિ॒તા-ઽભ॑વત્ । શ્રદ્ધ॒ વા અ॑સ્મૈ મનુ॒ષ્યા॑ દધતે । સ॒વિ॒તા સ॑મા॒નાના᳚-મ્ભવતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
સ॒વિ॒ત્રે સ્વાહા॒ હસ્તા॑ય । સ્વાહા॑ દદ॒તે સ્વાહા॑ પૃણ॒તે । સ્વાહા᳚ પ્ર॒યચ્છ॑તે॒ સ્વાહા᳚ પ્રતિગૃભ્ણ॒તે સ્વાહેતિ॑ ॥ 37 ॥
ત્વષ્ટા॒ વા અ॑કામયત । ચિ॒ત્ર-મ્પ્ર॒જાં-વિઁ॑ન્દે॒યેતિ॑ ।
સ એ॒ત-ન્ત્વષ્ટ્રે॑ ચિ॒ત્રાયૈ॑ પુરો॒ડાશ॑મ॒ષ્ટા-ક॑પાલ॒-ન્નિર॑વપત્ । તતો॒ વૈ સ ચિ॒ત્ર-મ્પ્ર॒જામ॑વિન્દત । ચિ॒ત્રગ્મ્ હ॒ વૈ પ્ર॒જાં-વિઁ॑ન્દતે ।
ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
ત્વષ્ટ્રે॒ સ્વાહા॑ ચિ॒ત્રાયૈ॒ સ્વાહા᳚ ।
ચૈત્રા॑ય॒ સ્વાહા᳚ પ્ર॒જાયૈ॒ સ્વાહેતિ॑ ॥ 38 ॥
વા॒યુર્વા અ॑કામયત । કા॒મ॒ચાર॑મે॒ષુ લો॒કેષ્વ॒ભિજ॑યેય॒મિતિ॑ । સ એ॒ત-દ્વા॒યવે॒ નિષ્ટ્યા॑યૈ ગૃ॒ષ્ટ્યૈ દુ॒ગ્ધ-મ્પયો॒ નિર॑વપત્ ।
તતો॒ વૈ સ કા॑મ॒ચાર॑મે॒ષુ લો॒કેષ્વ॒ભ્ય॑જયત્ ।
કા॒મ॒ચારગ્મ્॑ હ॒ વા એ॒ષુ લો॒કેષ્વ॒ભિજ॑યતિ ।
ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । વા॒યવે॒ સ્વાહા॒ નિષ્ટ્યા॑યૈ॒ સ્વાહા᳚ ।
કા॒મ॒ચારા॑ય॒ સ્વાહા॒-ઽભિજિ॑ત્યૈ॒ સ્વાહેતિ॑ ॥ 39 ॥
ઇ॒ન્દ્રા॒ગ્ની વા અ॑કામયેતામ્ । શ્રૈષ્ઠ્ય॑-ન્દે॒વાના॑-મ॒ભિજ॑યે॒વેતિ॑ । તાવે॒તમિ॑ન્દ્રા॒ગ્નિભ્યાં॒-વિઁશા॑ખાભ્યા-મ્પુરો॒ડાશ॒-મેકા॑દશકપાલ॒-ન્નિર॑વપતામ્ । તતો॒ વૈ તૌ શ્રૈષ્ઠ્ય॑-ન્દે॒વાના॑-મ॒ભ્ય॑જયતામ્ । શ્રૈષ્ઠ્યગ્મ્॑ હ॒ વૈ સ॑મા॒નાના॑મ॒ભિજ॑યતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
ઇ॒ન્દ્રા॒ગ્નિભ્યા॒ગ્॒ સ્વાહા॒ વિશા॑ખાભ્યા॒ગ્॒ સ્વાહા᳚ ।
શ્રૈષ્ઠ્યા॑ય॒ સ્વાહા॒ ઽભિજિ॑ત્યૈ॒ સ્વાહેતિ॑ ॥ 40 ॥
