കൃഷ്ണ യജുർവേദീയ തൈത്തിരീയ ബ്രാഹ്മണേ തൃതീയാഷ്ടകേ പ്രഥമഃ പ്രപാഠകഃ - നക്ഷത്രേഷ്ടീനാം-യാഁജ്യാ-ഽനുവാക്യാ ബ്രാഹ്മണാനി
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
അനുവാകം 1 - ദേവനക്ഷത്രാണാം-യാഁജ്യാനുവാക്യാഃ
അ॒ഗ്നിര്നഃ॑ പാതു॒ കൃത്തി॑കാഃ । നക്ഷ॑ത്ര-ന്ദേ॒വമി॑ന്ദ്രി॒യമ് । ഇ॒ദമാ॑സാം-വിഁചക്ഷ॒ണമ് । ഹ॒വിരാ॒സ-ഞ്ജു॑ഹോതന ॥ യസ്യ॒ ഭാന്തി॑ ര॒ശ്മയോ॒ യസ്യ॑ കേ॒തവഃ॑ । യസ്യേ॒മാ വിശ്വാ॒ ഭുവ॑നാനി॒ സർവാ᳚ ।
സ കൃത്തി॑കാഭിര॒ഭി സം॒വഁസാ॑നഃ । അ॒ഗ്നിര്നോ॑ ദേ॒വ-സ്സു॑വി॒തേ ദ॑ധാതു ॥ പ്ര॒ജാപ॑തേ രോഹി॒ണീ വേ॑തു॒ പത്നീ᳚ ।
വി॒ശ്വരൂ॑പാ ബൃഹ॒തീ ചി॒ത്രഭാ॑നുഃ ॥ 1 ॥
സാ നോ॑ യ॒ജ്ഞസ്യ॑ സുവി॒തേ ദ॑ധാതു । യഥാ॒ ജീവേ॑മ ശ॒രദ॒-സ്സവീ॑രാഃ ॥ രോ॒ഹി॒ണീ ദേ॒വ്യുദ॑ഗാ-ത്പു॒രസ്താ᳚ത് । വിശ്വാ॑ രൂ॒പാണി॑ പ്രതി॒മോദ॑മാനാ । പ്ര॒ജാപ॑തിഗ്മ് ഹ॒വിഷാ॑ വ॒ര്ധയ॑ന്തീ । പ്രി॒യാ ദേ॒വാനാ॒-മുപ॑യാതു യ॒ജ്ഞമ് ॥ സോമോ॒ രാജാ॑ മൃഗശീ॒ര॒.ഷേണ॒ ആഗന്ന്॑ । ശി॒വ-ന്നക്ഷ॑ത്ര-മ്പ്രി॒യമ॑സ്യ॒ ധാമ॑ ।
ആ॒പ്യായ॑മാനോ ബഹു॒ധാ ജനേ॑ഷു ।
രേതഃ॑ പ്ര॒ജാം-യഁജ॑മാനേ ദധാതു ॥ 2 ॥
യ-ത്തേ॒ നക്ഷ॑ത്ര-മ്മൃഗശീ॒ര॒.ഷമസ്തി॑ ।
പ്രി॒യഗ്മ് രാ॑ജ-ന്പ്രി॒യത॑മ-മ്പ്രി॒യാണാ᳚മ് ।
തസ്മൈ॑ തേ സോമ ഹ॒വിഷാ॑ വിധേമ ।
ശന്ന॑ ഏധി ദ്വി॒പദേ॒ ശ-ഞ്ചതു॑ഷ്പദേ ॥
ആ॒ര്ദ്രയാ॑ രു॒ദ്രഃ പ്രഥ॑മാന ഏതി । ശ്രേഷ്ഠോ॑ ദേ॒വാനാ॒-മ്പതി॑രഘ്നി॒യാനാ᳚മ് । നക്ഷ॑ത്രമസ്യ ഹ॒വിഷാ॑ വിധേമ । മാ നഃ॑ പ്ര॒ജാഗ്മ് രീ॑രിഷ॒-ന്മോത വീ॒രാന് ॥
ഹേ॒തീ രു॒ദ്രസ്യ॒ പരി॑ണോ വൃണക്തു । ആ॒ര്ദ്രാ നക്ഷ॑ത്ര-ഞ്ജുഷതാഗ്മ് ഹ॒വിര്നഃ॑ ॥ 3 ॥
പ്ര॒മു॒ഞ്ചമാ॑നൌ ദുരി॒താനി॒ വിശ്വാ᳚ । അപാ॒ഘശഗ്മ്॑ സ-ന്നുദതാ॒മരാ॑തിമ് ॥ പുന॑ര്നോ ദേ॒വ്യദി॑തി-സ്സ്പൃണോതു । പുന॑ർവസൂ നഃ॒ പുന॒രേതാം᳚-യഁ॒ജ്ഞമ് ।
പുന॑ര്നോ ദേ॒വാ അ॒ഭിയ॑ന്തു॒ സർവേ᳚ । പുനഃ॑ പുനർവോ ഹ॒വിഷാ॑ യജാമഃ ॥ ഏ॒വാ ന ദേ॒വ്യദി॑തിരന॒ർവാ । വിശ്വ॑സ്യ ഭ॒ര്ത്രീ ജഗ॑തഃ പ്രതി॒ഷ്ഠാ । പുന॑ർവസൂ ഹ॒വിഷാ॑ വ॒ര്ധയ॑ന്തീ । പ്രി॒യ-ന്ദേ॒വാനാ॒-മപ്യേ॑തു॒ പാഥഃ॑ ॥ 4 ॥
ബൃഹ॒സ്പതിഃ॑ പ്രഥ॒മ-ഞ്ജായ॑മാനഃ । തി॒ഷ്യ॑-ന്നക്ഷ॑ത്രമ॒ഭി സമ്ബ॑ഭൂവ । ശ്രേഷ്ഠോ॑ ദേ॒വാനാ॒-മ്പൃത॑നാസു ജി॒ഷ്ണുഃ । ദിശോ-ഽനു॒ സർവാ॒ അഭ॑യന്നോ അസ്തു ॥
തി॒ഷ്യഃ॑ പു॒രസ്താ॑ദു॒ത മ॑ദ്ധ്യ॒തോ നഃ॑ । ബൃഹ॒സ്പതി॑ ര്നഃ॒ പരി॑പാതു പ॒ശ്ചാത് । ബാധേ॑താ॒-ന്ദ്വേഷോ॒ അഭ॑യ-ങ്കൃണുതാമ് । സു॒വീര്യ॑സ്യ॒ പത॑യ-സ്സ്യാമ ॥
ഇ॒ദഗ്മ് സ॒ര്പേഭ്യോ॑ ഹ॒വിര॑സ്തു॒ ജുഷ്ട᳚മ് ।
ആ॒ശ്രേ॒ഷാ യേഷാ॑-മനു॒യന്തി॒ ചേതഃ॑ ॥ 5 ॥
യേ അ॒ന്തരി॑ക്ഷ-മ്പൃഥി॒വീ-ങ്ക്ഷി॒യന്തി॑ । തേന॑-സ്സ॒ര്പാസോ॒ ഹവ॒മാഗ॑മിഷ്ഠാഃ ॥ യേ രോ॑ച॒നേ സൂര്യ॒സ്യാപി॑
സ॒ര്പാഃ । യേ ദിവ॑-ന്ദേ॒വീമനു॑ സ॒ഞ്ചര॑ന്തി ।
യേഷാ॑മാശ്രേ॒ഷാ അ॑നു॒യന്തി॒ കാമ᳚മ് ।
തേഭ്യ॑-സ്സ॒ര്പേഭ്യോ॒ മധു॑മജ്ജുഹോമി ॥
ഉപ॑ഹൂതാഃ പി॒തരോ॒ യേ മ॒ഘാസു॑ । മനോ॑ജവസ-സ്സു॒കൃത॑-സ്സുകൃ॒ത്യാഃ । തേ നോ॒ നക്ഷ॑ത്രേ॒ ഹവ॒മാഗ॑മിഷ്ഠാഃ । സ്വ॒ധാഭി॑ ര്യ॒ജ്ഞ-മ്പ്രയ॑ത-ഞ്ജുഷന്താമ് ॥ 6 ॥
യേ അ॑ഗ്നിദ॒ഗ്ധാ യേ-ഽന॑ഗ്നി-ദഗ്ധാഃ । യേ॑-ഽമും-ലോഁ॒ക-മ്പി॒തരഃ॑, ക്ഷി॒യന്തി॑ । യാഗ്ശ്ച॑ വി॒ദ്മയാഗ്മ് ഉ॑ ച॒ ന പ്ര॑വി॒ദ്മ । മ॒ഘാസു॑ യ॒ജ്ഞഗ്മ് സുകൃ॑ത-ഞ്ജുഷന്താമ് ॥
ഗവാ॒-മ്പതിഃ॒ ഫല്ഗു॑നീനാമസി॒ ത്വമ് । തദ॑ര്യമന് വരുണ മിത്ര॒ ചാരു॑ । ത-ന്ത്വാ॑ വ॒യഗ്മ് സ॑നി॒താരഗ്മ്॑ സനീ॒നാമ് । ജീ॒വാ ജീവ॑ന്ത॒മുപ॒ സംവിഁ ॑ശേമ ॥
യേനേ॒മാ വിശ്വാ॒ ഭുവ॑നാനി॒ സഞ്ജി॑താ ।
യസ്യ॑ ദേ॒വാ അ॑നു സം॒യഁന്തി॒ ചേതഃ॑ ॥ 7 ॥
അ॒ര്യ॒മാ രാജാ॒-ഽജര॒സ്തുവി॑ഷ്മാന് । ഫല്ഗു॑നീനാ-മൃഷ॒ഭോ രോ॑രവീതി ॥ ശ്രേഷ്ഠോ॑ ദേ॒വാനാ᳚-മ്ഭഗവോ ഭഗാസി । തത്ത്വാ॑ വിദുഃ॒ ഫല്ഗു॑നീ॒സ്തസ്യ॑ വിത്താത് । അ॒സ്മഭ്യ॑-ങ്ക്ഷ॒ത്രമ॒ജരഗ്മ്॑ സു॒വീര്യ᳚മ് । ഗോമ॒ദശ്വ॑-വ॒ദുപ॒-സന്നു॑ദേ॒ഹ ॥ ഭഗോ॑ ഹ ദാ॒താ ഭഗ॒ ഇ-ത്പ്ര॑ദാ॒താ । ഭഗോ॑ ദേ॒വീഃ ഫല്ഗു॑നീ॒രാവി॑വേശ । ഭഗ॒സ്യേത്ത-മ്പ്ര॑സ॒വ-ങ്ഗ॑മേമ । യത്ര॑ ദേ॒വൈ-സ്സ॑ധ॒മാദ॑-മ്മദേമ ॥ 8 ॥
ആയാ॑തു ദേ॒വ-സ്സ॑വി॒തോപ॑യാതു । ഹി॒ര॒ണ്യയേ॑ന സു॒വൃതാ॒ രഥേ॑ന । വഹ॒ന്॒. ഹസ്തഗ്മ്॑ സു॒ഭഗം॑-വിഁദ്മ॒നാപ॑സമ് । പ്ര॒യച്ഛ॑ന്ത॒-മ്പപു॑രി॒-മ്പുണ്യ॒മച്ഛ॑ ॥
ഹസ്തഃ॒ പ്രയ॑ച്ഛ ത്വ॒മൃതം॒-വഁസീ॑യഃ ।
ദക്ഷി॑ണേന॒ പ്രതി॑ഗൃഭ്ണീമ ഏനത് ।
ദാ॒താര॑മ॒ദ്യ സ॑വി॒താ വി॑ദേയ ।
യോ നോ॒ ഹസ്താ॑യ പ്രസു॒വാതി॑ യ॒ജ്ഞമ് ॥
ത്വഷ്ടാ॒ നക്ഷ॑ത്രമ॒ഭ്യേ॑തി ചി॒ത്രാമ് ।
