ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ನವಮಸ್ಸರ್ಗಃ ।
ತತೋನಿಕುಂಭೋರಭಸಸ್ಸೂರ್ಯಶತ್ರುರ್ಮಹಾಬಲಃ ।
ಸುಪ್ತಘ್ನೋಯಜ್ಞಹಾರಕ್ಷೋಮಹಾಪಾರ್ಶ್ವಮಹೋದರೌ ॥ 1 ॥
ಅಗ್ನಿಕೇತುಶ್ಚದುರ್ಧರ್ಷೋರಶ್ಮಿಕೇತುಶ್ಚರಾಕ್ಷಸಃ ।
ಇಂದ್ರಜಿಚ್ಚಮಹಾತೇಜಾಬಲವಾನ್ರಾವಣಾತ್ಮಜಃ ॥ 2 ॥
ಪ್ರಹಸ್ತೋಽಥವಿರೂಪಾಕ್ಷೋವಜ್ರದಂಷ್ಟ್ರೋಮಹಾಬಲಃ ।
ಧೂಮ್ರಾಕ್ಷಶ್ಚಾತಿಕಾಯಶ್ಚದುರ್ಮುಖಶ್ಚೈವರಾಕ್ಷಸಃ ॥ 3 ॥
ಪರಿಘಾನ್ಪಟ್ಟಿಶಾನ್ಪ್ರಾಸಾನ್ಶಕ್ತಿಶೂಲಪರಶ್ವಧಾನ್ ।
ಚಾಪಾನಿಚಸಬಾಣಾನಿಖಂಗಾಂಶ್ಚವಿಪುಲಾನ್ಶಿತಾನ್ ॥ 4 ॥
ಪ್ರಗೃಹ್ಯಪರಮಕ್ರುದ್ಧಾಸ್ಸಮುತ್ಪತ್ಯಚರಾಕ್ಷಸಾಃ ।
ಅಬ್ರುವನ್ರಾವಣಂಸರ್ವೇಪ್ರದೀಪ್ತಾಇವತೇಜಸಾ ॥ 5 ॥
ಅದ್ಯರಾಮಂವಧಿಷ್ಯಾಮಸ್ಸುಗ್ರೀವಂಸಚಲಕ್ಷ್ಮಣಮ್ ।
ಕೃಪಣಂಚಹನೂಮಂತಂಲಂಕಾಯೇನಪ್ರಧರ್ಷಿತಾ ॥ 6 ॥
ತಾನ್ಗೃಹೀತಾಯುಧಾನ್ ಸರ್ವಾನ್ವಾರಯಿತ್ವಾವಿಭೀಷಣಃ ।
ಅಬ್ರವೀತ್ಪ್ರಾಂಜಲಿರ್ವಾಕ್ಯಂಪುನಃಪ್ರತ್ಯುಪವೇಶ್ಯತಾನ್ ॥ 7 ॥
ಅಪ್ಯುಪಾಯೈಸ್ತ್ರಿಭಿಸ್ತಾತಯೋಽರ್ಥಃಪ್ರಾಪ್ತುಂನಶಕ್ಯತೇ ।
ತಸ್ಯವಿಕ್ರಮಕಾಲಾಂಸ್ತಾನ್ಯುಕ್ತಾನಾಹುರ್ಮನೀಷಿಣಃ ॥ 8 ॥
ಪ್ರಮತ್ತೇಷ್ಯಭಿಯುಕ್ತೇಷುದೈವೇನಪ್ರಹತೇಷುಚ ।
ವಿಕ್ರಮಾಸ್ತಾತಸಿಧ್ಯಂತಿಪರೀಕ್ಷ್ಯವಿಧಿನಾಕೃತಾಃ ॥ 9 ॥
ಅಪ್ರಮತ್ತಂಕಥಂತಂತುವಿಜಿಗೀಷುಂಬಲೇಸ್ಥಿತಮ್ ।
ಜಿತರೋಷಂದುರಾಧರ್ಷತಂಪ್ರಧರ್ಷಯಿತುಮಿಚ್ಛಥ ॥ 10 ॥
ಸಮುದ್ರಂಲಂಘಯಿತ್ವಾತುಘೋರಂನದನದೀಪತಿಮ್ ।
ಗತಿಂಹನೂಮತೋಲೋಕೇಕೋವಿದ್ಯಾತ್ತರ್ಕಯೇತವಾ ॥ 11 ॥
ಬಲಾನ್ಯಪರಿಮೇಯಾನಿವೀರ್ಯಾಣಿಚನಿಶಾಚರಾಃ ।
