ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುಃಸಪ್ತತಿತಮಸ್ಸರ್ಗಃ ।
ತಯೋಸ್ತದಾಸಾದಿತಯೋರಣಾಗ್ರೇಮುಮೋಹಸೈನ್ಯಂಹರಿಪುಂಗವಾನಾಮ್ ।
ಸುಗ್ರೀವನೀಲಾಂಗದಜಾಂಬವಂತೋ ನ ಚಾಪಿಕಿಂಚಿತ್ಪ್ರತಿಪೇದಿರೇತೇ ॥ 1 ॥
ತತೋವಿಷಣ್ಣಂಸಮವೇಕ್ಷ್ಯಸೈನ್ಯಂವಿಭೀಷಣೋಬುದ್ಧಿಮತಾಂವರಿಷ್ಠಃ ।
ಉವಾಚಶಾಖಮೃಗರಾಜವೀರಾನಾಶ್ವಾಸಯನ್ನಪ್ರತಿಮೈರ್ವಚೋಭಿಃ ॥ 2 ॥
ಮಾಭೈಷ್ಟನಾಸ್ತ್ಯತ್ರವಿಷಾದಕಾಲೋಯದಾರ್ಯಪುತ್ತ್ರೌವಿವಶೌವಿಷಣ್ಣೌ ।
ಸ್ವಯಂಭುವೋವಾಕ್ಯಮಥೋದ್ವಹಂತೌಯತ್ಸಾದಿತಾವಿಂದ್ರಜಿದಸ್ತ್ರಜಾಲೈಃ ॥ 3 ॥
ತಸ್ಮೈತುದತ್ತಂಪರಮಾಸ್ತ್ರಮೇತತ್ಸ್ವಯಂಭುವಾಬ್ರಾಹ್ಮಮಮೋಘವೇಗಮ್ ।
ತನ್ಮಾನಯಂತೌಯುಧಿರಾಜಪುತ್ರೌನಿಪಾತಿತೌಕೋಽತ್ರವಿಷಾದಕಾಲಃ ॥ 4 ॥
ಬ್ರಾಹ್ಮಮಸ್ತ್ರಂತತೋಧೀಮಾನ್ಮಾನಯಿತ್ವಾತುಮಾರುತಿಃ ।
ವಿಭೀಷಣವಚಶ್ಶ್ರುತ್ವಾಹನೂಮಾಂಸ್ತಮಥಾಬ್ರವೀತ್ ॥ 5 ॥
ಏತಸ್ಮಿನ್ನಿಹತೇಸೈನ್ಯೇವಾನರಾಣಾಂತರಸ್ವಿನಾಮ್ ।
ಯೋಯೋಧಾರಯತೇಪ್ರಾಣಾಂಸ್ತಂತಮಾಶ್ವಾಸಯಾವ ॥ 6 ॥
ತಾವುಭೌಯುಗಪವದೀರೌಹನೂಮದ್ರಾಕ್ಷಸೋತ್ತಮೌ ।
ಉಲ್ಕಾಹಸ್ತೌತದಾರಾತ್ರೌರಣಶೀರ್ಷೇವಿಚೇರತುಃ ॥ 7 ॥
ಭಿನ್ನಲಾಂಗೂಲಹಸ್ತೋರುಪಾದಾಂಗುಲಿ ಶಿರೋ ಧರೈಃ ।
ಸ್ರವದ್ಭಿಃ ಕ್ಷತಜಂ ಗಾತ್ರೈಃ ಪ್ರಸ್ರವದ್ಭಿಃ ಸಮಂತತಃ ॥ 8 ॥
ಪತಿತೈಃಪರ್ವತಾಕಾರೈರ್ವಾನರೈರಭಿಸಂಕುಲಾಮ್ ।