અથૈ॒તત્-પૌ᳚ર્ણમા॒સ્યા આજ્ય॒-ન્નિર્વ॑પતિ । કામો॒ વૈ પૌ᳚ર્ણમા॒સી । કામ॒ આજ્ય᳚મ્ । કામે॑નૈ॒વ કામ॒ગ્મ્॒ સમ॑ર્ધયતિ । ક્ષિ॒પ્રમે॑ન॒ગ્મ્॒ સ કામ॒ ઉપ॑નમતિ । યેન॒ કામે॑ન॒ યજ॑તે । સો-ઽત્ર॑ જુહોતિ ।
પૌ॒ર્ણ॒મા॒સ્યૈ સ્વાહા॒ કામા॑ય॒ સ્વાહા-ઽઽગ॑ત્યૈ॒ સ્વાહેતિ॑ ॥ 41 ॥
અનુવાકં 5 - યમનક્ષત્રેષ્ટિબ્રાહ્મણમ્
મિ॒ત્રો વા અ॑કામયત । મિ॒ત્ર॒ધેય॑મે॒ષુ લો॒કેષ્વ॒ભિ જ॑યેય॒મિતિ॑ । સ એ॒ત-મ્મિ॒ત્રાયા॑નૂરા॒ધેભ્ય॑શ્ચ॒રુ-ન્નિર॑વપત્ । તતો॒ વૈ સ મિ॑ત્ર॒ધેય॑મે॒ષુ લો॒કેષ્વ॒ભ્ય॑જયત્ । મિ॒ત્ર॒ધેયગ્મ્॑ હ॒ વા એ॒ષુ લો॒કેષ્વ॒ભિજ॑યતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
મિ॒ત્રાય॒ સ્વાહા॑ ઽનૂરા॒ધેભ્ય॒-સ્સ્વાહા᳚ ।
મિ॒ત્ર॒ધેયા॑ય॒ સ્વાહા॒ ઽભિજિ॑ત્યૈ॒ સ્વાહેતિ॑ ॥ 42 ॥
ઇન્દ્રો॒ વા અ॑કામયત । જ્યૈષ્ઠ્ય॑-ન્દે॒વાના॑-મ॒ભિજ॑યેય॒મિતિ॑ । સ એ॒તમિન્દ્રા॑ય જ્યે॒ષ્ઠાયૈ॑ પુરો॒ડાશ॒-મેકા॑દશકપાલ॒-ન્નિર॑વપ-ન્મ॒હાવ્રી॑હીણામ્ । તતો॒ વૈ સ જ્યૈષ્ઠ્ય॑-ન્દે॒વાના॑મ॒ભ્ય॑જયત્ । જ્યૈષ્ઠ્યગ્મ્॑ હ॒ વૈ સ॑મા॒નાના॑-મ॒ભિજ॑યતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । ઇન્દ્રા॑ય॒ સ્વાહા᳚ જ્યે॒ષ્ઠાયૈ॒ સ્વાહા᳚ ।
જ્યૈષ્ઠ્યા॑ય॒ સ્વાહા॒ ઽભિજિ॑ત્યૈ॒ સ્વાહેતિ॑ ॥ 43 ॥
પ્ર॒જાપ॑તિ॒ર્વા અ॑કામયત । મૂલ॑-મ્પ્ર॒જાં-વિઁ॑ન્દે॒યેતિ॑ । સ એ॒ત-મ્પ્ર॒જાપ॑તયે॒ મૂલા॑ય ચ॒રુ-ન્નિર॑વપત્ । તતો॒ વૈ સ મૂલ॑-મ્પ્ર॒જામ॑વિન્દત । મૂલગ્મ્॑ હ॒ વૈ પ્ર॒જાં-વિઁ॑ન્દતે । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । પ્ર॒જાપ॑તયે॒ સ્વાહા॒ મૂલા॑ય॒ સ્વાહા᳚ । પ્ર॒જાયૈ॒ સ્વાહેતિ॑ ॥ 44 ॥
આપો॒ વા અ॑કામયન્ત । સ॒મુ॒દ્ર-ઙ્કામ॑મ॒ ભિજ॑યે॒મેતિ॑ । તા એ॒તમ॒દ્ભ્યો॑-ઽષા॒ઢાભ્ય॑શ્ચ॒રુ-ન્નિર॑વપન્ન્ । તતો॒ વૈ તા-સ્સ॑મુ॒દ્ર-ઙ્કામ॑મ॒ભ્ય॑જયન્ન્ । સ॒મુ॒દ્રગ્મ્ હ॒ વૈ કામ॑મ॒ભિજ॑યતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
