ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಅಷ್ಟಾವಿಂಶಸ್ಸರ್ಗಃ ।
ಸಾರಾಣಸ್ಯವಚಶ್ಶ್ರುತ್ವಾರಾವಣಂರಾಕ್ಷಸಾಧಿಪಮ್ ।
ಬಲಮಾದಿಶ್ಯತತ್ಸರ್ವಂಶುಕೋವಾಕ್ಯಮಥಾಬ್ರವೀತ್ ॥ 1 ॥
ಸ್ಥಿತಾನ್ಪಶ್ಯಸಿಯಾನೇತಾನ್ಮತ್ತಾನಿವಮಹಾದ್ವಿಪಾನ್ ।
ನ್ಯಗ್ರೋಧಾನಿವಗಾಂಗೇಯಾನ್ ಸಾಲಾನ್ ಹೈಮವತಾನಿವ ॥ 2 ॥
ಏತೇದುಷ್ಪ್ರಸಹಾರಾಜನ್ಬಲಿನಃಕಾಮರೂಪಿಣಃ ।
ದೈತ್ಯದಾನವಸಂಕಾಶಾಯುದ್ಧೇದೇವಪರಾಕ್ರಮಾಃ ॥ 3 ॥
ಏಷಾಂಕೋಟಿಸಹಸ್ರಾಣಿನವಪಂಚಚಸಪ್ತಚ ।
ತಥಾಶಂಖುಸಹಸ್ರಾಣಿತಥಾಬೃಂದಶತಾನಿಚ ॥ 4 ॥
ಏತೇಸುಗ್ರೀವಸಚಿವಾಃಕಿಷ್ಕಿಂಧಾನಿಲಯಾಸ್ಸದಾ ।
ಹರಯೋದೇವಗಂಧರ್ವೈರುತ್ಪನ್ನಾಃಕಾಮರೂಪಿಣಃ ॥ 5 ॥
ಯೌತೌಪಶ್ಯಸಿತಿಷ್ಠಂತೌಕುಮಾರೌದೇವರೂಪಿಣೌ ।
ಮೈಂದಶ್ಚದ್ವಿವಿದಶ್ಚೋಭೌತಾಭ್ಯಾಂನಾಸ್ತಿಸಮೋಯುಧಿ ॥ 6 ॥
ಬ್ರಾಹ್ಮಣಾಸಮಮಜ್ಞಾತಾವಮೃತಪ್ರಾಶಿನಾಪುಭೌ ।
ಆಶಂಸೇತೇಯುಥಾಲಂಕಾಮೇತೌಮರ್ದಿತುಮೋಜಸಾ ॥ 7 ॥
ಯಂತುಪಶ್ಯಸಿತಿಷ್ಟಂತಂಪ್ರಭಿನ್ನಮಿವಕುಂಜರಮ್ ।
ಯೋಬಲಾತ್ ಕ್ಷೋಭಯೇತ್ ಕ್ರುದ್ಧಸ್ಸಮುದ್ರಮಪಿವಾನರಃ ॥ 8 ॥
ಏಷೋಽಭಿಗಂತಾಲಂಕಾಯಾವೈದೇಹ್ಯಾಸ್ತವಚಪ್ರಭೋಃ ।
ಏನಂಪಶ್ಯಪುರಾದೃಷ್ಟಂವಾನರಂಪುನರಾಗತಮ್ ॥ 9 ॥
ಜ್ಯೇಷ್ಠಃ ಕೇಸರಿಣಃ ಪುತ್ರೋ ವಾತ ಆತ್ಮಜ ಇತಿ ಶ್ರುತಃ ।
ಹನೂಮಾನ್ ಇತಿ ವಿಖ್ಯಾತೋ ಲನ್ಘಿತೋ ಯೇನ ಸಾಗರಃ ॥ 10 ॥
ಕಾಮರೂಪೀಹರಿಶ್ರೇಷ್ಟೋಬಲರೂಪಸಮನ್ವಿತಃ ।
