ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ತೃತೀಯಸ್ಸರ್ಗಃ ।
ಸುಗ್ರೀವಸ್ಯವಚಶ್ಶ್ರುತ್ವಾಹೇತುಮತ್ಪರಮಾರ್ಥವತ್ ।
ಪ್ರತಿಜಗ್ರಾಹಕಾಕುತ್ಸ್ಥೋಹನೂಮಂತಮಥಾಬ್ರವೀತ್ ॥ 1 ॥
ತಪಸಾಸೇತುಬಂಧೇನಸಾಗರೋಚ್ಛೋಷಣೇನಚ ।
ಸರ್ವಥಾಸುಸಮರ್ಥೋಽಸ್ಮಿಸಾಗರಸ್ಯಾಸ್ಯಲಂಘನೇ ॥ 2 ॥
ಕತಿದುರ್ಗಾಣಿದುರ್ಗಾಯಾಲಂಕಾಯಾಬ್ರೂಹಿತಾನಿಮೇ ।
ಜ್ಞಾತುಮಿಚ್ಛಾಮಿತತ್ಸರ್ವಂದರ್ಶನಾದಿವವಾನರ ॥ 3 ॥
ಬಲಸ್ಯಪರಿಮಾಣಂಚದ್ವಾರದುರ್ಗಕ್ರಿಯಾಮಪಿ ।
ಗುಪ್ತಿಕರ್ಮಚಲಂಕಾಯಾರಕ್ಷಸಾಂಸದನಾನಿಚ ॥ 4 ॥
ಯಥಾಸುಖಂಯಥಾವಚ್ಛಲಂಕಾಯಾಮಸಿದೃಷ್ಟವಾನ್ ।
ಸರ್ವಮಾಚಕ್ಷ್ವತತ್ತ್ವೇನಸರ್ವಥಾಕುಶಲೋಹ್ಯಸಿ ॥ 5 ॥
ಶ್ರುತ್ವಾರಾಮಸ್ಯವಚನಂಹನುಮಾನ್ಮಾರುತಾತ್ಮಜಃ ।
ವಾಕ್ಯಂವಾಕ್ಯವಿದಾಂಶ್ರೇಷ್ಠೋರಾಮಂಪುನರಥಾಬ್ರವೀತ್ ॥ 6 ॥
ಶ್ರೂಯತಾಂಸರ್ವಮಾಖ್ಯಾಸ್ಯೇದುರ್ಗಕರ್ಮವಿಧಾನತಃ ।
ಗುಪ್ತಾಪುರೀಯಥಾಲಂಕಾರಕ್ಷಿತಾಚಯಥಾಬಲೈಃ ॥ 7 ॥
ರಾಕ್ಷಸಾಶ್ಚಯಥಾಸ್ನಿಗ್ಧಾರಾವಣಸ್ಯಚತೇಜಸಾ ।
ಪರಾಂಸಮೃದ್ಧಿಂಲಂಕಾಯಾಸ್ಸಾಗರಸ್ಯಚಭೀಮತಾಮ್ ॥ 8 ॥
ವಿಭಾಗಂಚಬಲೌಘಸ್ಯನಿರ್ದೇಶಂವಾಹನಸ್ಯಚ ।
ಏವಮುಕ್ತ್ವಾಕಪಿಶ್ರೇಷ್ಠಃಕಥಯಾಮಾಸತತ್ತ್ವವಿತಃ ॥ 9 ॥
ಹೃಷ್ಟಪ್ರಮುದಿತಾಲಂಕಾಮತ್ತದ್ವಿಪಸಮಾಕುಲಾ ।
ಮಹತೀರಥಸಂಪೂರ್ಣಾರಕ್ಷೋಗಣಸಮಾಕುಲಾ ॥ 10 ॥
ದೃಢಬದ್ಧಕವಾಟಾನಿಮಹಾಪರಿಘವಂತಿಚ ।
ದ್ವಾರಾಣಿವಿಪುಲಾನ್ಯಸ್ಯಾಶ್ಚತ್ವಾರಿಸುಮಹಾಂತಿಚ ॥ 11 ॥
ತತ್ರೇಷೂಪಲಯಂತ್ರಾಣಿಬಲವಂತಿಮಹಾಂತಿಚ ।