અ॒દ્ભ્ય-સ્સ્વાહા॑ ઽષા॒ઢાભ્ય॒-સ્સ્વાહા᳚ । સ॒મુ॒દ્રાય॒ સ્વાહા॒ કામા॑ય॒ સ્વાહા᳚ । અ॒ભિજિ॑ત્યૈ॒ સ્વાહેતિ॑ ॥ 45 ॥
વિશ્વે॒ વૈ દે॒વા અ॑કામયન્ત । અ॒ન॒પ॒જ॒ય્ય-ઞ્જ॑યે॒મેતિ॑ । ત એ॒તં-વિઁશ્વે᳚ભ્યો દે॒વેભ્યો॑-ઽષા॒ઢાભ્ય॑શ્ચ॒રુ-ન્નિર॑વપન્ન્ ।
તતો॒ વૈ તે॑-ઽનપજ॒ય્ય-મ॑જયન્ન્ । અ॒ન॒પ॒જ॒ય્યગ્મ્ હ॒ વૈ જ॑યતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
વિશ્વે᳚ભ્યો દે॒વેભ્ય॒-સ્સ્વાહા॑ ઽષા॒ઢાભ્ય॒-સ્સ્વાહા᳚ ।
અ॒ન॒પ॒જ॒ય્યાય॒ સ્વાહા॒ જિત્યૈ॒ સ્વાહેતિ॑ ॥ 46 ॥
બ્રહ્મ॒ વા અ॑કામયત । બ્ર॒હ્મ॒લો॒કમ॒ભિજ॑યેય॒મિતિ॑ ।
તદે॒ત-મ્બ્રહ્મ॑ણે-ઽભિ॒જિતે॑ ચ॒રુ-ન્નિર॑વપત્ ।
તતો॒ વૈ તદ્બ્ર॑હ્મલો॒કમ॒ભ્ય॑જયત્ । બ્ર॒હ્મ॒લો॒કગ્મ્ હ॒ વા અ॒ભિજ॑યતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । બ્રહ્મ॑ણે॒ સ્વાહા॑ ઽભિ॒જિતે॒ સ્વાહા᳚ । બ્ર॒હ્મ॒લો॒કાય॒ સ્વાહા॒ ઽભિજિ॑ત્યૈ॒ સ્વાહેતિ॑ ॥ 47 ॥
વિષ્ણુ॒ર્વા અ॑કામયત । પુણ્ય॒ગ્ગ્॒ શ્લોકગ્મ્॑ શૃણ્વીય ।
ન મા॑ પા॒પી કી॒ર્તિરાગ॑ચ્છે॒દિતિ॑ । સ એ॒તં-વિઁષ્ણ॑વે શ્રો॒ણાયૈ॑ પુરો॒ડાશ॑-ન્ત્રિકપા॒લ-ન્નિર॑વપત્ ।
તતો॒ વૈ સ પુણ્ય॒ગ્ગ્॒ શ્લોક॑મ શૃણુત । નૈન॑-મ્પા॒પી કી॒ર્તિરા- ગ॑ચ્છત્ । પુણ્યગ્મ્॑ હ॒ વૈ શ્લોકગ્મ્॑ શૃણુતે । નૈન॑-મ્પા॒પી કી॒ર્તિરાગ॑ચ્છતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
વિષ્ણ॑વે॒ સ્વાહા᳚ શ્રો॒ણાયૈ॒ સ્વાહા᳚ ।
શ્લોકા॑ય॒ સ્વાહા᳚ શ્રુ॒તાય॒ સ્વાહેતિ॑ ॥ 48 ॥
વસ॑વો॒ વા અ॑કામયન્ત । અગ્ર॑-ન્દે॒વતા॑ના॒-મ્પરી॑યા॒મેતિ॑ । ત એ॒તં-વઁસુ॑ભ્ય॒-શ્શ્રવિ॑ષ્ઠાભ્યઃ પુરો॒ડાશ॑મ॒ષ્ટાક॑પાલ॒-ન્નિર॑વપન્ન્ ।
તતો॒ વૈ તે-ઽગ્ર॑-ન્દે॒વતા॑ના॒-મ્પર્યા॑યન્ન્ ।
