ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚಷಷ್ಟಿತಮಸ್ಸರ್ಗಃ ।
ಸ ತಥೋಕ್ತಸ್ತುನಿರ್ಭರ್ತ್ಸ್ಯಕುಂಭಕರ್ಣೋಮಹೋದರಮ್ ।
ಅಬ್ರವೀದ್ರಾಕ್ಷಸಶ್ರೇಷ್ಠಂಭ್ರಾತರಂರಾವಣಂತತಃ ॥ 1 ॥
ಸೋಽಹಂತವಭಯಂಘೋರಂವಧಾತ್ತಸ್ಯದುರಾತ್ಮನಃ ।
ರಾಮಸ್ಯಾದ್ಯಪ್ರಮಾರ್ಜಾಮಿನಿರ್ವೈರೋಹಿಸುಖೀಭವ ॥ 2 ॥
ಗರ್ಜಂತಿ ನ ವೃಥಾಶೂರಾನಿರ್ಜಲಾಇವತೋಯದಾಃ ।
ಪಶ್ಯಸಂಪದ್ಯಮಾನಂತುಗರ್ಜಿತಂಯುಧಿಕರ್ಮಣಾ ॥ 3 ॥
ನ ಮರ್ಷಯಂತಿಚಾತ್ಮಾನಂಸಂಭಾವಯತಿನಾತ್ಮನಾ ।
ಅದರ್ಶಯಿತ್ವಾಶೂರಾಸ್ತುಕರ್ಮಕುರ್ವಂತಿದುಷ್ಕರಮ್ ॥ 4 ॥
ವಿಕ್ಲಬಾನಾಮಬುದ್ಧೀನಾಂರಾಜ್ಞಾಪಂಡಿತಮಾನಿನಾಮ್ ।
ಶ್ರೃಣ್ವತಾಸದಿತಮಿದಂತ್ವಾದ್ವಿಧಾನಾಂಮಹೋದರ ॥ 5 ॥
ಯುದ್ಧೇಕಾಪುರುಷೈರ್ನಿತ್ಯಂಭವದ್ಭಿಃಪ್ರಿಯವಾದಿಭಿಃ ।
ರಾಜಾನಮನುಗಚ್ಛದ್ಭಿಃಸರ್ವಂಕೃತ್ಯಮೋದ್ಧಿಸಾದಿತಮ್ ॥ 6 ॥
ರಾಜಶೇಷಾಕೃತಾಲಂಕಾಕ್ಷೀಣಃಕೋಶೋಬಲಂಹತಮ್ ।
ರಾಜಾನಮಿಮಮಾಸಾದ್ಯಸುಹೃಚಚಿಹ್ನಮಮಿತ್ರಕಮ್ ॥ 7 ॥
ಏಷನಿರ್ಯಾಮ್ಯಹಂಯುದ್ಧಮುದ್ಯತಶ್ಶತ್ರುನಿರ್ಜಯೇ ।
ದುರ್ನಯಂಭವತಾಮದ್ಯಸಮೀಕರ್ತುಂಮಿಹಾಹವೇ ॥ 8 ॥
ಏವಮುಕ್ತವತೋವಾಕ್ಯಂಕುಂಭಕರ್ಣಸ್ಯಧೀಮತಃ ।
ಪ್ರತ್ಯುವಾಚತತೋವಾಕ್ಯಂಪ್ರಹಸನ್ರಾಕ್ಷಸಾಧಿಪಃ ॥ 9 ॥
ಮಹೋದರೋಽಯಂರಾಮಾತ್ತುಪರಿತ್ರಸ್ತೋ ನ ಸಂಶಯಃ ।
ನ ಹಿರೋಚಯತೇತಾತ ಯುದ್ಧಂಯುದ್ಧವಿಶಾರದ ॥ 10 ॥
ಕಶ್ಚಿನ್ಮೇತ್ವತ್ಸಮೋನಾಸ್ತಿಸೌಹೃದೇನಬಲೇನ ಚ ।
ಗಚ್ಛಶತ್ರುವಧಾಯತ್ವಂಕುಂಭಕರ್ಣಜಯಾಯ ಚ ॥ 11 ॥
ತಸ್ಮಾತ್ತುಶತ್ರುನಾಶಾರ್ಥಂಭವಾನ್ಸಂಬೋಧಿತೋಮಯಾ ।
