ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ಏಕಚತ್ವಾರಿಂಶಸ್ಸರ್ಗಃ ।
ಅಥತಸ್ಮಿನ್ನಿಮಿತ್ತಾನಿದೃಷ್ಟವಾಲಕ್ಷ್ಮಣಪೂರ್ವಜಃ ।
ಸುಗ್ರೀವಂಸಂಪರಿಷ್ವಜ್ಯತಥಾವಚನಮಬ್ರವೀತ್ ॥ 1 ॥
ಅಸಂತ್ಱ್ಯಮಯಾಸಾರ್ಥಂತದಿದಂಸಾಹಸಂಕೃತಮ್ ।
ಏವಂಸಾಹಸುಕ್ತಾನಿನಕುರ್ವಂತಿಜನೇಶ್ವರಾಃ ॥ 2 ॥
ಸಂಶಯೇಸ್ಥಾಪ್ಯಮಾಂಚೇದಂಬಲಂಚಸವಿಭೀಷಣಮ್ ।
ಕಷ್ಟಂಕೃತಮಿದಂವೀರ ಸಾಹಸಂಸಾಹಸಪ್ರಿಯ ॥ 3 ॥
ಇದಾನೀಂಮಾಕೃಥಾವೀರ ಏವಂವಿಧಮಚಿಂತಿತಮ್ ।
ತ್ವಯಿಕಿಂಚಿತ್ಸಮಾಪನ್ನೇಕಿಂಕಾರ್ಯಂಸೀತಯಾಮಮ ॥ 4 ॥
ಭರತೇನಮಹಾಬಾಹೋ ಲಕ್ಷ್ಮಣೇನಯವೀಯಸಾ ।
ಶತ್ರುಘ್ನೇನಚಶತ್ರುಘ್ನಸ್ವಶರೀರೇಣವಾಪುನಃ ॥ 5 ॥
ತ್ವಯಿಚಾನಾಗತೇಪೂರ್ವಮಿತಿಮೇನಿಶ್ಚಿತಾಮತಿಃ ।
ಜಾನತಶ್ಚಾಪಿತೇವೀರ್ಯಂಮಹೇಂದ್ರವರುಣೋಸಮ ॥ 6 ॥
ಹತ್ವಾಽಹಂರಾವಣಂಯುದ್ಧೇಸಪುತ್ರಬಲವಾಹನಮ್ ।
ಅಭಿಷಿಚ್ಯಚಲಂಕಾಯಾಂವಿಭೀಷಣಮಥಾಪಿಚ ॥ 7 ॥
ಭರತೇರಾಜ್ಯಮಾವೇಶ್ಯತ್ಯಕ್ಷ್ಯೇದೇಹಂಮಹಾಬಲ ।
ತಮೇವಂವಾದಿನಂರಾಮಂಸುಗ್ರೀವಃಪ್ರತ್ಯಭಾಷತ ॥ 8 ॥
ತವಭಾರ್ಯಾಪಹರ್ತಾರಂದೃಷ್ಟವಾರಾಘವ ರಾವಣಮ್ ।
ಮರ್ಷಯಾಮಿಕಥಂವೀರಜಾನಪೌರುಷಮಾತ್ಮನಃ ॥ 9 ॥
ಇತ್ಯೇವಂವಾದಿನಂವೀರಮಭಿನಂದ್ಯಚರಾಘವಃ ।
ಲಕ್ಷ್ಮಣಂಲಕ್ಷೀಸಂಪನ್ನಮಿದಂವಚನಮಬ್ರವೀತ್ ॥ 10 ॥
ಪರಿಗೃಹ್ಯೋದಕಂಶೀತಂವನಾನಿಫಲವಂತಿಚ ।
ಬಲೌಘಂಸಂವಿಭಜ್ಯೇಮಂವ್ಯೂಹ್ಯತಿಷ್ಠೇಮಲಕ್ಷ್ಮಣ ॥ 11 ॥
ಲೋಕಕ್ಷಯಕರಂಭೀಮಂಭಯಂಪಶ್ಯಾಮ್ಯುಪಸ್ಥಿತಮ್ ।
ನಿಬರ್ಹಣಂಪ್ರವೀರಾಣಾಮೃಕ್ಷವಾನರರಕ್ಷಸಾಮ್ ॥ 12 ॥
ವಾತಾಶ್ಚಹಿಪರುಷಾಂವಾಂತಿಕಂಪತೇಚವಸುಂಧರಾ ।
