ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕಾಶೀತಿತಮಸ್ಸರ್ಗಃ ।
ವಿಜ್ಞಾಯತುಮನಸ್ತಸ್ಯರಾಘವಸ್ಯಮಹಾತ್ಮನಃ ।
ಸ ನಿವೃತ್ಯಾಹವಾತ್ತಸ್ಮಾತ್ ಪ್ರವಿವೇಶಪುರೀಂತತಃ ॥ 1 ॥
ಸೋಽನುಸ್ಮೃತ್ಯವಧಂತೇಷಾಂರಾಕ್ಷಸಾನಾಂತರಸ್ವಿನಾಮ್ ।
ಕ್ರೋಧತಾಮ್ರೇಕ್ಷಣಶ್ಶೂರೋನಿರ್ಜಗಾಮಾಹಾದ್ಯುತಿಃ ॥ 2 ॥
ಸ ಪಶ್ಚಿಮೇವದ್ವಾರೇಣನಿರ್ಯಯೌರಾಕ್ಷಸೈರ್ವೃತಃ ।
ಇಂದ್ರಜಿತ್ಸುಮಹಾವೀರ್ಯಃಪೌಲಸ್ತ್ಯೋದೇವಕಂಟಕಃ ॥ 3 ॥
ಇಂದ್ರಜಿತ್ತುತತೋದೃಷ್ಟವಾಭ್ರಾತರೌರಾಮಲಕ್ಷ್ಮಣೌ ।
ರಣಾಯಾಭ್ಯುದ್ಯತೌವೀರೌಮಾಯಾಂಪ್ರಾದುಷ್ಕರೋತ್ತದಾ ॥ 4 ॥
ಇಂದ್ರಜಿತ್ತುರಥೇಸ್ಥಾಪ್ಯಸೀತಾಂಮಾಯಾಮಯೀಂತದಾ ।
ಬಲೇನಮಹತಾವೃತ್ಯತಸ್ಯಾವಧಮರೋಚಯತ್ ॥ 5 ॥
ಮೋಹನಾರ್ಥಂತುಸರ್ವೇಷಾಂಬುದ್ಧಿಂಕೃತ್ವಾಸುದುರ್ಮತಿಃ ।
ಹಂತುಂಸೀತಾಂವ್ಯವಸಿತೋವಾನರಾಭಿಮುಖೋಯಯೌ ॥ 6 ॥
ತಮ್ದೃಷ್ಟವಾತ್ವಭಿನಿರ್ಯಾಂತಂಸರ್ವೇತೇಕಾನನೌಕಸಃ ।
ಉತ್ಪೇತುರಭಿಸಂಕ್ರುದ್ಧಾಶ್ಶಿಲಾಹಸ್ತಾಯುಯುತ್ಸವಃ ॥ 7 ॥
ಹನೂಮಾನ್ ಪುರತಸ್ತೇಷಾಂಜಗಾಮಕಪಿಕುಂಜರಃ ।
ಪ್ರಗೃಹ್ಯಸುಮಹಚ್ಛೃಂಗಂಪರ್ವತಸ್ಯದುರಾಸದಮ್ ॥ 8 ॥
ಸ ದದರ್ಶಹತಾನಂದಾಂಸೀತಾಮಿಂದ್ರಜಿತೋರಥೇ ।
ಏಕವೇಣೀಧರಾಂದೀನಾಮುಪವಾಸಕೃಶಾನನಾಮ್ ॥ 9 ॥
ಪರಿಕ್ಲಿಷ್ಟೈಕವಸನಾಮಮೃಜಾಂರಾಘವಪ್ರಿಯಾಮ್ ।
ರಜೋಮಲಾಭ್ಯಾಮಾಲಿಪ್ತೈಸ್ಸರ್ವಗಾತ್ರೈರ್ವರಸ್ತ್ರಿಯಮ್ ॥ 10 ॥
ತಾಂನಿರೀಕ್ಷ್ಯಮುಹೂರ್ತಂತುಮೈಥಿಲೀತ್ಯಧ್ಯವಸ್ಯತು ।
ಬಭೂವಾಚಿರದೃಷ್ಟಾಹಿತೇನಸಾಜನಕಾತ್ಮಜಾ ॥ 11 ॥
ಅಬ್ರವೀತ್ತಾಂತುಶೋಕಾರ್ತಾಂನಿರಾನಂದಾಂತಪಸ್ವಿನೀಮ್ ।