ಶಸ್ಸೈಶ್ಚಪತಿತೈರ್ದೀಪ್ತೈರ್ದದೃಶಾತೇವಸುಂಧರಾಮ್ ॥ 9 ॥
ಸುಗ್ರೀವಮಂಗದಂನೀಲಂಶರಭಂಗಂಧಮಾದನಮ್ ।
ಗವಾಕ್ಷಂ ಚ ಸುಷೇಣಂ ಚ ವೇಗದರ್ಶಿನಮಾಹುಕಮ್ ॥ 10 ॥
ಮೈಂದಂ ನಲಂ ಜ್ಯೋತಿಮುಖಂ ದ್ವಿವಿದಂ ಪನಸಂ ತಥಾ ।
ವಿಭೀಷಣೋ ಹನೂಮಾಂಶ್ಚ ದದೃಶಾತೇ ಹತಾನ್ರಣೇ ॥ 11 ॥
ಸಪ್ತಷಷ್ಟಿರ್ಹತಾಃಕೋಟ್ಯೋವಾನರಾಣಾಂತರಸ್ವಿನಾಮ್ ।
ಅಹ್ನಃಪಂಚಮಶೇಷೇಣವಲ್ಲಭೇನಸ್ವಯಂಭುವಃ ॥ 12 ॥
ಸಾಗರೌಘನಿಭಂಭೀಮಂದೃಷ್ಟವಾಬಾಣಾರ್ದಿತಂಬಲಮ್ ।
ಮಾರ್ಗತೇಜಾಂಬವಂತಂಸ್ಮಿಹನೂಮಾನ್ ಸವಿಭೀಷಣಃ ॥ 13 ॥
ಸ್ವಭಾವಜರಯಾಯುಕ್ತಂವೃದ್ಧಂಶರಶತೈಶ್ಚಿತಮ್ ।
ಪ್ರಜಾಪತಿಸುತಂವೀರಂಶಾಮ್ಯಂತಮಿವಪಾವಕಮ್ ॥ 14 ॥
ದೃಷ್ಟವಾತಮುಪಸಂಗ್ರಮ್ಯಪೌಲಸ್ತ್ಯೋವಾಕ್ಯಮಬ್ರವೀತ್ ।
ಚ್ಚಿದಾರ್ಯಶರೈಸ್ತೀಕ್ಷ್ಣೈರ್ನಪ್ರಾಣಾಧ್ವಂಸಿತಾಸ್ತವ ॥ 15 ॥
ವಿಭೀಷಣವಚಶ್ಶ್ರುತ್ವಾಜಾಂಬವಾನೃಕ್ಷಪುಂಗವಃ ।
ಕೃಚ್ಛ್ರಾದಭ್ಯುಗ್ದಿರನ್ವಾಕ್ಯಮಿದಂವಚನಮಬ್ರವೀತ್ ॥ 16 ॥
ನೈರೃತೇಂದ್ರಮಹಾವೀರ್ಯಸ್ವರೇಣತ್ವಾಽಭಿಲಕ್ಷ್ಯೇ ।
ಪೀಡ್ಯಮಾನಶಶಿತೈರ್ಬಾಣೈರ್ನತ್ವಾಪಶ್ಯಾಮಿಚಕ್ಷುಷಾ ॥ 17 ॥
ಅಂಜನಾಸುಪ್ರಜಾಯೇನಮಾತರಿಶ್ವಾ ಚ ನೈರೃತ ।
ಹನುಮಾನ್ ವಾನರಶ್ರೇಷ್ಠಃಪ್ರಾಣಾನ್ ಧಾರಯತೇಕ್ವಚಿತ್ ॥ 18 ॥
ಶ್ರುತ್ವಾಜಾಂಬವತೋವಾಕ್ಯಮುವಾಚೇದಂವಿಭೀಷಣಃ ।
ಆರ್ಯಪುತ್ರಾವತಿಕ್ರಮ್ಯಕಸ್ಮಾತ್ಪೃಚ್ಛಸಿಮಾರುತಿಮ್ ॥ 19 ॥
