ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಶತತಮಸ್ಸರ್ಗಃ ।
ಮಹೋದರಮಹಾಪಾರ್ಶ್ವೌಹತೌದೃಷ್ಟವಾತುರಾಕ್ಷ ।
ತಸ್ಮಿಂಶ್ಚನಿಹತೇವೀರೇವಿರೂಪಾಕ್ಷೇಮಹಾಬಲೇ ॥ 1 ॥
ಆವಿವೇಶಮಹಾನ್ ಕ್ರೋಧೋರಾವಣಂತುಮಹಾಮೃಧೇ ।
ಸೂತಂ ಸಂಚೋದಯಾಮಾಸ ವಾಕ್ಯಂ ಚೇದಮುವಾಚ ಹ ॥ 2 ॥
ನಿಹತಾನಾಮಮಾತ್ಯಾನಾಂರುದ್ಧಸ್ಯನಗರಸ್ಯ ಚ ।
ದುಃಖಮೇವಾಪನೇಷ್ಯಾಮಿ ಹತ್ಯಾ ತೌ ರಾಮಲಕ್ಷ್ಮಣೌ ॥ 3 ॥
ರಾಮವೃಕ್ಷಂರಣೇಹಮನಿಸೀತಾಪುಷ್ಪಫಲಪ್ರದಮ್ ।
ಪ್ರಶಾಖಾಯಸ್ಯಸುಗ್ರೀವೋಜಾಂಬವಾನ್ಕುಮುದೋನಲಃ ॥ 4 ॥
ತದಸ್ತ್ರನ್ ರಾಘವಃ ಶ್ರೀಮಾನುತ್ತಮಾಸ್ತ್ರವಿದಾಂ ವರಃ ।
ಜಘಾನ ಪರಮಾಸ್ತ್ರೇಣ ಗಂಧರ್ವೇಣ ಮಹಾದ್ಯುತಿಃ ॥ 5 ॥
ಸ ದಿಶೋದಶಘೋಷೇಣರಥಸ್ಯಾತಿರಥೋಮಹಾನ್ ।
ನಾದಯನ್ ಪ್ರಯಯೌತೂರ್ಣಂರಾಘವಂಚಾಭ್ಯಧಾವತ ॥ 6 ॥
ಪೂರಿತಾತೇನಶಬ್ದೇನಸನದೀಗಿರಿಕಾನನಾ ।
ಸಂಚಚಾಲ ಮಹೀ ಸರ್ವಾ ತ್ರಸ್ತಸಿಂಹಮೃಗದ್ವಿಜಾ ॥ 7 ॥
ತಾಮಸಂಸುಮಹಾಘೋರಂಚಕಾರಾಸ್ತ್ರಂಸುದಾರುಣಮ್ ।
ನಿರ್ದದಾಹಕಪೀನ್ ಸರ್ವಾಂಸ್ತೇಪ್ರಪೇತುಃಸಮಂತತಃ ॥ 8 ॥
ಉತ್ಪಪಾತರಜೋಭೂಮೌತೈರ್ಭಗ್ನೈಃಸಂಪ್ರಧಾವಿತೈಃ ।
ನ ಹಿತತ್ಸಹಿತುಂಶೇಕುರ್ಭ್ರಹ್ಮಣಾನಿರ್ಮಿತಂಸ್ವಯಮ್ ॥ 9 ॥
ತಾನ್ಯನೀಕಾನ್ಯನೇಕಾನಿ ರಾವಣಸ್ಯ ಶರೋತ್ತಮೈಃ ।
ದೃಷ್ಟವಾಭಗ್ನಾನಿ ಶತಶೋ ರಾಘವಃ ಪರ್ಯವಸ್ಥಿತಃ ॥ 10 ॥