ಪರ್ವತಾಗ್ರಾಣಿವೇಪಂತೇಪತಂತಿಧರಣೀಧರಾಃ ॥ 13 ॥
ಮೇಘಾಃಕ್ರವಾದಸಂಕಾಶಾಃಪರುಷಾಃಪರುಷಸ್ವನಾಃ ।
ಕ್ರೂರಾಃಕ್ರೂರಂಪ್ರವರ್ಷಂತಿಮಿಶ್ರಂಶೋಣಿತಬಿಂದುಭಿಃ ॥ 14 ॥
ರಕ್ತಚಂದನಸಂಕಾಶಾಸಂಧ್ಯಾಪರಮದಾರುಣಾ ।
ಜ್ವಲಚ್ಚನಿಪತತ್ಯೇತದಾದಿತ್ಯಾದಗ್ನಿಮಂಡಲಮ್ ॥ 15 ॥
ಆದಿತ್ಯಮಭಿವಾಶ್ಯಂತಿಜನಯಂತೋಮಹದ್ಭಯಮ್ ।
ದೀನಾದೀನಸ್ವರಾಃಘೋರಾನಪ್ರಶಸ್ತಾಮೃಗದ್ವಿಜಾಃ ॥ 16 ॥
ರಜನ್ಯಾಮಪ್ರಕಾಶಶ್ಚಸಂತಾಪಯತಿಚಂದ್ರಮಾಃ ।
ಕೃಷ್ಣರಕ್ತಾಂಶುಪರ್ಯಂತೋಯಥಾಲೋಕಸ್ಯಸಂಕ್ಷ್ಯೇ ॥ 17 ॥
ಹ್ರಸ್ವೋರೂಕ್ಷೋಽಪ್ರಶಸ್ತಶ್ಚಪರಿವೇಷಸ್ಸುಲೋಹಿತಃ ।
ಆದಿತ್ಯಮಂಡಲೇನೀಲಂಲಕ್ಷ್ಮಲಕ್ಷ್ಮಣ ದೃಶ್ಯತೇ ॥ 18 ॥
ದೃಶ್ಯಂತೇನಯಥಾವಚ್ಛನಕ್ಷತ್ರಾಣ್ಯಭಿವರ್ತತೇ ।
ಯುಗಾಂತಮಿವಲೋಕಸ್ಯಪಶ್ಯಲಕ್ಷ್ಮಣ ಶಂಸತಿ ॥ 19 ॥
ಕಾಕಾಶ್ಯೇನಾಸ್ತಥಾಗೃಧ್ರಾನೀಚೈಃಪರಿಪತಂತಿಚ ।
ಶಿವಾಶ್ಚಾಪ್ಯಶಿವಾವಾಚಃಪ್ರವದಂತಿಮಹಾಸ್ವನಾಃ ॥ 20 ॥
ಕ್ಷಿಪ್ರಮದ್ಯದುರಾಧರ್ಷಾಂಲಂಕಾಂರಾವಣಪಾಲಿತಾಮ್ ।
ಅಭಿಯಾಮಜವೇನೈವಸರ್ವತೋಹರಿಭಿರ್ವೃತಾಃ ॥ 21 ॥
ಶೈಲೈಃಶೂಲೈಶ್ಚಖಡಗೈಶ್ಚವಿಮುಕ್ಸ್ಸೈಃಕಪಿರಾಕ್ಷಸೈಃ ।
ಭವಿಷ್ಯತ್ಯಾವೃತಾಭೂಮಿರ್ಮಾಂಸಶೋಣಿತಕರ್ದಮಾ ॥ 22 ॥
ಇತ್ಯೇವಂತುವದವನೀರ್ವೋಲಕ್ಷ್ಮಣಂಲಕ್ಷ್ಮಣಾಗ್ರಜಃ ।
ತಸ್ಮಾದವಾತರಚ್ಛೀಘ್ರಂಪರ್ವತಾಗ್ರಾನ್ಮಹಾಬಲಃ ॥ 23 ॥
ಅವತೀರ್ಯಚಧರ್ಮಾತ್ಮಾತಸ್ಮಾಚ್ಛೈಲಾತ್ಸರಾಘವಃ ।
ಪರೈಃಪರಮದುರ್ಧರ್ಷಂದದರ್ಶಬಲಮಾತ್ಮನಃ ॥ 24 ॥
ಸನ್ನಹ್ಯತುಸಸುಗ್ರೀವಃಕಪಿರಾಜಬಲಂಮಹತ್ ।
ಕಾಲಜ್ಞೋರಾಘವಃಕಾಲೇಸಂಯುಗಾಯಾಭ್ಯಚೋದಯತ್ ॥ 25 ॥
ತತಃಕಾಲೇಮಹಾಬಾಹುರ್ಬಲೇನಮಹತಾವೃತಃ ।