ನೈವರಾಜನಿಸುಗ್ರೀವೇನಾಂಗದೇನಾಪಿರಾಘವೇ ।
ಆರ್ಯಸಂದರ್ಶಿತಸ್ಸ್ನೇಹೋಯಥಾವಾಯುಸುತೇಪರಃ ॥ 20 ॥
ವಿಭೀಷಣವಚಶ್ಶ್ರುತ್ವಾಜಾಂಬವಾನ್ವಾಕ್ಯಮಬ್ರವೀತ್ ।
ಶೃಣುನೈರೃತಶಾರ್ದೂಲಯಸ್ಮಾತ್ ಪೃಚ್ಛಾಮಿಮಾರುತಿಮ್ ॥ 21 ॥
ತಸ್ಮಿನ್ಜೀವತಿವೀರೇತುಹತಮಪ್ಯಹತಂಬಲಮ್ ।
ಹನೂಮತ್ಯುಜ್ಝಿತಪ್ರಾಣೇಜೀವಂತೋಽಪಿವಯಂ ಹೃತಾ ॥ 22 ॥
ಧರತೇಮಾರುತಿಸ್ತಾತಮಾರುತಪ್ರತಿಮೋಯದಿ ।
ವೈಶ್ವಾನರಸಮೋವೀರ್ವೇಜೀವಿತಾಶಾತತೋಭವೇತ್ ॥ 23 ॥
ತತೋವೃದ್ಧಮುಪಾಗಮ್ಯನಿಯಮೇನಾಭ್ಯವಾದಯತ್ ।
ಗೃಹ್ಯಜಾಂಬವತಃಪಾದೌಹನೂಮಾನ್ಮಾರುತಾತ್ಮಜಃ ॥ 24 ॥
ಶ್ರುತ್ವಾಹನುಮತೋವಾಕ್ಯಂತದಾಽಪಿವ್ಯಥಿತೇಂದ್ರಿಯಃ ।
ಪುನರ್ಜಾತಮಿವಾತ್ಮಾನಂಮನ್ಯತೇಪ್ಲವಗೋತ್ತಮಃ ॥ 25 ॥
ತತೋಽಬ್ರವೀನ್ಮಹಾತೇಜಾಹನೂಮಂತಂ ಸ ಜಾಂಬವಾನ್ ।
ಆಗಚ್ಛಹರಿಶಾರ್ದೂಲ ವಾನರಾಂಸ್ತ್ರಾತುಮರ್ಹಸಿ ॥ 26 ॥
ನಾನ್ಯೋವಕ್ರಮಪರ್ಯಾಪ್ತಸ್ತ್ವಮೇಷಾಂಪರಮಸ್ಸಖಾ ।
ತ್ವತ್ಪರಾಕ್ರಮಕಾಲೋಽಯಂನಾನ್ಯಂಪಶ್ಯಾಮಿಕಥಂಚನ ॥ 27 ॥
ಋಕ್ಷ್ವಾನರವೀರಾಣಾಮನೀಕಾನಿಪ್ರಹರ್ಷಯ ।
ಶಲ್ಯೌಕುರುಚಾಪ್ಯೇತಾಸಾದಿತೌರಾಮಲಕ್ಷ್ಮಣೌ ॥ 28 ॥
ಗತ್ವಾಪರಮಮಧ್ವಾನಮುಪರ್ಯುಪರಿಸಾಗರಮ್ ।
ಹಿಮವಂತಂನಗಶ್ರೇಷ್ಠಂಹನುಮನ್ಗಂತುಮರ್ಹಸಿ ॥ 29 ॥
ತತಃಕಾಂಚನಮತ್ಯುಚ್ಚಮೃಷಭಂಪರ್ವತೋತ್ತಮಮ್ ।
ಕೈಲಾಸಶಿಖರಂಚಾಪಿದ್ರಕ್ಷ್ಯಸ್ಯರಿನಿಷೂದನ ॥ 30 ॥
