ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕವಿಂಶಸ್ಸರ್ಗಃ ।
ತತಸ್ಸಾಗರವೇಲಾಯಾಂದರ್ಭಾನಾಸ್ತೀರ್ಯರಾಘವಃ ।
ಅಂಜಲಿಂಪ್ರಾಙ್ಮುಖಃಕೃತ್ವಾಪ್ರತಿಶಿಶ್ಯೇಮಹೋದಧೇಃ ॥ 1 ॥
ಬಾಹುಂಭುಜಗಭೋಗಾಭಮುಪಧಾಯಾರಿಸೂದನಃ ।
ವರಕಾಂಚನಕೇಯೂರಮುಕ್ತಾಪ್ರವರಭೂಷಣೈಃ ॥ 2 ॥
ಭುಜೈಃಪರಮನಾರೀಣಾಮಭಿಮೃಷ್ಟಮನೇಕದಾ ॥ 3 ॥
ಚಂದನಾಗುರುಭಿಶ್ಚೈವಪುರಸ್ತಾದಧಿವಾಸಿತಮ್ ।
ಬಾಲಸೂರ್ಯಪ್ರಕಾಶೈಶ್ಚಂದನೈರುಪಶೋಭಿತಮ್ ॥ 4 ॥
ಶಯನೇಚೋತ್ತಮಾಂಗೇನಸೀತಾಯಾಶ್ಶೋಭಿತಂಪುರಾ ।
ತಕ್ಷಕಸ್ಯೇವಸಂಭೋಗಗಂಗಾಜಲನಿಷೇಚಿತಮ್ ॥ 5 ॥
ಸಂಯುಗೇಯುಗಸಂಕಾಶಂಶತ್ರೂಣಾಂಶೋಕವರ್ಧನಮ್ ।
ಸುಹೃದಾನಂದನಂದೀರ್ಘಂಸಾಗರಾಂತವ್ಯಪಾಶ್ರಯಮ್ ॥ 6 ॥
ಅಸತ್ಯಾಚಪುನಸ್ಸವ್ಯಂಜ್ಯಾಘಾತವಿಗತತ್ವಚಮ್ ।
ದಕ್ಷಿಣೋದಕ್ಷಿಣಂಬಾಹುಂಮಹಾಪರಿಘಸನ್ನಿಭಮ್ ॥ 7 ॥
ಗೋಸಹಸ್ರಪ್ರದಾರಂಮುಪಧಾಯಮಹತ್ಭುಜಮ್ ।
ಅದ್ಯಮೇಮರಣಂವಾದತರಣಂಸಾಗರಸ್ಯವಾ ॥ 8 ॥
ತಿರಾಮೋಮತಿಂಕೃತ್ವಾಮಹಾಬಾಹುರ್ಮಹೋದಧಿಮ್ ।
ಅಧಿಶಿಶ್ಯೇಚವಿಧಿವತ್ಪ್ರಯತೋನಿಯತೋಮುನಿಃ ॥ 9 ॥
ತಸ್ಯರಾಮಸ್ಯಸುಪ್ತಸ್ಯಕುಶಾಸ್ತೀರ್ಣೇಮಹೀತಲೇ ।
ನಿಯಮಾದಪ್ರಮತ್ತಸ್ಯನಿಶಾಸ್ತಿಸ್ರೋಽತಿಚಕ್ರಮುಃ ॥ 10 ॥
ಸತ್ರಿರಾತ್ರೋಷಿತಸ್ತತ್ರನಯಜ್ಞೋಧರ್ಮವತ್ಸಲಃ ।
ಉಪಾಸತತದಾರಾಮಸ್ಸಾಗರಂಸರಿತಾಂಪತಿಮ್ ॥ 11 ॥
ನಚದರ್ಶಯತೇರೂಪಂಮಂದೋರಾಮಸ್ಯಸಾಗರಃ ।
