ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದ್ವಿನವತಿತಮಸ್ಸರ್ಗಃ ।
ರುಧಿರಕ್ಲಿನ್ನಗಾತ್ರಸ್ತುಲಕ್ಷ್ಮಣಃಶುಭಲಕ್ಷಣಃ ।
ಬಭೂವಹೃಷ್ಟಸ್ತಂಹತ್ವಾಶಕ್ರಜೇತಾರಮಾಹವೇ ॥ 1 ॥
ತತಃಸಜಾಂಬವಂತಂಚಹನೂಮಂತಂಚವೀರ್ಯವಾನ್ ।
ಸಂನಿಪತ್ಯಮಹಾತೇಜಾಸ್ತಾಂಶ್ಚಸರ್ವಾನ್ವನೌಕಸಃ ॥ 2 ॥
ಆಜಗಾಮತತಃಶೀಘ್ರಂಯತ್ರಸುಗ್ರೀವರಾಘವೌ ।
ವಿಭೀಷಣಮವಷ್ಟಭ್ಯಹನೂಮಂತಂಚಲಕ್ಷ್ಮಣಃ ॥ 3 ॥
ತತೋರಾಮಮಭಿಕ್ರಮ್ಯಸೌಮಿತ್ರಿರಭಿವಾದ್ಯ ಚ ।
ತಸ್ಥೌಭ್ರಾತೃಸಮೀಪಸ್ಥಃಶಕ್ರಸ್ಯೇಂದ್ರಾನುಜೋಯಥಾ ॥ 4 ॥
ನಿಷ್ಟನನ್ನಿವಚಾಗತ್ಯರಾಘವಾಯಮಹಾತ್ಮನೇ ।
ಆಚಚಕ್ಷೇತದಾವೀರೋಘೋರಮಿಂದ್ರಜಿತೋವಧಮ್ ॥ 5 ॥
ರಾವಣೇಸ್ತುಶಿರಶ್ಛಿನ್ನಂಲಕ್ಷ್ಮಣೇನಮಹಾತ್ಮನಾ ।
ನ್ಯವೇದಯತರಾಮಾಯತದಾಹೃಷ್ಟೋವಿಭೀಷಣಃ ॥ 6 ॥
ಶ್ರುತ್ವೈವತುಮಹಾವೀರ್ಯೋಲಕ್ಷಣನೇಂದ್ರಜಿದ್ವಧಮ್ ।
ಪ್ರಹರ್ಷಮತುಲಂಲೇಭೇವಾಕ್ಯಂಚೇದಮುವಾಚ ಹ ॥ 7 ॥
ಸಾಧುಲಕ್ಷ್ಮಣತುಷ್ಟೋಽಸ್ಮಿಕರ್ಮಚಾಸುಕರಂಕೃತಮ್ ।
ರಾವಣೇರ್ಹಿವಿನಾಶೇನಜಿತಮುತ್ಯಪಧಾರಯ ॥ 8 ॥
ಸ ತಂಶಿರಸ್ಯುಪಾಘ್ರಾಯಲಕ್ಷ್ಮಣಂಕೀರ್ತಿವರ್ಧನಮ್ ।
ಲಜ್ಜಮಾನಂಬಲಾತ್ಸ್ನೇಹಾದಂಗಮಾರೋಪ್ಯವೀರ್ಯವಾನ್ ॥ 9 ॥
ಉಪವೇಶ್ಯತಮುತ್ಸಂಗೇಪರಿಷ್ವಜ್ಯಾವಪೀಡಿತಮ್ ।
ಭ್ರಾತರಂಲಕ್ಷ್ಮಣಂಸ್ನಿಗ್ಧಂಪುನಃಪುನರುದೈಕ್ಷತ ॥ 10 ॥
ಶಲ್ಯಸಂಪೀಡಿತಂಶಸ್ತಂನಿಃಶ್ವಸಂತಂತುಂಲಕ್ಷ್ಮಣಮ್ ।
ರಾಮಸ್ತುದುಃಖಸಂತಪ್ತಂತಂತುನಿಃಶ್ವಾಸಪೀಡಿತಮ್ ॥ 11 ॥
ಮೂರ್ಧ್ನಿಚೈನಮುಪಾಘ್ರಾಯಭೂಯಃಸಂಸ್ಪೃಶ್ಯ ಚ ತ್ವರನ್ ।
ಉವಾಚಲಕ್ಷ್ಮಣಂವಾಕ್ಯಮಾಶ್ವಾಸ್ಯಪುರುಷರ್ಷಭಃ ॥ 12 ॥
ಕೃತಂಪರಮಕಳ್ಯಾಣಂಕರ್ಮದುಷ್ಕರಕರ್ಮಣಾ ।
ಅದ್ಯಮನ್ಯೇಹತೇಪುತ್ರೇರಾವಣಂನಿಹತಂಯುಧಿ ॥ 13 ॥
ಅದ್ಯಾಹಂವಿಜಯೀಶತ್ರೌಹತೇತಸ್ಮಿನ್ ದುರಾತ್ಮನಿ ।
ರಾವಣಸ್ಯನೃಶಂಸಸ್ಯದಿಷ್ಟ್ಯಾವೀರತ್ವಯಾರಣೇ ॥ 14 ॥
ಛಿನ್ನೋಹಿದಕ್ಷಿಣೋಬಾಹುಃ ಸ ಹಿತಸ್ಯವ್ಯಪಾಶ್ರಯಃ ।
