ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚಪಂಚಾಶಸ್ಸರ್ಗಃ ।
ವಜ್ರದಂಷ್ಟ್ರಂಹತಂಶ್ರುತ್ವಾವಾಲಿಪುತ್ರೇಣರಾವಣಃ ।
ಬಲಾಧ್ಯಕ್ಷಮುವಾಚೇದಂಕೃತಾಂಜಲಿಮುಪಸ್ಥಿತಮ್ ॥ 1 ॥
ಶೀಘ್ರಂನಿರ್ಯಾಂತುದುರ್ಧರ್ಷಾರಾಕ್ಷಸಾಭೀಮವಿಕ್ರಮಾಃ ।
ಅಕಂಪನಂಪುರಸ್ಕೃತ್ಯಸರ್ವಶಸ್ತ್ರಪ್ರಕೋವಿದಮ್ ॥ 2 ॥
ಏಷಶಾಸ್ತಾಚಗೋಪ್ತಾಚನೇತಾಚಯುಧಿಸತ್ತಮಃ ।
ಭೂತಿಕಾಮಶ್ಚಮೇನಿತ್ಯಂನಿತ್ಯಂಚಸಮರಪ್ರಿಯಃ ॥ 3 ॥
ಏಷಜೇಷ್ಯತಿಕಾಕತ್ಸ್ಥೌಸುಗ್ರೀವಂಚಮಹಾಬಲಮ್ ।
ವಾನರಾಂಶ್ಚಾಪರಾನ್ ಘೋರಾನ್ ಹನಿಷ್ಯತಿಪರಂತಪಃ ॥ 4 ॥
ಪರಿಗೃಹ್ಯ ಸ ತಾಮಾಜ್ಞಾಂ ರಾವಣಸ್ಯ ಮಹಾಬಲಃ ।
ಬಲಂ ಸಂಪ್ರೇರಯಾಮಾಸ ತದಾ ಲಘುಪರಾಕ್ರಮಃ ॥ 5 ॥
ತತೋನಾನಾಪ್ರಹರಣಾಭೀಮಾಕ್ಷಾಭೀಮದರ್ಶನಾಃ ।
ನಿಷ್ಪೇತೂರಾಕ್ಷಸಾಮುಖ್ಯಾಬಲಾಧ್ಯಕ್ಷಪ್ರಚೋದಿತಾಃ ॥ 6 ॥
ರಥಮಾಸ್ಥಾಯವಿಪುಲಂತಪ್ತಕಾಂಚನಭೂಷಣಮ್ ।
ಮೇಘಾಭೋಮೇಘವರ್ಣಶ್ಚಮೇಘಸ್ವನಮಹಾಸ್ವನಃ ॥ 7 ॥
ರಾಕ್ಷಸೈಃಸಮ್ವೃತೋಘೋರೈಸ್ತದಾನಿರ್ಯಾತ್ಯಕಂಪನಃ ।
ನಹಿಕಂಪಯಿತುಂಶಕ್ಯಃಸುರೈರಪಿಮಹಾಮೃಧೇ ॥ 8 ॥
ಅಕಂಪನಸ್ ತತಸ್ ತೇಷಾಂ ಆದಿತ್ಯ;ಇವ ತೇಜಸಾ ।
ತಸ್ಯ ನಿಧಾವಮಾನಸ್ಯ ಸಮ್ರಬ್ಧಸ್ಯ ಯುಯುತ್ಸಯಾ ॥ 9 ॥
ಅಕಸ್ಮಾದ್ದೈನ್ಯಮಾಗಚ್ಛದ್ಧಯಾನಾಂರಥವಾಹಿನಾಮ್ ।
ವ್ಯಸ್ಫುರನ್ನಯನಂಚಾಸ್ಯಸವ್ಯಂಯುದ್ಧಾಭಿನದನಿನಃ ॥ 10 ॥
ವಿವರ್ಣೋಮುಖವರ್ಣಶ್ಚಗದ್ಗದಶ್ಚಾಭವತ್ಸ್ವನಃ ।