ತತೋರಾಕ್ಷಸಶಾರ್ದೂಲೋವಿದ್ರಾವ್ಯಹರಿವಾಹಿನೀಮ್ ।
ಸ ದದರ್ಶತತೋರಾಮಂತಿಷ್ಠಂತಮಪರಾಜಿತಮ್ ॥ 11 ॥
ಲಕ್ಷ್ಮಣೇನಸಹಭ್ರಾತ್ರಾವಿಷ್ಣುನಾವಾಸವಂಯಥಾ ।
ಅಲಿಖಂತಮಿವಾಕಾಶಮವಷ್ಟಭ್ಯಮಹದ್ಧನುಃ ॥ 12 ॥
ಪದ್ಮಪತ್ರವಿಶಾಲಾಕ್ಷಂದೀರ್ಘಬಾಹುಮರಿಂದಮಮ್ ।
ತತೋರಾಮೋಮಹಾತೇಜಾಃಸೌಮಿತ್ರಿಸಹಿತೋಬಲೀ ॥ 13 ॥
ವಾನರಾಂಶ್ಚರಣೇಭಗ್ನಾನಾಪತಂತಂ ಚ ರಾವಣಮ್ ।
ಸಮೀಕ್ಷ್ಯರಾಘವೋಹೃಷ್ಟೋಮಧ್ಯೇಜಗ್ರಾಹಕಾರ್ಮುಕಮ್ ॥ 14 ॥
ವಿಸ್ಫಾರಯಿತುಮಾರೇಭೇತತಃ ಸ ಧನುರುತ್ತಮಮ್ ।
ಮಹಾವೇಗಂಮಹಾನಾದಂನಿರ್ಭಂದನ್ನಿವಮೇದಿನೀಮ್ ॥ 15 ॥
ರಾವಣಸ್ಯ ಚ ಬಾಣೌಘೈರಾಮವಿಸ್ಫಾರಿತೇನ ಚ ।
ಶಬ್ದೇನರಾಕ್ಷಸಾಸ್ತೇನ ಪೇತುಶ್ಚ ಶತಶಸ್ತದಾ ॥ 16 ॥
ತಯೋಃಶರಪಥಂಪ್ರಾಪ್ಯರಾವಣೋರಾಜಪುತ್ರಯೋಃ ।
ಸ ಬಭೌ ಚ ಯಥಾರಾಹುಃಸಮೀಪಶಶಿಸೂರ್ಯಯೋಃ ॥ 17 ॥
ತಮಿಚ್ಛನ್ ಪ್ರಧಮಂ ಯೋದ್ಧುಂಲಕ್ಷ್ಮಣೋನಿಶಿತೈಃಶರೈಃ ।
ಮುಮೋಚಧನುರಾಯಮ್ಯಶರಾನಗ್ನಿಶಿಖೋಪಮಾನ್ ॥ 18 ॥
ತಾನ್ಮುಕ್ತಮಾತ್ರಾನಾಕಾಶೇ ಲಕ್ಷ್ಮಣೇನ ಧನುಷ್ಮತಾ ।
ಬಾಣಾನ್ ಬಾಣೈರ್ಮಹಾತೇಜಾ ರಾವಣಃ ಪ್ರತ್ಯವಾರಯತ್ ॥ 19 ॥
ಏಕಮೇಕೇನಬಾಣೇನತ್ರಿಭಿಸ್ತ್ರೀನ್ ದಶಭಿರ್ದಶ ।
ಲಕ್ಷ್ಮಣಸ್ಯ ಪ್ರಚಿಚ್ಛೇದ ದರ್ಶಯನ್ ಪಾಣಿಲಾಘವಮ್ ॥ 20 ॥
ಅಭ್ಯತಿಕ್ರಮ್ಯಸೌಮಿತ್ರಿಂರಾವಣಃಸಮಿತಿಂಜಯಃ ।
ಆಸಸಾದರಣೇರಾಮಂಸ್ಥಿತಂಶೈಲಮಿವಾಪರಮ್ ॥ 21 ॥