ತಯೋಶಶಿಖರಯೋರ್ಮಧ್ಯೇಪ್ರದೀಪ್ತಮತುಲಪ್ರಭಮ್ ।
ಸರ್ಯೌಷಧಿಯುತಂವೀರ ದ್ರಕ್ಷ್ಯಸ್ಯೌಷಧಿಪರ್ಯತಮ್ ॥ 31 ॥
ತಸ್ಯವಾನರಶಾರ್ದೂಲ ಚತಸ್ರೋ ಮೂಧಿ ಸಂಭವಾಃ ।
ದ್ರಕ್ಷ್ಯಸ್ಯೋಷಧಯೋದೀಪ್ತಾದೀಪಯ್ನತ್ಯೋದಿಶೋದಶ ॥ 32 ॥
ಮೃತಸಂಜೀವನೀಂಚೈವವಿಶಲ್ಯಕರಣೀಮಪಿ ।
ಸುವರ್ಣಕರಣೀಂಚೈವಸಂಧಾನಕರಣೀಂತಥಾ ॥ 33 ॥
ತಾಸ್ಸರ್ವಾಹನುಮನ್ಗೃಹ್ವಕ್ಷಿಪ್ರಮಾಗಂತುಮರ್ಹಸಿ ।
ಆಶ್ವಾಸಯಹರೀನ್ ಪ್ರಾಣೈರ್ಯೋಜ್ಯಗಂಧವಹಾತ್ಮಜ ॥ 34 ॥
ಶ್ರುತ್ವಾಜಾಂಬವತೋವಾಕ್ಯಂಹನೂಮಾನ್ ಹರಿಪುಂಗವಃ ।
ಆಪೂರ್ಯತಬಲೋದ್ಧರ್ಷೈಸ್ತೋಯವೇಗೈರಿವಾರ್ಣವಃ ॥ 35 ॥
ಸ ಪರ್ವತತಟಾಗ್ರಸ್ಥಃ ಪೀಡಯನ್ಪರ್ವತೋತ್ತರಮ್ ।
ಹನೂಮಾಂದೃಶ್ಯತೇ ವೀರೋ ದ್ವಿತೀಯ ಇವ ಪರ್ವತಃ ॥ 36 ॥
ಹರಿಪಾದವಿನಿರ್ಭಗ್ನೋನಿಷಸಾದ ಸ ಪರ್ವತಃ ।
ನ ಶಶಾಕತದಾತ್ಮಾನಂಸೋಢುಂಭೃಶನಿಪೀಡಿತಃ ॥ 37 ॥
ತಸ್ಯಪೇತುರ್ನಗಾಭೂಮೌಹರಿವೇಗಾಚ್ಚಜಜ್ವಲುಃ ।
ಶೃಂಗಾಣಿ ಚ ವ್ಯಶೀರ್ಯಂತಪೀಡಿತಸ್ಯಹನೂಮತಾ ॥ 38 ॥
ತಸ್ಮಿನ್ ಸಂಪೀಡ್ಯಮಾನೇತುಭಗ್ನದ್ರುಮಶಿಲಾತಲೇ ।
ನ ಶೇಕುರ್ವಾನರಾಸ್ಸ್ಥಾತುಂಘೂರ್ಣಮಾನೇನಗೋತ್ತಮೇ ॥ 39 ॥
ಸಾಘೂರ್ಣಿತಮಹಾದ್ವಾರಾಪ್ರಭಗ್ನಗೃಹಗೋಪುರಾ ।
ಲಂಕಾತ್ರಾಸಾಕುಲಾರಾತ್ರೌಪ್ರವೃತ್ತೇವಾಭವತ್ತದಾ ॥ 40 ॥
ಪೃಥಿವೀಧರಸಂಕಾಶೋನಿಪೀಡ್ಯಧರಣೀಧರಮ್ ।
ಪೃಥಿವೀಂಕ್ಷೋಭಯಾಮಾಸಸಾರ್ಣವಾಂಮಾರುತಾತ್ಮಜಃ ॥ 41 ॥
