ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುರ್ನವತಿತಮಸ್ಸರ್ಗಃ ।
ಸ ಪ್ರವಿಶ್ಯಸಭಾಂರಾಜಾದೀನಃಪರಮದುಃಖಿತಃ ।
ನಿಷಪಾದಾಸನೇಮುಖ್ಯೇಸಿಂಹಃಕ್ರುದ್ಧೈವಶ್ವಸನ್ ॥ 1 ॥
ಅಬ್ರವೀಚ್ಚ ಸ ತಾನ್ಸರ್ವಾನ್ ಬಲಮುಖ್ಯಾನ್ ಮಹಾಬಲಃ ।
ರಾವಣಃಪ್ರಾಂಜಲಿರ್ವಾಕ್ಯಂಪುತ್ರವ್ಯಸನಕರ್ಶಿತಃ ॥ 2 ॥
ಸರ್ವೇಭವಂತಸ್ಸರ್ವೇಣಹಸ್ತ್ಯಶ್ವೇನಸಮಾವೃತಾಃ ।
ನಿರ್ಯಾಂತುರಥಸಂಘೈಶ್ಚಪಾದಾತೈಶ್ಚೋಪಶೋಭಿತಾಃ ॥ 3 ॥
ಏಕಂರಾಮಂಪರಿಕ್ಷಿಪ್ಯಸಮರೇಹಂತುಮರ್ಹಥ ।
ವರ್ಷಂತಶ್ಶರವರ್ಷಾಣಿಪ್ರಾವೃಟ್ ಕಾಲೈವಾಂಬುದಾಃ ॥ 4 ॥
ಅಥವಾಹಂಶರೈಸ್ತೀಕ್ಷ್ಣೈರ್ಭಿನ್ನಗಾತ್ರಂಮಹಾಹವೇ ।
ಭವದ್ಭಿಃಶ್ವೋನಿಹಂತಾಸ್ಮಿರಾಮಂಲೋಕಸ್ಯಪಶ್ಯತಃ ॥ 5 ॥
ಇತ್ಯೇತದ್ವಾಕ್ಯಮಾದಾಯರಕ್ಷಸೇಂದ್ರಸ್ಯರಾಕ್ಷಸಾಃ ।
ನಿರ್ಯಯುಸ್ತೇರಥೈಃಶೀಘ್ರೈರ್ನಾನಾನೀಕೈಶ್ಚಸಂಯುತಾಃ ॥ 6 ॥
ಪರಿಘಾನ್ ಪಟ್ಟಸಾಂಶ್ಚೈವಶರಖಂಗಪರಶ್ವಧಾನ್ ।
ಶರೀರಾಂತಕರಾನ್ ಸರ್ವೇಚಿಕ್ಷಿಪುರ್ವಾನರಾನ್ ಪ್ರತಿ ॥ 7 ॥
ವಾನರಾಶ್ಚದ್ರುಮಾನ್ಶೈಲಾನ್ರಾಕ್ಷಸಾನ್ಪ್ರತಿಚಿಕ್ಷಿಪುಃ ।
ಸ ಸಂಗ್ರಾಮೋಮಹಾಭೀಮಸ್ಸೂರ್ಯಸ್ಯದಯನಂಪ್ರತಿ ॥ 8 ॥
ರಕ್ಷಸಾಂವಾನರಾಣಾಂ ಚ ತುಮುಲಸ್ಸಮಪದ್ಯತ ।
ತೇಗದಾಭಿಶ್ಚಚಿತ್ರಾಭಿಃಪ್ರಾಸೈಃಖಡಗೈಃಪರಶ್ವಧೈಃ ॥ 9 ॥
ಅನ್ಯೋನ್ಯಂಸಮರೇಜಘ್ನುಸ್ತದಾವಾನರರಾಕ್ಷಸಾಃ ।
ಏವಂಪ್ರವೃತ್ತೇಸಂಗ್ರಾಮೇಹ್ಯದ್ಭುತಂಸುಮಹದ್ರಜಃ ॥ 10 ॥
ರಕ್ಷಸಾಂವಾನರಾಣಾಂ ಚ ಶಾಂತಂಶೋಣಿತವಿಸ್ರವೈಃ ।
ಮಾತಂಗರಥಕೂಲಾಶ್ಚವಾಜಿಮತ್ಸಾಸ್ಯಧ್ವಜದ್ರುಮಾಃ ॥ 11 ॥
ಶರೀರಸಂಘಾಟವಹಾಃಪ್ರಸಸ್ರುಃಶೋಣಿತಾಪಗಾಃ ।
ತತಸ್ತೇವಾನರಾಃಸರ್ವೇಶೋಣಿತೌಘಪರಿಪ್ಲುತಾಃ ॥ 12 ॥
ಧ್ವಜವರ್ಮರಥಾನಶ್ವಾನ್ನಾನಾಪ್ರಹರಣಾನಿ ಚ ।