ಪ್ರಯತೇನಾಪಿರಾಮೇಣಯಥಾರ್ಹಮಭಿಪೂಜಿತಃ ॥ 12 ॥
ಸಮುದ್ರಸ್ಯತತಃಕ್ರುದ್ಧೋರಾಮೋರಕ್ತಾಂತಲೋಚನಃ ।
ಸಮೀಪಸ್ಥಮುವಾಚೇದಂಲಕ್ಷ್ಮಣಂಶುಭಲಕ್ಷ್ಮಣಮ್ ॥ 13 ॥
ಅವಲೇಪಸ್ಸಮುದ್ರಸ್ಯನದರ್ಶಯತಿಯತ್ಸ್ವಯಮ್ ।
ಪ್ರಶಮಶ್ಚಕ್ಷಮಾಚೈವಆರ್ಜವಂಪ್ರಿಯವಾದಿತಾ ॥ 14 ॥
ಅಸಾಮರ್ಥ್ಯಂಫಲ್ನಾತ್ಯೇತೇನಿರ್ಗುಣೇಷುಸತಾಂಗುಣಾಃ ।
ಆತ್ಮಪ್ರಶಂಸಿನಂದೃಷ್ಟಂಧೃಷ್ಟಂವಿಪರಿಥಾವಕಮ್ ।
ಸರ್ವತ್ರೋತ್ಸೃಷ್ಟದಂಡಂಚಲೋಕಸ್ಸತ್ಕುರುತೇನರಮ್ ॥ 15 ॥
ನಸಾಮ್ನಾಶಕ್ಯತೇಕೀರ್ತಿರ್ನಸಾಮ್ನಾಶಕ್ಯತೇಯಶಃ ।
ಪ್ರಾಪ್ತುಂಲಕ್ಷ್ಮಣ ಲೋಕೇಽಸ್ಮಿನ್ ಂಜಯೋವಾರಣಮೂರ್ಧನಿ ॥ 16 ॥
ಅದ್ಯಮದ್ಬಾಣನಿರ್ಭಗ್ನೈರ್ಮಕರೈರ್ಮಕರಾನಿಲಯಮ್ ।
ನಿರುದ್ಧತೋಯಂಸೌಮಿತ್ರೇಪ್ಲವಭದಿಃಪಶ್ಯಸರ್ವತಃ ॥ 17 ॥
ಮಹಾಭೋಗಾನಿಮತ್ಸ್ಯಾನಾಂಕರಿಣಾಂಚಕರಾಹ ।
ಭೋಗಿನಾಂಪಶ್ಯನಾಗಾನಾಂಮಯಾಛಿನ್ನಾನಿಲಕ್ಷ್ಮಣ ॥ 18 ॥
ಸಶಂಖಶುಕ್ತಿಜಾಲಂಸಮೀನಮಕರಂತಥಾ ।
ಅದ್ಯಯುದ್ಧೇನಮಹತಾಸಮುದ್ರಂಪರಿಶೋಷಯೇ ॥ 19 ॥
ಕ್ಷಮಯಾಹಿಸಮಾಯುಕ್ತಂಮಾಮಯಂಮಕರಾಲಯಃ ।
ಅಸಮರ್ಥಂವಿಜಾನಾತಿಧಿಕ್ ಕ್ಷಮಾಮೀದೃಶೇಜನೇ ॥ 20 ॥
ನದರ್ಶಯತಿಸಾಮ್ನಾಮೇಸಾಗರೋರೂಪಮಾತ್ಮನಃ ॥ 21 ॥
ಚಾಪಮಾನಯಸೌಮಿತ್ರೇಶರಾಂಶ್ಚಾಶೀವಿಷೋಪಮಾನ್ ।
ಸಾಗರಂಶೋಷಯಿಷ್ಯಾಮಿಪದ್ ಭ್ಯಾಂಯಾಂತುಪ್ಲವಂಗಮಾಃ ॥ 22 ॥
ಅದ್ಯಾಕ್ಷೋಭ್ಯಮಪಿಕ್ರುದ್ಧಃಕ್ಷೋಭಯಿಷ್ಯಾಮಿಸಾಗರಮ್ ।
ವೇಲಾಸುಕೃತಮರ್ಯಾದಂಸಹಸ್ರೋರ್ಮಿಸಮಾಕುಲಮ್ ॥ 23 ॥