ಆಗತಂಪರಸೈನ್ಯಂತೈಸ್ತತ್ರಪ್ರತಿನಿವಾರ್ಯತೇ ॥ 12 ॥
ದ್ವಾರೇಷುಸಂಸ್ಕೃತಾಭೀಮಾಃಕಾಲಾಯಸಮಯಾಶ್ಶಿತಾಃ ।
ಶತಶೋರಚಿತಾವೀರೈಶ್ಶತಘ್ನಯೋರಕ್ಷಸಾಂಗಣೈ ॥ 13 ॥
ಸೌವರ್ಣಸ್ತುಮಹಾಂಸ್ತಸ್ಯಾಃಪ್ರಾಕಾರೋದುಷ್ಪ್ರಧರ್ಷಣಃ ।
ಮಣೀವಿದ್ರುಮವೈದೂರ್ಯಮುಕ್ತಾವಿರಚಿತಾಂತರಃ ॥ 14 ॥
ಸರ್ವತಶ್ಚಮಹಾಭೀಮಾಶ್ಶೀತತೋಯವಹಾಶ್ಶುಭಾಃ ।
ಅಗಾಧಾಗ್ರಾಹವತ್ಯಶ್ಚಪರಿಖಾಮೀನಸೇವಿತಾ ॥ 15 ॥
ದ್ವಾರೇಷುತಾಸಾಂಚತ್ವಾರಸ್ಸಂಕ್ರಮಾಃಪರಮಾಯತಾಃ ।
ಯಂತ್ರೈರುಪೇತಾಬಹುಭಿರ್ಮಹದ್ಭಿರ್ಗೃಹಪಂಕ್ತಿಭಿಃ ॥ 16 ॥
ತ್ರಾಯಂತೇಸಂಕ್ರಮಾಸ್ತತ್ರಪರಸೈನ್ಯಾಗತೇಸತಿ ।
ಯಂತ್ರೈಸ್ತೈರವಕೀರ್ಯಂತೇಪರಿಖಾಸುಸಮಂತತಃ ॥ 17 ॥
ಏಕಸ್ತ್ವಕಂಪ್ಯೋಬಲವಾನ್ಸಂಕ್ರಮಸ್ಸುಮಹಾದೃಢಃ ।
ಕಾಂಚನೈ ರ್ಬಹುಭಿಸ್ಸ್ತಂಭೈರ್ವೇದಿಕಾಭಿಶ್ಚಶೋಭಿತಃ ॥ 18 ॥
ಸ್ವಯಂಪ್ರಕೃತಿಮಾಪನ್ನೋಯುಯುತ್ಸೂರಾಮ ರಾವಣಃ ।
ಉತ್ಥಿತಶ್ಚಾಪ್ರಮತ್ತಶ್ಚಬಲಾನಾಮನುದರ್ಶನೇ ॥ 19 ॥
ಲಂಕಾಪುನರ್ನಿರಾಲಂಬಾದೇವದುರ್ಗಾಭಯಾವಹಾ ।
ನಾದೇಯಂಪಾರ್ವತಂವಾನ್ಯಂಕೃತ್ರಿಮಂಚಚತುರ್ವಿಧಮ್ ॥ 20 ॥
ಸ್ಥಿತಾಪಾರೇಸಮುದ್ರಸ್ಯದೂರಪಾರಸ್ಯರಾಘವ ।
ನೌಪಥೋಪಿಶ್ಚನಾಸ್ತ್ಯತ್ರನಿರಾದೇಶಶ್ಚಸರ್ವಶಃ ॥ 21 ॥
ಶೈಲಾಗ್ರೇರಚಿತಾದುರ್ಗಾಸಾಪುರೈರ್ದೇವಪುರೋಪಮಾ ।
ವಾಜಿವಾರಣಾಸಂಪೂರ್ಣಾಲಂಕಾಪರಮದುರ್ಜಯಾ ॥ 22 ॥
ಪರಿಖಾಶ್ಚಶತಘ್ನಯಶ್ಚಯಂತ್ರಾಣಿವಿವಿಧಾನಿಚ ।
ಶೋಭಯಂತಿಪುರೀಂಲಂಕಾಂರಾವಣಸ್ಯದುರಾತ್ಮನಃ ॥ 23 ॥