ಅಭವತ್ಸುದಿನೇಕಾಲೇದುರ್ದಿನಂರೂಕ್ಷಮಾರುತಮ್ ॥ 11 ॥
ಊಚುಃಖಗಮೃಗಾಃಸರ್ವೇವಾಚಃಕ್ರೂರಾಭಯಾವಹಾಃ ।
ಸಸಿಂಹಾಪಚಿತ್ಕಂಧಃಶಾರ್ದೂಲಸಮವಿಕ್ರಮಃ ॥ 12 ॥
ತಾನುತ್ಪಾತಾನಚಿನ್ಸ್ಸೈವನಿರ್ಜಗಾಮರಣಾಜಿರಮ್ ।
ತಥಾನಿರ್ಗಚ್ಛತಸ್ತಸ್ಯರಕ್ಷಸಸ್ಸಹರಾಕ್ಷಸೈಃ ॥ 13 ॥
ಬಭೂವಸುಮಹಾನ್ನಾದಃಕ್ಷೋಭಯನ್ನಿವಸಾಗರಮ್ ।
ತೇನಶಬ್ದೇನವಿತ್ರಸ್ತಾವಾನರಾಣಾಂಮಹಾಚಮೂಃ ॥ 14 ॥
ದ್ರುಮಶೈಲಪ್ರಹಾರಾಣಾಂಯೋದ್ಧುಂಸಮುಪತಿಷ್ಠತಮ್ ।
ತೇಷಾಂಯುದ್ಧಂಮಹಾರೌದ್ರಂಸಂಜಜ್ಞೇಕಪಿರಕ್ಷಸಾಮ್ ॥ 15 ॥
ರಾಮರಾವಣಯೋರರ್ಧೇಸಮಭಿತ್ಯಕ್ತಜೀವಿನಾಮ್ ।
ಸರ್ವೇಹ್ಯತಿಬಲಾಃಶೂರಾಃಸರ್ವೇಪರ್ವತಸನ್ನಿಭಾಃ ॥ 16 ॥
ಹರಯೋರಾಕ್ಷಸಾಶ್ಚೈವಪರಸ್ಪರಜಿಘಾಂಸವಃ ।
ತೇಷಾಂವಿವರ್ಧತಾಂಶಬ್ದಃಸಂಯುಗೇಽತಿತರಸ್ವಿನಾಮ್ ॥ 17 ॥
ಶುಶ್ರುವೇಸುಮಹಾನ್ ಕೋಪಾದನ್ಯೋನ್ಯಮಭಿಗರ್ಜತಾಮ್ ।
ರಜಶ್ಚಾರುಣವರ್ಣಾಭಂಸುಭೀಮಮಭವದ್ ಭೃಶಮ್ ॥ 18 ॥
ಉದ್ಧತಂಹರಿರಕ್ಷೋಭಿಃಸಂರುರೋಧದಿಶೋದಶ ।
ಅನ್ಯೋನ್ಯಂರಜಸಾತೇನಕೌಶೇಯೋದ್ಧೂತಪಾಂಡುನಾ ॥ 19 ॥
ಸಮ್ವೃತಾನಿಚಭೂತಾನಿದದೃಶುರ್ನರಣಾಜಿರೇ ।
ನಧ್ವಜೋನಪತಾಕಾವಾಚರ್ಮವಾತುರಗೋಽಪಿವಾ ॥ 20 ॥
ಆಯುಧಂಸ್ಯಂದನೋವಾಪಿದದೃಶೇತೇನರೇಣುನಾ ।
ಶಬ್ದಶ್ಚಸುಮಹಾಂಸ್ತೇಷಾಂನರ್ದತಾಮಭಿಧಾವತಾಮ್ ॥ 21 ॥
ಶ್ರೂಯತೇತುಮುಲೋಯುದ್ಧೇನರೂಪಾಣಿಚಕಾಶಿರೇ ।
ಹರೀನೇವಸುಸಂರುಷ್ಟಾಹರಯೋಜಘ್ನುರಾಹವೇ ॥ 22 ॥
