ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ದ್ವಾವಿಂಶತ್ಯಧಿಕಶತತಮಸ್ಸರ್ಗಃ ।
ಏತಚ್ಛ್ರುತ್ವಾಶುಭಂವಾಕ್ಯಂರಾಘವೇಣಾನುಭಾಷಿತಮ್ ।
ತತಶ್ಶುಭತರಂವಾಕ್ಯಂವ್ಯಾಜಹಾರಮಹೇಶ್ವರಃ ॥ 1 ॥
ಪುಷ್ಕರಾಕ್ಷ ಮಹಾಬಾಹೋ ಮಹಾವಕ್ಷ ಪರಂತಪ ।
ದಿಷ್ಟ್ಯಾಕೃತಮಿದಂಕರ್ಮತ್ವಯಾಧರ್ಮಭೃತಾಂವರ ॥ 2 ॥
ದಿಷ್ಟ್ಯಾಸರ್ವಸ್ಯಲೋಕಸ್ಯಪ್ರವೃದ್ಧಂದಾರುಣಂತಮಃ ।
ಅಪಾವೃತ್ತಂತ್ವಯಾಸಂಖ್ಯೇರಾಮರಾವಣಜಂಭಯಮ್ ॥ 3 ॥
ಆಶ್ವಾಸ್ಯಭರತಂದೀನಂಕೌಸಲ್ಯಾಂ ಚ ಯಶಸ್ವಿನೀಮ್ ।
ಕೈಕೇಯೀಂ ಚ ಸುಮಿತ್ರಾಂ ಚ ದೃಷ್ಟವಾಲಕ್ಷ್ಮಣಮಾತರಮ್ ॥ 4 ॥
ಪ್ರಾಪ್ಯರಾಜ್ಯಮಯೋಧ್ಯಾಯಾಂನಂದಯಿತ್ವಾಸುಹೃಜ್ಜನಮ್ ।
ಇಕ್ಷ್ವಾಕೂಣಾಂಕುಲೇವಂಶಂಸ್ಥಾಪಯಿತ್ವಾಮಹಾಬಲ ॥ 5 ॥
ಇಷ್ಟವಾತುರಗಮೇಧೇನಪ್ರಾಪ್ಯಚಾನುತ್ತಮಂಯಶಃ ।
ಬ್ರಾಹ್ಮಣೇಭ್ಯೋಧನಂದತ್ತ್ವಾತ್ರಿದಿವಂಗಂತುಮರ್ಹಸಿ ॥ 6 ॥
ಏಷರಾಜಾದಶರಥೋವಿಮಾನಸ್ಥಃಪಿತಾತವ ।
ಕಾಕುತ್ಸ್ಥಮಾನುಷೇಲೋಕೇಗುರುಸ್ತವಮಹಾಯಶಾಃ ॥ 7 ॥
ಇಂದ್ರಲೋಕಂಗತಃಶ್ರೀಮಾಂಸ್ತ್ವಯಾಪುತ್ರೇಣತಾರಿತಃ ।
ಲಕ್ಷ್ಮಣೇನಸಹಭ್ರಾತ್ರಾತ್ವಮೇಮಮಭಿವಾದಯ ॥ 8 ॥
ಮಹದೇವವಚ್ಶ್ರುತ್ವಾರಾಘವಃಸಹಲಕ್ಷ್ಮಣಃ ।
ಲಕ್ಷ್ಮಣೇನಸಹಭ್ರಾತ್ರಾದದರ್ಶಪಿತರಂಪ್ರಭುಃ ॥ 9 ॥
ದೀಪ್ಯಮಾನಂಸ್ವಯಾಲಕ್ಷ್ಮವಿರಜೋಽಂಭರಧಾರಿಣಮ್ ।
ಲಕ್ಷ್ಮಣೇನಸಹಭ್ರಾತ್ರಾದದರ್ಶಪಿತರಂಪ್ರಭುಃ ॥ 10 ॥
ಹರ್ಷೇಣಮಹತಾವಿಷ್ಟೋವಿಮನಸ್ಥೋಮಹೀಪತಿಃ ।
ಪ್ರಾಣೈಃಪ್ರಿಯತರಂದೃಷ್ಟವಾಪುತ್ರಂದಶರಥಸ್ತದಾ ॥ 11 ॥
ಆರೋಪ್ಯಾಂಕೇಮಹಬಾಹುರ್ವರಾಸನಗತಃಪ್ರಭುಃ ।
ಬಾಹುಭ್ಯಾಂಸಂಪರಿಷ್ವಜ್ಯತತೋವಾಕ್ಯಂಸಮಾದದೇ ॥ 12 ॥
ನ ಮೇಸ್ವರ್ಗೋಬಹುಮತಸ್ಸಮ್ಮಾನಶ್ಚಸುರರ್ಷಭೈಃ ।
ತ್ವಯಾರಾಮವಿಹೀನಸ್ಯಸತ್ಯಂಪ್ರತಿಶೃಣೋಮಿತೇ ॥ 13 ॥
