ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದಶಾಧಿಕಶತತಮಸ್ಸರ್ಗಃ ।
ತೌತಥಾಯುಧ್ಯಮಾನೌತುಸಮರೇರಾಮರಾವಣೌ ।
ದದೃಶುಸ್ಸರ್ವಭೂತಾನಿವಿಸ್ಮಿತೇನಾಂತರಾತ್ಮನಾ ॥ 1 ॥
ಅರ್ಧಯಂತೌತುಸಮರೇತಯೋಸ್ತೌಸ್ಯಂದನೋತ್ತಮೌ ।
ಪರಸ್ಪರಮಭಿಕ್ರುದ್ಧೌಪರಸ್ಪರಮಭಿದ್ರುತೌ ॥ 2 ॥
ಪರಸ್ಪರವಧೇಯುಕ್ತೌಘೋರರೂಪೌಬಭೂವತುಃ ।
ಮಂಡಲಾನಿ ಚ ವೀಧೀಶ್ಚಗತಪ್ರತ್ಯಾಗತಾನಿ ಚ ॥ 3 ॥
ದರ್ಶಯಂತೌಬಹುವಿಧಾಂಸೂತಸಾಮರ್ಥ್ಯಜಾಂಗತಿಮ್ ।
ಅರ್ಧಯನ್ರಾವಣಂರಾಮೋರಾಘವಂಚಾಪಿರಾವಣಃ ॥ 4 ॥
ಗತಿವೇಗಂಸಮಾಪನ್ನೌಪ್ರತಿವೇಗಪ್ರವರ್ತನೇ ।
ಕ್ಷಿಪತೋಶ್ಶರಜಾಲಾನಿತಯೋಸ್ತೌಸ್ಯಂದನೋತ್ತಮೌ ॥ 5 ॥
ಚೇರತುಸ್ಸಮ್ಯುಗಮಹೀಂ ಸಾಸಾರೌ ಜಲದಾವಿವ ।
ದರ್ಶಯಿತ್ವಾತದಾತೌತುಗತಿಂಬಹುವಿಧಾಂರಣೇ ॥ 6 ॥
ಪರಸ್ಪರಸ್ಯಾಭಿಮುಖೌಪುನರೇವ ಚ ತಸ್ಥತುಃ ।
ಧುರಂಧುರೇಣರಥಯೋರ್ವಕ್ತ್ರಂವಕ್ತ್ರೇಣವಾಜಿನಾಮ್ ॥ 7 ॥
ಪತಾಕಾಶ್ಚಪತಾಕಾಭಿಸ್ಸಮೀಯುಸ್ಸ್ಥಿತಯೋಸ್ತದಾ ।
ರಾವಣಸ್ಯತತೋರಾಮೋಧನುರ್ಮುಸ್ತೈಶ್ಶಿತೈಶ್ಶರೈಃ ॥ 8 ॥
ಚತುರ್ಭಿಶ್ಚತುರೋದೀಪ್ತಾನ್ಹಯಾನ್ಪ್ರತ್ಯಪಸರ್ಪಯತ್ ।
ಸಕ್ರೋಧವಶಮಾಪನ್ನೋಹಯಾನಾಮಪಸರ್ಪಣೇ ॥ 9 ॥
ಮುಮೋಚನಿಶಿತಾನ್ಬಾಣಾನ್ರಾಘವಾಯದಶಾನನಃ ।
ಸೋತಿವಿದ್ಧೋಬಲವತಾದಶಗ್ರೀವೇಣರಾಘವಃ ॥ 10 ॥
ಜಗಾಮ ನ ವಿಕಾರಂ ಚ ನ ಚಾಪಿವ್ಯಥಿತೋಽಭವತ್ ।
ಚಿಕ್ಷೇಪ ಚ ಪುನರ್ಭಾಣಾನ್ವಜ್ರಪಾತಸಮಸ್ವನಾನ್ ॥ 11 ॥
ಸಾರಥಿಂವಜ್ರಹಸ್ತಸ್ಯಸಮುದ್ದಿಶ್ಯದಶಾನನಃ ।
ಮಾತಲೇಸ್ತುಮಹಾವೇಗಾಶ್ಶರೀರೇಪತಿತಾಶ್ಶರಾಃ ॥ 12 ॥
ನ ಸೂಕ್ಷ್ಮಮಪಿಸಮ್ಮೋಹಂವ್ಯಥಾಂವಾಪ್ರದದುರ್ಯುಧಿ ।
ತಯಾಧರ್ಷಣಯಾಕ್ರುದ್ಧೋಮಾತಲೇರ್ನತಥಾತ್ಮನಃ ॥ 13 ॥