ಪ್ರಸ್ಥಿತಃಪುರತೋಧವನೀಲಂಕಾಮಭಿಮುಖಃಪುರೀಮ್ ॥ 26 ॥
ತಂ ವಿಭೀಷಣ ಸುಗ್ರೀವೌ ಹನೂಮಾನ್ ಜಾಂಬವಾನ್ ನಲಃ ।
ಋಕ್ಷ ರಾಜಸ್ ತಥಾ ನೀಲೋ ಲಕ್ಷ್ಮಣಶ್ ಚ ಅನ್ಯಯುಸ್ ತದಾ ॥ 27 ॥
ತತಃಪಶಚಾತ್ಸುಮಹತೀಪೃತನರ್ ಕ್ಷವನೌಕಸಾಮ್ ।
ಪ್ರಚ್ಛಾದ್ಯಮಹತೀಂಭೂಮಿಮನುಯಾತಿಸ್ಮರಾಘವಮ್ ॥ 28 ॥
ಶೈಲಶೃಂಗಾಣಿಶತಶಃಪ್ರವೃದ್ಧಾಂಶ್ಚಮಹೀರುಹಾನ್ ।
ಜಗೃಹುಃಕುಂಜರಪ್ರಖ್ಯಾವಾನರಾಃಪರವಾರಣಾಃ ॥ 29 ॥
ತೌತ್ವದೀರ್ಘೇಣಕಾಲೇನಭ್ರಾತರೌರಾಮಲಕ್ಷ್ಮಣೌ ।
ರಾವಣಸ್ಯಪುರೀಂಲಂಕಾಮಸೇದತುರರಿಂದಮೌ ॥ 30 ॥
ಪತಾಕಾಮಾಲಿನೀಂರಮ್ಯಾಮುದ್ಯಾನವನಶೋಭಿತಾಮ್ ।
ಚಿತ್ರವಪ್ರಾಸುದುಷ್ಪ್ರಾಪಮುಚ್ಚೈಃಪ್ರಾಕಾರತೋರಣಾಮ್ ॥ 31 ॥
ತಾಂಸುರೈರಪಿದುರ್ಧರ್ಷಾಂರಾಮವಾಕ್ಯಪ್ರಚೋದಿತಾಃ ।
ಯಥಾನಿದೇಶಂಸಂಪೀಡ್ಯನ್ಯವಿಶಂತವನೌಕಸಃ ॥ 32 ॥
ಲಂಕಾಯಾಸ್ತೂತ್ತರಂದ್ವಾರಂಶೈಲಶೃಂಗಮಿವೋನ್ನತಮ್ ।
ರಾಮಃಸಹಾನುಜೋಧನ್ವೀಜುಗೋಪಚರುರೋಧಚ ॥ 33 ॥
ಲಂಕಾಮುಪನಿವಿಷ್ಟಸ್ತುರಾಮೋದಶರಥಾತ್ಮಜಃ ।
ಲಕ್ಷ್ಮಣಾನುಚರೋವೀರಃಪುರೀಂರಾವಣಪಾಲಿತಾಮ್ ॥ 34 ॥
ಉತ್ತರದ್ವಾರಮಾಸಾದ್ಯಯತ್ರತಿಷ್ಠತಿರಾವಣಃ ।
ನಾನ್ಯೋರಾಮಾದ್ಧಿತದ್ ದ್ವಾರಂಸಮರ್ಥಃಪರಿರಕ್ಷಿತುಮ್ ॥ 35 ॥
ರಾವಣ ಅಧಿಷ್ಠಿತಂ ಭೀಮಂ ವರುಣೇನ ಇವ ಸಾಗರಮ್ ।
ಸಾಯುಧೌ ರಾಕ್ಷಸೈರ್ ಭೀಮೈರ್ ಅಭಿಗುಪ್ತಂ ಸಮಂತತಃ ॥ 36 ॥
ವಿನ್ಯಸ್ತಾನಿಚಯೋಧಾನಾಂಬಹೂನಿವಿವಿಧಾನಿಚ ।
ದದರ್ಶಾಽಯುಧಜಾಲಾನಿತತ್ರೈವಕವಚಾನಿಚ ॥ 37 ॥
ಪೂರ್ವಂತುದ್ವಾರಮಾಸಾದ್ಯನೀಲೋಹರಿಚಮೂಪತಿಃ ।
ಅತಿಷ್ಠತ್ಸಹಮೈಂದೇನದ್ವಿವಿದೇನಚವೀರ್ಯವಾನ್ ॥ 38 ॥
