ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕನವತಿತಮಸ್ಸರ್ಗಃ ।
ಸ ಹತಾಶ್ವೋಮಹಾತೇಜಾಭೂಮೌತಿಷ್ಠನ್ನಿಶಾಚರಃ ।
ಇಂದ್ರಜಿತ್ಪರಮಕ್ರುದ್ಧಸ್ಸಜಜ್ವಾಲತೇಜಸಾ ॥ 1 ॥
ತೌಧವನಿನೌಜಿಘಾಂಸಂತವನ್ಯೋನ್ಯಮಿಷುಭಿರ್ಭೃಶಮ್ ।
ವಿಜಯೇನಾಭಿನಿಷ್ಕ್ರಾಂತೌವನೇಗಜವೃಷಾವಿವ ॥ 2 ॥
ನಿಬರ್ಹಯಂತಶ್ಚಾನ್ಯೋನ್ಯಂತೇರಾಕ್ಷ್ವನೌಕಸಃ ।
ಭರ್ತಾರಂ ನ ಜಹುರ್ಯುದ್ಧೇಸಂಪತಂತಸ್ತತಸ್ತತಃ ॥ 3 ॥
ತತಸ್ತಾನ್ ರಾಕ್ಷಸಾನ್ ಸರ್ವಾನ್ ಹರ್ಷಯನ್ ರಾವಣಾತ್ಮಜಃ ।
ಸ್ತುವಾನೋಹರ್ಷಮಾಣಶ್ಚೈದಂವಚನಮಬ್ರವೀತ್ ॥ 4 ॥
ತಮಸಾಬಹುಲೇನೇಮಾಸ್ಸಮ್ಸಕ್ತಾಂಸರ್ವತೋದಿಶಃ ।
ನೇಹವಿಜ್ಞಾಯತೇಸ್ವೋವಾಪರೋವಾರಕ್ಷಸೋತ್ತಮಾಃ ॥ 5 ॥
ಧೃಷ್ಟಂಭವಂತೋಯುಧ್ಯಂತುಹರೀಣಾಂಮೋಹನಾಯವೈ ।
ಅಹಂತುರಥಮಾಸ್ಥಾಯಆಗಮಿಷ್ಯಾಮಿಸಂಯುಗೇ ॥ 6 ॥
ತಥಾಭವಂತಃಕುರ್ವಂತುಯಥೇಮೇಹಿವನೌಕಸಃ ।
ನ ಯುಧ್ಯೇಯುರ್ದುರಾತ್ಮಾನಃಪ್ರವಿಷ್ಟೇನಗರಂಮಯಿ ॥ 7 ॥
ಇತ್ಯುಕ್ತ್ವಾರಾವಣಸುತೋವಂಚಯಿತ್ವಾವನೌಕಸಃ ।
ಪ್ರವಿವೇಶಪುರೀಂಲಂಕಾಂರಥಹೇತೋರಮಿತ್ರಹಾ ॥ 8 ॥
ಸ ರಥಂಭೂಷಯಿತ್ವಾಥರುಚಿರಂಹೇಮಭೂಷಿತಮ್ ।
ಪ್ರಾಸಾಸಿಶರಸಂಯುಕ್ತಂಯುಕ್ತಂಪರಮವಾಜಿಭಿಃ ॥ 9 ॥
ಅಧಿಷ್ಠಿತಂಹಯಜ್ಞೇನಸೂತೇನಾಪ್ತೋಪದೇಶಿನಾ ।
ಆರುರೋಹಮಹಾತೇಜಾರಾವಣಿಃಸಮತಿಂಜಿಯಃ ॥ 10 ॥
ಸ ರಾಕ್ಷಸಗಣೈರ್ಮುಖ್ಯೈರ್ವೃತೋಮಂದೋದರೀಸುತಃ ।
ನಿರ್ಯಯೌನಗರಾವದೀರಃಕೃತಾಂತಬಲಚೋದಿತಃ ॥ 11 ॥
ಸೋಽಭಿನಿಷ್ಕ್ರಮ್ಯನಗರಾದಿಂದ್ರಜಿತ್ಪರವೀರಹಾ ।
ಅಭ್ಯಯಾಜ್ಞವನೈರಶ್ವೈರ್ಲಕ್ಷ್ಮಣಂಸವಿಭೀಷಣಮ್ ॥ 12 ॥