സു॒ഭഗ്മ് സ॑സം-യുഁവ॒തിഗ്മ് രോച॑മാനാമ് ॥ 9 ॥
നി॒വേ॒ശയ॑-ന്ന॒മൃതാ॒-ന്മര്ത്യാഗ്॑ശ്ച ।
രൂ॒പാണി॑ പി॒ഗ്മ്॒ശ-ന്ഭുവ॑നാനി॒ വിശ്വാ᳚ ॥
തന്ന॒സ്ത്വഷ്ടാ॒ തദു॑ ചി॒ത്രാ വിച॑ഷ്ടാമ് ।
തന്നക്ഷ॑ത്ര-മ്ഭൂരി॒ദാ അ॑സ്തു॒ മഹ്യ᳚മ് ।
തന്നഃ॑ പ്ര॒ജാം-വീഁ॒രവ॑തീഗ്മ് സനോതു ।
ഗോഭി॑ര്നോ॒ അശ്വൈ॒-സ്സമ॑നക്തു യ॒ജ്ഞമ് ॥
വാ॒യുര്നക്ഷ॑ത്ര-മ॒ഭ്യേ॑തി॒ നിഷ്ട്യാ᳚മ് ।
തി॒ഗ്മശൃ॑ങ്ഗോ വൃഷ॒ഭോ രോരു॑വാണഃ ।
സ॒മീ॒രയ॒-ന്ഭുവ॑നാ മാത॒രിശ്വാ᳚ ।
അപ॒ ദ്വേഷാഗ്മ്॑സി നുദതാ॒മരാ॑തീഃ ॥ 10 ॥
തന്നോ॑ വാ॒യസ്തദു॒ നിഷ്ട്യാ॑ ശൃണോതു ।
തന്നക്ഷ॑ത്ര-മ്ഭൂരി॒ദാ അ॑സ്തു॒ മഹ്യ᳚മ് ।
തന്നോ॑ ദേ॒വാസോ॒ അനു॑ ജാനന്തു॒ കാമ᳚മ് । യഥാ॒ തരേ॑മ ദുരി॒താനി॒ വിശ്വാ᳚ ॥ ദൂ॒രമ॒സ്മച്ഛത്ര॑വോ യന്തു ഭീ॒താഃ । തദി॑ന്ദ്രാ॒ഗ്നീ കൃ॑ണുതാ॒-ന്ത-ദ്വിശാ॑ഖേ ।
തന്നോ॑ ദേ॒വാ അനു॑മദന്തു യ॒ജ്ഞമ് । പ॒ശ്ചാ-ത്പു॒രസ്താ॒-ദഭ॑യന്നോ അസ്തു ॥ നക്ഷ॑ത്രാണാ॒-മധി॑പത്നീ॒ വിശാ॑ഖേ ।
ശ്രേഷ്ഠാ॑വിന്ദ്രാ॒ഗ്നീ ഭുവ॑നസ്യ ഗോ॒പൌ ॥ 11 ॥
വിഷൂ॑ച॒-ശ്ശത്രൂ॑-നപ॒ബാധ॑മാനൌ । അപ॒ ക്ഷുധ॑-ന്നുദതാ॒മരാ॑തിമ് ॥ പൂ॒ര്ണാ പ॒ശ്ചാദു॒ത പൂ॒ര്ണാ പു॒രസ്താ᳚ത് । ഉന്മ॑ദ്ധ്യ॒തഃ പൌ᳚ര്ണമാ॒സീ ജി॑ഗായ ।
തസ്യാ᳚-ന്ദേ॒വാ അധി॑ സം॒വഁസ॑ന്തഃ ।
ഉ॒ത്ത॒മേ നാക॑ ഇ॒ഹ മാ॑ദയന്താമ് ॥
പൃ॒ഥ്വീ സു॒വര്ചാ॑ യുവ॒തി-സ്സ॒ജോഷാഃ᳚ । പൌ॒ര്ണ॒മാ॒സ്യുദ॑ഗാ॒-ച്ഛോഭ॑മാനാ ।
ആ॒പ്യാ॒യയ॑ന്തീ ദുരി॒താനി॒ വിശ്വാ᳚ ।
ഉ॒രു-ന്ദുഹാം॒-യഁജ॑മാനായ യ॒ജ്ഞമ് ॥ 12 ॥
(ചി॒ത്രഭാ॑നു॒-ര് യജ॑മാനേ ദധാതു - ഹ॒വിര്നഃ॒ - പാഥ॒ - ശ്ചേതോ॑ - ജുഷന്താം॒ - ചേതോ॑ - മദേമ॒ - രോച॑മാനാ॒ - മരാ॑തീ--ര് ഗോ॒പൌ - യ॒ജ്ഞം) (അ. 1)
അനുവാകം 2 - യമനക്ഷത്രാണാം-യാഁജ്യാനുവാക്യാഃ
ഋ॒ദ്ധ്യാസ്മ॑ ഹ॒വ്യൈ-ര്നമ॑സോപ॒ സദ്യ॑ ।
മി॒ത്ര-ന്ദേ॒വ-മ്മി॑ത്ര॒ധേയ॑ന്നോ അസ്തു । അ॒നൂ॒രാ॒ധാന്. ഹ॒വിഷാ॑ വ॒ര്ധയ॑ന്തഃ । ശ॒ത-ഞ്ജീ॑വേമ ശ॒രദ॒-സ്സവീ॑രാഃ ॥ ചി॒ത്ര-ന്നക്ഷ॑ത്ര॒-മുദ॑ഗാ-ത്പു॒രസ്താ᳚ത് । അ॒നൂ॒രാ॒ധാസ॒ ഇതി॒ യ-ദ്വദ॑ന്തി । തന്മി॒ത്ര ഏ॑തി പ॒ഥിഭി॑ ര്ദേവ॒യാനൈഃ᳚ । ഹി॒ര॒ണ്യയൈ॒ ർവിത॑തൈ-ര॒ന്തരി॑ക്ഷേ ॥
ഇന്ദ്രോ᳚ ജ്യേ॒ഷ്ഠാമനു॒ നക്ഷ॑ത്രമേതി । യസ്മി॑ന് വൃ॒ത്രം-വൃഁ ॑ത്ര॒ തൂര്യേ॑ ത॒താര॑ ॥ 13 ॥
തസ്മി॑ന് വ॒യമ॒മൃത॒-ന്ദുഹാ॑നാഃ । ക്ഷുധ॑-ന്തരേമ॒ ദുരി॑തി॒-ന്ദുരി॑ഷ്ടിമ് ॥ പു॒ര॒ന്ദ॒രായ॑ വൃഷ॒ഭായ॑ ധൃ॒ഷ്ണവേ᳚ । അഷാ॑ഢായ॒ സഹ॑മാനായ മീ॒ഢുഷേ᳚ ।
ഇന്ദ്രാ॑യ ജ്യേ॒ഷ്ഠാ മധു॑മ॒-ദ്ദുഹാ॑നാ ।
ഉ॒രു-ങ്കൃ॑ണോതു॒ യജ॑മാനായ ലോ॒കമ് ॥
മൂല॑-മ്പ്ര॒ജാം-വീഁ॒രവ॑തീം-വിഁദേയ । പരാ᳚ച്യേതു॒ നിര്-ഋ॑തിഃ പരാ॒ചാ । ഗോഭി॒ ര്നക്ഷ॑ത്ര-മ്പ॒ശുഭി॒-സ്സമ॑ക്തമ് । അഹ॑ര്ഭൂയാ॒-ദ്യജ॑മാനായ॒ മഹ്യ᳚മ് ॥ 14 ॥
അഹ॑ര്നോ അ॒ദ്യ സു॑വി॒തേ ദ॑ധാതു । മൂല॒-ന്നക്ഷ॑ത്ര॒മിതി॒ യ-ദ്വദ॑ന്തി । പരാ॑ചീം-വാഁ॒ചാ നിര്-ഋ॑തി-ന്നുദാമി ।
ശി॒വ-മ്പ്ര॒ജായൈ॑ ശി॒വമ॑സ്തു॒ മഹ്യ᳚മ് ॥
യാ ദി॒വ്യാ ആപഃ॒ പയ॑സാ സ-മ്ബഭൂ॒വുഃ । യാ അ॒ന്തരി॑ക്ഷ ഉ॒ത പാര്ഥി॑വീ॒ര്യാഃ । യാസാ॑മഷാ॒ഢാ അ॑നു॒യന്തി॒
കാമ᳚മ് । താ ന॒ ആപ॒-ശ്ശഗ്ഗ് സ്യോ॒നാ ഭ॑വന്തു ॥
യാശ്ച॒ കൂപ്യാ॒ യാശ്ച॑ നാ॒ദ്യാ᳚-സ്സമു॒ദ്രിയാഃ᳚ ।
യാശ്ച॑ വൈശ॒ന്തീരു॒ത പ്രാ॑സ॒ചീര്യാഃ ॥ 15 ॥
യാസാ॑മഷാ॒ഢാ മധു॑ ഭ॒ക്ഷയ॑ന്തി । താ ന॒ ആപ॒-ശ്ശഗ്ഗ് സ്യോ॒നാ ഭ॑വന്തു ॥ തന്നോ॒ വിശ്വേ॒ ഉപ॑ ശൃണ്വന്തു ദേ॒വാഃ । തദ॑ഷാ॒ഢാ അ॒ഭി സംയഁ ॑ന്തു യ॒ജ്ഞമ് ।
തന്നക്ഷ॑ത്ര-മ്പ്രഥതാ-മ്പ॒ശുഭ്യഃ॑ ।
കൃ॒ഷി-ർവൃ॒ഷ്ടി-ര്യജ॑മാനായ കല്പതാമ് ॥
ശു॒ഭ്രാഃ ക॒ന്യാ॑ യുവ॒തയ॑-സ്സു॒പേശ॑സഃ । ക॒ര്മ॒കൃത॑-സ്സു॒കൃതോ॑ വീ॒ര്യാ॑വതീഃ ।
വിശ്വാ᳚-ന്ദേ॒വാന്. ഹ॒വിഷാ॑ വ॒ര്ധയ॑ന്തീഃ ।
അ॒ഷാ॒ഢാഃ കാമ॒മുപ॑യാന്തു യ॒ജ്ഞമ് ॥ 16 ॥
യസ്മി॒-ന്ബ്രഹ്മാ॒-ഽഭ്യജ॑യ॒-ഥ്സർവ॑മേ॒തത് ।
അ॒മുഞ്ച॑ ലോ॒ക മി॒ദമൂ॑ച॒ സർവ᳚മ് ।
തന്നോ॒ നക്ഷ॑ത്രമഭി॒ജി-ദ്വി॒ജിത്യ॑ । ശ്രിയ॑-ന്ദധാ॒-ത്വഹൃ॑ണീയമാനമ് ॥ ഉ॒ഭൌ ലോ॒കൌ ബ്രഹ്മ॑ണാ॒ സഞ്ജി॑തേ॒മൌ । തന്നോ॒ നക്ഷ॑ത്രമഭി॒ജി-ദ്വിച॑ഷ്ടാമ് ।
തസ്മി॑ന് വ॒യ-മ്പൃത॑നാ॒-സ്സ-ഞ്ജ॑യേമ ।
തന്നോ॑ ദേ॒വാസോ॒ അനു॑ജാനന്തു॒ കാമ᳚മ് ॥
ശൃ॒ണ്വന്തി॑ ശ്രോ॒ണാ-മ॒മൃത॑സ്യ ഗോ॒പാമ് ।
പുണ്യാ॑മസ്യാ॒ ഉപ॑ശൃണോമി॒ വാച᳚മ് ॥ 17 ॥
മ॒ഹീ-ന്ദേ॒വീം-വിഁഷ്ണു॑പത്നീ-മജൂ॒ര്യാമ് । പ്ര॒തീചീ॑മേനാഗ്മ് ഹ॒വിഷാ॑ യജാമഃ ॥
ത്രേ॒ധാ വിഷ്ണു॑-രുരുഗാ॒യോ വിച॑ക്രമേ ।
മ॒ഹീ-ന്ദിവ॑-മ്പൃഥി॒വീ-മ॒ന്തരി॑ക്ഷമ് ।
തച്ഛ്രോ॒ണൈതി॒ ശ്രവ॑ ഇ॒ച്ഛമാ॑നാ ।