ಅಯಂಹಿಕಾಲಸ್ಸುಹೃದಾಂರಾಕ್ಷಸಾನಾಮರಿಂದಮ ॥ 12 ॥
ತದ್ಗಚ್ಛ ಶೂಲಮಾದಾಯ ಪಾಶಹಸ್ತ ಇವಾಂತಕಃ ।
ವಾನರಾನ್ ರಾಜಪುತ್ರೌ ಚ ಭಕ್ಷಯಾದಿತ್ಯತೇಜಸೌ ॥ 13 ॥
ಸಮಾಲೋಕ್ಯತುತೇರೂಪಂವಿದ್ರವಿಷ್ಯಂತಿವಾನರಾಃ ।
ರಾಮಲಕ್ಷ್ಮಣಯೋಶ್ಚಾಪಿಹೃದಯೇಪ್ರಸ್ಫುಟಿಷ್ಯತಃ ॥ 14 ॥
ಏವಮುಕ್ತ್ವಾಮಹಾತೇಜಾಃಕುಂಭಕರ್ಣಂಮಹಾಬಲಮ್ ।
ಪುನರ್ಜಾತಮಿವಾತ್ಮಾನಂಮೇನೇರಾಕ್ಷಸಪುಂಗವಃ ॥ 15 ॥
ಕುಂಭಕರ್ಣಬಲಾಭಿಜ್ಞೋ ಜಾನಂಸ್ತಸ್ಯ ಪರಾಕ್ರಮಮ್ ।
ಬಭೂವ ಮುದಿತೋ ರಾಜಾ ಶಶಾಂಕ ಇವ ನಿರ್ಮಲಃ ॥ 16 ॥
ಇತ್ಯೇವಮುಕ್ತಃಸಮ್ಹೃಷ್ಟೋನಿರ್ಜಗಾಮಮಹಾಬಲಃ ।
ರಾಜ್ಞಸ್ತುವಚನಂಶ್ರುತ್ವಾಕುಂಭಕರ್ಣಸ್ಸಮುದ್ಯತಃ ॥ 17 ॥
ಆದದೇನಿಶಿತಂಶೂಲಂವೇಗಾಚ್ಛತ್ರುನಿಬರ್ಹಣಮ್ ।
ಸರ್ವಕಾಲಾಯಸಂದೀಪ್ತಂತಪ್ತಕಾಂಚನಭೂಷಣಮ್ ॥ 18 ॥
ಇಂದ್ರಾಶನಿಸಮಂಭೀಮಂವಜ್ರಪ್ರತಿಮಗೌರವಮ್ ।
ದೇವದಾನವಗಂಧರ್ವಯಕ್ಷಪನ್ನಗಸೂದನಮ್ ॥ 19 ॥
ರಕ್ತಮಾಲ್ಯಂಮಹಾಧಾಮಂಸ್ವತಶ್ಚೋದ್ಗತಪಾವಕಮ್ ।
ಆದಾಯನಿಶಿತಂಶೂಲಂಶತ್ರುಶೋಣಿತರಂಜಿತಮ್ ॥ 20 ॥
ಕುಂಭಕರ್ಣೋಮಹಾತೇಜಾರಾವಣಂವಾಕ್ಯಮಬ್ರವೀತ್ ।
ಗಮಿಷ್ಯಾಮ್ಯಹಮೇಕಾಕೀತಿಷ್ಠತ್ವಿಹಬಲಂಮಮ ॥ 21 ॥
ಅದ್ಯತಾನ್ ಕ್ಷುಭಿತಾನ್ ಕ್ರುದ್ಧೋಭಕ್ಷಯಿಷ್ಯಾಮಿವಾನರಾನ್ ।
ಕುಂಭಕರ್ಣವಚಶ್ಶ್ರುತ್ವಾರಾವಣೋವಾಕ್ಯಮಬ್ರವೀತ್ ॥ 22 ॥
ಸೈನ್ಯೈಃಪರಿವೃತೋಗಚ್ಛಶೂಲಮುದ್ಗತಪಾಣಿಭಿಃ ।
ವಾನರಾಹಿಮಹಾತ್ಮಾನಶ್ಶೀಘ್ರಾಸ್ಸವ್ಯವಸಾಯಿನಃ ॥ 23 ॥
ಏಕಾಕಿನಂಪ್ರಮತ್ತಂವಾನಯೇಯುದ್ಧಶನೈಃಕ್ಷ್ಯಮ್ ।