ತತೋರಥಸ್ಥಮಾಲೋಕ್ಯಸೌಮತ್ರೀರಾವಣಾತ್ಮಜಮ್ ।
ವಾನರಾಶ್ಚಮಹಾವೀರ್ಯಾರಾಕ್ಷಸಶ್ಚವಿಭೀಷಣಃ ॥ 13 ॥
ವಿಸ್ಮಯಂಪರಮಂಜಗ್ಮುರ್ಲಾಘವಾತ್ತಸ್ಯಧೀಮತಃ ।
ರಾವಣಿಶ್ಚಾಪಿಸಂಕ್ರುದ್ಧೋರಣೇವಾನರಯೂಥಪಾನ್ ॥ 14 ॥
ಪಾತಯಾಮಾಸಬಾಣೌಘೈಃಶತಶೋಽಥಸಹಸ್ರಶಃ ।
ಮಂಡಲೀಕೃತಧನೂರಾವಣಿಃಸಮತಿಂಜಯಃ ॥ 15 ॥
ಹರೀನಭ್ಯಹನತ್ಕೃದ್ಧಃಪರಂಲಾಘವಮಾಸ್ಥಿತಃ ।
ತೇವಧ್ಯಮಾನಾಹರಯೋನಾರಾಚೈರ್ಭೀಮವಿಕ್ರಮೈಃ ॥ 16 ॥
ಸೌಮಿತ್ರಿಂಶರಣಂಪ್ರಾಪ್ತಾಃಪ್ರಜಾಪತಿಮಿವಪ್ರಜಾಃ ।
ತತಃಸಮರಕೋಪೇನಜ್ವಲಿತೋರಘುನಂದನಃ ॥ 17 ॥
ಚಿಚ್ಛೇದಕಾರ್ಮುಕಂತಸ್ಯದರ್ಶಯನ್ ಪಾಣಿಲಾಘವಮ್ ।
ಸೋನ್ಯಽತ್ಕಾರ್ಮುಕಂ ಮಾದಾಯಸಜ್ಜಂಚಕ್ರೇತ್ವರನ್ನಿವ ॥ 18 ॥
ತದಪ್ಯಸ್ಯತ್ರಿಭಿರ್ಬಾಣೈರ್ಲಕ್ಷ್ಮಣೋನಿರಕೃಂತತ ।
ಅಥೈವಂಛಿನ್ನಧನ್ವಾನಮಾಶೀವಿಷವಿಷೋಪಮೈಃ ॥ 19 ॥
ವಿವ್ಯಾಧೋರಸಿಸೌಮಿತ್ರೀರಾವಣಿಂಪಂಚಭಿಃಶರೈಃ ।
ತೇತಸ್ಯಕಾಯಂನಿರ್ಭಿದ್ಯಮಹಾಕಾರ್ಮುಕನಿಸ್ಸೃತಾಃ ॥ 20 ॥
ನಿಪೇತುರ್ಧರಣೀಂಬಾಣಾರಕ್ತಾಇವಮಹೋರಗಾಃ ।
ಭಿನ್ನವರ್ಮಾರುಧಿರಂವಮನ್ವಕ್ತ್ರೇಣರಾವಣಿಃ ॥ 21 ॥
ಜಗ್ರಾಹಕಾರ್ಮುಕಶ್ರೇಷ್ಠಂದೃಢಜ್ಯಂಬಲವತ್ತರಮ್ ।
ಸಃಲಕ್ಷ್ಮಣಂಸಮುದ್ಧಿಶ್ಯಪರಂಲಾಘವಮಾಶ್ರಿತಃ ॥ 22 ॥
ವವರ್ಷಶರವರ್ಷಾಣಿವರ್ಷಾಣೀವಪುರಂದರಃ ।
ಮುಕ್ತಮಿಂದ್ರಜಿತಾತತ್ತುಶರವರ್ಷಮರಿಂದಮಃ ॥ 23 ॥
ಅವಾರಯದಸಂಭ್ರಾಂತೋಲಕ್ಷ್ಮಣಃಸುದುರಾಸದಮ್ ।
ಸಂದರ್ಶಯಾಮಾಸತದಾರಾವಣಿಂರಘುನಂದನಃ ॥ 24 ॥
ಅಸಂಬ್ರಾಂತೋಮಹಾತೇಜೇಸ್ತದದ್ಭುತಮಿವಾಭವತ್ ।
ತಸ್ತಾನ್ ರಾಕ್ಷಸಾನ್ ಸರ್ವಾಂಸ್ತ್ರಿಭಿರೇಕೈಕಮಾಹವೇ ॥ 25 ॥
ಅವಿಧ್ಯತ್ಪರಮಕ್ರುದ್ಧಶ್ಶೀಘ್ರಾಸ್ತ್ರಂಸಂಪ್ರದರ್ಶಯನ್ ।
ರಾಕ್ಷಸೇಂದ್ರಸುತಂಚಾಪಿಬಾಣೌಘೈಸ್ಸಮತಾಡಯತ್ ॥ 26 ॥
ಸೋಽತಿವಿದ್ಧೋಬಲವತಾಶತ್ರುಣಾಶತ್ರುಘಾತಿನಾ ।
ಅಸಕ್ತಂಪ್ರೇಷಯಾಮಾಸಲಕ್ಷ್ಮಣಾಯಬಹೂನ್ ಶರಾನ್ ॥ 27 ॥
ತಾನಪ್ರಾಪ್ತಾನ್ ಶಿತೈರ್ಭಾಣೈಶ್ಚಿಚ್ಛೇದಪರವೀರಹಾ ।
ಸಾರಥೇರಸ್ಯ ಚ ರಣೇರಥಿವೋರಘುಸತ್ತಮಃ ॥ 28 ॥
ಶಿರೋಜಹಾರಧರ್ಮಾತ್ಮಾಭಲ್ಲೇನಾನತಪರ್ವಣಾ ।
ಸೂತಾಸ್ತೇಹಯಾಸ್ತತ್ರರಥಮೂಹುರವಿಕ್ಲಬಾಃ ॥ 29 ॥
ಮಂಡಲಾನ್ಯಭಿಧಾವಂತಸ್ತದದ್ಭುತಮಿವಾಭವತ್ ।
ಅಮರ್ಷವಶಮಾಪನ್ನಃಸೌಮಿತ್ರಿರ್ದೃಢವಿಕ್ರಮಃ ॥ 30 ॥
ಪ್ರತ್ಯವಿದ್ಧ್ಯದ್ಧಯಾಂಸ್ತಸ್ಯಶರೈರ್ವಿತ್ರಾಸಯನ್ ರಣೇ ।
ಅಮರ್ಷಮಾಣಸ್ತತ್ಕರ್ಮರಾವಣಸ್ಯಸುತೋಬಲೀ ॥ 31 ॥
ವಿವ್ಯಾಥದಶಭಿರ್ಬಾಣೈಸ್ಸೌಮಿತ್ರಿಂತಮಮರ್ಷಣಮ್ ।
ತೇತಸ್ಯವಜ್ರಪ್ರತಿಮಾಃಶರಾಸ್ಸರ್ಪವಿಷೋಪಮಾಃ ॥ 32 ॥
ವಿಲಯಂಜಗ್ಮುರಾಗತ್ಯಕವಚಂಕಾಂಚನಪ್ರಭಮ್ ।
ಅಭ್ಯೇದ್ಯಕವಚಂಮತ್ವಾಲಕ್ಷ್ಮಣಂರಾವಣಾತ್ಮಜಃ ॥ 33 ॥
ಲಲಾಟೇಲಕ್ಷ್ಮಣಂಬಾಣೈಸ್ಸುಪುಂಖೈಸ್ತ್ರಿಭಿರಿಂದ್ರಜಿತ್ ।
ಅವಿಧ್ಯತ್ಪರಮಕ್ರುದ್ಧಃಶೀಘ್ರಮಸ್ತ್ರಂಪ್ರದರ್ಶಯನ್ ॥ 34 ॥
ತೈಃಪೃಷತ್ಕೈರ್ಲಲಾಟಸ್ಥೈಶ್ಶುಶುಭೇರಘುನಂದನಃ ।
ರಣಾಗ್ರೇಸಮರಶ್ಲಾಘೀತ್ರಿಶೃಂಗೈವಪರ್ವತಃ ॥ 35 ॥
ಸ ತಥಾಹ್ಯರ್ದಿತೋಬಾಣೈರಾಕ್ಷಸೇನತದಾಮೃಧೇ ।
ತಮಾಶುಪ್ರತಿವಿವ್ಯಾಧಲಕ್ಷ್ಮಣಃಪಂಚಭಿಃಶರೈಃ ॥ 36 ॥
ವಿಕೃಷ್ವೇಂದ್ರಜಿತೋಯುದ್ಧೇವದನೇಶುಭಕುಂಡಲೇ ।
ಲಕ್ಷ್ಮಣೇಂದ್ರಜಿತೌವೀರೌಮಹಾಬಲಶರಾಸನೌ ॥ 37 ॥