ವಿಭೀಷಣಹನೂಮದ್ಭ್ಯಾಂಕೃತಂಕರ್ಮಮಹದ್ರಣೇ ॥ 15 ॥
ಅಹೋರಾತ್ರೈಸ್ತ್ರಿಭಿರ್ವೀರಃಕಥಂಚಿತವಂದಿಪಾತಿತಃ ।
ವಿರಮಿತ್ರಃಕೃತೋಽಸ್ಮ್ಯದ್ಯನಿರ್ಯಾಸ್ಯತಿಹಿರಾವಣಃ ॥ 16 ॥
ಬಲವ್ಯೂಹೇನಮಹತಾಶ್ರುತ್ವಾಪುತ್ತ್ರಂನಿಪಾತಿತಮ್ ।
ತಂಪುತ್ರವಧಸಂತಪ್ತಂನಿರ್ಯಾಂತಂರಾಕ್ಷಸಾಧಿಪಮ್ ॥ 17 ॥
ಬಲೇನಾವೃತ್ಯಮಹತಾನಿಹನಿಷ್ಯಾಮಿದುರ್ಜಯಮ್ ।
ತ್ವಯಾಲಕ್ಷ್ಮಣನಾಥೇನಸೀತಾ ಚ ಪೃಥಿವೀ ಚ ಮೇ ॥ 18 ॥
ನ ದುಷ್ಪ್ರಾಪಾಹತೇತಸ್ಮಿನ್ ಶಕ್ರಜೇತರಿಚಾಹವೇ ।
ಸತಂಭ್ರಾತರಮಾಶ್ವಾಸ್ಯಪರಿಷ್ವಜ್ಯ ಚ ರಾಘವಃ ॥ 19 ॥
ರಾಮಃಸುಷೇಣಂಮುದಿತಸ್ಸಮಾಭಾಷ್ಯೇದಮಬ್ರವೀತ್ ।
ಸಶಲ್ಯೋಽಯಂಮಹಾಪ್ರಾಜ್ಞಸ್ಸೌಮಿತ್ರಿರ್ಮಿತ್ರವತ್ಸಲಃ ॥ 20 ॥
ಯಥಾಭವತಿಸುಸ್ವಸ್ಥಸ್ತಥಾತ್ವಂಸಮುಪಾಚರ ।
ವಿಶಲ್ಯಃಕ್ರಿಯತಾಂಕ್ಷಿಪ್ರಂಸೌಮಿತ್ರಿಸ್ಸವಿಭೀಷಣಃ ॥ 21 ॥
ಋಕ್ಷ್ವಾನರಸೈನ್ಯಾನಾಂಶೂರಾಣಾಂದ್ರುಮಯೋಧಿನಾಮ್ ।
ಯೇಚಾಪ್ಯನ್ಯೇಽತ್ರಯುಧ್ಯಂತಿಸಶಲ್ಯಾವ್ರಣಿನಸ್ತಥಾ ॥ 22 ॥
ತೇಽಪಿಸರ್ವೇಪ್ರಯತ್ನೇನಕ್ರಿಯಂತಾಂಸುಖಿನಸ್ತಥಾ ।
ಏವಮುಕ್ತಸ್ತುರಾಮೇಣಮಹಾತ್ಮಾಹರಿಯೂಥಪಃ ॥ 23 ॥
ಲಕ್ಷ್ಮಣಾಯದರೌನಸ್ತಸ್ಸುಷೇಣಃಪರಮೌಷಧಮ್ ।
ಸ ತಸ್ಯಗಂಧಮಾಘ್ರಾಯವಿಶಲ್ಯಸ್ಸಮಪದ್ಯತ ॥ 24 ॥
ತದಾನಿರ್ವೇದನಶ್ಚೈವಸಂರೂಢವ್ರಣಏವ ಚ ।
ವಿಭೀಷಣಮುಖಾನಾಂ ಚ ಸುಹೃದಾಂರಾಘವಾಜ್ನಾಯಾ ॥ 25 ॥
ಸರ್ವವಾನರಮುಖ್ಯಾನಾಂಚಿಕಿತ್ಸಾಮಕರೋತ್ತದಾ ।
ತತಃಪ್ರಕೃತಿಮಾಪನ್ನೋಹೃತಶಲ್ಯೋಗತವ್ಯಥಃ ॥ 26 ॥
ಸೌಮಿತ್ರಿರ್ಮುದಿತಸ್ತತ್ರ ಕ್ಷಣೇನ ವಿಗತಜ್ವರಃ ।
ತದೈವರಾಮಃಪ್ಲವಗಾಧಿಪಸ್ತಥಾವಿಭೀಷಣಶ್ಚರ್ಕ್ಷಪತಿಶ್ಚಜಾಂಬವಾನ್ ।
ಆವೇಕ್ಷ್ಯಸೌಮಿತ್ರಿಮರೋಗಮುಥತಿತಂಮುದಾಸಸೈನ್ಯಾಸ್ಸುಚಿರಂಜಹರ್ಷಿರೇ ॥ 27 ॥
ಅಪೂಜಯತ್ಕರ್ಮ ಸ ಲಕ್ಷ್ಮಣಸ್ಯಸುದುಷ್ಕರಂದಾಶರಥಿರ್ಮಹಾತ್ಮಾ ।
ಬಭೂವಹೃಷ್ಟೋವಾನರೇಂದ್ರೋನಿಶಮ್ಯತಂಶಕ್ರಜಿತಂನಿಪಾತಿತಮ್ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದ್ವಿನವತಿತಮಸ್ಸರ್ಗಃ ॥
