ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕಪಂಚಾಶಸ್ಸರ್ಗಃ ।
ತೇಷಾಂಸುತುಮುಲಂಶಬ್ದಂವಾನರಾಣಾಂತರಸ್ವಿನಾಮ್ ।
ನರ್ದತಾಂರಾಕ್ಷಸೈಸ್ಸಾರ್ಧಂತದಾಶುಶ್ರಾವರಾವಣಃ ॥ 1 ॥
ಸ್ನಿಗ್ಧಗಂಭೀರನಿರ್ಘೋಷಂಶ್ರುತ್ವಾಸನಿನದಂಭೃಶಮ್ ।
ಸಚಿವಾನಾಂತತಸ್ತೇಷಾಂಮಧ್ಯೇವಚನಮಬ್ರವೀತ್ ॥ 2 ॥
ಯಥಾಽಸೌಸಂಪ್ರಹೃಷ್ಟಾನಾಂವಾನರಾಣಾಂಸಮುತ್ಥಿತಃ ।
ಬಹೂನಾಂಸುಮಹಾನ್ನಾದೋಮೇಘನಾಮಿವಗರ್ಜಿತಾಮ್ ॥ 3 ॥
ವ್ಯಕ್ತಂಸುಮಹತೀಪ್ರೀತಿರೇತೇಷಾಂನಾತ್ರಸಂಶಯಃ ।
ತಥಾಹಿವಿಪುಲೈರ್ನಾದೈಶ್ಚುಕ್ಷುಭೇವರುಣಾಲಯಃ ॥ 4 ॥
ತೌತುಬದ್ಧೌಶರೈಸ್ತೀಕ್ಷ್ಣೈರ್ಭ್ರಾತರೌರಾಮಲಕ್ಷ್ಮಣೌ ।
ಅಯಂಚಸುಮಹಾನ್ನಾದಶಂಕಾಂಜನಯತೀವಮೇ ॥ 5 ॥
ಏತತ್ತುವಚನಂಚೋಕ್ತ್ವಾಮಂತ್ರಿಣೋರಾಕ್ಷಸೇಶ್ವರಃ ।
ಉವಾಚನೈರೃತಾಂಸ್ತತ್ರಸಮೀಪಪರಿವರ್ತಿನಃ ॥ 6 ॥
ಜ್ಞಾಯತಾಂತೂರ್ಣಮೇತೇಷಾಂಸರ್ವೇಷಾಂಚವನಚಾರಿಣಾಮ್ ।
ಶೋಕಕಾಲೇಸಮುತ್ಪನ್ನಹರ್ಷಕಾರಣಮುತ್ಥಿತಮ್ ॥ 7 ॥
ತಥೋಕ್ತಾಸ್ತೇನಸಂಭ್ರಾಂತಾಃಪ್ರಾಕಾರಮಧಿರುಹ್ಯಚ ।
ದದೃಶುಃಪಾಲಿತಾಂಸೇನಾಂಸುಗ್ರೀವೇಣಮಹಾತ್ಮನಾ ॥ 8 ॥
ತೌಚಮುಕ್ತೌಸುಘೋರೇಣಶರಬಂಧೇನರಾಘವೌ ।
ಸಮುತ್ಥಿತೌಮಹಾಭಾಗೌವಿಷೇದುಃಪ್ರೇಕ್ಷ್ಯರಾಕ್ಷಸಾಃ ॥ 9 ॥
ಸಂತ್ರಸ್ತಹೃದಯಾಃಸರ್ವೇಪ್ರಾಕಾರಾತ್ ವರುಹ್ಯತೇ ।
ವಿಷಣ್ಣವದನಾಘೋರಾರಾಕ್ಷಸೇಂದ್ರಮುಪಸ್ಥಿತಾ ॥ 10 ॥
ತದಪ್ರಿಯಂದೀನಮುಖಾರಾವಣಸ್ಯನಿಶಾಚರಾಃ ।
ಕೃತ್ಸ್ನಂನಿವೇದಯಾಮಾಸುರ್ಯಥಾವದ್ವಾಕ್ಯಕೋವಿದಾಃ ॥ 11 ॥
ಯೌತಾವಿಂದ್ರಜಿತಾಯುದ್ಧೇಭ್ರಾತರೌರಾಮಲಕ್ಷ್ಮಣೌ ।
ನಿಬದ್ಧೌಶರಬಂಧೇನನಿಷ್ಪ್ರಕಂಪಭುಜೌಕೃತೌ ॥ 12 ॥
