ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದ್ವಿಷಷ್ಟಿತಮಸ್ಸರ್ಗಃ ।
ಸ ತುರಾಕ್ಷಸಶಾರ್ದೂಲೋನಿದ್ರಾಮದಸಮಾಕುಲಃ ।
ರಾಜಮಾರ್ಗಂಶ್ರಿಯಾಜುಷ್ಟಂಯಯೌವಿಪುಲವಿಕ್ರಮಃ ॥ 1 ॥
ರಾಕ್ಷಸಾನಾಂಸಹಸ್ರೈಶ್ಚವೃತಃಪರಮದುರ್ಜಯಃ ।
ಗೃಹೇಭ್ಯಃಪುಷ್ಪವರ್ಷೇಣಕೀರ್ಯಮಾಣಸ್ತದಾಯಯೌ ॥ 2 ॥
ಸ ಹೇಮಜಾಲವಿತತಂಭಾನುಭಾಸ್ವರದರ್ಶನಮ್ ।
ದದರ್ಶವಿಪುಲಂರಮ್ಯಂರಾಕ್ಷಸೇಂದ್ರನಿವೇಶನಮ್ ॥ 3 ॥
ಸ ತತ್ತದಾ ಸೂರ್ಯ ಇವಾಭ್ರಜಾಲಮ್ ।
ಪ್ರವಿಶ್ಯ ರಕ್ಷೋಧಿಪತೇರ್ನಿವೇಶನಮ್ ।
ದದರ್ಶ ದೂರೇಽಗ್ರಜಮಾಸನಸ್ಥಮ್ ।
ಸ್ವಯಂಭುವಂ ಶಕ್ರ ಇವಾಸನಸ್ಥಮ್ ॥ 4 ॥
ಭ್ರಾತುಸ್ಸಭವನಂಗಚ್ಛನ್ರಕ್ಷೋಗಣಸಮನ್ವಿಮ್ ।
ಕುಂಭಕರ್ಣಃಪದನ್ಯಾಸೈರಕಂಪಯತಮೇದಿನೀಮ್ ॥ 5 ॥
ಸೋಽಭಿಗಮ್ಯಗೃಹಂಭ್ರಾತುಃಕಕ್ಷ್ಯಾಮಭಿವಿಗಾಹ್ಯ ಚ ।
ದದರ್ಶೋದ್ವಿಗನ್ನಮಾಸೀನಂವಿಮಾನೇಪುಷ್ಪಕೇಗುರುಮ್ ॥ 6 ॥
ಅಥದೃಷ್ಟವಾದಶಗ್ರೀವಃಕುಂಭಕರ್ಣಮುಪಸ್ಥಿತಮ್ ।
ತೂರ್ಣಮುತ್ಥಾಯಸಂಹೃಷ್ಟಃಸನ್ನಿಕರ್ಷಮುಪಾನಯತ್ ॥ 7 ॥
ಅಥಾಸೀನಸ್ಯಪರ್ಯಂಕೇಕುಂಭಕರ್ಣೋಮಹಾಬಲಃ ।
ಭ್ರಾತುರ್ವವಂದೇಚರಣೌಕಿಂಕೃತ್ಯಮಿತಿಚಾಬ್ರವೀತ್ ॥ 8 ॥
ಉತ್ಪತ್ಯಚೈನಂಮುದಿತೋರಾವಣಃಪರಿಷಸ್ವಜೇ ।
ಸ ಭ್ರಾತ್ರಾಸಂಪರಿಷ್ವಕ್ತೋಯಥಾವಚ್ಛಾಭಿನಂದಿತಃ ॥ 9 ॥
ಕುಂಭಕರ್ಣಶ್ಶುಭಂದಿವ್ಯಂಪ್ರತಿಪೇದೇವರಾಸನಮ್ ।
ಸ ತದಾಸನಮಾಶ್ರಿತ್ಯಕುಂಭಕರ್ಣೋಮಹಾಬಲಃ ॥ 10 ॥
ಸಂರಕ್ತನಯನಃಕ್ರೋಧಾದ್ರಾವಣಂವಾಕ್ಯಮಬ್ರವೀತ್ ।
ಕಿಮರ್ಥಮಹಮಾದೃತ್ಯತ್ವಯಾರಾಜನ್ವಿಬೋಧಿತಃ ॥ 11 ॥
ಶಂಸಕಸ್ಮಾದ್ಭಯಂತೇಽತ್ರಕೋಽದ್ಯಪ್ರೇತೋಭವಿಷ್ಯತಿ ।
ಭ್ರಾತರಂರಾವಣಃಕ್ರುದ್ಧಂಕುಂಭಕರ್ಣಮವಸ್ಥಿತಮ್ ॥ 12 ॥