અગ્રગ્મ્॑ હ॒ વૈ સ॑મા॒નાના॒-મ્પર્યે॑તિ ।
ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । વસુ॑ભ્ય॒-સ્સ્વાહા॒ શ્રવિ॑ષ્ઠાભ્ય॒-સ્સ્વાહા᳚ । અગ્રા॑ય॒ સ્વાહા॒ પરી᳚ત્યૈ॒ સ્વાહેતિ॑ ॥ 49 ॥
ઇન્દ્રો॒ વા અ॑કામયત । દૃ॒ઢો ઽશિ॑થિલ-સ્સ્યા॒મિતિ॑ ।
સ એ॒તં-વઁરુ॑ણાય શ॒તભિ॑ષજે ભેષ॒જેભ્યઃ॑ પુરો॒ડાશ॒-ન્દશ॑કપાલ॒-ન્નિર॑વપત્-કૃ॒ષ્ણાનાં᳚-વ્રીઁહી॒ણામ્ । તતો॒ વૈ સ દૃ॒ઢો-ઽશિ॑થિલો-ઽભવત્ ।
દૃ॒ઢો હ॒ વા અશિ॑થિલો ભવતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
વરુ॑ણાય॒ સ્વાહા॑ શ॒તભિ॑ષજે॒ સ્વાહા᳚ ।
ભે॒ષ॒જેભ્ય॒-સ્સ્વાહેતિ॑ ॥ 50 ॥
અ॒જો વા એક॑પાદકામયત । તે॒જ॒સ્વી બ્ર॑હ્મવર્ચ॒સી સ્યા॒મિતિ॑ । સ એ॒તમ॒જાયૈક॑પદે પ્રોષ્ઠપ॒દેભ્ય॑-શ્ચ॒રુ-ન્નિર॑વપત્ । તતો॒ વૈ સ તે॑જ॒સ્વી બ્ર॑હ્મવર્ચ॒સ્ય॑ભવત્ । તે॒જ॒સ્વી હ॒ વૈ બ્ર॑હ્મવર્ચ॒સી ભ॑વતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
અ॒જાયૈક॑પદે॒ સ્વાહા᳚ પ્રોષ્ઠપ॒દેભ્ય॒-સ્સ્વાહા᳚ ।
તેજ॑સે॒ સ્વાહા᳚ બ્રહ્મવર્ચ॒સાય॒ સ્વાહેતિ॑ ॥ 51 ॥
અહિ॒ર્વૈ બુ॒દ્ધ્નિયો॑-ઽકામયત । ઇ॒મા-મ્પ્ર॑તિ॒ષ્ઠાં-વિઁ॑ન્દે॒યેતિ॑ । સ એ॒તમહ॑યે બુ॒દ્ધ્નિયા॑ય પ્રોષ્ઠપ॒દેભ્યઃ॑ પુરો॒ડાશ॒-મ્ભૂમિ॑કપાલ॒-ન્નિર॑વપત્ । તતો॒ વૈ સ ઇ॒મા-મ્પ્ર॑તિ॒ષ્ઠા-મ॑વિન્દત । ઇ॒માગ્મ્ હ॒ વૈ પ્ર॑તિ॒ષ્ઠાં-વિઁ॑ન્દતે ।
ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । અહ॑યે બુ॒દ્ધ્નિયા॑ય॒ સ્વાહા᳚ પ્રોષ્ઠપ॒દેભ્ય॒-સ્સ્વાહા᳚ ।
પ્ર॒તિ॒ષ્ઠાયૈ॒ સ્વાહેતિ॑ ॥ 52 ॥
પૂ॒ષા વા અ॑કામયત । પ॒શુ॒માન્-થ્સ્યા॒મિતિ॑ ।
સ એ॒ત-મ્પૂ॒ષ્ણે રે॒વત્યૈ॑ ચ॒રુ-ન્નિર॑વપત્ ।
તતો॒ વૈ સ પ॑શુ॒માન॑ભવત્ ।
પ॒શુ॒માન્. હ॒ વૈ ભ॑વતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ ।
