ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟಸಪ್ತತಿತಮಸ್ಸರ್ಗಃ ।
ನಿಕುಂಭಂನಿಹತಂಶ್ರುತ್ವಾಕುಂಭಂ ಚ ವಿನಿಪಾತಿತಮ್ ।
ರಾವಣಃಪರಮಾಮರ್ಷೀಪ್ರಜಜ್ವಾಲಾನಲೋಯಥಾ ॥ 1 ॥
ನೈರೃತಃಕ್ರೋಧಶೋಕಾಭ್ಯಾಂದ್ವಾಭ್ಯಾಂತುಪರಿಮೂರ್ಛಿತಃ ।
ಖರಪುತ್ರಂವಿಶಾಲಾಕ್ಷಂಮಕರಾಕ್ಷಮಚೋದಯತ್ ॥ 2 ॥
ಗಚ್ಛಪುತ್ರಽಮಯಾಽಜಾಜ್ಞಪ್ತೋಬಲೇನಾಭಿಸಮವನಿತಃ ।
ರಾಘವಂಲಕ್ಷ್ಮಣಂಚೈವಜಹಿತಾಂಶ್ಚವನೌಕಸಃ ॥ 3 ॥
ರಾವಣಸ್ಯವಚಶ್ಶ್ರುತ್ವಾಶೂರಮಾನೀಖರಾತ್ಮಜಃ ।
ಬಾಢಮಿತ್ಯಬ್ರವೀದ್ಧೃಷ್ಟೋಮಕರಾಕ್ಷೋನಿಶಾಚರಮ್ ॥ 4 ॥
ಸೋಽಭಿವಾದ್ಯದಶಗ್ರೀವಂಕೃತ್ವಾಚಾಪಿಪ್ರದಕ್ಷಿಣಮ್ ।
ನಿರ್ಜಗಾಮಗೃಹಾಚ್ಛುಭ್ರಾದ್ರಾವಣಸ್ಯಾಜ್ಞಯಾಬಲೀ ॥ 5 ॥
ಸಮೀಪಸ್ಥಂಬಲಾಧ್ಯಕ್ಷಂಖರಪುತ್ರೋಽಬ್ರವೀದಿದಮ್ ।
ರಥಶ್ಚಾನೀಯತಾಂಶೀಘ್ರಂಸೈನ್ಯಂತ್ವಾನೀಯತಾಂತ್ವರಾತ್ ॥ 6 ॥
ತಸ್ಯತದ್ವಚನಂಶ್ರುತ್ವಾಬಲಾಧ್ಯಕ್ಷೋನಿಶಾಚರಃ ।
ಸ್ಯಂದನಂ ಚ ಬಲಂಚೈವಸಮೀಪಂಪ್ರತ್ಯಪಾದಯತ್ ॥ 7 ॥
ಪ್ರದಕ್ಷಿಣಂರಥಂಕೃತ್ವಾಆರುರೋಹನಿಶಾಚರಃ ।
ಸೂತಂಸಂಚೋದಯಾಮಾಸಶೀಘ್ರಂಮೇರಥಮಾವಹ ॥ 8 ॥
ಅಥತಾನ್ರಾಕ್ಷಸಾನ್ಸರ್ವಾನ್ಮಕರಾಕ್ಷೋಽಬ್ರವೀದಿದಮ್ ।
ಯೂಯಂಸರ್ವೇಪ್ರಯುಧ್ಯಧ್ವಂಪುರಸ್ತಾನ್ಮಮರಾಕ್ಷಸಾಃ ॥ 9 ॥
ಅಹಂರಾಕ್ಷಸರಾಜೇನರಾವಣೇನಮಹಾತ್ಮನಾ ।
ಆಜ್ಞಪ್ತಃಸಮರೇಹಂತುಂತಾವುಭೌರಾಮಲಕ್ಷ್ಮಣೌ ॥ 10 ॥
ಅದ್ಯರಾಮಂವಧಿಷ್ಯಾಮಿಲಕ್ಷ್ಮಣಂ ಚ ನಿಶಾಚರಾಃ ।
