ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಂಡಮ್ ।
ಅಥ ವಿಂಶತ್ಯಧಿಕಶತತಮಸ್ಸರ್ಗಃ ।
ತತೋಹಿದುರ್ಮನಾರಾಮ್ಶ್ರುತ್ವೈವಂವದತಾಂಗಿರಃ ।
ದಧ್ಯೌಮುಹೂರ್ತಂಧರ್ಮಾತ್ಮಾಬಾಷ್ಪವ್ಯಾಕುಲಲೋಚನಃ ॥ 1 ॥
ತತೋವೈಶ್ರವಣೋರಾಜಾಯಮಶ್ಚಪಿತೃಭಿಃಸಹ ।
ಸಹಸ್ರಾಕ್ಷಶ್ಚದೇವೇಶೋವರುಣಶ್ಚಜಲೇಶ್ವರಃ ॥ 2 ॥
ಷಡರ್ಧನಯನ್ಶ್ರೀಮಾನ್ಮಹಾದೇವೋವೃಷಧ್ವಜಃ ।
ಕರ್ತಾಸರ್ವಸ್ಯಲೋಕಸ್ಯಬ್ರಹ್ಮಾಬ್ರಹ್ಮವಿದಾಂವರಃ ॥ 3 ॥
ಏತೇಸರ್ವೇಸಮಾಗಮ್ಯವಿಮಾನೈಸ್ಸೂರ್ಯಸನ್ನಿಭೈಃ ।
ಆಗಮ್ಯನಗರೀಂಲಂಕಾಮಭಿಜಗ್ಮುಶ್ಚರಾಘವಮ್ ॥ 4 ॥
ತತಃಸಹಸ್ತಾಭರಣಾನ್ಪ್ರಗೃಹ್ಯವಿಪುಲಾನ್ಭುಜಾನ್ ।
ಅಬ್ರುವಂಸ್ತ್ರಿದಶಶ್ರೇಷ್ಠಾರಾಘವಂಪ್ರಾಂಜಲಿಂಸ್ಥಿತಮ್ ॥ 5 ॥
ಕರ್ತಾಸರ್ವಸ್ಯಲೋಕಸ್ಯಶ್ರೇಷ್ಠೋಜ್ಞಾನವತಾಂಪ್ರಭುಃ ।
ಉಪೇಕ್ಷಸೇಕಥಂಸೀತಾಂಪತಂತೀಂಹವ್ಯವಾಹನೇ ॥ 6 ॥
ಕಥಂದೇವಗಣಶ್ರೇಷ್ಠಮಾತ್ಮಾನಂನಾವಬುದ್ಧ್ಯಸೇ ।
ಋತಧಾಮಾವಸುಃಪೂರ್ವಂವಸೂನಾಂ ಚ ಪ್ರಜಾಪತಿಃ ॥ 7 ॥
ತ್ರಯಾಣಾಮಪಿಲೋಕಾನಾಮಾದಿಕರ್ತಾಸ್ವಯಂಪ್ರಭುಃ ।
ರುದ್ರಾಣಾಮಷ್ಟಮೋರುದ್ರಸ್ಸಾಧ್ಯಾನಾಮಪಿಪಂಚಮಃ ॥ 8 ॥
ಅಶ್ವಿನೌಚಾಪಿಕರ್ಣೌತೇಸೂರ್ಯಚಂದ್ರಾಮಸೌದೃಶೌ ।
ಅಂತೇಚಾದೌ ಚ ಲೋಕಾನಾಂದೃಶ್ಯಸೇ ಚ ಪರಂತಪ ॥ 9 ॥
ಉಪೇಕ್ಷಸೇ ಚ ವೈದೇಹೀಂಮಾನುಷಃಪ್ರಾಕೃತೋಯಥಾ ।
ಇತ್ಯುಕ್ತೋಲೋಕಪಾಲೈಸ್ತೈಸ್ಸ್ವಾಮೀಲೋಕಸ್ಯರಾಘವಃ ॥ 10 ॥
ಅಬ್ರವೀತ್ತ್ರಿದಶಶ್ರೇಷ್ಠಾನ್ರಾಮಧರ್ಮಭೃತಾಂವರಃ ।