સો-ઽત્ર॑ જુહોતિ । પૂ॒ષ્ણે સ્વાહા॑ રે॒વત્યૈ॒ સ્વાહા᳚ ।
પ॒શુભ્ય॒-સ્સ્વાહેતિ॑ ॥ 53 ॥
અ॒શ્વિનૌ॒ વા અ॑કામયેતામ્ । શ્રો॒ત્ર॒સ્વિના॒વબ॑ધિરૌ સ્યા॒વેતિ॑ । તાવે॒તમ॒શ્વિભ્યા॑-મશ્વ॒યુગ્ભ્યા᳚-મ્પુરો॒ડાશ॑-ન્દ્વિકપા॒લ-ન્નિર॑વપતામ્ ।
તતો॒ વૈ તૌ શ્રો᳚ત્ર॒સ્વિના॒વબ॑ધિરા-વભવતામ્ ।
શ્રો॒ત્ર॒સ્વી હ॒ વા અબ॑ધિરો ભવતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
અ॒શ્વિભ્યા॒ગ્॒ સ્વાહા᳚-ઽશ્વ॒યુગ્ભ્યા॒ગ્॒ સ્વાહા᳚ ।
શ્રોત્રા॑ય॒ સ્વાહા॒ શ્રુત્યૈ॒ સ્વાહેતિ॑ ॥ 54 ॥
ય॒મો વા અ॑કામયત ।
પિ॒તૃ॒ણાગ્મ્ રા॒જ્ય-મ॒ભિજ॑યેય॒મિતિ॑ ।
સ એ॒તં-યઁ॒માયા॑પ॒ભર॑ણીભ્યશ્ચ॒રુ-ન્નિર॑વપત્ ।
તતો॒ વૈ સ પિ॑તૃ॒ણાગ્મ્ રા॒જ્યમ॒ભ્ય॑જયત્ ।
સ॒મા॒નાનાગ્મ્॑ હ॒ વૈ રા॒જ્યમ॒ભિજ॑યતિ ।
ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
ય॒માય॒ સ્વાહા॑ ઽપ॒ભર॑ણીભ્ય॒-સ્સ્વાહા᳚ ।
રા॒જ્યાય॒ સ્વાહા॒ ઽભિજિ॑ત્યૈ સ્વાહેતિ॑ ॥ 55 ॥
અથૈ॒તદ॑-મા॒વાસ્યા॑યા॒ આજ્ય॒-ન્નિર્વ॑પતિ ।
કામો॒ વા અ॑માવા॒સ્યા᳚ । કામ॒ આજ્ય᳚મ્ । કામે॑નૈ॒વ કામ॒ગ્મ્॒ સમ॑ર્ધયતિ । ક્ષિ॒પ્રમે॑ન॒ગ્મ્॒ સ કામ॒ ઉપ॑નમતિ । યેન॒ કામે॑ન॒ યજ॑તે । સો-ઽત્ર॑ જુહોતિ । અ॒મા॒વા॒સ્યા॑યૈ॒ સ્વાહા॒ કામા॑ય॒ સ્વાહા ઽઽગ॑ત્યૈ॒ સ્વાહેતિ॑ ॥ 56 ॥
બુ॒દ્ધ્નિયઃ॑ - પુ॒ષા - ઽશ્વિનૌ॑ - ય॒મો દશ॑દ॒શા - થૈ॒તદ॑ - માવા॒સ્યા॑યા અ॒ષ્ટૌ પઞ્ચ॑દશ ) (અ. 5)
અનુવાકં 6 - ચાન્દ્રમસાદીષ્ટિબ્રાહ્મણમ્
ચ॒ન્દ્રમા॒ વા અ॑કામયત । અ॒હો॒રા॒ત્રા-ન॑ર્ધમા॒સા-ન્માસા॑-નૃ॒તૂન્થ્- સં॑વઁથ્સ॒ર-મા॒પ્ત્વા । ચ॒ન્દ્રમ॑સ॒-સ્સાયુ॑જ્યગ્મ્ સલો॒કતા॑-માપ્નુયા॒મિતિ॑ । સ એ॒ત-ઞ્ચ॒ન્દ્રમ॑સે પ્રતી॒દૃશ્યા॑યૈ પુરો॒ડાશ॒-મ્પઞ્ચ॑દશકપાલ॒-ન્નિર॑વપત્ ।