ಆರುರೋಹತದಾತಸ್ಮಾದ್ಧರಿರ್ಮಲಯಪರ್ವತಮ್ ।
ಮೇರುಮಂದರಸಂಕಾಶಂನಾನಾಪ್ರಸ್ರವಣಾಕುಲಮ್ ॥ 42 ॥
ನಾನಾದ್ರುಮಲತಾಕೀರ್ಣಂವಿಕಾಸಿಕಮಲೋತ್ಪಲಮ್ ।
ಸೇವಿತಂದೇವಗಂಧರ್ವೈಷ್ಷಷ್ಟಿಯೋಜನಮುಚ್ಛ್ರಿತಮ್ ॥ 43 ॥
ವಿದ್ಯಾಧರೈರ್ಮುನಿಗಣೈರಪ್ಸರೋಭಿರ್ನಿಷೇವಿತಮ್ ।
ನಾನಾಮೃಗಗಣಾಕೀರ್ಣಂಬಹುಕಂದರಶೋಭಿತಮ್ ॥ 44 ॥
ಸರ್ವಾನಾಕುಲಯಂಸ್ತತ್ರಯಕ್ಷಗಂಧರ್ವಕಿನ್ನರಾನ್ ।
ಹನುಮಾನ್ ಮೇಘಸಂಕಾಶೋವವೃಧೇಮಾರುತಾತ್ಮಜಃ ॥ 45 ॥
ಪದ್ಭ್ಯಾಂತುಶೈಲಮಾಪೀಡ್ಯಬಡಬಾಮುಖವನ್ಮುಖಮ್ ।
ವಿವೃತ್ಯೋಗ್ರಂನನಾದೋಚ್ಚೈಸ್ತ್ರಾಸಯನ್ನಿವರಾಕ್ಷಸಾನ್ ॥ 46 ॥
ತಸ್ಯನಾನದ್ಯಮಾನಸ್ಯಶ್ರುತ್ವಾನಿನದಮದ್ಭುತಮ್ ।
ಲಂಕಾಸ್ಥಾರಾಕ್ಷಸಾಸ್ಸರ್ವೇ ನ ಶೇಕುಸ್ಸ್ಪಂದಿತುಂಭಯಾತ್ ॥ 47 ॥
ನಮಸ್ಕೃತ್ವಾಽಥರಾಮಾಯಮಾರುತಿರ್ಭೀಮವಿಕ್ರಮಃ ।
ರಾಘವಾರ್ಥೇಪರಂಕರ್ಮಸಮೀಹತಪರಂತಪಃ ॥ 48 ॥
ಸ ಪುಚ್ಛಮುದ್ಯಮ್ಯಭುಜಂಗಕಲ್ಪಂವಿನಮ್ಯಪೃಷ್ಠಂಶ್ರವಣೇನಿಕುಂಚ್ಯ ।
ವಿವೃತ್ಯವಕ್ತ್ರಂಬಡಬಾಮುಖಾಭಮಾಪುಫ್ಲುವೇವ್ಯೋಮನಿಚಂಡವೇಗಃ ॥ 49 ॥
ಸವೃಕ್ಷಷಂಡಾಂಸ್ತರಸಾಜಹಾರಶೈಲಾನ್ ಶಿಲಾಃಪ್ರಾಕೃತವಾನರಾಂಶ್ಚ ।
ಬಾಹೂರುವೇಗೋದ್ಧತಸಂಪ್ರಣುನ್ನಾಸ್ತೇಕ್ಷೀಣವೇಗಾಸ್ಸಲಿಲೇನಿಪೇತುಃ ॥ 50 ॥
ತೌಪ್ರಸಾರ್ಯೋರಗಭೋಗಕಲ್ಪೌಭುಜೌಭುಜಂಗಾರಿನಿಕಾಶವೀರ್ಯಃ ।
ಜಗಾಮಮೇರುಂನಗರಾಜಮಗ್ಯ್ರಂದಿಶಃಪ್ರಕರ್ಷನ್ನಿವವಾಯುಸೂನುಃ ॥ 51 ॥