ಅನ್ಯೋನ್ಯಂಜಘ್ನತುರ್ಬಾಣೈರ್ವಿಶಿಖೈರ್ಮೀವಿಕ್ರಮೌ ।
ತತಃಶೋಣಿತದಿಗ್ಧಾಂಗೌಲಕ್ಷ್ಮಣೇಂದಜಿತಾವುಭೌ ॥ 38 ॥
ರಣೇತೌರಾಜತುರ್ವೀರೌಪುಷ್ಪಿತಾವಿವಕಿಂಶುಕೌ ।
ತೌಪರಸ್ಪರಮಭ್ಯೇತ್ಯಸರ್ವಗಾತ್ರೇಷುಧವನಿನೌ ॥ 39 ॥
ಘೋರೈರ್ವಿವ್ಯಧತುರ್ಭಾಣೈಃಕೃತಭಾವಾವುಭೌಜಯೇ ।
ತತಃಸಮರಕೋಪೇನಸಮ್ವೃತೋರಾವಣಾತ್ಮಜಃ ॥ 40 ॥
ವಿಭೀಷಣಂತ್ರಿಭಿರ್ಬಾಣೈರ್ವಿವ್ಯಾಥವದನೇಶುಭೇ ।
ಅಯೋಮುಖೈಸ್ತ್ರಿಭಿರ್ವಿದ್ಧ್ವಾರಾಕ್ಷಸೇಂದ್ರಂವಿಭೀಷಣಮ್ ॥ 41 ॥
ಏಕೈಕೇನಾಭಿವಿವ್ಯಾಥತಾನ್ಸರ್ವಾನ್ ಹರಿಯೂಥಪಾನ್ ।
ತಸ್ಮೈದೃಢತರಂಕ್ರುದ್ಧೋಜಘಾನಗದಯಾಹಯಾನ್ ॥ 42 ॥
ವಿಭೀಷಣೋಮಹಾತೇಜಾರಾವಣೇಸ್ಸದುರಾತ್ಮನಃ ।
ಪಹತಾಶ್ವಾದವಾಪ್ಲುತ್ಯರಥಾನ್ನಿಹತಸಾರಥೇಃ ॥ 43 ॥
ರಥಶಕ್ತಿಂಮಹಾತೇಜಾಃಪಿತೃವ್ಯಾಯಮುಮೋಚ ಹ ।
ತಾಮಾಪತತನೀಂಸಂಪ್ರೇಕ್ಷ್ಯಸುಮಿತ್ರಾನಂದವರ್ಧನಃ ॥ 44 ॥
ಚಿಚ್ಛೇದನಿಶಿತೈರ್ಬಾಣೈರ್ಧಶಥಾಪಾತಯದ್ಭುವಿ ।
ತಸ್ಮೈದೃಢತನುಃಕ್ರುದ್ಧೋಹತಾಶ್ವಾಯವಿಭೀಷಣಃ ॥ 45 ॥
ವಜ್ರಸ್ಪರ್ಶಸಮಾನ್ ಪಂಚಸಸರ್ಜೋರಸಿಸಾಯಕಾನ್ ।
ತೇತಸ್ಯಕಾಯಂಭಿತ್ವಾತುರುಕ್ಮಪುಂಖಾನಿಮಿತ್ತಗಾಃ ॥ 46 ॥
ಬಭೂವುರ್ಲೋಹಿತಾದಿಗ್ಧಾರಕ್ತಾಇವಮಹೋರಗಾಃ ।
ಸಃಪಿತೃವ್ಯಸ್ಯಸಂಕ್ರುದ್ಧಃಇಂದ್ರಜಿಚ್ಛರಮಾದದೇ ॥ 47 ॥
ಉತ್ತಮಂರಕ್ಷಸಾಂಮಧ್ಯೇಯಮದತ್ತಂಮಹಾಬಲಮ್ ।
ತಂಸಮೀಕ್ಷ್ಯಮಹಾತೇಜಾಮಹೇಷುಂತೇನಸಂಹಿತಮ್ ॥ 48 ॥
ಲಕ್ಷ್ಮಣೋಽಪ್ಯಾದದೇಬಾಣಮದ್ಯಭದೀಮಪರಾಕ್ರಮಃ ।
ಕುಬೇರೇಣಸ್ವಯಂಸ್ವಪ್ನೇಯದ್ದತ್ತಮಮಿತಾತ್ಮನಾ ॥ 49 ॥
ದುರ್ಜಯಂದುರ್ವಿಷಹ್ಯಂ ಚ ಸೇಂದ್ರೈರಪಿಸುರಾಸುರೈಃ ।
