śrīrāmasaumitrijaṭāyuvēda ṣaḍānanāditya kujārchitāya ।
śrīnīlakaṇṭhāya dayāmayāya śrīvaidyanāthāya namaḥśivāya ॥ 1॥
śambhō mahādēva śambhō mahādēva śambhō mahādēva śambhō mahādēva ।
śambhō mahādēva śambhō mahādēva śambhō mahādēva śambhō mahādēva ॥
gaṅgāpravāhēndu jaṭādharāya trilōchanāya smara kālahantrē ।
samasta dēvairabhipūjitāya śrīvaidyanāthāya namaḥ śivāya ॥ 2॥
(śambhō mahādēva)
bhaktaḥpriyāya tripurāntakāya pinākinē duṣṭaharāya nityam ।
pratyakṣalīlāya manuṣyalōkē śrīvaidyanāthāya namaḥ śivāya ॥ 3॥
(śambhō mahādēva)
prabhūtavātādi samastarōga pranāśakartrē munivanditāya ।
prabhākarēndvagni vilōchanāya śrīvaidyanāthāya namaḥ śivāya ॥ 4॥
(śambhō mahādēva)
vāk śrōtra nētrāṅghri vihīnajantōḥ vākśrōtranētrāṅghrisukhapradāya ।
kuṣṭhādisarvōnnatarōgahantrē śrīvaidyanāthāya namaḥ śivāya ॥ 5॥
(śambhō mahādēva)
vēdāntavēdyāya jaganmayāya yōgīśvaradyēya padāmbujāya ।
trimūrtirūpāya sahasranāmnē śrīvaidyanāthāya namaḥ śivāya ॥ 6॥
(śambhō mahādēva)
svatīrthamṛdbhasmabhṛtāṅgabhājāṃ piśāchaduḥkhārtibhayāpahāya ।
ātmasvarūpāya śarīrabhājāṃ śrīvaidyanāthāya namaḥ śivāya ॥ 7॥
(śambhō mahādēva)
śrīnīlakaṇṭhāya vṛṣadhvajāya srakgandha bhasmādyabhiśōbhitāya ।
suputradārādi subhāgyadāya śrīvaidyanāthāya namaḥ śivāya ॥ 8॥
(śambhō mahādēva)
bālāmbikēśa vaidyēśa bhavarōga harēti cha ।
japēnnāmatrayaṃ nityaṃ mahārōganivāraṇam ॥ 9॥
(śambhō mahādēva)
॥ iti śrī vaidyanāthāṣṭakam ॥