ಅಂಗದೋದಕ್ಷಿಣದ್ವಾರಂಜಗ್ರಾಹಸುಮಹಾಬಲಃ ।
ಋಷಭೇಣಗವಾಕ್ಷೇಣಗಜೇನಗವಯೇನಚ ॥ 39 ॥
ಹನುಮಾನ್ ಪಶ್ಚಿಮದ್ವಾರಂರರಕ್ಷಬಲವಾನ್ಕಪಿಃ ।
ಪ್ರಮಾಥಿಪ್ರಷುಭ್ಯಾಂಚವೀರೈರನ್ಯೈಶ್ಚಸಂಗತಃ ॥ 40 ॥
ಮಧ್ಯಮೇಚಸ್ವಯಂಗುಲ್ಮೇಸುಗ್ರೀವಸ್ಸಮತಿಷ್ಠತ ।
ಸಹಸರ್ವೈರ್ಹರಿಶ್ರೇಷ್ಠೈಸ್ಸುಪರ್ಣಶ್ವಸನೋಪಮೈಃ ॥ 41 ॥
ವಾನರಾಣಾಂತುಷಟಿತ್ರಂಶತ್ಕೋಟ್ಯಃಪ್ರಖ್ಯಾತಯೂಥಪಾಃ ।
ನಿಪೀಡ್ಯೋಪನಿವಿಷ್ಟಾಶ್ಚಸುಗ್ರೀವೋಯತ್ರವಾನರಃ ॥ 42 ॥
ಶಾಸನೇನತುರಾಮಸ್ಯಲಕ್ಷ್ಮಣಸ್ಸವಿಭೀಷಣಃ ।
ದ್ವಾರೇದ್ವಾರೇಹರೀಣಾಂತುಕೋಟಿಂಕೋಟಿಂನ್ಯವೇಶಯೇತ್ ॥ 43 ॥
ಪಶ್ಚಿಮೇನತುರಾಮಸ್ಯಸುಷೇಣಃಸಹಜಾಂಬವಾನ್ ॥ 44 ॥
ಆದೂರಾನ್ಮಧ್ಯಮೇಗುಲ್ಮೇತಸ್ಥೌಬಹುಬಲಾನುಗಃ ।
ತೇತುವಾನರಶಾರ್ಧೂಲಾಃಶಾರ್ದೂಲಾಇವದಂಷ್ಟ್ರಿಣಃ ॥ 45 ॥
ಗೃಹೀತ್ವಾದ್ರುಮಶೈಲಾಗ್ರಾನ್ಹೃಷ್ಟಾಯುದ್ಧಾಯತಸ್ಥಿರೇ ।
ಸರ್ವೇವಿಕೃತಲಾಂಗೂಲಾಸ್ಸರ್ವೇದಂಷ್ಟ್ರಾನಖಾಯುಧಾಃ ॥ 46 ॥
ಸರ್ವೇವಿಕೃತಚಿತ್ರಾಂಗಾಸ್ಸರ್ವೇಚವಿಕೃತಾನನಾಃ ।
ದಶನಾಗಬಲಾಃಕೇಚಿತ್ಕೇಚಿದ್ಧಶಗುಣೋತ್ತರಾಃ ॥ 47 ॥
ಕೇಚಿನ್ನಾಗಸಹಸ್ರಸ್ಯಬಭೂವುಸ್ತುಲ್ಯವಿಕ್ರಮಾಃ ।
ಸಂತಿಚೌಘಬಲಾಃಕೇಚಿತ್ಕೇಚಿಚ್ಛತಗುಣೋತ್ತರಾಃ ॥ 48 ॥
ಅಪ್ರಮೇಯಬಲಾಶ್ಚಾನ್ಯೇತತ್ರಾಸನ್ಹರಿಯೂಥಪಾಃ ಅದ್ಭುತಶ್ಚವಿಚಿತ್ರಶ್ಚತೇಷಾಮಾಸೀತ್ಸಮಾಗಮಃ ॥ 49 ॥
ತತ್ರವಾನರಸೈನ್ಯಾನಾಂಶಲಭಾನಾಮಿವೋದ್ಯಮಃ ।
ಪ್ರತಿಪೂರ್ಣಮಿವಾಕಾಶಂಸಂಛನ್ನೇವಚಮೇದಿನೀ ॥ 50 ॥
ಲಂಕಾಪುಮನಿವಿಷ್ಟೈಶ್ಚಸಂಪತದ್ಭಿಶ್ಚವಾನರೈಃ ।
ಶತಂಶತಸಹಸ್ರಾಣಾಂಪೃಥಗೃಕ್ಷವನೌಕಸಾಮ್ ॥ 51 ॥
ಲಂಕಾದ್ವಾರಾಙಯುಪಾಜಗ್ಮುರನ್ಯೇಯೋದ್ಧುಂಸಮಂತತಃ ।
