ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಪಂಚವಿಂಶತ್ಯಧಿಕಶತತಮಸ್ಸರ್ಗಃ ।
ಉಪಸ್ಥಿತಂತುತಂಕೃತ್ವಾಪುಷ್ಪಕಂಪುಷ್ಪಭೂಷಿತಮ್ ।
ಅವಿದೂರೇಸ್ಥಿತೋರಾಮಮಿತ್ಯುವಾಚವಿಭೀಷಣಃ ॥ 1 ॥
ಸ ತುಬದ್ಧಾಂಜಲಿಃ ಪ್ರಹ್ವೋವಿನೀತೋರಾಕ್ಷಸೇಶ್ವರಃ ।
ಅಬ್ರವೀತ್ತ್ವರಯೋಪೇತಃಕಿಂಕರೋಮೀತಿರಾಘವಮ್ ॥ 2 ॥
ತಮಬ್ರವೀನ್ಮಹಾತೇಜಾಲಕ್ಷ್ಮಣಸ್ಯೋಪಶೃಣ್ವತಃ ।
ವಿಮೃಶ್ಯರಾಘವೋವಾಕ್ಯಮಿದಂಸ್ನೇಹಪುರಸ್ಕೃತಮ್ ॥ 3 ॥
ಕೃತಪ್ರಯತ್ನಕರ್ಮಾಣಃಸರ್ವಏವವನೇಚರಾಃ ।
ರತ್ನೈರರ್ಥೈಶ್ಚವಿವಿಧೈಸ್ಸಂಪೂಜ್ಯಂತಾಂವಿಭೀಷಣ ॥ 4 ॥
ಸಹಾಮೀಭಿಸ್ತ್ವಯಾಲಂಕಾನಿರ್ಜಿತಾರಾಕ್ಷಸೇಶ್ವರ ।
ಹೃಷ್ಟೈಃಪ್ರಾಣಭಯಂತ್ಯಕ್ತ್ವಾಸಂಗ್ರಾಮೇಷ್ವನಿವರ್ತಿಭಿಃ ॥ 5 ॥
ತ ಇಮೇಕೃತಕರ್ಮಾಣಸ್ಸರ್ವಏವವನೌಕಸಃ ।
ಧನರತ್ನಪ್ರದಾನೇನಕರ್ಮೈಷಾಂಸಫಲಂಕುರು ॥ 6 ॥
ಏವಂಸಮ್ಮಾನಿತಾಶ್ಚೇತೇಮಾನಾರ್ಹಮಾನದಾತ್ವಯಾ ।
ಭವಿಷ್ಯಂತಿಕೃತಜ್ಞೇನನಿರ್ವೃತಾಹರಿಯೂಥಪಾಃ ॥ 7 ॥
ತ್ಯಾಗಿನಂಸಂಗ್ರಹೀತಾರಂಸಾನುಕ್ರೋಶಂಜಿತೇಂದ್ರಿಯಮ್ ।
ಸರ್ವೇತತಃಅವಗಚ್ಛಂತಿಸಂಬೋಧಯಾಮಿತೇ ॥ 8 ॥
ಹೀನಂರತಿಗುಣೈಸ್ಸರ್ವೈರಭಿಹಂತಾರಮಾಹವೇ ।
ಸೇನಾತ್ಯಜತಿಸಮ್ವಿಗ್ನಾನೃಪತಿಂತಂನರೇಶ್ವರಾ ॥ 9 ॥
ಏವಮುಕ್ತಸ್ತುರಾಮೇಣವಾನರಾಂಸ್ತಾನ್ವಿಭೀಷಣಃ ।
ರತ್ನಾರ್ಥಸಂವಿಭಾಗೇನಸರ್ವಾನೇವಾಭ್ಯಪೂಜಯತ್ ॥ 10 ॥
ತತಸ್ತಾನ್ಪೂಜಿತಾಂದೃಷ್ಟವಾರತ್ನಾರ್ಥೈರ್ಹರಿಯೂಥಪಾನ್ ।
ಆರುರೋಹತದಾರಾಮಸ್ತದ್ವಿಮಾನಮನುತ್ತಮಮ್ ॥ 11 ॥
ಅಂಕೇನಾದಾಯವೈದೇಹೀಂಲಜ್ಜಮಾನಾಂಯಶಸ್ವಿನೀಮ್ ।
ಲಕ್ಷ್ಮಣೇನಸಹಭ್ರಾತ್ರಾವಿಕ್ರಾಂತೇವಧನುಷ್ಮತಾ ॥ 12 ॥
ಅಬ್ರವೀತ್ಸವಿಮಾನಸ್ಥಃಪೂಜಯನ್ಸರ್ವಾವಾನರಾನ್ ।
ಸುಗ್ರೀವಂ ಚ ಮಹಾವೀರ್ಯಂಕಾಕುತ್ಸ್ಥಸವಿಭೀಷಣಮ್ ॥ 13 ॥
ಮಿತ್ರಕಾರ್ಯಂಕೃತಮಿದಂಭವದ್ಭಿದ್ವಾನರರ್ಷಭಾಃ ।