ಸ ರಾಘವಂಸಮಾಸಾದ್ಯಕ್ರೋಧಸಂರಕ್ತಲೋಚನಃ ।
ವ್ಯಸೃಜಚ್ಛರವರ್ಷಾಣಿರಾವಣೋ ರಾಕ್ಷಸೇಶ್ವರಃ ॥ 22 ॥
ಶರಾಧಾರಾಸ್ತತೋರಾಮೋರಾವಣಸ್ಯಧನುಶ್ಚ್ಯುತಾಃ ।
ದೃಷ್ಟವೈವಾಪತಿತಾಃಶೀಘ್ರಂಭಲ್ಲಾನ್ ಜಗ್ರಾಹಸತ್ವರಮ್ ॥ 23 ॥
ತಾನ್ ಶರೌಘಾಂಸ್ತತೋಭಲ್ಲೈಸ್ತೀಕ್ಷ್ಣೈಶ್ಚಿಚ್ಛೇದರಾಘವಃ ।
ದೀಪ್ಯಮಾನಾನ್ ಮಹಾಘೋರಾನ್ಕ್ರುದ್ಧಾನಾಶೀವಿಷಾನಿವ ॥ 24 ॥
ರಾಘವೋರಾವಣಂತೂರ್ಣಂರಾವಣೋರಾಘವಂತಥಾ ।
ಅನ್ಯೋನ್ಯಂವಿವಿಧೈಸ್ತೀಕ್ಷ್ಣೈಃಶರವರ್ಷೈರ್ವವರ್ಷತುಃ ॥ 25 ॥
ಚೇರತುಶ್ಚಚಿರಂಚಿತ್ರಂಮಂಡಲಂಸವ್ಯದಕ್ಷಿಣಮ್ ।
ಬಾಣವೇಗಾತ್ಸಮುತ್ಕ್ಷಿಪ್ತಾವನ್ಯೋನ್ಯಮಪರಾಜಿತೌ ॥ 26 ॥
ತಯೋರ್ಭೂತಾನಿವಿತ್ರೇಸುರ್ಯುಗಪತ್ಸಂಪ್ರಯುಧ್ಯತೋಃ ।
ರೌದ್ರಯೋಃಸಾಯಕಮುಚೋರ್ಯಮಾಂತಕನಿಕಾಶಯೋಃ ॥ 27 ॥
ಸತತಂವಿವಿಧೈರ್ಬಾಣೈರ್ಬಭೂವಗಗನಂತದಾ ।
ಘನೈರಿವಾತಪಾಪಾಯೇವಿದ್ಯುನ್ಮಾಲಾಸಸಮಾಕುಲೈಃ ॥ 28 ॥
ಗವಾಕ್ಷಿತಮಿವಾಕಾಶಂಬಭೂವಶರವೃಷ್ಟಿಭಿಃ ।
ಮಹಾವೇಗೈಸ್ಸುತೀಕ್ಷ್ಣೈಗ್ರೈರ್ಗೃಧ್ರಪತ್ರೈಃಸುವಾಜಿತೈಃ ॥ 29 ॥
ಶರಾಂಧಕಾರಮಾಕಾಶಂಚಕ್ರತುಃಪ್ರಥಮಂತದಾ ।
ಗತೇಽಸ್ತಂ ತಪನೇ ಚಾಪಿ ಮಹಾಮೇಘಾವಿವೋಥತಿತೌ ॥ 30 ॥
ತಯೋರಭೂನ್ಮಹದ್ಯುದ್ಧಮನ್ಯೋನ್ಯವಥಕಾಂಕ್ಷಿಣೋಃ ।
ಅನಾಸಾದ್ಯಮಚ್ನಿತ್ಯಂ ಚ ವೃತ್ರವಾಸವಯೋರಿವ ॥ 31 ॥
ಉಭೌಹಿಪರಮೇಷ್ವಾಸಾವುಭೌಯುದ್ಧವಿಶಾರದೌ ।