ಪರೇಷಾಂಸಹಸಾಽವಜ್ಞಾನಕರ್ತವ್ಯಾಕಥಂಚನ ॥ 12 ॥
ಕಿಂಚರಾಕ್ಷಸರಾಜಸ್ಯರಾಮೇಣಾಪಕೃತಂಪುರಾ ।
ಆಜಹಾರಜನಸ್ಥಾನಾದ್ಯಸ್ಯಭಾರ್ಯಾಂಯಶಸ್ವಿನಃ ॥ 13 ॥
ಖರೋಯದ್ಯತಿವೃತ್ತಸ್ತುರಾಮೇಣನಿಹತೋರಣೇ ।
ಅವಶ್ಯಂಪ್ರಾಣಿನಾಂಪ್ರಾಣಾರಕ್ಷಿತವ್ಯಾಯಥಾಬಲಮ್ ॥ 14 ॥
ಏತನ್ನಿಮಿತ್ತಂವೈದೇಹೀಭಯಂನಸ್ಸುಮಹದ್ಭವೇತ್ ।
ಆಹೃತಾಸಾಪರಿತ್ಯಾಜ್ಯಾಕಲಹಾರ್ಥೇಕೃತೇನಕಿಮ್ ॥ 15 ॥
ನತುಕ್ಷಮಂವೀರ್ಯವತಾತೇನಧರ್ಮಾನುವರ್ತಿನಾ ।
ವೈರಂನಿರರ್ಥಕಂಕರ್ತುಂದೀಯತಾಮಸ್ಯಮೈಥಿಲೀ ॥ 16 ॥
ಯಾವನ್ನಸಗಜಾಂಸಾಶ್ವಾಂಬಹುರತ್ನಸಮಾಕುಲಾಮ್ ।
ಪುರೀಂದಾರಯತೇಬಾಣೈರ್ದೀಯತಾಮಸ್ಯಮೈಥಿಲೀ ॥ 17 ॥
ಯಾವತ್ಸುಘೋರಾಮಹತೀದುರ್ಧರ್ಷಾಹರಿವಾಹಿನೀ ।
ನಾವಸ್ಕಂದತಿನೋಲಂಕಾಂತಾವತ್ಸೀತಾಪ್ರದೀಯತಾಮ್ ॥ 18 ॥
ವಿನಶ್ಯೇದ್ಧಿಪುರೀಲಂಕಾಶೂರಾಸ್ಸರ್ವೇಚರಾಕ್ಷಸಾಃ ।
ರಾಮಸ್ಯದಯಿತಾಪತ್ನೀನಸ್ವಯಂನಯದಿದೀಯತೇ ॥ 19 ॥
ಪ್ರಸಾದಯೇತ್ವಾಂಬಂಧುತ್ವಾತ್ಕುರುಷ್ಯವಚನಂಮಮ ।
ಹಿತಂತಥ್ಯಮಹಂಬ್ರೂಮಿದೀಯತಾಮಸ್ಯಮೈಥಿಲೀ ॥ 20 ॥
ಪುರಾಶರತ್ಸೂರ್ಯಮರೀಚಿಸನ್ನಿಭಾನ್ನವಾಗ್ರಪುಂಖಾನ್ ಸುದೃಢಾನ್ನೃಪಾತ್ಮಜಃ ।
ಸೃಜತ್ಯಮೋಘಾನ್ವಿಶಿಖಾನ್ವಧಾಯತೇಪ್ರದೀಯತಾಂದಶರಧಾಯಮೈಥಿಲೀ ॥ 21 ॥
ತ್ವಜಸ್ವಕೋಪಂಸುಖಧರ್ಮನಾಶನಂಭಜಸ್ವಧರ್ಮಂರತಿಕೀರ್ತಿವರ್ಧನಮ್ ।
ಪ್ರಸೀದಜೀವೇಮಸಪುತ್ರಬಾಂಧವಾಃಪ್ರದೀಯತಾಂದಾಶರಥಾಯಮೈಥಿಲೀ ॥ 22 ॥
ವಿಭೀಷಣವಚ್ಶುತ್ವಾರಾವಣೋರಾಕ್ಷಸೇಶ್ವರಾಃ ।
ವಿಸರ್ಜಯಿತ್ವಾತಾನ್ಸರ್ವಾನ್ಪ್ರವಿವೇಶಸ್ವಕಂಗೃಹಮ್ ॥ 23 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ನವಮಸ್ಸರ್ಗಃ ॥