ಅನಿವಾರ್ಯಗತಿಶ್ಚೈವಯಥಾಸತತಗಃಪ್ರಭುಃ ॥ 11 ॥
ಉದ್ಯಂತಭಾಸ್ಕರಂದೃಷ್ಟವಾಬಾಲಃಕಿಲಪಿಪಾಸಿತಃ ।
ತ್ರಿಯೋಜನಸಹಸ್ರಂತುಅಧ್ವಾನಮವತೀರ್ಯಹಿ ॥ 12 ॥
ಆದಿತ್ಯಮಾಹರಿಷ್ಯಾಮಿನಮೇಕ್ಷುತ್ಪ್ರತಿಯಾಸ್ಯತಿ ।
ಇತಿಸಂಚಿಂತ್ಯಮನಸಾಪುರೈಷಬಲದರ್ಪಿತಃ ॥ 13 ॥
ಅನಾಧೃಷ್ಯತಮಂದೇವಮಪಿದೇವರ್ಷಿದಾನವೈಃ ।
ಅನಾಸಾಘೈವಪತಿತೋಭಾಸ್ಕರೋದಯನೇಗಿರೌ ॥ 14 ॥
ಪತಿತಸ್ಯಕಪೇರಸ್ಯಹನುರೇಕಾಶಿಲಾತಲೇ ।
ಕಿಂಚಿದ್ಭಿನ್ನಾದೃಢಹನೋರ್ಹನೂಮಾನೇಷತೇನವೈ ॥ 15 ॥
ಸತ್ಯಮಾಗಮಯೋಗೇನಮಮೈಷವಿದಿತೋಹರಿಃ ।
ನಾಸ್ಯಶಕ್ಯಂಬಲಂರೂಪಂಪ್ರಭಾವೋವಾಽಪಿಭಾಷಿತಮ್ ॥ 16 ॥
ಏಷಆಶಂಸತೇಲಂಕಾಮೇಕೋಮರ್ದಿತುಮೋಜಸಾ ।
ಯೇವಜಾಜ್ವಲ್ಯತೇಽಪೌವೈಧೂಮಕೇತುಸ್ತವಾದ್ಯವೈ ॥ 17 ॥
ಲಂಕಾಯಾಂನಿಹಿತಶ್ಚಾಪಿಕಥಂವಿಸ್ಮರಸೇಕಪಿಮ್ ।
ಯಶ್ಚೈಷೋಽನಂತರಶ್ಶೂರಶ್ಶ್ಯಾಮಃಪದ್ಮನಿಭೇಕ್ಷಣಃ ।
ಇಕ್ಷ್ವಾಕೂಣಾಮತಿರಥೋಲೋಕೇವಿಖ್ಯಾತಪೌರುಷ ॥ 18 ॥
ಯಸ್ಮಿನ್ನಚಲತೇಧರ್ಮೋಯೋಧರ್ಮಂನಾತಿವರ್ತತೇ ।
ಯೋಬ್ರಾಹ್ಮಮಸ್ತ್ರಂವೇದಾಂಶ್ಚವೇದವೇದವಿದಾಂವರಃ ॥ 19 ॥
ಯೋಭಿಂದ್ಯಾದ್ಗಗನಂಬಾಣೈಃಪರ್ವತಾಂಶ್ಚಾಪಿದಾರಯೇತ್ ।
ಯಸ್ಯಮೃತ್ಯೋರಿವಕ್ರೋಧಶ್ಶಕ್ರಸ್ಯೇವಪರಾಕ್ರಮಃ ॥ 20 ॥
ಯಸ್ಯಭಾರ್ಯಾಜನಸ್ಥಾನಾತ್ಸೀತಾಚಾಪಿಹೃತಾತ್ವಯಾ ।
ಸಏಷರಾಮಸ್ತ್ವಾಂಯೋದ್ಧುಂರಾಜನ್ಸಮಭಿವರ್ತತೇ ॥ 21 ॥
ಯಸ್ಯೈಷದಕ್ಷಿಣೇಪಾರ್ಶ್ವೇಶುದ್ಧಜಾಂಬೂನದಪ್ರಭಃ ।