ಶಾಖಾಮೃಗಂ ಚ ಸುಗ್ರೀವಂವಾನರಾಂಶ್ಚಶರೋತ್ತಮೈಃ ॥ 11 ॥
ಅದ್ಯಶೂಲನಿಪಾತೈಶ್ಚವಾನರಾಣಾಂಮಹಾಚಮೂಮ್ ।
ಪ್ರದಹಿಷ್ಯಾಮಿಸಂಪ್ರಾಪ್ತಾಂಶುಷ್ಕೇಂಧನಮಿವಾನಲಃ ॥ 12 ॥
ಮಕರಾಕ್ಷಸ್ಯತಚ್ಛ್ರುತ್ವಾವಚನಂತೇನಿಶಾಚರಾಃ ।
ಸರ್ವೇನಾನಾಯುಧೋಪೇತಾಬಲವಂತಃಸಮಾಹಿತಾಃ ॥ 13 ॥
ತೇಕಾಮರೂಪಿಣಸ್ಸರೇದಂಷ್ಟ್ರಿಣಃಪಿಂಗಲೇಕ್ಷಣಾ ।
ಮಾತಂಗಾಇವನರ್ದಂತೋಧ್ವಸ್ತಕೇಶಾಭಯಾವಹಾಃ ॥ 14 ॥
ಪರಿವಾರ್ಯಮಹಾಕಾಯಾಮಹಾಕಾಯಂಖರಾತ್ಮಜಮ್ ।
ಅಭಿಜಘ್ನುಸ್ತತೋಹೃಷ್ಟಾಶ್ಚಾಲಯಂತೋವಸುಂಧರಾಮ್ ॥ 15 ॥
ಶಂಖಭೇರೀಸಹಸ್ರಾಣಾಮಾಹತಾನಾಂ ಸಮಂತತಃ ।
ಕ್ಷ್ವೇಲಿತಾಸ್ಫೋಟಿತಾನಾಂ ಚ ತತ್ರ ಮಹಾನಭೂತ್ ॥ 16 ॥
ಪ್ರಭ್ರಷ್ಟೋಽಥಕರಾತ್ತಸ್ಯಪ್ರತೋದಸ್ಸಾರಥೇಸ್ತದಾ ।
ಪಪಾತಸಹಸಾದೈವಾದ್ಧ್ವಜಸ್ತಸ್ಯತುರಕ್ಷಸಃ ॥ 17 ॥
ತಸ್ಯತೇರಥಸಂಯುಕ್ತಾಹಯಾವಿಕ್ರಮವರ್ಜಿತಾಃ ।
ಚರಣೈರಾಕುಲೈರ್ಗತ್ವಾದೀನಾಃಸಾಸ್ರಮುಖಾಯಯುಃ ॥ 18 ॥
ಪ್ರವಾತಿಪವನಸ್ತಸ್ಮಿನ್ ಸಪಾಂಸುಃಖರದಾರುಣಃ ।
ನಿರ್ಯಾಣೇತಸ್ಯರೌದ್ರಸ್ಯಮಕರಾಕ್ಷಸ್ಯದುರ್ಮತೇಃ ॥ 19 ॥
ತಾನಿದೃಷ್ಟವಾನಿಮಿತ್ತಾನಿರಾಕ್ಷಸಾವೀರ್ಯವತ್ತಮಾಃ ।
ಅಚಿಂತ್ಯನಿರ್ಗತಾಸ್ಸರ್ವೇಯತ್ರತೌರಾಮಲಕ್ಷ್ಮಣೌ ॥ 20 ॥
ಘನಗಜಮಹಿಷಾಂಗತುಲ್ಯವರ್ಣಾಸ್ಸಮರಮಖೇಷ್ವಸಕೃದ್ಗದಾಸಿಭಿನ್ನಾಃ ।
ಅಹಮಹಮಿತಿಯುದ್ಧಕೌಶಲಾಸ್ತೇರಜನೀಚರಾಃಪರಿಬಭ್ರಮುರ್ನದಂತಃ ॥ 21 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟಸಪ್ತತಿತಮಸ್ಸರ್ಗಃ ॥
