𑌸𑍁𑌂𑌦𑌰𑌕𑌾𑌂𑌡 𑌪𑍍𑌰𑌾𑌰𑍍𑌥𑌨𑌾 𑌶𑍍𑌲𑍋𑌕𑌾𑌃

𑌵𑌂𑌦𑍇 𑌵𑌾𑌨𑌰-𑌨𑌾𑌰𑌸𑌿𑌂𑌹-𑌖𑌗𑌰𑌾𑌟𑍍-𑌕𑍍𑌰𑍋𑌡𑌾𑌶𑍍𑌵𑌵𑌕𑍍𑌤𑍍𑌰𑌾𑌂𑌚𑌿𑌤𑌂
𑌨𑌾𑌨𑌾𑌲𑌂𑌕𑌰𑌣𑌂 𑌤𑍍𑌰𑌿𑌪𑌂𑌚𑌨𑌯𑌨𑌂 𑌦𑍇𑌦𑍀𑌪𑍍𑌯𑌮𑌾𑌨𑌂 𑌰𑍁𑌚𑌾𑌮𑍍 ।
𑌹𑌸𑍍𑌤𑌾𑌭𑍈𑌰𑌸𑌿𑌖𑍇𑌟𑌪𑍁𑌸𑍍𑌤𑌕𑌸𑍁𑌧𑌾𑌭𑌾𑌂𑌡𑌂 𑌕𑍁𑌶𑌾𑌦𑍍𑌰𑍀𑌨𑍍 𑌹𑌲𑌂
𑌖𑌟𑍍𑌵𑌾𑌂𑌗𑌂 𑌫𑌣𑌿𑌵𑍃𑌕𑍍𑌷𑌧𑍃𑌦𑍍𑌦𑌶𑌭𑍁𑌜𑌂 𑌸𑌰𑍍𑌵𑌾𑌰𑌿𑌗𑌰𑍍𑌵𑌾𑌪𑌹𑌮𑍍 ॥

𑌸𑌰𑍍𑌵𑌾𑌰𑌿𑌷𑍍𑌟𑌨𑌿𑌵𑌾𑌰𑌕𑌂 𑌶𑍁𑌭𑌕𑌰𑌂 𑌪𑌿𑌂𑌗𑌾𑌕𑍍𑌷𑌮𑌕𑍍𑌷𑌾𑌪𑌹𑌂
𑌸𑍀𑌤𑌾𑌨𑍍𑌵𑍇𑌷𑌣𑌤𑌤𑍍𑌪𑌰𑌂 𑌕𑌪𑌿𑌵𑌰𑌂 𑌕𑍋𑌟𑍀𑌂𑌦𑍁𑌸𑍂𑌰𑍍𑌯𑌪𑍍𑌰𑌭𑌮𑍍 ।
𑌲𑌂𑌕𑌾𑌦𑍍𑌵𑍀𑌪𑌭𑌯𑌂𑌕𑌰𑌂 𑌸𑌕𑌲𑌦𑌂 𑌸𑍁𑌗𑍍𑌰𑍀𑌵𑌸𑌮𑍍𑌮𑌾𑌨𑌿𑌤𑌂
𑌦𑍇𑌵𑍇𑌂𑌦𑍍𑌰𑌾𑌦𑌿 𑌸𑌮𑌕𑍍𑌤𑌦𑍇𑌵𑌵𑌿𑌨𑍁𑌤𑌂 𑌕𑌾𑌕𑍁𑌤𑍍𑌥𑌦𑍂𑌤𑌂 𑌭𑌜𑍇 ॥

𑌬𑍁𑌦𑍍𑌧𑌿𑌰𑍍𑌬𑌲𑌂 𑌯𑌶𑍋 𑌧𑍈𑌰𑍍𑌯𑌂 𑌨𑌿𑌰𑍍𑌭𑌯𑌤𑍍𑌵𑌮𑌰𑍋𑌗𑌤𑌾 ।
𑌅𑌜𑌾𑌡𑍍𑌯𑌂 𑌵𑌾𑌕𑍍𑌪𑌟𑍁𑌤𑍍𑌵𑌂 𑌚 𑌹𑌨𑍁𑌮𑌚𑍍𑌛𑌰𑌣𑌾𑌦𑍍𑌭𑌵𑍇𑌤𑍍 ॥

𑌨𑌮𑍋𑌽𑌸𑍍𑌤𑍁𑌰𑌾𑌮𑌾𑌯 𑌸𑌲𑌕𑍍𑌷𑍍𑌮𑌣𑌾𑌯 𑌦𑍇𑌵𑍍𑌯𑍈 𑌚 𑌤𑌸𑍍𑌯𑍈 𑌜𑌨𑌕𑌾𑌤𑍍𑌮𑌜𑌾𑌯𑍈 ।
𑌨𑌮𑍋𑌽𑌸𑍍𑌤𑍁 𑌰𑍁𑌦𑍍𑌰𑍇𑌂𑌦𑍍𑌰𑌯𑌮𑌾𑌨𑌿𑌲𑍇𑌭𑍍𑌯𑍋 𑌨𑌮𑍋𑌽𑌸𑍍𑌤𑍁 𑌚𑌂𑌦𑍍𑌰𑌾𑌰𑍍𑌕𑌮𑌰𑍁𑌦𑍍𑌗𑌣𑍇𑌭𑍍𑌯𑌃 ॥