ವಿಶಾಲವಕ್ಷಾಸ್ತಾಮ್ರಾಕ್ಷೋನೀಲಕುಂಜಿತಮೂರ್ಧಜಃ ॥ 22 ॥
ಏಷೋಽಸ್ಯಲಕ್ಷ್ಮಣೋನಾಮಭ್ರಾತಾಪ್ರಾಣಸಮಃಪ್ರಿಯಃ ।
ನಯೇಯುದ್ಧೇಚಕುಶಲಸ್ಸರ್ವಶಸ್ತ್ರಭೃತಂವರಃ ॥ 23 ॥
ಅಮರ್ಷೀದುರ್ಜಯೋಜೇತಾವಿಕ್ರಾಂತೋಬುದ್ಧಿಮಾನ್ ಬಲೀ ।
ರಾಮಸ್ಯದಕ್ಷಿಣೋಬಾಹುರ್ನಿತ್ಯಂಪ್ರಾಣೋಬಹಿಶ್ಚರಃ ॥ 24 ॥
ನಹ್ಯೇಷರಾಘವಸ್ಯಾರ್ಥೇಜೀವಿತಂಪರಿರಕ್ಷತಿ ।
ಏಷೈವಾಶಂಸತೇಯುದ್ಧೇನಿಹಂತುಂಸರ್ವರಾಕ್ಷಸಾನ್ ॥ 25 ॥
ಯಸ್ತುಸವ್ಯಮಸೌಪಕ್ಷಂರಾಮಸ್ಯಾಶ್ರಿತ್ಯತಿಷ್ಠತಿ ।
ರಕ್ಷೋಗಣಪರಿಕ್ಷಿಪ್ತೋರಾಜಾಹ್ಯೇಷವಿಭೀಷಣಃ ॥ 26 ॥
ಶ್ರೀಮತಾರಾಜರಾಜೇನಲಂಕಾಯಾಮಭಿಷೇಚಿತಃ ।
ತ್ವಾಮೇವಪ್ರತಿಸಂರಬ್ದೋಯುದ್ಧಾಯೈಷೋಽಭಿವರ್ತತೇ ॥ 27 ॥
ಯಂತುಪಸ್ಯಸಿತಿಷ್ಠಂತಂಮಧ್ಯೇಗಿರಿಮಿವಾಚಲಮ್ ।
ಸರ್ವಶಾಖಾಮೃಗೇಂದ್ರಾಣಾಂಭರ್ತಾರಮಮಿತೌಜಸಮ್ ॥ 28 ॥
ತೇಜಯಶಸಾಬುದ್ ಧ್ಯಾಜ್ಞಾನೇನಾಭಿಜನೇನಚ ।
ಯಃಕಪೀನತಿಬಭ್ರಾಜಹಿಮವಾನಿವಪರ್ವತಾನ್ ॥ 29 ॥
ಕಿಷ್ಕಿಂಧಾಂಯಸ್ಸಮಧ್ಯಾಸ್ತೇಗುಹಾಂಸಗಹನದ್ರುಮಾಮ್ ।
ದುರ್ಗಾಂಪರ್ವತದುರ್ಗಸ್ತಾಂಪ್ರಧಾನೈಸ್ಸಹಯೂಥಪೈಃ ॥ 30 ॥
ಯಸ್ಯೈಷಾಕಾಂಚನೀಮಾಲಾಶೋಭಿತೇಶತಪುಷ್ಕರಾ ।
ಕಾಂತಾದೇವಮನುಷ್ಯಾಣಾಂಯಸ್ಯಾಂಲಕ್ಷ್ಮೀಪ್ರತಿಷ್ಠಿತಾ ॥ 31 ॥
ಏತಾಂಚಮಾಲಾಂತಾರಾಂಚಕಪಿರಾಜ್ಯಂಚಶಾಶ್ವತಮ್ ।
ಸುಗ್ರೀವೋವಾಲಿನಂಹತ್ವಾರಾಮೇಣಪ್ರತಿಪಾದಿತಃ ॥ 32 ॥
ಶತಂಶತಸಹಸ್ರಾಣಾಂಕೋಟಿಮಾಹುರ್ಮನೀಷಿಣಃ ।
