ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುರ್ದಶಸ್ಸರ್ಗಃ ।
ನಿಶಾಚರೇಂದ್ರಸ್ಯನಿಶಮ್ಯವಾಕ್ಯಂಸಕುಂಭಕರ್ಣಸ್ಯಚಗರ್ಜಿತಾನಿ ।
ವಿಭೀಷಣೋರಾಕ್ಷಸರಾಜಮುಖ್ಯಮುವಾಚವಾಕ್ಯಂಹಿತಮರ್ಥಯುಕ್ತಮ್ ॥ 1 ॥
ಂತರಭೋಗರಾಶಿಶ್ಚಿಂತಾವಿಷಸ್ಸುಸ್ಮಿತತೀಕ್ಷ್ಣದಂಷ್ಟ್ರಃ ।
ಪಂಚಾಂಗುಲೀಪಂಚಶಿರೋಽತಿಕಾಯಸ್ಸೀತಾಮಹಾಹಿಸ್ತವಕೇನರಾಜನ್ ॥ 2 ॥
ಯಾವನ್ನಲಂಕಾಂಸಮಭಿದ್ರವಂತಿವಲೀಮುಖಾಃಪರ್ವತಕೂಟಮಾತ್ರಾಃ ।
ದಷ್ಟ್ರಾಯುಧಾಶ್ಚೈವನಖಾಯುಧಾಶ್ಚಪ್ರದೀಯತಾಂದಾಶರಥಾಯಮೈಥಿಲೀ ॥ 3 ॥
ಯಾವನ್ನಗೃಹ್ಣಂತಿಶಿರಾಂಸಿಬಾಣಾರಾಮೇರಿತಾರಾಕ್ಷಸಪುಂಗವಾನಾಮ್ ।
ವಜ್ರೋಪಮಾವಾಯುಸಮಾನವೇಗಾಃಪ್ರದೀಯತಾಂದಾಶರಥಾಯಮೈಥಿಲೀ ॥ 4 ॥
ನಕುಂಭಕರ್ಣೇಂದ್ರಜಿತೌಚರಾಜಂಸ್ತಥಾಮಹಾಪಾರ್ಶ್ವಮಹೋದರೌವಾ ।
ನಿಕುಂಭಕುಂಭೌಚತಥಾಽತಿಕಾಯಃಸ್ಥಾತುಂನಶಕ್ತಾಯುಧಿರಾಘವಸ್ಯ ॥ 5 ॥
ಜೀವಂಸ್ತು ರಾಮಸ್ಯ ನ ಮೋಕ್ಸ್ಯಸೇ ತ್ವಮ್ ।
ಗುಪ್ತಃ ಸವಿತ್ರಾಪ್ಯಥವಾ ಮರುದ್ಭಿಃ ।
ನ ವಾಸವಸ್ಯಾಂಕಗತೋ ನ ಮೃತ್ಯೋ ।
ರ್ನಭೋ ನ ಪಾತಾಲಮನುಪ್ರವಿಷ್ಟಃ ॥ 6 ॥
ನಿಶಮ್ಯವಾಕ್ಯಂತುವಿಭೀಷಣಸ್ಯತತಃಪ್ರಹಸ್ತೋವಚನಂಬಭಾಷೇ ।
ನನೋಭಯಂವಿದ್ಮನದೈವತೇಭ್ಯೋನದಾನವೇಭ್ಯೋಽಪ್ಯಥವಾಕುತಶ್ಚಿತ್ ॥ 7 ॥
ನಯಕ್ಷಗಂಧರ್ವಮಹೋರಗೇಭ್ಯೋಭಯಂನಸಂಖ್ಯೇಪತಗೋರಗೇಭ್ಯಃ ।
ಕಥಂನುರಾಮಾದ್ಭವಿತಾಭಯಂನೋನರೇಂದ್ರಪುತ್ರಾತ್ಸಮರೇಕದಾಚಿತ್ ॥ 8 ॥
ಪ್ರಹಸ್ತವಾಕ್ಯಂತ್ವಹಿತಂನಿಶಮ್ಯವಿಭೀಷಣೋರಾಜಹಿತಾನುಕಾಂಕ್ಷೀ ।
ತತೋಮಹಾರ್ಥಂವಚನಂಬಭಾಷೇಧರ್ಮಾರ್ಥಕಾಮೇಷುನಿವಿಷ್ಟಬುದ್ಧಿಃ ॥ 9 ॥
ಪ್ರಹಸ್ತಃ ರಾಜಾಚಮಹೋದರಶ್ಚತ್ವಂಕುಂಭಕರ್ಣಶ್ಚಯಥಾಽರ್ಥಜಾತಮ್ ।
ಬ್ರವೀತರಾಮಂಪ್ರತಿತನ್ನಶಕ್ಯಂಯಥಾಗತಿಸ್ಸ್ವರ್ಗಮಧರ್ಮಬುದ್ಧೇಃ ॥ 10 ॥
ವಧಸ್ತುರಾಮಸ್ಯಮಯಾತ್ವಯಾಚಪ್ರಹಸ್ತಸರ್ವೈರಪಿರಾಕ್ಷಸೈರ್ವಾ ।
ಕಥಂಭವೇದರ್ಥವಿಶಾರದಸ್ಯಮಹಾರ್ಣವಂತರ್ತುಮಿವಾಪ್ಲವಸ್ಯ ॥ 11 ॥
ಧರ್ಮಪ್ರಧಾನಸ್ಯ ಮಹಾರಥಸ್ಯ ।