പുണ്യ॒ഗ്ഗ്॒ ശ്ലോകം॒-യഁജ॑മാനായ കൃണ്വ॒തീ ॥
അ॒ഷ്ടൌ ദേ॒വാ വസ॑വ-സ്സോ॒മ്യാസഃ॑ ।
ചത॑സ്രോ ദേ॒വീ ര॒ജരാ॒-ശ്ശ്രവി॑ഷ്ഠാഃ ।
തേ യ॒ജ്ഞ-മ്പാ᳚ന്തു॒ രജ॑സഃ പ॒രസ്താ᳚ത് ।
സം॒വഁ॒ഥ്സ॒രീണ॑-മ॒മൃതഗ്ഗ്॑ സ്വ॒സ്തി ॥ 18 ॥
യ॒ജ്ഞ-ന്നഃ॑ പാന്തു॒ വസ॑വഃ പു॒രസ്താ᳚ത് । ദ॒ക്ഷി॒ണ॒തോ॑-ഽഭിയ॑ന്തു॒ ശ്രവി॑ഷ്ഠാഃ । പുണ്യ॒-ന്നക്ഷ॑ത്രമ॒ഭി സംവിഁ ॑ശാമ । മാ നോ॒ അരാ॑തി-ര॒ഘശ॒ഗ്മ്॒സാ ഗന്ന്॑ ॥
ക്ഷ॒ത്രസ്യ॒ രാജാ॒ വരു॑ണോ-ഽധിരാ॒ജഃ । നക്ഷ॑ത്രാണാഗ്മ് ശ॒തഭി॑ഷ॒ഗ് വസി॑ഷ്ഠഃ । തൌ ദേ॒വേഭ്യഃ॑ കൃണുതോ ദീ॒ര്ഘമായുഃ॑ । ശ॒തഗ്മ് സ॒ഹസ്രാ॑ ഭേഷ॒ജാനി॑ ധത്തഃ ॥
യ॒ജ്ഞന്നോ॒ രാജാ॒ വരു॑ണ॒ ഉപ॑യാതു । തന്നോ॒ വിശ്വേ॑ അ॒ഭി സംയഁ ॑ന്തു ദേ॒വാഃ ॥ 19 ॥
തന്നോ॒ നക്ഷ॑ത്രഗ്മ് ശ॒തഭി॑ഷഗ് ജുഷാ॒ണമ് । ദീ॒ര്ഘമായുഃ॒ പ്രതി॑ര-ദ്ഭേഷ॒ജാനി॑ ॥ അ॒ജ ഏക॑പാ॒ദുദ॑ഗാ-ത്പു॒രസ്താ᳚ത് । വിശ്വാ॑ ഭൂ॒താനി॑ പ്രതി॒മോദ॑മാനഃ । തസ്യ॑ ദേ॒വാഃ പ്ര॑സ॒വം-യഁ ॑ന്തി॒ സർവേ᳚ । പ്രോ॒ഷ്ഠ॒പ॒ദാസോ॑ അ॒മൃത॑സ്യ ഗോ॒പാഃ ॥
വി॒ഭ്രാജ॑മാന-സ്സമിധാ॒ന ഉ॒ഗ്രഃ । ആ-ഽന്തരി॑ക്ഷ-മരുഹ॒ദ-ഗ॒ന്ദ്യാമ് । തഗ്മ് സൂര്യ॑-ന്ദേ॒വ-മ॒ജമേക॑പാദമ് । പ്രോ॒ഷ്ഠ॒പ॒ദാസോ॒ അനു॑യന്തി॒ സർവേ᳚ ॥ 20 ॥
അഹി॑-ര്ബു॒ദ്ധ്നിയഃ॒ പ്രഥ॑മാന ഏതി । ശ്രേഷ്ഠോ॑ ദേ॒വാനാ॑മു॒ത മാനു॑ഷാണാമ് । ത-മ്ബ്രാ᳚ഹ്മ॒ണാ-സ്സോ॑മ॒പാ-സ്സോ॒മ്യാസഃ॑ ।
പ്രോ॒ഷ്ഠ॒പ॒ദാസോ॑ അ॒ഭി ര॑ക്ഷന്തി॒ സർവേ᳚ ॥
ച॒ത്വാര॒ ഏക॑മ॒ഭി കര്മ॑ ദേ॒വാഃ ।
പ്രോ॒ഷ്ഠ॒പ॒ദാസ॒ ഇതി॒ യാന്. വദ॑ന്തി ।
തേ ബു॒ദ്ധനിയ॑-മ്പരി॒ഷദ്യഗ്ഗ്॑ സ്തു॒വന്തഃ॑ ।
അഹിഗ്മ്॑ രക്ഷന്തി॒ നമ॑സോപ॒സദ്യ॑ ॥
പൂ॒ഷാ രേ॒വത്യന്വേ॑തി॒ പന്ഥാ᳚മ് । പു॒ഷ്ടി॒പതീ॑ പശു॒പാ വാജ॑ബസ്ത്യൌ ॥ 21 ॥
ഇ॒മാനി॑ ഹ॒വ്യാ പ്രയ॑താ ജുഷാ॒ണാ ।
സു॒ഗൈര്നോ॒ യാനൈ॒രുപ॑യാതാം-യഁ॒ജ്ഞമ് ॥
ക്ഷു॒ദ്രാ-ന്പ॒ശൂ-ന്ര॑ക്ഷതു രേ॒വതീ॑ നഃ ।
ഗാവോ॑ നോ॒ അശ്വാ॒ഗ്മ്॒ അന്വേ॑തു പൂ॒ഷാ ।
അന്ന॒ഗ്മ്॒ രക്ഷ॑ന്തൌ ബഹു॒ധാ വിരൂ॑പമ് ।
വാജഗ്മ്॑ സനുതാം॒-യഁജ॑മാനായ യ॒ജ്ഞമ് ॥
തദ॒ശ്വിനാ॑-വശ്വ॒യുജോപ॑യാതാമ് ।
ശുഭ॒-ങ്ഗമി॑ഷ്ഠൌ സു॒യമേ॑ഭി॒രശ്വൈഃ᳚ ।
സ്വ-ന്നക്ഷ॑ത്രഗ്മ് ഹ॒വിഷാ॒ യജ॑ന്തൌ ।
മദ്ധ്വാ॒ സമ്പൃ॑ക്തൌ॒ യജു॑ഷാ॒ സമ॑ക്തൌ ॥ 22 ॥
യൌ ദേ॒വാനാ᳚-മ്ഭി॒ഷജൌ॑ ഹവ്യവാ॒ഹൌ । വിശ്വ॑സ്യ ദൂ॒താ-വ॒മൃത॑സ്യ ഗോ॒പൌ । തൌ നക്ഷ॑ത്ര-ഞ്ജുജുഷാ॒ണോ-പ॑യാതാമ് । നമോ॒-ഽശ്വിഭ്യാ᳚-ങ്കൃണുമോ-ഽശ്വ॒യുഗ്ഭ്യാ᳚മ് ॥
അപ॑ പാ॒പ്മാന॒-മ്ഭര॑ണീര്ഭരന്തു । ത-ദ്യ॒മോ രാജാ॒ ഭഗ॑വാ॒ന്॒. വിച॑ഷ്ടാമ് । ലോ॒കസ്യ॒ രാജാ॑ മഹ॒തോ മ॒ഹാന്. ഹി । സു॒ഗ-ന്നഃ॒ പന്ഥാ॒മഭ॑യ-ങ്കൃണോതു ॥
യസ്മി॒-ന്നക്ഷ॑ത്രേ യ॒മ ഏതി॒ രാജാ᳚ ।
യസ്മി॑-ന്നേനമ॒ഭ്യഷി॑ചന്ന്ത ദേ॒വാഃ ।
തദ॑സ്യ ചി॒ത്രഗ്മ് ഹ॒വിഷാ॑ യജാമ ।
അപ॑ പാ॒പ്മാന॒-മ്ഭര॑ണീ-ര്ഭരന്തു ॥
നി॒വേശ॑നീ സ॒ങ്ഗമ॑നീ॒ വസൂ॑നാം॒-വിഁശ്വാ॑ രൂ॒പാണി॒ വസൂ᳚ന്യാവേ॒ശയ॑ന്തീ । സ॒ഹ॒സ്ര॒പോ॒ഷഗ്മ് സു॒ഭഗാ॒ രരാ॑ണാ॒ സാ ന॒ ആഗ॒ന് വര്ച॑സാ സംവിഁദാ॒നാ ॥ യത്തേ॑ ദേ॒വാ അദ॑ധു-ര്ഭാഗ॒ധേയ॒മമാ॑വാസ്യേ സം॒വഁസ॑ന്തോ മഹി॒ത്വാ । സാനോ॑ യ॒ജ്ഞ-മ്പി॑പൃഹി വിശ്വവാരേ ര॒യി-ന്നോ॑ ധേഹി സുഭഗേ സു॒വീര᳚മ് ॥ ॥ 23 ॥
(ത॒താര॒ - മഹ്യം॑ - പ്രാസ॒ചീര്യാ - യാ᳚ന്തു യ॒ജ്ഞം - ഁവാചഗ്ഗ്॑ - സ്വ॒സ്തി - ദേ॒വാ-അനു॑ യന്തി॒ സർവേ॒-വാജ॑ബസ്ത്യൌ॒-സമ॑ക്തൌ-ദേ॒വാ സ്ത്രീണി॑ ച) (അ. 2)
അനുവാകം 3 - ചാന്ദ്രമസാദീനാം സപ്തനാമിഷ്ടീനാം-യാഁജ്യാനുവാക്യാഃ
നവോ॑നവോ ഭവതി॒ ജായ॑മാ॒നോ-ഽഹ്നാ᳚-ങ്കേ॒തുരു॒ഷസാ॑ മേ॒ത്യഗ്രേ᳚ । ഭാ॒ഗ-ന്ദേ॒വേഭ്യോ॒ വിദ॑ധാത്യാ॒യ-ന്പ്രച॒ന്ദ്രമാ᳚സ്തിരതി ദീ॒ര്ഘമായുഃ॑ ॥ യമാ॑ദി॒ത്യാ
അ॒ഗ്മ്॒ശുമാ᳚പ്യാ॒യയ॑ന്തി യമാ॑ദി॒ത്യാ അ॒ഗ്മ്॒ശുമാ᳚പ്യാ॒യയ॑ന്തി॒ യമക്ഷി॑ത॒-മക്ഷി॑തയഃ॒ പിബ॑ന്തി । തേന॑ നോ॒ രാജാ॒ വരു॑ണോ॒ ബൃഹ॒സ്പതി॒രാ പ്യാ॑യയന്തു॒ ഭുവ॑നസ്യ ഗോ॒പാഃ ॥॥ യേ വിരൂ॑പേ॒ സമ॑നസാ സം॒വ്യഁയ॑ന്തീ । സ॒മാ॒ന-ന്തന്തു॑-മ്പരി താത॒നാതേ᳚ । വി॒ഭൂ പ്ര॒ഭൂ അ॑നു॒ഭൂ വി॒ശ്വതോ॑ ഹുവേ ।
തേ നോ॒ നക്ഷ॑ത്രേ॒ ഹവ॒മാഗ॑മേതമ് ॥
വ॒യ-ന്ദേ॒വീ ബ്രഹ്മ॑ണാ സംവിഁദാ॒നാഃ ।
സു॒രത്നാ॑സോ ദേ॒വവീ॑തി॒-ന്ദധാ॑നാഃ ।
അ॒ഹോ॒രാ॒ത്രേ ഹ॒വിഷാ॑ വ॒ര്ധയ॑ന്തഃ ।
അതി॑ പാ॒പ്മാന॒-മതി॑മുക്ത്യാ ഗമേമ ॥ പ്രത്യു॑വദൃശ്യായ॒തീ ॥ 24 ॥
വ്യു॒ച്ഛന്തീ॑ ദുഹി॒താ ദി॒വഃ । അ॒പോ മ॒ഹീ വൃ॑ണുതേ॒ ചക്ഷു॑ഷാ ॥ തമോ॒ ജ്യോതി॑ഷ്കൃണോതി സൂ॒നരീ᳚ । ഉദു॒സ്ത്രിയാ᳚-സ്സചതേ॒ സൂര്യഃ॑ । സ ചാ॑ ഉ॒ദ്യന്നക്ഷ॑ത്ര-മര്ചി॒മത് । തവേദു॑ഷോ॒ വ്യുഷി॒ സൂര്യ॑സ്യ ച ॥