ಈಷತ್ತುಪರಿವೃತ್ತಾಭ್ಯಾಂನೇತ್ರಾಭ್ಯಾಂವಾಕ್ಯಮಬ್ರವೀತ್ ।
ಅದ್ಯತೇಸುಮಹಾನ್ಕಾಲಶ್ಶಯಾನಸ್ಯಮಹಾಬಲ ॥ 13 ॥
ಸುಖಿತಸ್ತ್ವಂ ನ ಜಾನೀಷೇಮಮರಾಮಕೃತಂಭಯಮ್ ।
ಏಷದಾಶರಥೀರಾಮಃಸುಗ್ರೀವಸಹಿತೋಬಲೀ ॥ 14 ॥
ಸಮುದ್ರಂಸಬಲಸ್ತೀರ್ತ್ವಾಮೂಲಂನಃಪರಿಕೃಂತತಿ ।
ಹಂತಪಶ್ಯಸ್ವಲಂಕಾಯಾವನಾನ್ಯುಪವನಾನಿ ಚ ॥ 15 ॥
ಸೇತುನಾಸುಖಮಾಗಮ್ಯವಾನರೈಕಾರ್ಣವೀಕೃತಮ್ ।
ಯೇರಾಕ್ಷಸಾಮುಖ್ಯತಮಾಹತಾಸ್ತೇವಾನರೈರ್ಯುಧಿ ॥ 16 ॥
ವಾನರಾಣಾಂಕ್ಷಯಂಯುದ್ಧೇ ನ ಪಶ್ಯಾಮಿಕದಾಚನ ।
ನಚಾಪಿವಾನರಾಯುದ್ಧೇಜಿತಪೂರ್ವಾಃಕದಾಚನ ॥ 17 ॥
ತದೇತದ್ಭಯಮುತ್ಪನ್ನಂತ್ರಾಯಸ್ವೇಮಾಂಮಹಬಲ ।
ನಾಶಯತ್ವಮಿಮಾನದ್ಯತದರ್ಥಂಬೋಧಿತೋಭವಾನ್ ॥ 18 ॥
ಸರ್ವಕ್ಷಪಿತಕೋಶಂ ಚ ಸ ತ್ವಮಭ್ಯವಪದ್ಯಮಾಮ್ ।
ತ್ರಾಯಸ್ವೇಮಾಂಪುರೀಂಲಂಕಾಂಬಾಲವೃದ್ಧಾವಶೇಷಿತಾಮ್ ॥ 19 ॥
ಭ್ರಾತುರರ್ಥೇಮಹಾಬಾಹೋ ಕುರುಕರ್ಮಸುದುಷ್ಕರಮ್ ।
ಮಯೈವಂನೋಕ್ತಪೂರ್ವೋಹಿಕಶ್ಚಿದ್ಭ್ರಾತಃ ಪರಂತಪ ॥ 20 ॥
ತ್ವಯ್ಯಸ್ತಿಮಮಸ್ನೇಹಃಪರಾಸಂಭಾವನಾ ಚ ಮೇ ।
ದೈವಾಸುರೇಷುಯುದ್ಧೇಷುಬಹುಶೋರಾಕ್ಷಸರ್ಷಭ ॥ 21 ॥
ತ್ವಯಾದೇವಾಃಪ್ರತಿವ್ಯೂಹ್ಯನಿರ್ಜಿತಾಶ್ಚಾಸುರಾಯುಧಿ ।
ತದೇತತ್ಸರ್ವಮಾತಿಷ್ಠವೀರ್ಯಂಭೀಮಪರಾಕ್ರಮ ॥ 22 ॥
ನ ಹಿ ತೇ ಸರ್ವಭೂತೇಷು ದೃಶ್ಯತೇ ಸದೃಶೋ ಬಲೀ ।
ಕುರುಷ್ವ ಮೇ ಪ್ರಿಯಹಿತಮೇತದುತ್ತಮಮ್ ।
ಯಥಾಪ್ರಿಯಂ ಪ್ರಿಯರಣ ಬಾಂಧವಪ್ರಿಯ ।
ಸ್ವತೇಜಸಾ ವಿಧಮ ಸಪತ್ನವಾಹಿನೀಮ್ ।
ಶರದ್ಘನಂ ಪವನ ಇವೋದ್ಯತೋ ಮಹಾನ್ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದ್ವಿಷಷ್ಟಿತಮಸ್ಸರ್ಗಃ ॥
