ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಚತುರ್ವಿಂಶತ್ಯಧಿಕಶತತಮಸ್ಸರ್ಗಃ ।
ತಾಂರಾತ್ರಿಮುಷಿತಂರಾಮಂಸುಖೋತ್ಥಿಮರಿಂದಮಮ್ ।
ಅಬ್ರವೀತ್ಪ್ರಾಂಜಲಿರ್ವಾಕ್ಯಂಜಯಂಪೃಷ್ಟವಾವಿಭೀಷಣಃ ॥ 1 ॥
ಸ್ನಾನಾನಿಚಾಂಗರಾಗಾಣಿವಸ್ತ್ರಾಣ್ಯಾಭರಣಾನಿ ಚ ।
ಚಂದನಾನಿ ಚ ದಿವ್ಯಾನಿಮಾಲ್ಯಾನಿವಿವಿಧಾನಿ ಚ ॥ 2 ॥
ಅಲಂಕಾರವಿದಶ್ಚೇಮಾನಾರ್ಯಃಪದ್ಮನಿಭೇಕ್ಷಣಾಃ ।
ಉಪಸ್ಥಿತಾಸ್ತ್ವಾಂವಿಧವತ್ಸ್ನಾಪಯಿಷ್ಯಂತಿರಾಘವ ॥ 3 ॥
ಏವಮುಕ್ತಸ್ತುಕಾಕುತ್ಸ್ಥಃ ಪ್ರತ್ಯುವಾಚವಿಭೀಷಣಮ್ ।
ಹರೀನ್ಸುಗ್ರೀವಮುಖ್ಯಾಂಸ್ತ್ವಂಸ್ನಾನೇನೋಪನಿಮಂತ್ರಯ ॥ 4 ॥
ಸ ತುತಾಮ್ಯತಿಧರ್ಮಾತ್ಮಾಮಮಹೇತೋಸ್ಸುಖೋಚಿತಃ ।
ಸುಕುಮಾರೋಮಹಾಬಾಹೋಕುಮಾರಃ ಸತ್ಯಸಂಶ್ರಯಃ ॥ 5 ॥
ತಂವಿನಾಕೈಕಯೀಪುತ್ರಂಭರತಂಧರ್ಮಚಾರಿಣಮ್ ।
ನ ಮೇಸ್ನಾನಂಬಹುಮತಂವಸ್ತ್ರಾಣ್ಯಾಭರಣಾನಿ ಚ ॥ 6 ॥
ಏತತ್ಪಶ್ಯಯಥಾಕ್ಷಿಪ್ರಂಪ್ರತಿಗಚ್ಛಾಮತಾಂಪುರೀಮ್ ।
ಅಯೋಧ್ಯಾಂಗಚ್ಛತೋಹ್ಯೇಷಪಂಥಾಃಪರಮದುರ್ಗಮಃ ॥ 7 ॥
ಏವಮುಕ್ತಸ್ತುಕಾಕುತ್ಸ್ಥಂಪ್ರತ್ಯುವಾಚವಿಭೀಷಣಃ ।
ಅಹ್ನಾತ್ವಾಂಪ್ರಾಪಯಿಷ್ಯಾಮಿತಾಂಪುರೀಂಪಾರ್ಥಿವಾತ್ಮಜ ॥ 8 ॥
ಪುಷ್ಪಕಂನಾಮಭದ್ರಂತೇವಿಮಾನಂಸೂರ್ಯಸನ್ನಿಭಮ್ ।
ಮಮಭ್ರಾತುಃಕುಬೇರಸ್ಯರಾವಣೇನಬಲೀಯಸಾ ॥ 9 ॥
ಹೃತಂನಿರ್ಜಿತ್ಯಸಂಗ್ರಾಮೇಕಾಮಗಂದಿವ್ಯಮುತ್ತಮಮ್ ।