സ-മ്ഭ॒ക്തേന॑ ഗമേമഹി । തന്നോ॒ നക്ഷ॑ത്ര-മര്ചി॒മത് । ഭാ॒നു॒മത്തേജ॑ ഉ॒ച്ചര॑ത് । ഉപ॑ യ॒ജ്ഞ-മി॒ഹാഗ॑മത് ॥ 25 ॥
പ്ര നക്ഷ॑ത്രായ ദേ॒വായ॑ । ഇന്ദ്രാ॒യേന്ദുഗ്മ്॑ ഹവാമഹേ ।
സ ന॑-സ്സവി॒താ സു॑വ-ഥ്സ॒നിമ് । പു॒ഷ്ടി॒ദാം-വീഁ॒രവ॑ത്തമമ് ॥ ഉദു॒ ത്യ-ഞ്ജാ॒തവേ॑ദസ-ന്ദേ॒വം-വഁ ॑ഹന്തി കേ॒തവഃ॑ । ദൃ॒ശേ വിശ്വാ॑യ॒ സൂര്യ᳚മ് ॥ ചി॒ത്ര-ന്ദേ॒വാനാ॒-മുദ॑ഗാ॒ദനീ॑ക॒-ഞ്ചക്ഷു॑-ര്മി॒ത്രസ്യ॒ വരു॑ണസ്യാ॒-ഽഗ്നേഃ । ആ-ഽ പ്രാ॒ ദ്യാവാ॑പൃഥി॒വീ അ॒ന്തരി॑ക്ഷ॒ഗ്മ്॒ സൂര്യ॑ ആ॒ത്മാ ജഗ॑തസ്ത॒സ്ഥുഷ॑ശ്ച ॥॥
അദി॑തിര്ന ഉരുഷ്യ॒ത്വദി॑തി॒-ശ്ശര്മ॑ യച്ഛതു । അദി॑തിഃ പാ॒ത്വഗ്മ് ഹ॑സഃ ॥ മ॒ഹീമൂ॒ഷു മാ॒തരഗ്മ്॑ സുവ്ര॒താനാ॑മൃ॒തസ്യ॒ പത്നീ॒മവ॑സേ ഹുവേമ । തു॒വി॒ക്ഷ॒ത്രാമ॒ജര॑ന്തീമുരൂ॒ചീഗ്മ് സു॒ശര്മാ॑ണ॒മദി॑തിഗ്മ് സു॒പ്രണീ॑തിമ് ॥ ॥
ഇ॒ദം-വിഁഷ്ണു॒-ർവിച॑ക്രമേ ത്രേ॒ധാ നി ദ॑ധേ പ॒ദമ് । സ മൂ॑ഢമസ്യ പാഗ്മ് സു॒രേ ॥ പ്രത-ദ്വിഷ്ണു॑-സ്സ്തവതേ വീ॒ര്യാ॑യ । മൃ॒ഗോ ന ഭീ॒മഃ കു॑ച॒രോ ഗി॑രി॒ഷ്ഠാഃ । യസ്യോ॒രുഷു॑ ത്രി॒ഷു വി॒ക്രമ॑ണേഷു । അധി॑ക്ഷി॒യന്തി॒ ഭുവ॑നാനി॒ വിശ്വാ᳚ ॥ ॥
അ॒ഗ്നിര്മൂ॒ര്ധാ ദി॒വഃ ക॒കു-ത്പതിഃ॑ പൃഥി॒വ്യാ അ॒യമ് । അ॒പാഗ്മ് രേതാഗ്മ്॑സി ജിന്വതി ॥ ഭുവോ॑ യ॒ജ്ഞസ്യ॒ രജ॑സശ്ച നേ॒താ യത്രാ॑ നി॒യുദ്ഭി॒-സ്സച॑സേ ശി॒വാഭിഃ॑ । ദി॒വി മൂ॒ര്ധാന॑-ന്ദധിഷേ സുവ॒ര്॒ഷാ-ഞ്ജി॒ഹ്വാമ॑ഗ്നേ ചകൃഷേ ഹവ്യ॒വാഹ᳚മ് ॥ ॥
അനു॑ നോ॒-ഽദ്യാ-ഽനു॑മതി-ര്യ॒ജ്ഞ-ന്ദേ॒വേഷു॑ മന്യതാമ് । അ॒ഗ്നിശ്ച॑ ഹവ്യ॒വാഹ॑നോ॒ ഭവ॑താ-ന്ദാ॒ശുഷേ॒ മയഃ॑ ॥ അന്വിദ॑നുമതേ॒ ത്വ-മ്മന്യാ॑സൈ॒ ശഞ്ച॑നഃ കൃധി । ക്രത്വേ॒ ദക്ഷാ॑യ നോ ഹിനു॒ പ്രണ॒ ആയൂഗ്മ്॑ഷി താരിഷഃ ॥ ॥
ഹ॒വ്യ॒വാഹ॑-മഭിമാതി॒ഷാ-ഽഹ᳚മ് । ര॒ക്ഷോ॒ഹണ॒-മ്പൃത॑നാസു ജി॒ഷ്ണുമ് । ജ്യോതി॑ഷ്മന്ത॒-ന്ദീദ്യ॑ത॒-മ്പുര॑ന്ധിമ് । അ॒ഗ്നിഗ്ഗ് സ്വി॑ഷ്ട॒കൃത॒മാ ഹു॑വേമ ॥ സ്വി॑ഷ്ടമഗ്നേ അ॒ഭി ത-ത്പൃ॑ണാഹി । വിശ്വാ॑ ദേവ॒ പൃത॑നാ അ॒ഭിഷ്യ । ഉ॒രു-ന്നഃ॒ പന്ഥാ᳚-മ്പ്രദി॒ശന്വി ഭാ॑ഹി । ജ്യോതി॑ഷ്മദ്ധേഹ്യ॒ജര॑-ന്ന॒ ആയുഃ॑ ॥ ॥ 26 ॥
(ആ॒യ॒ത്യ॑ - ഗമ॒ഥ് - സ്വി॑ഷ്ടമ്) (അ. 3)
അനുവാകം 4 - ദേവ നക്ഷത്രേഷ്ടിബ്രാഹ്മണമ്
അ॒ഗ്നിർവാ അ॑കാമയത । അ॒ന്നാ॒ദോ ദേ॒വാനാഗ്॑ സ്യാ॒മിതി॑ ।
സ ഏ॒തമ॒ഗ്നയേ॒ കൃത്തി॑കാഭ്യഃ പുരോ॒ഡാശ॑-മ॒ഷ്ടാക॑പാല॒-ന്നിര॑വപത് । തതോ॒ വൈ സോ᳚-ഽന്നാ॒ദോ ദേ॒വാനാ॑മഭവത് । അ॒ഗ്നിർവൈ ദേ॒വാനാ॑മന്നാ॒ദഃ ॥
യഥാ॑ ഹ॒ വാ അ॒ഗ്നി-ര്ദേ॒വനാ॑-മന്നാ॒ദഃ ।
ഏ॒വഗ്മ് ഹ॒ വാ ഏ॒ഷ മ॑നു॒ഷ്യാ॑ണാ-മ്ഭവതി ।
യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ ॥ സോ-ഽത്ര॑ ജുഹോതി । അ॒ഗ്നയേ॒ സ്വാഹാ॒ കൃത്തി॑കാഭ്യ॒-സ്സ്വാഹാ᳚ । അ॒മ്ബായൈ॒ സ്വാഹാ॑ ദു॒ലായൈ॒ സ്വാഹാ᳚ । നി॒ത॒ത്ന്യൈ സ്വാഹാ॒ ഽഭ്രയ॑ന്ത്യൈ॒ സ്വാഹാ᳚ । മേ॒ഘയ॑ന്ത്യൈ॒ സ്വാഹാ॑ വ॒ര॒.ഷയ॑ന്ത്യൈ॒ സ്വാഹാ᳚ । ചു॒പു॒ണീകാ॑യൈ॒ സ്വാഹേതി॑ ॥ 27 ॥
പ്ര॒ജാപ॑തിഃ പ്ര॒ജാ അ॑സൃജത । താ അ॑സ്മാ-ഥ്സൃ॒ഷ്ടാഃ പരാ॑ചീരായന്ന് । താസാഗ്മ്॑ രോഹി॒ണീ-മ॒ഭ്യ॑ദ്ധ്യായത് । സോ॑-ഽകാമയത । ഉപ॒ മാ-ഽഽവ॑ര്തേത । സമേ॑നയാ ഗച്ഛേ॒യേതി॑ । സ ഏ॒ത-മ്പ്ര॒ജാപ॑തയേ രോഹി॒ണ്യൈ ച॒രു-ന്നിര॑വപത് । തതോ॒ വൈ സാ തമു॒പാവ॑ര്തത । സമേ॑നയാ ഽഗച്ഛത ॥ ഉപ॑ ഹ॒ വാ ഏ॑ന-മ്പ്രി॒യമാവ॑ര്തതേ ।
സ-മ്പ്രി॒യേണ॑ ഗച്ഛതേ । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ ॥ സോ-ഽത്ര॑ ജുഹോതി ।
പ്ര॒ജാപ॑തയേ॒ സ്വാഹാ॑ രോഹി॒ണ്യൈ സ്വാഹാ᳚ ।
രോച॑മാനായൈ॒ സ്വാഹാ᳚ പ്ര॒ജാഭ്യ॒-സ്സ്വാഹേതി॑ ॥ 28 ॥
സോമോ॒ വാ അ॑കാമയത । ഓഷ॑ധീനാഗ്മ് രാ॒ജ്യ-മ॒ഭിജ॑യേയ॒മിതി॑ । സ ഏ॒തഗ്മ് സോമാ॑യ മൃഗശീ॒ര॒.ഷായ॑ ശ്യാമാ॒ക-ഞ്ച॒രു-മ്പയ॑സി॒ നിര॑വപത് । തതോ॒ വൈ സ ഓഷ॑ധീനാഗ്മ്
രാ॒ജ്യമ॒ഭ്യ॑ജയത് । സ॒മാ॒നാനാഗ്മ്॑ ഹ॒ വൈ രാ॒ജ്യമ॒ഭിജ॑യതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
സോമാ॑യ॒ സ്വാഹാ॑ മൃഗശീ॒ര॒.ഷായ॒ സ്വാഹാ᳚ ।
ഇ॒ന്വ॒കാഭ്യ॒-സ്സ്വാഹൌഷ॑ധീഭ്യ॒-സ്സ്വാഹാ᳚ ।
രാ॒ജ്യായ॒ സ്വാഹാ॒ ഽഭിജി॑ത്യൈ॒ സ്വാഹേതി॑ ॥ 29 ॥
രു॒ദ്രോ വാ അ॑കാമയത । പ॒ശു॒മാന്-ഥ്സ്യാ॒മിതി॑ ।
സ ഏ॒തഗ്മ് രു॒ദ്രായാ॒ര്ദ്രായൈ॒ പ്രൈയ॑ങ്ഗവ-ഞ്ച॒രു-മ്പയ॑സി॒ നിര॑വപത് । തതോ॒ വൈ സ പ॑ശു॒മാന॑ഭവത് । പ॒ശു॒മാന്. ഹ॒ വൈ ഭ॑വതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । രു॒ദ്രായ॒ സ്വാഹാ॒ ഽഽര്ദ്രായൈ॒ സ്വാഹാ᳚ । പിന്വ॑മാനായൈ॒ സ്വാഹാ॑ പ॒ശുഭ്യ॒-സ്സ്വാഹേതി॑ ॥ 30 ॥