ಅನುಜ್ಞಾತಾಮಯಾಸರ್ವೇಯಥೇಷ್ಟಂಪ್ರತಿಗಚ್ಛತ ॥ 14 ॥
ಯತ್ತುಕಾರ್ಯಂವಯಸ್ಯೇನಸ್ನಿಗ್ಧೇನ ಚ ಹಿತೇನ ಚ ।
ಕೃತಂಸುಗ್ರೀವತತ್ಸರ್ವಂಭವತಾಧರ್ಮಭೀರುಣಾ ॥ 15 ॥
ಕಿಷ್ಕಿಂಧಾಂಪ್ರತಿಯಾಹ್ಯಾವುಸ್ವಸೈನ್ಯೇನಾಭಿಸಮ್ವೃತಃ ।
ಸ್ವರಾಜ್ಯೇವಸಲಂಕಾಯಾಂಮಯಾದತ್ತೇವಿಭೀಷಣ ॥ 16 ॥
ನ ತ್ವಾಂಧರ್ಷಯಿತುಂಶಕ್ತಾಸ್ಸೇಂದ್ರಾಅಪಿದಿವೌಕಸಃ ।
ಯೋಧ್ಯಾಂಪ್ರತಿಯಾಸ್ಯಾಮಿರಾಜಧಾನೀಂಪಿತುರ್ಮಮ ॥ 17 ॥
ಅಭ್ಯನುಜ್ಞಾತುಮಿಚ್ಛಾಮಿಸರ್ವಾನಾಮಂತ್ರಯಾಮಿವಃ ।
ವಮುಕ್ತಾಸ್ತುರಾಮೇಣಹರೀಂದ್ರಾಹರಯಸ್ತಥಾ ॥ 18 ॥
ಊಚುಃಪ್ರಾಂಜಲಯಸ್ಸರ್ವೇರಾಕ್ಷಸಶ್ಚವಿಭೀಷಣಃ ।
ಅಯೋಧ್ಯಾಂಗಂತುಮಿಚ್ಛಾಮಃಸರ್ವನ್ನಯತುನೋಭವಾನ್ ॥ 19 ॥
ಮುದ್ಯುಕ್ತಾವಿಚರಿಷ್ಯಾಮೋವನಾನ್ಯುಪನನಾನಿ ಚ ।
ದೃಷ್ಟವಾತ್ವಾಮಭಿಷೇಕಾರ್ಧ್ರಂಕೌಸಲ್ಯಾಮಭಿವಾದ್ಯ ಚ ॥ 20 ॥
ಅಚಿರಾದಗಮಿಷ್ಯಾಮಃಸ್ವಗೃಹಾನ್ನೃಪಸತ್ತಮ ।
ಏವಮುಕ್ತಸ್ಸಧರ್ಮಾತ್ಮಾವಾನರೈಸ್ಸವಿಭೀಷಣೈಃ ॥ 21 ॥
ಅಬ್ರವೀದ್ವಾನರಾನ್ರಾಮಸ್ಸಸುಗ್ರೀವವಿಭೀಷಣಾನ್ ।
ಪ್ರಿಯಯತರಂಲಬ್ದಂಯದಹಂಸಸುಹೃಜ್ಜನಃ ॥ 22 ॥
ಸರ್ವೈರ್ಭವದ್ಭಿಃಸಹಿತಃಪ್ರೀತಿಂಲಪ್ಸ್ಯೇಪುರೀಂಗತಃ ।
ಕ್ಷಿಪ್ರಂ ಸುಗ್ರೀವವಿಮಾನಂವಾನರೈಸ್ಸಹ ॥ 23 ॥
ತ್ವಮಪ್ಯಾರೋಹಸಾಮಾತ್ಯೋರಾಕ್ಷಸೇಂದ್ರವಿಭೀಷಣ ।
ತತಃ ಸ ಪುಷ್ಪಕಂದಿವ್ಯಂಸುಗ್ರೀವಸ್ಸಹವಾನರೈಃ ॥ 24 ॥
ಆರುರೋಹಮುದಾಯುಕ್ತಃಸಾಮಾತ್ಯಶ್ಚವಿಭೀಷಣಃ ।
ತೇಷ್ವಾರೂಢೇಷುಸರ್ವೇಷುಕೌಬೇರಂಪರಮಾಸನಮ್ ॥ 25 ॥
ರಾಘವಣಾಭ್ಯನುಜ್ಞಾತಮುತ್ಪಪಾತವಿಹಾಯಸಮ್ ।
ಗತೇನವಿಮಾನೇನಹಂಸಯುಕ್ತೇನಭಾಸ್ವತಾ ॥ 26 ॥
ಪ್ರಹೃಷ್ಟಶ್ಚಪ್ರತೀತಶ್ಚಬಭೌರಾಮಃಕುಬೇರವತ್ ।
ತೇಸರ್ವೇವಾನರರ್ರ್ಕ್ಷಶ್ಚರಾಕ್ಷಸಾಶ್ಚಮಹಾಬಲಾಃ ॥ 27 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಪಂಚವಿಂಶತ್ಯಧಿಕಶತತಮಸ್ಸರ್ಗಃ ॥