ವಿಮುಕ್ತೌಶರಬಂಧೇನದೃಶ್ಯೇತೇತೌರಣಾಜಿರೇ ।
ಪಾಶಾನಿವಗಜೌಛಿತ್ವಾಗಜೇಂದ್ರಸಮವಿಕ್ರಮೌ ॥ 13 ॥
ತಚ್ಛ್ರುತ್ವಾವಚನಂತೇಷಾಂರಾಕ್ಷಸೇಂದ್ರೋಮಹಾಬಲಃ ।
ಚಿಂತಾರೋಷಸಮಾಕ್ರಾಂತೋವಿಷಣ್ಣವದನೋಽಭವತ್ ॥ 14 ॥
ಘೋರೈರ್ದತ್ತವರೈರ್ಭದ್ಧೌಶರೈರಾಶೀವಿಷೋಪಮೈಃ ।
ಅಮೋಘೈಸ್ಸೂರ್ಯಸಂಕಾಶೈಃಪ್ರಮಥ್ಯೇಂದ್ರಜಿತಾಯುಧಿ ॥ 15 ॥
ತದಸ್ತ್ರಬಂಧಮಾಸಾದ್ಯಯದಿಮುಕ್ತೌರಿಪೂಮಮ ।
ಸಂಶಯಸ್ಥಮಿದಂಸರ್ವಮನುಪಶ್ಯಾಮ್ಯಹಂಬಲಮ್ ॥ 16 ॥
ನಿಷ್ಫಲಾಃಖಲುಸಮ್ವೃತ್ತಾಶ್ಶರಾಃವಾಸುಕಿತೇಜಸಃ ।
ಅದತ್ತಂಯೈಸ್ತುಸಂಗ್ರಾಮೇರಿಪೂಣಾಂಜೀವಿತಂಮಮ ॥ 17 ॥
ಏವಮುಕ್ತ್ವಾತುಸಂಕ್ರುದ್ಧೋನಿಶ್ಶ್ವಸನ್ನುರಗೋಯಥಾ ।
ಅಬ್ರವೀದ್ರಕ್ಷಸಾಂಮಧ್ಯೇಧೂಮ್ರಾಕ್ಷಂನಾಮರಾಕ್ಷಸಮ್ ॥ 18 ॥
ಬಲೇನಮಹತಾಯುಕ್ತೋರಾಕ್ಷಸೈರ್ಭೀಮವಿಕ್ರಮಃ ।
ತ್ವಂವಧಾಯಾಭಿನಿರ್ಯಾಹಿರಾಮಸ್ಯಸಹವಾನರೈಃ ॥ 19 ॥
ಏವಮುಕ್ತಸ್ತುಧೂಮ್ರಾಕ್ಷೋರಾಕ್ಷಸೇಂದ್ರೇಣಧೀಮತಾ ।
ಕೃತ್ವಾಪ್ರಣಾಮಂಸಮ್ಹೃಷ್ಟೋನಿರ್ಜಗಾಮನೃಪಾಲಯತ್ ॥ 20 ॥
ಅಭಿನಿಷ್ಕ್ರಮ್ಯತದದ್ವಾರಂಬಲಾಧ್ಯಕ್ಷಮುವಾಚಹ ।
ತ್ವರಯಸ್ವಬಲಂತೂರ್ಣಂಕಿಂಚಿರೇಣಯುಯುತ್ಸತಃ ॥ 21 ॥
ಧೂಮ್ರಾಕ್ಷವಚನಂಶ್ರುತ್ವಾಬಲಾಧ್ಯಕ್ಷೋಬಲಾನುಗಃ ।
ಬಲಮುದ್ಯೋಜಯಾಮಾಸರಾವಣಸ್ಯಾಜ್ಞಯಾದ್ರುತಮ್ ॥ 22 ॥
ತೇಬದ್ಧಘಂಟಾಬಲಿನೋಘೋರರೂಪಾನಿಶಾಚರಾಃ ।
ವಿಗರ್ಜಮಾನಾಸ್ಸಮ್ಹೃಷ್ಟಾಧೂಮ್ರಾಕ್ಷಂಪರ್ಯವಾರಯನ್ ॥ 23 ॥
ವಿವಿಧಾಯುಧಹಸ್ತಾಶ್ಚಶೂಲಮುದ್ಗರಪಾಣಯಃ ।
ಗದಾಭಿಃಪಟ್ಟಸೈರ್ದಂಡೈರಾಯಸೈರ್ಮುಸಲೈರ್ಭೃಶಮ್ ॥ 24 ॥
ಪರಿಘೈರ್ಭಿಂಡಿವಾಲೈಶ್ಚಭಲ್ಲೈಪ್ರಾಸೈಃ ಪರಶ್ವಥೈಃ ।
ನಿರ್ಯಯೂರಾಕ್ಷಸಾದಿಭ್ಯೋನರ್ಧಂತೋಜಲದಾಯಥಾ ॥ 25 ॥