ഋ॒ക്ഷാ വാ ഇ॒യമ॑ലോ॒മകാ॑-ഽഽസീത് । സാ-ഽകാ॑മയത ।
ഓഷ॑ധീഭി॒-ർവന॒സ്പതി॑ഭിഃ॒ പ്രജാ॑യേ॒യേതി॑ ।
സൈതമദി॑ത്യൈ॒ പുന॑ർവസുഭ്യാ-ഞ്ച॒രു-ന്നിര॑വപത് ।
തതോ॒ വാ ഇ॒യമോഷ॑ധീഭി॒-ർവന॒സ്പതി॑ഭിഃ॒ പ്രാജാ॑യത ।
പ്രജാ॑യതേ ഹ॒ വൈ പ്ര॒ജയാ॑ പ॒ശുഭിഃ॑ । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ ।
സോ-ഽത്ര॑ ജുഹോതി । അദി॑ത്യൈ॒ സ്വാഹാ॒ പുന॑ർവസുഭ്യാമ് ।
സ്വാഹാ-ഽഽഭൂ᳚ത്യൈ॒ സ്വാഹാ॒ പ്രജാ᳚ത്യൈ॒ സ്വാഹേതി॑ ॥ 31 ॥
ബൃഹ॒സ്പതി॒ർവാ അ॑കാമയത । ബ്ര॒ഹ്മ॒വ॒ര്ച॒സീ സ്യാ॒മിതി॑ ।
സ ഏ॒ത-മ്ബൃഹ॒സ്പത॑യേ തി॒ഷ്യാ॑യ നൈവാ॒ര-ഞ്ച॒രു-മ്പയ॑സി॒ നിര॑വപത് । തതോ॒ വൈ സ ബ്ര॑ഹ്മവര്ച॒സ്യ॑ഭവത് । ബ്ര॒ഹ്മ॒വ॒ര്ച॒സീ ഹ॒ വൈ ഭ॑വതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
ബൃഹ॒സ്പത॑യേ॒ സ്വാഹാ॑ തി॒ഷ്യാ॑യ॒ സ്വാഹാ᳚ । ബ്ര॒ഹ്മ॒വ॒ര്ച॒സായ॒ സ്വാഹേതി॑ ॥ 32 ॥
ദേ॒വാ॒സു॒രാ-സ്സംയഁ ॑ത്താ ആസന്ന് । തേ ദേ॒വാ-സ്സ॒ര്പേഭ്യ॑ ആശ്രേ॒ഷാഭ്യ॒ ആജ്യേ॑ കര॒മ്ഭ-ന്നിര॑വപന്ന് ।
താനേ॒താഭി॑രേ॒വ ദേ॒വതാ॑-ഭി॒രുപാ॑നയന്ന് ।
ഏ॒താഭി॑ര്ഹ॒ വൈ ദേ॒വതാ॑ഭി-ര്ദ്വി॒ഷന്ത॒-മ്ഭ്രാതൃ॑വ്യ॒-മുപ॑നയതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
സ॒ര്പേഭ്യ॒-സ്സ്വാഹാ᳚-ഽഽശ്രേ॒ഷാഭ്യ॒-സ്സ്വാഹാ᳚ । ദ॒ന്ദ॒ശൂകേ᳚ഭ്യ॒-സ്സ്വാഹേതി॑ ॥ 33 ॥
പി॒തരോ॒ വാ അ॑കാമയന്ത । പി॒തൃ॒ലോ॒ക ഋ॑ദ്ധ്നുയാ॒മേതി॑ ।
ത ഏ॒ത-മ്പി॒തൃഭ്യോ॑ മ॒ഘാഭ്യഃ॑ പുരോ॒ഡാശ॒ഗ്മ്॒ ഷട്ക॑പാല॒-ന്നിര॑വപന്ന് । തതോ॒ വൈ തേ പി॑തൃലോ॒ക ആ᳚ര്ധ്നുവന്ന് । പി॒തൃ॒ലോ॒കേ ഹ॒ വാ ഋ॑ധ്നോതി ।
യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । പി॒തൃഭ്യ॒-സ്സ്വാഹാ॑ മ॒ഘാഭ്യഃ॑ ।
സ്വാഹാ॑ ഽന॒ഘാഭ്യ॒-സ്സ്വാഹാ॑ ഽഗ॒ദാഭ്യഃ॑ ।
സ്വാഹാ॑ ഽരുന്ധ॒തീഭ്യ॒-സ്സ്വാഹേതി॑ ॥ 34 ॥
അ॒ര്യ॒മാ വാ അ॑കാമയത । പ॒ശു॒മാന്-ഥ്സ്യാ॒മിതി॑ ।
സ ഏ॒തമ॑ര്യ॒മ്ണേ ഫല്ഗു॑നീഭ്യാ-ഞ്ച॒രു-ന്നിര॑വപത് ।
തതോ॒ വൈ സ പ॑ശു॒മാന॑ഭവത് ।
പ॒ശു॒മാന്. ഹ॒ വൈ ഭ॑വതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । അ॒ര്യ॒മ്ണേ സ്വാഹാ॒ ഫല്ഗു॑നീഭ്യാ॒ഗ്॒ സ്വാഹാ᳚ ।
പ॒ശുഭ്യ॒-സ്സ്വാഹേതി॑ ॥ 35 ॥
ഭഗോ॒ വാ അ॑കാമയത । ഭ॒ഗീ ശ്രേ॒ഷ്ഠീ ദേ॒വാനാഗ്॑ സ്യാ॒മിതി॑ । സ ഏ॒ത-മ്ഭഗാ॑യ॒ ഫല്ഗു॑നീഭ്യാ-ഞ്ച॒രു-ന്നിര॑വപത് । തതോ॒ വൈ സ ഭ॒ഗീ ശ്രേ॒ഷ്ഠീ ദേ॒വാനാ॑മഭവത് ।
ഭ॒ഗീ ഹ॒ വൈ ശ്രേ॒ഷ്ഠീ സ॑മാ॒നാനാ᳚-മ്ഭവതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । ഭഗാ॑യ॒ സ്വാഹാ॒ ഫല്ഗു॑നീഭ്യാ॒ഗ്॒ സ്വാഹാ᳚ । ശ്രൈഷ്ഠ്യാ॑യ॒ സ്വാഹേതി॑ ॥ 36 ॥
സ॒വി॒താ വാ അ॑കാമയത । ശ്രന്മേ॑ ദേ॒വാ ദധീ॑രന്ന് । സ॒വി॒താ സ്യാ॒മിതി॑ । സ ഏ॒തഗ്മ് സ॑വി॒ത്രേ ഹസ്താ॑യ പുരോ॒ഡാശ॒-ന്ദ്വാദ॑ശകപാല॒-ന്നിര॑വപദാശൂ॒നാം
ഁവ്രീ॑ഹീ॒ണാമ് । തതോ॒ വൈ തസ്മൈ॒ ശ്രദ്ദേ॒വാ അദ॑ധത । സ॒വി॒താ-ഽഭ॑വത് । ശ്രദ്ധ॒ വാ അ॑സ്മൈ മനു॒ഷ്യാ॑ ദധതേ । സ॒വി॒താ സ॑മാ॒നാനാ᳚-മ്ഭവതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
സ॒വി॒ത്രേ സ്വാഹാ॒ ഹസ്താ॑യ । സ്വാഹാ॑ ദദ॒തേ സ്വാഹാ॑ പൃണ॒തേ । സ്വാഹാ᳚ പ്ര॒യച്ഛ॑തേ॒ സ്വാഹാ᳚ പ്രതിഗൃഭ്ണ॒തേ സ്വാഹേതി॑ ॥ 37 ॥
ത്വഷ്ടാ॒ വാ അ॑കാമയത । ചി॒ത്ര-മ്പ്ര॒ജാം-വിഁ ॑ന്ദേ॒യേതി॑ ।
സ ഏ॒ത-ന്ത്വഷ്ട്രേ॑ ചി॒ത്രായൈ॑ പുരോ॒ഡാശ॑മ॒ഷ്ടാ-ക॑പാല॒-ന്നിര॑വപത് । തതോ॒ വൈ സ ചി॒ത്ര-മ്പ്ര॒ജാമ॑വിന്ദത । ചി॒ത്രഗ്മ് ഹ॒ വൈ പ്ര॒ജാം-വിഁ ॑ന്ദതേ ।
യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
ത്വഷ്ട്രേ॒ സ്വാഹാ॑ ചി॒ത്രായൈ॒ സ്വാഹാ᳚ ।
ചൈത്രാ॑യ॒ സ്വാഹാ᳚ പ്ര॒ജായൈ॒ സ്വാഹേതി॑ ॥ 38 ॥
വാ॒യുർവാ അ॑കാമയത । കാ॒മ॒ചാര॑മേ॒ഷു ലോ॒കേഷ്വ॒ഭിജ॑യേയ॒മിതി॑ । സ ഏ॒ത-ദ്വാ॒യവേ॒ നിഷ്ട്യാ॑യൈ ഗൃ॒ഷ്ട്യൈ ദു॒ഗ്ധ-മ്പയോ॒ നിര॑വപത് ।
തതോ॒ വൈ സ കാ॑മ॒ചാര॑മേ॒ഷു ലോ॒കേഷ്വ॒ഭ്യ॑ജയത് ।
കാ॒മ॒ചാരഗ്മ്॑ ഹ॒ വാ ഏ॒ഷു ലോ॒കേഷ്വ॒ഭിജ॑യതി ।
യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । വാ॒യവേ॒ സ്വാഹാ॒ നിഷ്ട്യാ॑യൈ॒ സ്വാഹാ᳚ ।
കാ॒മ॒ചാരാ॑യ॒ സ്വാഹാ॒-ഽഭിജി॑ത്യൈ॒ സ്വാഹേതി॑ ॥ 39 ॥
ഇ॒ന്ദ്രാ॒ഗ്നീ വാ അ॑കാമയേതാമ് । ശ്രൈഷ്ഠ്യ॑-ന്ദേ॒വാനാ॑-മ॒ഭിജ॑യേ॒വേതി॑ । താവേ॒തമി॑ന്ദ്രാ॒ഗ്നിഭ്യാം॒-വിഁശാ॑ഖാഭ്യാ-മ്പുരോ॒ഡാശ॒-മേകാ॑ദശകപാല॒-ന്നിര॑വപതാമ് । തതോ॒ വൈ തൌ ശ്രൈഷ്ഠ്യ॑-ന്ദേ॒വാനാ॑-മ॒ഭ്യ॑ജയതാമ് । ശ്രൈഷ്ഠ്യഗ്മ്॑ ഹ॒ വൈ സ॑മാ॒നാനാ॑മ॒ഭിജ॑യതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