ಅಯುತಂರಕ್ಷಸಾಮತ್ರಪೂರ್ವದ್ವಾರಂಸಮಾಶ್ರಿತಮ್ ।
ಶೂಲಹಸ್ತಾದುರಾಧರ್ಷಾಸ್ಸರ್ವೇಖಂಗಾಗ್ರಯೋಧಿನಃ ॥ 24 ॥
ನಿಯುತಂರಕ್ಷಸಾಮತ್ರದಕ್ಷಿಣದ್ವಾರಮಾಶ್ರಿತಮ್ ।
ಚತುರಂಗೇಣಸೈನ್ಯೇನಯೋಧಾಸ್ತತ್ರಾಪ್ಯನುತ್ತಮಾಃ ॥ 25 ॥
ಪ್ರಯುತಂರಕ್ಷಸಾಮತ್ರಪಶ್ಚಿಮದ್ವಾರಮಾಶ್ರಿತಮ್ ।
ಚರ್ಮಖಂಗಧರಾಸ್ಸರ್ವೇತಥಾಸರ್ವಾಸ್ತ್ರಕೋವಿದಾಃ ॥ 26 ॥
ನ್ಯರ್ಬುದಂರಕ್ಷಸಾಮತ್ರಾಪ್ಯುತ್ತರದ್ವಾರಮಾಶ್ರಿತಮ್ ।
ರಥಿನಶ್ಚಾಶ್ವವಾಹಾಶ್ಚಕುಲಪುತ್ತ್ರಾಸ್ಸುಪೂಜಿತಾಃ ॥ 27 ॥
ಶತಶೋಽಥಸಹಸ್ರಾಣಿಮಧ್ಯಮಂಸ್ಕಂಧಮಾಶ್ರಿತಾಃ ।
ಯಾತುಧಾನಾದುರಾಧರ್ಷಾಸ್ಸಾಗ್ರಕೋಟಿಶ್ಚರಕ್ಷಸಾಮ್ ॥ 28 ॥
ತೇಮಯಾಸಂಕ್ರಮಾಭಗ್ನಾಃಪರಿಖಾಶ್ಚಾವಪೂರಿತಾಃ ।
ದಗ್ಧಾಚನಗರೀಲಂಕಾಪ್ರಾಕಾರಾಶ್ಚಾವಸಾದಿತಾಃ ॥ 29 ॥
ಬಲೈಕದೇಶಃಕ್ಷಪಿತೋರಾಕ್ಷಸಾನಾಂಮಹಾತ್ಮನಾಮ್ ।
ಯೇನಕೇನತುಮಾರ್ಗೇಣತರಾಮವರುಣಾಲಯಮ್ ।
ಹತೇತಿನಗರೀಲಂಕಾವಾನರೈರವಧಾರ್ಯತಾಮ್ ॥ 30 ॥
ಅಂಗದೋದ್ವಿವಿದೋಮೈಂದೋಜಾಂಬವಾನ್ಪನಸೋಽನಲಃ ।
ನೀಲಸ್ಸೇನಾಪತಿಶ್ಚೇವಬಲಶೇಷೇಣಕಿಂತವ ॥ 31 ॥
ಪ್ಲವಮಾನಾಹಿಗತ್ವಾತಾಂರಾವಣಸ್ಯಮಹಾಪುರೀಮ್ ॥ 32 ॥
ಸಪರ್ವತವನಾಂಭಿತ್ತ್ವಾಸಖಾತಾಂಚಸಪ್ರತೋರಣಾಮ್ ।
ಸಪ್ರಾಕಾರಾಂಸಭವನಾಮಾನಯಿಷ್ಯಂತಿರಾಘವ ॥ 33 ॥
ಏವಮಾಜ್ಞಾಪಯಕ್ಷಿಪ್ರಂಬಲಾನಾಂಸರ್ವಸಂಗ್ರಹಮ್ ।
ಮುಹೂರ್ತೇನತುಯುಕ್ತೇನಪ್ರಸ್ಥಾನಮಭಿರೋಚಯ ॥ 34 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ತೃತೀಯಸ್ಸರ್ಗಃ ॥