ತಯೋಸ್ತುಧನುಷೀಶ್ರೇಷ್ಠೇಬಾಹುಭಿಃಪರಿಘೋಪಮೈಃ ॥ 50 ॥
ವಿಕೃಷ್ಯಮಾಣೇಬಲವತ್ ಕ್ರೌಂಚವಿವಚುಕೂಜತುಃ ।
ತಾಭ್ಯಾಂತುಧನುಷಿಶ್ರೇಷ್ಠೇಸಂಸಿತೌಸಾಯಕೋತ್ತಮೌ ॥ 51 ॥
ವಿಕೃಷ್ಯಮಾಣೇವೀರಾಭ್ಯಾಂಭೃಶಂಜಜ್ವಲತುಃಶ್ರಿಯಾ ।
ತೌಭಾಸಯಂತಾವಾಕಾಶಂಧನುರ್ಭ್ಯಾಂವಿಶಿಖೌಚ್ಯುತೌ ॥ 52 ॥
ಮುಖೇನಮುಖಮಾಹತ್ಯಸನ್ನಿಪೇತತುರೋಜಸಾ ।
ಸನ್ನಿಪಾತಸ್ತಯೋಶ್ಚಾಸೀಚ್ಛರಯೋರ್ಘೋರರೂಪಯೋಃ ॥ 53 ॥
ಸಧೂಮವಿಸ್ಫುಲಿಂಗಶ್ಚತಜ್ಜೋಽನಗಿರ್ದಾರುಣೋಽಭವತ್ ।
ತೌಮಹಾಗ್ರಹಸಂಕಾಶಾವನ್ಯೋನ್ಯಂಸನ್ನಿಪತ್ಯ ಚ ॥ 54 ॥
ಸಂಗ್ರಾಮೇಶತಧಾಯಾತೌಮೇದಿನ್ಯಾಂಚೈವಪೇತತುಃ ।
ಶರೌಪ್ರತಿಹತೌದೃಷ್ಟವಾತಾವುಭೌರಣಮೂರ್ಧನಿ ॥ 55 ॥
ವ್ರೀಡಿತೌಜಾತರೋಷೌ ಚ ಲಕ್ಷ್ಮಣೇಂದ್ರಜಿತೌತದಾ ।
ಸುಸಂರರ್ಬ್ಧಸ್ತುಸೌಮಿತ್ರಿರಸ್ತ್ರಂವಾರುಮಾದದೇ ॥ 56 ॥
ರೌದ್ರಂಮಹೇಂದ್ರಜಿದ್ಯುದ್ಧೇಽಪ್ಯಸೃಜದ್ಯುದ್ಧನಿಷ್ಠಿತಃ ।
ತೇನತದ್ವಿಹತಂಶಸ್ತ್ರಂವಾರುಣಂಪರಮಾದ್ಭುತಮ್ ॥ 57 ॥
ತತಃಕ್ರುದ್ಧೋಮಹಾತೇಜಾಇಂದ್ರಜಿತ್ಸಮಿತಿಂಜಯಃ ।
ಆಗ್ನೇಯಂಸಂದಧೇದೀಪ್ತಂ ಸ ಲೋಕಂಸಂಕ್ಷಿಪನ್ನಿವ ॥ 58 ॥
ಸೌರೇಣಾಸ್ತ್ರಣತವದೀರೋಲಕ್ಷ್ಮಣಃಪರ್ಯವಾರಯತ್ ।
ಅಸ್ತ್ರಂನಿವಾರಿತಂದೃಷ್ಟವಾರಾವಣಿಃಕ್ರೋಥಮೂರ್ಛಿತಃ ॥ 59 ॥
ಆದದೇನಿಶಿತಂಬಾಣಮಾಸುರಂಶತ್ರುದಾರುಣಮ್ ।
ತಸ್ಮಾಚ್ಚಾಪಾದ್ವಿನಿಷ್ಪೇತುರ್ಭಾಸ್ವರಾಃಕೂಟಮುದ್ಗರಾಃ ॥ 60 ॥
ಶೂಲಾನಿ ಚ ಮುಶುಂಡ್ಯಶ್ಚಗದಾಃಖಂಗಾಃ ಪರಶ್ವಥಾಃ ।
ತದ್ದೃಷ್ಟವಾಲಕ್ಷ್ಮಣಃಸಂಖ್ಯೇಘೋರಮಸ್ತ್ರಂಸುದಾರುಣಮ್ ॥ 61 ॥
ಅವಾರ್ಯಂಸರ್ವಭೂತಾನಾಂಸರ್ವಶಸ್ತ್ರವಿದಾರಣಮ್ ।