𑌜𑌯𑌤𑍍𑌯𑌤𑌿𑌬𑌲𑍋 𑌰𑌾𑌮𑍋 𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌬𑌲𑌃 ।
𑌰𑌾𑌜𑌾 𑌜𑌯𑌤𑌿 𑌸𑍁𑌗𑍍𑌰𑍀𑌵𑍋 𑌰𑌾𑌘𑌵𑍇𑌣𑌾𑌭𑌿𑌪𑌾𑌲𑌿𑌤𑌃 ॥

𑌦𑌾𑌸𑍋𑌽𑌹𑌂 𑌕𑍋𑌸𑌲𑍇𑌂𑌦𑍍𑌰𑌸𑍍𑌯 𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌹𑌨𑍁𑌮𑌾𑌨𑍍 𑌶𑌤𑍍𑌰𑍁𑌸𑍈𑌨𑍍𑌯𑌾𑌨𑌾𑌂 𑌨𑌿𑌹𑌂𑌤𑌾 𑌮𑌾𑌰𑍁𑌤𑌾𑌤𑍍𑌮𑌜𑌃 ॥

𑌨 𑌰𑌾𑌵𑌣𑌸𑌹𑌸𑍍𑌰𑌂 𑌮𑍇 𑌯𑍁𑌦𑍍𑌧𑍇 𑌪𑍍𑌰𑌤𑌿𑌬𑌲𑌂 𑌭𑌵𑍇𑌤𑍍 ।
𑌶𑌿𑌲𑌾𑌭𑌿𑌸𑍍𑌤𑍁 𑌪𑍍𑌰𑌹𑌰𑌤𑌃 𑌪𑌾𑌦𑌪𑍈𑌶𑍍𑌚 𑌸𑌹𑌸𑍍𑌰𑌶𑌃 ॥

𑌅𑌰𑍍𑌦𑌯𑌿𑌤𑍍𑌵𑌾 𑌪𑍁𑌰𑍀𑌂 𑌲𑌂𑌕𑌾𑌂 𑌅𑌭𑌿𑌵𑌾𑌦𑍍𑌯 𑌚 𑌮𑍈𑌥𑌿𑌲𑍀𑌮𑍍 ।
𑌸𑌮𑍃𑌦𑍍𑌧𑌾𑌰𑍍𑌥𑍋 𑌗𑌮𑌿𑌷𑍍𑌯𑌾𑌮𑌿 𑌮𑌿𑌷𑌤𑌾𑌂 𑌸𑌰𑍍𑌵𑌰𑌕𑍍𑌷𑌸𑌾𑌮𑍍 ॥

𑌧𑌰𑍍𑌮𑌾𑌤𑍍𑌮𑌾 𑌸𑌤𑍍𑌯𑌸𑌂𑌧𑌶𑍍𑌚 𑌰𑌾𑌮𑍋 𑌦𑌾𑌶𑌰𑌥𑌿𑌰𑍍𑌯𑌦𑌿 ।
𑌪𑍌𑌰𑍁𑌷𑍇 𑌚𑌾𑌪𑍍𑌰𑌤𑌿𑌦𑍍𑌵𑌂𑌦𑍍𑌵𑌃 𑌶𑌰𑍈𑌨𑌂 𑌜𑌹𑌿 𑌰𑌾𑌵𑌣𑌿𑌮𑍍 ॥

𑌸𑌕𑍃𑌦𑍇𑌵 𑌪𑍍𑌰𑌪𑌨𑍍𑌨𑌾𑌯 𑌤𑌵𑌾𑌸𑍍𑌮𑍀𑌤𑌿 𑌚 𑌯𑌾𑌚𑌤𑍇 ।
𑌅𑌭𑌯𑌂 𑌸𑌰𑍍𑌵𑌭𑍂𑌤𑍇𑌭𑍍𑌯𑌃 𑌦𑌦𑌾𑌮𑍍𑌯𑍇𑌤𑌦𑍍𑌵𑍍𑌰𑌤𑌂 𑌮𑌮 ॥

𑌇𑌤𑌿 𑌸𑍁𑌂𑌦𑌰𑌕𑌾𑌂𑌡 𑌪𑍍𑌰𑌾𑌰𑍍𑌥𑌨𑌾 𑌶𑍍𑌲𑍋𑌕𑌾𑌃 𑌸𑌮𑌾𑌪𑍍𑌤𑌾 ।

Browse Related Categories: