ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ପଂଚାଧିକଶତତମସ୍ସର୍ଗଃ ।
ସ ତେନତୁତଦାକ୍ରୋଧାତ୍କାକୁତ୍ସ୍ଥେନାର୍ଦିତୋରଣେ ।
ରାଵଣସ୍ସମରଶ୍ଲାଘିମହାକ୍ରୋଧାମୁପାଗମତ୍ ॥ 1 ॥
ସ ଦୀପ୍ତନୟନୋରୋଷାଚ୍ଚାପମାୟାମ୍ୟଵୀର୍ୟଵାନ୍ ।
ଅଭ୍ୟର୍ଦୟତ୍ସୁସଂକୃଦ୍ଧୋରାଘଵଂପରମାହଵେ ॥ 2 ॥
ରାମ ରାମ ମହାବାହୋ ଶୃଣୁ ଗୁହ୍ୟଂ ସନାତନମ୍ ।
ୟେନ ସର୍ଵାନରୀନ୍ଵତ୍ସ ସମରେ ଵିଜୟିଷ୍ୟସେ ॥ 3 ॥
ପୂରିତଃଶରଜାଲେନଧନୁର୍ମୁକ୍ତେନସମ୍ୟୁଗେ ।
ମହାଗିରିରିଵାକଂପ୍ୟଃକାକୁତ୍ସ୍ଥୋ ନ ପ୍ରକଂପତେ ॥ 4 ॥
ସ ଶରୈଶ୍ଶରଜାଲାନିଵାରୟନ୍ ସମରେସ୍ଥିତଃ ।
ଗଭସ୍ତୀନିଵସୂର୍ୟସ୍ୟପ୍ରତିଜଗ୍ରାହଵୀର୍ୟଵାନ୍ ॥ 5 ॥
ତତଶ୍ଶରସହସ୍ରାଣିକ୍ଷିପ୍ରହସ୍ତୋନିଶାଚରଃ ।
ନିଜଘାନୋରସିକ୍ରୁଦ୍ଧୋରାଘଵସ୍ୟମହାତ୍ମନଃ ॥ 6 ॥
ସର୍ଵଦେଵାତ୍ମକୋ ହ୍ୟେଷ ତେଜସ୍ଵୀ ରଶ୍ମିଭାଵନଃ ।
ଏଷ ଦେଵାସୁରଗଣାନ୍ ଲୋକାନ୍ ପାତି ଗଭସ୍ତିଭିଃ ॥ 7 ॥
ଶରାଭିଘାତସମ୍ରବ୍ଦଃସୋଽଭିଜଗ୍ରାହସାୟକାନ୍ ।
କାକୁତ୍ସ୍ଥଃ ସୁମହାତେଜାୟୁଗାଂତାଦିତ୍ୟତେଜସଃ ॥ 8 ॥
ତତୋଽନ୍ୟୋନ୍ୟଂସୁସମ୍ରବ୍ଧୌତାଵୁଭୌରାମରାଵଣୌ ।
ଶରାଂଧକାରେସମରେନୋପଲକ୍ଷ୍ୟତାଂତଦା ॥ 9 ॥
ତତଃକ୍ରୋଧସମାଵିଷ୍ଟୋରାମୋଦଶରଥାତ୍ମଜଃ ।
ଉଵାଚରାଵଣଂଵୀରଃପ୍ରହସ୍ୟପରୁଷଂଵଚଃ ॥ 10 ॥
ମମଭାର୍ୟାଜନସ୍ଥାନାଦଜ୍ଞାନାଦ୍ରାକ୍ଷସାଧମ ।
ହୃତାତେଵିଵଶାୟସ୍ମାତ୍ତସ୍ମାତ୍ତ୍ଵଂନାସିଵୀର୍ୟଵାନ୍ ॥ 11 ॥
ମୟାଵିରହିତାଂଦୀନାଂଵର୍ତମାନାଂମହାଵନେ ।
ଵୈଦେହୀଂପ୍ରସଭଂହୃତ୍ଵାଶୂରୋଽହମିତିମନ୍ୟସେ ॥ 12 ॥
ସ୍ତ୍ରୀଷୁଶୂରଵିନାଥାସୁପରଦାରାଭିମର୍ଶକ ।
କୃତ୍ଵାକାପୁରୁଷଂକର୍ମଶୂରୋଽହମିତିମନ୍ୟସେ ॥ 13 ॥
ଭିନ୍ନମର୍ୟାଦନିର୍ଲଜ୍ଜ ଚାରିତ୍ରେଷ୍ଵନଵସ୍ଥିତ ।
ଦର୍ପାନ୍ମୃତ୍ୟୁମୁପାଦାୟଶୂରୋଽହମିତିମନ୍ୟସେ ॥ 14 ॥
ଶୂରେଣଧନଦଭ୍ରାତ୍ରାବଲୈଃସମୁଦିତେନ ଚ ।
ଶ୍ଲାଘନୀୟଂମହତ୍କର୍ମୟଶସ୍ୟଂ ଚ କୃତଂତ୍ଵୟା ॥ 15 ॥
ଉତ୍ସେକାନାଭିପନ୍ନସ୍ୟଗର୍ହିତସ୍ୟାହିତସ୍ୟ ଚ ।
କର୍ମଣଃପ୍ରାପ୍ନୁହୀଦାନାଂତସ୍ୟାଦ୍ୟସୁମହତ୍ଫଲମ୍ ॥ 16 ॥