તતો॒ વૈ સો॑-ઽહોરા॒ત્રા-ન॑ર્ધમા॒સા-ન્માસા॑-નૃ॒તૂન્-થ્સં॑વઁથ્સ॒ર-મા॒પ્ત્વા ।
ચ॒ન્દ્રમ॑સ॒-સ્સાયુ॑જ્યગ્મ્ સલો॒કતા॑માપ્નોત્ ।
અ॒હો॒રા॒ત્રાન્. હ॒ વા અ॑ર્ધમા॒સા-ન્માસા॑ન્-ઋ॒તૂન્-થ્સં॑વઁથ્સ॒ર-મા॒પ્ત્વા । ચ॒ન્દ્રમ॑સ॒-સ્સાયુ॑જ્યગ્મ્ સલો॒કતા॑માપ્નોતિ । ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
ચ॒ન્દ્રમ॑સે॒ સ્વાહા᳚ પ્રતી॒દૃશ્યા॑યૈ॒ સ્વાહા᳚ ।
અ॒હો॒રા॒ત્રેભ્ય॒-સ્સ્વાહા᳚ ઽર્ધમા॒સેભ્ય॒-સ્સ્વાહા᳚ ।
માસે᳚ભ્ય॒-સ્સ્વાહ॒ર્તુભ્ય॒-સ્સ્વાહા᳚ । સં॒વઁ॒થ્સ॒રાય॒ સ્વાહેતિ॑ ॥ 57 ॥
અ॒હો॒રા॒ત્રે વા અ॑કામયેતામ્ । અત્ય॑હોરા॒ત્રે મુ॑ચ્યેવહિ ।
ન ના॑વહોરા॒ત્રે આ᳚પ્નુયાતા॒મિતિ॑ । તે એ॒તમ॑હો-રા॒ત્રાભ્યા᳚-ઞ્ચ॒રુ-ન્નિર॑વપતામ્ । દ્વ॒યાનાં᳚-વ્રીઁહી॒ણામ્ । શુ॒ક્લાના᳚-ઞ્ચ કૃ॒ષ્ણાના᳚-ઞ્ચ । સ॒વા॒ત્યોર્દુ॒ગ્ધે । શ્વે॒તાયૈ॑ ચ કૃ॒ષ્ણાયૈ॑ ચ ।
તતો॒ વૈ તે અત્ય॑હોરા॒ત્રે અ॑મુચ્યેતે ।
નૈને॑ અહોરા॒ત્રે આ᳚પ્નુતામ્ । અતિ॑ હ॒ વા અ॑હોરા॒ત્રે મુ॑ચ્યતે । નૈન॑મહોરા॒ત્રે આ᳚પ્નુતઃ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વંવેઁદ॑ ।
સો-ઽત્ર॑ જુહોતિ । અહ્ને॒ સ્વાહા॒ રાત્રિ॑યૈ॒ સ્વાહા᳚ ।
અતિ॑મુક્ત્યૈ॒ સ્વાહેતિ॑ ॥ 58 ॥
ઉ॒ષા વા અ॑કામયત । પ્રિ॒યા ઽઽદિ॒ત્યસ્ય॑ સુ॒ભગા᳚ સ્યા॒મિતિ॑ । સૈતમુ॒ષસે॑ ચ॒રુ-ન્નિર॑વપત્ ।
તતો॒ વૈ સા પ્રિ॒યા ઽઽદિ॒ત્યસ્ય॑ સુ॒ભગા॑ ઽભવત્ ।
પ્રિ॒યો હ॒ વૈ સ॑મા॒નાનાગ્મ્॑ સુ॒ભગો॑ ભવતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । ઉ॒ષસે॒ સ્વાહા॒ વ્યુ॑ષ્ટ્યૈ॒ સ્વાહા᳚ ।
વ્યૂ॒ષુષ્યૈ॒ સ્વાહા᳚ વ્યુ॒ચ્છન્ત્યૈ॒ સ્વાહા᳚ । વ્યુ॑ષ્ટાયૈ॒ સ્વાહેતિ॑ ॥ 59 ॥
અથૈ॒તસ્મૈ॒ નક્ષ॑ત્રાય ચ॒રુ-ન્નિર્વ॑પતિ । યથા॒ ત્વ-ન્દે॒વાના॒મસિ॑ । એ॒વમ॒હ-મ્મ॑નુ॒ષ્યા॑ણા-મ્ભૂયાસ॒મિતિ॑ । યથા॑ હ॒ વા એ॒ત-દ્દે॒વાના᳚મ્ ।