ഇ॒ന്ദ്രാ॒ഗ്നിഭ്യാ॒ഗ്॒ സ്വാഹാ॒ വിശാ॑ഖാഭ്യാ॒ഗ്॒ സ്വാഹാ᳚ ।
ശ്രൈഷ്ഠ്യാ॑യ॒ സ്വാഹാ॒ ഽഭിജി॑ത്യൈ॒ സ്വാഹേതി॑ ॥ 40 ॥
അഥൈ॒തത്-പൌ᳚ര്ണമാ॒സ്യാ ആജ്യ॒-ന്നിർവ॑പതി । കാമോ॒ വൈ പൌ᳚ര്ണമാ॒സീ । കാമ॒ ആജ്യ᳚മ് । കാമേ॑നൈ॒വ കാമ॒ഗ്മ്॒ സമ॑ര്ധയതി । ക്ഷി॒പ്രമേ॑ന॒ഗ്മ്॒ സ കാമ॒ ഉപ॑നമതി । യേന॒ കാമേ॑ന॒ യജ॑തേ । സോ-ഽത്ര॑ ജുഹോതി ।
പൌ॒ര്ണ॒മാ॒സ്യൈ സ്വാഹാ॒ കാമാ॑യ॒ സ്വാഹാ-ഽഽഗ॑ത്യൈ॒ സ്വാഹേതി॑ ॥ 41 ॥
അനുവാകം 5 - യമനക്ഷത്രേഷ്ടിബ്രാഹ്മണമ്
മി॒ത്രോ വാ അ॑കാമയത । മി॒ത്ര॒ധേയ॑മേ॒ഷു ലോ॒കേഷ്വ॒ഭി ജ॑യേയ॒മിതി॑ । സ ഏ॒ത-മ്മി॒ത്രായാ॑നൂരാ॒ധേഭ്യ॑ശ്ച॒രു-ന്നിര॑വപത് । തതോ॒ വൈ സ മി॑ത്ര॒ധേയ॑മേ॒ഷു ലോ॒കേഷ്വ॒ഭ്യ॑ജയത് । മി॒ത്ര॒ധേയഗ്മ്॑ ഹ॒ വാ ഏ॒ഷു ലോ॒കേഷ്വ॒ഭിജ॑യതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
മി॒ത്രായ॒ സ്വാഹാ॑ ഽനൂരാ॒ധേഭ്യ॒-സ്സ്വാഹാ᳚ ।
മി॒ത്ര॒ധേയാ॑യ॒ സ്വാഹാ॒ ഽഭിജി॑ത്യൈ॒ സ്വാഹേതി॑ ॥ 42 ॥
ഇന്ദ്രോ॒ വാ അ॑കാമയത । ജ്യൈഷ്ഠ്യ॑-ന്ദേ॒വാനാ॑-മ॒ഭിജ॑യേയ॒മിതി॑ । സ ഏ॒തമിന്ദ്രാ॑യ ജ്യേ॒ഷ്ഠായൈ॑ പുരോ॒ഡാശ॒-മേകാ॑ദശകപാല॒-ന്നിര॑വപ-ന്മ॒ഹാവ്രീ॑ഹീണാമ് । തതോ॒ വൈ സ ജ്യൈഷ്ഠ്യ॑-ന്ദേ॒വാനാ॑മ॒ഭ്യ॑ജയത് । ജ്യൈഷ്ഠ്യഗ്മ്॑ ഹ॒ വൈ സ॑മാ॒നാനാ॑-മ॒ഭിജ॑യതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । ഇന്ദ്രാ॑യ॒ സ്വാഹാ᳚ ജ്യേ॒ഷ്ഠായൈ॒ സ്വാഹാ᳚ ।
ജ്യൈഷ്ഠ്യാ॑യ॒ സ്വാഹാ॒ ഽഭിജി॑ത്യൈ॒ സ്വാഹേതി॑ ॥ 43 ॥
പ്ര॒ജാപ॑തി॒ർവാ അ॑കാമയത । മൂല॑-മ്പ്ര॒ജാം-വിഁ ॑ന്ദേ॒യേതി॑ । സ ഏ॒ത-മ്പ്ര॒ജാപ॑തയേ॒ മൂലാ॑യ ച॒രു-ന്നിര॑വപത് । തതോ॒ വൈ സ മൂല॑-മ്പ്ര॒ജാമ॑വിന്ദത । മൂലഗ്മ്॑ ഹ॒ വൈ പ്ര॒ജാം-വിഁ ॑ന്ദതേ । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । പ്ര॒ജാപ॑തയേ॒ സ്വാഹാ॒ മൂലാ॑യ॒ സ്വാഹാ᳚ । പ്ര॒ജായൈ॒ സ്വാഹേതി॑ ॥ 44 ॥
ആപോ॒ വാ അ॑കാമയന്ത । സ॒മു॒ദ്ര-ങ്കാമ॑മ॒ ഭിജ॑യേ॒മേതി॑ । താ ഏ॒തമ॒ദ്ഭ്യോ॑-ഽഷാ॒ഢാഭ്യ॑ശ്ച॒രു-ന്നിര॑വപന്ന് । തതോ॒ വൈ താ-സ്സ॑മു॒ദ്ര-ങ്കാമ॑മ॒ഭ്യ॑ജയന്ന് । സ॒മു॒ദ്രഗ്മ് ഹ॒ വൈ കാമ॑മ॒ഭിജ॑യതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
അ॒ദ്ഭ്യ-സ്സ്വാഹാ॑ ഽഷാ॒ഢാഭ്യ॒-സ്സ്വാഹാ᳚ । സ॒മു॒ദ്രായ॒ സ്വാഹാ॒ കാമാ॑യ॒ സ്വാഹാ᳚ । അ॒ഭിജി॑ത്യൈ॒ സ്വാഹേതി॑ ॥ 45 ॥
വിശ്വേ॒ വൈ ദേ॒വാ അ॑കാമയന്ത । അ॒ന॒പ॒ജ॒യ്യ-ഞ്ജ॑യേ॒മേതി॑ । ത ഏ॒തം-വിഁശ്വേ᳚ഭ്യോ ദേ॒വേഭ്യോ॑-ഽഷാ॒ഢാഭ്യ॑ശ്ച॒രു-ന്നിര॑വപന്ന് ।
തതോ॒ വൈ തേ॑-ഽനപജ॒യ്യ-മ॑ജയന്ന് । അ॒ന॒പ॒ജ॒യ്യഗ്മ് ഹ॒ വൈ ജ॑യതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
വിശ്വേ᳚ഭ്യോ ദേ॒വേഭ്യ॒-സ്സ്വാഹാ॑ ഽഷാ॒ഢാഭ്യ॒-സ്സ്വാഹാ᳚ ।
അ॒ന॒പ॒ജ॒യ്യായ॒ സ്വാഹാ॒ ജിത്യൈ॒ സ്വാഹേതി॑ ॥ 46 ॥
ബ്രഹ്മ॒ വാ അ॑കാമയത । ബ്ര॒ഹ്മ॒ലോ॒കമ॒ഭിജ॑യേയ॒മിതി॑ ।
തദേ॒ത-മ്ബ്രഹ്മ॑ണേ-ഽഭി॒ജിതേ॑ ച॒രു-ന്നിര॑വപത് ।
തതോ॒ വൈ തദ്ബ്ര॑ഹ്മലോ॒കമ॒ഭ്യ॑ജയത് । ബ്ര॒ഹ്മ॒ലോ॒കഗ്മ് ഹ॒ വാ അ॒ഭിജ॑യതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । ബ്രഹ്മ॑ണേ॒ സ്വാഹാ॑ ഽഭി॒ജിതേ॒ സ്വാഹാ᳚ । ബ്ര॒ഹ്മ॒ലോ॒കായ॒ സ്വാഹാ॒ ഽഭിജി॑ത്യൈ॒ സ്വാഹേതി॑ ॥ 47 ॥
വിഷ്ണു॒ർവാ അ॑കാമയത । പുണ്യ॒ഗ്ഗ്॒ ശ്ലോകഗ്മ്॑ ശൃണ്വീയ ।
ന മാ॑ പാ॒പീ കീ॒ര്തിരാഗ॑ച്ഛേ॒ദിതി॑ । സ ഏ॒തം-വിഁഷ്ണ॑വേ ശ്രോ॒ണായൈ॑ പുരോ॒ഡാശ॑-ന്ത്രികപാ॒ല-ന്നിര॑വപത് ।
തതോ॒ വൈ സ പുണ്യ॒ഗ്ഗ്॒ ശ്ലോക॑മ ശൃണുത । നൈന॑-മ്പാ॒പീ കീ॒ര്തിരാ- ഗ॑ച്ഛത് । പുണ്യഗ്മ്॑ ഹ॒ വൈ ശ്ലോകഗ്മ്॑ ശൃണുതേ । നൈന॑-മ്പാ॒പീ കീ॒ര്തിരാഗ॑ച്ഛതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
വിഷ്ണ॑വേ॒ സ്വാഹാ᳚ ശ്രോ॒ണായൈ॒ സ്വാഹാ᳚ ।
ശ്ലോകാ॑യ॒ സ്വാഹാ᳚ ശ്രു॒തായ॒ സ്വാഹേതി॑ ॥ 48 ॥
വസ॑വോ॒ വാ അ॑കാമയന്ത । അഗ്ര॑-ന്ദേ॒വതാ॑നാ॒-മ്പരീ॑യാ॒മേതി॑ । ത ഏ॒തം-വഁസു॑ഭ്യ॒-ശ്ശ്രവി॑ഷ്ഠാഭ്യഃ പുരോ॒ഡാശ॑മ॒ഷ്ടാക॑പാല॒-ന്നിര॑വപന്ന് ।
തതോ॒ വൈ തേ-ഽഗ്ര॑-ന്ദേ॒വതാ॑നാ॒-മ്പര്യാ॑യന്ന് ।
അഗ്രഗ്മ്॑ ഹ॒ വൈ സ॑മാ॒നാനാ॒-മ്പര്യേ॑തി ।
യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । വസു॑ഭ്യ॒-സ്സ്വാഹാ॒ ശ്രവി॑ഷ്ഠാഭ്യ॒-സ്സ്വാഹാ᳚ । അഗ്രാ॑യ॒ സ്വാഹാ॒ പരീ᳚ത്യൈ॒ സ്വാഹേതി॑ ॥ 49 ॥
ഇന്ദ്രോ॒ വാ അ॑കാമയത । ദൃ॒ഢോ ഽശി॑ഥില-സ്സ്യാ॒മിതി॑ ।
സ ഏ॒തം-വഁരു॑ണായ ശ॒തഭി॑ഷജേ ഭേഷ॒ജേഭ്യഃ॑ പുരോ॒ഡാശ॒-ന്ദശ॑കപാല॒-ന്നിര॑വപത്-കൃ॒ഷ്ണാനാം᳚-വ്രീഁഹീ॒ണാമ് । തതോ॒ വൈ സ ദൃ॒ഢോ-ഽശി॑ഥിലോ-ഽഭവത് ।