ಆವೃತಸ್ಸಗಿರಿಸ್ಸರ್ವೈಸ್ಸೈಸ್ಸಮಂತಾತ್ ಪ್ಲವಂಗಮೈಃ ॥ 52 ॥
ಅಯುತಾನಾಂಸಹಸ್ರಂಚಪುರೀಂತಾಮಭ್ಯವರ್ತತ ।
ವಾನರೈರ್ಬಲವದ್ಭಿಶ್ಚಬಭೂವದ್ರುಮಪಾಣಿಭಿಃ ॥ 53 ॥
ಸಮ್ವೃತಾಸರ್ವತೋಲಂಕಾದುಷ್ಪ್ರವೇಶಾಽಪಿವಾಯುನಾ ।
ರಾಕ್ಷಸಾವಿಸ್ಮಯಂಜಗ್ಮುಃಸಹಸಾಽಭಿನಿಪೀಡಿತಾಃ ॥ 54 ॥
ವಾನರೈರ್ಮೇಘಸಂಕಾಶೈಶ್ಶಕ್ರತುಲ್ಯಪರಾಕ್ರಮೈಃ ।
ಮಹಾನ್ ಶಬ್ದೋಽಭವತ್ತತ್ರಬಲೌಘಸ್ಯಾಭಿವರ್ತತಃ ॥ 55 ॥
ಸಾಗರಸ್ಯೇವಭಿನ್ನಸ್ಯಯಥಾಸ್ಯಾತ್ಸಲಿಲಸ್ವನಃ ।
ತೇನಶಬ್ದೇನಮಹತಾಸಪ್ರಾಕಾರಾಸತೋರಣಾ ॥ 56 ॥
ಲಂಕಾಪ್ರಚಲಿತಾಸರ್ವಾಸಶೈಲವನಕಾನನಾ ।
ರಾಮಲಕ್ಷ್ಮಣಗುಪ್ತಾಸಾಸುಗ್ರೀವೇಣಚವಾಹಿನೀ ॥ 57 ॥
ಬಭೂವದುರ್ಧರ್ಷತರಾಸರ್ವೈರಪಿಸುರಾಸುರೈಃ ।
ರಾಘವಃಸನ್ನಿವೇಶ್ಯೈವಂಸ್ವಸೈನ್ಯಂರಕ್ಷಸಾಂವಧೇ ॥ 58 ॥
ಸಮ್ಮಂತ್ಱ್ಯಮಂತ್ರಿಭಿಸ್ಸಾರ್ಥಂನಿಶ್ಚಿತ್ಯಚಪುನಃಪುನಃ ।
ಆನಂತರ್ಯಮಭಿಪ್ರೇಪ್ಸುಃಕ್ರಮಯೋಗಾರ್ಥತತ್ತ್ವವಿತ್ ॥ 59 ॥
ವಿಭೀಷಣಸ್ಯಾನುಮತೇರಾಜಧರ್ಮಮನುಸ್ಮರನ್ ।
ಅಂಗದಂವಾಲಿತನಯಂಸಮಾಹೂಯೇದಮಬ್ರವೀತ್ ॥ 60 ॥
ಗತ್ವಾಸೌಮ್ಯ ದಶಗ್ರೀವಂಬ್ರೂಹಿಮದ್ವಚನಾತ್ಕಪೇ ।
ಲಂಘಯಿತ್ವಾಪುರೀಂಲಂಕಾಂಭಯಂತ್ಯಕ್ತ್ವಾಗತವ್ಯಧಃ ॥ 61 ॥
ಭ್ರಷ್ಟಶ್ರೀಕ ಗತೈಶ್ವರ್ಯ ಮುಮೂರ್ಷೋ ನಷ್ಟಚೇತನಃ ।
ಋಷೀಣಾಂದೇವತಾನಾಂಚಗಂಧರ್ವಾಪ್ಸರಸಾಂತಥಾ ॥ 62 ॥
ನಾಗಾನಾಮಥಯಕ್ಷಾಣಾಂರಾಜ್ಞಾಂಚರಜನೀಚರ ।
ಯಚ್ಚಪಾಪಂಕೃತಂಮೋಹಾದವಲಿಪ್ತೇನರಾಕ್ಷಸ ॥ 63 ॥
ನೂನಂತೇವಿಗತೋದರ್ಪಃಸ್ವಯಂಭುವರದಾನಜಃ ।
ತಸ್ಯಪಾಪಸ್ಯಸಂಪ್ರಾಪ್ತಾವ್ಯುಷ್ಟಿರದ್ಯದುರಸದಾ ॥ 64 ॥
ತಸ್ಯದಂಡಧರಸ್ತೇಽಹಂದಾರಾಹರಕರ್ಶಿತಃ ।