ಸ ಸಾಗರಂಘೂರ್ಣಿತವೀಚಿಮಾಲಂತಥಾಭೃಶಂಭ್ರಾಮಿತಸರ್ವಸತ್ತ್ವಮ್ ।
ಸಮೀಕ್ಷಮಾಣಸ್ಸಹಸಾಜಗಾಮಚಕ್ರಂಯಥಾವಿಷ್ಣುಕರಾಗ್ರಮುಕ್ತಮ್ ॥ 52 ॥
ಸ ಪರ್ವತಾನ್ವೃಕ್ಷಗವಾನ್ ಸರಾಂಸಿನದೀಸ್ತಟಾಕಾನಿಪುರೋತ್ತಮಾನಿ ।
ಸ್ಫೀತಾನ್ ಜನಾಂತಾನಪಿಸಂಪ್ರವೀಕ್ಷ್ಯಜಗಾಮವೇಗಾಪತಿತೃತುಲ್ಯವೇಗಃ ॥ 53 ॥
ಆದಿತ್ಯಪಥಮಾಶ್ರಿತ್ಯಜಗಾಮ ಸ ಗತಕ್ಲಮಃ ।
ಹನೂಮಾಂಸ್ತ್ವರಿತೋವೀರಃಪಿತೃತುಲ್ಯಪರಾಕ್ರಮಃ ॥ 54 ॥
ಜವೇನಮಹತಾಯುಕ್ತೋಮಾರುತಿರ್ಮಾರುತೋಯಥಾ ।
ಜಗಾಮಹರಿಶಾರ್ದೂಲೋದಿಶಶ್ಶಬ್ದೇನಪೂರಯನ್ ॥ 55 ॥
ಸ್ಮ್ಮರನ್ಜಾಂಬವತೋವಾಕ್ಯಂಮಾರುತಿರ್ವಾತರಂಹಸಾ ।
ದದರ್ಶಸಹಸಾಗತ್ವಾಹಿಮವಂತಂಮಹಾಕಪಿಃ ॥ 56 ॥
ನಾನಾಪ್ರಸ್ರವಣೋಪೇತಂನಾನಾಕಂದರನಿರ್ಘರಮ್ ।
ಶ್ವೇತಾಭ್ರಚಯಸಂಕಾಶೈಶಶಿಖರೈಶ್ಚಾರುದರ್ಶನೈಃ ॥ 57 ॥
ಶೋಭಿತಂವಿವಿಧೈರ್ವೃಕ್ಷೈರಗಮತ್ಪರ್ವತೋತ್ತಮಮ್ ।
ಸ ತಂಸಮಾಸಾದ್ಯಮಹಾನಗೇಂದ್ರಮತಿಪ್ರವೃದ್ಧೋತ್ತಮಘೋರಶೃಂಗಮ್ ।
ದದರ್ಶಪುಣ್ಯಾನಿಮಹಾಶ್ರಮಾಣಿಸುರರ್ಷಿಸಂಘೋತ್ತಮಸೇವಿತಾನಿ ॥ 58 ॥
ಸ ಬ್ರಹ್ಮಕೋಶಂರಜತಾಲಯಂ ಚ ಶಕ್ರಾಲಯಂರುದ್ರಶರಪ್ರಮೋಕ್ಷಮ್ ।
ಹಯಾನನಂಬ್ರಹ್ಮಶಿರಶ್ಚದೀಪ್ತಂದದರ್ಶವೈವಸ್ವತಕಿಂಕರಾಂಶ್ಚ ॥ 59 ॥
ವಜ್ರಾಲಯಂ ವೈಶ್ವರಣಾಲಯಂ ಚ ।
ಸೂರ್ಯಪ್ರಭಂ ಸೂರ್ಯನಿಬಂಧನಂ ಚ ।
ಬ್ರಹ್ಮಾಸನಂ ಶಂಕರಕಾರ್ಮುಕಂ ಚ ।
ದದರ್ಶ ನಾಭಿಂ ಚ ವಸುಂಧರಾಯಾಃ ॥ 60 ॥