ತಸ್ಮಾತ್ಪರಮದುರ್ಧರ್ಷೈಃ ಸೈನ್ಯೈಃಪರಿವೃತೋವ್ರಜ ॥ 24 ॥
ರಕ್ಷಸಾಮಹಿತಂಸರ್ವಂಶತ್ರುಪಕ್ಷಂನಿಷೂದಯ ।
ಅಥಾಸನಾತ್ಸಮುತ್ಪತ್ಯಸ್ರಜಂ ಮಣಿಕೃತಾಂತರಾಮ್ ॥ 25 ॥
ಆಬಬಂಧಮಹಾತೇಜಾಃಕುಂಭಕರ್ಣಸ್ಯರಾವಣಃ ।
ಅಂಗದಾನ್ಯಂಗುಲೀವೇಷ್ಟಾನ್ವರಾಣ್ಯಾಭರಣಾನಿ ಚ ॥ 26 ॥
ಹಾರಂ ಚ ಶ್ಶಿಸಂಕಾಶಮಾಬಬಂದಮಹಾತ್ಮನಃ ।
ದಿವ್ಯಾನಿ ಚ ಸುಗಂಧೀನಿಮಾಲ್ಯದಾಮಾನಿರಾವಣಃ ॥ 27 ॥
ಶ್ರೋತ್ರಿಚಾಸಂಜಯಾಮಾಸಶ್ರೀಮತೀಚಾಸ್ಯಕುಂಡಲೇ ।
ಕಾಂಚನಾಂಗದಕೇಯೂರೋನಿಷ್ಕಾಭರಣಭೂಷಿತಃ ॥ 28 ॥
ಕುಂಭಕರ್ಣೋಬೃಹತ್ಕರ್ಣಸ್ಸುಹುತೋಽಗ್ನಿರಿವಾಬಭೌ ।
ಶ್ರೋಣೀಸೂತ್ರೇಣಮಹತಾಮೇಚಕೇನವ್ಯರಾಜತ ॥ 29 ॥
ಅಮೃತೋತ್ಪಾದನೇನದ್ಧೋಭುಜಂಗೇನೇವಮಂದರಃ ।
ಸ ಕಾಂಚನಂಭಾರಸಹಂನಿವಾತಂವಿದ್ಯುತ್ಪ್ರಭಂದೀಪ್ತಮಿವಾತ್ಮಭಾಸಾ ।
ಆಬಧ್ಯಮಾನಃಕವಚಂರರಾಜಸಂಧ್ಯಾಭ್ರಸಮ್ವೀತರಾಜಃ ॥ 30 ॥
ಸರ್ವಾಭರಣನದ್ಧಾಂಗಃ ಶೂಲಪಾಣಿಃ ಸ ರಾಕ್ಷಸಃ ।
ತ್ರಿವಿಕ್ರಮಕೃತೋತ್ಸಾಹೋ ನಾರಾಯಣ ಇವಾಬಭೌ ॥ 31 ॥
ಭ್ರಾತರಂಸಂಪರಿಷ್ವಜ್ಯಕೃತ್ವಾಚಾಪಿಪ್ರದಕ್ಷಿಣಮ್ ।
ಪ್ರಣಮ್ಯಶಿರಸಾತಸ್ಮೈಸಂಪ್ರತಸ್ಥೇಮಹಾಬಲಃ ॥ 32 ॥
ನಿಷ್ಪತಂತಂಮಹಾಕಾಯಂಮಹಾನಾದಂಮಹಾಬಲಮ್ ।
ತಮಾಶೀರ್ಭಿಃಪ್ರಶಸ್ತಾಭಿಃಪ್ರೇಷಯಾಮಾಸರಾವಣಃ ॥ 33 ॥
ಶಂಖದುಂದುಭಿನಿರ್ಘೋಷೈಸ್ಸೈನ್ಯೈಶ್ಚಾಪಿವರಾಯುಥೈಃ ।
ತಂಗಜೈಶ್ಚತುರಂಗೈಶ್ಚಸ್ಯಂದನೈಶ್ಚಾಂಬುದಸ್ವನೈಃ ॥ 34 ॥
ಅನುಜಗ್ಮುರ್ಮಹಾತ್ಮಾನಂ ರಥಿನೋ ರಥಿನಾಂ ವರಮ್ ।
ಸರ್ಪೈರುಷ್ಟ್ರೈಃಖರೈರಶ್ವೈಸ್ಸಿಮ್ಹದ್ವಿಪಮೃಗದ್ವಿಜೈಃ ।