ಚಕಾರಶರಜಾಲೇನರಾಘವೋವಿಮುಖಂರಿಪುಮ್ ।
ವಿಂಶತಿಂತ್ರಿಂಶತಿಂಷಷ್ಟಿಂಶತಶೋಽಥಸಹಸ್ರಶಃ ॥ 14 ॥
ಮುಮೋಚರಾಘವೋವೀರಸ್ಸಾಯಕಾನ್ಸ್ಯಂದನೇರಿಪೋಃ ।
ರಾವಣೋಽಪಿತತಃಕ್ರುದ್ಧೋರಥಸ್ಥರಾಕ್ಷಸೇಶ್ವರಃ ॥ 15 ॥
ಗದಾಮುಸಲವರ್ಷೇಣರಾಮಂಪ್ರತ್ಯರ್ದಯದ್ರಣೇ ।
ತತ್ಪ್ರವೃತಂಪುನರ್ಯುದ್ಧಂತುಮುಲಂರೋಮಹರ್ಷಣಮ್ ॥ 16 ॥
ಗದಾನಾಂಮುಸಲಾನಾಂ ಚ ಪರಿಘಾಣಾಂಚನಿಸ್ಸ್ವನೈಃ ।
ಶರಾಣಾಂಪುಂಖವಾತೈಶ್ಚಕ್ಷುಭಿತಾಸ್ಸಪ್ತಸಾಗರಾಃ ॥ 17 ॥
ಕ್ಷುಬ್ದಾನಾಂಸಾಗರಾಣಾಂ ಚ ಪಾತಾಲತಲವಾಸಿನಃ ।
ವ್ಯಥಿತಾದಾನವಾಃಸರ್ವೇಪನ್ನಗಾಶ್ಚಸಹಸ್ರಶಃ ॥ 18 ॥
ಚಕಂಪೇಮೇದಿನೀಕೃತ್ಸ್ನಾಸಶೈಲವನಕಾನನಾ ।
ಭಾಸ್ಕರೋನಿಷ್ಪ್ರಭಶ್ಚಾಸೀನ್ನವನೌಚಾಪಿಮಾರುತಃ ॥ 19 ॥
ತತೋದೇವಾಸ್ಸಗಂಧರ್ವಾಸ್ಸಿದ್ಧಾಶ್ಚಪರಮರ್ಷಯಃ ।
ಚಿಂತಾಮಾಪೇದಿರೇಸರ್ವೇಸಕಿನ್ನರಮಹೋರಗಾಃ ॥ 20 ॥
ಸ್ವಸ್ತಿಗೋಬ್ರಾಹ್ಮಣೇಭ್ಯೋಽಸ್ತುಲೋಕಾಸ್ತಿಷ್ಠಂತುಶಾಶ್ವತಾಃ ।
ಜಯತಾಂರಾಘಯಸಂಖ್ಯೇರಾವಣಂರಾಕ್ಷಸೇಶ್ವರಮ್ ॥ 21 ॥
ಏವಂಜಪಂತೋಽಪಶ್ಯಂಸ್ತೇದೇವಾಸ್ಸರ್ಷಿಗಣಾಸ್ತದಾ ।
ರಾಮರಾವಣಯೋರ್ಯುದ್ಧಂಸುಘೋರಂರೋಮಹರ್ಷಣಮ್ ॥ 22 ॥
ಗಂಧರ್ವಾಪ್ಸರಸಾಂಸಂಘಾದೃಷ್ಟವಾಯುದ್ಧಮನೂಪಮಮ್ ।
ಗಗನಂಗಗನಾಕಾರಂಸಾಗರಸ್ಸಾಗರೋಪಮಃ ॥ 23 ॥
ರಾಮರಾವಣಯೋರ್ಯುದ್ಧಂರಾಮರಾವಣಯೋರಿವ ।
ಏವಂಬ್ರುವಂತೋದದೃಶುಸ್ತದ್ಯುದ್ಧಂರಾಮರಾವಣಮ್ ॥ 24 ॥
ತತಃಕ್ರೋಧಾನ್ಮಹಾಬಾಸೂರಘೂಣಾಂಕೀರ್ತಿವರ್ಧನಃ ।
ಸಂಧಾಯಧನುಷಾರಾಮಶ್ಶರಮಾಶೀವಿಷೋಪಮಮ್ ॥ 25 ॥
ರಾವಣಸ್ಯಶಿರೋಽಚ್ಛಿಂದಚ್ಛ್ರೀಮಜ್ಜ್ವಲಿತಕುಂಡಲಮ್ ।
ತಛಚಿರಃಪತಿತಂಭೂಮೌದೃಷ್ಟಂಇಲೋಕೈಸ್ತ್ರಿಭಿಸ್ತದಾ ॥ 26 ॥
ತಸ್ಯೈವಸದೃಶಂಚಾನ್ಯದ್ರಾವಣಸ್ಯೋತ್ಥಿತಂಶಿರಃ ।