ದಂಡಂಧಾರಯಮಾಣಸ್ತುಲಂಕಾದ್ವಾರೇವ್ಯವಸ್ಥಿತಃ ॥ 65 ॥
ಪದವೀಂದೇವತಾನಾಂಚಮಹರ್ಷೀಣಾಂಚರಾಕ್ಷಸ ।
ರಾಜರ್ಷೀಣಾಂಚಸರ್ವೇಷಾಂಗಮಿಷ್ಯಸಿಮಯಾಹತಃ ॥ 66 ॥
ಬಲೇನಯೇನವೈಸೀತಾಂಮಾಯಯಾರಾಕ್ಷಸಾಧಮ ।
ಯಾಮತಿಕ್ರಾಮಯಿತ್ವಾತ್ವಂಹೃತವಾಂಸ್ತದ್ವಿದರ್ಶಯ ॥ 67 ॥
ಅರಾಕ್ಷಸಮಿಮಂಲೋಕಂಕರ್ತಾಸ್ಮಿನಿಶಿತೈಃಶರೈಃ ।
ನಚೇಚ್ಛರಣಮಭ್ಯೇಷಿತಾಮಾದಾಯತುಮೈಥಿಲೀಮ್ ॥ 68 ॥
ಧರ್ಮಾತ್ಮಾರಾಕ್ಷಸಶ್ರೇಷ್ಠಃಸಂಪ್ರಾಪ್ತೋಽಯಂವಿಭೀಷಣಃ ।
ಲಂಕೈಶ್ವರ್ಯಂಧೃವಂಶ್ರೀಮಾನಯಂಪ್ರಾಪ್ನೋತ್ಯಕಂಡಕಮ್ ॥ 69 ॥
ನಹಿರಾಜ್ಯಮಧರ್ಮೇಣಭೋಕ್ತುಂಕ್ಷಣಮಪಿತ್ವಯಾ ।
ಶಕ್ಯಂಮೂರ್ಖಸಹಾಯೇನಪಾಪೇನಾವಿದಿತಾತ್ಮನಾ ॥ 70 ॥
ಯುಧ್ಯಸ್ವವಾಧೃತಿಂಕೃತ್ವಾಶೌರ್ಯಮಾಲಂಬ್ಯರಾಕ್ಷಸ ।
ಮಚ್ಛರೈಸ್ತ್ವಂರಣೇಶಾಂತಸ್ತತಃಶಾಂತೋಭವಿಷ್ಯಸಿ ॥ 71 ॥
ಯದ್ವಾವಿಶಸಿಲೋಕಾಂಸ್ತ್ರೀನ್ಪಕ್ಷೀಭೂತೋಮನೋಜವಃ ।
ಮಮಚಕ್ಷುಷ್ಪಥಂಪ್ರಾಪ್ಯನಜೀವನ್ಪ್ರತಿಯಾಸ್ಯಸಿ ॥ 72 ॥
ಬ್ರವೀಮಿತ್ವಾಂಹಿತಂವಾಕ್ಯಂಕ್ರಿಯತಾಮೌರ್ಧ್ವದೈಹಿಕಮ್ ।
ಸುದೃಷ್ಟಾಕ್ರಿಯತಾಂಲಂಕಾಜೀವಿತಂತೇಮಯಿಸ್ಥಿತಮ್ ॥ 73 ॥
ಇತ್ಯುಕ್ತಃಸತುತಾರೇಯೋರಾಮೇಣಾಕ್ಲಿಷ್ಟಕರ್ಮಣಾ ।
ಜಗಾಮಾಕಾಶಾಮಾವಿಶ್ಯಮೂರ್ತಿಮಾನಿವಹವ್ಯವಾಟ್ ॥ 74 ॥
ಸೋಽತಿಪತ್ಯಮುಹೂರ್ತೇನಶ್ರೀಮಾನ್ರಾವಣಮಂದಿರಮ್ ।
ದದರ್ಶಾಸೀನಮವ್ಯಗ್ರಂರಾವಣಂಸಚಿವೈಃಸಹ ॥ 75 ॥
ತತಸ್ ತಸ್ಯ ಅವಿದೂರೇಣ ನಿಪತ್ಯ ಹರಿ ಪುಮ್ಗವಃ ।
ದೀಪ್ತ ಅಗ್ನಿ ಸದೃಶಸ್ ತಸ್ಥಾವ್ ಅನ್ಗದಹ್ ಕನಕ ಅನ್ಗದಃ ॥ 76 ॥
ತದ್ರಾಮವಚನಂಸರ್ವಮನ್ಯೂನಾಧಿಕಮುತ್ತಮಮ್ ।
ಸಾಮಾತ್ಯಂಶ್ರಾವಯಾಮಾಸನಿವೇದ್ಯಾತ್ಮಾನಮಾತ್ಮನಾ ॥ 77 ॥
ದೂತೋಽಹಂಕೋಶಲೇಂದ್ರಸ್ಯರಾಮಸ್ಯಾಕ್ಲಿಷ್ಟಕರ್ಮಣಃ ।
ವಾಲಿಪುತ್ರೋಽಂಗದೋನಾಮಯದಿತೇಶ್ರೋತ್ರಮಾಗತಃ ॥ 78 ॥
ಅಹತ್ವಾಂರಾಘವೋರಾಮಃಕೌಸಲ್ಯಾನಂದವರ್ಧನಃ ।
ನಿಷ್ಪತ್ಯಪ್ರತಿಯುಧ್ಯಸ್ವನೃಶಂಸ ಪುರುಷೋಭವ ॥ 79 ॥
ಹಂತಾಸ್ಮಿತ್ವಾಂಸಹಾಮಾತ್ಯಂಸಪುತ್ರಜ್ಞಾತಿಬಾಂಧವಮ್ ।
ನಿರುದ್ವಿಗ್ನಾಸ್ತ್ರಯೋಲೋಕಾಭವಿಷ್ಯಂತಿಹತೇತ್ವಯಿ ॥ 80 ॥
ದೇವದಾನವಯಕ್ಷಾಣಾಂಗಂಧರ್ವೋರಗರಕ್ಷಸಾಮ್ ।
ಶತ್ರುಮದ್ಯೋದ್ಧರಿಷ್ಯಾಮಿತ್ವಾಮೃಷೀಣಾಂಚಕಂಟಕಮ್ ॥ 81 ॥
ವಿಭೀಷಣಸ್ಯಚೈಶ್ವರ್ಯಂಭವಿಷ್ಯತಿಹತೇತ್ವಯಿ ।
ನಚೇತ್ಸತ್ಕೃತ್ಯವೈದೇಹೀಂಪ್ರಣಿಪತ್ಯಪ್ರದಾಸ್ಯಸಿ ॥ 82 ॥
ಇತ್ಯೇವಂಪರುಷಂವಾಕ್ಯಂಬ್ರುವಾಣೇಹರಿಪುಂಗವೇ ।
ಅಮರ್ಷವಶಮಾಪನ್ನೋನಿಶಾಚರಗಣೇಶ್ವರಃ ॥ 83 ॥
ತತಸ್ಸರೋಷತಾಮ್ರಾಕ್ಷಶ್ಶಶಾಪಸಚಿವಾಂನ್ನೋಸ್ತದಾ ।
ಗೃಹ್ಯತಾಮೇಷದುರ್ಮೇಧಾವಧ್ಯತಾಮಿತಿಚಾಸಕೃತ್ ॥ 84 ॥
ರಾವಣಸ್ಯವಚ್ಶುತ್ವಾದೀಪ್ತಾಗ್ನಿಸಮತೇಜಸಾ ।
ಜಗೃಹುಸ್ತಂತತೋಘೋರಾಶ್ಚತ್ವಾರೋರಜನೀಚರಾಃ ॥ 85 ॥
ಗ್ರಾಹಯಾಮಾಸತಾರೇಯಸ್ಸ್ವಯಮಾತ್ಮನಮಾತ್ಮವಾನ್ ।
ಬಲಂದರ್ಶಯಿತುಂವೀರೋಯಾತುಧಾನಗಣೇತದಾ ॥ 86 ॥
ಸತಾನ್ಬಾಹುದ್ವಯಾಸಕ್ತಾನಾದಾಯಪತಗಾನಿವ ।
ಪ್ರಾಸಾದಂಶೈಲಸಂಕಾಮುತ್ಪಪಾತಾಂಗದಸ್ತದಾ ॥ 87 ॥
ತೇಂತರಿಕ್ಷಾದ್ವಿನಿರ್ಧೂತಾಸ್ತಸ್ಯವೇಗೇನರಾಕ್ಷಸಾಃ ।
ಭೂಮೌನಿಪತಿತಾಃಸರ್ವೇರಾಕ್ಷಸೇಂದ್ರಸ್ಯಪಶ್ಯತಃ ॥ 88 ॥
ತತಃಪ್ರಾಸಾದಶಿಖರಂಶೈಲಶೃಂಗಮಿವೋನ್ನತಮ್ ।
ದದರ್ಶರಾಕ್ಷಸೇಂದ್ರಸ್ಯವಾಲಿಪುತ್ರಃಪ್ರತಾಪವಾನ್ ॥ 89 ॥
ತತ್ಪಫಾಲಪದಾಕ್ರಾಂತಂದಶಗ್ರೀವಸ್ಯಪಶ್ಯತಃ ।