ಅನುಜಗ್ಮುಶ್ಚತಂಘೋರಂಕುಂಭಕರ್ಣಂಮಹಾಬಲಮ್ ॥ 35 ॥
ಸ ಪುಷ್ಪವರ್ಷೈರವಕೀರ್ಯಮಾಣೋಧೃತಾತಪತ್ರಃಶಿತಶೂಲಪಾಣಿಃ ।
ಮದೋತ್ಕಟಃಶೋಣಿತಗಂಧಮತ್ತೋವಿನಿರ್ಯಯೌದಾವನದೇವಶತ್ರುಃ ॥ 36 ॥
ಪದಾತಯಶ್ಚಬಹವೋಮಹಾನಾದಾಮಹಾಬಲಾಃ ।
ಅನ್ವಯೂರಾಕ್ಷಸಾಭೀಮಾಭೀಮಾಕ್ಷಾಶ್ಶಸ್ತ್ರಪಾಣಯಃ ॥ 37 ॥
ರಕ್ತಾಕ್ಷಾಸ್ಸುಮಹಾಕಾಯಾನೀಲಾಂಚನಚಯೋಪಮಾಃ ।
ಶೂಲಾನುದ್ಯಮ್ಯಖಡಗಾಂಶ್ಚನಿಶಿತಾಂಶ್ಚಪರಶ್ವಧಾನ್ ॥ 38 ॥
ಬಹುವ್ಯಾಮಾಂಶ್ಚಪರಿಘಾನ್ಗದಾಶ್ಚಮುಸಲಾನಿ ಚ ।
ತಾಲಸ್ಕಂಧಾಂಶ್ಚವಿಪುಲಾನ್ಕ್ಷೇಪಣೀಯಾಂದುರಾಸದಾನ್ ॥ 39 ॥
ಅಥಾನ್ಯದ್ವಪುರಾದಾಯದಾರುಣಂರೋಮಹರ್ಷಣಮ್ ।
ನಿಷ್ಪಪಾತಮಹಾತೇಜಾಃಕುಂಭಕರ್ಣೋಮಹಾಬಲಃ ॥ 40 ॥
ಧನುಃಶತಪರೀಣಾಹಃ ಸ ಷಟ್ಛತ್ರಸಮುಚ್ಛ್ರಿತಃ ।
ರೌದ್ರಃಶಕಟಚಕ್ರಾಕ್ಷೋಮಹಾಪರ್ವತಸನ್ನಿಭಃ ॥ 41 ॥
ಸನ್ನಿಪತ್ಯ ಚ ರಕ್ಷಾಂಸಿದಗ್ಧಶೈಲೋಪಮಾಮಹಾನ್ ।
ಕುಂಭಕರ್ಣೋಮಹಾವಕ್ತ್ರಃಪ್ರಹಸನ್ನಿದಮಬ್ರವೀತ್ ॥ 42 ॥
ಅದ್ಯವಾನರಮುಖ್ಯಾನಾಂತಾನಿಯೂಥಾನಿಭಾಗಶ ।
ನಿರ್ದಹಿಷ್ಯಾಮಿಸಂಖ್ರುದ್ಧಶ್ಶಲಾಭಾನಿವಪಾವಕಃ ॥ 43 ॥
ನಾಪರಾಧ್ಯಂತಿಮೇಕಾಮಂವಾನರಾಃ ವನಚಾರಿಣಃ ।
ಜಾತಿರಸ್ಮದ್ವಿಧಾನಾಂಸಾಪುರೋದ್ಯಾನವಿಭೂಷಣಮ್ ॥ 44 ॥
ಪುರರೋಧಸ್ಯಮೂಲಂತುರಾಘವಸ್ಸಹಲಕ್ಷ್ಮಣಃ ।
ಹತೇತಸ್ಮಿನ್ ಹತಂಸರ್ವಂತಂವಧಿಷ್ಯಾಮಿಸಂಯುಗೇ ॥ 45 ॥
ಏವಂ ತಸ್ಯ ಬ್ರುವಾಣಸ್ಯ ಕುಂಭಕರ್ಣಸ್ಯ ರಾಕ್ಷಸಾಃ ।
ನಾದಂ ಚಕ್ರುರ್ಮಹಾಘೋರಂ ಕಂಪಯಂತ ಇವಾರ್ಣವಮ್ ॥ 46 ॥
ತಸ್ಯನಿಷ್ಪತತಸ್ತೂರ್ಣಂಕುಂಭಕರ್ಣಸ್ಯಧೀಮತಃ ।