ಕೈಲಾಸಮಗ್ಯ್ರಂಹಿಮವಚ್ಛಿಲಾಂ ಚ ತಥರ್ಷಭಂಕಾಂಚನಶೈಲಮಗ್ಯ್ರಮ್ ।
ಸಂದೀಪ್ತಸರ್ವೌಷಧಿಸನ್ಪ್ರದೀಪ್ತಂದದರ್ಶಸರ್ವೌಷಧಿಪರ್ವತೇಂದ್ರಮ್ ॥ 61 ॥
ಸ ತಂಸಮೀಕ್ಷ್ಯಾನಲರಶ್ಮಿದೀಪ್ತಂವಿಸಿಷ್ಮಿಯೇವಾಸವದೂತಸೂನುಃ ।
ಆವೃತ್ಯತಂಚೌಷಧಿಪರ್ವತೇಂದ್ರಂತತ್ರೌಷಧೀನಾಂವಿಚಯಂಚಕಾರ ॥ 62 ॥
ಸಯೋಜನಸಹಸ್ರಾಣಿಸಮತೀತ್ಯಮಹಾಕಪಿಃ ।
ದಿವ್ಯೌಷಧಿಧರಂಶೈಲಂವ್ಯಚರನ್ಮಾರುತಾತ್ಮಜಃ ॥ 63 ॥
ಮಹೌಷಧ್ಯಸ್ತತಸ್ಸರ್ವಾಸ್ತಸ್ಮಿನ್ ಪರ್ವತಸತ್ತಮೇ ।
ವಿಜ್ಞಾಯಾರ್ಥಿನಮಾಯಾಂತಂತತೋಜಗ್ಮುರದರ್ಶನಮ್ ॥ 64 ॥
ಸ ತಾಮಹಾತ್ಮಾಹನುಮಾನಪಶ್ಯಂಶ್ಚುಕೋಪಕೋಪಾಚ್ಚಭೃಶಂನನಾದ ।
ಅಮೃಷ್ಯಮಾಣೋಽನಗಿನಿಕಾಶಚಕ್ಷುರ್ಮಹೀಧರೇಂದ್ರಂತಮುವಾಚವಾಕ್ಯಮ್ ॥ 65 ॥
ಕೀಮೇತದೇವಂಸುವಿನಿಶ್ಚಿತಂತೇಯದ್ರಾಘವೇನಾಸಿಕೃತಾನುಕಂಪ ।
ಪಶ್ಯಾದ್ಯಮದ್ಬಾಹುಬಲಾಭಿಭೂತೋವಿಕೀರ್ಣಮಾತ್ಮಾನಮಥೋನಗೇಂದ್ರ ॥ 66 ॥
ಸ ತಸ್ಯಶೃಂಗಂಸನಗಂಸನಾಗಂಸಕಾಂಚನಂಧಾತುಸಹಸ್ರಜುಷ್ಟಮ್ ।
ವಿಕೀರ್ಣಕೂಟಂಜ್ವಲಿತಾಗ್ರಸಾನುಂಪ್ರಗೃಹ್ಯವೇಗಾತ್ಸಹಸೋನ್ಮಮಾಥ ॥ 67 ॥
ಸತಸಮುತ್ಪಾಟ್ಯಖಮುತ್ಪಪಾತವಿತ್ರಾಸ್ಯಲೋಕಾನ್ ಸಸುರಾಸುರೇಂದ್ರಾನ್ ।
ಸಂಸ್ತೂಯಮಾನಃಖಚರೈರನೇಕೈರ್ಜಗಾಮವೇಗಾದ್ಗರುಡೋಗ್ರವೇಗಃ ॥ 68 ॥
ಸ ಭಾಸ್ಕರಾಧ್ವಾನಮನುಪ್ರಪನ್ನಸ್ತಂಭಾಸ್ಕರಾಭಂಶಿಖರಂಪ್ರಗೃಹ್ಯ ।
