ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚಾಧಿಕಶತತಮಸ್ಸರ್ಗಃ ।
ಸ ತೇನತುತದಾಕ್ರೋಧಾತ್ಕಾಕುತ್ಸ್ಥೇನಾರ್ದಿತೋರಣೇ ।
ರಾವಣಸ್ಸಮರಶ್ಲಾಘಿಮಹಾಕ್ರೋಧಾಮುಪಾಗಮತ್ ॥ 1 ॥
ಸ ದೀಪ್ತನಯನೋರೋಷಾಚ್ಚಾಪಮಾಯಾಮ್ಯವೀರ್ಯವಾನ್ ।
ಅಭ್ಯರ್ದಯತ್ಸುಸಂಕೃದ್ಧೋರಾಘವಂಪರಮಾಹವೇ ॥ 2 ॥
ರಾಮ ರಾಮ ಮಹಾಬಾಹೋ ಶೃಣು ಗುಹ್ಯಂ ಸನಾತನಮ್ ।
ಯೇನ ಸರ್ವಾನರೀನ್ವತ್ಸ ಸಮರೇ ವಿಜಯಿಷ್ಯಸೇ ॥ 3 ॥
ಪೂರಿತಃಶರಜಾಲೇನಧನುರ್ಮುಕ್ತೇನಸಮ್ಯುಗೇ ।
ಮಹಾಗಿರಿರಿವಾಕಂಪ್ಯಃಕಾಕುತ್ಸ್ಥೋ ನ ಪ್ರಕಂಪತೇ ॥ 4 ॥
ಸ ಶರೈಶ್ಶರಜಾಲಾನಿವಾರಯನ್ ಸಮರೇಸ್ಥಿತಃ ।
ಗಭಸ್ತೀನಿವಸೂರ್ಯಸ್ಯಪ್ರತಿಜಗ್ರಾಹವೀರ್ಯವಾನ್ ॥ 5 ॥
ತತಶ್ಶರಸಹಸ್ರಾಣಿಕ್ಷಿಪ್ರಹಸ್ತೋನಿಶಾಚರಃ ।
ನಿಜಘಾನೋರಸಿಕ್ರುದ್ಧೋರಾಘವಸ್ಯಮಹಾತ್ಮನಃ ॥ 6 ॥
ಸರ್ವದೇವಾತ್ಮಕೋ ಹ್ಯೇಷ ತೇಜಸ್ವೀ ರಶ್ಮಿಭಾವನಃ ।
ಏಷ ದೇವಾಸುರಗಣಾನ್ ಲೋಕಾನ್ ಪಾತಿ ಗಭಸ್ತಿಭಿಃ ॥ 7 ॥
ಶರಾಭಿಘಾತಸಮ್ರಬ್ದಃಸೋಽಭಿಜಗ್ರಾಹಸಾಯಕಾನ್ ।
ಕಾಕುತ್ಸ್ಥಃ ಸುಮಹಾತೇಜಾಯುಗಾಂತಾದಿತ್ಯತೇಜಸಃ ॥ 8 ॥
ತತೋಽನ್ಯೋನ್ಯಂಸುಸಮ್ರಬ್ಧೌತಾವುಭೌರಾಮರಾವಣೌ ।
ಶರಾಂಧಕಾರೇಸಮರೇನೋಪಲಕ್ಷ್ಯತಾಂತದಾ ॥ 9 ॥
ತತಃಕ್ರೋಧಸಮಾವಿಷ್ಟೋರಾಮೋದಶರಥಾತ್ಮಜಃ ।
ಉವಾಚರಾವಣಂವೀರಃಪ್ರಹಸ್ಯಪರುಷಂವಚಃ ॥ 10 ॥
ಮಮಭಾರ್ಯಾಜನಸ್ಥಾನಾದಜ್ಞಾನಾದ್ರಾಕ್ಷಸಾಧಮ ।