ಬಭೂವುರ್ಘೋರರೂಪಾಣಿನಿಮಿತ್ತಾನಿಸಮಂತತಃ ॥ 47 ॥
ಉಲ್ಕಾಶನಿಯುತಾಮೇಘಾಬಭೂವುರ್ಗರ್ಧಭಾರುಣಾಃ ।
ಸಸಾಗರವನಾಚೈವವಸುಧಾಸಮಕಂಪತ ॥ 48 ॥
ಘೋರರೂಪಾಶ್ಶಿವಾನೇದುಸ್ಸಜ್ವಾಲಕಬಲೈರ್ಮುಖೈಃ ।
ಮಂಡಲಾನ್ಯಪಸವ್ಯಾನಿಬಬಂಧುಶ್ಚವಿಹಂಗಮಾಃ ॥ 49 ॥
ನಿಷ್ಪಪಾತ ಚ ಗೃಧ್ರೋಮಾಲೇವಾಽಸ್ಯಪಥಿಗಚ್ಛತಃ ।
ಪ್ರಾಸ್ಫುರನ್ನಯನಂಚಾಸ್ಯಸವ್ಯೋಬಾಹುಶ್ಚಕಂಪತ ॥ 50 ॥
ನಿಷ್ಪಪಾತತದಾಚೋಲ್ಕಾಜ್ವಲಂತೀಭೀಮನಿಶ್ಶ್ವನಾ ।
ಆದಿತ್ಯೋನಿಷ್ಪ್ರಭಶ್ಚಾಸೀನ್ನಪ್ರವಾತಿ ಚ ಽನಿಲಃ ॥ 51 ॥
ಅಚಿಂತಯನ್ಮಹೋತ್ಪಾತಾನುದಿತಾನ್ರೋಮಹರ್ಷಣಾನ್ ।
ನಿರ್ಯಯೌಕುಂಭಕರ್ಣಸ್ತುಕೃತಾಂತಬಲಚೋದಿತಃ ॥ 52 ॥
ನ ಲಂಘಯಿತ್ವಾಪ್ರಾಕಾರಂಪದ್ಭ್ಯಾಂಪರ್ವತಸನ್ನಿಭಃ ।
ದದರ್ಶಾಭ್ರಘನಪ್ರಖ್ಯಂವಾನರಾನೀಕಮದ್ಭುತಮ್ ॥ 53 ॥
ತೇದೃಷ್ಟವಾರಾಕ್ಷಸಶ್ರೇಷ್ಠಂವಾನರಾಃಪರ್ವತೋಪಮಮ್ ।
ವಾಯುನುನ್ನಾಇವಘನಾಯಯುಸ್ಸರ್ವಾದಿಶಸ್ತದಾ ॥ 54 ॥
ತದ್ವಾನರಾನೀಕಮತಿಪ್ರಚಂಡಂದಿಶೋದ್ರವದ್ಭಿನ್ನಮವಾಭ್ರಜಾಲಮ್ ।
ಸ ಕುಂಭಕರ್ಣಸ್ಸಮವೇಕ್ಷ್ಯಹರ್ಷಾನ್ನನಾದಭೂಯೋಘನವದ್ಘನಾಭಃ ॥ 55 ॥
ತೇತಸ್ಯಘೋರಂನಿನದಂನಿಶಮ್ಯಯಥಾನಿನಾದಂದಿವಿವಾರಿದಸ್ಯ ।
ಪೇತುರ್ಧರಣ್ಯಾಂಬಹವಃಪ್ಲವಂಗಾನಿಕೃತ್ತಮೂಲಾಇವಶಾಲವೃಕ್ಷಾಃ ॥ 56 ॥
ವಿಪುಲಪರಿಘವಾನ್ ಸ ಕುಂಭಕರ್ಣೋರಿಪುನಿಧನಾಯವಿನಿಸ್ಪೃತೋತ್ಮಾ ।
ಕಪಿಷಣಭಯಮಾದದತ್ಸುಭೀಮಂಪ್ರಭುರಿವದಂಡವಾನ್ಯುಗಾಂತೇ ॥ 57 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚಷಷ್ಟಿತಮಸ್ಸರ್ಗಃ ॥
