ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಸಪ್ತನವತಿತಮಸ್ಸರ್ಗಃ ।
ತಥಾತೈಃಕೃತ್ತಗಾತ್ರೈಸ್ತುದಶಗ್ರೀವೇಣಮಾರ್ಗಣೈಃ ।
ಬಭೂವವಸುಧಾತತ್ರಪ್ರಕೀರ್ಣಾಹರಿಭಿಸ್ತದಾ ॥ 1 ॥
ರಾವಣಸ್ಯಾಪ್ರಸಹ್ಯಂತಂಶರಸಂಪಾತಮೇಕತಃ ।
ನ ಶೇಕುಸ್ಸಹಿತುಂದೀಪ್ತಂಪತಂಗಾಜ್ವಲನಂಯಥಾ ॥ 2 ॥
ತೇಽರ್ದಿತಾನಿಶಿತೈರ್ಬಾಣೈಃಕ್ರೋಶಂತೋವಿಪ್ರದುದ್ರುವುಃ ।
ಪಾವಕಾರ್ಚಿಸ್ಸಮಾವಿಷ್ಟಾದಹ್ಯಮಾನಾಯಥಾಗಜಾಃ ॥ 3 ॥
ಪ್ಲವಂಗನಾಮನೀಕಾನಿಮಹಾಭ್ರಾಣೀವಮಾರುತಃ ।
ಸಯಯೌಸಮರೇತಸ್ಮಿನ್ವಿಧಮನ್ರಾವಣಶ್ಶರೈಃ ॥ 4 ॥
ಕದನಂತರಸಾಕೃತ್ವಾರಾಕ್ಷಸೇಂಧ್ರೋವನೌಕಸಾಮ್ ।
ಆಸಸಾದತತೋತ್ವರಿತಂಯುದ್ಧೇರಾಘವಂಸ್ತದಾ ॥ 5 ॥
ಸುಗ್ರೀವಸ್ತಾನ್ಕಪೀಂದೃಷ್ಟವಾಭಗ್ನಾನ್ವಿದ್ರಾವಿತಾನ್ರಣೇ ।
ಗುಲ್ಮೇಸುಷೇಣಂನಿಕ್ಷಿಪ್ಯಚಕ್ರೇಯುದ್ಧೇಽದ್ಭುತಂಮನಃ ॥ 6 ॥
ಆತ್ಮನಸ್ಸದೃಶಂವೀರಸ್ಸತಂನಿಕ್ಷಿಪ್ಯವಾನರಮ್ ।
ಸುಗ್ರೀವೋಽಽಭಿಮುಖಶ್ಶತ್ರುಂಪ್ರತಸ್ಥೇಪಾದಪಾಯುಧಃ ॥ 7 ॥
ಪಾರ್ಶ್ವತಃಪೃಷ್ಠತಶ್ಚಾಸ್ಯಸರ್ವೇಯೂಥಾಧಿಪಾಸ್ಸ್ವಯಮ್ ।
ಅನುಜಹ್ರುರ್ಮಹಾಶೈಲಾನ್ ವಿವಿಧಾಂಶ್ಚಮಹಾದ್ರುಮಾನ್ ॥ 8 ॥
ಸನದನ್ಯುಧಿಸುಗ್ರೀವಸ್ಸ್ವರೇಣಮಹತಾಮಹಾನ್ ।
ಪಾತಯನ್ವಿವಿಧಾಂಶ್ಚಾನ್ಯಾನಂಜಗಾಮೋತ್ತಮರಾಕ್ಷಸಾನ್ ॥ 9 ॥
ಮಮಂಥ ಚ ಮಹಾಕಾಯಾನ್ರಾಕ್ಷಸಾನ್ವಾನರೇಶ್ವರಃ ।
ಯುಗಾಂತಸಮಯೇವಾಯುಃಪ್ರವೃದ್ಧಾನಗಮಾನಿವ ॥ 10 ॥
ರಾಕ್ಷಸಾನಾಮನೀಕೇಷುಶೈಲವರ್ಷಂವವರ್ಷ ಹ ।
ಅಶ್ಮವರ್ಷಂಯಥಾಮೇಘಃಪಕ್ಷಿಸಂಘೇಷುಕಾನನೇ ॥ 11 ॥
ಕಪಿರಾಜವಿಮುಕ್ತೈಸ್ತೈಶ್ಶೈಲವರ್ಷೈಸ್ತುರಾಕ್ಷಸಾಃ ।