ಅದ್ಯತ್ವಾಂನಿಹತಾಮಿತ್ರಂದೃಷ್ಟವಾಸಂಪೂರ್ಣಮಾನಸಮ್ ।
ನಿಸ್ತೀರ್ಣವನವಾಸಂ ಚ ಪ್ರೀತಿರಾಸೀತ್ಪರಾಮಮ ॥ 14 ॥
ಕೈಕೇಯ್ಯಾಯಾನಿಚೋಕ್ತಾನಿವಾಕ್ಯಾನಿವದತಾಂವರ ।
ತವಪ್ರವ್ರಾಜನಾರ್ಥಾನಿಸ್ಥಿತಾನಿಹೃದಯೇಮಮ ॥ 15 ॥
ತ್ವಾಂತುದೃಷ್ಟವಾಕುಶಲಿನಂಪರಿಷ್ವಜ್ಯಸಲಕ್ಷ್ಮಣಮ್ ।
ಅದ್ಯದುಃಖಾದ್ವಿಮುಕ್ತೋಽಸ್ಮಿನೀಹಾರಾದಿವಭಾಸ್ಕರಃ ॥ 16 ॥
ತಾರಿತೋಽಹಂತ್ವಯಾಪುತ್ರ ಸುಪುತ್ರೇಣಮಹಾತ್ಮನಾ ।
ಅಷ್ಟಾವಕ್ರೇಣಧರ್ಮಾತ್ಮಾಕಹೋಲೋಬ್ರಾಹ್ಮಣೋಯಥಾ ॥ 17 ॥
ಇದಾನೀಂ ಚ ವಿಜಾನಾಮಿಯಥಾಸೌಮ್ಯ ಸುರೇಶ್ವರೈಃ ।
ವಧಾರ್ಥಂರಾವಣಸ್ಯೇಹವಿಹಿತಂಪುರುಷೋತ್ತಮ ॥ 18 ॥
ಸಿದ್ಧಾರ್ಥಾಖಲುಕೌಸಲ್ಯಾಯಾತ್ವಾಂರಾಮ ಗೃಹಂಗತಮ್ ।
ವನಾನ್ನಿವೃತ್ತಂಸಂಹೃಷ್ಟಾದ್ರಕ್ಷ್ಯತೇಶತ್ರುಸೂದನಮ್ ॥ 19 ॥
ಸಿದ್ಧಾರ್ಥಾಃಖಲುತೇರಾಮ ನರಾಯೇತ್ವಾಂಪುರೀಂಗತಮ್ ।
ರಾಜ್ಯೇಚಾವಾಭಿಷಿಕ್ತಂ ಚ ದ್ರಕ್ಷ್ಯಂತೇವಸುಧಾಧಿಪಮ್ ॥ 20 ॥
ಅನುರಕ್ತೇನಬಲಿನಾಶುಚಿನಾಧರ್ಮಚಾರಿಣಾ ।
ಇಚ್ಛೇಯಂತ್ವಾಮಹಂದ್ರಷ್ಟುಂಭರತೇನಸಮಾಗತಮ್ ॥ 21 ॥
ಚತುರ್ದಶಸಮಾಸ್ಸೌಮ್ಯವನೇನಿರ್ಯಾತಿತಾಸ್ತ್ವಯಾ ।
ವಸತಾಸೀತಯಾಸಾರ್ಧಂಲಕ್ಷ್ಮಣೇನ ಚ ಧೀಮತಾ ॥ 22 ॥
ನಿವೃತ್ತವನವಾಸೋಽಸಿಪ್ರತಿಜ್ಞಾಪೂರಿತಾತ್ವಯಾ ।
ರಾವಣಂ ಚ ರಣೇಹತ್ವಾದೇವತಾಃಪರಿತೋಷಿತಾಃ ॥ 23 ॥
ಕೃತಂಕರ್ಮಯಶಶ್ಶ್ಲಾಘ್ಯಂಪ್ರಾಪ್ತಂತೇಶತ್ರುಸೂದನ ।
ಭ್ರಾತೃಭಿಃಸಹರಾಜ್ಯಸ್ಥೋದೀರ್ಘಮಾಯುರವಾಪ್ನುಹಿ ॥ 24 ॥
ಇತಿಬ್ರುವಾಣಂರಾಜಾನಂರಾಮಃಪ್ರಾಂಜಲಿರಬ್ರವೀತ್ ।
ಕುರುಪ್ರಸಾದಂಧರ್ಮಜ್ಞಕೈಕೇಯ್ಯಾಭರತಸ್ಯ ಚ ॥ 25 ॥
ಸಪುತ್ರಾಂತ್ವಾಂತ್ಯಜಾಮೀತಿಯದುಕ್ತಾಕೇಕಯೀತ್ವಯಾ ।
ಸ ಶಾಪಃಕೇಕಯೀಂಘೋರಸ್ಸಪುತ್ರಾಂ ನ ಸ್ಪೃಶೇತ್ಪ್ರಭೋ ॥ 26 ॥
ತಥೇತಿ ಸ ಮಹಾರಾಜೋರಾಮಮುಕ್ತ್ವಾಕೃತಾಂಜಲಿಮ್ ।