ತ್ವದರ್ಥಂಪಾಲಿತಂಚೇದಂತಿಷ್ಠತ್ಯತುಲವಿಕ್ರಮ ॥ 10 ॥
ತದಿದಂಮೇಘಸಂಕಾಶಂವಿಮಾನಮಿಹತಿಷ್ಠತಿ ।
ತೇನಯಾಸ್ಯಸಿಯಾನೇನತ್ವಮಯೋಧ್ಯಾಂಗತಜ್ವರಃ ॥ 11 ॥
ಅಹಂತೇಯುದ್ಯನುಗ್ರಾಹ್ಯೋಯದಿಸ್ಮರಸಿಮೇಗುಣಾನ್ ।
ವಸತಾವದಿಹಪ್ರಾಜ್ಞ ಯದ್ಯಸ್ತಿಮಯಿಸೌಹೃದಮ್ ॥ 12 ॥
ಲಕ್ಷ್ಮಣೇನಸಹಭ್ರಾತ್ರಾವೈದೇಹ್ಯಾಭಾರ್ಯಯಾಸಹ ।
ಅರ್ಚಿತಸ್ಸರ್ವಕಾಮೈಸ್ತ್ವಂತತೋರಾಮ ಗಮಿಷ್ಯಸಿ ॥ 13 ॥
ಪ್ರೀತಿಯುಕ್ತಸ್ಯವಿಹಿತಾಂಸಸೈನ್ಯಃಸಸುಹೃದ್ಗಣಃ ।
ಸಕ್ರತಿಯಾಂರಾಮಮೇತಾವದ್ಗೃಹೇಣತ್ವಂಮಯೋದ್ಯತಾಮ್ ॥ 14 ॥
ಪ್ರಣಯಾದ್ಭಹುಮಾನಾಚ್ಚಸೌಹಾರ್ದೇನ ಚ ರಾಘವ ।
ಪ್ರಸಾದಾಯಾಮಿಪ್ರೇಷ್ಯೋಽಹಂ ನ ಖಲ್ವಾಜ್ಞಾಪಯಾಮಿತೇ ॥ 15 ॥
ಏವಮುಕ್ತಸ್ತತೋರಾಮಃಪ್ರತ್ಯುವಾಚವಿಭೀಷಣಮ್ ।
ರಕ್ಷಸಾಂವಾನರಾಣಾಂ ಚ ಸರ್ವೇಷಾಮೇವಶೃಣ್ವತಾಮ್ ॥ 16 ॥
ಪೂಜಿತೋಽಸ್ಮಿತ್ವಯಾವೀರ ಸಾಚಿವ್ಯೇನಪರಂತಪ ।
ಸರ್ವಾತ್ಮನಾ ಚ ಚೇಷ್ಟಾಭಿಃಸೌಹಾರ್ದೇನಪರೇಣ ಚ ॥ 17 ॥
ನ ಖಲ್ವೇತನ್ನಕುರ್ಯಾಂತೇವಚನಂರಾಕ್ಷಸೇಶ್ವರ ।
ತಂತುಮೇಭ್ರಾತರಂದ್ರಷ್ಟುಂಭರತಂತ್ವರತೇಮನಃ ॥ 18 ॥
ಮಾಂನಿವರ್ತಯಿತುಂಯೋಽಸೌಚಿತ್ರಕೂಟಮುಪಾಗತಃ ।
ಶಿರಸಾಯಾಚತೋಯಸ್ಯವಚನಂ ನ ಕೃತಂಮಯಾ ॥ 19 ॥
ಕೌಸಲ್ಯಾಂ ಚ ಸುಮಿತ್ರಾಂ ಚ ಕೈಕೇಯೀಂ ಚ ಯಶಸ್ವಿನೀಮ್ ।
ಗುಹಂ ಚ ಸುಹೃದಂಚೈವಪೌರಾನ್ಜನಪದೈಸ್ಸಹ ॥ 20 ॥
ಅನುಜಾನೀಹಮಾಂಸೌಮ್ಯ ಪೂಜಿತೋಽಸ್ಮಿವಿಭೀಷಣ ।