ಮಹೇಶ್ವರೇಣದ್ಯುತಿಮಾಂಸ್ತದಸ್ತ್ರಂಪ್ರತ್ಯವಾರಯತ್ ॥ 62 ॥
ತಯೋಃಸಮುತುಲಂಯುದ್ಧಂಸಂಬಭೂವಾರೋಮಹರ್ಷಣಮ್ ।
ಗಗನಸ್ಥಾನಿಭೂತಾನಿಲಕ್ಷ್ಮಣಂಪರ್ಯವಾರಯನ್ ॥ 63 ॥
ಭೈರವಾಭಿರುತೇಭೀಮೇಯುದ್ಧೇವಾನರಕ್ಷಸಾಮ್ ।
ಭೂತೈರ್ಬಹುಭಿರಾಕಾಶಂವಿಸ್ಮಿತೈರಾವೃತಂಬಭೌ ॥ 64 ॥
ಋಷಯಃಪಿತರೋದೇವಾಗಂಧರ್ವಗರುಡೋರಗಾಃ ।
ಶತಕ್ರತುಂಪುರಸ್ಕೃತ್ಯರರಕ್ಷುರ್ಲಕ್ಷ್ಮಣಂರಣೇ ॥ 65 ॥
ಅಥಾನ್ಯಂಮಾರ್ಗಣಶ್ರೇಷ್ಠಂಸಂದಧೇರಾಘವಾನುಜಃ ।
ಹುತಾಶನಸಮಸ್ಪರ್ಶಂರಾವಣಾತ್ಮಜದಾರಣಮ್ ॥ 66 ॥
ಸುಪತ್ರಮನುವೃತ್ತಾಂಗಂಸುಪರ್ವಾಣಂಸುಸಂಸ್ಥಿತಮ್ ।
ಸುವರ್ಣವಿಕೃತಂವೀರಶ್ಶರೀರಾಂತಕರಂಶರಮ್ ॥ 67 ॥
ದುರಾವಾರಂದುರ್ವಿಷಹಂರಾಕ್ಷಸಾನಾಂಭಯಾವಹಮ್ ।
ಆಶೀವಿಷವಿಷಪ್ರಖ್ಯಂದೇವಸಂಘೈಃಸಮರ್ಚಿತಮ್ ॥ 68 ॥
ಯೇನಶಕ್ರೋಮಹಾತೇಜಾದಾನವಾನಜತ್ಪ್ರಭುಃ ।
ಪುರಾದೇವಾಸುರೇಯುದ್ಧೇವೀರ್ಯವಾನ್ ಹರಿವಾಹನಃ ॥ 69 ॥
ತದೈಂದ್ರಮಸ್ತ್ರಂಸೌಮಿತ್ರಿಃಸಮ್ಯುಗೇಷ್ವಪರಾಜಿತಮ್ ।
ಶರಶ್ರೇಷ್ಠಂಧನುಃ ಶ್ರೇಷ್ಠೇವಿಕರ್ಷನ್ನಿದಮಿಬ್ರವೀತ್ ॥ 70 ॥
ಲಕ್ಷ್ಮೀವಾನ್ ಲಕ್ಷ್ಮಣೋವಾಕ್ಯಮರ್ಥಸಾಧಕಮಾತ್ಮನಃ ।
ಧರ್ಮಾತ್ಮಾಸತ್ಯಸಂಧಶ್ಚರಾಮೋದಾಶರಥಿರ್ಯತಿ ॥ 71 ॥
ಪೌರುಷೇಚಾಪ್ರತಿದ್ವಂದ್ವಃಶರೈನಂಜಸಿರಾವಣಿಮ್ ।
ಇತ್ಯುಕ್ತ್ವಾಬಾಣಮಾಕರ್ಣಂವಿಕೃಷ್ಯತಮಜಿಹ್ಮಗಮ್ ॥ 72 ॥
ಲಕ್ಷ್ಮಣಃಸಮರೇವೀರಃಸಸರ್ಜೇಂದ್ರಜಿತಂಪ್ರತಿ ।
ಐಂದ್ರಾಸ್ತ್ರೇಣಸಮಾಯುಜ್ಯಲಕ್ಷ್ಮಣಃಪರವೀರಹಾ ॥ 73 ॥
ತತಶಿರಃಸಶಿರಸ್ತ್ರಾಣಂಶ್ರೀಮಜ್ಜ್ವಲಿತಕುಂಡಲಮ್ ।