ಆಪ್ಲುತ್ಯಾಪ್ಲುತ್ಯಸಮರೇವಾನರೇಂದ್ರಾಬಭಂಚಿರೇ ॥ 13 ॥
ಕೇಶಾನ್ ಕರ್ಣಲಲಾಟಂ ಚ ನಾಸಿಕಾಶ್ಚಪ್ಲವಂಗಮಾಃ ।
ರಕ್ಷಸಾಂದಶನೈಸ್ತೀಕ್ಷ್ಣೈರ್ನಖೈಶ್ಚಾಪಿವ್ಯಕರ್ತಯನ್ ॥ 14 ॥
ಏಕೈಕಂರಾಕ್ಷಸಂಸಂಖ್ಯೇಶತಂವಾನರಪುಂಗವಾಃ ।
ಅಭ್ಯಧಾವಂತಫಲಿನಂವೃಕ್ಷಂಶಕುನಯೋಯಥಾ ॥ 15 ॥
ತದಾಗದಾಭಿರ್ಗುರ್ವೀಭಿಃಪ್ರಾಸೈಃಖಡಗೈಃಪರಶ್ವಧೈಃ ।
ನಿರ್ಜಘ್ನುರ್ವಾನರಾನ್ಘೋರಾನ್ರಾಕ್ಷಸಾಃಪರ್ವತೋಪಮಾಃ ॥ 16 ॥
ರಾಕ್ಷಸೈರ್ವಧ್ಯಮಾನಾನಾಂವಾನರಾಣಾಂಮಹಾಚಮೂಃ ।
ಶರಣ್ಯಂಶರಣಂಯಾತಾರಾಮಂದಶರಥಾತ್ಮಜಮ್ ॥ 17 ॥
ತತೋರಾಮೋಮಹಾತೇಜಾಧನುರಾದಾಯವೀರ್ಯವಾನ್ ।
ಪ್ರವಿಶ್ಯರಾಕ್ಷಸಂಸೈನ್ಯಂಶರವರ್ಷಂವವರ್ಷ ಹ ॥ 18 ॥
ಪ್ರವಿಷ್ಟಂತುತದಾರಾಮಂಮೇಘಾಸ್ಸೂರ್ಯಮಿವಾಂಬರೇ ।
ನಾಥಿಜಗ್ಮುರ್ಮಹಾಘೋರಾನಿರ್ದಹಂತಂಶರಾಗ್ನಿನಾ ॥ 19 ॥
ಕೃತಾನ್ಯೇವಸುಘೋರಾಣಿರಾಮೇಣರಜನೀಚರಾಃ ।
ದದೃಶುಸ್ತೇ ನ ವೈರಾಮಂಕರ್ಮಾಣ್ಯಸುಕರಾಣಿತೇ ॥ 20 ॥
ಚಾಲಯಂತಂಮಹಾಸೈನ್ಯಂವಿಧಮಂತಂಮಹಾರಥಾನ್ ।
ದದೃಶುಸ್ತೇ ನ ವೈರಾಮಂವಾತಂವನಗತಂಯಥಾ ॥ 21 ॥
ಛಿನ್ನಂಭಿನ್ನಂಶರೈರ್ದಗ್ಧಂಪ್ರಭನ್ನಂಶಸ್ತ್ರಪೀಡಿತಮ್ ।
ಬಲಂರಾಮೇಣದದೃಶುರ್ನರಾಮಂಶೀಘ್ರಕಾರಿಣಮ್ ॥ 22 ॥
ಪ್ರಹರಂತಂಶರೀರೇಷು ನ ತೇಪಶ್ಯಂತಿರಾಘವಮ್ ।
ಇಂದ್ರಿಯಾರ್ಥೇಷುತಿಷ್ಠಂತಂಭೂತಾತ್ಮಾನಮಿವಪ್ರಜಾಃ ॥ 23 ॥
ಏಷಹಂತಿಗಜಾನೀಕಮೇಷಹಂತಿಮಹಾರಥಾನ್ ।
ಏಷಹಂತಿಶರೈಸ್ತೀಕ್ಷ್ಣೈಃಪದಾತೀಸ್ವಾಜಿಭಿಃಸಹ ॥ 24 ॥
ಇತಿತೇರಾಕ್ಷಸಾಸ್ಸರ್ವೇರಾಮಸ್ಯಸದೃಶಾನ್ರಣೇ ।
ಅನ್ಯೋನ್ಯಂಕುಪಿತಾಜಘ್ನುಸ್ಸಾದೃಶ್ಯಾದ್ರಾಘವಸ್ಯತೇ ॥ 25 ॥
ನ ತೇದದೃಶಿರೇರಾಮಂದಹಂತಮಪಿವಾಹಿನೀಮ್ ।
ಮೋಹಿತಾಃಪರಮಾಸ್ತ್ರಣಗಾಂಧರ್ವೇಣಮಹಾತ್ಮನಾ ॥ 26 ॥
ತೇತುರಾಮಸಹಸ್ರಾಣಿರಣೇಪಶ್ಯಂತಿರಾಕ್ಷಸಾಃ ।