ಹೃತಾತೇವಿವಶಾಯಸ್ಮಾತ್ತಸ್ಮಾತ್ತ್ವಂನಾಸಿವೀರ್ಯವಾನ್ ॥ 11 ॥
ಮಯಾವಿರಹಿತಾಂದೀನಾಂವರ್ತಮಾನಾಂಮಹಾವನೇ ।
ವೈದೇಹೀಂಪ್ರಸಭಂಹೃತ್ವಾಶೂರೋಽಹಮಿತಿಮನ್ಯಸೇ ॥ 12 ॥
ಸ್ತ್ರೀಷುಶೂರವಿನಾಥಾಸುಪರದಾರಾಭಿಮರ್ಶಕ ।
ಕೃತ್ವಾಕಾಪುರುಷಂಕರ್ಮಶೂರೋಽಹಮಿತಿಮನ್ಯಸೇ ॥ 13 ॥
ಭಿನ್ನಮರ್ಯಾದನಿರ್ಲಜ್ಜ ಚಾರಿತ್ರೇಷ್ವನವಸ್ಥಿತ ।
ದರ್ಪಾನ್ಮೃತ್ಯುಮುಪಾದಾಯಶೂರೋಽಹಮಿತಿಮನ್ಯಸೇ ॥ 14 ॥
ಶೂರೇಣಧನದಭ್ರಾತ್ರಾಬಲೈಃಸಮುದಿತೇನ ಚ ।
ಶ್ಲಾಘನೀಯಂಮಹತ್ಕರ್ಮಯಶಸ್ಯಂ ಚ ಕೃತಂತ್ವಯಾ ॥ 15 ॥
ಉತ್ಸೇಕಾನಾಭಿಪನ್ನಸ್ಯಗರ್ಹಿತಸ್ಯಾಹಿತಸ್ಯ ಚ ।
ಕರ್ಮಣಃಪ್ರಾಪ್ನುಹೀದಾನಾಂತಸ್ಯಾದ್ಯಸುಮಹತ್ಫಲಮ್ ॥ 16 ॥
ಶೂರೋಽಹಮಿತಿಚಾತ್ಮಾನಮವಗಚ್ಛಸಿದುರ್ಮತೇ ।
ನೈವಲಜ್ಜಾಸ್ತಿತೇಸೀತಾಂಚೌರವದ್ವೃಪಕರ್ಷತಃ ॥ 17 ॥
ಯದಿಮತ್ಸನ್ನಿಧೌಸೀತಾಧರ್ಷಿತಾಸ್ಯಾತ್ತ್ವಯಾಬಲಾತ್ ।
ಭ್ರಾತರಂತುಖರಂಪಶ್ಯೇಸ್ತದಾಮತ್ಸಾಯಕೈರ್ಹತಃ ॥ 18 ॥
ದಿಷ್ಟ್ಯಾಸಿಮಮದುಷ್ಟಾತ್ಮಶ್ಚಕ್ಷುರ್ವಿಷಯಮಾಗತಃ ।
ಅದ್ಯತ್ವಾಂಸಾಯಕೈಸ್ತೀಕ್ಷ್ಣೈರ್ನಯಾಮಿಯಮಸಾದನಮ್ ॥ 19 ॥
ಅದ್ಯತೇಮಚ್ಛರೈಶ್ಚಿನ್ನಂಶಿರೋಜ್ವಲಿತಕುಂಡಲಮ್ ।
ಕ್ರವ್ಯಾದಾವ್ಯಪಕರ್ಷಂತುವಿಕೀರ್ಣಂರಣಪಾಂಸುಷು ॥ 20 ॥
ನಿಪತ್ಯೋರಸಿಗೃಧ್ರಾಸ್ತೇಕ್ಷಿತೌಕ್ಷಿಪ್ತಸ್ಯರಾವಣ ।
ಪಿಬಂತುರುಧಿರಂತರ್ಷಾದ್ಬಾಣಶಲ್ಯಾಂತರೋತ್ಥಿತಮ್ ॥ 21 ॥
ನಾಶಯತ್ಯೇಷ ವೈ ಭೂತಂ ತದೇವ ಸೃಜತಿ ಪ್ರಭುಃ ।