ಉಭಾವಸ್ತ್ರವಿದಾಂ ಮುಖ್ಯಾವುಭೌ ಯುದ್ಧೇವಿಚೇರತುಃ ॥ 32 ॥
ಉಭೌಹಿಯೇನವ್ರಜತಸ್ತೇನತೇನಶರೋರ್ಮಯಃ ।
ಊರ್ಮಯೋವಾಯುನಾವಿದ್ಧಾ ಜಗ್ಮುಃ ಸಾಗರಯೋರಿವ ॥ 33 ॥
ತತಃಸಂಸಕ್ತಹಸ್ತಸ್ತುರಾವಣೋಲೋಕರಾವಣಃ ।
ನರಾಚಮಾಲಾಂರಾಮಸ್ಯಲಲಾಟೇಪ್ರತ್ಯಮುಂಚತ ॥ 34 ॥
ರೌದ್ರಚಾಪಪ್ರಯುಕ್ತಾಂತಾಂನೀಲೋತ್ಪಲದಲಪ್ರಭಾಮ್ ।
ಶಿರಸಾಧಾರಯದ್ರಾಮೋ ನ ವ್ಯಥಮಭ್ಯಪದ್ಯತ ॥ 35 ॥
ಅಥಮಂತ್ರಾನಭಿಜಪನ್ರೌದ್ರಮಸ್ತಮುದೀರಯನ್ ।
ಶರಾನ್ ಭೂಯಃಸಮಾದಾಯ ರಾಮಃ ಕ್ರೋಧಸಮನ್ವಿತಃ ॥ 36 ॥
ಮುಮೋಚ ಚ ಮಹಾತೇಜಾಶ್ಚಾಪಮಾಯಮ್ಯವೀರ್ಯವಾನ್ ।
ತೇಮಹಾಮೇಘಸಂಕಾಶೇಕವಚೇಪತಿತಾಃಶರಾಃ ॥ 37 ॥
ಅವಧ್ಯೇರಾಕ್ಷಸೇಂದ್ರಸ್ಯ ನ ವ್ಯಥಾಂಜನಯಂಸ್ತದಾ ।
ಪುನರೇವಾಧತಂರಾಮೋರಥಸ್ಥಂರಾಕ್ಷಸಾಧಿಪಮ್ ॥ 38 ॥
ಲಲಾಟೇಪರಮಾಸ್ತ್ರಣಸರ್ವಾಸ್ತ್ರಕುಶಲೋಽಭಿನತ್ ।
ತೇಭಿತ್ತ್ವಾಬಾಣರೂಪಾಣಿಪಂಚಶೀರ್ಷಾಇವೋರಗಾಃ ॥ 39 ॥
ಶ್ವಸಂತೋವಿವಿಶುರ್ಭೂಮಿಂರಾವಣಪ್ರತಿಕೂಲಿತಾಃ ।
ನಿಹತ್ಯರಾಘವಸ್ಯಾಸ್ತ್ರಂರಾವಣಃಕ್ರೋಧಮೂರ್ಛಿತಃ ॥ 40 ॥
ಅಸುರಂಸುಮಹಾಘೋರಮನ್ಯದಸ್ತ್ರಂ ಚಕಾರಸಃ ।
ಸಿಂಹವ್ಯಾಘ್ರಮುಖಾಂಶ್ಚಾಪಿಕಂಕಕಾಕಮುಖಾನಪಿ ॥ 41 ॥
ಗೃಧ್ರಶ್ಯೇನಮುಖಾಂಶ್ಚಾಪಿಶೃಗಾವವದನಾಂಸ್ತಥಾ ।
ಈಹಾಮೃಗಮುಖಾಂಶ್ಚಾಪಿವ್ಯಾದಿತಾಸ್ಯಾನ್ ಭಯಾವಹಾನ್ ॥ 42 ॥