ವಿಕೀರ್ಣಶಿರಸಃಪೇತುರ್ನಿಕೃತ್ತಾಇವಪರ್ವತಾಃ ॥ 12 ॥
ಅಥಸಂಕ್ಷೀಯಮಾಣೇಷುರಾಕ್ಷಸೇಷುಸಮಂತತಃ ।
ಸುಗ್ರೀವೇಣಪ್ರಭಗ್ನೇಷುಪತತ್ಸುನಿನದತ್ಸು ಚ ॥ 13 ॥
ವಿರೂಪಾಕ್ಷಸ್ಸ್ವಕಂನಾಮಧನ್ವೀವಿಶ್ರಾವ್ಯರಾಕ್ಷಸಃ ।
ರಥಾದಾಪ್ಲುತ್ಯದುರ್ಧರ್ಷೋಗಜಸ್ಕಂಧಮುಪಾರುಹತ್ ॥ 14 ॥
ಸ ತಂದ್ವಿರದಮಾರುಹ್ಯವಿರೂಪಾಕ್ಷೋಮಹಾರಥಃ ।
ವನರ್ದಭನೀಮನಿರ್ಹ್ರಾದಂವಾನರಾನಭ್ಯಧಾವತ ॥ 15 ॥
ಸುಗ್ರೀವೇ ಸ ಶರಾನ್ಘೋರಾನ್ವಿಸಸರ್ಜಚಮೂಮುಖೇ ।
ಸ್ಥಾಪಯಾಮಾಸಚೋದ್ವಿಗ್ನಾನ್ರಾಕ್ಷಸಾನ್ ಸಂಪ್ರಹರ್ಷಯನ್ ॥ 16 ॥
ಸತುವಿದ್ಧಶ್ಶಿತೈರ್ಬಾಣೈಃಕಪೀಂದ್ರಸ್ತೇನರಕ್ಷಸಾ ।
ಚುಕ್ರೋಧ ಸ ಮಹಾಕ್ರೋಧೋವಧೇಚಾಸ್ಯಮನೋದಧೇ ॥ 17 ॥
ತತಃಪಾದಪಮುದ್ಧೃತ್ಯಶೂರಸ್ಸಂಪ್ರಧನೋಹರಿಃ ।
ಅಭಿಪತ್ಯಜಘಾನಾಸ್ಯಪ್ರಮುಖೇತುಮಹಾಗಜಮ್ ॥ 18 ॥
ಸ ತುಪ್ರಹಾರಾಭಿಹತಸ್ಸುಗ್ರೀವೇಣಮಹಾಗಜಃ ।
ಅಪಾಸರ್ಪದ್ಧನುರ್ಮಾತ್ರಂನಿಷಸಾದನನಾದ ಚ ॥ 19 ॥
ಗಜಾತ್ತುಮಥಿತಾತ್ತೂರ್ಣಮಪಕ್ರಮ್ಯ ಸ ವೀರ್ಯವಾನ್ ।
ರಾಕ್ಷಸೋಽಽಭಿಮುಖಶ್ಶತ್ರುಂಪ್ರತ್ಯುದ್ಗಮ್ಯತತಃಕಪಿಮ್ ॥ 20 ॥
ಆರ್ಷಭಂಚರ್ಮಖಡಗಂ ಚ ಪ್ರಗೃಹ್ಯಲಘುವಿಕ್ರಮಃ ।
ಭರ್ತ್ಸಯನ್ನಿವಸುಗ್ರೀವಮಾಸಸಾದವ್ಯವಸ್ಥಿತಮ್ ॥ 21 ॥
ಸ ಹಿತಸ್ಯಾಭಿಸಂಕೃದ್ಧಃಪ್ರಗೃಹ್ಯವಿಪುಲಾಂಶಿಲಾಮ್ ।
ವಿರೂಪಾಕ್ಷಾಯಚಿಕ್ಷೇಪಸುಗ್ರೀವೋಜಲದೋಪಮಾಮ್ ॥ 22 ॥
ಸ ತಾಂಶಿಲಾಮಾಪತಂತೀಂದೃಷ್ಟವಾರಾಕ್ಷಸಪುಂಗವಃ ।
ಅಪಕ್ರಮ್ಯಸುವಿಕ್ರಾಂತಃಖಡಗೇನಪ್ರಾಹರತ್ತದಾ ॥ 23 ॥
ತತೋ ಭಿನ್ನಪ್ರಹರಣೌ ಮುಷ್ಟಿಭ್ಯಾನ್ ತೌ ಸಮೀಯತುಃ ।
ತೇಜೋ ಬಲಸಮಾವಿಷ್ಟೌ ದೀಪ್ತಾವಿವ ಹುತಾಶನೌ ॥ 24 ॥