ദൃ॒ഢോ ഹ॒ വാ അശി॑ഥിലോ ഭവതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
വരു॑ണായ॒ സ്വാഹാ॑ ശ॒തഭി॑ഷജേ॒ സ്വാഹാ᳚ ।
ഭേ॒ഷ॒ജേഭ്യ॒-സ്സ്വാഹേതി॑ ॥ 50 ॥
അ॒ജോ വാ ഏക॑പാദകാമയത । തേ॒ജ॒സ്വീ ബ്ര॑ഹ്മവര്ച॒സീ സ്യാ॒മിതി॑ । സ ഏ॒തമ॒ജായൈക॑പദേ പ്രോഷ്ഠപ॒ദേഭ്യ॑-ശ്ച॒രു-ന്നിര॑വപത് । തതോ॒ വൈ സ തേ॑ജ॒സ്വീ ബ്ര॑ഹ്മവര്ച॒സ്യ॑ഭവത് । തേ॒ജ॒സ്വീ ഹ॒ വൈ ബ്ര॑ഹ്മവര്ച॒സീ ഭ॑വതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
അ॒ജായൈക॑പദേ॒ സ്വാഹാ᳚ പ്രോഷ്ഠപ॒ദേഭ്യ॒-സ്സ്വാഹാ᳚ ।
തേജ॑സേ॒ സ്വാഹാ᳚ ബ്രഹ്മവര്ച॒സായ॒ സ്വാഹേതി॑ ॥ 51 ॥
അഹി॒ർവൈ ബു॒ദ്ധ്നിയോ॑-ഽകാമയത । ഇ॒മാ-മ്പ്ര॑തി॒ഷ്ഠാം-വിഁ ॑ന്ദേ॒യേതി॑ । സ ഏ॒തമഹ॑യേ ബു॒ദ്ധ്നിയാ॑യ പ്രോഷ്ഠപ॒ദേഭ്യഃ॑ പുരോ॒ഡാശ॒-മ്ഭൂമി॑കപാല॒-ന്നിര॑വപത് । തതോ॒ വൈ സ ഇ॒മാ-മ്പ്ര॑തി॒ഷ്ഠാ-മ॑വിന്ദത । ഇ॒മാഗ്മ് ഹ॒ വൈ പ്ര॑തി॒ഷ്ഠാം-വിഁ ॑ന്ദതേ ।
യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । അഹ॑യേ ബു॒ദ്ധ്നിയാ॑യ॒ സ്വാഹാ᳚ പ്രോഷ്ഠപ॒ദേഭ്യ॒-സ്സ്വാഹാ᳚ ।
പ്ര॒തി॒ഷ്ഠായൈ॒ സ്വാഹേതി॑ ॥ 52 ॥
പൂ॒ഷാ വാ അ॑കാമയത । പ॒ശു॒മാന്-ഥ്സ്യാ॒മിതി॑ ।
സ ഏ॒ത-മ്പൂ॒ഷ്ണേ രേ॒വത്യൈ॑ ച॒രു-ന്നിര॑വപത് ।
തതോ॒ വൈ സ പ॑ശു॒മാന॑ഭവത് ।
പ॒ശു॒മാന്. ഹ॒ വൈ ഭ॑വതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ ।
സോ-ഽത്ര॑ ജുഹോതി । പൂ॒ഷ്ണേ സ്വാഹാ॑ രേ॒വത്യൈ॒ സ്വാഹാ᳚ ।
പ॒ശുഭ്യ॒-സ്സ്വാഹേതി॑ ॥ 53 ॥
അ॒ശ്വിനൌ॒ വാ അ॑കാമയേതാമ് । ശ്രോ॒ത്ര॒സ്വിനാ॒വബ॑ധിരൌ സ്യാ॒വേതി॑ । താവേ॒തമ॒ശ്വിഭ്യാ॑-മശ്വ॒യുഗ്ഭ്യാ᳚-മ്പുരോ॒ഡാശ॑-ന്ദ്വികപാ॒ല-ന്നിര॑വപതാമ് ।
തതോ॒ വൈ തൌ ശ്രോ᳚ത്ര॒സ്വിനാ॒വബ॑ധിരാ-വഭവതാമ് ।
ശ്രോ॒ത്ര॒സ്വീ ഹ॒ വാ അബ॑ധിരോ ഭവതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
അ॒ശ്വിഭ്യാ॒ഗ്॒ സ്വാഹാ᳚-ഽശ്വ॒യുഗ്ഭ്യാ॒ഗ്॒ സ്വാഹാ᳚ ।
ശ്രോത്രാ॑യ॒ സ്വാഹാ॒ ശ്രുത്യൈ॒ സ്വാഹേതി॑ ॥ 54 ॥
യ॒മോ വാ അ॑കാമയത ।
പി॒തൃ॒ണാഗ്മ് രാ॒ജ്യ-മ॒ഭിജ॑യേയ॒മിതി॑ ।
സ ഏ॒തം-യഁ॒മായാ॑പ॒ഭര॑ണീഭ്യശ്ച॒രു-ന്നിര॑വപത് ।
തതോ॒ വൈ സ പി॑തൃ॒ണാഗ്മ് രാ॒ജ്യമ॒ഭ്യ॑ജയത് ।
സ॒മാ॒നാനാഗ്മ്॑ ഹ॒ വൈ രാ॒ജ്യമ॒ഭിജ॑യതി ।
യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
യ॒മായ॒ സ്വാഹാ॑ ഽപ॒ഭര॑ണീഭ്യ॒-സ്സ്വാഹാ᳚ ।
രാ॒ജ്യായ॒ സ്വാഹാ॒ ഽഭിജി॑ത്യൈ സ്വാഹേതി॑ ॥ 55 ॥
അഥൈ॒തദ॑-മാ॒വാസ്യാ॑യാ॒ ആജ്യ॒-ന്നിർവ॑പതി ।
കാമോ॒ വാ അ॑മാവാ॒സ്യാ᳚ । കാമ॒ ആജ്യ᳚മ് । കാമേ॑നൈ॒വ കാമ॒ഗ്മ്॒ സമ॑ര്ധയതി । ക്ഷി॒പ്രമേ॑ന॒ഗ്മ്॒ സ കാമ॒ ഉപ॑നമതി । യേന॒ കാമേ॑ന॒ യജ॑തേ । സോ-ഽത്ര॑ ജുഹോതി । അ॒മാ॒വാ॒സ്യാ॑യൈ॒ സ്വാഹാ॒ കാമാ॑യ॒ സ്വാഹാ ഽഽഗ॑ത്യൈ॒ സ്വാഹേതി॑ ॥ 56 ॥
ബു॒ദ്ധ്നിയഃ॑ - പു॒ഷാ - ഽശ്വിനൌ॑ - യ॒മോ ദശ॑ദ॒ശാ - ഥൈ॒തദ॑ - മാവാ॒സ്യാ॑യാ അ॒ഷ്ടൌ പഞ്ച॑ദശ ) (അ. 5)
അനുവാകം 6 - ചാന്ദ്രമസാദീഷ്ടിബ്രാഹ്മണമ്
ച॒ന്ദ്രമാ॒ വാ അ॑കാമയത । അ॒ഹോ॒രാ॒ത്രാ-ന॑ര്ധമാ॒സാ-ന്മാസാ॑-നൃ॒തൂന്ഥ്- സം॑വഁഥ്സ॒ര-മാ॒പ്ത്വാ । ച॒ന്ദ്രമ॑സ॒-സ്സായു॑ജ്യഗ്മ് സലോ॒കതാ॑-മാപ്നുയാ॒മിതി॑ । സ ഏ॒ത-ഞ്ച॒ന്ദ്രമ॑സേ പ്രതീ॒ദൃശ്യാ॑യൈ പുരോ॒ഡാശ॒-മ്പഞ്ച॑ദശകപാല॒-ന്നിര॑വപത് ।
തതോ॒ വൈ സോ॑-ഽഹോരാ॒ത്രാ-ന॑ര്ധമാ॒സാ-ന്മാസാ॑-നൃ॒തൂന്-ഥ്സം॑വഁഥ്സ॒ര-മാ॒പ്ത്വാ ।
ച॒ന്ദ്രമ॑സ॒-സ്സായു॑ജ്യഗ്മ് സലോ॒കതാ॑മാപ്നോത് ।
അ॒ഹോ॒രാ॒ത്രാന്. ഹ॒ വാ അ॑ര്ധമാ॒സാ-ന്മാസാ॑ന്-ഋ॒തൂന്-ഥ്സം॑വഁഥ്സ॒ര-മാ॒പ്ത്വാ । ച॒ന്ദ്രമ॑സ॒-സ്സായു॑ജ്യഗ്മ് സലോ॒കതാ॑മാപ്നോതി । യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
ച॒ന്ദ്രമ॑സേ॒ സ്വാഹാ᳚ പ്രതീ॒ദൃശ്യാ॑യൈ॒ സ്വാഹാ᳚ ।
അ॒ഹോ॒രാ॒ത്രേഭ്യ॒-സ്സ്വാഹാ᳚ ഽര്ധമാ॒സേഭ്യ॒-സ്സ്വാഹാ᳚ ।
മാസേ᳚ഭ്യ॒-സ്സ്വാഹ॒ര്തുഭ്യ॒-സ്സ്വാഹാ᳚ । സം॒വഁ॒ഥ്സ॒രായ॒ സ്വാഹേതി॑ ॥ 57 ॥
അ॒ഹോ॒രാ॒ത്രേ വാ അ॑കാമയേതാമ് । അത്യ॑ഹോരാ॒ത്രേ മു॑ച്യേവഹി ।
ന നാ॑വഹോരാ॒ത്രേ ആ᳚പ്നുയാതാ॒മിതി॑ । തേ ഏ॒തമ॑ഹോ-രാ॒ത്രാഭ്യാ᳚-ഞ്ച॒രു-ന്നിര॑വപതാമ് । ദ്വ॒യാനാം᳚-വ്രീഁഹീ॒ണാമ് । ശു॒ക്ലാനാ᳚-ഞ്ച കൃ॒ഷ്ണാനാ᳚-ഞ്ച । സ॒വാ॒ത്യോര്ദു॒ഗ്ധേ । ശ്വേ॒തായൈ॑ ച കൃ॒ഷ്ണായൈ॑ ച ।
തതോ॒ വൈ തേ അത്യ॑ഹോരാ॒ത്രേ അ॑മുച്യേതേ ।
നൈനേ॑ അഹോരാ॒ത്രേ ആ᳚പ്നുതാമ് । അതി॑ ഹ॒ വാ അ॑ഹോരാ॒ത്രേ മു॑ച്യതേ । നൈന॑മഹോരാ॒ത്രേ ആ᳚പ്നുതഃ । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വംവേഁദ॑ ।