ರಾಕ್ಷಸಾರಾಕ್ಷಸಾಂಶ್ಚಾಪಿನಿಜಘ್ನುಸ್ತಿಮಿರೇತದಾ ।
ತೇಪರಾಂಶ್ಚವಿನಿಘ್ನಂತಃಸ್ವಾಂಶ್ಚವಾನರರಾಕ್ಷಸಾಃ ॥ 23 ॥
ರುಧಿರಾರ್ದ್ರಾಂತದಾಚಕ್ರುರ್ಮಹೀಂಪಂಕಾನುಲೇಪನಾಮ್ ।
ತತಸ್ತುರುಧಿರೌಘೇಣಸಿಕ್ತಂಹ್ಯಪಗತಂರಜಃ ॥ 24 ॥
ಶರೀರಶವಸಂಕೀರ್ಣಾಬಭೂವಚವಸುಂಧರಾ ।
ದ್ರುಮಶಕ್ತಿಗದಾಪ್ರಾಸೈಶ್ಶಿಲಾಪರಿಘತೋಮರೈಃ ॥ 25 ॥
ಹರಯೋರಾಕ್ಷಸಾಶ್ಚೈವಸ್ತೂರ್ಣಂಜಘ್ನುರನ್ಯೋನ್ಯಮೋಜಸಾ ।
ಬಾಹುಭಿಃಪರಿಘಾಕಾರೈರ್ಯುಧ್ಯಂತಃಪರ್ವತೋಪಮಾಃ ॥ 26 ॥
ಹರಯೋಭೀಮಕರ್ಮಾಣೋರಾಕ್ಷಸಾನ್ಝಘ್ನುರಾಹವೇ ।
ರಾಕ್ಷಸಾಸ್ತ್ವಭಿಸಂಕ್ರುದ್ಧಾಃಪ್ರಾಸತೋಮರಪಾಣಯಃ ॥ 27 ॥
ಕಪೀನ್ನಿಜಘ್ನಿರೇತತ್ರಶಸ್ತ್ರಃಪರಮದಾರುಣೈಃ ।
ಅಕಂಪನಸ್ಸುಸಂಕ್ರುದ್ಧೋರಾಕ್ಷಸಾನಾಂಚಮೂಪತಿಃ ॥ 28 ॥
ಸಮ್ಹರ್ಷಯತಿತಾನ್ಸರ್ವಾನ್ರಾಕ್ಷಸಾಭನಿಮವಿಕ್ರಮಾನ್ ।
ಹರಯಸ್ತ್ವಪಿರಕ್ಷಾಂಸಿಮಹಾದ್ರುಮಮಹಾಶ್ಮಭಿಃ ॥ 29 ॥
ವಿದಾರಯಂತ್ಯಭಿಕ್ರಮ್ಯಶಸ್ತ್ರಾಣ್ಯಾಚ್ಛಿದ್ಯವೀರ್ಯತಃ ।
ಏತಸ್ಮಿನ್ನಂತರೇವೀರಾಹರಯಃಕುಮುದೋನಲಃ ॥ 30 ॥
ಮೈಂದಶ್ಚಪರಮಕ್ರುದ್ಧಾಶ್ಚಕ್ರುರ್ವೇಗಮನುತ್ತಮಮ್ ।
ತೇತುವೃಕ್ಷೈರ್ಮಹಾವೀರಾರಾಕ್ಷಸಾನಾಂಚಮೂಮುಖೇ ॥ 31 ॥
ಕದನಂಸುಮಹಚ್ಚಕ್ರುರ್ಲೀಲಯಾಹರಿಪುಂಗವಾಃ ।
ಮಮಂಥೂರಾಕ್ಷಸಾನ್ ಸರ್ವೇವಾನರಾಗಣಶೋಭೃಶಮ್ ॥ 32 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚಪಂಚಾಶಸ್ಸರ್ಗಃ ॥