ಸ ತದಾ ಸ ಹಸೋತ್ಪತ್ಯರಾಕ್ಷಸಸ್ಯಮಹಾಹವೇ ।
ಮುಷ್ಟಿಂಸನ್ವರ್ತ್ಯವೇಗೇನಪಾತಯಾಮಾಸವಕ್ಷಸಿ ॥ 25 ॥
ಮುಷ್ಟಿಪ್ರಹಾರಾಭಿಹತೋವಿರೂಪಾಕ್ಷೋನಿಶಾಚರಃ ।
ತೇನಖಡಗೇನಸಂಕೃದ್ದಸ್ಸುಗ್ರೀವಸ್ಯಚಮೂಮುಖೇ ॥ 26 ॥
ಕವಚಂಪಾತಯಾಮಾಸಪದ್ಭ್ಯಾಮಭಿಹತೋಽಽಪತತ್ ।
ಸ ಸಮುತ್ಥಾಯಪತಿತಃಕಪಿಸ್ತಸ್ಯವ್ಯಸರ್ಜಯತ್ ।
ತಲಪ್ರಹಾರಮಶನೇಸ್ಸಮಾನಂಭೀಮನಿಸ್ಸ್ವನಮ್ ॥ 27 ॥
ತಲಪ್ರಹಾರಂತದ್ರಕ್ಷಸ್ಸುಗ್ರೀವೇಣಸಮುದ್ಯತಮ್ ।
ನೈಪುಣ್ಯಾನ್ಮೋಚಯಿತ್ವೈನಂಮುಷ್ಟಿನೋರಸ್ಯತಾಡಯತ್ ॥ 28 ॥
ತಸ್ಸುಸಂಕೃದ್ಧತರಃಸುಗ್ರೀವೋವಾನರೇಶ್ವರಃ ॥ 29 ॥
ಮೋಕ್ಷಿತಂಚಾತ್ಮನೋದೃಷ್ಟವಾಪ್ರಹಾರಂತೇನರಕ್ಷಸಾ ।
ದದರ್ಶಾಂತರಂತಸ್ಯವಿರೂಪಾಕ್ಷಸ್ಯವಾನರಃ ॥ 30 ॥
ತತೋನ್ಯಪಾತಯತ್ಕ್ರೋಧಾಚ್ಛಂಖದೇಶೇಮಹಾತ್ತಲಮ್ ।
ಮಹೇಂದ್ರಾಶನಿಕಲ್ಪೇನತಲೇನಾಭಿಹತಃಕ್ಷಿತೌ ॥ 31 ॥
ಪಪಾತರುಧಿರಕ್ಲಿನ್ನಶ್ಶೋಣಿತಂಸಮುದ್ಯಮನ್ ।
ಸ್ರೋತೋಭ್ಯಸ್ತುವಿರೂಪಾಕ್ಷೋಜಲಂಪ್ರಸ್ರವಣಾದಿವ ॥ 32 ॥
ವಿವೃತ್ತನಯನಂಕ್ರೋಧಾತ್ಸಫೇನಂರುಧಿರಾಪ್ಲುತಮ್ ।
ದದೃಶುಸ್ತೇವಿರೂಪಾಕ್ಷಂವಿರೂಪಾಕ್ಷತರಂಕೃತಮ್ ॥ 33 ॥
ಸ್ಫುರಂತಂಪರಿವರ್ತಂತಂಪಾರ್ಶ್ವೇನರುಧಿರೋಕ್ಷಿತಮ್ ।
ಕರುಣಂ ಚ ವಿನರ್ದಂತಂದದೃಶುಃಕಪಯೋರಿಪುಮ್ ॥ 34 ॥
ತಥಾತುತೌಸಂಮ್ಯತಿಸಂಪ್ರಯುಕ್ತೌ ।
ತರಸ್ವಿನೌವಾನರರಾಕ್ಷಸಾನಾಮ್ ॥ 35 ॥
ವಿನಾಶಿತಂಪ್ರೇಕ್ಷ್ಯವಿರೂಪನೇತ್ರಂಮಹಾಬಲಂತಂಹರಿಪಾರ್ಥಿವೇನ ।
ಬಲಂಸಮಸ್ತಂಕಪಿರಾಕ್ಷಸಾನಾಮುನ್ಮತ್ತಗಂಗಾಪ್ರತಿಮಂಬಭೂವ ॥ 36 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಸಪ್ತನವತಿತಮಸ್ಸರ್ಗಃ ॥