એ॒વગ્મ્ હ॒ વા એ॒ષ મ॑નુ॒ષ્યા॑ણા-મ્ભવતિ । ય એ॒તેન॑ હ॒વિષા॒ યજ॑તે । ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ । નક્ષ॑ત્રાય॒ સ્વાહો॑દેષ્ય॒તે સ્વાહા᳚ ।
ઉ॒દ્ય॒તે સ્વાહોદિ॑તાય॒ સ્વાહા᳚ । હર॑સે॒ સ્વાહા॒ ભર॑સે॒ સ્વાહા᳚ । ભ્રાજ॑સે॒ સ્વાહા॒ તેજ॑સે॒ સ્વાહા᳚ ।
તપ॑સે॒ સ્વાહા᳚ બ્રહ્મવર્ચ॒સાય॒ સ્વાહેતિ॑ ॥ 60 ॥
સૂર્યો॒ વા અ॑કામયત । નક્ષ॑ત્રાણા-મ્પ્રતિ॒ષ્ઠા સ્યા॒મિતિ॑ । સ એ॒તગ્મ્ સૂર્યા॑ય॒ નક્ષ॑ત્રેભ્યશ્ચ॒રુ-ન્નિર॑વપત્ ।
તતો॒ વૈ સ નક્ષ॑ત્રાણા-મ્પ્રતિ॒ષ્ઠા ઽભ॑વત્ ।
પ્ર॒તિ॒ષ્ઠા હ॒ વૈ સ॑મા॒નાના᳚-મ્ભવતિ ।
ય એ॒તેન॑ હ॒વિષા॒ યજ॑તે ।
ય ઉ॑ ચૈનદે॒વં-વેઁદ॑ । સો-ઽત્ર॑ જુહોતિ ।
સૂર્યા॑ય॒ સ્વાહા॒ નક્ષ॑ત્રેભ્ય॒-સ્સ્વાહા᳚ । પ્ર॒તિ॒ષ્ઠાયૈ॒ સ્વાહેતિ॑ ॥ 61 ॥
અથૈ॒તમદિ॑ત્યૈ ચ॒રુ-ન્નિર્વ॑પતિ । ઇ॒યં-વાઁ અદિ॑તિઃ ।
અ॒સ્યામે॒વ પ્રતિ॑ તિષ્ઠતિ । સો-ઽત્ર॑ જુહોતિ ।
અદિ॑ત્યૈ॒ સ્વાહા᳚ પ્રતિ॒ષ્ઠાયૈ॒ સ્વાહેતિ॑ ॥ 62 ॥
અથૈ॒તં-વિઁષ્ણ॑વે ચ॒રુ-ન્નિર્વ॑પતિ । ય॒જ્ઞો વૈ વિષ્ણુઃ॑ । ય॒જ્ઞ એ॒વાન્ત॒તઃ પ્રતિ॑ તિષ્ઠતિ । સો-ઽત્ર॑ જુહોતિ । વિષ્ણ॑વે॒ સ્વાહા॑ ય॒જ્ઞાય॒ સ્વાહા᳚ । પ્ર॒તિ॒ષ્ઠાયૈ॒ સ્વાહેતિ॑ ॥ 63 ॥
(ચ॒ન્દ્રમાઃ॒ પઞ્ચ॑દશા - હોરા॒ત્રે સ॒પ્તદ॑ - શો॒ષા એકા॑દ॒શા - થૈ॒તસ્મૈ॒ નક્ષ॑ત્તાય॒ ત્રયો॑દશ॒ - સૂર્યો॒ દશા - થૈ॒તમદિ॑ત્યૈ॒ પઞ્ચા - થૈ॒તં-વિઁષ્ણ॑વે॒ ષટ્-થ્સ॒પ્ત) (અ. 6)
[સ॒વિ॒તા-ઽઽશૂ॒નાં-વ્રીઁ॑હી॒ણામિન્દ્રો॑ મ॒હાવ્રી॑હીણા॒મિન્દ્રઃ॑ કૃ॒ષ્ણાનોં᳚