ಪುನಃಪಶ್ಯಂತಿಕಾಕುತ್ಸ್ಥಮೇಕಮೇವಮಹಾಹವೇ ॥ 27 ॥
ಭ್ರಮಂತೀಕಾಂಚನೀಂಕೋಟಿಂಕಾರ್ಮುಕಸ್ಯಮಹಾತ್ಮನಃ ।
ಅಲಾತಚಕ್ರಪ್ರತಿಮಾಂದದೃಶುಸ್ತೇ ನ ರಾಘವಮ್ ॥ 28 ॥
ಶರೀರನಾಭಿಸತ್ತ್ವಾರ್ಚಿಶ್ಶರಾರಂನೇಮಿಕಾರ್ಮುಕಮ್ ।
ಜ್ಯಾಘೋಷತಲನಿರ್ಘೋಷಂತೇಜೋಬುಧದಿಗುಣಪ್ರಭಮ್ ॥ 29 ॥
ದಿವ್ಯಾಸ್ತ್ರಗುಣಪರ್ಯಂತಂನಿಘ್ನಂತಂಯುಧಿರಾಕ್ಷಸಾನ್ ।
ದದೃಶೂರಾಮಚಕ್ರಂತತ್ಕಾಲಚಕ್ರಮಿವಪ್ರಜಾಃ ॥ 30 ॥
ಅನೀಕಂದಶಸಾಹಸ್ರಂರಥಾನಾಂವಾತರಮ್ಹಸಾಮ್ ।
ಅಷ್ಟಾದಶಸಹಸ್ರಾಣಿಕುಂಜರಾಣಾಂತರಸ್ವಿನಾಮ್ ॥ 31 ॥
ಚತುರ್ದಶಸಹಸ್ರಾಣಿಸಾರೋಹಾಣಾಂ ಚ ವಾಜಿನಾಮ್ ।
ಪೂರ್ಣೇಶತಸಹಸ್ರೇದ್ವೇರಾಕ್ಷಸಾನಾಂಪದಾತಿನಾಮ್ ॥ 32 ॥
ದಿವಸಸ್ಯಾಷ್ಟಭಾಗೇನಶರೈರಗ್ನಿಶಿಖೋಪಮೈಃ ।
ಹತಾತ್ಯಾನ್ಯೇಕೇನರಾಮೇಣರಕ್ಷಸಾಂಕಾಮರೂಪಿಣಾಮ್ ॥ 33 ॥
ತೇಹತಾಶ್ವಾಹತರಥಾಶ್ಶಾಂತಾವಿಮಥಿತಧ್ವಜಾಃ ।
ಅಭಿಪೇತುಃಪುರೀಂಲಂಕಾಂಹತಶೇಷಾನಿಶಾಚರಾಃ ॥ 34 ॥
ಹತೈರ್ಗಜಪದಾತ್ಯಶ್ವೈಸ್ತದ್ಬಭೂವರಣಾಜಿರಮ್ ।
ಅಕ್ರೀಡಭೂಮಿಃಕ್ರುದ್ಧಸ್ಯರುದ್ರಸ್ಯೇವಮಹಾತ್ಮನಃ ॥ 35 ॥
ತತೋದೇವಾಸ್ಕಸಗಂಧರ್ವಾಸ್ಸಿದ್ಧಾಶ್ಚಪರಮರ್ಷಯಃ ।
ಸಾಧುಸಾವಧಿತಿರಾಮಸ್ಯತತ್ಕರ್ಮಸಮಪೂಜಯನ್ ॥ 36 ॥
ಅಬ್ರವೀಚ್ಛತದಾರಾಮಃಸುಗ್ರೀವಂಪ್ರತ್ಯನಂತರಮ್ ।
ವಿಭೀಷಣಂ ಚ ಧರ್ಮಾತ್ಮಾಹನೂಮಂತಂ ಚ ವಾನರಮ್ ॥ 37 ॥
ಜಾಂಬವಂತಂಹರಿಶ್ರೇಷ್ಠಂಮೈಂದಂದ್ವಿವಿದಮೇವ ಚ ।
ಏತದಸ್ತ್ರಬಲಂದಿವ್ಯಂಮಮವಾತ್ಱ್ಯಂಬಕಸ್ಯವಾ ॥ 38 ॥
ನಿಹತ್ಯತಾಂರಾಕ್ಷಸರಾಜವಾಹಿನೀಂರಾಮಸ್ತದಾಶಕ್ರಸಮೋಮಹಾತ್ಮಾ ।
ಅಸ್ತ್ರಷುಶಸ್ತ್ರಷುಜಿತಕ್ಲಮಶ್ಚಸಂಸ್ತೂಯತೇದೇವಗಣೈಃಪ್ರಹೃಷ್ಟೈಃ ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುರ್ನವತಿತಮಸ್ಸರ್ಗಃ ॥