ದೃಷ್ಟವಾರಥೋಸ್ಥಿತಾಂದೃಷ್ಟ್ವಾರಾಕ್ಷಸೇಂದ್ರಸುತಶ್ರಿತಾಮ್ ॥ 12 ॥
ಕಂಸಮರ್ಥಿತಮಸ್ಯೇತಿಚಿಂತಯನ್ಸಮಹಾಕಪಿಃ ।
ಸಹತೈರ್ವಾನರಶ್ರೇಷ್ಠೈರಭ್ಯಧಾವತರಾವಣಿಮ್ ॥ 13 ॥
ತದ್ವಾನರಬಲಂದೃಷ್ಟವಾರಾವಣಿಃಕ್ರೋಧಮೂರ್ಛಿತಃ ।
ಕೃತ್ವಾವಿಕೋಶಂನಿಸ್ತ್ರಿಂಶಂಮೂರ್ಧ್ನಿಸೀತಾಮಕರ್ಷಯತ್ ॥ 14 ॥
ತಾಂಸ್ತ್ರಿಯಂಪಶ್ಯತಾಂತೇಷಾಂತಾಡಯಾಮಾಸರಾವಣಿಃ ।
ಕ್ರೋಶಂತೀಂರಾಮರಾಮೇತಿಮಾಯಯಾಯೋಜಿತಾಂರಥೇ ॥ 15 ॥
ಗೃಹೀತಮೂರ್ಧಜಾಂದೃಷ್ಟವಾಹನುಮಾನ್ ದೈನ್ಯಮಾಗತಃ ।
ಶೋಕಜಂವಾರಿನೇತ್ರಾಭ್ಯಾಮುತ್ಸೃಜನ್ಮಾರುತಾತ್ಮಜಃ ॥ 16 ॥
ತಾಂದೃಷ್ಟವಾಚಾರುಸರ್ವಾಂಗೀಂರಾಮಸ್ಯಮಹಿಷೀಂಪ್ರಿಯಾಮ್ ।
ಅಬ್ರವೀತ್ಪುರುಷಂವಾಕ್ಯಂಕ್ರೋಧಾದ್ರಕ್ಷೋಧಿಪಾತ್ಮಜಮ್ ॥ 17 ॥
ದುರಾತ್ಮನ್ನಾತ್ಮನಾಶಾಯಕೇಶಪಕ್ಷೇಪರಾಮೃಶಃ ।
ಬ್ರಹ್ಮರ್ಷೀಣಾಂಕುಲೇಜಾತೋರಾಕ್ಷಸೀಂಯೋನಿಮಾಶ್ರಿತಃ ॥ 18 ॥
ಧಿಕ್ತ್ವಾಂಪಾಪಸಮಾಚಾರಂಯಸ್ಯತೇಮತಿರಿದೃಶೀ ।
ನೃಶಂಸಾನಾರ್ಯ ದುರ್ವೃತ್ತ ಕ್ಷುದ್ರ ಪಾಪಪರಾಕ್ರಮ ॥ 19 ॥
ಅನಾರ್ಯಸ್ಯೇದೃಶಂಕರ್ಮಘೃಣಾತೇನಾಸ್ತಿನಿರ್ಘೃಣ ।
ಚ್ಯುತಾಗೃಹಾಚ್ಚರಾಜ್ಯಾಚ್ಚರಾಮಹಸ್ತಾಚ್ಚಮೈಥಿಲೀ ॥ 20 ॥
ಕಿಂತವೈಷಾಪರಾದ್ಧಾಹಿಯದೇನಾಂಹಂತುಮಿಚ್ಛಸಿ ।
ಸೀತಾಂಹತ್ವಾತು ನ ಚಿರಂಜೀವಿಷ್ಯಸಿಕಥಂಚನ ॥ 21 ॥
ವಧಾರ್ಹಕರ್ಮಣಾನೇನಮಮಹಸ್ತಗತೋಹ್ಯಸಿ ।
ಯೇಚ ಸ್ತ್ರೀಘಾತಿನಾಂಲೋಕಾಲೋಕವಧ್ಯೈಷುಕುಸತಿತಾಃ ॥ 22 ॥
ಇಹಜೀವಿತಮುತ್ಸೃಜ್ಯಪ್ರೇತ್ಯತಾನ್ಪ್ರತಿಪತ್ಸ್ಯಸೇ ।
ತಿಬ್ರುವಾಣೋಹನುಮಾನ್ ಸಾಯುಧೈರ್ಹರಿಭಿರ್ವೃತಃ ॥ 23 ॥
ಅಭ್ಯದಾವತ್ ಸಸುಂಕೃದ್ಧೋರಾಕ್ಷಸೇಂದ್ರಸುತಂಪ್ರತಿ ।