ಆತ್ಮಾನಂಮಾನುಷಂಮನ್ಯೇರಾಮಂದಶರಥಾತ್ಮಜಮ್ ॥ 11 ॥
ಸೋಽಹಂಯಸ್ಯಯತಶ್ಚಾಹಂಭಗವವಂಸ್ತದ್ಭ್ರವೀತುಮೇ ।
ಇತಿಬ್ರುವಾಣಂಕಾಕುತ್ಸ್ಥಂಬ್ರಹ್ಮಾಬ್ರಹ್ಮವಿದಾಂವರಃ ॥ 12 ॥
ಅಬ್ರವೀಚ್ಛ್ರುಣುಮೇವಾಕ್ಯಂಸತ್ಯಂಸತ್ಯಪರಾಕ್ರಮ ।
ಭವಾನ್ನಾರಾಯಣೋದೇವಃಶ್ರೀಮಾಂಶ್ಚಕ್ರಾಯುಧಃಪ್ರಭುಃ ॥ 13 ॥
ಏಕಶೃಂಗೋವರಾಹಸ್ತ್ವಂಭೂತಭವ್ಯಸಪತ್ನಜಿತ್ ।
ಅಕ್ಷರಂಬ್ರಹ್ಮಸತ್ಯಂ ಚ ಮಧ್ಯೇಚಾಂತೇ ಚ ರಾಘವ ॥ 14 ॥
ಲೋಕಾನಾಂತ್ವಂಪರೋಧರ್ಮೋವಿಷ್ವಕ್ಸೇನಶ್ಚತುರ್ಭುಜಃ ।
ಶಾರ್ಙ್ಗಧನ್ವಾಹೃಷೀಕೇಶಃಪುರುಷಃಪುರುಷೋತ್ತಮಃ ॥ 15 ॥
ಅಜಿತಃಖಂಗದೃಗ್ವಿಷ್ಣುಃಕೃಷ್ಣಶ್ಚೈವಮಹಾಬಲಃ ।
ಸೇನಾನೀರ್ಗ್ರಾಮಣೀಶ್ಚತ್ವಂತ್ವಂಬುದ್ಧಿಸ್ತ್ವಂಕ್ಷಮಾದಮಃ ॥ 16 ॥
ಪ್ರಭವಶ್ಚಾಪ್ಯಯಶ್ಚತ್ವಮುಪೇಂದ್ರೋಮಧುಸೂದನಃ ।
ಇಂದ್ರಕರ್ಮಾಮಹೇಂದ್ರಸ್ತ್ವಂಪದ್ಮನಾಭೋರಣಾಂತಕೃತ್ ॥ 17 ॥
ಶರಣ್ಯಂಶರಣಂ ಚ ತ್ವಾಮಾಹುರ್ದಿವ್ಯಾಮಹರ್ಷಯಃ ।
ಸಹಸ್ರಶೃಂಗೋವೇದಾತ್ಮಾಶರಶೀರ್ಷೋಮಹರ್ಷಭಃ ॥ 18 ॥
ತ್ವಂತ್ರಯಾಣಾಂಹಿಲೋಕಾನಾಮಾದಿಕರ್ತಾಸ್ವಯಂಪ್ರಭುಃ ।
ಸಿದ್ಧಾನಾಮಪಿಸಾಧ್ಯಾನಾಮಾಶ್ರಯಶ್ಚಾಸಿಪೂರ್ವಜಃ ॥ 19 ॥
ತ್ವಮ್ಯಜ್ಞಸ್ತ್ವಂವಷಟಕಾರಸ್ತ್ವಮೋಂಕಾರಃಪರಾತ್ಪರಃ ॥ 20 ॥
ಪ್ರಭವಂನಿಧನಂವಾತೇನೋವಿದುಃಕೋಭವಾನಿತಿ ।
ದೃಶ್ಯಸೇಸರ್ವಭೂತೇಷುಗೋಷು ಚ ಬ್ರಾಹ್ಮಣೇಷು ಚ ॥ 21 ॥
ದಿಕ್ಷುಸರ್ವಾಸುಗಗನೇಪರ್ವತೇಷುನದೀಷು ಚ ।
ಸಹಸ್ರಚರಣ್ಶ್ರೀಮಾನ್ ಶತಶೀರ್ಷಸ್ಸಹಸ್ರದೃಕ್ ॥ 22 ॥