ರಥೈಃಕವಚಿನಸ್ತ್ವನ್ಯೇಧ್ವಜೈಶ್ಚಸಮಲಂಕೃತೈಃ ।
ಸುವರ್ಣಜಾಲವಿಹಿತೈಃಖರೈಶ್ಚವಿವಿಧಾನನೈಃ ॥ 26 ॥
ಹಯೈಃಪರಮಶೀಘ್ರೈಶ್ಚಗಜೈಶ್ಚೈವಮದೋತ್ಕಟೈಃ ।
ನಿರ್ಯಯುರ್ನೈರೃತವ್ಯಾಘ್ರಾವ್ಯಾಘ್ರಾಇವದುರಾಸದಾಃ ॥ 27 ॥
ವೃಕಸಿಂಹಮುಖೈರ್ಯುಕ್ತಂಖರೈಃಕನಕಭೂಷಣೈಃ ।
ಆರುರೋಹರಥಂದಿವ್ಯಂಧೂಮ್ರಾಕ್ಷಃಖರನಿಸ್ಸ್ವನಃ ॥ 28 ॥
ಸನಿರ್ಯಾತೋಮಹಾವೀರ್ಯೋಧೂಮ್ರಾಕ್ಷೋರಾಕ್ಷಸೈರ್ವೃತಃ ।
ಪ್ರಹಸನ್ಪಶ್ಚಿಮದ್ವಾರಂಹನುಮಾನ್ಯತ್ರಯೂಥಪಃ ॥ 29 ॥
ರಥಪ್ರವರಮಾಸ್ಥಾಯಖರಯುಕ್ತಂಖರಸ್ವನಮ್ ।
ಪ್ರಯಾಂತಂತುಮಹಾಘೋರಂರಾಕ್ಷಸಂಭೀಮದರ್ಶನಮ್ ॥ 30 ॥
ಅಂತರಿಕ್ಷಗತಾಃಘೋರಾಶಕುನಾಃಪ್ರತ್ಯಷೇಧಯನ್ ।
ರಥಶೀರ್ಷೇಮಹಾನ್ಭೀಮೋಗೃಧ್ರಶ್ಚನಿಪಪಾತಹ ॥ 31 ॥
ಧ್ವಜಾಗ್ರೇಗ್ರಥಿತಾಶ್ಚೈವನಿಪೇತುಃಕುಣಪಾಶನಾಃ ।
ರುಧಿರಾರ್ದ್ರೋಮಹಾನ್ ಶ್ವೇತಃಕಬಂಧಃಪತಿತೋಭುವಿ ॥ 32 ॥
ವಿಸ್ವರಂಚೋತ್ಸೃಜನ್ನಾದಂಧೂಮ್ರಾಕ್ಷಸ್ಯಸಮೀಪತಃ ।
ವವರ್ಷರುಧಿರಂದೇವಸ್ಸಂಚಚಾಲಚಮೇದಿನೀ ॥ 33 ॥
ಪ್ರತಿಲೋಮಂವನೌವಾಯುರ್ನಿರ್ಘಾತಸಮನಿಸ್ವನಃ ।
ತಿಮಿರೌಘವೃತಾಸ್ತತ್ರದಿಶಶ್ಚನಚಕಾಶಿರೇ ॥ 34 ॥
ಸತೂತ್ಪಾತಾಂಸ್ತದಾದೃಷ್ಟವಾರಾಕ್ಷಸಾನಾಂಭಯಾವಹಾನ್ ।
ಪ್ರಾದುರ್ಭೂತಾನ್ಸುಘೋರಾಂಶ್ಚಧೂಮ್ರಾಕ್ಷೋವ್ಯಥಿತೋಽಭವತ್ ॥ 35 ॥
ಮುಮುಹೂರಾಕ್ಷಸಾಃಸರ್ವೇಧೂಮ್ರಾಕ್ಷಸ್ಯಪುರಸ್ಸರಾಃ ।
ತತಃಸುಭೀಮೋಬಹುಭಿರ್ನಿಶಾಚರೈರ್ವೃತೋಽಭಿನಿಷ್ಕ್ರಮ್ಯರಣೋತ್ಸುಕೋಬಲೀ ।
ದದರ್ಶತಾಂರಾಘವಬಾಹುಪಾಲಿತಾಂಮಹೌಘಕಲ್ಪಾಂಬಹುವಾನರೀಂಚಮೂಮ್ ॥ 36 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕಪಂಚಾಶಸ್ಸರ್ಗಃ ॥