ಪುರಾಹಿಮವತಶ್ಶೃಂಗಂವಜ್ರಿಣೇವವಿದಾರಿತಮ್ ॥ 90 ॥
ಭಙ್ ಕ್ತ್ವಾಪ್ರಾಸಾದಶಿಖರಂನಾಮವಿಶ್ರಾವ್ಯಚಾತ್ಮನಃ ।
ವಿನದ್ಯಸುಮಹಾನಾದಮುತ್ಪಪಾತವಿಹಾಯಸಮ್ ॥ 91 ॥
ವ್ಯಥಯನ್ರಾಕ್ಷಸಾನ್ಸರ್ವಾನ್ಹರ್ಷಯಂಶ್ಚಾಪಿವಾನರಾನ್ ।
ಸವಾನರಾಣಾಂಮಧ್ಯೇತುರಾಮಪಾರ್ಶ್ವಮುಪಾಗತಃ ॥ 92 ॥
ರಾವಣಸ್ತುಪರಂಚಕ್ರೇಕ್ರೋಧಂಪ್ರಾಸಾದಧರ್ಷಣಾತ್ ।
ವಿನಾಶಂಚಾತ್ಮನಃಪಶ್ಯನ್ನಿಶ್ಶ್ವಾಸಪರಮೋಽಭವತ್ ॥ 93 ॥
ರಾಮಸ್ತುಬಹುಭಿರ್ಹೃಷ್ಟರ್ನಿನದದ್ಭಿಃಪ್ಲವಂಗಮೈಃ ।
ವೃತೋರಿಪುವಧಾಕಾಂಕ್ಷೀಯುದ್ಧಾಯೈವಾಭ್ಯವರ್ತತ ॥ 94 ॥
ಸುಷೇಣಸ್ತುಮಹಾವೀರ್ಯೋಗಿರಿಕೂಟೋಪಮೋಹರಿಃ ।
ಬಹುಭಿಃಸಮ್ವೃತಸ್ತತ್ರವಾನರೈಃಕಾಮರೂಪಿಭಿಃ ॥ 95 ॥
ಸಚತುರ್ದ್ವಾರಾಣಿಸರ್ವಾಣಿಸುಗ್ರೀವವಚನಾತ್ಕಪಿಃ ।
ಪರ್ಯಕ್ರಾಮತದುರ್ಧರ್ಷೋನಕ್ಷತ್ರಾಣೀವಚಂದ್ರಮಾಃ ॥ 96 ॥
ತೇಷಾಮಕ್ಷೌಹಿಣಿಶತಂಸಮವೇಕ್ಷ್ಯವನೌಕಸಾಮ್ ।
ಲಂಕಾಮುಪನಿವಿಷ್ಟಾನಾಂಸಾಗರಂಚಾನಿವರ್ತತಾಮ್ ॥ 97 ॥
ರಾಕ್ಷಸಾವಿಸ್ಮಯಂಜಗ್ಮುಸ್ತ್ರಾಸಂಜಗ್ಮುಸ್ತಥಾಪರೇ ।
ಅಪರೇಸಮರೋಧ್ಧರ್ಷಾದ್ಧರ್ಷಮೇವಪ್ರಪೇದಿರೇ ॥ 98 ॥
ಕೃತ್ಸ್ನಂಹಿಕಪಿಭಿರ್ವ್ಯಾಪ್ತಂಪ್ರಾಕಾರಪರಿಖಾಂತರಮ್ ।
ದದೃಶೂರಾಕ್ಷಸಾದೀನಾಃಪ್ರಾಕಾರಂನಾನರೀಕೃತಮ್ ॥ 99 ॥
ಹಾಹಾಕಾರಂಪ್ರಕುರ್ವಂತಿರಾಕ್ಷಸಾಭಯಮೋಹಿತಾಃ ।
ತಸ್ಮಿನ್ ಮಹಾಭೀಷಣಕೇಪ್ರವೃತ್ತೇಕೋಲಾಹಲೇರಾಕ್ಷಸರಾಜಧಾನ್ಯಾಮ್ ।
ಪ್ರಗೃಹ್ಯರಕ್ಷಾಂಸಿಮಹಾಯುಧಾನಿಯುಗಾಂತವಾತಾಇವಸಂವಿಚೇರುಃ ॥ 100 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ಏಕಚತ್ವಾರಿಂಶಸ್ಸರ್ಗಃ ॥