സോ-ഽത്ര॑ ജുഹോതി । അഹ്നേ॒ സ്വാഹാ॒ രാത്രി॑യൈ॒ സ്വാഹാ᳚ ।
അതി॑മുക്ത്യൈ॒ സ്വാഹേതി॑ ॥ 58 ॥
ഉ॒ഷാ വാ അ॑കാമയത । പ്രി॒യാ ഽഽദി॒ത്യസ്യ॑ സു॒ഭഗാ᳚ സ്യാ॒മിതി॑ । സൈതമു॒ഷസേ॑ ച॒രു-ന്നിര॑വപത് ।
തതോ॒ വൈ സാ പ്രി॒യാ ഽഽദി॒ത്യസ്യ॑ സു॒ഭഗാ॑ ഽഭവത് ।
പ്രി॒യോ ഹ॒ വൈ സ॑മാ॒നാനാഗ്മ്॑ സു॒ഭഗോ॑ ഭവതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । ഉ॒ഷസേ॒ സ്വാഹാ॒ വ്യു॑ഷ്ട്യൈ॒ സ്വാഹാ᳚ ।
വ്യൂ॒ഷുഷ്യൈ॒ സ്വാഹാ᳚ വ്യു॒ച്ഛന്ത്യൈ॒ സ്വാഹാ᳚ । വ്യു॑ഷ്ടായൈ॒ സ്വാഹേതി॑ ॥ 59 ॥
അഥൈ॒തസ്മൈ॒ നക്ഷ॑ത്രായ ച॒രു-ന്നിർവ॑പതി । യഥാ॒ ത്വ-ന്ദേ॒വാനാ॒മസി॑ । ഏ॒വമ॒ഹ-മ്മ॑നു॒ഷ്യാ॑ണാ-മ്ഭൂയാസ॒മിതി॑ । യഥാ॑ ഹ॒ വാ ഏ॒ത-ദ്ദേ॒വാനാ᳚മ് ।
ഏ॒വഗ്മ് ഹ॒ വാ ഏ॒ഷ മ॑നു॒ഷ്യാ॑ണാ-മ്ഭവതി । യ ഏ॒തേന॑ ഹ॒വിഷാ॒ യജ॑തേ । യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി । നക്ഷ॑ത്രായ॒ സ്വാഹോ॑ദേഷ്യ॒തേ സ്വാഹാ᳚ ।
ഉ॒ദ്യ॒തേ സ്വാഹോദി॑തായ॒ സ്വാഹാ᳚ । ഹര॑സേ॒ സ്വാഹാ॒ ഭര॑സേ॒ സ്വാഹാ᳚ । ഭ്രാജ॑സേ॒ സ്വാഹാ॒ തേജ॑സേ॒ സ്വാഹാ᳚ ।
തപ॑സേ॒ സ്വാഹാ᳚ ബ്രഹ്മവര്ച॒സായ॒ സ്വാഹേതി॑ ॥ 60 ॥
സൂര്യോ॒ വാ അ॑കാമയത । നക്ഷ॑ത്രാണാ-മ്പ്രതി॒ഷ്ഠാ സ്യാ॒മിതി॑ । സ ഏ॒തഗ്മ് സൂര്യാ॑യ॒ നക്ഷ॑ത്രേഭ്യശ്ച॒രു-ന്നിര॑വപത് ।
തതോ॒ വൈ സ നക്ഷ॑ത്രാണാ-മ്പ്രതി॒ഷ്ഠാ ഽഭ॑വത് ।
പ്ര॒തി॒ഷ്ഠാ ഹ॒ വൈ സ॑മാ॒നാനാ᳚-മ്ഭവതി ।
യ ഏ॒തേന॑ ഹ॒വിഷാ॒ യജ॑തേ ।
യ ഉ॑ ചൈനദേ॒വം-വേഁദ॑ । സോ-ഽത്ര॑ ജുഹോതി ।
സൂര്യാ॑യ॒ സ്വാഹാ॒ നക്ഷ॑ത്രേഭ്യ॒-സ്സ്വാഹാ᳚ । പ്ര॒തി॒ഷ്ഠായൈ॒ സ്വാഹേതി॑ ॥ 61 ॥
അഥൈ॒തമദി॑ത്യൈ ച॒രു-ന്നിർവ॑പതി । ഇ॒യം-വാഁ അദി॑തിഃ ।
അ॒സ്യാമേ॒വ പ്രതി॑ തിഷ്ഠതി । സോ-ഽത്ര॑ ജുഹോതി ।
അദി॑ത്യൈ॒ സ്വാഹാ᳚ പ്രതി॒ഷ്ഠായൈ॒ സ്വാഹേതി॑ ॥ 62 ॥
അഥൈ॒തം-വിഁഷ്ണ॑വേ ച॒രു-ന്നിർവ॑പതി । യ॒ജ്ഞോ വൈ വിഷ്ണുഃ॑ । യ॒ജ്ഞ ഏ॒വാന്ത॒തഃ പ്രതി॑ തിഷ്ഠതി । സോ-ഽത്ര॑ ജുഹോതി । വിഷ്ണ॑വേ॒ സ്വാഹാ॑ യ॒ജ്ഞായ॒ സ്വാഹാ᳚ । പ്ര॒തി॒ഷ്ഠായൈ॒ സ്വാഹേതി॑ ॥ 63 ॥
(ച॒ന്ദ്രമാഃ॒ പഞ്ച॑ദശാ - ഹോരാ॒ത്രേ സ॒പ്തദ॑ - ശോ॒ഷാ ഏകാ॑ദ॒ശാ - ഥൈ॒തസ്മൈ॒ നക്ഷ॑ത്തായ॒ ത്രയോ॑ദശ॒ - സൂര്യോ॒ ദശാ - ഥൈ॒തമദി॑ത്യൈ॒ പഞ്ചാ - ഥൈ॒തം-വിഁഷ്ണ॑വേ॒ ഷട്-ഥ്സ॒പ്ത) (അ. 6)
[സ॒വി॒താ-ഽഽശൂ॒നാം-വ്രീഁ ॑ഹീ॒ണാമിന്ദ്രോ॑ മ॒ഹാവ്രീ॑ഹീണാ॒മിന്ദ്രഃ॑ കൃ॒ഷ്ണാനോം᳚
ഁവ്രീഹീ॒ണാമ॑ഹോരാ॒ത്രേ ദ്വ॒യാനാം᳚-വ്രീഁഹീ॒ണാമ് । പി॒തര॒-ഷ്ഷട്ക॑പാലഗ്മ് സവി॒താ ദ്വാദ॑ശകപാലമിന്ദ്രാ॒ഗ്നീ ഏകാ॑ദശകപാല॒മിന്ദ്ര॒ ഏകാ॑ദശകപാല॒മിന്ദ്രോ॒ ദശ॑കപാലം॒-വിഁഷ്ണു॑സ്ത്രികപാ॒ലമഹി॒-ര്ഭൂമി॑കപാലമ॒ശ്വിനൌ᳚ ദ്വികപാ॒ല-ഞ്ച॒ന്ദ്രമാഃ॒ പഞ്ച॑ദശകപാല-മ॒ഗ്നിരത്വഷ്ടാ॒ വസ॑വോ॒-ഽഷ്ടാക॑പാലമ॒ന്യത്ര॑ ച॒രുമ് । രു॒ദ്രോ᳚-ഽര്യ॒മാ പൂ॒ഷാ പ॑ശു॒മാന്-ഥ്സ്യാ॒ഗ്മ്॒ സോമോ॑ രു॒ദ്രോ ബൃഹ॒സ്പതിഃ॒ പയ॑സി വാ॒യുഃ പയ॒-സ്സോമോ॑ വാ॒യുരി॑ന്ദ്രാ॒ഗ്നീ മി॒ത്ര ഇന്ദ്ര॒ ആപോ॒ ബ്രഹ്മ॑ യ॒മോ॑-ഽഭിജി॑ത്യൈ॒ ത്വഷ്ടാ᳚ പ്ര॒ജാപ॑തിഃ പ്ര॒ജായൈ॑ പൌര്ണമാ॒സ്യാ അ॑മാവാ॒സ്യാ॑യാ॒ ആഗ॑ത്യൈ॒ വിശ്വേ॒ ജിത്യാ॑
അ॒ശ്വിനൌ॒ ശ്രുത്യൈ᳚ । ബ്രഹ്മ॒ തദേ॒തം-വിഁഷ്ണു॒-സ്സ ഏ॒തം-വാഁ॒യു-സ്സ ഏ॒തദാപ॒സ്താഃ । പി॒തരോ॒ വിശ്വേ॒ വസ॑വോ-ഽകാമയന്ത॒മേതി॒ ത ഏ॒ത-ന്നിര॑വപന്ന് । ആപോ॑-ഽകാമയന്ത॒ മേതി॒ താ ഏ॒ത-ന്നിര॑വപന്ന് । ഇ॒ന്ദ്രാ॒ഗ്നീ അ॒ശ്വിനാ॑വകാമയേതാം॒-വേഁതി॒ താവേ॒ത-ന്നിര॑വപദാമ് । അ॒ഹോ॒രാ॒ത്രേ വാ അ॑കാമയേതാ॒മിതി॒ തേ ഏ॒ത-ന്നിര॑വപതാമ് ।
അ॒ന്യത്രാ॑കാമയത॒മിതി॒ സ ഏ॒ത-ന്നിര॑വപത് । ഇ॒ന്ദ്രാ॒ഗ്നീ ശ്രൈഷ്ഠ്യ॒മിന്ദ്രോ॒ ജ്യൈഷ്ഠ്യ॒മിന്ദ്രോ॑ ദൃ॒ഢഃ ।
ആഹി॒-സ്സൂര്യോ-ഽദി॑ത്യൈ॒ വിഷ്ണ॑വേ പ്രതി॒ഷ്ഠായൈ᳚ ।
സോമോ॑ യ॒മ-സ്സ॑മാ॒നാനാ᳚മ് । അ॒ഗ്നിര്നോ॑ രീരിഷദ॒ന്യത്ര॑ രീരിഷഃ]
[വി॒ദുഷോ॑ ഹ॒വിഷാ॒ യ ഉ॑ ചൈനദേ॒വം-വേഁദ॑ । ഇഷ്ടി॑ഭി॒ര്യ ഉ॑ ചൈനാ ഏ॒വം-വേഁദ॑ ।
അ॒ന്യത്ര॑ ബ്രാഹ്മ॒ണേ യ ഉ॑ ചൈനമേ॒വം-വേഁദ॑ ]
ഫ്രപാതക ഖോർവൈ വി-ഥ്സ്തര്തിന്ഗ് ഫദമ്സ് ഒf 1 തൊ 6 ആനുവാകമ്സ് ഃ-
(അ॒ഗ്നിര്ന॑-ഋ॒ദ്ധ്യാസ്മ॒-നവോ॑നവോ॒-ഽഗ്നി-ര്മി॒ത്ര - ശ്ച॒ന്ദ്രമാ॒-ഷ്ഷട്)
(അ॒ഗ്നിര്ന॒ - സ്തന്നോ॑ വാ॒യു - രഹി॑ര്ബൂ॒ദ്ധ്നിയ॑ - ഋ॒ക്ഷാ വാ ഇ॒യ - മഥൈ॒ത-ത്പൌ᳚ര്ണമാ॒സ്യാ - അ॒ജോ വാ ഏക॑പാ॒ഥ് - സൂര്യ॒ സ്ത്രിഷ॑ഷ്ടിഃ)
(അ॒ഗ്നിര്നഃ॑ - പാതു പ്രതി॒ഷ്ഠായൈ॒ സ്വാഹേതി॑ )
॥ ഹരിഃ॑ ഓമ് ॥
॥ കൃഷ്ണ യജുർവേദീയ തൈത്തിരീയ ബ്രാഹ്മണേ തൃതീയാഷ്ടകേ പ്രഥമഃ പ്രപാഠക-സ്സമാപ്തഃ ॥