ಬಭೌತದಾಭಾಸ್ಕರಸನ್ನಿಕಾಶೋರವೇಸ್ಸಮೀಪೇಪ್ರತಿಭಾಸ್ಕರಾಭಃ ॥ 69 ॥
ಸ ತೇನಶೈಲೇನಭೃಶಂರರಾಜಶೈಲೋಪಮೋಗಂಧವಹಾತ್ಮಜಸ್ತು ।
ಸಹಸ್ರಧಾರೇಣಸಪಾವಕೇನಚಕ್ರೇಣಖೇವಿಷ್ಣುರಿವಾರ್ಪಿತೇನ ॥ 70 ॥
ತಂವಾನರಾಃಪ್ರೇಕ್ಷ್ಯವಿನೇದುರುಚ್ಚೈಸ್ಸತಾನಪಿಪ್ರೇಕ್ಷ್ಯಮುದಾನನಾದ ।
ತೇಷಾಂಸಮುಧ್ಘುಷ್ಟರವಂನಿಶಮ್ಯಲಂಕಾಲಯಾಭೀಮತರಂವಿನೇದುಃ ॥ 71 ॥
ತತೋಮಹಾತ್ಮಾನಿಪಪಾತತಸ್ಮಿನ್ ಶೈಲೋತ್ತಮೇವಾನರಸೈನ್ಯಮಥ್ಯೇ ।
ಹರ್ಯುತ್ತಮೇಭ್ಯಶಶಿರಸಾಽಭಿವಾದ್ಯವಿಭೀಷಣಂತತ್ರ ಸ ಸಸ್ವಜೇ ಚ ॥ 72 ॥
ತಾವಪ್ಯುಭೌಮಾನುಷರಾಜಪುತ್ರೌತಂಗಂಧಮಾಘ್ರಾಯಮಹೌಷಧೀನಾಮ್ ।
ಬಭೂವತುಸ್ತತ್ರತದಾವಿಶಲ್ಯಾವುತ್ತಸ್ಥುರನ್ಯೇ ಚ ಹರಿಪ್ರವೀರಾಃ ॥ 73 ॥
ಸರ್ವೇವಿಶಲ್ಯಾವಿರುಜಾಃಕ್ಷಣೇನಹರಿಪ್ರವೀರಾಶ್ಚಹತಾಶ್ಚಯೇಸ್ಯುಃ ।
ಗಂಧೇನತಾಸಾಂಪ್ರವರೌಷಧೀನಾಂಸುಪ್ತಾನಿಶಾಂತೇಷ್ವಿವಸಂಪ್ರಬುದ್ಧಾಃ ॥ 74 ॥
ದಾಪ್ರಭೃತಿಲಂಕಾಯಾಂಯುಧ್ಯಂತೇಹರಿರಾಕ್ಷಸಾಃ ।
ತದಾಪ್ರಭೃತಿಮಾನಾರ್ಥಮಾಜ್ಞಯಾರಾವಣಸ್ಯ ಚ ॥ 75 ॥
ಯೇಹನ್ಯಂತೇರಣೇತತ್ರರಾಕ್ಷಸಾಃಕಪಿಕುಂಜರೈಃ ।
ಹತಾಹತಾಸ್ತುಕ್ಷಿಪ್ಯಂತೇಸರ್ವಏವತುಸಾಗರೇ ॥ 76 ॥
ತತೋಹರಿರ್ಗಂಧವಹಾತ್ಮಜಸ್ತುತಮೋಷಧೀಶೈಲಮುದಗ್ರವೇಗಃ ।
ನಿನಾಯವೇಗಾದ್ಧಿಮವಂತಮೇವಪುನಶ್ಚರಾಮೇಣಸಮಾಜಗಾಮ ॥ 77 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುಃಸಪ್ತತಿತಮಸ್ಸರ್ಗಃ ॥