ಪಂಚಾಸ್ಯಾನ್ ಲೇಲಿಹಾನಾಂಶ್ಚಸಸರ್ಜನಿಶಿತಾನ್ ಶರಾನ್ ।
ಶರಾನ್ ಖರಮುಖಾಂಶ್ಚಾನ್ಯಾನ್ವರಾಹಮುಖಸಂಶ್ರಿತಾನ್ ॥ 43 ॥
ಶ್ವಾನಕುಕ್ಕುಟವಕ್ತ್ರಾಂಶ್ಚಮಕರಾಶೀವಿಷಾನನಾನ್ ।
ಏತಾಂಶ್ಚಾನ್ಯಾಂಶ್ಚಮಾಯಾವೀಸಸರ್ಜನಿಶಿತಾನ್ ಶರಾನ್ ॥ 44 ॥
ಶರಾಃ ಸರ್ವೇಷು ಗಾತ್ರೇಷು ಪಾತಿತಾ ಮರ್ಮಭೇದಿನಃ ।
ಅಚಿಂತಯಿತ್ವಾ ತಾನ್ಬಾಣಾನ್ಸಮಾಶ್ಲಿಷ್ಯಾ ಚ ಲಕ್ಷ್ಮಣಮ್ ॥ 45 ॥
ಸಸರ್ಜಾಸ್ತ್ರಂ ಮಹೋತ್ಸಾಹಃ ಪಾವಕಃ ಪಾವಕೋಪಮಃ ।
ಅಗ್ನಿದೀಪ್ತಮುಖಾನ್ಬಾಣಾಂಸ್ತತ್ರಸೂರ್ಯಮುಖಾನಪಿ ॥ 46 ॥
ಚಂದ್ರಾರ್ಧಚಂದ್ರವಕ್ರಾಂಶ್ಚಧೂಮಕೇತುಮುಖಾನಪಿ ।
ಗ್ರಹನಕ್ಷತ್ರವರ್ಣಾಂಶ್ಚಮಹೋಲ್ಕಾಮುಖಸಂಸ್ಥಿತಾನ್ ॥ 47 ॥
ವಿದ್ಯುಜಜಿಹ್ವೋಪಮಾಂಶ್ಚಾಪಿಸಸರ್ಜ ವಿವಿಧಾನ್ ಶರಾನ್ ।
ತೇರಾವಣಶರಾಘೋರಾರಾಘವಾಸ್ತ್ರಸಮಾಹತಾಃ ॥ 48 ॥
ವಿಲಯಂ ಜಗ್ಮುರಾಕಾಶೇ ಜಗ್ಮುಶ್ಚೈವ ಸಹಸ್ರಶಃ ।
ತದಸ್ತ್ರಂನಿಹತಂದೃಷ್ಟವಾರಾಮೇಣಾಕ್ಲಿಷ್ಟಕರ್ಮಣಾ ॥ 49 ॥
ಹೃಷ್ಟಾನೇದುಸ್ತತಃಸರ್ವೇಕಪಯಃಕಾಮರೂಪಿಣಃ ।
ಸುಗ್ರೀವಪ್ರಮುಖಾವೀರಾಃಸಂಪರಿಕ್ಷಿಪ್ಯರಾಘವಮ್ ॥ 50 ॥
ತತಸ್ತದಸ್ತ್ರಂವಿನಿಹತ್ಯರಾಘವಃಪ್ರಸಹ್ಯತದ್ರಾವಣಬಾಹುನಿಃಸೃತಮ್ ।
ಮುದಾನ್ವಿತೋದಾಶರಥಿರ್ಮಹಾತ್ಮಾವಿನೇದುರುಚ್ಚೈರ್ಮುದಿತಾಃಕಪೀಶ್ವರಾಃ ॥ 51 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಶತತಮಸ್ಸರ್ಗಃ ॥