ಪತಂತಂಮಹಾವೀರ್ಯಂತದನೀಕಂವನೌಕಸಾಮ್ ॥ 24 ॥
ರಕ್ಷಸಾಂಭೀಮಕೋಪಾನಾಮನೀಕಂತುನ್ಯವಾರಯತ್ ।
ಸಃತಾಂಬಾಣಸಹಸ್ರೇಣವಿಕ್ಷೋಭ್ಯಹರಿವಾಹಿನೀಮ್ ॥ 25 ॥
ಹನೂಮಂತಂಹರಿಶ್ರೇಷ್ಠಮಿಂದ್ರಜಿತ್ ಪ್ರತ್ಯುವಾಚ ಹ ।
ಸುಗ್ರೀವಸ್ತ್ವಂ ಚ ರಾಮಶ್ಚಯನ್ನಿಮಿತ್ತಮಿಹಾಗತಾಃ ॥ 26 ॥
ತಾಂವಧಿಷ್ಯಾಮಿವೈದೇಹೀಮದ್ಯೈವತವಪಶ್ಯತಃ ।
ಇಮಾಂಹತ್ವಾತತೋರಾಮಂಲಕ್ಷ್ಮಣಂತ್ವಾಂ ಚ ವಾನರ ॥ 27 ॥
ಸುಗ್ರೀವಂ ಚ ವಧಿಷ್ಯಾಮಿತಂಚಾನಾರ್ಯಂವಿಭೀಷಣಮ್ ।
ನ ಹಂತವ್ಯಾಃಸ್ತ್ರಿಯಶ್ಚೇತಿಯದ್ ಬ್ರವೀಷಿಪ್ಲವಂಗಮ ॥ 28 ॥
ಪೀಡಾಕರಮಮಿತ್ರಾಣಾಂಯತ್ಸ್ಯಾತ್ಕರ್ತವ್ಯಮೇವತತ್ ।
ತಮೇವಮುಕ್ತ್ವಾರುದತೀಂಸೀತಾಂಮಯಾಮಯೀಂ ಚ ತಾಮ್ ॥ 29 ॥
ಶಿತಧಾರೇಣಖಂಗೇನನಿಜಘಾನೇಂದ್ರಜಿತ್ಸ್ವಯಮ್ ।
ಯಜ್ಞೋಪವೀತಮಾರ್ಗೇಣಭಿನ್ನಾತೇನತಪಸ್ವಿನೀ ॥ 30 ॥
ಸಾಪೃಥಿವ್ಯಾಂಪೃಥುಶ್ರೋಣೀಪಪಾತಪ್ರಿಯದರ್ಶನಾ ।
ತ್ತಾಮಿಂದ್ರಜಿತ್ ಸ್ತ್ರಿಯಂಹತ್ವಾಹನೂಮಂತಮುವಾಚ ಹ ॥ 31 ॥
ಮಯಾರಾಮಸ್ಯಪಶ್ಯೇಮಾಂಕೋಪೇನ ಚ ।
ಏಷಾವಿಶಸ್ತಾವೈದೇಹೀನಿಷ್ಫಲೋವಃಪರಿಶ್ರಮಃ ॥ 32 ॥
ತತಃಖಡಗೇನಮಹತಾಹತ್ವಾತಾಮಿಂದ್ರಜಿತ್ ಸ್ವಯಮ್ ।
ಹೃಷ್ಟಸ್ಸರಥಮಾಸ್ಥಾಯನನಾದ ಚ ಮಹಾಸ್ವನಮ್ ॥ 33 ॥
ವಾನರಾಶ್ಶುಶ್ರುವುಶ್ಶಬ್ದಮದೂರೇಪ್ರತ್ಯವಸ್ಥಿತಾಃ ।
ವ್ಯಾದಿತಾಸ್ಯಸ್ಯನದತಸ್ತದ್ದುರ್ಗಂಸಂಶ್ರಿತಸ್ಯತು ॥ 34 ॥
ತಥಾತುಸೀತಾಂವಿನಿಹತ್ಯದುರ್ಮತಿಃಪ್ರಹೃಷ್ಟಚೇತಾಸ್ಸಬಭೂವರಾವಣಿಃ ।
ತಂಹೃಷ್ಟರೂಪಂಸಮುದೀಕ್ಷ್ಯವಾನರಾವಿಷಣ್ಣರೂಪಾಸ್ಸಹಸಾಪ್ರದದುದ್ರುವುಃ ॥ 35 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕಾಶೀತಿತಮಸ್ಸರ್ಗಃ ॥