ಲಕ್ಷ್ಮಣಂ ಚ ಪರಿಷ್ವಜ್ಯಪುನರ್ವಾಕ್ಯಮುವಾಚ ಹ ॥ 27 ॥
ರಾಮಂಶುಶ್ರೂಷತಾಭಕ್ತ್ಯಾವೈದೇಹ್ಯಾಸಹಸೀತಯಾ ।
ಕೃತಮಮಮಹಾಪ್ರೀತಿಃಪ್ರಾಪ್ತಂಧರ್ಮಫಲಂ ಚ ತೇ ॥ 28 ॥
ಧರ್ಮಂಪ್ರಾಪ್ಸ್ಯಸಿಧರ್ಮಜ್ಞ ಯಶಶ್ಚವಿಪುಲಂಭುವಿ ।
ರಾಮೇಪ್ರಸನ್ನೇಸ್ವರ್ಗಂ ಚ ಮಹಿಮಾನಂತಥೋತ್ತಮಾಮ್ ॥ 29 ॥
ರಾಮಂಶುಶ್ರೂಷಭದ್ರಂತೇಸುಮಿತ್ರಾನಂದವರ್ಧನ ।
ರಾಮಸ್ಸರ್ವಸ್ಯಲೋಕಸ್ಯಸುಭೇಷ್ವಭಿರತಃಸದಾ ॥ 30 ॥
ಏತೇಸೇಂದ್ರಾಸ್ತ್ರಯೋಲೋಕಾಸ್ಸಿದ್ಧಾಶ್ಚಪರಮರ್ಷಯಃ ।
ಅಭಿಗಮ್ಯಮಹಾತ್ಮಾನಮರ್ಚಂತಿಪುರುಷೋತ್ತಮಮ್ ॥ 31 ॥
ಏತತ್ತದುಕ್ತಮವ್ಯಕ್ತಮಕ್ಷರಂಬ್ರಹ್ಮನಿರ್ಮಿತಮ್ ।
ದೇವಾನಾಂಹೃದಯಂಸೌಮ್ಯ ಗುಹ್ಯಂರಾಮಃಪರಂತಪ ॥ 32 ॥
ಅವಾಪ್ತಂಧರ್ಮಚರಣಂಯಶಶ್ಚವಿಪುಲಂತ್ವಯಾ ।
ಏನಂಶುಶ್ರೂಷತಾಭಕ್ತ್ಯಾವೈದೇಹ್ಯಾಸಹಸೀತಯಾ ॥ 33 ॥
ಇತ್ಯುಕ್ತ್ವಾಲಕ್ಷ್ಮಣಂರಾಜಾಸ್ನುಷಾಂಬದ್ಧಾಂಜಲಿಂಸ್ಥಿತಾಮ್ ।
ಪುತ್ರೀತ್ಯಾಭಾಷ್ಯಮಧುರಂಶನೈರೇನಾಮುವಾಚ ಹ ॥ 34 ॥
ಕರ್ತವ್ಯೋ ನ ತುವೈದೇಹೀಮನ್ಯುಸ್ತ್ಯಾಗಮಿಮಂಪ್ರತಿ ।
ರಾಮೇಣೇತ್ವದ್ವಿಶುಧ್ಯರ್ಥಂಕೃತಮೇತದ್ಧಿತೈಷಿಣಾ ॥ 35 ॥
ಸುದುಷ್ಕರಮಿದಂಪುತ್ರಿತವಚಾರಿತ್ರಲಕ್ಷಣಮ್ ।
ಕೃತಂಯತ್ತೇಽನ್ಯನಾರೀಣಾಂಯಶೋಹ್ಯಭಿಭವಿಷ್ಯತಿ ॥ 36 ॥
ನ ತ್ವಂಕಾಮಂಸಮಾಧೇಯಾಭರ್ತೃಶುಶ್ರೂಷಣಂಪ್ರತಿ ।
ಅವಶ್ಯಂತುಮಯಾವಾಚ್ಯಮೇಷತೇದೈವತಂಪರಮ್ ॥ 37 ॥
ಇತಿಪ್ರತಿಸಮಾದಿಶ್ಯಪುತ್ರೌಸೀತಾಂ ಚ ರಾಘವಃ ।
ಇಂದ್ರಲೋಕಂವಿಮಾನೇನಯಯೌದಶರಥೋಜ್ವಲನ್ ॥ 38 ॥
ವಿಮಾನಮಾಸ್ಥಾಯಮಹಾನುಭಾವಃಶ್ರಿಯಾ ಚ ಸಮ್ಹೃಷ್ಟತನ್ನುರ್ನೃಪೋತ್ತಮಃ ।
ಆಮಂತ್ಯಪುತ್ರೌಸಹಸೀತಯಾ ಚ ಜಗಾಮದೇವಪ್ರವರಸ್ಯಲೋಕಮ್ ॥ 39 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ದ್ವಾವಿಂಶತ್ಯಧಿಕಶತತಮಸ್ಸರ್ಗಃ ॥