ನಿರ್ಮರ್ಯಾದಂಕರಿಷ್ಯಾಮಿಸಾಯಾಯಿಕೈರ್ವರುಣಾಲಯಮ್ ।
ಮಹಾರ್ಣವಂಕ್ಷೋಭಯಿಷ್ಯೇಮಹಾದಾನವಸಂಕುಲಮ್ ॥ 24 ॥
ಏವಮುಕ್ತ್ವಾಧನುಷ್ಪಾಣಿಃಕ್ರೋಧವಿಸ್ಫಾರಿತೇಕ್ಷಣಃ ।
ಬಭೂವರಾಮೋದುರ್ಧರ್ಷೋಯುಗಾಂತಾನಗಿರಿವಜ್ವಲನ್ ॥ 25 ॥
ಸಂಪೀಡ್ಯಚಧನುರ್ಘೋರಂಕಂಪಯಿತ್ವಾಶರೈರ್ಜಗತ್ ।
ಮುಮೋಚವಿಶಿಖಾನುಗ್ರಾನ್ವಜ್ರಾನಿವಶತಕ್ರತುಃ ॥ 26 ॥
ತೇಜ್ವಲಂತೋಮಹಾವೇಗಾಸ್ತೇಜಸಾಸಾಯಕೋತ್ತಮಾಃ ।
ಪ್ರವಿಶಂತಿಸಮುದ್ರಸ್ಯಸಲಿಲಂತ್ರಸ್ತಪನ್ನಗಮ್ ॥ 27 ॥
ತೋಯವೇಗಸ್ಸಮುದ್ರಸ್ಯಸನಕ್ರಮಕರೋಮಹಾನ್ ।
ಸಂಬಭೂವಮಹಾಘೋರಸ್ಸಮಾರುತರವಸ್ತದಾ ॥ 28 ॥
ಮಹೋರ್ಮಿಕುಲಾವಿತತಶ್ಶಂಖಜಾಲಸಮಾವೃತಃ ।
ಸಧೂಮಃಪರಿವೃತ್ತೋರ್ಮಿಸ್ಸಹಸಾಸೀನ್ಮಹೋದಧಿಃ ॥ 29 ॥
ವ್ಯಥಿತಾಃ ಪನ್ನಗಾಃ ಚ ಆಸನ್ ದೀಪ್ತ ಆಸ್ಯಾ ದೀಪ್ತ ಲೋಚನಾಃ ।
ದಾನವಾಃ ಚ ಮಹಾವೀರ್ಯಾಃ ಪಾತಾಲ ತಲ ವಾಸಿನಃ ॥ 30 ॥
ಊರ್ಮಯಸ್ಸಿಂಧುರಾಜಸ್ಯಸನಕ್ರಮಕರಾಸ್ತಥಾ ।
ವಿಂದ್ಯಮಂದರಸಂಕಾಶಾಸ್ಸಮುತ್ಪೇತುಸ್ಸಹಸ್ರಶಃ ॥ 31 ॥
ಆಘೂರ್ಣಿತತರಂಗೌಘಸ್ಸಂಭ್ರಾಂತೋರಗರಾಕ್ಷಸಃ ।
ಉದ್ವರ್ತಿತಮಹಾಗ್ರಾಹಸ್ಸಂವೃತ್ತಸ್ಸಲಿಲಾಶಯಃ ॥ 32 ॥
ತತಸ್ತುತಂರಾಘವಮುಗ್ರವೇಗಂಪ್ರಕರ್ಷಮಾಣಂಧನುರಪ್ರಮೇಯಮ್ ।
ಸೌಮಿತ್ರಿರುತ್ಪತ್ಯಸಮುಚ್ಛವಸಂತಂಮಾಮೇತಿಚೋಕ್ತ್ವಾದನುರಾಲಲಂಬೇ ॥ 33 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕವಿಂಶಸ್ಸರ್ಗಃ ॥