ଶୂରୋଽହମିତିଚାତ୍ମାନମଵଗଚ୍ଛସିଦୁର୍ମତେ ।
ନୈଵଲଜ୍ଜାସ୍ତିତେସୀତାଂଚୌରଵଦ୍ଵୃପକର୍ଷତଃ ॥ 17 ॥
ୟଦିମତ୍ସନ୍ନିଧୌସୀତାଧର୍ଷିତାସ୍ୟାତ୍ତ୍ଵୟାବଲାତ୍ ।
ଭ୍ରାତରଂତୁଖରଂପଶ୍ୟେସ୍ତଦାମତ୍ସାୟକୈର୍ହତଃ ॥ 18 ॥
ଦିଷ୍ଟ୍ୟାସିମମଦୁଷ୍ଟାତ୍ମଶ୍ଚକ୍ଷୁର୍ଵିଷୟମାଗତଃ ।
ଅଦ୍ୟତ୍ଵାଂସାୟକୈସ୍ତୀକ୍ଷ୍ଣୈର୍ନୟାମିୟମସାଦନମ୍ ॥ 19 ॥
ଅଦ୍ୟତେମଚ୍ଛରୈଶ୍ଚିନ୍ନଂଶିରୋଜ୍ଵଲିତକୁଂଡଲମ୍ ।
କ୍ରଵ୍ୟାଦାଵ୍ୟପକର୍ଷଂତୁଵିକୀର୍ଣଂରଣପାଂସୁଷୁ ॥ 20 ॥
ନିପତ୍ୟୋରସିଗୃଧ୍ରାସ୍ତେକ୍ଷିତୌକ୍ଷିପ୍ତସ୍ୟରାଵଣ ।
ପିବଂତୁରୁଧିରଂତର୍ଷାଦ୍ବାଣଶଲ୍ୟାଂତରୋତ୍ଥିତମ୍ ॥ 21 ॥
ନାଶୟତ୍ୟେଷ ଵୈ ଭୂତଂ ତଦେଵ ସୃଜତି ପ୍ରଭୁଃ ।
ପାୟତ୍ୟେଷ ତପତ୍ୟେଷ ଵର୍ଷତ୍ୟେଷ ଗଭସ୍ତିଭିଃ ॥ 22 ॥
ଇତ୍ୟେଵଂ ସ ଵଦନ୍ଵୀରୋରାମଶ୍ଶତ୍ରୁନିବର୍ହଣଃ ।
ରାକ୍ଷସେଂଦ୍ରଂସମୀପସ୍ଥଂଶରଵର୍ଷୈରଵାକିରତ୍ ॥ 23 ॥
ବଭୂଵଦ୍ଵିଗୁଣଂଵୀର୍ୟଂବଲଂହର୍ଷଶ୍ଚସଂୟୁଗେ ।
ରାମସ୍ୟାସ୍ତ୍ରବଲଂଚୈଵଶତ୍ରୋର୍ନିଧନକାଂକ୍ଷିଣଃ ॥ 24 ॥
ପ୍ରାଦୁର୍ଭଭୂଵୁରସ୍ତ୍ରାଣିସର୍ଵାଣିଵିଦିତାତ୍ମନଃ ।
ପ୍ରହର୍ଷାଚ୍ଚମହାତେଜାଶ୍ଶୀଘ୍ରହସ୍ତତରୋଽଭଵତ୍ ॥ 25 ॥
ଶୁଭାନ୍ୟେତାନିଚିହ୍ନାନିଵିଜ୍ଞାୟାତ୍ମଗତାନିସଃ ।
ଭୂୟଏଵାର୍ଦୟଦ୍ରାମୋରାଵଣଂରାକ୍ଷସାଂତକୃତ୍ ॥ 26 ॥
ହରୀଣାଂଚାଶ୍ମନିକରୈଶ୍ଶରଵର୍ଷାଚ୍ଚରାଘଵାତ୍ ।
ହନ୍ୟମାନୋଦଶଗ୍ରୀଵୋଵିଘୂର୍ଣହୃଦୟୋଽଭଵତ୍ ॥ 27 ॥
ୟଦା ଚ ଶସ୍ତ୍ରଂନାରେଭେ ନ ଚକର୍ଷଶରାସନମ୍ ।
ନାସ୍ୟପ୍ରତ୍ୟକରୋଵଦୀର୍ୟଂଵିକ୍ଲବେନାଂତରାତ୍ମନା ॥ 28 ॥
କ୍ଷିପ୍ତାଃଶ୍ଚାଶୁଶରାସ୍ତେନଶସ୍ତ୍ରାଣିଵିଵିଧାନି ଚ ।
ମରଣାର୍ଥାୟଵର୍ତଂତେମୃତ୍ୟୁକାଲୋଽଭ୍ୟଵର୍ତତ ॥ 29 ॥
ସୂତସ୍ତୁରଥନେତାସ୍ୟତଦଵସ୍ଥଂନିରୀକ୍ଷ୍ୟତମ୍ ।
ଶନୈର୍ୟୁଦ୍ଧାସଂଭ୍ରାଂତୋରଥଂତସ୍ୟାପଵାହୟତ୍ ॥ 30 ॥
ରଥଂ ଚ ତସ୍ୟାଥଜଵେନସାଥିର୍ନିଵାର୍ୟଭୀମଂଜଲଦସ୍ଵନଂତଦା ।
ଜଗାମଭୀତ୍ୟାସମରାନ୍ମହୀପତିଂନିରସ୍ତଵୀର୍ୟଂପତିତଂସମୀକ୍ଷ୍ୟ ॥ 31 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ପଂଚାଧିକଶତତମସ୍ସର୍ଗଃ ॥