ತ್ವಂಧಾರಯಸಿಭೂತಾನಿಪೃಥಿವೀಂ ಚ ಸಪರ್ವತಾಮ್ ।
ಅಂತೇಪೃಥಿವ್ಯಾಃಸಲಿಲೇದೃಶ್ಯಸೇತ್ವಂಮಹೋರಗಃ ॥ 23 ॥
ತ್ರೀನ್ಲೋಕಾಂಧಾರಯನ್ ರಾಮ ದೇವಗಂಧರ್ವದಾನವಾನ್ ।
ಅಹಂತೇಹೃದಯಂರಾಮಜಿಹ್ವಾದೇವೀಸರಸ್ವತೀ ॥ 24 ॥
ದೇವಾರೋಮಾಣಿಗಾತ್ರೇಷುಬ್ರಹ್ಮಣಾನಿರ್ಮಿತಾಃಪ್ರಭೋ ।
ನಿಮೇಷಸ್ತೇಸ್ಮೃತಾರಾತ್ರಿರುನ್ಮೇಷೋದಿವಸಸ್ತಥಾ ॥ 25 ॥
ಸಂಸ್ಕಾರಾಸ್ತ್ವಭವನ್ವೇದಾನೈತದಸ್ತಿತ್ವಯಾವಿನಾ ।
ಜಗತ್ಸರ್ವಂಶರೀರಂತೇಸ್ಥೈರ್ಯಂತೇವಸುಥಾತಲಮ್ ॥ 26 ॥
ಅಗ್ನಿಃಕೋಪಃಪ್ರಸಾದಸ್ತೇಸೋಮ್ಶ್ರೀವತ್ಸಲಕ್ಷಣಃ ।
ತ್ವಯಾಲೋಕಾಸ್ತ್ರಯಃಕ್ರಾಂತಾಃಪುರಾಸ್ವೈರ್ವಿಕ್ರಮೈಸ್ತ್ರಿಭಿಃ ॥ 27 ॥
ಮಹೇಂಧ್ರಶ್ಚಕೃತೋರಾಜಾಬಲಿಂಬದ್ಧ್ವಾಸುದಾರುಣಮ್ ।
ಸೀತಾಲಕ್ಷ್ಮೀರ್ಭವಾನ್ ವಿಷ್ಣುರ್ದೇವಃಕೃಷ್ಣಃಪ್ರಜಾಪತಿಃ ॥ 28 ॥
ವಧಾರ್ಥಂರಾವಣಸ್ಯೇಹಪ್ರವಿಷ್ಟೋಮಾನುಷೀಂತನುಮ್ ।
ತದಿದಂನಸ್ತ್ವಯಾಕಾರ್ಯಂಕೃತಂಧರ್ಮಭೃತಾಂವರ ॥ 29 ॥
ನಿಹತೋರಾವಣೋರಾಮಪ್ರಹೃಷ್ಟೋದಿವಮಾಕ್ರಮ ।
ಅಮೋಘಂದೇವವೀರ್ಯಂತೇ ನ ತೇಮೋಘಾಃಪರಾಕ್ರಮಾಃ ॥ 30 ॥
ಅಮೋಘಂದರ್ಶನಂರಾಮಾಮೋಘಸ್ತವಸಂಸ್ತವಃ ।
ಅಮೋಘಾಸ್ತೇಭವಿಷ್ಯಂತಿಭಕ್ತಿಮಂತೋನರಾಭುವಿ ॥ 31 ॥
ಯೇತ್ವಾಂದೇವಂಧ್ರುವಂಭಕ್ತಾಃಪುರಾಣಂಪುರುಷೋತ್ತಮಮ್ ।
ಪ್ರಾಪ್ನುವಂತಿಸದಾಕಾಮನಿಹಲೋಕೇಪರತ್ರ ಚ ॥ 32 ॥
ಇಮಮಾರ್ಷಂಸ್ತವಂದಿವ್ಯಮಿತಿಹಾಸಂಪುರಾತನಮ್ ॥ 33 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಂಡೇ ವಿಂಶತ್ಯಧಿಕಶತತಮಸ್ಸರ್ಗಃ ॥