ಪ್ರಮಥ್ಯೇಂದ್ರಜಿತಃಕಾಯಾತ್ಪಾತಯಾಮಾಸಭೂತಲೇ ॥ 74 ॥
ತದ್ರಾಕ್ಷಸತನೂಜಸ್ಯಭಿನ್ನಸ್ಕಂಧಂಶಿರೋಮಹತ್ ।
ತಪನೀಯನಿಭಂಭೂಮೌದದೃಶೇರುಧಿರೋಕ್ಷಿತಮ್ ॥ 75 ॥
ಹತಃ ಸ ನಿಪಪಾತಾಥಧರಣ್ಯಾಂರಾವಣಾತ್ಮಜಃ ।
ಕವಚೀಸಶಿರಸ್ತ್ರಾಣೋವಿದ್ಧಸ್ಥಶರಾಸನಃ ॥ 76 ॥
ಚುಕ್ರುಶುಸ್ತೇತತಃಸರ್ವೇವಾನರಾಃಸವಿಭೀಷಣಾಃ ।
ಹೃಷ್ಯಂತೋನಿಹತೇತಸ್ಮಿನ್ ದೇವಾವೃತ್ರವಧೇಯಥಾ ॥ 77 ॥
ಅಥಾಂತರಿಕ್ಷೇಭೂತಾನಾಮೃಷೀಣಾಂ ಚ ಮಹಾತ್ಮನಾಮ್ ।
ಜಜ್ಞೇಽಥಜಯಸನ್ನಾದೋಗಂಧರ್ವಾಪ್ಸರಸಾಮಪಿ ॥ 78 ॥
ಪತಿತಂತಮಭಿಜ್ಞಾಯರಾಕ್ಷಸೀಸಾಮಹಾಚಮೂಃ ।
ವಧ್ಯಮಾನಾದಿಶೋಭೇಜೇಹರಿಭಿರ್ಜಿತಕಾಶಿಭಿಃ ॥ 79 ॥
ವಾನರೈರ್ವಧ್ಯಮಾನಾಸ್ತೇಶಸ್ತ್ರಾನುತ್ಸೃಜ್ಯರಾಕ್ಷಸಾಃ ।
ಲಂಕಾಮಭಿಮುಖಾಸ್ಸಸ್ರುರ್ಭ್ರಷ್ಟಸಂಜ್ಞಾಃಪ್ರಧಾವಿತಾಃ ॥ 80 ॥
ದುದ್ರುವುರ್ಭಹುಧಾಭೀತಾರಾಕ್ಷಸಾಶ್ಶತಶೋದಿಶಃ ।
ತ್ಯಕ್ತ್ವಾಪ್ರಹರಣಾನ್ಸರ್ವೇಪಟ್ಟಸಾಸಿಪರಶ್ವಧಾನ್ ॥ 81 ॥
ಕೇಚಿಲ್ಲಂಕಾಂಪರಿತ್ರಸ್ತಾಃವಿಷ್ಟಾವಾನರಾರ್ದಿತಾಃ ।
ಸಮುದ್ರೇಪತಿತಾಃಕೇಚಿತ್ಕೇಚಿತ್ಪರ್ವತಮಾಶ್ರಿತಾಃ ॥ 82 ॥
ಹತಮಿಂದ್ರಜಿತಂದೃಷ್ಟವಾಶಯಾನಂ ಚ ರಣಕ್ಷಿತೌ ।
ರಾಕ್ಷಸಾನಾಂಸಹಸ್ರೇಷು ನ ಕಶ್ಚಿತ್ಪ್ರತ್ಯದೃಶ್ಯತ ॥ 83 ॥
ಯಥಾಸ್ತಂಗತಆದಿತ್ಯೇನಾವತಿಷ್ಠಂತಿರಶ್ಮಯಃ ।
ತಥಾತಸ್ಮಿನ್ನಿಪತಿತೇರಾಕ್ಷಸಾಸ್ತೇಗತಾದಿಶಃ ॥ 84 ॥
ಶಾಂತರಶ್ಮಿರಿವಾದಿತ್ಯೋನಿರ್ವಾಣೈವಪಾವಕಃ ।
ಬಭೂವ ಸ ಮಹಾಬಾಹುರ್ವ್ಯಪಾಸ್ತಗತಜೀವಿತಃ ॥ 85 ॥
ಪ್ರಶಾಂತಪೀಡಾಬಹುಲೋವಿನಷ್ಟಾರಿಃಪ್ರಹರ್ಷವಾನ್ ।
ಬಭೂವಲೋಕಃಪತಿತೇರಾಕ್ಷಸೇಂದ್ರಸುತೋತದಾ ॥ 86 ॥