ಇಕ್ಸ್ವಾಕುವಂಶಪ್ರಭವಸ್ಯ ರಾಜ್ಞಃ ।
ಪುರೋಽಸ್ಯ ದೇವಾಶ್ಚ ತಥಾವಿಧಸ್ಯ ।
ಕೃತ್ಯೇಷು ಶಕ್ತಸ್ಯ ಭವಂತಿ ಮೂಢಾಃ ॥ 12 ॥
ತೀಕ್ಷ್ಣಾನತಾಯತ್ತವಕಂಕಪತ್ರಾದುರಾಸದಾರಾಘವವಿಪ್ರಮುಕ್ತಾಃ ।
ಭಿತ್ವಾಶರೀರಂಪ್ರವಿಶಂತಿಬಾಣಾಃಪ್ರಹಸ್ತತೇನೈವವಿಕತ್ಥಸೇತ್ವಮ್ ॥ 13 ॥
ಭಿತ್ತ್ವಾನತಾವತ್ಪ್ರವಿಶಂತಿಕಾಯಂಪ್ರಾಣಾಂತಿಕಾಸ್ತೇಽಶನಿತುಲ್ಯವೇಗಾಃ ।
ಶಿತಾಶ್ಶರಾರಾಘವವಿಪ್ರಮುಕ್ತಾಃಪ್ರಹಸ್ತತೇನೈವವಿಕತ್ಥಸೇತ್ವಮ್ ॥ 14 ॥
ನರಾವಣೋನಾತಿಬಲಸ್ತ್ರಿಶೀರ್ಷೋನಕುಂಭಕರ್ಣೋಽಸ್ಯಸುತೋನಿಕುಂಭಃ ।
ನಚೇಂದ್ರಜಿದ್ದಾಶರಧಿಂಪ್ರಸೋಢುಂತ್ವಂವಾರಣೇಶಕ್ರಸಮಂಸಮರ್ಥಃ ॥ 15 ॥
ದೇವಾಂತಕೋವಾಪಿನರಾಂತಕೋವಾತಥಾತಿಕಾಯೋಽತಿರಥೋಮಹಾತ್ಮಾ ।
ಆಕಂಪನಶ್ಚಾದ್ರಿಸಮಾನಸಾರಃಸ್ಥಾತುಂನಶಕ್ತಾಯುಧಿರಾಘವಸ್ಯ ॥ 16 ॥
ಅಯಂಚರಾಜಾವ್ಯಸನಾಭಿಭೂತೋಮಿತ್ರೈರಮಿತ್ರಪ್ರತಿಮೈರ್ಭವದ್ಭಿಃ ।
ಅನ್ವಾಸ್ಯತೇರಾಕ್ಷಸನಾಶನಾರ್ಥೇತೀಕ್ಷ್ಣಃಪ್ರಕೃತ್ಯಾಹ್ಯಸೀಕ್ಷಯಕಾರೀ ॥ 17 ॥
ಅನಂತಭೋಗೇನಸಹಸ್ರಮೂರ್ಥ್ನಾನಾಗೇನಭೀಮೇನಮಹಾಬಲೇವ ।
ಬಲಾತ್ಪರಿಕ್ಷಿಪ್ತಮಿಮಂಭವಂತೋರಾಜಾನಮುತ್ಕ್ಷಿಪ್ಯವಿಮೋಚಯಂತು ॥ 18 ॥
ಯಾವದ್ಧಿಕೇಶಗ್ರಹಣಾತಸುಹೃದ್ಭಿಃ ಸಮೇತ್ಯಸರ್ವೈಃಪರಿಪೂರ್ಣಕಾಮೈಃ ।
ನಿಗೃಹ್ಯರಾಜಾಪರಿರಕ್ಷಿತವ್ಯೋಭೂತೈರ್ಯಥಾಭೀಮಬಲೈರ್ಗೃಹೀತಃ ॥ 19 ॥
ಸುವಾರಿಣಾರಾಘವಸಾಗರೇಣಪ್ರಚ್ಛಾದ್ಯಮಾನಸ್ತರಸಾಭವದ್ಭಿಃ ।
ಯುಕ್ತಸ್ತ್ವಯಂತಾರಯಿತುಂಸಮೇತ್ಯಕಾಕುತ್ಸ್ಥಪಾತಾಲಮುಖೇಪತನ್ಸಃ ॥ 20 ॥
ಇದಂಪುರಸ್ಯಾಸ್ಯಸರಾಕ್ಷಸಸ್ಯರಾಜ್ಞಶ್ಚಪಥ್ಯಂಸಸುಹೃಜ್ಜನಸ್ಯ ।
ಸಮ್ಯಗ್ಘಿವಾಕ್ಯಂಸ್ವಮತಂಬ್ರವೀಮಿನರೇಂದ್ರಪುತ್ರಾಯದದಾಮಪತ್ನೀಮ್ ॥ 21 ॥
ಪರಸ್ಯವೀರ್ಯಂಸ್ವಬಲಂಚಬುಧ್ವಾಸ್ಥಾನಂಕ್ಷಯಂಚೈವತಥೈವವೃದ್ಧಿಮ್ ।
ತಥಾಸ್ವಪಕ್ಷೇಪ್ಯನುಮೃಶ್ಯಬುಧ್ವಾವದೇತ್ ಕ್ಷಮಂಸ್ವಾಮಿಹಿತಂಸಮಂತ್ರೀ ॥ 22 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುರ್ದಶಸ್ಸರ್ಗಃ ॥