ಮನ್ಯುರ್ನಖಲುಕರ್ತವ್ಯಃಸಖೇತ್ವಾಂಚಾನುಮಾನಯೇ ॥ 21 ॥
ಉಪಸ್ಥಾಪಯಮೇಶೀಘ್ರಂವಿಮಾನಂರಾಕ್ಷಸೇಶ್ವರ ।
ಕೃತಕಾರ್ಯಸ್ಯಮೇವಾಸಃಕಥಂಸ್ಯಾದಿಹಸಮ್ಮತಃ ॥ 22 ॥
ಏವಮುಕ್ತಸ್ತುರಾಮೇಣರಾಕ್ಷಸೇಂದ್ರೋವಿಭೀಷಣಃ ।
ವಿಮಾನಸೂರ್ಯಸಂಕಾಶಮಾಜುಹಾವತ್ವರಾನ್ವಿತಃ ॥ 23 ॥
ತತಃಕಾಂಚನಚಿತ್ರಾಂಗಂವೈದೂರ್ಯಮಣಿವೇದಿಕಮ್ ।
ಕೂಟಾಗಾರೈಃಪರಿಕ್ಷಿಪ್ತಂಸರ್ವತೋರಜತಪ್ರಭಮ್ ॥ 24 ॥
ಪಾಂಡುರಾಭಿಃಪತಾಕಾಭಿರ್ಧ್ವಜೈಶ್ಚಸಮಲಂಕೃತಮ್ ।
ಶೋಭಿತಂಕಾಂಚನೈರ್ಹರ್ಮ್ಯೈರ್ಹೇಮಪದ್ಮವಿಭೂಷಿತೈಃ ॥ 25 ॥
ಪ್ರಕೀರ್ಣಂಕಿಂಕಿಣೀಜಾಲೈರ್ಮುಕ್ತಾಮಣಿಗವಾಕ್ಷಕಮ್ ।
ಘಂಟಾಜಾಲೈಃಪರಿಕ್ಷಿಪ್ತಂಸರ್ವತೋಮಧುರಸ್ವನಮ್ ॥ 26 ॥
ಯನ್ಮೇರುಶಿಖರಾಕಾರಂನಿರ್ಮಿತಂವಿಶ್ವಕರ್ಮಣಾ ।
ಬೃಹಭಿರ್ಭೂಷಿತಂಹರ್ಮ್ಯೈರ್ಮುಕ್ತಾರಜತಶೋಭಿತೈಃ ॥ 27 ॥
ತಲೈಸ್ಸ್ಫಟಿಕಚಿತ್ರಾಂಗೈದೂರ್ಯೈಶ್ಚವರಾಸನೈಃ ।
ಮಹಾರ್ಹಾಸ್ತರಣೋಪೇತೈರುಪಪನ್ನಂಮಹಾಧನೈಃ ॥ 28 ॥
ಉಪಸ್ಥಿತಮನಾಧೃಷ್ಯಂತದ್ವಿಮಾನಂಮನೋಜವಮ್ ।
ನಿವೇದಯಿತ್ವಾರಾಮಾಯತಸ್ಥೌತತ್ರವಿಭೀಷಣಃ ॥ 29 ॥
ತತ್ಪುಷ್ಪಕಂಕಾಮಗಮಂವಿಮಾನಮುಪಸ್ಥಿತಂಭೂಧರಸನ್ನಿಕಾಶಮ್ ।
ದೃಷ್ಟವಾತದಾವಿಸ್ಮಯಮಾಜಗಾಮರಾಮಸ್ಸಸೌಮಿತ್ರಿರುದಾರಸತ್ತ್ವಃ ॥ 30 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಚತುರ್ವಿಂಶತ್ಯಧಿಕಶತತಮಸ್ಸರ್ಗಃ ॥