ಪಾಯತ್ಯೇಷ ತಪತ್ಯೇಷ ವರ್ಷತ್ಯೇಷ ಗಭಸ್ತಿಭಿಃ ॥ 22 ॥
ಇತ್ಯೇವಂ ಸ ವದನ್ವೀರೋರಾಮಶ್ಶತ್ರುನಿಬರ್ಹಣಃ ।
ರಾಕ್ಷಸೇಂದ್ರಂಸಮೀಪಸ್ಥಂಶರವರ್ಷೈರವಾಕಿರತ್ ॥ 23 ॥
ಬಭೂವದ್ವಿಗುಣಂವೀರ್ಯಂಬಲಂಹರ್ಷಶ್ಚಸಂಯುಗೇ ।
ರಾಮಸ್ಯಾಸ್ತ್ರಬಲಂಚೈವಶತ್ರೋರ್ನಿಧನಕಾಂಕ್ಷಿಣಃ ॥ 24 ॥
ಪ್ರಾದುರ್ಭಭೂವುರಸ್ತ್ರಾಣಿಸರ್ವಾಣಿವಿದಿತಾತ್ಮನಃ ।
ಪ್ರಹರ್ಷಾಚ್ಚಮಹಾತೇಜಾಶ್ಶೀಘ್ರಹಸ್ತತರೋಽಭವತ್ ॥ 25 ॥
ಶುಭಾನ್ಯೇತಾನಿಚಿಹ್ನಾನಿವಿಜ್ಞಾಯಾತ್ಮಗತಾನಿಸಃ ।
ಭೂಯಏವಾರ್ದಯದ್ರಾಮೋರಾವಣಂರಾಕ್ಷಸಾಂತಕೃತ್ ॥ 26 ॥
ಹರೀಣಾಂಚಾಶ್ಮನಿಕರೈಶ್ಶರವರ್ಷಾಚ್ಚರಾಘವಾತ್ ।
ಹನ್ಯಮಾನೋದಶಗ್ರೀವೋವಿಘೂರ್ಣಹೃದಯೋಽಭವತ್ ॥ 27 ॥
ಯದಾ ಚ ಶಸ್ತ್ರಂನಾರೇಭೇ ನ ಚಕರ್ಷಶರಾಸನಮ್ ।
ನಾಸ್ಯಪ್ರತ್ಯಕರೋವದೀರ್ಯಂವಿಕ್ಲಬೇನಾಂತರಾತ್ಮನಾ ॥ 28 ॥
ಕ್ಷಿಪ್ತಾಃಶ್ಚಾಶುಶರಾಸ್ತೇನಶಸ್ತ್ರಾಣಿವಿವಿಧಾನಿ ಚ ।
ಮರಣಾರ್ಥಾಯವರ್ತಂತೇಮೃತ್ಯುಕಾಲೋಽಭ್ಯವರ್ತತ ॥ 29 ॥
ಸೂತಸ್ತುರಥನೇತಾಸ್ಯತದವಸ್ಥಂನಿರೀಕ್ಷ್ಯತಮ್ ।
ಶನೈರ್ಯುದ್ಧಾಸಂಭ್ರಾಂತೋರಥಂತಸ್ಯಾಪವಾಹಯತ್ ॥ 30 ॥
ರಥಂ ಚ ತಸ್ಯಾಥಜವೇನಸಾಥಿರ್ನಿವಾರ್ಯಭೀಮಂಜಲದಸ್ವನಂತದಾ ।
ಜಗಾಮಭೀತ್ಯಾಸಮರಾನ್ಮಹೀಪತಿಂನಿರಸ್ತವೀರ್ಯಂಪತಿತಂಸಮೀಕ್ಷ್ಯ ॥ 31 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚಾಧಿಕಶತತಮಸ್ಸರ್ಗಃ ॥