ತತ್ಕ್ಷಿಪ್ತಂಕ್ಷಿಪ್ರಹಸ್ತೇನರಾಮೇಣಕ್ಷಿಪ್ರಕಾರಿಣಾ ॥ 27 ॥
ದ್ವಿತೀಯಂರಾವಣಶಿರಶ್ಛಿನ್ನಂಸಮ್ಯತಿಸಾಯಕೈಃ ।
ಛಿನ್ನಮಾತ್ರಂ ಚ ತಚ್ಚೀರ್ಷಂಪುನರೇವಪ್ರದೃಶ್ಯತೇ ॥ 28 ॥
ತದಪ್ಯಶನಿಸಂಕಾಶೈಶ್ಛಿನ್ನಂರಾಮಸ್ಯಸಾಯಕೈಃ ।
ಏವಮೇವಶತಂಛಿನ್ನಂಶಿರಸಾಂತುಲ್ಯವರ್ಚಸಾಮ್ ॥ 29 ॥
ನ ಚೈವರಾವಣಸ್ಯಾಂತೋದೃಶ್ಯತೇಜೀವಿತಕ್ಷಯೇ ।
ತತಸ್ಸರ್ವಾಸ್ತ್ರವಿದ್ವೀರಃಕೌಸಲ್ಯಾನಂದವರ್ಧನಃ ॥ 30 ॥
ಮಾರ್ಗಣೈರ್ಬಹುಭಿರ್ಯುಕ್ತಶ್ಚಿಂತಯಾಮಾಸರಾಘವಃ ।
ಮಾರೀಚೋನಿಹತೋಯೈಸ್ತುಖರೋಯೈಸ್ತುಸದೂಷಣಃ ॥ 31 ॥
ಕ್ರೌಂಚಾವನೇವಿರಾಧಸ್ತುಕಬಂಧೋದಂಡಕೇವನೇ ।
ಯೈಸ್ಸಾಲಾಗಿರಯೋಭಗ್ನಾವಾಲೀ ಚ ಕ್ಷುಭಿತೋಽಂಬುಧಿಃ ॥ 32 ॥
ತ ಇಮೇಸಾಯಕಾಸ್ಸರ್ವೇಯುದ್ಧೇಪ್ರಾತ್ಯಯಿಕಾಮಮ ಕಿನುತತ್ಕಾರಣಂಯೇನರಾವಣೇಮಂದತೇಜಸಃ ॥ 33 ॥
ಇತಿಚಿಂತಾಪರಶ್ಚಾಸೀದಪ್ರಮತ್ತಶ್ಚಸಮ್ಯುಗೇ ।
ವವರ್ಷಶರವರ್ಷಾಣೀರಾಘವೋರಾವಣೋರಸಿ ॥ 34 ॥
ರಾವಣೋಽಪಿತತಃಕ್ರುದ್ಧೋರಥಸ್ಥೋರಾಕ್ಷಸೇಶ್ವರಃ ।
ಗದಾಮುಸಲವರ್ಷೇಣರಾಮಂಪ್ರತ್ಯರ್ದಯದ್ರಣೇ ॥ 35 ॥
ತತ್ಪ್ರವೃತ್ತಂಮಹದ್ಯುದ್ಧಂತುಮುಲಂರೋಮಹರ್ಷಣಮ್ ।
ಅಂತರಿಕ್ಷೇ ಚ ಭೂಮೌ ಚ ಪುನಶ್ಚಗಿರಿಮೂರ್ಧನಿ ॥ 36 ॥
ದೇವದಾನವಯಕ್ಷಾಣಾಂಪಿಶಾಚೋರಗರಕ್ಷಸಾಮ್ ।
ಪಶ್ಯತಾಂತನ್ಮಹಾಯುದ್ಧಂಸಪ್ತರಾತ್ರಮವರ್ತತ ॥ 37 ॥
ನೈವ ರಾತ್ರಿಂ ನ ದಿವಸಂಮುಹೂರ್ತಂ ನ ಚ ಕ್ಷಣಮ್ ।
ರಾಮರಾವಣಯೋರ್ಯುದ್ಧಂವಿರಾಮಮುಪಗಚ್ಛತಿ ॥ 38 ॥
ದಶರಥಸುತರಾಕ್ಷಸೇಂದ್ರಯೋರ್ಜಯಮನವೇಕ್ಷ್ಯರಣೇ ಸ ರಾಘವಸ್ಯ ।
ಸುರವರರಥಸಾರಥಿರ್ಮಹಾತ್ಮಾರಣರತರಾಮಮುವಾಚವಾಕ್ಯಮಾಶು ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದಶಾಧಿಕಶತತಮಸ್ಸರ್ಗಃ ॥