ઁવ્રીહી॒ણામ॑હોરા॒ત્રે દ્વ॒યાનાં᳚-વ્રીઁહી॒ણામ્ । પિ॒તર॒-ષ્ષટ્ક॑પાલગ્મ્ સવિ॒તા દ્વાદ॑શકપાલમિન્દ્રા॒ગ્ની એકા॑દશકપાલ॒મિન્દ્ર॒ એકા॑દશકપાલ॒મિન્દ્રો॒ દશ॑કપાલં॒-વિઁષ્ણુ॑સ્ત્રિકપા॒લમહિ॒-ર્ભૂમિ॑કપાલમ॒શ્વિનૌ᳚ દ્વિકપા॒લ-ઞ્ચ॒ન્દ્રમાઃ॒ પઞ્ચ॑દશકપાલ-મ॒ગ્નિરત્વષ્ટા॒ વસ॑વો॒-ઽષ્ટાક॑પાલમ॒ન્યત્ર॑ ચ॒રુમ્ । રુ॒દ્રો᳚-ઽર્ય॒મા પૂ॒ષા પ॑શુ॒માન્-થ્સ્યા॒ગ્મ્॒ સોમો॑ રુ॒દ્રો બૃહ॒સ્પતિઃ॒ પય॑સિ વા॒યુઃ પય॒-સ્સોમો॑ વા॒યુરિ॑ન્દ્રા॒ગ્ની મિ॒ત્ર ઇન્દ્ર॒ આપો॒ બ્રહ્મ॑ ય॒મો॑-ઽભિજિ॑ત્યૈ॒ ત્વષ્ટા᳚ પ્ર॒જાપ॑તિઃ પ્ર॒જાયૈ॑ પૌર્ણમા॒સ્યા અ॑માવા॒સ્યા॑યા॒ આગ॑ત્યૈ॒ વિશ્વે॒ જિત્યા॑
અ॒શ્વિનૌ॒ શ્રુત્યૈ᳚ । બ્રહ્મ॒ તદે॒તં-વિઁષ્ણુ॒-સ્સ એ॒તં-વાઁ॒યુ-સ્સ એ॒તદાપ॒સ્તાઃ । પિ॒તરો॒ વિશ્વે॒ વસ॑વો-ઽકામયન્ત॒મેતિ॒ ત એ॒ત-ન્નિર॑વપન્ન્ । આપો॑-ઽકામયન્ત॒ મેતિ॒ તા એ॒ત-ન્નિર॑વપન્ન્ । ઇ॒ન્દ્રા॒ગ્ની અ॒શ્વિના॑વકામયેતાં॒-વેઁતિ॒ તાવે॒ત-ન્નિર॑વપદામ્ । અ॒હો॒રા॒ત્રે વા અ॑કામયેતા॒મિતિ॒ તે એ॒ત-ન્નિર॑વપતામ્ ।
અ॒ન્યત્રા॑કામયત॒મિતિ॒ સ એ॒ત-ન્નિર॑વપત્ । ઇ॒ન્દ્રા॒ગ્ની શ્રૈષ્ઠ્ય॒મિન્દ્રો॒ જ્યૈષ્ઠ્ય॒મિન્દ્રો॑ દૃ॒ઢઃ ।
આહિ॒-સ્સૂર્યો-ઽદિ॑ત્યૈ॒ વિષ્ણ॑વે પ્રતિ॒ષ્ઠાયૈ᳚ ।
સોમો॑ ય॒મ-સ્સ॑મા॒નાના᳚મ્ । અ॒ગ્નિર્નો॑ રીરિષદ॒ન્યત્ર॑ રીરિષઃ]
[વિ॒દુષો॑ હ॒વિષા॒ ય ઉ॑ ચૈનદે॒વં-વેઁદ॑ । ઇષ્ટિ॑ભિ॒ર્ય ઉ॑ ચૈના એ॒વં-વેઁદ॑ ।
અ॒ન્યત્ર॑ બ્રાહ્મ॒ણે ય ઉ॑ ચૈનમે॒વં-વેઁદ॑ ]
ફ્રપાતક ખોર્વૈ વિ-થ્સ્તર્તિન્ગ્ ફદમ્સ્ ઓf 1 તો 6 આનુવાકમ્સ્ ઃ-
(અ॒ગ્નિર્ન॑-ઋ॒દ્ધ્યાસ્મ॒-નવો॑નવો॒-ઽગ્નિ-ર્મિ॒ત્ર - શ્ચ॒ન્દ્રમા॒-ષ્ષટ્)
(અ॒ગ્નિર્ન॒ - સ્તન્નો॑ વા॒યુ - રહિ॑ર્બૂ॒દ્ધ્નિય॑ - ઋ॒ક્ષા વા ઇ॒ય - મથૈ॒ત-ત્પૌ᳚ર્ણમા॒સ્યા - અ॒જો વા એક॑પા॒થ્ - સૂર્ય॒ સ્ત્રિષ॑ષ્ટિઃ)
(અ॒ગ્નિર્નઃ॑ - પાતુ પ્રતિ॒ષ્ઠાયૈ॒ સ્વાહેતિ॑ )
॥ હરિઃ॑ ઓમ્ ॥
॥ કૃષ્ણ યજુર્વેદીય તૈત્તિરીય બ્રાહ્મણે તૃતીયાષ્ટકે પ્રથમઃ પ્રપાઠક-સ્સમાપ્તઃ ॥
