ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಷಷ್ಠಸ್ಸರ್ಗಃ ।
ಲಂಕಾಯಾಂತುಕೃತಂಕರ್ಮಘೋರಂದೃಷ್ಟವಾಭಯಾವಹಮ್ ।
ರಾಕ್ಷಸೇಂದ್ರೋಹನುಮತಾಶಕ್ರೇಣೇವಮಹಾತ್ಮನಾ ॥ 1 ॥
ಅಬ್ರವೀದ್ರಾಕ್ಷಸಾನ್ ಸರ್ವಾನ್ಹ್ರಿಯಾಕಿಂಚಿದವಾಙ್ಮುಖಃ ।
ಧರ್ಷಿತಾಚಪ್ರವಿಷ್ಟಾಚಲಂಕಾದುಷ್ಪ್ರಸಹಾಪುರೀ ॥ 2 ॥
ತೇನವಾನರಮಾತ್ರೇಣದೃಷ್ಟಾಸೀತಾಚಜಾನಕೀ ।
ಪ್ರಾಸಾದೋಧರ್ಷಿತಶ್ಚೈತ್ಯಃಪ್ರವರಾರಾಕ್ಷಸಾಹತಾಃ ॥ 3 ॥
ಆವಿಲಾಚಪುರೀಲಂಕಾಸರ್ವಾಹನುಮತಾಕೃತಾ ।
ಕಿಂಕರಿಷ್ಯಾಮಿಭದ್ರಂವೋಕಿಂವಾಯುಕ್ತಮನಂತರಮ್ ॥ 4 ॥
ಉಚ್ಯತಾಂನಸ್ಸಮರ್ಥಂಯತ್ಕೃತಂಚಸುಕೃತಂಭವೇತ್ ।
ಮಂತ್ರಮೂಲಂಚವಿಜಯಂಪ್ರವದಂತಿಮನಸ್ವಿನಃ ॥ 5 ॥
ತಸ್ಮದ್ವೈರೋಚಯೇಮಂತ್ರಂರಾಮಂಪ್ರತಿಮಹಾಬಲಾಃ ।
ತ್ರಿವಿಧಾಃಪುರುಷಾಲೋಕೇಉತ್ತಮಾಧಮಮಧ್ಯಮಾಃ ॥ 6 ॥
ತೇಷಾಂತುಸಮವೇತಾನಾಂಗುಣದೋಷೌವದಾಮ್ಯಹಮ್ ।
ಮಂತ್ರಿಭಿರ್ಹಿತಸಂಯುಕ್ತೈಸ್ಸಮರ್ಥೈರ್ಮಂತ್ರನಿರ್ಣಯೇ ॥ 7 ॥
ಮಿತ್ರೈರ್ವಾಪಿಸಮಾನಾರ್ಥೈರ್ಬಾಂಧವೈರಪಿವಾಧಿಕೈಃ ।
ಸಹಿತೋಮಂತ್ರಿಯಿತ್ವಾಯಃಕರ್ಮಾರಂಭಾನ್ಪ್ರವರ್ತಯೇತ್ ॥ 8 ॥
ದೈವೇಚಕುರುತೇಯತ್ನಂತಮಾಹುಃಪುರುಷೋತ್ತಮಮ್ ।
ಕೋಽರ್ಥಂವಿಮೃಶೇದೇಕೋಧರ್ಮೇಪ್ರಕುರುತೇಮನಃ ॥ 9 ॥
ಕಃಕಾರ್ಯಾಣಿಕುರುತೇತಮಾಹುರ್ಮಧ್ಯಮಂನರಮ್ ।
ಗುಣದೋಷೌವನಿಶಿಚತ್ಯ ತ್ಯಕ್ತ್ಯಾದೈವವ್ಯಪಾಶ್ರಯಮ್ ॥ 10 ॥
ಕರಿಷ್ಯಾಮೀತಿಯಃಕಾರ್ಯಮುಪೇಕ್ಷೇತ್ಸನರಾಧಮಃ ।
ಯಥೇಮೇಪುರುಷಾನಿತ್ಯಮುತ್ತಮಾಧಮಮಧ್ಯಮಾಃ ॥ 11 ॥
ವಂಮಂತ್ರಾಽಹಿವಿಜ್ಞೇಯಾಉತ್ತಮಾಧಮಮಧ್ಯಮಃ ।
ಐಕಮತ್ಯಮುಪಾಗಮ್ಯಶಾಸ್ತ್ರದೃಷ್ಟೇನಚಕ್ಷುಷಾ ॥ 12 ॥
ಮಂತ್ರಿಣೋಯತ್ರನಿರತಾಸ್ತಮಾಹುರ್ಮಂತ್ರಮುತ್ತಮಮ್ ।
ಬಹ್ವ್ಯೋಽಪಿಮತೀರ್ಗತ್ವಾಮಂತ್ರಿಣಾಮರ್ಥನಿರ್ಣಯೇ ॥ 13 ॥
ಪುನರ್ಯತ್ರೈಕತಾಂಪ್ರಾಪ್ತಸ್ಸಮಂತ್ರೋಮಧ್ಯಮಸ್ಸ್ಮೃತಃ ।
ಅನ್ಯೋನ್ಯಮತಿಮಾಸ್ಥಾಯಯತ್ರಸಂಪ್ರತಿಭಾಷ್ಯತೇ ॥ 14 ॥
ನ ಚ ಐಕಮತ್ಯೇ ಶ್ರೇಯೋ ಅಸ್ತಿ ಮಂತ್ರಃ ಸೋ ಅಧಮ ಉಚ್ಯತೇ ।
ತಸ್ಮಾತ್ ಸುಮಂತ್ರಿತಂ ಸಾಧು ಭವಂತೋ ಮಂತ್ರಿ ಸತ್ತಮಾಃ ॥ 15 ॥
ಕಾರ್ಯಂಸಂಪ್ರತಿಪದ್ಯಂತಾಮೇತತ್ಕೃತ್ಯಂಮತಂಮಮ ।
ವಾನರಾಣಾಂಹಿಧೀರಾಣಾಂಸಹಸ್ರೈಃಪರಿವಾರಿತಃ ॥ 16 ॥
ರಾಮೋಽಭ್ಯೇತಿಪುರೀಲಂಕಾಮಸ್ಮಾಕಮುಪರೋಧಕಃ ।
ತರಿಷ್ಯತಿಚಸುವ್ಯಕ್ತಂರಾಘವಸ್ಸಾಗರಂಸುಖಮ್ ॥ 17 ॥
ತರಸಾಯುಕ್ತರೂಪೇಣಸಾನುಜಸ್ಸಬಲಾನುಗಃ ।
ಸಮುದ್ರಮುಚ್ಛೋಷಯತಿವೀರ್ಯೇಣಾನ್ಯತ್ಕರೋತಿವಾ ॥ 18 ॥
ಅಸ್ಮಿನ್ನೇವಂಗತೇಕಾರ್ಯೇವಿರುದ್ಧೇವಾನರೈಸ್ಸಹ ।
ಹಿತಂಪುರೇಚಸೈನ್ಯೇಚಸರ್ವಸಮ್ಮಂತ್ರಯತಾಂಮಮ ॥ 19 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಷಷ್ಠಸ್ಸರ್ಗಃ ॥