ಶತಂಕೋಟಿಸಹಸ್ರಾಣಾಂಶಂಕುಃ ಇತ್ಯಭಿಧೀಯತೇ ॥ 33 ॥
ಶತಂಶಂಕುಸಹಸ್ರಾಣಾಂಮಹಾಶಂಕುಃ ಇತಿಸ್ಮೃತಃ ॥ 34 ॥
ಮಹಾಶಂಕುಸಹಸ್ರಾಣಾಂಶತಂಬೃಂದಮಿಹೋಚ್ಯತೇ ।
ಶತಂಬೃಂದಸಹಸ್ರಾಣಾಂಮಹಾವೃಂದಮಿತಿಸ್ಮೃತಮ್ ॥ 35 ॥
ಮಹಾಬೃಂದಸಹಸ್ರಾಣಾಂಶತಂಪದ್ಮಮಿಹೋಚ್ಯತೇ ।
ಶತಂಪದ್ಮಸಹಸ್ರಾಣಾಂಮಹಾಪದ್ಮಮಿತಿಸ್ಮೃತಿಮ್ ॥ 36 ॥
ಮಹಾಪದ್ಮಸಹಸ್ರಾಣಾಂಶತಂಖರ್ವಮಿಹೋಚ್ಯತೇ ।
ಶತಂಖರ್ವಸಹಸ್ರಾಣಾಂಮಹಾಖರ್ವಮಿವೋಚ್ಯತೇ ॥ 37 ॥
ಮಹಾಖರ್ವಸಹಸ್ರಾಣಾಂ ಸಮುದ್ರಮಭಿಧೀಯತೇ ।
ಶತಂ ಸಮುದ್ರಸಾಹಸ್ರಮೋಘ ಇತ್ಯಭಿಧೀಯತೇ ॥ 38 ॥
ಶತಮೋಘಸಹಸ್ರಾಣಾಂ ಮಹೌಘ ಇತಿ ವಿಶ್ರುತಃ ।
ಏವಂ ಕೋಟಿ ಸಹಸ್ರೇಣ ಶನ್ಕೂನಾಂ ಚ ಶತೇನ ಚ ॥ 39 ॥
ಮಹಾಶಂಕುಸಹಸ್ರೇಣತಥಾಬೃಂದಶತೇನಚ ।
ಮಹಾಬೃಂದಸಹಸ್ರೇಣತಥಾಪದ್ಮಶತೇನಚ ॥ 40 ॥
ಹಾಪದ್ಮಸಹಸ್ರೇಣತಥಾಖರ್ವಶತೇನಚ ।
ಸಮುದ್ರೇಣಚತೇನೈವಮಹೌಘೇನತಥೈವಚ ॥ 41 ॥
ಏಷಕೋಟಿಮಹೌಘೇನಸಮುದ್ರಸದೃಶೇನಚ ।
ವಿಭೀಷಣೇನಸಚಿವೈಃರಾಕ್ಷಸೈಃಪರಿವಾರಿತಃ ॥ 42 ॥
ಸುಗ್ರೀವೋವಾನರೇಂದ್ರಸ್ತ್ವಾಂಯುದ್ಧಾರ್ಥಮಮವರ್ತತೇ ।
ಮಹಾಬಲವೃತೋನಿತ್ಯಂಮಹಾಬಲಪರಾಕ್ರಮಃ ॥ 43 ॥
ಇಮಾಂಮಹಾರಾಜಸಮೀಕ್ಷ್ಯವಾಹಿನೀಮುಪಸ್ಥಿತಾಂಪ್ರಜ್ವಲಿತಗ್ರಹೋಪಮಾಮ್ ।
ತತಃಪ್ರಯತ್ನಃಪರಮೋವಿಧೀಯತಾಂಯಥಾಜಯಸ್ಸ್ಯಾನ್ನಪರೈಃಪರಾಜಯಃ ॥ 44 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಅಷ್ಟಾವಿಂಶಸ್ಸರ್ಗಃ ॥