ಹರ್ಷಂ ಚ ಶಕ್ರೋಭಗವಾನ್ ಸಹಸರ್ವೈರ್ಮಹರ್ಷಿಭಿಃ ।
ಜಗಾಮನಿಹತೇತಸ್ಮಿನ್ರಾಕ್ಷಸೇಪಾಪಕರ್ಮಣಿ ॥ 87 ॥
ಆಕಾಶೇಚಾಪಿದೇವಾನಾಂಶುಶ್ರುವೇದುಂದುಭಿಸ್ವನಃ ।
ನೃತ್ಯದ್ಭಿರಪ್ಸರೋಭಿಶ್ಚಗಂಧರ್ವೈಶ್ಚಮಹಾತ್ಮಭಿಃ ॥ 88 ॥
ವವರ್ಷುಃಪುಷ್ಪವರ್ಷಾಣಿತದದ್ಭುತಮಿವಾಭವತ್ ।
ಪ್ರಶಶಂಸುರ್ಹತೇತಸ್ಮಿನ್ರಾಕ್ಷಸೇಕ್ರೂರಕರ್ಮಣಿ ॥ 89 ॥
ಶುದ್ಧಾಆಪೋನಭಶ್ಚೈವಜಹೃಷುರ್ದೇವದಾನವಾಃ ।
ಆಜಗ್ಮುಃಪತಿತೇತಸ್ಮಿನ್ಸರ್ವಲೋಕಭಯಾವಹೇ ॥ 90 ॥
ಊಚುಶ್ಚಸಹಿತಾಸ್ತುಷ್ಟಾದೇವಗಂಧರ್ವದಾನವಾಃ ।
ವಿಜ್ವರಾಶ್ಶಾಂತಕಲುಷಾಬ್ರಾಹ್ಮಣಾವಿಚರಂತ್ವಿತಿ ॥ 91 ॥
ತತೋಽಭ್ಯನಂದನ್ಸಮ್ಹೃಷ್ಟಾಸ್ಸಮರೇಹರಿಯೂಥಪಾಃ ।
ತಮಪ್ರತಿಬಲಂದೃಷ್ಟವಾಹತಂನೈರೃತಪುಂಗವಮ್ ॥ 92 ॥
ವಿಭೀಷಣೋಹನೂಮಾಂಶ್ಚಜಾಂಬವಾಂಶ್ಚರ್ಕ್ಷಯೂಥಪಃ ।
ವಿಜಯೇನಾಭಿನಂದಂತಸುಷ್ಟುವುಶ್ಚಾಪಿಲಕ್ಷ್ಮಣಮ್ ॥ 93 ॥
ಕ್ಷ್ವೇಳಂತಶ್ಚಪ್ಲವಂತಶ್ಚಗರ್ಜಂತಶ್ಚಪ್ಲವಂಗಮಾಃ ।
ಲಬ್ದಲಕ್ಷಾರಘುಸುತಂಪರಿವಾರ್ಯೋಪತಸ್ಥಿರೇ ॥ 94 ॥
ಲಾಂಗೂಲಾನಿಪ್ರವಿಧ್ಯಂತಸ್ಸ್ಫೋಟಯಂತಶ್ಚವಾನರಾಃ ।
ಲಕ್ಷ್ಮಣೋಜಯತೀತ್ಯೇವಂವಾಕ್ಯಂವಿಶ್ರಾವಯಂಸ್ತದಾ ॥ 95 ॥
ಅನ್ಯೋನ್ಯಂ ಚ ಸಮಾಲಶಿಷ್ಯಹರಯೋಹೃಷ್ಟಮಾನಸಾಃ ।
ಚಕ್ರುರುಚ್ಚಾವಗುಣಾರಾಘವಾಶ್ರಯಸಜಾಃ ಕಥಾಃ ॥ 96 ॥
ತದಸುಕರಮಥಾಭಿವೀಕ್ಷ್ಯಹೃಷ್ಟಾಃಪ್ರಿಯಸುಹೃದೋಯುಧಿಲಕ್ಷ್ಮಣಸ್ಯಕರ್ಮ ।
ಪರಮಮುಪಲಭನ್ಮನಃಪ್ರಹರ್ಷಂವಿನಿಹತಮಿಂದ್ರರಿಪುಂನಿಶಮ್ಯದೇವಾಃ ॥ 97 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕನವತಿತಮಸ್ಸರ್ಗಃ ॥
